Coimbatore - Dinakaran

திமுக வெற்றியால் தொண்டர்கள் உற்சாகம்

பொள்ளாச்சி, மே 24: பொள்ளாச்சி உடுமலை ரோட்டில் உள்ள மகாலிங்கம் பொறியியல் கல்லூரி மையத்தில், நேற்று மக்களவை தேர்தலுக்கான வாக்கு எண்ணிக்கை நடந்தது. வாக்கு எண்ணிக்கையை அறிய, உடுமலைரோட்டில் ஆங்காங்கே திமுக, அதிமுக, மக்கள் நீதி மய்யம், நாம் தமிழர் கட்சியினர், அமமுகவினர் என பல்வேறு கட்சிகளை சேர்ந்த தொண்டர்கள் கூடிநின்றனர். இதில், காலையில் வாக்கு எண்ணிக்கை துவங்கி, முதல் சுற்று முடிந்தபோது திமுக வேட்பாளர் சண்முகசுந்தரம் பிற வேட்பாளர்களை காட்டிலும் அதிக வாக்குகள் பெற்று முன்னிலையில் உள்ளார் என்ற தகவல் கிடைத்ததும், வாக்கு எண்ணிக்கை மையத்தின் வெளியே நின் திமுக தொண்டர்கள் உற்சாகமடைந்து கோஷம் எழுப்பினர். அதன் பின் தொடர்ந்து அடுத்தடுத்து சுற்றிலும் திமுக முன்னணி நிலவரமறிந்து, திமுகவினர் மற்றும் கூட்டணி கட்சியினர் பலர் உடுமலை ரோடு வழியாக வந்த பொதுமக்களுக்கு இனிப்பு வழங்கி, பட்டாசு வெடித்து கொண்டாடினர்.   திமுக வேட்பாளர் சண்முகசுந்தரம் வெற்றிபெற்றத்தையடுத்து, உடனே திமுக தொண்டர்கள் பொதுமக்களுக்கு நன்றி தெரிவிக்கும் விதமாக, வாகனங்களில் ஊர்வலமாக வந்தனர். அப்போது தொண்டர்கள் பலர் சண்முகசுந்தரத்தை, தங்களின் தோளில் தூக்கி கொண்டு, ஊர்வலமாக வந்து கொண்டாடினர்.பொள்ளாச்சி சண்முகசுந்தரம் பேட்டிபொள்ளாச்சி தொகுதியில் திமுக சார்பில் போட்டியிட்டு வெற்றி பெற்ற சண்முகசுந்தரம்  கூறியதாவது: நாளைய தமிழகத்திற்கு ஸ்டாலின் முதலமைச்சராக வேண்டும் என்று கூறி மக்கள் எனக்கு வாக்களித்துள்ளனர். அடுத்த 25 ஆண்டுகாலம் திமுகவுக்கு மக்கள் வாக்களிக்க தயாராக உள்ளனர். வரும் சட்டமன்ற தேர்தலில் திமுக வேட்பாளர் வெற்றிக்கு உழைக்க பொள்ளாச்சி திமுக., தொண்டர்கள் தயாராக உள்ளனர். பொள்ளாச்சி மக்களவை தொகுதியில் எனக்கு வாக்களித்த மக்களுக்கு நன்றி. எடப்பாடி ஆரசை வீட்டுக்கு அனுப்ப வேண்டும் என்ற நோக்கத்தில் மக்கள் என்னை வெற்றி பெற செய்துள்ளனர். இவ்வாறு சண்முகசுந்தரம் கூறினார்.

நாம் தமிழர் கட்சியை பின்னுக்கு தள்ளிய மய்யம்

பொள்ளாச்சி, மே 24:   பொள்ளாச்சி மக்களவை தொகுதியில் திமுக, அதிமக, அமமுக, நாம்தமிழர் கட்சி,  மக்கள் நீதி மய்யம், பகுஜன்சமாஜ் கட்சிகள் மற்றும் சுயேட்சை என மொத்தம் 14  பேர் போட்டியிட்டனர். நேற்று நடந்த வாக்கு எண்ணிகையின் போது, திமுக அதிக  வாக்கு வித்தியாசத்தில் வெற்றிபெற்றது.  இதில் நாம்தமிழர் கட்சி  வேட்பாளராக சனுஜா   31,488 வாக்கு பெற்றார்.  மக்கள் நீதி மய்யம் வேட்பாளர்  மூகாம்பிகா 59,693 வாக்குகள் பெற்றார். நாம் தமிழர் கட்சி, மக்கள்  நீதி மய்யத்தைவிட குறைவான வாக்கை பெற்றுள்ளது.

கோயில் விழாவில் தகராறு பெண்கள் உட்பட 6 பேர் மீது வழக்கு

கோவை, மே 24:கோவை  சேதுவாய்க்கால் செக்போஸ்ட் யை சேர்ந்தவர் பிரதீப்பின் மனைவி கவிதா(27). இவர் போத்தனூர் போலீஸ் நிலையத்தில் புகார் மனு அளித்தார். அதில் எங்கள் பகுதியில் மாரியம்மன் கோயில் திருவிழா நடைபெற்றது. அப்போது ஒரு சிலர் தகராறில் ஈடுபட்டனர். அதனை தட்டி கேட்ட என்னை தகாத வார்த்தையால் பேசி தாக்கினர். எனவே அவர்கள் மீது உரிய நடவடிக்கை எடுக்க வேண்டும் என்று தெரிவித்திருந்தார்.  அதன் பேரில், போலீசார் செல்வபுரம் பகுதியை சேர்ந்த மதிவாணன், குணவதி, முருகன், சந்தியா, தக்கர், சந்தான லட்சுமி ஆகிய 6 பேர் மீது வழக்கு பதிவு செய்து விசாரணை மேற்கொண்டு வருகின்றனர்.

கோவை ஸ்டுடியோவில் ரூ.1.65 லட்சம் மோசடி

கோவை, மே 24: கோவை-திருச்சி ரோட்டில் போட்டோ ஸ்டுடியோ செயல்பட்டு வருகிறது. இங்கு திருமணம் மற்றும் இதர விசேஷங்களுக்கு ஆர்டரின் பேரில் புகைப்படம், வீடியோ எடுக்கப்பட்டு டெலிவரி செய்யப்படும். இந்த நிறுவனத்தில் பணிபுரியும் ஊழியர்கள் அனிதா, ஜாகீர் உசேன், மரிய அந்தோணி ஆகிய 3 பேர் ரூ.1 லட்சத்து 65 ஆயிரம் ரூபாயை மோசடி செய்ததாக நிறுவன மேலாளர் நவீன் பிரகாஷ்(30) என்பவர் போலீசில் புகார் அளித்தார். அதன்படி ரேஸ்கோர்ஸ் போலீசார் அவர்கள் 3 பேர் மீதும் வழக்குபதிவு செய்து விசாரித்து வருகின்றனர்.

பலத்த போலீஸ் பாதுகாப்புடன் மக்களவை தேர்தல் வாக்கு எண்ணிக்கை

பொள்ளாச்சி, மே 24: பொள்ளாச்சி மக்களவை தொகுதியில் பொள்ளாச்சி, வால்பாறை(தனி), மடத்துக்குளம், உடுமலை, கிணத்துக்கடவு, தொண்டாமுத்தூர் உள்ளிட்ட 6 சட்டமன்ற தொகுதிக்குட்பட்ட மொத்தமுள்ள 1691 வாக்குச்சாவடிகளில், கடந்த ஏப்ரல் மாதம் 18ம் தேதி வாக்குப்பதிவு நடந்தது. வாக்குப்பதிவு நிறைவடைந்ததும், அனைத்து வாக்குச்சாவடிகளில் உள்ள மின்னணு வாக்குப்பதிவு இயந்திரங்கள் அனைத்தும், பொள்ளாச்சி மகாலிங்கம் பொறியியல் கல்லூரியில், ஒவ்வொரு சட்டமன்ற தொகுதி வாரியாக தனித்தனி அறையில் அடுக்கி வைக்கப்பட்டிருந்தது.வாக்கு எண்ணிக்கை நடந்த மையமான மகாலிங்கம் பொறியியல் கல்லூரியில்,  துணை ராணுவத்தினர், தமிழ்நாடு சிறப்பு படையினர், உள்ளூர் போலீசார் என பலத்த பாதுகாப்பில் ஈடுபட்டிருந்தனர். அடையாள அட்டை வைத்திருந்தவர்கள் மட்டும் வாக்கு எண்ணும் மைய பகுதிக்கு அனுமதிக்கப்பட்டிருந்தனர். கண்காணிப்பை பலப்படுத்த போலீஸ் பாதுகாப்பு மட்டுமின்றி, சிசிடிவி கேமரா அமைக்கப்பட்டிருந்தது. மக்களவை தேர்தலுக்கான வாக்கு எண்ணிக்கை நேற்று காலை 8 மணிக்கு துவங்கியது. அப்போது, தனி அறையில் வைக்கப்பட்டிருந்த தபால் ஓட்டுக்கள் பிரிக்கப்பட்டு வேட்பாளர் சின்னம் அடங்கிய அடங்கிய தனித்தனி பாக்சில் போடப்பட்டது. முன்னதாக, பொள்ளாச்சி மக்களவை தொகுதி தேர்தல் நடத்தும் அலுவலரும் மாவட்ட வருவாய் அலுவலருமான ராமதுரைமுருகன்,  துணை தேர்தல் நடத்தும் அலுவலர்கள் மற்றும் முவர்களின் முன்னிலையில் மின்னணு வாக்குப்பதிவு வைக்கப்பட்டிருந்த அறை திறக்கப்பட்டது.அறையில் இருந்த சீல் அகற்றப்பட்டு, அங்கிருந்த மின்னணு வாக்குப்பதிவு இயந்திரங்கள் வாக்கு எண்ணும் மையத்துக்கு பாதுகாப்புடன் கொண்டு செல்லப்பட்டது. காலை 8.15 மணியளவில் முதல் சுற்று துவங்கியது. ஆனால் முதல்சுற்று நிலவரம் வெளியிட காலதாமதம் ஆனது. இதையடுத்து அதிகாரிகளை கண்டித்து, பத்திரிகையாளர்கள் பலர், வாக்கு எண்ணும் மைய வளாகத்தின் ஒரு பகுதியில் தரையில் அமர்ந்து தர்ணாவில் ஈடுபட்டனர்.இதையறிந்த டிஎஸ்பி., சிவக்குமார் மற்றும் தேர்தல் நடத்தும் அலுவலர்கள் சிலர் சம்பவ இடத்துக்கு விரைந்து, பத்திரிகையாளர்களை சமாதானம் செய்து, விரைந்து தகவல் கொடுப்பதற்கான ஏற்படு செய்யப்படும் என உறுதி அளித்தனர். அதன் பிறகே, தர்ணாவில் ஈடுபட்டவர்கள் அங்கிருந்து கலைந்தனர்.   இச்சம்பவத்தால், வாக்கு எண்ணிக்கை நடைபெற்ற பகுதியில் சிறிதுநேரம் பரபரப்பு ஏற்பட்டது.இதையடுத்து, அதிகார பூர்வமாக 10 மணிக்கு முதல் சுற்று நிலவரம் அறிவிக்கப்பட்டது. ஒவ்வொரு சுற்றின் முடிவின்போதும், வேட்பாளர்களுக்கு கிடைத்த வாக்குகள் விவரம் குறித்து கம்ப்யூட்டரில் பதிவு செய்யப்பட்டு, இணையதளத்தில் வெளியிடப்பட்டது. மக்களவை தொகுதிக்குட்பட்ட 6 சட்டமன்ற தொகுதிக்கான வாக்கு எண்ணிக்கை நடைபெற்ற அறைகளில் வெப்கேமரா கொண்டு கண்காணிக்கப்பட்டது.  வாக்கு எண்ணிக்கை மையத்தில் வெளியே நின்ற வேட்பாளர்களின் முகவர்கள் மற்றும் முக்கிய அரசியல் பிரமுகர்கள், எந்த வேட்பாளர் எத்தனை வாக்குகள் வாங்கியுள்ளனர், என்பது குறித்து தெரிந்து கொள்ளும் வகையில், ஆங்காங்கே ஒலிபெருக்கி அமைக்கப்பட்டிருந்தது. இதில், திமுக வேட்பாளர் சண்முகசுந்தரம் தொடர்ந்து முன்னிலை பெற்று வந்த நிலையில், அதிமுக, அமமுக உள்ளிட்ட கட்சியினர் பலர், வாக்கு எண்ணிக்கை நடைபெற்ற இடத்திலிருந்து வெளியேறினர்.

கோவை ஸ்டுடியோவில் ரூ.1.65 லட்சம் மோசடி

கோவை, மே 24:கோவை ஸ்டுடியோவில் ரூ.1 லட்சத்து 65 ஆயிரம் மோசடி செய்ததாக ஊழியர்கள் 3 பேர் மீது வழக்கு பதிவு செய்யப்பட்டுள்ளது. கோவை-திருச்சி ரோட்டில் போட்டோ ஸ்டுடியோ செயல்பட்டு வருகிறது. இங்கு திருமணம் மற்றும் இதர விசேஷங்களுக்கு ஆர்டரின் பேரில் புகைப்படம், வீடியோ எடுக்கப்பட்டு டெலிவரி செய்யப்படும். இந்த நிறுவனத்தில் பணிபுரியும் ஊழியர்கள் அனிதா, ஜாகீர் உசேன், மரிய அந்தோணி ஆகிய 3 பேர் ரூ.1 லட்சத்து 65 ஆயிரம் ரூபாயை மோசடி செய்ததாக நிறுவன மேலாளர் நவீன் பிரகாஷ்(30) என்பவர் போலீசில் புகார் அளித்தார். அதன்படி ரேஷ்கோர்ஸ் போலீசார் அவர்கள் 3 பேர் மீதும் வழக்குபதிவு செய்து விசாரித்து வருகின்றனர்.

சிறுமுகை அருகே பவானி ஆற்றில் மூழ்கி ஒரே குடும்பத்தை சேர்ந்த 3 பேர் பலி

மேட்டுப்பாளையம், மே 24: கோவை மாவட்டம் மேட்டுப்பாளையத்தை அடுத்த சிறுமுகை அருகே பவானி ஆற்றில் மூழ்கி ஒரே குடும்பத்தை சேர்ந்த 3 பேர் பலியாகினர். கோவையை அடுத்த அன்னூர் ருத்திரியம்பாளையத்தை சேர்ந்தவர் முருகேஷ்(50). விவசாயி.  இவர் சிறுமுகை அருகே காந்தவயல் பகுதியில் உள்ள நிலத்தில் விவசாயம் செய்து வந்தார். ேநற்று காலை முருகேஷ், தனது மகள் கவுரி(22), அண்ணன் மகன் பிரதீப்(19) ஆகியோருடன் காந்தவயல் சென்றார். அங்கு விவசாய நிலத்தை பார்வையிட்ட 3 பேரும் மதியம் அருகில் இருந்த பவானி ஆற்றில் குளிக்கச்சென்றனர். அப்போது ஆற்றின் நடுவே குளித்த பிரதீப் எதிர்பாராத விதமாக நீரில் மூழ்கி பலியானார். அவரை காப்பாற்ற முயன்ற முருகேஷ், கவுரி இருவரும் நீரில் மூழ்கி உயிரிழந்தனர். இதை கண்ட அக்கம், பக்கத்தினர் மேட்டுப்பாளையம் தீயணைப்பு நிலையத்திற்கு தகவல் அளித்தனர். தீயணைப்பு நிலைய அலுவலர் ( பொறுப்பு) பாலகிருஷ்ணன் தலைமையிலான தீயணைப்பு வீரர்கள் மற்றும் சிறுமுகை போலீசார் சம்பவ இடத்திற்கு விரைந்து சென்றனர். முருகேஷ், பிரதீப் ஆகியோரின் உடல்களை மீட்டு மேட்டுப்பாளையம் அரசு மருத்துவமனைக்கு அனுப்பி வைத்தனர். கவுரியின் உடலை இரவு 7 மணிவரை தேடினர். வனவிலங்கு நடமாட்டம் உள்ள பகுதி என்பதாலும், இருள் கவிழ்ந்த நேரம் என்பதாலும் கவுரியின் உடலை தேடும் பணியை தொடர முடியாமல் நிறுத்தினர். மீண்டும் இன்று காலை தங்களது பணியை தொடர உள்ளதாக  தீயணைப்பு வீரர்கள் தெரிவித்தனர். சிறுமுகை போலீசார் வழக்குப்பதிவு செய்து மேலும் விசாரணை நடத்தி வருகின்றனர்.

சிறு தொழில்கள் பாதுகாக்க நடவடிக்கை எடுக்கப்படும்

கோவை, ேம 24: கோவை மக்களவை தொகுதியில் மார்க்சிஸ்ட் கம்யூனிஸ்ட் கட்சி வேட்பாளர் பி.ஆர்.நடராஜன் 5,70,514 வாக்கு பெற்று வெற்றி பெற்றுள்ளார். இதனை தொடர்ந்து அவர் கோவையில் நேற்று செய்தியாளர்களிடம் கூறியதாவது: கோவை மக்களவை தொகுதியில் ஒரு லட்சத்து 82 ஆயிரத்திற்கும் கூடுதலாக வாக்குகள் அளித்து மாபெரும் வெற்றியை அளித்த வாக்காளர்களுக்கு எங்களின் அணியின் சார்பில் நன்றியை தெரிவித்து கொள்கிறேன். தமிழகத்தில் மிகப்பெரிய மாற்றம் வேண்டும் என்ற கருத்தோடு தமிழக மக்கள் வாக்களித்துள்ளனர். மோடியின் மதவாத அரசியல் மற்றும் ஜிஎஸ்டிக்கு எதிராக தமிழக மக்கள் வாக்களித்துள்ளனர். எதிர்காலத்தில் மாவட்ட வளர்ச்சி பணிகளில் அக்கறை செலுத்துவோம். நாங்கள் ஏற்கனவே தெரிவித்தது போல், கோவை சிறு தொழிலை பாதுகாக்க ஜாப் ஆர்டர் ஜிஎஸ்டி ரத்து செய்ய தமிழக எம்.பிகளின் உதவியுடன் முயற்சி எடுப்பேன். சிறு தொழிலை பாதுகாப்பதை முதல் காரியமாக எடுத்துக்கொள்வேன். நொய்யல், கவுசிகா நதி மற்றும் மாவட்டத்தின் நீர் ஆதாரங்களை பாதுகாக்க அனைத்து அமைப்புகளுடன் இணைந்து செயல்படுவோம். பாஜவின் வெற்றி என்பது மதசார்புடைய அரசை இந்திய மக்கள் தேர்வு செய்துள்ளனர் என்பது எங்களை பொறுத்தவரை வருத்தமான காரியமாக பார்கிறோம். பாஜ அரசு கடந்த காலத்தை போல் இல்லாமல் மக்களின் ஒற்றுமையை பலப்படுத்தும் அரசாக இருக்க வேண்டும். இவ்வாறு பி.ஆர்.நடராஜன் கூறினார்.

அமைப்புசாரா தொழிலாளர்கள் உறுப்பினர் பதிவில் ஆதார் எண் இணைக்க 27ல் சிறப்பு முகாம்

கோவை, மே 24:கோவை மாவட்டத்தை சேர்ந்த கட்டுமானம் மற்றும் அமைப்புசாரா தொழிலாளர்கள் தங்கள் உறுப்பினர் பதிவில் ஆதார் எண்ணை இணைப்பதற்கான சிறப்பு முகாம் வரும் 27ம் தேதி நடக்கிறது. இதுகுறித்து தொழிலாளர் உதவி ஆணையர் (சமூக பாதுகாப்பு திட்டம்) வெங்கடேசன் கூறியிருப்பதாவது, கோவை தொழிலாளர் உதவி ஆணையர் (சமூக பாதுகாப்பு திட்டம்) அலுவலகத்தில் பதிவு செய்துள்ள கட்டுமானம் மற்றும் அமைப்புசாரா தொழிலாளர்கள் தங்களது உறுப்பினர் பதிவில் ஆதார்  எண்ணை இணைப்பது  கட்டாயமாக்கப்படுள்ளது. எனவே இதுவரை ஆதார் எண்ணை இணைக்காமல் உள்ளவர்கள் தங்களது பதிவு அடையாள அட்டை நகல், ஆதார் அடையாள அட்டை நகல் ஆகியவற்றை வரும் 27ம் தேதிக்குள் கோவை, ராமநாதபுரம் ஒழுங்குமுறை விற்பனைக்கூட வளாகத்தில் இயங்கிவரும் தொழிலாளர் உதவி ஆணையர் (சமூக பாதுகாப்பு திட்டம்) அலுவலகத்தில் சமர்ப்பிக்கவேண்டும். ஆதார் இணைப்பிற்காக பொள்ளாச்சி தொழிலாளர் உதவி ஆய்வர் அலுவலகம், மேட்டுப்பாளையம் வட்டாட்சியர் அலுவலகம், சோமனூர் பேருந்து நிலையம் அருகேயுள்ள சர்ச் கட்டிட வளாகம், சூலூர் மற்றும் கண்ணம்பாளையத்தில் உள்ள பஞ்சாயத்து கலையரங்கம் ஆகிய இடங்களில் வரும் 27ம் தேதி சிறப்பு ஆதார் இணைப்பு முகாம் நடக்கிறது. இதில் உறுப்பினர்கள் தங்களது அடையாள அட்டை நகல் மற்றும் ஆதார் அட்டை நகல் ஆகியவற்றை சமர்ப்பித்து ஆதார் எண்ணை இணைத்து கொள்ளலாம். இதுகுறித்த விபரங்களை பெற 0422-2324988 என்ற எண்ணிலும் தொடர்பு கொள்ளலாம்.

கோயில் விழாவில் தகராறு பெண்கள் உட்பட 6 பேர் மீது வழக்கு

கோவை, மே 24:கோவை செல்வபுரம் சேதுவாய்க்கால் செக்போஸ்ட் பகுதியை சேர்ந்தவர் பிரதீப். இவருடைய மனைவி கவிதா(27). இவர் போத்தனூர் போலீஸ் நிலையத்தில் புகார் மனு அளித்தார். அதில் எங்கள் பகுதியில் கடந்த சில நாட்களுக்கு முன்பு மாரியம்மன் கோயில் திருவிழா நடைபெற்றது. அப்போது ஒரு சிலர் தகராறில் ஈடுபட்டனர். அதனை தட்டி கேட்ட என்னை தகாத வார்த்தையால் பேசி தாக்கினர். எனவே அவர்கள் மீது உரிய நடவடிக்கை எடுக்க வேண்டும் என்று தெரிவித்திருந்தார். அதன் பேரில், போலீசார் செல்வபுரம் பகுதியை சேர்ந்த மதிவாணன், குணவதி, முருகன், சந்தியா, தக்கர், சந்தான லட்சுமி ஆகிய 6 பேர் மீது வழக்கு பதிவு செய்து விசாரணை மேற்கொண்டு வருகின்றனர்.

கோவை தொகுதியில் 6 முறை களம் கண்ட பா.ஜ.க., 4வது முறையாக தோல்வி

கோவை, மே 24: கோவை மக்களவை தொகுதியில் 5,558 தபால் ஓட்டுகள் பதிவாகியுள்ளது. கோவை மக்களவை தொகுதியின் 6 சட்டமன்ற தொகுதி மற்றும் சூலூர் சட்டமன்ற தொகுதி என 7 சட்டமன்ற தொகுதிகளுக்கு வாக்கு எண்ணிக்கை கோவை ஜி.சி.டி கல்லூரியில் நேற்று நடந்தது. இதில், முதலில் தபால் வாக்குகள் எண்ணப்பட்டது. அதன்படி, மொத்தம் 5,558 வாக்குகள் பதிவாகியுள்ளது. 317 வாக்குகள் செல்லாதவை என தெரிவிக்கப்பட்டுள்ளது. இதில், அதிகபட்சமாக இந்திய கம்யூனிஸ்ட் கட்சி(மார்க்சிஸ்ட்) பி.ஆர்.நடராஜன் 3,409 வாக்குகளை பெற்றார். பாஜ சார்பில் களம் இறங்கிய சி.பி. ராதாகிருஷ்ணன் 1,184 வாக்குகளை பெற்று 2ம் இடம் பிடித்தார். தபால் ஓட்டு விவரம்:வேட்பாளர் பெயர் --------------------வாக்கு எண்ணிக்கைசி.பி.ராதாகிருஷ்ணன்-------------------1,184பி.கோவிந்தன்------------------------------18பி.ஆர்.நடராஜன் ------------------------------3409கல்யாணசுந்தரம் ----------------------------128மகேந்திரன் -------------------------------296பி.மணிகண்டன் ---------------------------5அப்பாதுரை ----------------------------------72கனகசபாபதி-----------------------------------1கிருஷ்ணன்-------------------------------------1தனபால் -------------------------------------5ஏ.நடராஜன் -------------------------------6புஷ்பநாதன் -------------------------------1யு.ராதாகிருஷ்ணன் ---------------------3பி.ராதாகிருஷ்ணன் -------------------3நோட்டா -------------------------------109செல்லாதவை(44+273)-----------------317======================================மொத்தம்------------------------------5,558.

கோவை தொகுதியில் 6 முறை களம் கண்ட பா.ஜ.க., 4வது முறையாக தோல்வி

கோவை, ேம 24: கோவை மக்களவை தொகுதியில் ஆறு முறை களம் கண்ட பாரதிய ஜனதா நான்காவது முறையாக தோல்வி அடைந்தது. கோவை மக்களவை தொகுதியில், அதிமுக கூட்டணியில், பா.ஜ சார்பில் வேட்பாளர் சி.பி.ராதாகிருஷ்ணன் போட்டியிட்டார். இவர், கடந்த 1998ம் ஆண்டு கோவை மக்களவை தொகுதியில் முதல்முறையாக போட்டியிட்டு 2 லட்சம் வாக்கு வித்தியாசத்தில் வென்றார். அப்போது, கோவை குண்டுவெடிப்பு நடந்த காலக்கட்டம் என்பதால், தமிழகத்திலேயே மிக அதிகமான வாக்கு வித்தியாசத்தில் ெவன்று, முதல்முறையாக பாராளுமன்றம் சென்றார். மத்தியில் வாஜ்பாய் தலைமையிலான பா.ஜ ஆட்சி ஓராண்டில் கலைந்தது. இதன்பிறகு 1999ம் ஆண்டு நடந்த மக்களவை தேர்தலில், இவர், கோவை தொகுதியில் 2வது முறையாக போட்டியிட்டு, ஒரு லட்சம் வாக்கு வித்தியாசத்தில் ெவன்றார். இதன்பிறகு, 2004ம் ஆண்டு நடந்த மக்களவை தேர்தலில் பா.ஜ.-அதிமுக அணி சார்பில் இதே தொகுதியில் 3வது முறையாக களம் இறங்கினார். இத்தேர்தலில், அப்போதைய திமுக கூட்டணி வேட்பாளர் இந்திய கம்யூனிஸ்ட் வேட்பாளர் சுப்பராயனிடம் தோல்வி அடைந்தார். இத்தேர்தலில், திமுக அணி, தமிழகம்-புதுவையில் 40 தொகுதியிலும் வெற்றிபெற்றது குறிப்பிடத்தக்கது. இதைத்தொடர்ந்து, 2009ம் ஆண்டு நடந்த மக்களவை தேர்தலில், சி.பி.ராதாகிருஷ்ணனுக்கு வாய்ப்பு வழங்கப்படவில்ைல. இவருக்கு பதிலாக, கோவை மண்டல பா.ஜ செயலாளர் ஜி.கே.எஸ்.செல்வகுமார் போட்டியிட்டார். இத்தேர்தலில், ஜி.கே.எஸ்.செல்வகுமாரும் தோல்வியை தழுவினார். அதிமுக அணி சார்பில் போட்டியிட்ட மார்க்சிஸ்ட் கம்யூனிஸ்ட் வேட்பாளர் பி.ஆர்.நடராஜன் வெற்றிபெற்றார். 2014ம் ஆண்டு நடந்த மக்களவை தேர்தலில் சி.பி.ராதாகிருஷ்ணனுக்கு நான்காவது முறையாக வாய்ப்பு வழங்கப்பட்டது. இத்தேர்தலில், 42 ஆயிரம் வாக்கு வித்தியாசத்தில் அதிமுக வேட்பாளர் நாகராஜனிடம் தோல்வி அடைந்தார். தற்போது நடைபெற்ற 2019 மக்களவை தேர்தலில் சி.பி.ராதாகிருஷ்ணன் ஐந்தாவது முறையாக வாய்ப்பு வழங்கப்பட்டது. இத்தேர்தலில், வலுவான திமுக அணி சார்பில் போட்டியிட்ட மார்க்ஸ்சிட் கம்யூனிஸ்ட் வேட்பாளர் பி.ஆர்.நடராஜனுக்கும், அதிமுக கூட்டணி சார்பில் களம் இறங்கிய சி.பி.ராதாகிருஷ்ணனுக்கும் இடையே கடும் போட்டி நிலவியது. இதில், பி.ஆர்.நடராஜன் 5,70,514 வாக்குகள் பெற்று வெற்றிபெற்றார். சி.பி.ராதாகிருஷ்ணன் 3,91,505 வாக்குள் மட்டுமே பெற்றார். வாக்கு வித்தியாசம் 1,79,009. இதன்மூலம், கோவை தொகுதியில் சி.பி.ராதாகிருஷ்ணன் மூன்றாவது முறையாக தோல்வி அடைந்தார். இத்தொகுதியில், இதுவரை 6 முறை களம் கண்ட பாரதிய ஜனதா, கடந்த 1998, 1999 தவிர மீதமுள்ள நான்கு முறையும் தோல்வி அடைந்துள்ளது.

நீலகிரி தொகுதியில் வாக்கு எண்ணிக்கைக்கான ஏற்பாடு தயார்

ஊட்டி, மே 23:  நீலகிரி மக்களவை தொகுதியில் ஊட்டி, குன்னூர், கூடலூர், பவானிசாகர், மேட்டுப்பாளையம், அவிநாசி ஆகிய சட்டமன்ற தொகுதிகள் இடம் பெற்றுள்ளன. நீலகிரி தொகுதியில் உள்ள 6 சட்டமன்ற தொகுதிகளில் மொத்தம் 6 லட்சத்து 65 ஆயிரத்து 337 ஆண் வாக்காளர்களும், 7 லட்சத்து 202 பெண் வாக்காளர்களும், 69 மூன்றாம் பாலினத்தவர் என மொத்தம் 13 லட்சத்து 65 ஆயிரத்து 608 பேர் இடம் பெற்றிருந்தனர்.  17வது மக்களவை தேர்தலுக்கான வாக்குப்பதிவு கடந்த மாதம் 18ம் தேதி நடந்தது. இதற்காக 1610 வாக்குசாவடிகள் அமைக்கப்பட்டிருந்தன. நீலகிரி தொகுதியில் இறுதி நிலவரப்படி பவானிசாகர் தொகுதியில் 1 லட்சத்து 96 ஆயிரத்து 899 வாக்குகளும், ஊட்டி தொகுதியில் 1 லட்சத்து 34 ஆயிரத்து 760 வாக்குகளும், கூடலூர் தொகுதியில் 1 லட்சத்து 33 ஆயிரத்து 215 வாக்குகளும், குன்னூர் தொகுதியில் 1 லட்சத்து 33 ஆயிரத்து 549 வாக்குகளும், மேட்டுப்பாளையம் தொகுதியில் 2 லட்சத்து 8 ஆயிரத்து 734 வாக்குகளும், அவினாசி தொகுதியில் 1 லட்சத்து 99 ஆயிரத்து 105 வாக்குகள் என மொத்தம் 10 லட்சத்து 06 ஆயிரத்து 262 வாக்குகள் பதிவாகியிருந்தது. நீலகிரி தொகுதியில் 73.7 சதவீத வாக்குகள் பதிவாகி இருந்தது. நீலகிரி மாவட்டத்தில் உள்ள ஊட்டி, குன்னூர், கூடலூர் ஆகிய தொகுதிகள் மற்றும் சமவெளி பகுதிகளில் உள்ள மேட்டுபாளையம், அவினாசி, பவானிசாகர் ஆகிய தொகுதிகளில் பயன்படுத்தப்பட்ட வாக்குபதிவு இயந்திரங்கள், வி.வி.பேட்., கட்டுபாட்டு இயந்திரங்கள் ஆகியவை வாக்கு எண்ணிக்கை மையமான ஊட்டியில் உள்ள அரசு பாலிடெக்னிக் கல்லூரிக்கு கொண்டு வரப்பட்டு சட்டமன்ற தொகுதிகள் வாரியாக 6 அறைகளில் வைத்து சீல் வைக்கப்பட்டது. கல்லூரியை சுற்றிலும் 3 அடுக்கு போலீஸ் பாதுகாப்பு போடப்பட்டுள்ளது. வாக்கு எண்ணிக்கை இன்று நடைபெற உள்ளது.  நீலகிரி தொகுதியில் இதற்கான பல்வேறு முன்னேற்பாடுகள், பாதுகாப்பு ஏற்பாடுகள் செய்யப்பட்டுள்ளன. நீலகிரி தொகுதியில் பதிவான வாக்குகள் மொத்தம் 23 சுற்றுகளாக எண்ணப்பட உள்ளன. மாவட்ட கலெக்டர் இன்னசென்ட் திவ்யா மற்றும் அதிகாரிகள் நேற்று ஊட்டி பாலிடெக்னிக் கல்லூரியில் ஆய்வு மேற்கொண்டனர். இது குறித்து கலெக்டர் இன்னசென்ட் திவ்யா கூறுகையில், ’நீலகிரி மக்களவை தொகுதியில் பதிவான வாக்குகள் எண்ணுவதற்கான அனைத்து ஏற்பாடுகளும் ஊட்டி அரசு பாலிடெக்னிக் கல்லூரியில் செய்யப்பட்டுள்ளது. நீலகிரி மக்களவை தொகுதியில் உள்ள 6 சட்டமன்ற தொகுதிகளுக்கு, 6 அரங்குகளில் 14 மேசைகள் அமைக்கப்பட்டு வாக்குகள் எண்ணப்பட உள்ளது. பவானிசாகர் தொகுதி 294 வாக்குச்சாவடிகளுக்கு 21 சுற்றுகளாகவும், ஊட்டி தொகுதி 239 வாக்குச்சாவடிகளுக்கு 18 சுற்றுகளாகவும், கூடலூர் 221 வாக்குசாவடிகள், குன்னூர் 223 வாக்குச்சாவடிகள் தொகுதிகளுக்கு 16 சுற்றுகளாகவும், மேட்டுப்பாளையம் 321 வாக்குசாவடிகள், அவிநாசி 312 வாக்குச்சாவடிகள் ஆகிய தொகுதிகளுக்கு தலா 23 சுற்றுகளாகவும் வாக்குகள் எண்ணப்பட உள்ளன. வாக்கு எண்ணிக்கையின் முதலில் தபால் ஓட்டுகள் எண்ணப்படும். ஒட்டுமொத்தமாக நீலகிரி தொகுதியில் 23 சுற்றுகளாக வாக்குகள் எண்ணப்பட உள்ளது. வாக்கு எண்ணிக்கை பணிகளில் சுமார் 500 அரசு ஊழியர்கள் ஈடுபட உள்ளனர், என்றார்.

குந்தாபாலம் வனத்தில் காட்டு தீ

மஞ்சூர், மே 23:  மஞ்சூர் அருகே ஏற்பட்ட காட்டு தீயில் சுமார் 20 ஏக்கர் புல்வெளிகள் தீயில் எரிந்து சாம்பலானது. மஞ்சூர் சுற்றுபுற பகுதிகளில் மழை பெய்யாததால் கடும் வறட்சி நிலவி வருகிறது. காடுகளில் மரங்கள், செடி, கொடிகள் காய்ந்து சருகாக காட்சியளிக்கிறது. குடிநீர் குட்டைகளும் வறண்டு போயுள்ளது. இதனால் மஞ்சூர் சுற்றுபுறங்களில் உள்ள வனப்பகுதிகளில் அடிக்கடி காட்டு தீ ஏற்பட்டு வனப்பகுதிகள் தீக்கிரையாகி வருவது வாடிக்கையாக உள்ளது. நேற்று முன்தினம் இரவு 7 மணியளவில் மஞ்சூர் அருகே உள்ள குந்தாபாலம் வனப்பகுதியில் திடிர் காட்டு தீ ஏற்பட்டது. ஏற்கனவே செடி, கொடிகள் காய்ந்து கிடந்ததால் மள,மளவென தீ பரவியது. இதனால் அப்பகுதி முழுவதும் புகை மண்டலமாக காட்சியளித்தது. இதுகுறித்து தகவல் அறிந்த குந்தா ரேஞ்சர் சரவணன் தலைமையில் வனவர் ரவிகுமார் உள்பட 20க்கும் மேற்பட்ட வனத்துறையினர், தீ தடுப்பு காவலர்கள் விரைந்து சென்று தீயை அனைக்கும் நடவடிக்கையில் ஈடுபட்டனர். இதை தொடர்ந்து பல்வேறு நடவடிக்கைகளை மேற்கொண்டு நீண்ட போராட்டத்திற்குபின் காட்டு தீயை முற்றிலுமாக அனைத்தனர். இந்த தீயால் வருவாய் மற்றும் தனியாருக்கு சொந்தமான சுமார் 20 ஏக்கர் புல்வெளிகள்கள் தீயில் எரிந்து சாம்பலானதாக வனத்துறையினர் தெரிவித்தனர்.

காமராஜ் சாகர் அணை பகுதியில் பிளாஸ்டிக் கழிவுகளால் விலங்குகளுக்கு ஆபத்து

ஊட்டி  மே 23: சுற்றுலா பயணிகள் அதிகம் கூடும் பகுதிகளில் போதிய குப்பைத்  தொட்டிகள் வைக்கப்படாத நிலையில், சுற்றுலா பயணிகள், பிளாஸ்டிக் குப்பைகள்  வனங்களில் வீசிச் செல்வதால் விலங்குகளுக்கு ஆபத்து ஏற்பட்டுள்ளது. ஊட்டிக்கு  ஏராளமான சுற்றுலா பயணிகள் வருகின்றனர். இங்கு வரும் சுற்றுலா பயணிகளில்  ஓட்டல் மற்றும் உணவு விடுதிகளில் சென்று உணவு சாப்பிடுவதை தவிர்க்கின்றனர்.  பெரும்பாலானவர்கள் வாகனங்களில் வரும் நிலையில், வரும் போதே உணவை சமைத்து  எடுத்து வருகின்றனர். சிலர், இங்கு வந்த பின் கிடைத்த இடங்களில் வாகனத்தை  நிறுத்தி உணவு சமைத்து சாப்பிடுகின்றனர். கேரள மாநிலம், கர்நாடகவில்  இருந்து வரும் சுற்றுலா பயணிகள் தலைகுந்தா பகுதியில் உள்ள வனங்கள் அல்லது  காமராஜ் அணைப் பகுதியில் வாகனங்களை நிறுத்தி சமையல் செய்து  சாப்பிடுகின்றனர். இவர்கள், சமைத்தோ அல்லது எடுத்து வந்த உணவை  சாப்பிட்டு முடித்த பின், எஞ்சிய உணவு கழிவுகள், பிளாஸ்டிக் பாட்டில்கள்,  தட்டுகள் மற்றும் பல்வேறு பொருட்களையும் வனங்களில் வீசிச் செல்கின்றனர்.  ஒரு சிலர் மதுபாட்டில்களையும் போட்டுவிட்டு செல்கின்றனர். குறிப்பாக,  தலைகுந்தா பகுதியில் எங்கு பார்த்தாலும் சாலையோரங்களில் மதுபாட்டில்களும்,  பிளாஸ்டிக் பாட்டிகளும் குவிந்து கிடக்கின்றன. இப்பகுதியில், வனத்துறை,  உள்ளாட்சி அமைப்புக்கள் குப்பைத் தொட்டி வைக்கவில்லை. இதனால், சுற்றுலா  பயணிகள் குப்பைகளை வனங்களில் வீசிச் செல்கின்றனர். விலங்குகளுக்கு  மட்டுமின்றி, கால்நடைகள் மற்றும் பொதுமக்களுக்கும் பல்வேறு ஆபத்து ஏற்படும்  அபாயம் உள்ளது.  எனவே, தலைகுந்தா மற்றும் காமராஜ் சாகர்  அணைப்பகுதியில் சுற்றுச்சூழல் பாதிக்காமல் இருக்கவும், விலங்குகளை  காக்கவும் அப்பகுதியில் உள்ள வனங்களை ஒட்டிய பகுதிகளில் மற்றும்  சாலையோரங்களில் குப்பைத் தொட்டிகள் வைப்பது அவசியம். ேமலும், உடனடியாக  அப்பகுதியில் தன்னார்வ அமைப்புக்களை கொண்டு பிளாஸ்டிக் மற்றும் கண்ணாடி  பாட்டில்களை அகற்ற மாவட்ட நிர்வாகம் நடவடிக்கை எடுக்க வேண்டும்  என்று சுற்றுலா பயணிகள் கோரிக்கை விடுத்துள்ளனர்.

கூடலூர்-எல்லமலை சாலை சீரமைக்க கோரிக்கை

கூடலூர், மே 23: கூடலூரில் இருந்து ஓவேலி பேரூராட்சிக்குட்பட்ட  எல்லமலை, பெரிய சோலை, சீபுரம், கிளன்வன்ஸ், சந்தன மலை உள்ளிட்ட பல்வேறு பகுதிகளுக்கு செல்லும்  நெடுஞ்சாலை உள்ளது. இந்த சாலையில் கடந்த வருடம் பெய்த மழை காரணமாக கிளன்ஸ்வன்ஸ் பகுதியில் சாலை ஓரத்தில் மிகப்பெரிய அளவில் மண்சரிவு ஏற்பட்டு சாலை சேதம் அடைந்து உள்ளது. சேதமடைந்த பகுதியில் தற்காலிக சாலை அமைக்கப்பட்டு தற்போது வாகனங்கள் சென்று வருகின்றன. எனினும் மழைக் காலத்தில் இந்த பகுதி மேலும் சேதம் அடைவதற்கான வாய்ப்புகள் அதிகமாக உள்ளது. அவ்வாறு சேதமடைந்து போக்குவரத்து துண்டிக்கப்பட்டால் பேருந்துகள் இப்பகுதிகளுக்கு செல்ல முடியாத நிலை ஏற்படும். மேலும் இப்பகுதிகளுக்கு செல்ல மாற்று சாலைகளும் கிடையாது. அத்துடன் அடுத்த மழைக்காலம் துவங்கும் நிலையில் உள்ளது. எனவே இந்த பகுதியில் சீரமைப்பு பணிகளை விரைந்து மேற்கொள்வதற்கான உரிய நடவடிக்கைகளை சம்பந்தப்பட்ட துறையினர் மேற்கொள்ள வேண்டும் என்று அப்பகுதி மக்கள் கோரிக்கை விடுத்து வருகின்றனர்.கன்னியார்களி நாட்டியம்பாலக்காடு மாவட்டத்திலுள்ள சித்தூர் பகவதி அம்மன் கோயில் கும்பாபிஷேக விழாவில் பல்லசேனாவை சேர்ந்த கீர்த்தி கலைக்குழுவினரின் கன்னியார்களி பாரம்பரிய நாட்டியம் நேற்று நடந்தது.

தொழிலாளியை கரடி தாக்கியதாக வாட்ஸ் ஆப் வதந்தியால் பரபரப்பு

மஞ்சூர், மே 23:  தொழிலாளியை தாக்கிய கரடியை பொதுமக்கள் அடித்து கொன்றதாக வாட்ஸ் ஆப்பில் பரவிய வதந்தியால் பரபரப்பு ஏற்பட்டது.மஞ்சூர் பகுதியில் தோட்டத்தில் வேலை செய்து கொண்டிருந்த தொழிலாளி ஒருவரை கரடி கடுமையாக தாக்கியதில் படுகாயத்துடன முகம், கை, கால்களில் ரத்தம் கசிவது போலவும் மற்றும் தொழிலாளியை கடித்த கரடியை பொதுமக்கள் சிலர் அடித்து கொன்று போட்டதாக படங்கள் நேற்று முன்தினம் வாட்ஸ் ஆப் மற்றும் சமூக வலைதலங்களில் வெளியானது. சம்பவம் நடந்த இடம் மஞ்சூர் என குறிப்பிடப்பட்டிருந்ததால் மஞ்சூர் பகுதியில் பெரும் பரபரப்பு ஏற்பட்டது. சம்பவத்தை நேரில் கண்டது போல் ஆளாளுக்கு தகவல் பரிமாறியதால் மேலும் பரபரப்பு ஏற்பட்டது. இது குறித்து வனத்துறையினர் மாவட்டத்தில் பல்வேறு பகுதிகளிலும் வாட்ஸ் ஆப்பில் வந்த தகவல் குறித்து விசாரனை நடத்தினார்கள். இறுதியில் வாட்ஸ் ஆப் தகவல் மாவட்டத்தில் எங்கும் நடைபெறவில்லை என தெரியவந்ததை தொடர்ந்து பரபரப்பு அடங்கியது.

பந்தலூர் அருகே யானை தாக்கி ஒருவர் பலி

பந்தலூர், மே 23: பந்தலூர் அருகே பாட்டவயல் காரக்குன்னி பகுதியை சேர்ந்த பாலகிருஷ்ணன்(45). இவர் பாட்டவயல் பகுதியில் உள்ள ஒரு கடையில் வேலை செய்கிறார். வேலை முடிந்து நேற்று முன்தினம் இரவு வீடு செல்லும்போது அருகில் இருந்த காபி தோட்டத்தில் இருந்து யானை ஒன்று அவரை தாக்கியுள்ளது. அதில் அவர் கை, கால், முகம் உள்ளிட்ட இடங்களில் காயம் ஏற்பட்டது. அவரின் அலறல் சத்தம் கேட்டு அக்கம்பக்கம் இருந்தவர்கள் ஓடிவந்து யானையை விரட்டினர். இதுகுறித்து பொதுமக்கள், வனத்துறைக்கு தகவல் தெரிவித்தனர் பிதர்காடு வனசரகர் மனோகரன் வனகாப்பாளர் மோகன்ராஜ் ஆகியோர் சம்பவ இடத்திற்கு சென்று பொதுமக்கள் உதவியுடன் பாலகிருஷ்ணனை கேரள மாநிலம் வயநாடு சுல்தான் பத்தேரி அரசு மருத்துவமனைக்கு கொண்டு சென்றனர். மேல் சிகிச்சைக்காக கள்ளிக்கோட்டை அரசு மருத்துவ கல்லூரி மருத்துவமனைக்கு கொண்டு செல்லும் வழியில் பாலகிருஷ்ணன் நேற்று உயிரிழந்தார். இந்நிலையில் நேற்று காலை பொதுமக்கள் திரண்டு யானைகள் மனிதர்களை தாக்கி வருவதை வனத்துறையினர் கட்டுப்படுத்த வேண்டும் என பாட்டவயல் பகுதியில் கடைகள் அனைத்தும் அடைத்து போராட்டத்தில் ஈடுபடுவதாக கூறியதால் பரபரப்பு ஏற்பட்டது. சம்பவஇடத்திற்கு தேவாலா டிஎஸ்பி ராமச்சந்திரன், உள்ளிட்ட அதிகாரிகள் சென்று பொதுமக்களிடம் சமாதானம் பேசினர். இதையடுத்து கூடலூர் எம்எல்ஏ திராவிடமணி சம்பவ இடத்திற்கு சென்று பொதுமக்களிடம் பேச்சு நடத்தினார். இது ெதாடர்பாக பொதுமக்கள் கூறுகையில், பாட்டவயல் பகுதியில் ஏற்கனவே வனத்துறை சார்பில் வெட்டிய அகழி தற்போது முற்புதர்கள் சூழ்ந்துள்ளது. இதனால், யானைகள் ஊருக்குள் புகுந்து விடுகிறது. அகழியை தூர்வார நடவடிக்கை எடுக்க வேண்டும், தெருவிளக்குகள் எரிவதில்லை அதனை பராமரிக்க வேண்டும், வனத்துறையினர் அவுட்போஸ்ட் அமைத்து யானைகளை கண்காணிக்க வேண்டும் என கோரிக்கை வைத்தனர். பொதுமக்கள் கோரிக்கையை உடனடியாக நிறைவேற்ற நடவடிக்கை எடுப்பதாக அதிகாரிகள் கூறியதால் பொதுமக்கள் போராட்டத்தை கைவிட்டு கலைந்துசென்றனர்.

குன்னூர், பர்லியாரில் ஸ்பெயின் பிளம்ஸ் விற்பனை ஜோர்

குன்னூர், மே 23:  குன்னூர் மற்றும் சுற்றுப்புற பகுதிகளில், பேரி, பிளம்ஸ், சீதா, மங்குஸ்தான், ஸ்ட்ராபெர்ரி, துரியன் உட்பட பல்வேறு மருத்துவ குணம் வாய்ந்த பழங்கள் அதிகளவில் விளைவிக்கப்படுகின்றன. இதில், பொதுவாக நீலகிரியில் ரூபி பிளம்ஸ் அதிகளவில் விளைவிக்கப்படுகின்றன. தற்போது, இங்கு வரும் சுற்றுலா பயணிகள் பிளம்ஸ் பழங்களை அதிகளவில் வாங்கி செல்கின்றனர். இந்நிலையில், தற்போது, ஸ்பெயின் நாட்டில் இருந்து இறக்குமதி செய்யப்படும் பிளம்ஸ் பழம் குன்னூர், பர்லியார் பகுதிகளில் விற்பனை செய்யப்படுகிறது.‘‘ஸ்பெயின் நாட்டின் இந்த வகை பிளம்ஸ் சென்னையில் இருந்து வரவழைக்கப்பட்டு விற்பனை செய்யப்படுகிறது. அதிக இனிப்பு சுவை கொண்ட இந்த பழங்கள் தற்போது ரூ.200 முதல் ரூ.250 வரை விற்பனை செய்யப்படுகிறது. இந்த வகை பிளம்ஸ் நாற்றுக்களை நீலகிரியில் வளர்க்க தோட்டக்கலை துறையினர் முன்வர வேண்டுமென விவசாயிகள், வியாபாரிகள் வலியுறுத்தியுள்ளனர்.

குளங்களை மறுசீரமைக்க தொழில்நுட்ப உதவி

கோவை, மே 23:கோவை மாநகராட்சிக்குட்பட்ட குளங்களை மறுசீரமைக்க தொழில்நுட்ப ரீதியான உதவிகளுக்காக கோவை மாநகராட்சி நிர்வாகம் பொதுப்பணித்துறை அதிகாரிகளிடம் ஆலோசனை கேட்டுள்ளது.ஸ்மார்ட் சிட்டி திட்டத்தின் கீழ் உக்கடம் வாலாங்குளம், பெரியகுளம், செல்வசிந்தாமணி குளம் சிங்காநல்லூர் குளம், குறிச்சி குளம் என மொத்தம் 8 குளங்களை மறுசீரமைக்க கோவை மாநகராட்சி நிர்வாகம் திட்டமிட்டுள்ளது. மேலும், இந்த குளங்களை சுற்றியுள்ள பொது இடங்களை மேம்படுத்தவும், பூங்காக்கள், சைக்கிள் பாதை, நடைபாதைகளை சீரமைப்பது, கரைகளை பலப்படுத்துதல், கழிவுநீர் மேலாண்மை மையம், குளத்தின் மதகுகளை ஹைட்ராலிக் முறைப்படி அமைத்தல், பொழுது போக்கு அம்சங்களை கொண்டுவருதல் போன்றவை அமைக்க முடிவு செய்யப்பட்டது. முதற்கட்டமாக, வாலாங்குளம், பெரியகுளம் மற்றும் செல்வசிந்தாமணி குளம் ஆகிய 3 குளங்களை மறுசீரமைக்க ரூ. 152 கோடி நீதி ஒதுக்கீடு செய்யப்பட்டு பணிகளும் நடைபெற்று வருகிறது. இதனிடையே இந்த குளங்களை மறுசீரமைக்க தொழில்நுட்ப ரீதியான உதவிகள் குறித்து கோவை மாநகராட்சி நிர்வாகம் பொதுப்பணி துறை அதிகாரிகளுடம் ஆலோசனை கேட்டுள்ளனர்.இது குறித்து மாநகராட்சி அதிகாரி ஒருவர் கூறுகையில், “குளங்களை மாநகராட்சி மறுசீரமைக்க முடிவு செய்யப்பட்டு ஒப்பந்தம் எடுத்திருந்தாலும் குளங்கள் பொதுத்துறையின் கட்டுப்பாட்டில் உள்ளவை. பொதுப்பணி துறை அதிகாரிகள் தொழில்நுட்ப பணிகளில் அனுபவம் வாய்ந்தவர்கள். இதனால் அவர்களிடம் தொழில்நுட்ப ரீதியிலான ஆலோசனை கேட்டுள்ளோம்,” என்றார்.