Crime - Dinakaran

பரனூர் கொள்ளையில் மேலும் ஒருவர் கைது

செங்கல்பட்டு : செங்கல்பட்டு அருகே பரனூர் சுங்கச்சாவடியில் ரூ. 12 கோடி மதிப்பிலான நகை மற்றும் பணம் கொள்ளை போன வழக்கில் மேலும் ஒருவர் கைது செய்யப்பட்டுள்ளார். கைது செய்யப்பட்ட வினோத்குமார் கொள்ளை மற்றும் கொலை வழக்கில் தொடர்புடையவர் என போலீஸ் தகவல் தெரிவித்துள்ளது.

ரயில்வே முன்பதிவில் மோசடி சிஏஜி ஆய்வில் அம்பலம்

மன்னார்குடி: இந்தியாவின் தலைமை கணக்கு தணிக்கையாளர் குழு, ரயில்வே வழங்கும் பல்வேறு பயணச் சலுகைகள் தொடர்பாக தணிக்கை ஒன்றை ஆந்திர மாநிலத்தில் உள்ள குண்டக்கல் ரயில்வே கோட்டத்தில் மேற்கொண்டது. இது தென் மத்திய ரயில்வேக்கு உட்பட்ட ஒரு கோட்டம். அப்போது குடும்பத்துடன் ரயிலில் பயணம் செய்ய வழங்கப்படும் இலவச பயண பாஸ்களை ஊழியர்கள் உபயோகித்த விவரங்களையும் சேர்த்து ஆய்வு செய்தது. ரயில்வே ஊழியர்கள் பணியில் சேர்ந்த முதல் 5 ஆண்டுகள் வரை ஆண்டுக்கு ஒன்று, பிறகு ஆண்டுக்கு மூன்று, ஓய்வு பெற்றால் ஆண்டுக்கு இரண்டு என்ற அளவில் பயண பாஸ் வழங்கப்படுகிறது. தர ஊதியம் ரூ.4 ஆயிரத்து 200 மற்றும் அதற்கு மேல் பெற்றால் முதல் வகுப்பு பாஸ், அதற்கு குறைவான தர ஊதியத்திற்கு இரண்டம் வகுப்பு பாஸ் என ரயில்வே நிர்னயித்து இருக்கிறது. முதல் வகுப்பு பாஸ் வைத்து இருப்பவர்கள், உதவியாளர் ஒருவரை இரண்டாம் வகுப்பு பெட்டியில் அழைத்து செல்லவும், கன்னியாகுமரி முதல் காஷ்மீர் வரை இந்திய ரயில்வேயில் எந்த இரண்டு ஊர்களுக்கு இடையேயும் பாஸ் பெற்றுக் கொள்ளவும், இலவச பாசில் முன்பதிவு செய்யவும் அனுமதி உண்டு.ஒருமுறை முன்பதிவு செய்து பயணம் செய்து விட்டால் பாஸ் செல்லாது என்பது விதி. பயணம் செய்ததை மறைத்து விட்டு ஒரு இலவச பாசில் 10 முதல் 20 தடவை வரை முன்பதிவு செய்து பயணம் செய்து இருப்பதும், முதல் வகுப்பு பாசில் உதவியாளருக்கான அனுமதியில் வெளி நபர்களை அழைத்து சென்று இருப்பதும் சிஏஜி ஆய்வில் அம்பலமாகி இருக்கிறது. இந்த மோசடியில் 58 ரிசர்வேஷன் கிளர்க்குகள் சிக்கி உள்ளனர். இதனையடுத்து குண்டக்கல் கோட்ட வணிக மேலாளர் மோசடியில் ஈடுபட்ட ஊழியர்களிடம் விளக்கம் தர 10 நாட்கள் காலக்கெடு கொடுத்து கடந்த மே 7ம் தேதி நோட்டீஸ் அனுப்பி உள்ளார்.சம்பந்தப்பட்ட ஊழியர்கள் மீது என்ன நடவடிக்கை எடுக்கப்படும்? இது போன்ற மோசடிகள் அதிக எண்ணிக்கையில் நடந்து வருகிறதா? என தட்சிண ரயில்வே எம்ப்ளாயிஸ் யூனியன் துணைப் பொதுச் செயலாளர் மனோகரனிடம் கேட்ட போது அவர் கூறியது, ரயில்வே விஜிலென்ஸ் துறை இதற்கான சோதனைகளை தொடர்ந்து மேற்கொண்டு வருகிறது. இதுபோன்ற தில்லுமுல்லுகள் எங்கேயாவது ஒரு இடத்தில் நடக்கிறது. அதிக அளவிலான மோசடிகளுக்கு வாய்ப்பு இல்லை. கிளர்க்குகள் முன்பதிவு பாஸ் மீது வ. எண், தேதி மற்றும் பிஎன்ஆர் எழுதி கையெழுத்திட வேண்டும். இது போன்ற மோசடி செயல்களில் ஈடுபடும் ஊழியர்களிடம் முதலில் துறை ரீதியான விளக்கம் கேட்கப்படும். பதில் திருப்தி அளிக்காத பட்சத்தில் ரயில்வேத் துறை அவர்களை பணி நீக்கம் செய்து விடும். மேலும் மோசடி பயணங்களுக்கான கட்டணத்தை அபராத தொகையுடன் சேர்த்து சம்பந்தப்பட்ட ஊழியர்களின் ஒய்வூதிய பணிக்கொடையில் வசூலித்து விடும் என்றார்.

குமரி மாவட்டத்தில் நெருங்கிய உறவுகளால் அதிகளவில் பாலியல் கொடுமைக்கு உள்ளாகும் குழந்தைகள்

நாகர்கோவில்: குமரி மாவட்டத்தில் நெருங்கிய உறவுகளால் அதிகளவில் குழந்தைகள் பாலியல் கொடுமைக்கு உள்ளாக்கப்படுகிறார்கள் என்ற தகவல் அதிர்ச்சியை ஏற்படுத்தி உள்ளது. ஒவ்வொரு ஆண்டும் மே 17ம் தேதி சர்வதேச குழந்தைகள் சேவை தினம் கடைப்பிடிக்கப்படுகிறது. உலகம் முழுவதும் தற்போது குழந்தைகள் பெரிய அளவில் பாதிக்கப்பட்டு வருகிறார்கள். குறிப்பாக பாலியல் ரீதியான தொல்லைகளால் குழந்தைகள் பாதிக்கப்படுவது, உயிரிழப்பது அதிகரித்துள்ளது. இந்த நிலையில் சர்வதேச குழந்தைகள் தினத்தையொட்டி 1098 சைல்டு லைன் அமைப்பு சார்பில், குழந்தைகள் பாதுகாப்பு பற்றிய விழிப்புணர்வு பிரசுரங்கள் நேற்று வினியோகிக்கப்பட்டன.இது குறித்து சைல்டு லைன் அலுவலர்கள் கூறியதாவது: 18 வயதுக்குட்பட்ட அனைவருமே குழந்தைகள் ஆவர். வன்முறைகள், தீங்கிழைத்தல், துன்புறுத்துதல், சித்ரவதை செய்தல், பாலியல் கொடுமைகள், கடத்தல், போதை பொருட்களுக்கு உட்படுத்துதல் போன்ற பல்வேறு நெருக்கடி கால விளைவுகளில் இருந்து குழந்தைகளை பாதுகாப்பது மிகவும் இன்றியமையாத கடமை ஆகிறது. பெற்றோர் தங்கள் குழந்தைகளுக்கு போதுமான பாதுகாப்பு அளிக்காத நிலையில், குழந்தைகள் தங்களை பாதுகாத்து கொள்ள சேவை அமைப்புகளும், அரசும் உறுதுணையாக இருக்கிறது.இந்தியாவில் ஆதரவு மற்றும் பாதுகாப்பு தேவைப்படும் குழந்தைகளுக்காக மத்திய அரசின் பெண்கள் மற்றும் குழந்தைகள் மேம்பாடு அமைச்சக திட்டத்தின் உதவியுடன், தேசிய அளவிலான 24 மணி நேர அவசர இலவச தொலைபேசி சேவை 1098 செயல்படுகிறது. குழந்தைகளின் உரிமைகளை பாதிக்கும் வகையில் எந்த வித பிரச்சினையாக இருந்தாலும் 1098 க்கு இலவசமாக தகவல் தெரிவிக்கலாம். குமரி மாவட்டத்தில் சைல்டு லைன் இந்தியா பவுண்டேசன், கோட்டாறு சமூக சேவை சங்கத்துடன் இணைந்து சைல்டு லைன் - கன்னியாகுமரி என்ற பெயரில் இயங்கி வருகிறது. நாகர்கோவில் ஹோலிகிராஸ் கல்லூரி இதன் நோடல் அமைப்பாக தற்போது செயல்படுகிறது. காணாமல் போன குழந்தைகள், பாலியல் கொடுமை, மன ரீதியான கொடுமை, உடல் ரீதியான கொடுமை , வீட்டு வேலைக்கு உட்படுத்தப்படும் குழந்தைகள், வீட்டை விட்டு ஓடி வந்த குழந்தைகள், பாதுகாப்பு மற்றும் கவனிப்பு தேவைப்படும் குழந்தைகள், பள்ளி இடை நிறுத்தம் குழந்தைகள், கைவிடப்பட்ட குழந்தைகள், தெருவோர குழந்தைகள், சுரண்டலுக்கு உட்படுத்தப்பட்ட குழந்தைகள், போதைக்கு அடிமையான குழந்தைகள், சிறார் சீர்திருத்த பள்ளியில் உள்ள குழந்தைகள், பெற்றோரின் சண்டையால் பாதிக்கப்படும் குழந்தைகள், பிச்சை எடுக்கும் குழந்தைகள் போன்ற குழந்தைகளுக்கு எதிரான எந்த வித பிரச்சினைக்கும் 1098 சைல்டு லைன் அமைப்பை பொதுமக்கள் தொடர்பு கொள்ளலாம்.குமரி மாவட்டத்தை பொறுத்தவரை அதிக குழந்தைகள் நெருங்கிய உறவுகளாலும், பக்கத்து வீட்டில் உள்ள பெரியவர்களாலும் தான் அதிகளவில் பாலியல் ெதால்லைக்கு உள்ளாக்கப்பட்டு உள்ளனர். இது தொடர்பாக காவல்துறையினர் விசாரணை நடத்துகிறார்கள். ஆனால் பல பெற்றோர் தங்களது குழந்தையின் எதிர்காலம் கருதி வெளியே சொல்வதில்லை. அவ்வாறு இல்லாமல் ைதரியமாக பாதிக்கப்படும் குழந்தைகள் 1098க்கு புகார் அளிக்கலாம். அவர்களுக்கு தேவையான நியாயம் கிடைக்க நடவடிக்கை எடுக்கப்படும் என்றனர்.

ஆற்காடு அருகே கள்ளக்காதலுக்கு இடையூறாக இருந்த கணவன், குழந்தை கொலை வழக்கு : கள்ளக்காதலன் கைது

ஆற்காடு : தாஜ்புரா பகுதியில் கள்ளக்காதலுக்கு இடையூறாக இருந்த கணவன், ஒரு வயது குழந்தையை கொலை செய்த வழக்கில் பெண்ணின் கள்ளக்காதலன் ஜெயராஜ்(29) கைது செய்யப்பட்டார். மேலும் மனைவி தீபிகா மற்றும் கள்ளக்காதலன் ஜெயராஜை போலீசார் சிறையில் அடைத்தனர்.

சர்வதேச செம்மர கட்டை கடத்தல்காரர்கள் 13 பேர் கைது: 4,000 கிலோ செம்மரம் பறிமுதல்

பெங்களூரு: செம்மர கட்டைகளை பல ஆண்டுகளாக வெளிநாடுகளுக்கு கடத்தி வந்த கும்பலை பெங்களூரு மத்திய குற்றப்பிரிவு போலீசார் கைது செய்து ரூ.3.5 கோடி  மதிப்புள்ள சுமார் 4 ஆயிரம் கிலோ மதிப்பிலான செம்மர கட்டைகளை பறிமுதல் செய்துள்ளனர். பெங்களூரு விநாயகநகரில் டிராவல்ஸ் நிறுவனத்திற்கு சொந்தமான ஒரு கார்கோ சேமிப்பு கிடங்கு அருகில் செம்மர கட்டை ஏற்றி செல்லும் வாகனம் இருப்பதாக சிசிபி போலீசாருக்கு தகவல் கிடைத்தது. அதை தொடர்ந்து நள்ளிரவில் நடத்திய சோதனையில் பாஷா என்பவரை போலீசார் கைது செய்தனர். அவரிடம் நடத்திய விசாரணையில், டாடாஏஸ் வாகனத்தில் 500 கிலோ மதிப்புள்ள 14 செம்மர கட்டைகள் 7  பாக்ஸ்களில் வைத்திருந்ததை பறிமுதல் செய்தனர். தொடர்ந்து பாஷாவிடம்  நடத்திய விசாரணையில் நாகமங்கலாவில் உள்ள குடோன் ஒன்றில் செம்மர கட்டைகள் பதுக்கி வைத்திருப்பது தெரியவந்தது. நேற்று காலை அங்கு சென்ற  போலீசார் 35 கிலோ எடை கொண்ட 100க்கும் மேற்பட்ட செம்மர கட்டைகளை பறிமுதல்  செய்தனர். அதன் எடை 3,500 கிலோ என்றும் அதன் மார்க்கெட் விலை ரூ.3.50 கோடி  என்று போலீசார் தெரிவித்தனர்.இது குறித்து பெங்களூரு கமிஷனர் சுனில்குமார் கூறியதாவது: இந்த செம்மர கடத்தல் வழக்கில் அப்துல்  ரஷித் (48), ஜுபேர்கான் (33), சலீம் (50), தாஷீர்கான் (25), எம்.எஸ்.பாஷா  (40), ஷபி (30), முன்னா (27), நவுஷத் (27), சித்திக் (40), இம்ரான் (28), அன்னு (23), முபராக் (26) மற்றும் அலிகான் (40) ஆகிய 13 பேரை போலீசார் கைது  செய்துள்ளனர். அவர்களிடம் நடத்திய விசாரணையில் கர்நாடகம் மட்டுமில்லாமல் தமிழகம், ஆந்திரா, கேரளா, மகாராஷ்டிரா மாநிலங்களில் இருந்தும் செம்மர கட்டைகள் வெளிநாடுகளுக்கு ஏற்றுமதி செய்து வந்துள்ளது தெரியவந்துள்ளது. பல  கோடி ரூபாய் வர்த்தகம் செய்துள்ளதும் தெரியவந்துள்ளது. விலை உயர்ந்த மரங்களை சந்தேகம் ஏற்படாத வகையில் பேக்கிங் செய்து லாரி மற்றும் பஸ்கள் மூலம் போலி பெயரில் பில் தயாரித்து சென்னை, மும்பை மாநகரில் உள்ள விமான நிலையங்கள் மூலம் ஹாங்காங், மலேசியா, வியட்நாம், சீனா உள்ளிட்ட நாடுகளுக்கு அனுப்பியுள்ளனர் என்றார்.

வாகனத்திற்கு வழி விடுவதில் தகராறு நண்பர்களுக்கு கத்திக்குத்து பாஜ பிரமுகர், மகன் கைது

பல்லாவரம்: பம்மல் நாகல்கேணி பகுதியை சேர்ந்தவர் நந்தா (19), தனியார் கல்லூரி மாணவர். இவரும் நண்பர் விக்னேஷ் (16) என்பவரும் நேற்று முன்தினம் இரவு குரோம்பேட்டையில் நடந்த மாதா கோயில் திருவிழாவிற்கு, பைக்கில் சென்றனர். நாகல்கேணி பிரதான சாலையில் நித்தியானந்தம் என்பவர் வழியை மறித்துக் கொண்டு நின்றிருந்தார். அவரை நந்தாவும், விக்னேஷூம் தட்டிக்கேட்டதோடு, கையை பிடித்து இழுத்து தள்ளிவிட்டு விட்டு சென்றதாக தெரிகிறது.பின்னர் இருவரும் மீண்டும் அதே சாலை வழியாக வீட்டிற்கு திரும்பினர். அப்போது, இருவரையும் நித்தியானந்தமும், அவரது தந்தையும், பம்மல் நகர பாஜ தலைவருமான மதன் (42) என்பவரும் தடுத்து நிறுத்தி இரும்பு கம்பி மற்றும் கத்தியால் தாக்கி உள்ளனர். இதில் படுகாயம் அடைந்த இருவரையும் அப்பகுதி மக்கள் மீட்டு அருகில் உள்ள மருத்துவமனையில் சேர்த்தனர். அங்கு நந்தாவிற்கு 9 தையல்கள் போடப்பட்டுள்ளது. படுகாயமடைந்த விக்னேஷ் ஆபத்தான நிலையில் சென்னை ராஜீவ் காந்தி அரசு மருத்துவமனையில் சிகிச்சை பெற்று வருகிறார்.தகவல் அறிந்ததும் சம்பவ இடத்திற்கு விரைந்து வந்த சங்கர் நகர் போலீசார், நித்தியானந்தம் மற்றும் அவரது தந்தை மதன் ஆகிய இருவரையும் கைது செய்தனர். 

கொருக்குப்பேட்டையில் நள்ளிரவு அதிரடி: ரவுடிகளை தீர்த்துக்கட்ட வீட்டில் பதுங்கி இருந்த 7 பேர் கும்பல் கைது

தண்டையார்பேட்டை: கொருக்குப்பேட்டை கார்நேசன் நகர் வீட்டு வசதி வாரிய பகுதியில் ஆயுதங்களுடன் கும்பல் பதுங்கியிருப்பதாக ஆர்.கே.நகர் போலீசாருக்கு நேற்று முன்தினம் இரவு தகவல் கிடைத்தது. போலீசார் அங்கு சோதனை நடத்தி ஒரு வீட்டில் பதுங்கி  இருந்த 7 பேர் கும்பலை சுற்றி வளைத்து, பிடித்து விசாரித்தனர். அவர்கள், கொருக்குப்பேட்டை கார்நேசன் நகர் கருப்பு (எ) பிரபாகரன் (38), ஆகாஷ் (20), விக்னேஷ் (24), அஜித் (20), சிங்கம் (எ) பிரேம்குமார் (26), கதிர் (24), ராஜேஷ் (25) என தெரிந்தது. இதுபோல் எதிர் கோஷ்டியை சேர்ந்த ரவுடி கோட்டீஸ்வரன் உட்பட 3 பேரை போலீசார் கைது செய்தனர்.இரு கோஷ்டியிடம் நடத்திய விசாரணையில், ரவுடி கோட்டீஸ்வரனுக்கும், மற்றொரு ரவுடி பிரபாகரனுக்கும் யார் பெரியவர் என்பதில் மோதல் இருந்துள்ளது. பிரபாகரனை கொலை செய்ய கோட்டீஸ்வரன் திட்டம் தீட்டியுள்ளார். இதையறிந்த பிரபாகரன், கோட்டீஸ்வரனை கொலை செய்ய திட்டம் தீட்டி பதுங்கியிருந்தது தெரியவந்தது. இவர்களிடமிருந்து 6 கத்திகள் பறிமுதல் செய்யப்பட்டன. இவர்களை கைது செய்த இன்ஸ்பெக்டர் ஆனந்த் ராஜூக்கு, வண்ணாரப்பேட்டை துணை கமிஷனர் கலைச்செல்வன் பாராட்டு தெரிவித்தார். ஏற்கனவே இது தொடர்பாக  கொருக்குப்பேட்டை ஜெ.ஜெ. நகரை சேர்ந்த ரவுடிகள் பரத் (19), விக்னேஷ் (19), பாலாஜி (18) ஆகியோர் கைது செய்யப்பட்டது குறிப்பிடத்தக்கது.* அரும்பாக்கம் ராணி அண்ணாநகரை சேர்ந்தவர் ஆட்டோ டிரைவர் அழகப்பன் (44). நேற்று முன்தினம் இரவு கோயம்பேடு பஸ் ஸ்டாண்ட் அருகில் சவாரிக்கு நின்றபோது வலிப்பு ஏற்பட்டு துடித்தார். சக நண்பர்கள் ஆம்புலன்சுக்கு தகவல் தெரிவித்தனர். அதில் வந்த மருத்துவர் அழகப்பனை பரிசோதித்தபோது அவர் இறந்தது தெரிந்தது. * அண்ணாநகர் கிழக்கு பகுதியை சேர்ந்தவர் முகமது முஸ்தபா. வில்லிவாக்கம், பாட்டை சாலையில் செல்போன் கடை வைத்துள்ளார். நேற்று அதிகாலை 3 பேர் இவரது கடையை உடைத்துள்ளனர். தடுக்க முயன்ற எதிர் வீட்டுக்காரர் மீரானை பட்டாக்கத்தியால் தாக்கிவிட்டு பைக்கில் தப்பிவிட்டனர். முஸ்தபா கடையை திறந்தபோது ரூ.7 லட்சம் செல்போன்கள், ரூ.97 ஆயிரம் பனம் கொள்ளை போனது தெரிந்தது. புகாரின்பேரில் ஐசிஎப் போலீசார் வழக்குப்பதிவு செய்து விசாரிக்கின்றனர்.* சின்மயா நகர் பகுதியை சேர்ந்தவர் புஷ்பராஜ் (43). நேற்று முன்தினம் வேலை முடிந்து வீட்டிற்கு நடந்து சென்றபோது 2 பேர் செயினை பறிக்க முயன்றனர். இவரது சத்தம் கேட்டு அக்கம் பக்கத்தினர் வந்து அவர்களை பிடித்து விருகம்பாக்கம் போலீசில் ஒப்படைத்தனர். விசாரணையில், எம்ஜிஆர் நகர் பகுதியை தினேஷ், சரத்குமார் என தெரிந்தது. அவர்களை கைது செய்தனர்.* கெருகம்பாக்கத்தை சேர்ந்தவர் லாரன்ஸ் அப்துல்லா (39). நேற்று ஆலப்பாக்கம், ராமதாஸ் சாலையில் பைக்கில் வந்தபோது பின்னால் வந்த தண்ணீர் லாரி திடீரென பைக் மீது மோதியதில் சக்கரத்தில் சிக்கி பலியானார். * சென்னையில் குற்றச் செயல்களில் ஈடுபடுபவர்களை போலீசார் கைது செய்து வருகின்றனர். அதன்படி,  திருவொற்றியூர், சின்ன மேட்டுப்பாளையம் அகில் (24), கணேஷ் (24), திருவொற்றியூர் அம்சா கார்டன் தெரு கார்த்திக் (எ) கேட் கார்த்திக் (23), புளியந்தோப்பு, குருசாமி தெரு ரூபன் (31), வியாசர்பாடி எம்.பி.எம் தெரு, சஞ்சய்நகர் ஜெகன் (எ) கருப்பு (31), பட்டாபிராம், தண்டுரை, பள்ள தெரு சுரேஷ் (எ) பில்லா (23) ஆகியோர் தொடர்ந்து குற்றச்செயல்களில் ஈடுபட்டதால் குண்டர் சட்டத்தின் கீழ் கைது செய்யப்பட்டனர்.* வண்ணாரப்பேட்டை போலீசார் கண்ணன் ரவுண்டானா அருகே வாகன சோதனை நடத்தி ஆட்டோவில் மதுபாட்டில் கடத்தி வந்த கொருக்குப்பேட்டை அண்ணா நகர் 4வது தெருவை சேர்ந்த கோபி (37) என்பவரை கைது செய்தனர். மேலும் 336 மதுபாட்டில், ஆட்டோவை பறிமுதல் செய்தனர்.

ராசிபுரம் குழந்தை விற்பனை வழக்கு பெங்களூரை சேர்ந்த பெண் புரோக்கர் கைது

நாமக்கல்:  நாமக்கல் மாவட்டம் ராசிபுரத்தில், சட்ட விரோதமாக நடைபெற்ற குழந்தைகள் விற்பனை வழக்கை சிபிசிஐடி போலீசார் விசாரித்து வருகின்றனர். இந்த வழக்கில் ஏற்கனவே ராசிபுரம் போலீசார் 8 பேரை கைது செய்து, சேலம் மத்திய சிறையில் அடைத்துள்ளனர். இவர்களில் ராசிபுரத்தை சேர்ந்த நர்ஸ் உதவியாளர் அமுதவள்ளி, ஆம்புலன்ஸ் டிரைவர் முருகேசன், புரோக்கர் அருள்சாமி உள்பட 5 பேரை போலீஸ் காவலில் எடுத்து சிபிசிஐடி போலீசார் விசாரணை மேற்கொண்டனர். இவர்களிடம் நடத்திய விசாரணையை தொடர்ந்து சேலத்தை சேர்ந்த நர்ஸ் சாந்தியை சிபிசிஐடி போலீசார் கைது செய்தனர்.குழந்தைகள் விற்பனை வழக்கில் சேலம் சிபிசிஐடி டிஎஸ்பி  கிருஷ்ணன் தலைமையில் அமைக்கப்பட்ட தனிப்படை போலீசார், விசாரணையில் மொத்தம் 30 குழந்தைகள் தமிழகம் முழுவதும் விற்பனை செய்யப்பட்டதாக தெரிவித்திருந்தனர். அதே நேரம் சுகாதாரத்துறையினர், நாமக்கல் மாவட்டத்தில் மட்டும் 260 குழந்தைகள் விற்பனை செய்யப்பட்டுள்ளதாக அறிக்கை கொடுத்துள்ளனர். இதுகுறித்தும் சிபிசிஐடி போலீசார் விசாரித்து வருகின்றனர். இந்நிலையில் நேற்று முன்தினம் திடீரென இந்த வழக்கில் தொடர்புடைய பெங்களூருவை சேர்ந்த பெண் புரோக்கர் ரேகா (40) என்பவரை, நாமக்கல் சிபிசிஐடி போலீசார் கைது செய்தனர். பின்னர் ரேகாவை நாமக்கல் அழைத்து வந்து விசாரணை நடத்தினர். விசாரணைக்கு பின்னர் நேற்று மதியம் 12 மணிக்கு ரேகாவை சிபிசிஐடி போலீசார், நாமக்கல் 2வது மாஜிஸ்திரேட் ஜெயந்தி முன்னிலையில் ஆஜர்படுத்தினர். அவரை வரும் 31ம் தேதி வரை நீதிமன்ற காவலில் வைக்க மாஜிஸ்திரேட் உத்தரவிட்டார். குழந்தைகள் விற்பனை வழக்கில் ஏற்கனவே 9 பேர் கைது செய்யப்பட்டுள்ள நிலையில் தற்போது 10வதாக ரேகா கைது செய்யப்பட்டுள்ளார். கொல்லிமலையில் குழந்தைகளை வாங்கி பெங்களூரு பகுதியில் ரேகா விற்பனை செய்து வந்துள்ளார். இதன் அடிப்படையில் இவரும் இந்த வழக்கில் கைது செய்யப்பட்டுள்ளார்.

கணவன், குழந்தையை கொன்ற இளம்பெண் சடலங்களை புதைத்த கள்ளக்காதலனும் கைது

ஆற்காடு:  வேலூர் மாவட்டம், திமிரி அடுத்த பாடி கிராமத்தை சேர்ந்த சுப்பிரமணி மகன் ராஜா(25) எலக்ட்ரீஷியன். கடந்த 2 ஆண்டுகளுக்கு முன்பு ராஜா, சாத்தூர் மந்தைவெளியை சேர்ந்த தீபிகா(19) என்பவரை காதலித்து திருமணம் செய்து கொண்டார். இவர்களது மகன் பிரவீன்குமார்(1). கடந்த 13ம் தேதி முதல் ராஜாவும், மகன் பிரவீன்குமாரும் மாயமாகினர். இதுகுறித்து தகவல் அறிந்து ராஜாவின் சகோதரிகள் விசாரித்தபோது ராஜாவையும், குழந்தை பிரவீன்குமாரையும் தீபிகா கொன்று புதைத்தது தெரியவந்தது.தீபிகாவை நேற்று முன்தினம் கைது செய்த போலீசார், சடலங்கள் தோண்டி எடுத்தனர். மேலும் இரட்டைக் கொலை குறித்து தீவிரமாக விசாரித்து வந்தனர். கொலையான ராஜாவின் நண்பர் ஜெயராஜ்(27), தீபிகாவின் தாய் விஜயா மற்றும் உறவினர்கள் என மொத்தம் 9 பேரிடம் விசாரணை நடத்தப்பட்டது. போலீசாரிடம், தான் ஒருத்தியே கொன்று, சடலங்களை புதைத்ததாக தீபிகா பிடிகொடுக்காமல் திரும்ப, திரும்ப கூறி வந்தார். இதையடுத்து போலீசார், தீபிகாவை ஆற்காடு நீதிமன்றத்தில் மாஜிஸ்திரேட் பத்மாவதி முன் ஆஜர்படுத்தி காவலில் வேலூர் மகளிர் சிறையில் அடைத்தனர். இதனையடுத்து ராஜாவின் நண்பர் ஜெயராஜிடம் போலீசார் நேற்று தீவிர விசாரணை மேற்கொண்டனர். இதுகுறித்து போலீசார் கூறுகையில், காதல் கணவன் மற்றும் மகனை கொலை செய்த பிறகு 13ம் தேதி நள்ளிரவு தனது கள்ளக்காதலன் ஜெயராஜிற்கு தீபிகா போன் செய்து வீட்டிற்கு உடனே வருமாறு கூறி உள்ளார். அவர் அங்கு சென்றபோது, ராஜாவும், குழந்தை பிரவீன்குமாரும் சடலமாக கிடந்ததை கண்டு அதிர்ச்சியடைந்து தீபிகாவிடம் விசாரித்துள்ளார். அவரிடம் கணவரையும், மகனையும் கொன்றுவிட்டதாக தீபிகா கூறி சடலங்களை புதைக்க உதவும்படி கூறி உள்ளார். பின்னர், இருவரும் சேர்ந்து சடலங்களை புதைத்ததாக தெரிவித்தனர். இதையடுத்து ஜெயராஜையும் போலீசார் கைது செய்தனர்.

நாகர்கோவிலில் ஒரே குடும்பத்தை சேர்ந்த 4 பேர் தற்கொலை... கந்துவட்டி கொடுமையால் விபரீதம்?

நாகர்கோவில்: நாகர்கோவிலில் கந்து வட்டி கொடுமையால் தொழிலதிபர், அவரது தாய், மனைவி, மகள் உட்பட 4 பேர் விஷம் குடித்து தற்கொலை செய்துகொண்ட சம்பவம் பெரும் பரபரப்பை ஏற்படுத்தி உள்ளது. இதுகுறித்து போலீசார் விசாரித்து வருகின்றனர். நாகர்கோவில் வடசேரி வஞ்சிமார்த்தாண்டன் புதுத்தெரு பகுதியை சேர்ந்தவர் சுப்ரமணி. இவர் வடசேரி எஸ்எம்ஆர்வி பள்ளி அருகில் பல்வகை பொருட்கள் விற்பனை செய்யும் ஏஜன்ஸி நடத்தி வந்தார். பல்வேறு நிறுவனங்களுக்கு பொருட்களை சப்ளை செய்து வந்தார். இவரது மனைவி ஹேமா(48). மகள் ஷிவானி(21). இவர் குலசேகரத்தில் உள்ள தனியார் ஹோமியோபதி கல்லூரியில் 3ம் ஆண்டு படித்து வந்தார். இவர்களுடன் சுப்ரமணியின் தாயார் ருக்மணியும் (72) வசித்து வந்தார். வழக்கமாக காலை 8.30 மணிக்கு ஏஜென்சியின் சாவிைய வாங்க ஊழியர்கள் சுப்ரமணி வீட்டுக்கு வருவது வழக்கம். அதுபோல இன்று காலை ஊழியர்கள் சுப்ரமணியின் வீட்டுக்கு வந்தனர். அப்போது வெளிப்புற கேட் பூட்டப்பட்டிருந்தது. காலிங் பெல்லை நீண்டநேரம் அழுத்தியும் கதவு திறக்கப்படவில்லை.இதைத்தொடர்ந்து சுப்ரமணியின் மொபைல் போனை தொடர்பு கொண்டபோது அதுவும் சுவிட்ச்-ஆப் செய்யப்பட்டிருந்தது. இதனால் அருகில் உள்ள ஹேமாவின் உறவினர்களுக்கு ஊழியர்கள் தகவல் தெரிவித்தனர். இதைத்ததொடர்ந்து ஹேமாவின் தந்தை மற்றும் உறவினர்கள் விரைந்து வந்தனர். அவர்கள் வீட்டின் காம்பவுண்ட் சுவர் ஏறி குதித்து, இடதுபக்க ஜன்னல் கம்பியை அறுத்து வீட்டுக்குள் சென்றனர். அப்போது வீட்டு மேல்மாடியில் உள்ள படுக்கை அறையில் சுப்ரமணி, மனைவி ஹேமா, தாயார் ருக்மணி, மகள் ஷிவானி ஆகியோர் இறந்து கிடந்ததனர். இதனால் உறவினர்கள் மற்றும் ஊழியர்கள் கடும் அதிர்ச்சி அடைந்தனர். தகவல் அறிந்து அப்பகுதி பொதுமக்களும் திரண்டனர். தகவல் அறிந்த ஏஎஸ்பி ஜவஹர், வடசேரி இன்ஸ்பெக்டர் பெர்னார்டு சேவியர் மற்றும் போலீசார் சம்பவ இடம் விரைந்து வந்தனர். பின்னர்4 பேரின் உடல்களையும் மீட்டு பிரேத பரிசோதனைக்காக ஆசாரிப்பள்ளம் அரசு மருத்துவ கல்லூரி மருத்துவமனைக்கு அனுப்பி வைத்தனர்.தொழிலதிபர் சுப்ரமணி உட்பட 4 பேரும் குளிர்பானத்தில் விஷம் கலந்து குடித்து தற்கொலை செய்திருக்கலாம் என கருதப்படுகிறது. அவர்கள் இறந்து கிடந்த கட்டில் அருகே குளிர்பான பாக்கெட்டுகளும் கிடந்தன. வீட்டில் ஏதாவது கடிதம் எழுதி வைக்கப்பட்டிருக்கிறாதா என போலீசார் அலசி ஆராய்ந்தனர். ஆனால் கடிதம் எதுவும் சிக்கவில்லை. சுப்ரமணியின் வீடு 2 தளங்களை கொண்டது. மிகவும் பிரம்மாண்டமான வகையில், படுக்கை அறையில் ஏசி உட்பட ஆடம்பரமாக அமைக்கப்பட்டுள்ளது. கடந்த 2 ஆண்டுகளுக்கு முன்புதான் சுப்ரமணி இந்த வீட்டை கட்டியிருந்தார். கடன் தொல்லையால் சுப்ரமணி தற்கொலை செய்திருக்கலாம் என கருதப்படுகிறது. இதுகுறித்து ஏஎஸ்பி ஜவஹர் கூறுகையில், சுப்ரமணி உட்பட 4 பேர் தற்கொலை செய்துகொண்டதற்கான காரணம் உடனடியாக தெரியவில்லை. விசாரணைக்கு பின்பே அவர்களுக்கு எந்தவிதமான பிரச்னை இருந்தது என்பது தெரியவரும். இதுகுறித்து வடசேரி போலீசார் தொடர்ந்து விசாரணை மேற்கொண்டு வருகின்றனர் என்றார்.உறவினர்கள் கூறுகையில், சுப்ரமணி யாரிடமும் அதிகமாக பேசுவதில்லை. அவரது நிறுவனத்தில் 50க்கும் மேற்பட்ட தொழிலாளர்கள் வேலை பார்த்து வருகின்றனர். அவர்களிடம் நல்ல முறையில் பழகுவார். சம்பளம் சரியாக வழங்கி வந்தார். தொழில் ரீதியாக பலரிடமும் கடன் பெற்றிருந்தார். கந்துவட்டி பிரச்னையும் இருந்து வந்ததாக தெரிகிறது. இதனால்தான் அவர் தற்கொலை செய்திருக்க வேண்டும் என்றனர். தொழிலதிபர் குடும்பத்துடன் தற்கொலை பெரும் சோகத்தை ஏற்படுத்தி உள்ளது.நாடித் துடிப்பால் பரபரப்புசுப்ரமணியின் மகள் ஷிவானி ஹோமியோபதி டாக்டருக்கு படித்து வந்தார். அவருடன் படிக்கும் சக மாணவர் ஒருவர் அருகில்தான் வசிக்கிறார். அந்த மாணவர் தகவல் அறிந்து சம்பவ இடம் விரைந்து வந்தார். அவர் பரிசோதித்துவிட்டு ஷிவானிக்கு நாடித்துடிப்பு இருப்பதாக கூறினார். இதனால் திடீர் பரபரப்பு தொற்றிக்கொண்டது. உடனடியாக ஆம்புலன்ஸ் மூலம் அருகில் உள்ள தனியார் மருத்துவமனைக்கு ஷிவானி கொண்டு செல்லப்பட்டார். ஆனால் அங்கு அவரை பரிசோதித்த டாக்டர்கள் ஷிவானி ஏற்கனவே உயிரிழந்து விட்டார் என தெரிவித்தனர். இதைத்தொடர்ந்து சடலம் மீண்டும் வீட்டுக்கு கொண்டு வரப்பட்டது.சயனைடு தின்று தற்கொலை?தொழிலதிபர் தற்கொலை செய்துகொண்ட படுக்கை அறையில் குளிர்பானங்களுடன் வெள்ளை நிற பொடியுடன் கூடிய பாக்கெட் கிடந்தது. அது சயனைடாக இருக்கலாம் என கூறப்படுகிறது. இதனால் அவர்கள் சயனைடு தின்று இறந்திருக்கலாம் என கருதப்படுகிறது. இருப்பினும் உறுதியாக கூறமுடியவில்லை. பிரேத பரிசோதனைக்கு பிறகே அவர்கள் எப்படி தற்கொலை செய்து கொண்டார்கள் என்பது தெரியவரும் என போலீசார் தெரிவித்தனர்.பெண் போலீஸ் இல்லைதற்கொலை செய்து கொண்டவர்களில் 3 பேர் பெண்கள். ஆனால் சம்பவ இடத்துக்கு வடசேரி காவல் நிலையத்தில் இருந்து பெண் போலீசார் யாரும் வரவில்லை. ஆண் போலீசார்தான் வந்து விசாரணை மேற்கொண்டு பிற நடவடிக்கைகளை மேற்கொண்டனர்.குமரியில் கந்துவட்டி கொடுமைகுமரி மாவட்டத்தில் சமீபகாலமாக கந்து வட்டி கொடுமை அதிகரித்து வருகிறது. இதில் சில உயிர்களும் காவு வாங்கப்பட்டுள்ளது. தற்கொலைக்கு முயன்றவர்களும் உண்டு. கந்து வட்டி கொடுமை காரணமாக போலீசில் பல புகார்களும் உள்ளன. சமீபத்தில் போலீஸ் அதிகாரி ஒருவரே கந்துவட்டி கேட்டு மிரட்டியதாக தகவல் வெளியானது. இந்த நிலையில் நேற்று தமிழ்நாடு மீன் தொழிலாளர்கள் சங்கம் சார்பில் எஸ்பியை சந்தித்து கந்துவட்டி கொடுமையை தடுக்க வேண்டும் என கோரிக்கை வைக்கப்பட்டிருந்தது. இந்த நிலையில் கந்து வட்டி கொடுமையால் தொழிலதிபர் ஒருவர் குடும்பத்துடன் தற்கொலை செய்து கொண்டது பெரும் பரபரப்பை ஏற்படுத்தி உள்ளது.

குச்சனூர் கோயிலில் அதிமுக வேட்பாளர் ரவீந்திரநாத்தின் பெயரில் எம்.பி என பொறிக்கப்பட்ட விவகாரத்தில் ஒருவர் கைது

சின்னமனூர்: குச்சனூரில் அன்னபூரணி கோயிலில் அதிமுக வேட்பாளர் ரவீந்திரநாத்தின் பெயரில் எம்.பி என பொறிக்கப்பட்ட விவகாரத்தில் ஒருவர் கைது செய்யப்பட்டுள்ளார். அதிமுக நாடாளுமன்ற வேட்பாளர் ரவீந்திரநாத்தின் நற்பெயரை கெடுக்கும் விதமாக கல்வெட்டு வைத்ததாக அதிமுக சார்பில் போலீசில் புகார் அளிக்கப்பட்டுள்ளது. புகாரின் அடிப்படையில் வேலுமுருகன் என்பவரை சின்னமனூர் போலீஸ் 3 பிரிவுகளின் கீழ் கைது செய்து சிறையில் அடைத்தது.

திண்டிவனம் அருகே ஏசி வெடித்து 3 பேர் உயிரிழந்ததாக நாடகமாடியது அம்பலம்: மகன், மனைவி கைது

விழுப்புரம்: விழுப்புரம் மாவட்டம் திண்டிவனத்தில் சொத்து தகராறில் தாய், தந்தை, தம்பியை கொன்றவர் கைது செய்யப்பட்டார். மூவரும் ஏசி வெடித்து பற்றிய தீயால் உயிரிழந்ததாக நாடகமாடியதும் அம்பலமாகி உள்ளது. திண்டிவனம் காவேரிப்பாக்கம் சுப்புராயப்பிள்ளை தெருவைச் சேர்ந்த ராஜி, இரும்புப் பட்டறை மற்றும் இருசக்கர மோட்டார் வாகன உதிரி பாகங்கள் உரிமையாளர் ஆவார். அவரது மனைவி கலைச்செல்வி, ரியல் எஸ்டேட் அதிபர்களுக்கு வட்டிக்குக் கடன் கொடுக்கும் தொழில் செய்து வந்தார். இந்த தம்பதியின் மூத்த மகனான கோவர்த்தனன் அதிமுகவில் பிரமுகராக உள்ளார். 6 மாதத்திற்கு முன்னர் தீபா காயத்ரி என்ற பெண்ணுடன் அவருக்கு திருமணம் நடைபெற்றது. அவரது ஒரே சகோதரரான கெளதமனுக்கு இன்னும் சில நாட்களில் திருமணம் செய்ய நிச்சயிக்கப்பட்டு இருந்தது. இந்த நிலையில், செவ்வாய் கிழமை அன்று வீட்டில் உள்ள ஒரு அறையில் தாய், தந்தையுடன் கெளதமன் உறங்கிக் கொண்டிருந்தார். அருகில் உள்ள அறையில் கோவர்த்தனன் தனது மனைவியுடன் உறங்கிக் கொண்டிருந்தார்.இந்த நிலையில், மறுநாள் அதிகாலை கெளதமன், ராஜி, கலைச்செல்வி ஆகிய மூன்று பேரும் அறையில் எரிந்து கிடந்தனர். ஏசி மின்கசிவால் ஏற்பட்ட தீவிபத்தே இதற்குக் காரணம் என முதலில் கூறப்பட்டது. இருப்பினும் ராஜின் உடலில் இருந்து வழிந்த ரத்தம் போலீசுக்கு சந்தேகத்தை ஏற்படுத்தியது. கருகிய உடலில் இருந்து எப்படி ரத்தம் வழியும் என கேள்வி எழுந்தது. அதேபோல் ஏசியின் உள் பக்கம் மட்டும் எரிந்து கிடந்த நிலையில், வெளியில் உள்ள எந்திரத்துக்கு எந்த பாதிப்பும் ஏற்படாததும் சந்தேகத்தை வலுவாக்கியது. அறையில் கிடந்த மண்ணெண்ணெய் கேனும் போலீசின் சந்தேகத்தை தூண்டி விட்டது. கோவர்த்தனனிடம் போலீசார் துருவி துருவி விசாரணை மேற்கொண்டனர். விசாரணையில் சொத்துக்காக தாய், தந்தை மற்றும் சகோதரனை கொலை செய்ததை கோவர்த்தனன் ஒப்புக் கொண்டதாக போலீசார் கூறியுள்ளனர்.தனது குடும்பத்தில் சொத்து உள்ளிட்ட அனைத்திலும் கெளதமனுக்கே அதிக முக்கியத்துவம் கொடுத்ததால் புதுச்சேரியில் இருந்து கூலிப்படையினரை வரவழைத்து பெற்றோரையும், சகோதரையும் கோவர்த்தனன் தீர்த்துக் கட்டியதாக போலீசார் தெரிவித்துள்ளனர். தனது மனைவியும் இதற்கு உடந்தையாக இருந்ததாக கோவர்த்தனன் கூறவே, அவரையும் போலீசார் கைது செய்தனர். காலி பீர்பாட்டிலில் பெட்ரோலை நிரப்பி அதில் தீயைக் கொளுத்தி, பெற்றோர் உறங்கிய அறையில் வீசியதாகவும், பின்னர் அறை முழுவதும் மண்ணெண்ணெயை ஊற்றி கொலை செய்ததாகவும் கோவர்த்தனன் தெரிவித்துள்ளதாக போலீசார் கூறியுள்ளனர். கூலிப்படையினர் தொடர்பாக விசாரணை தொடர்ந்து நடைபெற்று வருகிறது.

பெங்களூருவில் ரூ.3 கோடி மதிப்பிலான செம்மரங்கள் பறிமுதல்

பெங்களூரு: பெங்களூருவில் ரூ.3 கோடி மதிப்பிலான செம்மரக்கட்டைகளை போலீஸ் பறிமுதல் செய்தனர். 4 டன் எடையுள்ள செம்மரக்கட்டைகளை கடத்திய கும்பலை பிடித்து போலீஸ் விசாரணை நடத்துகின்றனர்.

திண்டிவனத்தில் பெற்றோரை கொன்றுவிட்டு ஏ.சி வெடித்ததாக நாடகமாடிய மகன் கைது

விழுப்புரம்: திண்டிவனம் காவேரிப்பாக்கத்தில் ஏசி வெடித்து 3 பேர் உயிரிழந்த சம்பவத்தில் மகன் கைது செய்யப்பட்டுள்ளார். திண்டிவனம் அருகே ஏ.சி வெடித்து தாய், தந்தை உயிரிழந்ததாக நாடகமாடிய மகன் கோவர்த்தனன் கைது செய்யப்பட்டுள்ளார். சொத்துக்காக பெற்றோரை கொலை செய்து விட்டு ஏ.சி வெடித்து அவர்கள் உயிரிழந்ததாக கோவர்த்தனன் நாடகமாடினார். பெற்றோரையும் உடன்பிறந்த தம்பியையும் கோவர்த்தனன் கொலை செய்தது போலீஸ் விசாரணையில் அம்பலமானது. கோவர்த்தனன் மற்றும் அவரது மனைவி தீபா காயத்ரியை போலீசார் கைது செய்தனர்.

ராசிபுரம் குழந்தைகள் விற்பனை தொடர்பாக மேலும் பெண் இடைத்தரகர் ஒருவர் கைது; மே 31-ம் தேதி வரை நீதிமன்ற காவல்

நாமக்கல்: ராசிபுரம் குழந்தை விற்பனை தொடர்பாக மேலும் ஒரு பெண் இடைத்தரகரை பெங்களூருவில் போலீஸ் கைது செய்துள்ளது. குழந்தை விற்பனை தொடர்பாக செவிலியர் அமுதவள்ளி உள்பட ஏற்கனவே 9 பேர் கைது செய்யப்பட்டுள்ளனர். இந்நிலையில் கைது செய்யப்பட்ட பெண் இடைத்தரகர் ரேகாவை நாமக்கல் நீதிமன்றத்தில் ஆஜர்படுத்த சிபிசிஐடி போலீஸ் அழைத்து வருகின்றனர். நாமக்கல் மாவட்டம் ராசிபுரத்தில் சட்டவிரோதமாக குழந்தைகள் விற்பனை சம்பவம் சமீபத்தில் அம்பலமானது. நாமக்கல்: தமிழகம் முழுவதும் பெரும் பரபரப்பை ஏற்படுத்தியுள்ள இந்த வழக்கில் குழந்தைகளை விற்பனை செய்து வந்த, ராசிபுரத்தை சேர்ந்த நர்ஸ் உதவியாளர் அமுதவள்ளி, அவரது கணவர் ரவிச்சந்திரன், கொல்லிமலை அரசு மருத்துவமனை ஆம்புலன்ஸ் டிரைவர் முருகேசன் உள்பட 8 பேர் கைது செய்யப்பட்டு, சேலம் சிறையில் அடைக்கப்பட்டுள்ளனர். இவர்களிடம் நடத்திய விசாரணையில், கொல்லிமலை மற்றும் பள்ளிபாளையத்தை சேர்ந்த 18 பச்சிளம் குழந்தைகள், தமிழகம் முழுவதும் சட்டவிரோதமாக விற்பனை செய்யப்பட்டுள்ளது கண்டுபிடிக்கப்பட்டுள்ளது. இதற்கு தமிழகம் முழுவதும், பல ஊர்களில் புரோக்கர்கள் இருப்பதும் தெரியவந்துள்ளது. வறுமையில் உள்ள பெற்றோர்களுக்கு பிறக்கும் குழந்தைகளை, குறைந்த விலைக்கு வாங்கி, குழந்தை இல்லாமல் ஏங்கும் வசதி படைத்தவர்களுக்கு அதிக விலைக்கு விற்பனை செய்துள்ளனர். பெண் புரோக்கர்களாக செயல்பட்ட ஈரோட்டை சேர்ந்த பெண்களும் இந்த வழக்கில் கைது செய்யப்பட்டுள்ளனர். இந்த வழக்கு சிபிசிஐடிக்கு மாற்றப்பட்டுள்ளது. வழக்கின் விசாரணை அதிகாரியாக சேலம் சிபிசிஐடி டிஎஸ்பி கிருஷ்ணன் நியமிக்கப்பட்டுள்ளர். சேலம் இன்ஸ்பெக்டர் சாரதா, நாமக்கல் இன்ஸ்பெக்டர் பிருந்தா ஆகியோரும் விசாரணை குழுவில் இடம் பெற்றுள்ளனர். இந்நிலையில் ராசிபுரம் குழந்தை விற்பனை தொடர்பாக மேலும் ஒரு பெண் இடைத்தரகரை பெங்களூருவில் போலீஸ் கைது செய்துள்ளது. மே 31-ம் தேதி வரை நீதிமன்ற காவல்ராசிபுரம் குழந்தைகள் விற்பனை வழக்கில் கைதான பெண் இடைத்தரகர் ரேகாவுக்கு மே 31 வரை நீதிமன்றக் காவல் விதித்து நாமக்கல் குற்றவியல் நீதிமன்றம் உத்தரவிட்டுள்ளது. 260 குழந்தைகள் மாயம்நாமக்கல் மாவட்டம் ராசிபுரத்தில் குழந்தை விற்பனை சம்பவம் தொடர்பாக சுகாதாரத்துறை நடத்திய ஆய்வில் 260 குழந்தைகள் மாயமானது கண்டுபிடிக்கப்பட்டுள்ளது. 206 குழந்தைகள் விற்பனை செய்யப்பட்டார்களா? அல்லது வேறு ஊருக்கு குடிபெயர்ந்தார்களா? என்பது பற்றி சிபிசிஐடி போலீசார் விசாரணை நடத்தி வருகின்றனர்.

போலி பாஸ்போர்ட் தயாரித்து மோசடி செய்த வழக்கில் 2 பேர் கைது: கியூ பிரிவு போலீசார் நடவடிக்கை

திருச்சி: போலி பாஸ்போர்ட் தயாரித்து மோசடி செய்த வழக்கில் மேலும் 2 பேரை கியூ பிரிவு போலீசார் கைது செய்துள்ளனர். ஷாகுல் ஹமீது, சின்னையா ஆகியோரை கைது செய்து கியூ பிரிவு போலீசார் விசாரணை நடத்தி வருகின்றனர்.தலைமறைவாக உள்ள மேலும் 12 பேரை கைது செய்ய உள்ளதாக கியூ பிரிவு போலீசார் தகவல் அளித்துள்ளனர்.

பழனி அருகே சொத்துத் தகராறில் அண்ணனை தம்பிகள் கத்தியால் குத்திக் கொலை

பழனி: பழனி அருகே ஆயக்குடியில் சொத்துத் தகராறில் அண்ணன் தாஜூதீன் கத்தியால் குத்திக் கொலை செய்யப்பட்டுள்ளார். தாஜூதீனை கொலை செய்த அவரது தம்பிகள் உசேன், காதர் உசேனை போலீசார் தேடுவருகின்றனர்.

ரூ2,350 லஞ்சம் வாங்கிய மின்வாரிய ஆய்வாளர் கைது

வாலாஜா: வேலூர் மாவட்டம் வாலாஜா அடுத்த அனந்தலை கிராமத்தை சேர்ந்தவர் பாலாஜி(26). இவர் வீட்டில் உள்ள மின்இணைப்பை மும்முனை இணைப்பாகவும் மீட்டரை இடம்மாற்ற செய்யகோரியும் வாலாஜா மின்வாரிய அலுவலகத்தில் மனு கொடுத்திருந்தார். இதுகுறித்து, விசாரணை நடத்திய மின்வாரிய ஆய்வாளர் சரவணன் ரூ2,350 லஞ்சம் கேட்டாராம். லஞ்ச ஒழிப்பு போலீசார் ஏற்பாட்டின்பேரில் நேற்று பாலாஜி ரூ2,350ஐ ஆய்வாளர் சரவணனிடம் கொடுத்தார். அப்போது  சரவணனை போலீசார் கைது செய்தனர்.

பெண் தற்கொலை விவகாரத்தில் வழக்குப்பதிவு செய்யாத இன்ஸ்பெக்டருக்கு சிறை: சாத்தூர் நீதிமன்றம் அதிரடி தீர்ப்பு

சாத்தூர்: பெண் தற்கொலை விவகாரத்தில் வழக்கு பதியாத சிவகாசி இன்ஸ்பெக்டருக்கு ஒன்றரை ஆண்டு சிறை தண்டனை விதித்து கோர்ட் உத்தரவிட்டது. விருதுநகர் மாவட்டம், சிவகாசியில் உள்ள மடத்து தெருவை சேர்ந்தவர் துரை. இவரது மனைவி சுகன்யா (19). கடந்த 2013ல் பக்கத்து வீட்டில் குடியிருப்பவருடன் ஏற்பட்ட தகராறில் மனமுடைந்த சுகன்யா உடலில் மண்ணெண்ணெய் ஊற்றி தீ வைத்துக் கொண்டார். படுகாயம் அடைந்த அவரை, சிவகாசி அரசு மருத்துவமனையில் சேர்த்தனர். அங்கு சுகன்யாவிடம் சிவகாசி மாஜிஸ்திரேட் நீதிமன்ற நீதிபதி ஜோசப்ஜாய் வாக்குமூலம் பெற்றார். இதனிடையே சிகிச்சை பலனின்றி சுகன்யா இறந்தார்.இதையடுத்து சுகன்யா இறப்புக்கு காரணமானவர் மீது நடவடிக்கை எடுக்கும்படி, சிவகாசி கிழக்கு காவல்நிலைய இன்ஸ்பெக்டர் ரவிச்சந்தருக்கு நீதிமன்றம் உத்தரவிட்டது. ஆனால், இன்ஸ்பெக்டர் நடவடிக்கை எடுக்காமல் காலதாமதம் செய்து வந்தார். இதனால் நீதிமன்றம் உத்தரவின்பேரில், ரவிச்சந்தர் சஸ்பெண்ட் செய்யப்பட்டார். இந்த வழக்கு சாத்தூர் மாஜிஸ்திரேட் நீதிமன்றத்தில் நடந்து வந்தது. இந்த வழக்கை நேற்று முன்தினம் விசாரித்த நீதிபதி சண்முகவேல்ராஜ், இன்ஸ்பெக்டர் ரவிச்சந்தருக்கு ஒன்றரை ஆண்டு சிறை தண்டனை, ரூ.10 ஆயிரம் அபராதம் விதித்து தீர்ப்பளித்தார். தண்டனை பெற்ற இன்ஸ்பெக்டர் இன்னும் 6 மாதத்தில் ஓய்வு பெறப்போகிறார் என்பது குறிப்பிடத்தக்கது.

ஆற்காடு அருகே சடலங்கள் தோண்டி பிரேத பரிசோதனை கணவன், குழந்தையை கொன்று புதைத்த கொடூர மனைவி: போலீசில் பரபரப்பு வாக்குமூலம்

ஆற்காடு: ஆற்காடு அருகே காதல் கணவர், குழந்தையை கொன்று புதைத்தது ஏன் என்று மனைவி பரபரப்பு வாக்குமூலம் கொடுத்தார். கள்ளக்காதலனுடன் சேர்ந்து கணவன், குழந்தையை கொன்று விட்டதாக உறவினர்கள் புகார் அளித்தனர். வேலூர் மாவட்டம், திமிரி அடுத்த பாடி கிராமத்தை சேர்ந்தவர் சுப்பிரமணி. இவரது மனைவி நிர்மலா. இவர்களது மகன் ராஜா(25) எலக்ட்ரீஷியன். கடந்த 2 ஆண்டுகளுக்கு முன் ராஜா, சாத்தூர் மந்தைவெளி தெருவை சேர்ந்த பெருமாள், விஜய் தம்பதியரின் மகள் தீபிகா(19) என்பவரை காதலித்து திருமணம் செய்து கொண்டார். இவர்களுக்கு பிரவீன்குமார்(1) என்ற மகன் உள்ளான். கடந்த 13ம் தேதி முதல் ராஜாவும், பிரவீன்குமாரும் காணாமல் போனார்கள். இதுகுறித்து தீபிகா அங்குள்ளவர்களிடம் கூறி உள்ளார். இந்த தகவல் ராஜாவின் சகோதரிகளுக்கு தெரியவந்தது. உடனே ராஜா வீட்டுக்கு வந்து தீபிகாவிடம் விசாரித்தனர். வீட்டில் ரத்தக்கறை போல இருக்கிறதே என கேட்டுள்ளனர். அதற்கு தீபிகா ஏன் வீணாக சந்தேகப்படுகிறீர்கள்? ரத்தக்கறை இல்லை என்று கூறி சமாளித்தார். ஆனால், அவர்களின் சந்தேகம் தீரவில்லை. இதனால்,  ஆற்காடு தாலுகா காவல் நிலையத்தில் புகார் செய்தனர். அதன்பேரில் போலீசார் வழக்குப்பதிந்து தீபிகாவிடம் விசாரித்தனர். அப்போது, 12ம்தேதியன்று கணவருடன் சண்டை ஏற்பட்டதாகவும், அன்று இரவு ராஜா வீட்டில் தூங்கும்போது கணவன் தலையில் கல்லைபோட்டு கொலை செய்து புதைத்ததாகவும் பரபரப்பு வாக்குமூலம் அளித்தார். பின்னர், புதைத்த இடத்தை தீபிகா போலீசாரிடம் காண்பித்தார். இதையடுத்து அவரை போலீசார் கைது செய்தனர். தீபிகா அளித்த வாக்குமூலம் குறித்து போலீசார் கூறியதாவது: ராஜாவுக்கு குடிப்பழக்கம் இருந்தது. 12ம் தேதியன்று குடிபோதையில் மனைவியுடன் தகராறில் ஈடுபட்டுள்ளார். இதனால் ஆத்திரமடைந்த தீபிகா அன்று இரவு தூங்கும்போது கணவனின் தலையில் கல்லை தூக்கி போட்டு கொலை செய்துள்ளார். அந்த சத்தம் கேட்டு குழந்தை எழுந்து அழுதுள்ளது. கணவரை கொலை செய்தது போலீசில் தெரிந்தால், தான் ஜெயிலுக்கு செல்ல நேரிடும். இதனால், தனது குழந்தையை கொலைக்காரியின் மகன் எனக்கூறுவார்கள் என்று கருதி தனது குழந்தையை துப்பட்டாவால் கழுத்து நெரித்து கொலை செய்து உள்ளார். பின்னர் சடலங்களை வீட்டின் அருகே புதைத்துள்ளார். அதன்பிறகு எதுவும் தெரியாததுபோல் தீபிகா அந்த வீட்டிலேயே இருந்துள்ளார். மேலும் கணவரின் மீதான ஆத்திரத்தில் ஆடைகள் மற்றும் ஆதார் கார்டு, பேங்க் பாஸ்புக் மற்றும் வாக்காளர் அடையாள அட்டை ஆகியவற்றை தீபிகா எரித்துள்ளார். இவ்வாறு போலீசார் தெரிவித்தனர். இதனிடையே, நேற்று மதியம் தாசில்தார் வத்சலா மற்றும் போலீசார் முன்னிலையில் சடலங்கள் தோண்டியெடுக்கப்பட்டு பிரேத பரிசோதனை நடந்தது. கணவரையும், மகனையும் கொலை செய்த தீபிகா ஒருவரே எப்படி 2 பேரின் சடலத்தையும் கொண்டு வந்து புதைத்திருக்க முடியும். எனவே, இதற்கு வேறுயாராவது உடந்தையாக இருந்தனரா? என்ற கோணத்தில் விசாரணையை தீவிரப்படுத்தினர். இதன்படி, ராஜாவின் நண்பர் ஜெயராஜ் என்பவரிடம் போலீசார் விசாரித்து வருகின்றனர். மேலும், கடந்த ஒரு ஆண்டுக்கு முன்பு  இவர்களின் திருமணம் நடந்து சிறிது நாளில் ராஜாவின் தந்தையான சுப்பிரமணி  இறந்தார். அதன்பிறகு, 2 நாட்களில் அவரது மனைவியான நிர்மலாவும்  உயிரிழந்திருக்கிறார். இதற்கும் தீபிகாதான் காரணமாக இருக்கும் என்று ராஜாவின்  சகோதரிகள் கூறினர். ஏனெனில், தீபிகாவிற்கு வேறொருவருடன் கள்ளத்தொடர்பு உள்ளது என்றும் ராஜாவின் சகோதரிகள் குற்றம்சாட்டினர். 10 நாளுக்கு முன்பே தோண்டிய பள்ளம்கணவன், மகனை கொலை செய்ய திட்டமிட்ட தீபிகா, ஏற்கனவே 10 நாட்களுக்கு முன்பே வீட்டின் அருகில் பள்ளம் தோண்டி வைத்திருந்தார். அதன் மீது காய்ந்துபோன முள்வேலி செடிகள் மற்றும் பனை மர ஓலைகள் ஆகியவற்றை போட்டு மூடி வைத்துள்ளார் என்பது தெரியவந்துள்ளது. எனவே கணவன் மற்றும் மகனை தீபிகா திட்டமிட்டு கொலை செய்து புதைத்துள்ளதாக கூறப்படுகிறது.