Crime - Dinakaran

வாணியம்பாடி அருகே ஒன்றரை வயது குழந்தையை கொன்றதாக தாய் கைது

வாணியம்பாடி: வாணியம்பாடி அடுத்த நேதாஜிநகர் பகுதியில் ஒன்றரை வயது குழந்தையை கொன்றதாக தாய் கைது செய்யப்பட்டார். குழந்தை ரித்திகாவை கொலை செய்ததாக தாய் நளினி, அவரது நண்பர் முரளியை போலீசார் கைது செய்தனர்.

சிறை கைதி திடீர் சாவு

புழல்: கேரளா மாநிலத்தை சேர்ந்தவர் இப்ராகிம் (54). இவர், கடந்த 2013ம் ஆண்டு போதை பொருள் வைத்திருந்ததாக சென்னை போதைப் பொருள் தடுப்பு பிரிவு போலீசாரால் கைது செய்யப்பட்டு, புழல் சிறையில் 10 ஆண்டு தண்டனை கைதியாக இருந்து வந்தார்.காசநோயால் பாதிக்கப்பட்ட இப்ராகிம்மை கடந்த ஜனவரி மாதம் ஸ்டான்லி அரசு மருத்துவமனையில் சேர்த்தனர். அங்கு நேற்று காலை இறந்தார்.

ஆலந்தூரில் வீடுகளை நோட்டமிட்டு கொள்ளை ஒடிசாவில் பதுங்கிய 4 பேர் கைது : 50 சவரன் நகை பறிமுதல்

ஆலந்தூர்:  ஆலந்தூர் அடுத்த மணப்பாக்கம் நவீன் கார்டன் தெருவை சேர்ந்தவர்கள் சபரிராஜன், சுதா வெங்கட்ராமன். இருவரும் அருகருகேயுள்ள அடுக்குமாடி குடியிருப்பில் வசித்து வருகின்றனர். இவர்கள் இருவரும் கடந்த ஆண்டு கோடை விடுமுறையின்போது வீட்டை பூட்டிவிட்டு குடும்பத்துடன் வெளியூர் சென்றிருந்தனர். அப்போது, சபரிராஜன் வீட்டின் பூட்டை உடைத்து பீரோவில் வைத்திருந்த 30 பவுன் நகைகள், சுதா வெங்கட்ராமன் வீட்டை உடைத்து 32 பவுன் நகைகளை நகைகளை மர்ம நபர்கள் கொள்ளையடித்து சென்றனர். போலீசார் விசாரணையில், ஒடிசா மாநிலத்தை சங்ராம் (36), லட்மண்தாஸ் (39), ராமநாதபுரத்தை சேர்ந்த செல்வம் (59) ஆகியோர் கைவரிசை காட்டியது தெரியவந்தது. இந்நிலையில், கொள்ளையர்கள் ஒடிசாவில் பதுங்கியிருப்பதாக கடந்த 3 தினங்களுக்கு முன்பு போலீசாருக்கு தகவல் கிடைத்தது. அதன்பேரில், தனிப்படை போலீசார் ஒடிசா சென்று 3 பேரையும் கைது செய்தனர். அவர்களிடம் நடத்திய விசாரணையில், கடந்த ஆண்டு கைதான மூவரும் மணப்பாக்கம் வந்து வாடகை வீடு எடுத்து தங்கி, திருமண நிகழ்ச்சிகளுக்கு சமையல் வேலை செய்து வந்துள்ளனர். அப்போது, வீடுகளை நோட்டமிட்டு கொள்ளையடித்துள்ளனர். இதுபோல் பல வீடுகளில் கொள்ளையடித்துள்ளனர் என்பதும் தெரியவந்துள்ளது. இவர்களிடம் இருந்து 50 சவரன் நகை பறிமுதல் செய்யப்பட்டது. கைது செய்யப்பட்ட 4 பேரையும் நேற்று ஆலந்தூர் நீதிமன்றத்தில் ஆஜர்படுத்தி புழல்சிறையில் அடைத்தனர்.

தி.நகரில் அடுத்தடுத்த கடைகளை உடைத்து 3 லட்சம் கொள்ளை

சென்னை: தி.நகர் தியாகராயர் சாலையில் அப்துல் ரகுமான் (44) என்பவர் துணிக்கடை நடத்தி வருகிறார். இவர், நேற்று காலை கடையை திறக்க வந்தபோது கடையின் பூட்டை உடைத்து, உள்ளே இருந்த 2.5 லட்சத்தை மர்ம நபர்கள் கொள்ளையடித்து சென்றது தெரிந்தது. அதேபோல், அருகில் உள்ள பாத்திரக்கடை, கவரிங் நகை கடைகளின் பூட்டையும் உடைத்து 50 ஆயிரம் கொள்ளையடிக்கப்பட்டிருந்தது. புகாரின் பேரில் போலீசார் விசாரிக்கின்றனர். * மண்ணடி ஜீர் தெருவை சேர்ந்த சிலம்புச்செல்வன் (45), அதே பகுதியில் மெடிக்கல் ஷாப் நடத்தி வருகிறார். நேற்று முன்தினம் இரவு, இவரது கடை பூட்டை உடைத்த மர்ம நபர்கள், கல்லா பெட்டியில் இருந்த 50 ஆயிரத்தை கொள்ளையடித்து சென்றனர். * பூந்தமல்லி கீழ்மாநகரை சேர்ந்த சின்னதுரை (34) என்பவரை வழிமறித்து 2 சவரன் செயினை பறித்துச் சென்ற அதே பகுதியை சேர்ந்த சதீஷ் (30) என்பவரை போலீசார் தேடி வருகின்றனர்.  * ஐயப்பன்தாங்கல் பகுதியில் உள்ள பிரியாணி கடையில் நேற்று முன்தினம் இரவு சாப்பிட வந்த அயப்பாக்கம் சந்திரன் (44), கன்னியாகுமரி மணிகண்டபிரசாத் (35) ராஜூவ் ஆகிய 3 பேர், உணவில் கரப்பான் பூச்சி இருப்பதாக கூறி தகராறில் ஈடுபட்டனர். மேலும், தங்களது நண்பர்களான கார்த்திக், மோகன் ஆகிேயாரை வரவழைத்து, அங்கு சாப்பிட வந்தவர்களை தடுத்து வெளியேற்றியதாகவும் கூறப்படுகிறது. புகாரின் பேரில் போலீசார் 5 பிரிவுகளின் கீழ் வழக்கு பதிந்து சந்திரன், மணிகண்ட பிரசாத், ராஜூவ் ஆகிய 3 பேரை கைது செய்தனர். தப்பியோடிய கார்த்திக், மோகனை தேடி வருகின்றனர். * மயிலாப்பூர், நுங்கம்பாக்கம், சேத்துப்பட்டு உள்ளிட்ட பகுதிகளில் செல்போன் பறிப்பில் ஈடுபட்டு வந்த திருவல்லிககேணி பல்லவன் சாலையை சேர்ந்த விஜய் (எ) கோபால் (22) என்பவரை போலீசார் கைது செய்து 8 செல்போன்களை பறிமுதல் செய்தனர்.* ஜாபர்கான்பேட்டை ரெட்டி தெருவை சேர்ந்த வினோத் (38) நேற்று காலை பைக்கில் தனது மகன் ரோகித்தை அருகில் உள்ள பள்ளிக்கு அழைத்து சென்றார். அப்போது, இயந்திர கோளாறு காரணமாக திடீரென பைக் தீப்பற்றி எரிந்தது. உடனே வினோத் மகனுடன் தப்பினார். ஆனால், அதற்குள் அவரது கையில் தீக்காயம் ஏற்பட்டது. சிறிது நேரத்தில் பைக் எரிந்து நாசமானது. * பூந்தமல்லி குமணன்சாவடி நூர்துபுரம் தெருவை சேர்ந்தவர் ரோட்டே (54). வருமான வரித்துறையில் ஆய்வாளராக பணிபுரிந்து வருகிறார். நேற்று முன்தினம் இவரது வீட்டின் பூட்டை உடைத்து, பீரோவில் இருந்த 2 சவரன் நகை, ஒன்றரை கிலோ வெள்ளிப் பொருட்கள், டிவி உள்ளிட்ட பொருட்களை மர்ம நபர்கள் கொள்ளையடித்து சென்றனர்.

திருப்போரூரில் பாலியல் வன்கொடுமை செய்து மாணவியை கொன்றவருக்கு மரண தண்டனை : மகிளா நீதிமன்றம் அதிரடி தீர்ப்பு

சென்னை : திருப்ேபாரூரில் பாலியல் வன்கொடுமை செய்து பள்ளி மாணவி கொலை செய்யப்பட்ட வழக்கில் குற்றவாளிக்கு மரண தண்டனை விதித்து செங்கல்பட்டு மகிளா நீதிமன்றம் அதிரடி தீர்ப்பு வழங்கியுள்ளது. திருப்போரூர் அடுத்த ஆலத்தூர் கிராமம் லெனின் நகர் 1வது தெருவை சேர்ந்தவர் மலர் (55). இவரது கணவர் முனுசாமி இறந்துவிட்டார். இவர்களது மகள் திவ்யா (25). மகன் அருண்குமார் (16), 12ம் வகுப்பு படிக்கிறார். மற்றொரு மகள் தனலட்சுமி (13). இவர், பையனூர் கிராமத்தில் உள்ள அரசு பள்ளியில் 9ம் வகுப்பு படித்து வந்தார். கடந்த 2017 ஜூலை 23ம் தேதி மலர் கூலி வேலைக்கு சென்றுள்ளார். அருண்குமாரும், திவ்யாவும் ஜாதகம் பார்க்க வெளியே சென்றுள்ளனர். சிறுமி தனலட்சுமி மட்டும் வீட்டில் தனியாக இருந்துள்ளார். வேலை முடிந்து மலரும், ஜாதகம் பார்த்துவிட்டு அருண்குமார் மற்றும் திவ்யாவும் மாலை 5 மணிக்கு வீடு திரும்பினர்.அப்போது, வீட்டில் இருந்து ஒரு வாலிபர் ஓடியதை பார்த்து அவர்கள் அதிர்ச்சியடைந்தனர். மலர் மற்றும் அவரது உறவினர்கள் வீட்டின் உள்ளே சென்று பார்த்தபோது, தனலட்சுமி பாலியல் பலாத்காரம் செய்யப்பட்டு, கழுத்து அறுக்கப்பட்ட நிலையில் ரத்த ெவள்ளத்தில் கொலை செய்யப்பட்டு கிடந்தார். தகவலறிந்து, திருப்போரூர் இன்ஸ்பெக்டர் ரமேஷ் சம்பவ இடத்திற்கு வந்து விசாரித்தனர். அதில், ஆலத்தூர் கங்கையம்மன் கோயில் தெருவை ேசர்ந்த லட்சுமணன் மகன் அசோக்குமார் (26) என்பவர் சிறுமியை பாலியல் பலாத்காரம் செய்து கொன்றது தெரிந்தது. அவரை கைது செய்தனர். பிறகு குண்டர் தடுப்பு சட்டத்தின் கீழ் சிறையில் அடைத்தனர்.இந்த வழக்கு செங்கல்பட்டு மகிளா நீதிமன்றத்தில் நடந்தது வந்தது. இந்த வழக்கில் 24 சாட்சிகள் விசாரிக்கப்பட்டனர். இந்நிலையில், ேநற்று மாலை இந்த வழக்கில் தீர்ப்பு வழங்கப்பட்டது. குற்றம் நிரூபிக்கப்படவே அசோக்குமாருக்கு இந்திய தண்டனை சட்ட பிரிவு 302 மற்றும் 376 கீழ் மற்றும் சிறுமி பாலியல் வன்ெகாடுமை தடுப்பு சட்டம் பிரிவு 6ன் கீழ் ஆயுள் தண்டனையும், மரண தண்டனையும் வழங்கி நீதிபதி ேவல்முருகன் அதிரடி தீர்ப்பை வழங்கினார். இதனையடுத்து அசோக்குமாருக்கு 108 பக்க தீர்ப்பு நகல் கொடுக்கப்பட்டது. அதில், அசோக்குமார் கையெழுத்திட்டு பெற்றுக்கொண்டார். பின்னர் அவர் பலத்த போலீஸ் பாதுகாப்புடன் புழல் சிறையில் அடைக்கப்பட்டார். கடந்த 2 நாட்களாக சிறுமி கொலை வழக்கில் தீர்ப்பு வருவதாக வந்த தகவலையடுத்து செங்கல்பட்டு நீதிமன்ற வளாகத்தில் பத்திரிகையாளர்கள், காவல்துறையினர், பொதுமக்கள், மாதர் சங்க நிர்வாகிகள், வழக்கறிஞர்கள் என நூற்றுக்கும் மேற்பட்ேடார் குவிந்தனர். நல்ல தீர்ப்பு: அரசு தரப்பு வழக்கறிஞர் சீத்தாலட்சுமி கூறுகையில், இந்த வழக்கில் அனைத்து சாட்சிகளும் நீதிமன்றத்தில் தானாக முன்வந்து ஆஜராகினர். மேலும் போலீசார் தரப்பிலும் நல்ல ஒத்துழைப்பும் வழங்கப்பட்டது. மற்றும் நீதிமன்றம் விரைவாக விசாரித்து நல்ல தீர்ப்பை வழங்கியுள்ளது என்றார். ஆதரவு கூடாது: திருப்போரூர் இன்ஸ்பெக்டர் கண்ணன் கூறுகையில், சிறுமி கொலை வழக்கில் குற்றவாளிக்கு ஆதரவாக யாரும் ஆதரவு அளிக்ககூடாது எனவும், இந்த தண்டனை அரிதினும் அரிதான தண்டனை. இதன் மூலம் விழிப்புணர்வு மற்றும் பயம் ஏற்படும். குற்றம் குறையும் எனவும், இந்த தீர்ப்பு நல்ல தீர்ப்பு என்றார்.எங்களுக்கு நிவாரணம்: தீர்ப்பு குறித்து கொலையான சிறுமி தனலட்மியின் தாய் மலர் கூறுகையில், எனது குழந்தையை கொடூர கொலை செய்தவருக்கு மரண தண்டனை விதித்ததை வரவேற்கிறோம். நான் கூலி வேலை செய்து என் மகளை படிக்கவைத்து ெபரிய ஆளாக ஆக்கவேண்டும் என்று நினைத்தேன். ஆனால் எனது மகள் கொலை செய்யப்பட்டாஇதனை நினைத்து சாப்பிடாமல் கவலையடைந்தோம். இந்த தீர்ப்பு எங்களுக்கு கிடைத்த நிவாரணம் என நினைக்கிறோம். இதுபோல எந்த தாய்க்கும் வரக்கூடாது என்றார். தக்க தண்டனை: தனலட்சுமியின் அக்கா திவ்யா கூறுகையில், இந்த தீர்ப்பின் மூலம் மன ஆறுதல் கிடைத்துள்ளது. எனது தந்தை இல்லாமல் எனது தாய் கூலி வேலை செய்து காப்பாற்றிய தங்ைகயை கொலை செய்த கொடூரனுக்கு ஆண்டவன் நல்ல தீர்ப்பு வழங்கியுள்ளான். நீதிமன்றம் வழங்கிய இந்த தீர்ப்பின் மூலம் தக்க தண்டனை கிைடத்துள்ளது என்றார்.அசோக்குமார் வாக்குமூலம்: உத்திரமேருர் அடுத்த வாடாத ஊரை ேசர்ந்தவர் லட்சுமணன். இவரது மகன் அசோக்குமார். தந்தையை பிரிந்து தாய் மரியாவுடன் வாடாத ஊரிலிலுருந்து வந்து ஆலத்தூருக்கு வாடகை வீட்டில் வசித்து வந்துள்ளார். தனியார் கம்பெனியில் ேவலை செய்துள்ளார். அதே கம்பெனியில் வேலை செய்த திவ்யாவை பார்க்க தான் அடிக்கடி அவரது வீட்டிற்கு செல்வதாகவும், சம்பவத்தன்று திவ்யா ேவலைக்கு வரவில்லை. ஏன் என ேகட்க வீட்டிற்கு சென்றபோது தனியாக இருந்த தனலட்சுமியை பாலியல் வன்கொடுமை செய்ததாகவும், பின்னர் கிச்சனில் இருந்த கத்தியை எடுத்து குத்தி கொலை செய்ததாகவும், அனைவரும் வருவதை பார்த்து ஓடியதாகவும் போலீஸ் வாக்குமூலத்தில் அசோக்குமார் கூறினார்.

பரங்கிமலை பகுதியில் 3 லட்சம் குட்கா பறிமுதல்

ஆலந்தூர்: மவுண்ட் பூந்தமல்லி சாலையில் நேற்று முன்தினம் இரவு போலீசார் வாகன சோதனையில் ஈடுபட்டபோது, அவ்வழியே வந்த வேனை மடக்கி சோதனை செய்தபோது, அட்டை பெட்டிகளில் 600 கிலோ போதை பொருட்கள் பதுக்கி கடத்தப்படுவது தெரிந்தது. இதன் மதிப்பு 3 லட்சம். அவற்றை பறிமுதல் செய்த போலீசார், வேனை ஓட்டி வந்த பரங்கிமலை வெள்ளி தெருவை சேர்ந்த  சின்னத்துரை (31), என்பவரை கைது செய்தனர். விசாரணையில், சின்னதுரை குட்கா பொருட்களை நந்தம்பாக்கம், பரங்கிமலை போன்ற பகுதிகளில் உள்ள கடைகளுக்கு சப்ளை செய்து வந்தது தெரியவந்தது.  அவரை கைது செய்தனர்.5 கிலோ கஞ்சா பறிமுதல்: மாதவரம் பேருந்து நிலையம் அருகே, பையில் 5 கிலோ கஞ்சாவுடன் திரிந்த, கேரளா மாநிலம் எர்ணாகுளம் தொப்பம்பாடி தெருவை சேர்ந்த அசாருதீன் (23) என்பவரை போலீசார் கைது செய்தனர். விசாரணையில், இவர் ஆந்திராவில் இருந்து பேருந்தில் கஞ்சா கடத்தி வந்து கேரளா கொண்டு செல்ல முயன்றது தெரியவந்தது. அவரை கைது செய்து, கஞ்சாவை பறிமுதல் செய்தனர்.

அனுமதியின்றி சென்னையில் தங்கிய இலங்கை தமிழர் கைது

சென்னை: இலங்கை யாழ்ப்பானம் பகுதியை சேர்ந்தவர் சசிகுமார் (28). இவர், பிரான்ஸ் நாட்டிற்கு செல்ல இலங்கையில் உள்ள ஏஜென்ட் மூலம் சிங்கப்பூர் வழியாக இந்தோனேசியா, நேபாள நாட்டிற்கு சென்றுள்ளார். அப்போது, பிரான்ஸ் நாட்டிற்கு அனுப்புவதாக கூறி ஏஜென்ட் ஏமாற்றியது தெரியவந்தது. பின்னர் வேறு வழியின்றி சென்னை வந்து  சுகி என்பவருடன் மேடவாக்கத்தில் கடந்த இரண்டு மாதங்களாக தங்கினார். இதற்கிடையே சுகியின் விசா காலம் முடிந்ததால் அதை புதுப்பிக்க சென்னை சாஸ்திரி பவனில் உள்ள குடியுரிமை துறை அலுவலகத்திற்கு சென்றுள்ளார். அப்ேபாது சுகியுடன், சகிகுமார் குடியுரிமைத்துறை அலுவலகத்திற்கு சென்றுள்ளார். இதை பார்த்த அதிகாரிகள் சகிகுமாரிடம் விசாரணை நடத்தினர். பின்னர், முறையான அனுமதியின்றி சென்னையில் தங்கி இருந்த சசிகுமாரை பிடித்து நுங்கம்பாக்கம் காவல் நிலையத்தில் ஒப்படைத்தனர். போலீசார் சசிகுமாரை கைது செய்து விசாரணை நடத்தி வருகின்றனர்.

சென்னை விமான நிலையத்தில் 9.5 லட்சம் அமெரிக்க டாலர் பறிமுதல்

மீனம்பாக்கம்: சென்னையில் இருந்து துபாய் செல்லும் எமரேட் ஏர்லைன்ஸ் விமானம் நேற்று காலை 9.50 மணிக்கு புறப்பட தயாரானது. அதில் பயணம் செய்ய வந்த பயணிகளை விமான நிலைய சுங்க அதிகாரிகள் பரிசோதித்து அனுப்பிக் கொண்டிருந்தனர். அப்போது, சென்னையை சேர்ந்த இப்ராஹிம் (34) என்பவர் சுற்றுலா பயணிகள் விசாவில் துபாய் செல்வதற்காக சென்னை விமான நிலையம் வந்திருந்தார். அவர் கொண்டு வந்த சூட்கேசை சோதனை செய்தபோது, எதுவும் சிக்கவில்லை. ஆனால், அந்த வாலிபர் முன்னுக்குப்பின் முரணாக பேசினார். இதனால், அவரை தனி அறைக்கு அழைத்துச்சென்று முழுமையாக பரிசோதித்த போது, அவரது பேன்ட் பாக்கெட்டில் கட்டுக்கட்டாக அமெரிக்க டாலர்களை மறைத்து வைத்திருப்பது தெரிந்தது. அவற்றை பறிமுதல் செய்தனர். ஆனாலும், சந்தேகம் தீராததால், அவரது ஆடைகளை முழுமையாக களைந்து சோதனை செய்தபோது, ஆசனவாயில் கூம்பு வடிவில் ஒரு பார்சல் இருந்தது. அதை எடுத்து பார்த்தபோது அதிலும் அமெரிக்க டாலர் சுருட்டி வைக்கப்பட்டிருந்தது. அவரிடம் இருந்து மொத்தம் 9.5 லட்சம் மதிப்புள்ள அமெரிக்க டாலரை அதிகாரிகள் பறிமுதல் செய்தனர். விசாரணையில், அது கணக்கில் வராத ஹவாலா பணம் என்றும், ஒருவர் இந்த பணத்தை கொடுத்து துபாயில் உள்ள அவரது நண்பருக்கு தரும்படி அனுப்பியதும் தெரியவந்தது. அவரை கைது செய்து, தீவிரமாக விசாரித்து வருகின்றனர்.

தாம்பரம், மூவரசன்பட்டு பகுதியில் விஷம் வைத்து 32 நாய்கள் கொலை

சென்னை: தாம்பரம், மூவரசன்பட்டு பகுதியில் கடந்த சில நாட்களில் 32க்கும் மேற்பட்ட தெருநாய்கள் விஷம் வைத்து கொல்லப்பட்ட சம்பவம் பொதுமக்களிடையே அதிர்ச்சியை ஏற்படுத்தியுள்ளது. பழவந்தாங்கல் அடுத்த மூவரசன்பட்டு பகுதியில் கடந்த சில நாட்களாக தெருநாய்கள் வாயில் நுரை தள்ளியபடி மர்மமான முறையில் இறப்பது அதிகரித்து வருகிறது. இதுவரை 20க்கும் மேற்பட்ட நாய்கள் இறந்துள்ளன. இந்நிலையில், நேற்று முன்தினம் 2 நாய்கள் வாயில் நுரை தள்ளிய நிலையில் இறந்து கிடப்பதை பார்த்து அப்பகுதி மக்கள் அதிர்ச்சியடைந்தனர். இதுகுறித்து பழவந்தாங்கல் போலீசில் நேற்று முன்தினம் இந்து முன்னணியை சேர்ந்த சரவணகுமார் என்பவர் புகார் அளித்தார். அதன்பேரில் போலீசார் வழக்குப்பதிவு செய்து, மூவரசன்பட்டு பகுதியில் இறந்து கிடந்த 2 நாய்களின் உடலை கைப்பற்றி, வேப்பேரி கால்நடை மருத்துவமனைக்கு பரிசோதனைக்கு அனுப்பி வைத்தனர். மருத்துவர்கள் ஆய்வில், உணவில் விஷம் வைத்து நாய்கள் கொல்லப்பட்டது தெரியவந்தது. இதுகுறித்து போலீசார் கூறுகையில், ‘‘மூவரசன்பட்டு பகுதியில் தனிநபர்கள் ஆடு, மாடுகளை வளர்த்து வருகின்றனர். இவற்றை அங்கு சுற்றி திரியும் நாய்கள் கடித்து வருகிறது. இதனால், பாதிக்கப்பட்டவர்கள் யாரேனும் விஷம் வைத்து கொன்றிருக்கலாம். இதுகுறித்து விசாரித்து வருகிறோம்,’’ என்றனர். இதேபோல், மேற்கு தாம்பரம், ஜெருசலேம் நகர், டி.டி.கே நகர் பகுதியில் கடந்த இரண்டு நாட்களாக தெருநாய்கள் மர்மமான முறையில் இறந்து வருகின்றன. இதுவரை அங்கு 12 நாய்கள் வரை இறந்துள்ளன. கடந்த இரண்டு மாதங்களுக்கு முன்பு இதே பகுதியில் மர்மமான முறையில் 6 நாய்கள் இறந்தது குறிப்பிடத்தக்கது. இதுகுறித்து அப்பகுதி மக்கள் கூறுகையில், ‘‘இரவு நேரங்களில் பூட்டிய வீடுகளை மர்ம ஆசாமிகள் நோட்டமிட்டு கொள்ளை சம்பவத்தில் ஈடுபட்டு வருகின்றனர். இதற்கு தெருநாய்கள் இடையூறாக உள்ளதால், உணவில் விஷம் வைத்து கொன்றுள்ளனர். இதுகுறித்து போலீசார் விசாரணை நடத்தி, உரிய நடவடிக்கை எடுக்க வேண்டும்,’’ என்றனர்.

வளசரவாக்கத்தில் பரபரப்பு திரைப்பட நடிகர் கடத்தல் : போலீஸ் விசாரணை

சென்னை : சென்னை வளசரவாக்கத்தில் கடத்தப்பட்டதாக புகார் கூறப்பட்ட நடிகர் திரும்பி வந்தார். இதுகுறித்து போலீசார் விசாரணை நடத்தி வருகின்றனர். சென்னை வளசரவாக்கம், பாலாஜி நகரை சேர்ந்தவர் ராஜேந்திர பாண்டியன். இவரது மகன் சரவணகுமார். ‘பட்டதாரி’, ‘கேரள நாட்டிளம் பெண்களுடனே’ உள்ளிட்ட சில படங்களில் கதாநாயகனாக நடித்துள்ளார்.  இந்நிலையில், நேற்று முன்தினம் இரவு போலீஸ் கட்டுப்பாட்டு அறையை தொடர்பு கொண்ட ராஜேந்திர பாண்டியன், தனது மகனை சிலர் கடத்தி சென்று விட்டதாக தெரிவித்தார். இதுகுறித்து வளசரவாக்கம் போலீசாருக்கு தகவல் தெரிவிக்கப்பட்டது. வளசரவாக்கம் உதவி கமிஷனர் சம்பத் தலைமையில் சென்ற போலீசார் அந்த பகுதியில் உள்ள கண்காணிப்பு கேமராவில் பதிவான காட்சிகளை வைத்து விசாரணை நடத்தினர். அப்போது, சிறிது நேரத்திலேயே கடத்தப்பட்டதாக கூறப்பட்ட சரவணகுமார் காரில் வந்து இறங்கினார். இதையடுத்து சரவணகுமாரிடம் போலீசார் விசாரணை செய்தபோது, ‘தன்னை யாரும் கடத்தவில்லை என்றும், நண்பர்களுடன் சென்றதாகவும்’ கூறினார். இதுகுறித்து போலீசார் விசாரணை மேற்கொண்டனர். இதுதொடர்பாக, போலீசார் கூறுகையில், சரவணகுமார் ‘பட்டதாரி’ என்ற படத்தில் கதாநாயகனாக நடிக்கும்போது அதே படத்தில் கதாநாயகியாக நடித்த கேரளாவைச் சேர்ந்த அதிதி மேனன் என்ற நடிகையை காதலித்து திருமணம் செய்து கொண்டதாக கூறப்படுகிறது. இந்நிலையில் இருவருக்குமிடையே ஏற்பட்ட கருத்து வேறுபாட்டால் பிரிந்து விட்டதாகவும் அதிதி மேனன் தன்னை ஏமாற்றி விட்டதாக சரவணகுமார் மதுரை நீதிமன்றத்தில் வழக்கு தொடர்ந்துள்ளதாக கூறப்படுகிறது. அந்த வழக்கில், அவரது நண்பர்களின் பெயர்களையும் சரவணகுமார் சேர்த்து விட்டதாகவும் தங்களது பெயர்களை எதற்கு சேர்த்து கொடுத்தாய் என்று கேட்பதற்காக வந்தபோது பக்கத்தில் சென்று பேசலாம் என காரில் ஏறி சென்றுள்ளார்.  போகும்போது பெற்றோரிடம் கூறாமலும் செல்போனை எடுக்காமலும் சென்றதால் சரவணகுமாரை கடத்தி விட்டதாக அவரது தந்தை போலீசாருக்கு தகவல் தெரிவித்து இருப்பது தெரியவந்தது.  தொடர்ந்து இதுகுறித்து விசாரணை நடந்து வருவதாக போலீசார் தெரிவித்தனர். இந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது. ஆனாலும், கடத்தலை சரவணக்குமார் மறைக்கிறாரா என்பது குறித்து போலீசார் தீவிர விசாரணை நடத்தி வருகின்றனர்.

வாட்ஸ்அப்பில் வீடியோ வைரல் வகுப்பறையில் மது அருந்தியதலைமை ஆசிரியர் சஸ்பெண்ட்

கண்ணமங்கலம்: கண்ணமங்கலம் அருகே வகுப்பறையை பாராக மாற்றி மதுபோதையில் தலைமை ஆசிரியர் நிதானம் தவறி கிடக்கும் வீடியோ வாட்ஸ்அப்பில் வைரலாகி உள்ளது. இந்த வீடியோவை பார்த்த அதிகாரிகள், மனோகரை பணிநீக்கம் செய்து உத்தரவிட்டனர். திருவண்ணாமலை மாவட்டம், கண்ணமங்கலம் அடுத்த படவேடு அருகே நீர்த்தொம்பை கிராமம் உள்ளது. இந்த கிராமத்தில் அரசு உயர்நிலைப்பள்ளி இயங்கி வருகிறது. பல கிராமங்களை சேர்ந்த மலைவாழ் மாணவர்கள் படித்து வருகின்றனர். இப்பள்ளியில் மனோகர், தலைமை ஆசிரியராக பணியாற்றி வந்தார். இவர் வகுப்பறையில் ஆசிரியரின் டேபிளில் மது அருந்திவிட்டு வகுப்பறையின் வாசலில் சேரில் அமர்ந்திருப்பது போலவும், காலி மதுபாட்டில், வாட்டர் கேன், சிப்ஸ் பாக்கெட் உள்ளிட்ட பொருட்கள் இருப்பது போலவும் வாட்ஸ்அப்பில் வைரலாக வீடியோ பரவி வருகிறது.இதைப்பார்த்த பொதுமக்கள் கடும் அதிர்ச்சி அடைந்தனர். பாடம் நடத்த வேண்டிய ஆசிரியரே பள்ளி நேரத்தில் பள்ளியிலேயே குடித்திருப்பது வேதனையாக உள்ளது. இவர் மீது துறை ரீதியாக உரிய நடவடிக்கை எடுக்க வேண்டும் என்று கோரிக்கை விடுத்தனர். இதற்கிடையே இந்த வீடியோவை பார்த்த சிஇஓ மனோகரை பணிநீக்கம் செய்து உத்தரவிட்டனர்.

கோகுல்ராஜ் கொலை வழக்கில் தடயவியல் நிபுணர்கள், மாஜிஸ்திரேட் சாட்சியம்

நாமக்கல்: கோகுல்ராஜ் கொலை வழக்கில் மாஜிஸ்திரேட், தடய அறிவியல் நிபுணர்கள் நாமக்கல் கோர்ட்டில் நேற்று சாட்சியம் அளித்தனர். சேலம் மாவட்டம் ஓமலூரை சேர்ந்த இன்ஜினியர் கோகுல்ராஜ்(23) கொலை வழக்கில், சாட்சிகள் விசாரணை கடந்த 6 மாதமாக, நாமக்கல் மாவட்ட முதன்மை நீதிமன்றத்தில் நடைபெற்று வருகிறது. இந்த வழக்கில் நேற்று மீண்டும் சாட்சிகள் விசாரணை, மாவட்ட முதன்மை நீதிமன்ற நீதிபதி இளவழகன் முன்னிலையில் நடைபெற்றது. அப்போது, கைது செய்யப்பட்டு சிறையில் அடைக்கப்பட்டுள்ள தீரன் சின்னமலை கவுண்டர்கள் பேரவை நிறுவனர் யுவராஜ் உள்பட 15 பேரை, போலீசார் ஆஜர்படுத்தினர். சென்னை தடய அறிவியல் பிரிவு அலுவலர்கள் அழகேசன், திலகா ஆகிய இருவரும் சாட்சியம் அளித்தனர். கொலை செய்யப்படும் முன்பு, கோகுல்ராஜ் ஒரு பக்கம் கடிதம் எழுதி வைத்திருந்தார். இதை சிபிசிஐடி போலீசார் கைப்பற்றி, சென்னை தடய அறிவியல் ஆய்வகத்துக்கு கையெழுத்து ஒப்பீடு சோதனைக்காக அனுப்பி முடிவுகளை தெரிந்து கொண்டனர். இதனடிப்படையில், இருவரும் அளித்தனர். அரசு தரப்பு வழக்கறிஞர் கருணாநிதி இருவரிடமும் விசாரணை நடத்தினார். மேலும், அப்போதைய நாமக்கல் 2வது மாஜிஸ்திரேட் ராஜேஷ்கண்ணனும் ஆஜராகி சாட்சியமளித்தார். இதையடுத்து, இந்த வழக்கு விசாரணையை வரும் 18ம் தேதிக்கு ஒத்தி வைத்து, மாவட்ட முதன்மை நீதிபதி இளவழகன் உத்தரவிட்டார்.

ஆடம்பர வாழ்க்கைக்கு ஆசைப்பட்டதால் திட்டினேன்: துணை நடிகை தற்கொலை வழக்கில் கைதான காதலன் பரபரப்பு வாக்குமூலம்

சென்னை:  ஆடம்பர வாழ்க்கைக்கு ஆசைப்பட்டதால் திட்டினேன். இதனால் துணை நடிகை தற்கொலை செய்துகொண்டார் என கைதான அவரது காதலன் பரபரப்பு வாக்குமூலம் அளித்துள்ளார். திருப்பூர் மாவட்டத்தை சேர்ந்தவர் மேரி ஷீலா ஜெபராணி (எ) யாஷிகா (21). கடந்த 6 மாதங்களுக்கு முன் சினிமாவில் நடிக்கும் ஆசையில் சென்னை வந்தார். வடபழனியில் ஒரு தனியார் விடுதியில் தங்கி சினிமா வாய்ப்பு தேடிவந்தார். ‘மன்னர் வகையறா’ என்ற படத்தில் துணை நடிகையாக நடிக்க வாய்ப்பு கிடைத்தது. அதன் பிறகு சின்னத்திரையில் யாஷிகா சிறு வேடங்களில் நடித்து வந்தார்.  செல்போன் ரீசார்ஜ் செய்ய விடுதியின் அருகே உள்ள செல்போன் கடைக்கு யாஷிகா அடிக்கடி செல்வார். அப்போது கடையில் வேலை பார்க்கும் பெரம்பூர் மார்க்கெட் தெருவை சேர்ந்த மோகன் பாபு (22) என்பவருடன் நட்பு ஏற்பட்டது. பின்னர் அது காதலாக மாறியது.பெற்றோர் சம்மதத்துடன் திருமணம் செய்துகொள்ளலாம். அதுவரை கணவன்- மனைவி போல் வாழலாம் என்று மோகன்பாபு கூறியதால் இருவரும் கடந்த மாதம் பெரவள்ளுர் ஜி.கே.எம்.காலனி 22வது தெருவில் ஒரு வீட்டில் குடியேறினர். படப்பிடிப்புக்கு போகும்போது சில நாட்கள் இரவில் வரமுடியாமல், அதிகாலை யாஷிகா வீட்டுக்கு வந்துள்ளார். மோகன்பாபுவுக்கு இது பிடிக்காததால் இருவருக்கும் அடிக்கடி தகராறு ஏற்பட்டுள்ளது. இதனால் மோகன் பாபு வீட்டுக்கு வருவதை தவிர்த்துள்ளார்.  இதை தொடர்ந்து, நாம் இருவரும் திருமணம் செய்து கொள்ளலாம் என யாஷிகா கூறி உள்ளார். அதற்கு மோகன்பாபு ஒத்துக்கொள்ளவில்லை. தகராறு ஏற்பட்டதால் யாஷிகாவை விட்டு பிரிந்து தனது பெற்றோர் வீட்டுக்கு மோகன்பாபு சென்றுவிட்டார். காதலனின் இந்த முடிவால் மனமுடைந்த யாஷிகா, இரு தினங்களுக்கு முன் திடீரென தூக்குப்போட்டு தற்கொலை செய்துகொண்டார்.தகவல் அறிந்து, பெரவள்ளுர் போலீசார் சம்பவ இடத்திற்கு வந்து யாஷிகாவின் உடலை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். பின்னர் யாஷிகாவின் செல்போனை போலீசார் கைப்பற்றி ஆய்வு செய்தனர். அப்போது யாஷிகா தற்கொலைக்கு முன்பு தனது தாய்க்கு உருக்கமாக பேசி வாட்ஸ் அப்பில் அனுப்பிய பதிவு கிடைத்தது. அதில், ‘சினிமாவில் வாய்ப்பு தேடி சென்னை வந்த எனக்கு உதவி செய்வதுபோல் நடித்து மோகன்பாபு என்னை ஏமாற்றிவிட்டார். எனக்கு திருமண ஆசை காட்டினார். அதை நம்பி மோகன்பாபுவுடன் வீடு ஒன்று வாடகைக்கு எடுத்து குடும்பம் நடத்தினேன். பிறகு திருமணம் செய்து கொள்ளலாம் என்று பேச்சு எடுத்தாலே என் மீது வெறுப்பை கொட்டினார். கடைசியாக திருமணம் செய்து கொள்ளாமல் என்னை ஏமாற்றிவிட்டார். எனது தற்கொலைக்கு மோகன்பாபுதான் காரணம். அவருக்கு உரிய தண்டனை பெற்றுத்தர வேண்டும். என்னைப் போல் யாரும் மோகன் பாபுவிடம் ஏமாறக்கூடாது. என்னுடைய சாவு காதல் என்ற பெயரில் பெண்களை ஏமாற்றும் ஆண்களுக்கு ஒரு பாடமாக இருக்கட்டும்’ என கூறப்பட்டிருந்தது. துணை நடிகையின் தாயும் வீடியோ ஆதாரத்துடன் போலீசாரிடம் மோகன் பாபு மீது புகார் அளித்தார். போலீசார் வழக்குப்பதிவு செய்து மோகன்பாபுவை நேற்று முன்தினம் இரவு கைது செய்து விசாரித்தனர்.அப்போது, மோகன்பாபு போலீசாரிடம் அளித்த வாக்குமூலம்: வடபழனியில் உள்ள செல்போன் கடையில் வேலை பார்த்தேன். அப்போது செல்போனுக்கு ரீசார்ஜ் செய்ய வந்த யாஷிகாவுக்கும் எனக்கும் பழக்கம் ஏற்பட்டது. முதலில் நட்பாக பழகினோம். பின்னர் காதலாக மாறியது. அதன்பிறகு இருவரும் திருமணம் செய்துகொள்ள முடிவு செய்தோம். இரு வீட்டிலும் சம்மதம் வாங்கிய பிறகு திருமணம் செய்துகொள்ளலாம் என நினைத்தோம். அதுவரை தனி வீடு எடுத்து தங்கலாமென முடிவு செய்தோம். அதன்படி, பெரவள்ளூர் ஜி.கே.எம். காலனியில் தனி வீடு எடுத்து தங்கியிருந்தோம். சினிமாவில் நடிக்கும் ஆசையில் யாஷிகா அடிக்கடி வெளியில் சென்றுவிட்டு வருவார். மேலும் ஆடம்பரமாக இருப்பாள். போதிய வருமானம் இல்லாததால் செலவை குறைத்துக்கொள்ளும்படி அடிக்கடி கூறுவேன். அவள் எதையுமே காதில் போட்டுக்கொள்ளாமல் இருந்தாள். இதனால் எங்களுக்குள் அடிக்கடி தகராறு ஏற்படும். ஒரு கட்டத்தில் தகராறு முற்றியதால் கோபத்தில் என்னுடைய தாய் வீட்டுக்கு சென்றுவிட்டேன். யாஷிகா தற்கொலை செய்துகொள்வாள் என கொஞ்சம்கூட நினைத்து பார்க்கவில்லை. இவ்வாறு போலீசில் மோகன்பாபு வாக்குமூலம் அளித்துள்ளார். பின்னர், போலீசார் மோகன்பாபுவை நீதிமன்றத்தில் ஆஜர்படுத்தி புழல்சிறையில் அடைத்தனர்.

பம்ப்செட்டில் அடைத்து வைத்து 5 நாள் பலாத்காரம்: பள்ளி மாணவியை கொன்று புதைத்த மேலும் 4 பேர் கைது

சென்னை: பள்ளிப்பட்டில்  மாணவியை கடத்தி சென்று, பம்ப் செட்டில் 5 நாட்கள் அடைத்து வைத்து பாலியல் வன்ெகாடுமை செய்து கொலை செய்த வழக்கில் மேலும் 4 பேரை போலீசார் கைது செய்தனர். அவர்களை நீதிமன்றத்தில் ஆஜர்படுத்தி சிறையில்  அடைத்தனர்.  திருவள்ளூர் மாவட்டம், பள்ளிப்பட்டு அடுத்த கொத்த வெங்கடாபுரம் பகுதியை சேர்ந்த 10ம் வகுப்பு மாணவி சரிதா (15).  இவர், கடந்த செப்டம்பர் மாதம் 7ம் தேதி முதல் மாயமானார். இதுகுறித்து பொதட்டூர்பேட்டை போலீசார் வழக்குப்பதிவு செய்து விசாரித்து வந்தனர்.  இந்நிலையில், கடந்த 10ம் தேதி கீச்சலம் கிராமத்துக்கு அருகே ஓடையில் துண்டு துண்டாக எலும்புக்கூடு கிடந்தது. அருகே பள்ளி சீருடை, செருப்பு இருப்பதை அறிந்ததும் ஆர்.கே.பேட்டை போலீசார் சம்பவ இடத்துக்கு விரைந்து வந்து விசாரணை மேற்கொண்டனர். டிஐஜி தேன்மொழி, எஸ்பி பொன்னி மேற்பார்வையில் ஆய்வாளர்கள் ஆர்.கே.பேட்டை ரமேஷ், பொதட்டூர்பேட்டை ரவிச்சந்திரன் ஆகியோர் கொண்ட தனிப்படை போலீசாரின் விசாரணையில், ஓடையில் கிடந்த துண்டு துண்டான எலும்புகள், சீருடை, செருப்புகள் மூலம் காணாமல் போன பள்ளி மாணவி சரிதா என தெரியவந்தது.பின்னர் 4 தனிப்படைகள் மூலம் மாணவி கொலையில் சம்பந்தப்பட்டவர்களை பிடிக்க தீவிர வேட்டை நடந்தது. இதையடுத்து, பள்ளி மாணவியை கடத்தி பாலியல் பலாத்காரம் செய்த அவரது முறைமாமன் சங்கரய்யா (21) என்பவரை போலீசார் கைது செய்து தீவிர விசாரணை நடத்தினர். அப்போது, தனது காதலை ஏற்காததால் சரிதாவை கடத்தி சென்று பம்ப்செட்டில் அடைத்து பாலியல் பலாத்காரம் செய்ததாகவும், மேலும் இதை பார்த்த அதே பகுதியை சேர்ந்த 4 பேருடன் கூட்டு சேர்ந்து மாணவியை 5 நாட்கள் தொடர் பாலியல் வன்கொடுமை செய்து இரும்பு ராடால் அடித்து கொலை செய்து, பம்ப்செட் அருகே புதைத்ததாகவும், பின்னர் 2 மாதங்கள் கழித்து, அங்கு அறுவடை பணிகள் நடந்ததால் மாணவியின் பிணத்தை தோண்டி எடுத்து, அருகில் உள்ள ஓடை பகுதியில்  மீண்டும் புதைத்ததாகவும் சங்கரய்யா போலீசில் வாக்குமூலம் அளித்துள்ளார்.அதன்அடிப்படையில் அதே பகுதியை சேர்ந்த நாதமுனி (42), கிருஷ்ணமூர்த்தி (44), ஜெகதீச ரெட்டி (43), மோகன்ராஜ் (42) ஆகிய 4 பேரையும் நேற்று போலீசார் கைது செய்தனர். பின்னர் கைது செய்யப்பட்ட ஐந்து பேரும் நேற்று நீதிமன்றத்தில் ஆஜர்படுத்தப்பட்டு புழல் சிறையில் அடைக்கப்பட்டனர்.

தருமபுரி அருகே ரூ.1,500 லஞ்சம் பெற்ற ஒன்றிய பணி மேற்பார்வையாளர் கைது

தருமபுரி: தருமபுரி மாவட்டம் நல்லம்பள்ளியில் ரூ.1,500 லஞ்சம் பெற்ற ஒன்றிய பணி மேற்பார்வையாளர் அய்யாவு என்பவர் கைது செய்யப்பட்டுள்ளார். பிரதம மந்திரி வீடு திட்டத்தில் கட்டப்பட்ட வீட்டிற்கு இறுதி பட்டியல் தொகை வழங்க லஞ்சம் பெற்ற போது கைது செய்யப்பட்டார்.

பரங்கிமலையில் வேனில் கடத்தி வரப்பட்ட 600 கிலோ குட்கா பறிமுதல்

சென்னை: சென்னை பரங்கிமலையில் வேனில் கடத்தி வரப்பட்ட 600 கிலோ குட்கா பறிமுதல் செய்யப்பட்டுள்ளது. கடத்தலில் ஈடுபட்ட சின்னத்துரையை கைது செய்து பரங்கிமலை போலீஸ் விசாரணை மேற்கொண்டுள்ளனர்.

திருச்சியில் 3 வயது குழந்தையை கொன்ற தாய்க்கு இரட்டை ஆயுள் தண்டனை

திருச்சி: திருச்சியில் 3 வயது குழந்தையை கொன்ற தாய்க்கு இரட்டை ஆயுள் தண்டனை விதிக்கப்பட்டுள்ளது. தகாத தொடர்புக்கு இடையூறாக இருந்ததால் 2016-ம் ஆண்டு 3 வயது குழந்தையை தாயே கொலை செய்தார். கொலை செய்த தாய் ரோஸ்லினுக்கு இரட்டை ஆயுள் தண்டனை விதித்து திருச்சி அமர்வு நீதிமன்றம் உத்தரவிட்டுள்ளது.

திருத்தணி அருகே சிறுமி கொலை செய்யப்பட்ட வழக்கில் மேலும் 4 பேர் கைது

திருத்தணி: திருத்தணி அருகே சிறுமி கொலை செய்யப்பட்ட வழக்கில் மேலும் 4 பேர் கைது செய்யப்பட்டுள்ளனர். ஜெகதீஷ், ஞாதமுனி, மோகன்ராஜ், கிருஷ்ணமூர்த்தி ஆகியோர் கைது செய்யப்பட்டுள்ளனர். சிறுமியை பலாத்காரம் செய்து கொன்ற வழக்கில் ஏற்கனவே சங்கரய்யா என்பவர் கைது செய்யப்பட்டுள்ளார். புது வெங்கடாபுரத்தில் 15 வயது சிறுமியை கடத்தி பலாத்காரம் செய்து கொலை செய்துள்ளனர்.

ஆரணி அருகே மேலும் ஒரு காவலர் தற்கொலை

தி.மலை: ஆரணி அருகே அய்யம்பேட்டையில் தலைமை காவலர் முனியன் விஷம் குடித்து தற்கொலை செய்து கொண்டார். போளூர் காவல்நிலைய தலைமை காவலர் முனியன் தற்கொலை செய்தது குறித்து போலீசார் விசாரணை நடத்தி வருகின்றனர். மதுரை காவலர் குடியிருப்பில் சிறப்பு காவல் படை காவலர் ராமர் நேற்று தூக்கிட்டு தற்கொலை செய்தார்.

தாலி கட்டிய கணவரான மீன் வியாபாரிக்கு துரோகம் கள்ளசாவி போட்டு சொந்த வீட்டிலேயே கொள்ளையடித்த மனைவி கைது: கள்ளக்காதலனிடம் இருந்து 25 சவரன் நகை, 5 லட்சம் பறிமுதல்

சென்னை: மீன் வியாபாரி வீட்டில் போலி சாவி மூலம் 25 சவரன் நகை மற்றும் ரூ.5 லட்சம் பணத்தை மனைவியே கள்ளக்காதலனுடன் சேர்ந்து கொள்ளையடித்த சென்ற சம்பவம் கோட்டூர்புரத்தில் பரபரப்பை ஏற்படுத்தியது.சென்னை கோட்டூர்புரம் குடிசைமாற்று வாரிய குடியிருப்பை சேர்ந்தவர் பாஸ்கர்(40). மீன் வியாபாரியான இவர், தனது மனைவி தேவி (38) உடன் வசித்து வருகிறார். இவர்களுக்கு குழந்தை இல்லையாம். இந்நிைலயில் பாஸ்கர் அதிகாலையிலேயே மீன் வியாபாரத்திற்கு சென்று விட்டு இரவு தான் வீட்டிற்கு வருவது வழக்கம். இதற்கிடையே, அதே பகுதியை சேர்ந்த பாஸ்கருடன் மீன் வியாபாரம் செய்யும் அவரது நண்பர்  அர்ஜூனன் அடிக்கடி வீட்டிற்கு வந்து சென்றுள்ளார். இதனால் தேவிக்கும் அர்ஜூனனுக்கும் இடையே நட்பு ஏற்பட்டு பிறகு கள்ளக்காதலாக மாறியுள்ளது. இதனால் பாஸ்கர் வீட்டில் இல்லாத போது அர்ஜூனனுடன் தேவி  நெருக்கமாக இருந்து வந்துள்ளார்.ஒரு கட்டத்தில் மனைவியின் கள்ளக்காதல் விவகாரம் பாஸ்கருக்கு தெரியவந்தது. இதுகுறித்து பல முறை கண்டித்தும் தேவி அர்ஜூனனுடனான கள்ளக்காதலை கைவிடவில்லை. பிறகு பாஸ்கர் தனது மனைவியை வீட்டில்  இருந்து வெளியே அனுப்பிவிட்டதாக கூறப்படுகிறது. இதையடுத்து தேவி தற்போது தனது கள்ளக்காதலன் அர்ஜூனனிடன் வசித்து வருகிறார்.இந்நிலையில், பாஸ்கர் நேற்று முன்தினம் காலை வழக்கமாக வீட்டை பூட்டிவிட்டு மீன் வியாபாரத்திற்கு சென்று விட்டார். இதை பார்த்த தேவி, தனது கள்ளக்காதலனுடன் கணவர் வீட்டிற்கு வந்து, ஏற்கனவே தயாராக  வைத்திருந்த போலி சாவி மூலம் வீட்டை திறந்து, பீரோவில் ைவத்திருந்த 25 சவரன் நகை மற்றும் ரூ.5 லட்சம் ரொக்க பணத்தை கொள்ளையடித்து கொண்டு மீண்டும் வீட்டை பூட்டிவிட்டு ஒன்றும் தெரியாதது போல்  வந்துவிட்டனர்.வழக்கம் போல் வியாபாரம் முடித்துவிட்டு மதியம் வீட்டிற்கு வந்த பாஸ்கர், வீட்டை திறந்து உள்ளே பார்த்த போது பீரோ அருகே துணிகள் சிதறி கிடந்தது. உடனே பீரோவை திறந்து பார்த்த போது அதில் ைவத்திருந்த 25  சவரன் நகை மற்றும் ரூ.5 லட்சம் பணம் மாயமாகி இருந்ததை கண்டு அதிர்ச்சியடைந்தார்.இதையடுத்து பாஸ்கர் சம்பவம் குறித்து கோட்டூர்புரம் காவல் நிலையத்தில் புகார் அளித்தார். அதன்படி போலீசார் வழக்கு பதிவு செய்து விசாரணை நடத்தினர். அப்போது, பாஸ்கர் வீட்டிற்கு தேவி தனது கள்ளக்காதலனுடன் வந்து  சென்றதாக அருகில் வசிக்கும் பொதுமக்கள் போலீசாரிடம் தெரிவித்தனர். அதன்படி போலீசார் பாஸ்கர் மனைவி தேவியை பிடித்து விசாரணை நடத்தினர். அப்போது, தனது கள்ளக்காதலன் அர்ஜூனனுடன் சேர்ந்து நகை மற்றும்  பணத்தை திருடியதை ஒப்புக்கொண்டார். நகையை தேவியும், பணத்தை அர்ஜூனனும் பிரித்து கொண்டது விசாரணையில் தெரியவந்தது. அதை தொடர்ந்து போலீசார் தேவி மற்றும் அவரது கள்ளக்காதலன் அர்ஜூனனையும் கைது ெசய்தனர். அவர்களிடம் இருந்து நகை மற்றும் பணத்தையும் போலீசார் பறிமுதல் ெசய்தனர். இச்சம்பவம் கோட்டூர்புரத்தில் பரபரப்பை ஏற்படுத்தியது.