Crime - Dinakaran

தேனி அருகே குழந்தைகளை கொன்று தாய் தற்கொலை

தேனி; கடமலைகுண்டு அருகே தர்மராஜபுரத்தில் குடும்ப பிரச்சனை காரணமாக 2 குழந்தைகளை கொன்றுவிட்டு, தாய் ஒருவர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது. குழந்தைகள் அனன்யா, தர்ஷனா ஆகியோரது கழுத்தை நெறித்து கொன்ற பின்னர், தாய் ராம்பிரியா தற்கொலை செய்து கொண்டுள்ளார்.

பள்ளிபாளையம் அருகே நிகழ்ந்த கொலை சம்பவத்தில் 5 பேர் கைது

நாமக்கல்: பள்ளிபாளையம் அருகே காட்டூர் பகுதியில் தர்மராஜ் என்பவர் கொலை செய்யப்பட்ட சம்பவத்தில் 5 பேர் கைது செய்யப்பட்டுள்ளனர். முத்துக்குமார், ரமேஷ், சிவசக்திவேல், ரங்கநாதன், ஈஸ்வரமூர்த்தி உள்ளிட்டோர் கைது செய்யப்பட்டுள்ளனர்.

வேலூர் அருகே ரூ.200 கள்ள நோட்டுகளை வைத்திருந்த 3 பேர் கைது

வேலூர்: வாணியம்பாடி அடுத்த ஆலங்காயத்தில் ரூ.200 கள்ள நோட்டுகளை வைத்திருந்த 3 பேர் கைது செய்யப்பட்டுள்ளனர். கைதான வீரபாண்டியன், துளசிராமன் மற்றும் பாரத்திடம் இருந்து ரூ.21,000 மதிப்புள்ள கள்ளநோட்டுகள் பறிமுதல் செய்யப்பட்டுள்ளது.

டெல்லியில் 10,000 கிலோ போதைப்பொருள் பறிமுதல்...3 பேர் கைது

டெல்லி: டெல்லியில் வெளிநாட்டவர் உட்பட 3 பேரிடம் 10,000 கிலோ போதைப்பொருள் பறிமுதல் செய்யப்பட்டுள்ளது. போதைப்பொருள் வைத்திருந்த 3 பேரை போதைப்பொருள் தடுப்பு பிரிவு போலீசார் கைது செய்துள்ளனர். 

திருவண்ணாமலை அருகே பள்ளி ஆசிரியர் மீது தாக்குதல்

தி.மலை: திருவண்ணாமலை மாவட்டம் செங்கம் அருகே பள்ளி ஆசிரியர் மீது தாக்குதல் நடத்தப்பட்டுள்ளது. 10-ம் வகுப்பு மாணவிக்கு பாலியல் தொல்லை கொடுத்ததால் உறவினர்கள் ஆத்திரம் அடைந்துள்ளனர். உறவினர்கள் தாக்கியதில் அரசு பள்ளி ஆசிரியர் கண்ணனின் மண்டை உடைந்துள்ளது.

தேனி அருகே சொத்து பிரச்சனையால் மகனை கொன்ற தந்தை கைது

தேனி: தேனி மாவட்டம் சின்னமனூர் அடுத்த ஒத்தவீடு பகுதியில் சொத்து பிரச்சனையால் மகனை கொன்ற தந்தை கைது செய்யப்பட்டார். மகன் ஈஸ்வரன் மீது கல்லை போட்டு கொலை செய்த போஸ் என்பவரை போலீசார் கைது செய்தனர்.

ஆர்.கே.சாலையில் பரபரப்பு மின்னல் வேகத்தில் காரை ஓட்டி பொதுமக்களை மிரட்டிய போதைவாலிபர் : தட்டிக்கேட்ட பெண்கள் மீது மோதிவிட்டு பறந்தார்

சென்னை:  சென்னை, மெரினா கடற்கரை, ராதாகிருஷ்ணன் சாலையில் நேற்று இரவு 10 மணியளவில் வாலிபர் ஒருவர் நுங்கம்பாக்கம் நோக்கி காரில் மின்னல் வேகத்தில் சென்று கொண்டிருந்தார். சாலையில் இருசக்கர வாகனத்தில் சென்றவர்களை உரசியபடி சிக்னல்களில் நிற்காமல் மின்னல் வேகத்தில் அந்த கார்  சென்றது. இதைபார்த்த  வாகன ஓட்டிகள் அந்த காரை பின் தொடர்ந்து சுமார் 1 கிலோ மீட்டர் தூரம் விரட்டி சென்று ஏவிஎம் ராஜேஸ்வரி திருமண மண்டபம் அருகே மடக்கிப்பிடித்தனர். அப்போது இருசக்கரவாகனத்தில் வந்த பெண்கள் மற்றும் ெபாதுமக்கள் ஏன் இவ்வளவு வேகமாக காரை ஓட்டிசெல்கிறீர்கள் என்று தட்டி கேட்டனர். அதற்கு குடிபோதையில் இருந்த அவர் பெண்களை தகாதவார்த்தையால் திட்டி அடிக்கப்பாய்ந்தார். மேலும் நான் யார் என்று தெரியுமா? என்று கேட்டபடி மறுபடியும் அடிக்க பாய்ந்தார். இதையடுத்து போக்குவரத்து எஸ்ஐ மற்றும் காவலர்  வந்து அந்த வாலிபரிடம் விசாரிக்க முயன்றனர். அப்போது போலீசாரையும் அவர் மிரட்டும் தோணியில் பேசினார். இதனால் போலீசார் பேசாமல் ஒதுங்கி நின்றனர். இதையடுத்து அந்த வாலிபர் காரில் தப்ப முயன்றார். இதைபார்த்த பெண்கள் மற்றும் பொதுமக்கள் காரை சூழ்ந்து கொண்டு போதை வாலிபர்மீது நடவடிக்கை எடுக்க கோரி போலீசாரிடம் வாக்குவாதம் செய்தனர். அப்போது அந்த நபர் பெண்கள் மீது காரை ேமாதிவிட்டு அசுரவேகத்தில் பறந்து சென்றார். போதை வாலிபரின் அட்டகாசத்தால் ராதாகிருஷ்ணன் சாலையில் சுமார் 20 நிமிடம் போக்குவரத்து பாதிக்கப்பட்டது.

சாந்தோம் திருமண மண்டபத்தில் பயங்கரம் சரமாரியாக தாக்கி வாலிபர் படுகொலை

சென்னை: மயிலாப்பூர் நொச்சிநகர் குடிசை மாற்றுவாரிய குடியிருப்பு  பி பிளாக்கில் வசித்து வருபவர் லட்சுமி. இவரது  மகன் விஜய்(எ)ரைடர் விஜய்(25).  நேற்று இரவு சாந்தோம் சர்ச் எதிரே உள்ள திருமண மண்டபத்தில் பாபு என்பவரின் திருமண வரவேற்பு நிகழ்ச்சியில் கலந்து கொள்ள தனது நண்பர்களுடன் வந்துள்ளார். அப்போது அவர்கள் மது அருந்தியதில் வாக்குவாதம் ஏற்பட்டு ஒருவருக்கொருவர் தாக்கி கொண்டனர். இந்நிலையில் அவர்களிடம் இருந்து தப்பிக்க மண்டபத்தில் இருந்து வெளியே ஓடிவந்த விஜயை அந்த கும்பல் உருட்டு கட்டை, மதுபாட்டிலால் குத்தியுள்ளனர். தப்பி சென்ற விஜயை துரத்திய கும்பல் சரமாரியாக தாக்கியது. அதில் தலை மற்றும் காலில் பலத்த காயம் ஏற்பட்டு  சாலையில் விஜய் சுருண்டுவிழுந்து இறந்தார். சம்பவ இடத்துக்கு விரைந்த மயிலாப்பூர் போலீசார் விஜயின் உடலை மீட்டு ராயப்பேட்டை மருத்துவமனைக்கு அனுப்பி வைத்தனர். போலீஸ் விசாரணையில் விஜய் மீது 2 வழக்குகள் உள்ளது தெரியவந்தது. தாயார் வட்டிக்கு பணம் கொடுப்பதால் தொழில் போட்டியில் கொலை நடந்ததா என விசாரிக்கின்றனர்.

பாலியல் தொல்லை: போக்சோ சட்டத்தில் பெயிண்டர் கைது

சென்னை:  மேல்மருவத்தூர் அருகில் உள்ள கிராமத்தை சேர்ந்தவர் மாணிக்கம், விவசாயி. இவருக்கு காயத்ரி என்ற மனைவியும் மகாலட்சுமி (13) (பெயர் மாற்றப்பட்டுள்ளது) என்ற மகளும் உள்ளனர். மகாலட்சுமி அங்குள்ள அரசு பள்ளியில் 8ம் வகுப்பு படித்து வருகிறார். இந்நிலையில் அதே கிராமத்தை சேர்ந்த பெயிண்டர் நாகதாஸ்(39), கடந்த 2 நாட்களுக்கு முன்பு சிறுமியிடம் ஆசைவார்த்தை கூறிஆள்நடமாட்டம் இல்லாத இடத்திற்கு அழைத்துச் சென்று அவரை பாலியல் தொந்தரவு செய்துள்ளார். சிறுமி தப்பிச் சென்று தாயாரிடம் நடந்த சம்பவம் குறித்து கூறியுள்ளார். இதுகுறித்து சிறுமியின் தாய் அளித்த புகாரின் பேரில் மேல்மருவத்தூர் மகளிர் போலீசார் பெயிண்டர் நாகதாசை போக்சோ சட்டத்தில் கைது செய்தனர்.

மனைவி தற்கொலை காவலர் கைது

சென்னை: கிருஷ்ணகிரி மாவட்டம், ராயக்கோட்டையை சேர்ந்தவர் விக்னேஷ் (25). ஆயுதப்படை காவலர். இவரது மனைவி லட்சுமி (24). தம்பதிக்கு திருமணம் ஆகி 2 ஆண்டுகள் ஆகின்றன. ஒரு வயதில் பெண் குழந்தை உள்ளது. கடந்த 27ம் தேதி முதல் ஓட்டேரி மலையப்பன் தெருவில் வசித்து வந்தனர். இந்நிலையில், நேற்று முன்தினம், லட்சுமி தூக்கிட்டு தற்கொலை செய்துகொண்டார். இந்நிலையில், லட்சுமியின் தந்தை தனது மகள் சாவில் மர்ம இருப்பதாக அளித்த புகாரின்பேரில், மனைவியை தற்கொலைக்கு தூண்டியதாக விக்னேஷை போலீசார் கைது செய்து விசாரித்து வருகின்றனர்.

கடை மற்றும் வீடுகளின் பூட்டை உடைத்து 14 சவரன், 32 ஆயிரம், 70 செல்போன் கொள்ளை

சென்னை: பள்ளிக்கரணை, மயிலை பாலாஜி நகரை சேர்ந்தவர் மேகநாதன் (50). வீட்டின் அருகே மளிகைக்கடை நடத்துகிறார். தசரா திருவிழாவில் கலந்து கொள்வதற்காக  குடும்பத்துடன் சொந்த ஊரான பாபநாசம் சென்றனர். நேற்று காலை வீடு திரும்பியபோது பூட்டு உடைக்கப்பட்டு கதவு திறந்து கிடப்பதை பார்த்து அதிர்ச்சியடைந்தனர். உள்ளே சென்று பார்த்தபோது, பீரோவில் இருந்த ரூ.20 ஆயிரம் மற்றும் கடையில் இருந்து சிகரெட்டுகள் திருடுபோனது தெரிய வந்தது. வீட்டில் 50 சவரன் நகையை  பாதுகாப்பாக மறைத்து வைத்திருந்ததால் தப்பியது. * பள்ளிக்கரணை பெரியார்நகர் 2வது குறுக்கு தெருவை சேர்ந்தவர் குமார் (30). அதே பகுதியில் செல்போன் சர்வீஸ் கடை நடத்தி வருகிறார். நேற்று முன்தினம் இரவு கடையை பூட்டி விட்டு வீட்டுக்கு சென்றார். நேற்று காலை கடையை திறக்க வந்தபோது கதவு உடைக்கப்பட்டிருந்தது பார்த்து அதிர்ச்சி அடைந்தார். உள்ளே சென்று பார்த்தபோது, 70 செல்போன்கள் மற்றும் ரூ.2 ஆயிரம் திருடுபோனது தெரிய வந்தது.  * திருவொற்றியூர், ஜோதிநகர் 4வது தெருவை சேர்ந்தவர் பழனிவேல் (38). தனியார் நிறுவன ஊழியர். இந்நிலையில், இவர் கடந்த 14ம் தேதி வீட்டை பூட்டிவிட்டு, தனது குடும்பத்தினருடன் சொந்த ஊரான திண்டுக்கல்லுக்கு சென்றிருந்தார். பின்னர், அனைவரும் நேற்று முன்தினம் இரவு வீடு திரும்பினர். அப்போது, தனது வீட்டின் முன்பக்க கதவு உடைக்கப்பட்டு திறந்திருப்பதை பார்த்து பழனிவேல் அதிர்ச்சியானார். அவர் உள்ளே சென்று பார்த்தபோது, பீரோவில் இருந்த 14 சவரன் நகைகள் மற்றும் ரூ.10 ஆயிரம் ரொக்கப் பணத்தை மர்ம நபர்கள் கொள்ளையடித்து சென்றது தெரியவந்தது.*  திருவல்லிக்கேணியில் இருந்து  திருவொற்றியூர் நோக்கி மாநகர பேருந்து நேற்று முன்தினம் புறப்பட்டது. இதில் 25க்கும் மேற்பட்ட  பயணிகள் இருந்தனர். ராயபுரம் பஸ் நிறுத்தம் அருகே வந்தபோது, பஸ்சுக்குள் இருந்த வாலிபர் பயணி ஒருவரிடம் செல்போனை பறித்துள்ளார். இதைப்பார்த்த சக பயணிகள் கூச்சலிட்டனர். உடனே அந்த வாலிபரை அனைவரும் மடக்கி பிடித்து தர்ம அடி கொடுத்து ராயபுரம் போலீசில் ஒப்படைத்தனர். போலீஸ் விசாரணையில் வண்ணாரப்பேட்டையை சேர்ந்த கார்த்திக் (25) என்பது தெரிய வந்தது. அவரை கைது செய்த போலீசார், அவரிடமிருந்து, 2 செல்போன்களை பறிமுதல் செய்தனர்.* அபிராமபுரம் பட்டுடையம்மன் கோவில் தெருவை சேர்ந்தவர் ரமேஷ் (37). இவர் தலைமை செயலகத்தில் செய்தி துறையில் உதவி மக்கள் தொடர்பு அலுவலராக பணியாற்றி வருகிறார். இவர் நேற்று முன்தினம் இரவு தலைமை செயலகத்திற்கு வந்து வீட்டிற்கு பைக்கில் சென்று கொண்டிருந்தார். மெரினா காமராஜர் சாலையில் வரும் போது திடீரென பைக் கட்டுப்பாட்டை இழந்து சாலையோரம் உள்ள தடுப்பு சுவரில் மோதியதில், ரமேஷூக்கு தலை மற்றும் உடல் முழுவதும் பலத்த காயம் ஏற்பட்டது. * அய்யப்பன்தாங்கல், சீனிவாசபுரம் பகுதியில் நேற்று காலை ஒரு குப்பைத் தொட்டியில் கிடந்த பச்சளிம் குழந்தையை மீட்டு போரூர் போலீசார் தீவிரமாக விசாரித்து வருகின்றனர்.* வேளச்சேரி தண்டீஸ்வரம் நகர், ராஜா தெருவை சேர்ந்த சந்தானம் (61) மின்சாரம் பாய்ந்து பரிதாபமாக உயிரிழந்தார். ரூ.52 லட்சம் மோசடி: பெண்ணுக்கு வலைஅம்பத்தூர், மேனாம்பேடு, பிள்ளையார் கோவில் தெருவை சேர்ந்தவர் பாஸ்கர். இவரது மனைவி உமா (42). கூலி வேலை செய்து வருகிறார். இவருக்கும் அம்பத்தூரைச் சேர்ந்த பத்மினி (எ) ஷீபாவுக்கும் பழக்கம் ஏற்பட்டு உள்ளது. அப்போது, பத்மினி உமாவிடம் வெளிநாட்டில்  வேலை வாங்கித் தருவதாக கூறி ரூ.52 லட்சம் பெற்று மோசடி செய்துள்ளார். புகாரின்பேரில், அம்பத்தூர் போலீசார் வழக்குப்பதிவு செய்து பத்மினியை தேடி வருகின்றனர்.

ரூ.20 கோடி நிலத்தை அபகரித்த 3 பேர் கைது

சென்னை: ஒக்கியம் துரைப்பாக்கம் போஸ்ட் ஆபிஸ் தெருவை சேர்ந்த ஆதிமுனுசாமி (52). இவர் தனது நண்பர்களான துரைப்பாக்கம், மேட்டுக்குப்பம் சூளைமா நகரை சேர்ந்த நந்தகுமார்(57), ஆயிரம் விளக்கு குலாம் அப்பாஸ் அலிகான் 9வது தெருவை சேர்ந்த செல்வகுமார்(56) ஆகியோருடன் சேர்ந்து தனக்கு சொந்தமான நீலாங்கரையில் உள்ள 7.5 ஏக்கர் நிலத்தை (ரூ.20 கோடி மதிப்பு) போலி ஆவணம் மூலம் அபகரித்துவிட்டதாக அண்ணாநகர் கிழக்கு வஉசி பிரதான தெருவை சேர்ந்த நிறைச்செல்வி (65) என்பவர் கடந்த மாதம் போலீஸ் கமிஷனர் அலுவலகத்தில் புகார் அளித்தார். அதன்பேரில், மத்திய குற்றப்பிரிவு போலீசார் வழக்குப்பதிவு செய்து, ஆதிமுனுசாமி, நந்தகுமார், செல்வகுமார் ஆகிய மூன்று பேரை நேற்று முன்தினம் கைது செய்தனர். அவர்களிடம் இருந்து 7.5 ஏக்கர் நிலம் மீட்கப்பட்டது.

கடலூர் அருகே தண்டவாளத்தில் கிளிப்புகளை கழற்றி ரயிலை கவிழ்க்க முயன்ற ரயில்வே ஊழியர்கள் 3 பேர் கைது: அதிகாரிகளை பழி வாங்க சதி செயலில் ஈடுபட்டதாக பகீர் தகவல்

சேலம்: கடலூர் அருகே ரயில்வே தண்டவாளத்தில் கிளிப்புகளை கழற்றி, பாசஞ்சர் ரயிலை கவிழ்க்க முயன்றதாக 3 ரயில்வே ஊழியர்களை சேலம் போலீசார் கைது செய்தனர். சேலம் ரயில்வே கோட்டத்திற்கு உட்பட்ட கூத்தக்குடி என்னுமிடத்தில் கடந்த 19ம்தேதி தண்டவாளத்தில் சிலிப்பர் கட்டைகளில் மாட்டப்பட்டிருந்த கிளிப்புகளை (இஆர்சி கிளிப்) மர்ம நபர்கள் கழற்றி வீசியிருந்தனர். அந்த வழியே அன்று பிற்பகல் 3 மணியளவில் விருத்தாச்சலம்-சேலம் பாசஞ்சர் ரயில் சேலம் நோக்கி வந்துகொண்டிருந்தது. தண்டவாளத்தில் அதிர்வு அதிகளவு இருந்ததால் சந்தேகம் கொண்ட லோகோ பைலட் ரயிலை நிறுத்தினார். பின்னர் அவர் கீழே இறங்கிச்சென்று பார்த்தபோது தண்டவாளத்தில் இருந்த 20க்கும் மேற்பட்ட கிளிப்புகள் கழற்றப்பட்டிருந்ததை கண்டு அதிர்ச்சியடைந்தார். இதுபற்றி சேலம் கோட்ட அதிகாரிகளுக்கும், சின்னசேலம் ஸ்டேஷன் மாஸ்டருக்கும் தகவல் கொடுத்தார். விரைந்து வந்த ரயில்வே அதிகாரிகள், ஊழியர்கள் மீண்டும் கிளிப்புகளை பொருத்தி சரிசெய்தனர். அதன்பின் பாசஞ்சர் ரயில் புறப்பட்டு சேலம் வந்தது. இதுகுறித்து சின்னசேலம் பகுதி ரயில்வே முதுநிலை பொறியாளர் தமிழ்வளவன், அளித்த புகாரின்பேரில் சேலம் ரயில்வே போலீசார் நடத்திய விசாரணையில், தண்டவாளத்தில் இருந்த கிளிப்புகளை கழற்றி வீசியது, அந்த பகுதியில் பணியாற்றும் ரயில்வே கேங் மேன்களான மகேந்திரன்(36), மணிவேல்(32), ரகுராமன்(40) எனத்தெரியவந்தது. அந்த 3 பேரையும் நேற்று கைது செய்து, சேலம் ரயில்வே போலீஸ் ஸ்டேஷனுக்கு கொண்டு வந்தனர். அவர்களிடம் நடத்திய விசாரணையில், தொடர்ந்து பணி வழங்கி வரும் ரயில்வே அதிகாரிகளை பழிவாங்க வேண்டும் என்ற நோக்கில் தண்டவாள கிளிப்புகளை கழற்றியதாக தெரிவித்துள்ளனர். இதையடுத்து கைதான 3 பேரையும் மாஜிஸ்திரேட் வீட்டில் ஆஜர்படுத்தி, சேலம் மத்திய சிறையில் அடைத்தனர். அதிகாரிகளை பழிவாங்க ரயிலை கவிழ்க்கும் செயலில் ஊழியர்கள் ஈடுபட்டிருப்பது கோட்ட ரயில்வே உயர் அதிகாரிகளை அதிர்ச்சியடைய செய்துள்ளது. துறை ரீதியான விசாரணையை பொறியியல் பிரிவு மேற்கொண்டுள்ளது. தற்போது கைதான 3 ரயில்வே ஊழியர்கள் மீதும் கடும் நடவடிக்கை எடுக்கப்படும் என அதிகாரிகள் தரப்பில் தெரிவிக்கப்பட்டது.

100 கிலோ குட்கா பறிமுதல்

வேளச்சேரி: சென்னை சாஸ்திரி நகர் போலீசார் பெசன்ட்நகர் பகுதிகளில் நேற்று காலை ரோந்து பணியில் ஈடுபட்டு இருந்தனர். பெசன்ட் நகர் பேருந்து நிலையம்  அருகே சந்தேகப்படும் வகையில் கார் ஒன்று நின்று கொண்டிருந்தது. போலீசார் அந்த காரை சோதனை செய்தபோது, 100 கிலோ குட்கா பொருட்களைப் பதுக்கி வைத்திருப்பது தெரிந்தது. உடனே, போலீசார் அவற்றை பறிமுதல் செய்து டிரைவரை காவல் நிலையத்துக்கு அழைத்து சென்று விசாரித்தனர். அதில், திருநெல்வேலியை சேர்ந்த புருஷோத்தமன் (28) என்பதும், கடந்த 10 ஆண்டுக்கு முன் சென்னை வந்த புருஷோத்தமன் திருவான்மியூர் லட்சுமிபுரத்தில் வீடு வாடகைக்கு எடுத்து தங்கி பெட்டிக் கடை நடத்தி வந்தார். அதன் பிறகு காஞ்சிபுரம் மாவட்டம், கண்டிகை பகுதியில் வீடு வாடகைக்கு எடுத்து குடோனாக மாற்றி குட்கா பொருட்கள் பதுக்கி கடைகளுக்கு வினியோகம் செய்தது தெரியவந்தது. இதையடுத்து, போலீசார் வழக்குப்பதிவு செய்து, புருஷோத்தமனை கைது செய்தனர். அவரிடம் இருந்து காரையும் பறிமுதல் செய்தனர்.

சென்னை விமான நிலையத்தில் பரபரப்பு ஈரானிலிருந்து குங்குமப் பூ, தங்கம் கடத்தி வந்தவர் கைது: ரூ53 லட்சம் மதிப்புள்ள பொருட்கள் பறிமுதல்

சென்னை: உரிய ஆவணமில்லாமல் ஈரானிலிருந்து குங்குமப்பூ கடத்திவந்த வாலிபரை  சுங்கத்துறையினர் கைது செய்தனர். ஈரான் நாட்டிலிருந்து பெரியளவில் பதப்படுத்தப்பட்ட குங்குமப்பூக்கள் சென்னைக்கு கடத்தி வரப்படுவதாக சுங்க அதிகாரிகளுக்கு ரகசிய தகவல் கிடைத்தது. இதையடுத்து சுங்கத்துறையை சேர்ந்த தனிப்படை அதிகாரிகள் குறிப்பாக வளைகுடா நாடுகளில் இருந்து வருகிற அனைத்து விமானப் பயணிகளை தீவிரமாக கண்காணித்து வந்தனர். எமிரேட் ஏர்லைன்ஸ் விமானம் நேற்று காலை 8.30 மணிக்கு சென்னை சர்வதேச விமான நிலையம் வந்தது. அதில் வந்த பயணிகளை தீவிரமாக கண்காணித்தனர். சென்னையை சேர்ந்த ஷாகுல் அமீது மரக்காயர் (26) என்பவர் ஈரானுக்கு சுற்றுலா பயணியாக சென்று விட்டு துபாய் வழியாக சென்னை வந்தார். அதிகாரிகளுக்கு அவர் மீது சந்தேகம் ஏற்பட்டது. அவரை நிறுத்தி அவரது உடமைகளை சோதனையிட்டனர். அவரது சூட்கேஸில் துணிகளுக்கு இடையே 200 சிறிய சிறிய பாக்கெட்டுகள் இருந்தன. அதில் பதப்படுத்தப்பப்பட்ட 20 கிலோ குங்குமப்பூ இருந்தது தெரியவந்தது. அதன் சர்வதேச மதிப்பு ரூ50 லட்சம். சுங்க அதிகாரிகள் நடத்திய விசாரணையில் குங்குமப்பூவை வியாபாரத்துக்காக எடுத்து வந்ததாக கூறினார். ஆனால் அவரிடம் வாங்கியதற்கான எந்த ஆவணமும் இல்லை. இதையடுத்து சுங்க அதிகாரிகள் குங்குமப்பூ பாக்கெட்டுக்களை பறிமுதல் செய்தனர். மேலும் அவரது  பாக்கெட்டில் 5 கிராம் தங்க நாணயங்கள், 20 மறைத்து வைத்திருந்தது தெரியவந்தது. அதன் மொத்த எடை 100 கிராம். அதன் சர்வதேச மதிப்பு ரூ3.5 லட்சம். அதுவும் முறையான அனுமதி இல்லாமல் கடத்தி வந்திருந்தார். இதையடுத்து அதோடு கைது செய்யப்பட்ட ஷாகுல் அமீதை கைது செய்து விசாரிக்கின்றனர்.   

துபாயில் இருந்து கடத்திவரப்பட்ட ரூ.47.4 லட்சம் மதிப்புள்ள குங்குமப்பூ சென்னையில் பறிமுதல்

சென்னை: துபாயில் இருந்து கடத்திவரப்பட்ட ரூ.47.4 லட்சம் மதிப்புள்ள குங்குமப்பூ சென்னையில் பறிமுதல் செய்யப்பட்டுள்ளது. துபாயில் இருந்து ஈரானிய குங்குமப்பூவை கடத்தி வந்த சாகுல்அமீது மரைக்காயர் என்பவரிடம் விசாரணை நடத்தி வருகின்றனர். மேலும் சாகுல்ஹமீதிடம் இருந்து 25 கிராமம் எடையுள்ள 510 பாக்கெட் ஈரானிய குங்கும்ப்பூ பறிமுதல் செய்யப்பட்டுள்ளது. 

மதுரையில் இருசக்கர வாகனத்தில் சென்றவர் வெட்டிக் கொலை

மதுரை: மதுரையில் பைக்காரா என்ற இடத்தில் கமல் என்பவர் வெட்டிக் கொல்லப்பட்டார். இருசக்கர வாகனத்தில் சென்றவரை காரில் வந்த கும்பல் வெட்டிக் கொலை செய்துள்ளனர். மேலும் கொலை கும்பல் குறித்து போலீசார் விசாரணை நடத்தி வருகின்றனர்.

சென்னை அடையாற்றில் 100 கிலோ குட்கா பறிமுதல்

சென்னை: சென்னை அடையாற்றில் புருஷோத் என்பவர்  வீட்டில் 100 கிலோ குட்கா பறிமுதல் செய்யப்பட்டுள்ளது. மேலும் சாஸ்திரி நகர் வீட்டில் பதுக்கி வைத்திருந்த குட்கா பறிமுதல் செய்யப்ட்டு புருஷோத் கைது செய்யப்பட்டார்.

சேலம்- தண்டவாளத்தில் இரும்பு கொக்கிகளை திருடிய வழக்கில் ரயில்வே ஊழியர்கள் 3 பேர் கைது

சேலம்: சேலம்- தண்டவாளத்தில் இரும்பு கொக்கிகளை திருடிய வழக்கில் ரயில்வே ஊழியர்கள் 3 பேரை ரயில்வே போலீசார் கைது செய்துள்ளனர். மேலும் மகேந்திரன், மணிவேல், ரகுராம் ஆகியோரை சேலம் ரயில்வே போலீசார் கைது செய்தனர். கைது செய்த மூன்று பேரிடம் போலீசார் தீவிர விசாரணை நடத்தி வருகின்றனர்.

தாயுடன் இருந்த தொடர்பை பயன்படுத்தி சிறுமியை கர்ப்பமாக்கிய ஆட்டோ டிரைவர் கைது

திருவொற்றியூர்: தண்டையார்பேட்டையை சேர்ந்தவர் சாந்தி. கணவர் பிரிந்து சென்றதால், மகள் சுமதி (16), (பெயர்கள் மாற்றப்பட்டுள்ளன) என்பவருடன் வசித்து வருகிறார். சாந்திக்கும் அதே பகுதியை சேர்ந்த ஆட்டோ டிரைவர் மார்ட்டின் அலெக்ஸ் (எ) ஜோசப் (42) என்பவருக்கும் பழக்கம் ஏற்பட்டது.ஜோசப், அடிக்கடி சாந்தி வீட்டுக்கு வந்து சென்றுள்ளார். இருவரும் உல்லாசமாக இருந்துள்ளனர். இந்நிலையில், கடந்த ஆண்டு, சாந்தியின் மகள் சுமதிக்கு வயிற்று வலி ஏற்பட்டது. அவரை, தனியார் மருத்துவமனைக்கு அழைத்து சென்றபோது, சுமதி கர்ப்பமாக இருப்பது தெரிந்தது. விசாரணையில், மது போதையில் ஒருமுறை வீட்டுக்கு வந்த ஜோசப், தனிமையில் இருந்த சிறுமி சுமதியை பாலியல் பலாத்காரம் செய்துள்ளார். மேலும், இதுபற்றி வெளியில் கூறினால் கொன்றுவிடுவதாக கூறி, பலமுறை பலாத்காரம் செய்துள்ளார், என்பது தெரியவந்தது. இந்த விவகாரம் அக்கம் பக்கத்தினருக்கு தெரிந்தால் அவமானமாகிவிடும் என் நினைத்த சாந்தி, மணலியில் உள்ள தனது தாய் வீட்டில் சிறுமியை தங்க வைத்தார். கடந்த மே மாதம் 1ம் தேதி சிறுமிக்கு பிரசவ வலி ஏற்பட்டது. அவரை, ராயபுரத்தில் உள்ள ஆர்எஸ்ஆர்எம் மருத்துவமனையில் சேர்த்தனர். அங்கு அவருக்கு பெண் குழந்தை பிறந்தது. அப்போது, சிறுமிக்கு எப்படி குழந்தை பிறந்தது. அவரது கணவர் எங்கே என டாக்டர்கள் கேட்டபோது, சரிவர பதிலளிக்காததால், சந்தேகமடைந்த டாக்டர்கள், எண்ணூர் அனைத்து மகளிர் போலீசாருக்கு தகவல் கொடுத்தனர். இன்ஸ்பெக்டர் பிரேமா வழக்கு பதிந்து, ஜோசப்பை தேடி வந்தார். இந்நிலையில், தலைமறைவாக இருந்த ஜோசப்பை நேற்று போக்சோ சட்டத்தில் கைது செய்தனர். இவருக்கு திருமணமாகி 2 குழந்தைகள் இருப்பது குறிப்பிடத்தக்கது.