Finance - Dinakaran

மே-24: பெட்ரோல் விலை ரூ.74.10, டீசல் விலை ரூ.70.24

சென்னை: பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.74.10 ஆகவும், டீசல் விலை லிட்டருக்கு ரூ.70.24-ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

இந்திய தேர்தல் முடிவு எதிரொலி: 40,000 புள்ளிகளை தாண்டியது சென்செக்ஸ்

மும்பை: மும்பை பங்குச்சந்தை குறியீட்டெண் சென்செக்ஸ் முதன்முறையாக 40,000 புள்ளிகள் கடந்துள்ளது. சென்செக்ஸ் 944 புள்ளிகள் உயர்ந்து 40,054 என்ற புதிய உச்சத்தை எட்டியுள்ளது. தேசிய பங்குச்சந்தை நிஃப்டி 282 புள்ளிகள் உயர்ந்து 12,020 என்ற புதிய உச்சத்தில் வர்த்தகம் நடைபெற்று வருகிறது.

மே-23 இன்றைய விலை: பெட்ரோல் ரூ.73.95, டீசல் ரூ.70.07

சென்னை: பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.73.95ஆகவும், டீசல் விலை லிட்டருக்கு ரூ.70.07-ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

தேர்தல் முடிவு வெளியாவதால் பங்குச்சந்தை மீது செபி தீவிர கண்காணிப்பு

மும்பை: தேர்தல் முடிவு இன்று வெளியாகும் நிலையில், பங்குச்சந்தை நிலவரங்களை செபி தீவிரமாக கண்காணிக்க முடிவு செய்துள்ளது. மத்தியில் நிலையான அரசு அமையுமா என்ற பதைபதைப்பில் முதலீட்டாளர்கள் இருந்ததால், கடந்த மாதம் 26ம் தேதியில் இருந்து தொடர்ந்து 9 நாட்களாக பங்குச்சந்தைகள் கடும் சரிவை சந்தித்தன. இந்த 9 நாள் வர்த்தகத்தில் முதலீட்டாளர்கள் ரூ.8.53 லட்சம் கோடியை இழந்தனர். கருத்துக்கணிப்பில் பாஜ வெற்றி பெறலாம் என்று வெளியானதால், பங்குசந்தைகள் கடந்த திங்கட்கிழமை ராக்கெட் வேகத்தில் உயர்ந்தன. மும்பை பங்குச்சந்தை 1,422 புள்ளிகள் அதிகரித்தது. மாலை வர்த்தக முடிவில் பங்குகள் மதிப்பு ரூ.5,33,463.04 கோடி உயர்ந்து ரூ.1,51,86,12.05 கோடியானது. மறுநாள் சற்று சரிந்த பங்குச்சந்தை, தேர்தல் முடிவு எதிர்பார்ப்பில் நேற்று சிறிது உயர்ந்தது. இன்று முடிவுகள் வெளியாவதால், பங்குச்சந்தையில் செயற்கையான பங்கு விலை ஏற்றத்தை தடுக்க கண்காணிப்பை செபி தீவிரப்படுத்தியுள்ளது.

லோன் வாங்க போறீங்களா? இதை மொதல்ல கவனிங்க

சொந்த வீடு, வாகனம், கல்விச்செலவு என எதுவாக இருந்தாலும் லோன் வாங்கித்தான் காலத்தை ஓட்ட வேண்டும் என்ற நிலை உள்ளது. நடுத்தர மக்களுக்கு அவசர காலத்தில் கடன் வசதிகள்தான் கைகொடுக்கின்றன. ஆனால், கடன் வாங்குவதற்கு முன்பு கவனமாக இருக்க வேண்டும். உடனே கிடைக்கிறதே என வாங்கி விட்டு சிக்கலில் மாட்டிக்கொள்ளக் கூடாது.கடன் கொடுக்கும் நிறுவனங்கள், கடனை வழங்க பிராசசிங் கட்டணம் வசூல் செய்கின்றன. கடன் வாங்க அனைத்து ஆவணங்களையும் கொடுத்து விட்டு எதிர்பார்த்து நிற்பவர்கள், இந்த பிராசசிங் கட்டணத்தை கவனிப்பதில்லை. சில நிறுவனங்கள் மற்றவர்களை விட 0.1 அல்லது 0.15 சதவீதம் குறைந்த வட்டியில் கடன் கொடுப்பார்கள். ஆனால், அவர்களின் பிராசசிங் கட்டணம் அதிகமாக இருக்கலாம். அப்படி இருந்தால் அந்த வட்டி குறைவாக இருந்தும் பலன் இல்லை.வீட்டுக்கடன், கல்விக்கடன்கள் சில சமயம் குறைந்த பிராசசிங் கட்டணத்திலும், பிராசசிங் கட்டணம் இல்லாமலும் கிடைக்கின்றன. இவற்றை ஆராய்ந்து பார்க்க வேண்டும். ஆனால், பர்சனல் லோன் எனப்படும் தனிநபர் கடன்கள் ஆபத்தானவை. இவற்றுக்கு பிராசசிங் கட்டணம் மட்டுமின்றி வட்டியும் அதிகமாகவே இருக்கும். அதோடு, ஒரு இஎம்ஐ தவறினாலும் அபராதம் இருக்கும். நிறுவனத்துக்கு நிறுவனம் இது மாறுபடும். எனவே, அபராதம் அல்லது தாமத கட்டணம் பற்றி தெரிந்து கொள்ள வேண்டும்.பலர் தாங்கள் கணக்கு வைத்துள்ள வங்கிகளிலேயே கடன் வாங்க முதலில் அணுகுவார்கள். ஏற்கெனவே வங்கி வாடிக்கையாளராக இருப்பதால், பரிவர்த்தனை நன்றாக இருந்தால் கடன் கிடைப்பது சுலபம். அதற்காக வட்டி. அபராதம் உள்ளிட்ட விஷயங்களையும், முன்கூட்டியே கடனை அடைத்தால் மேற்கொள்ளப்படும் நடைமுறைகளையும் கவனிக்காமல் விட்டுவிடக்கூடாது. கடனை எவ்வளவு காலத்தில் அடைப்பது என திட்டமிடுங்கள். ஏனெனில் இதற்கேற்ப வட்டித்தொகை மாறுபடும், உதாரணமாக 11 சதவீத வட்டியில் ரூ.5 லட்சம் கடன் வாங்கினால்,  ஆண்டுகளில் அடைக்க மாத இஎம்ஐ ரூ.16,369 ஆகவும், 5 ஆண்டுகளில் அடைக்க இஎம்ஐ ரூ.10,871 ஆகவும் இருக்கும். ஆனால்,  3ஆண்டுகளில் அடைத்தால் வட்டி ரூ.89,297தான். 5 ஆண்டாக இருந்தால் வட்டி ரூ.1.52 லட்சம் போய்விடும். எல்லாவற்றுக்கும் மேலாக பல இடங்களில் கடன் வாங்காதீர்கள். ஒரே இடத்தில் வாங்குங்கள், அதற்குமுன்பு உங்கள் வருவாயை பொறுத்து திட்டமிட்டு முடிவு செய்யுங்கள்.

வெளிநாட்டு முதலீட்டாளர்கள் திடீர் முடிவு ரூ.965 கோடி முதலீடு வாபஸ்

மும்பை: சர்வதேச சந்தையில் கச்சா எண்ணெய் விலை சரிவு மற்றும் மறுநாள் தேர்தல் முடிவுகள் வருவதன் எதிரொலியாக, அமெரிக்க டாலருக்கு நிகரான ரூபாய் மதிப்பு நேற்று 6 காசுகள் உயர்ந்தது. நேற்று முன்தினம் ரூபாய் மதிப்பு ரூ.69.72 ஆக இருந்தது. நேற்று வர்த்தகம் முடிவில் 6 காசுகள் மட்டும் அதிகரித்து ரூ.69.66 ஆக இருந்தது. டாலரின் மதிப்பு சர்வதேச சந்தையில் வலுவிழந்தது ரூபாய் மதிப்பு உயர சாதகமாக இருந்துள்ளது. பிரண்ட் கச்சா எண்ணெய் விலை 0.46 சதவீதம் குறைந்து பேரலுக்கு 71.85 டாலராக இருந்தது. அதேநேரத்தில் வெளிநாட்டு நிறுவன முதலீட்டாளர்கள் திடீரென ரூ.965 கோடியை விலக்கிக் கொண்டது, அந்நிய செலாவணி வர்த்தர்களிடையே கவலையை ஏற்படுத்தியுள்ளது. பங்குச்சந்தை உயர்ந்தாலும், தேர்தல் முடிவுக்கு முந்தைய நாள் முதலீடு வெளியேற்றப்பட்டுள்ளது குறிப்பிடத்தக்கது.

ஸ்மார்ட்போன் விற்பனையை நிறுத்தியது சோனி

புதுடெல்லி: சீன போன்களால் இந்திய நிறுவனங்கள் உட்பட பிரபல பிராண்ட் மொபைல்கள் விற்பனை கடுமையாக சரிந்துள்ளது. இந்த நிலையில், இந்தியாவில் ஸ்மார்ட்போன் விற்பனையை நிறுத்தி விட்டதாக சோனி நிறுவனம் நேற்று அறிவித்தது. இந்தியா உட்பட மத்திய, தென் அமெரிக்கா, மத்திய கிழக்கு, தெற்காசிய நாடுகள் உள்ளிட்டவற்றில் விற்பனையை நிறுத்தி விட்டோம். இருப்பினும் தற்போது சோனி போன் வைத்துள்ளவர்களுக்கு வாடிக்கையாளர்கள் சேவைதொடரும். சாப்ட்டேவர் அப்டேட்கள் தொடர்ந்து வழங்கப்படும் என தெரிவித்துள்ளது.

வீடுகள், சிறு வியாபாரிகளுக்கு குறைந்த விலையில் காப்பீடு வசதி: காப்பீட்டு ஒழுங்குமுறை ஆணையம் பரிந்துரை

புதுடெல்லி: பேரிடர் பாதிப்புக்கு ஆளாகும் பகுதிகளில் உள்ள வீட்டு உரிமையாளர்கள் மற்றும் சிறு வியாபாரிகளுக்கு குறைந்த விலையில் காப்பீடு வசதி கொண்டு வர காப்பீடு ஒழுங்குமுறை ஆணையம் பரிந்துரை செய்துள்ளது. புயல், வெள்ளம், நிலச்சரிவு போன்ற பேரிடர்கள் ஏற்படும்போது பொதுமக்கள் பெரிதும் பாதிக்கப்படுகின்றனர். குறிப்பாக சொந்த வீடு வைத்திருப்பவர்கள், வர்த்தகர்களுக்கு பெரும் இழப்பு ஏற்படுகிறது. வீடு வைத்துள்ள பெரும்பாலானோர் தாங்கள் வாங்கிய விலைக்கு காப்பீடு செய்கின்றனர். ஆனால், இதற்கான பிரீமியம் தொகை மிக அதிகமாக உள்ளது. காப்பீடு செய்யாதவர்களுக்கு கடுமையான நஷ்டம் ஏற்படுகிறது. எனவே, அனைவருக்கும் காப்பீடு வசதி கிடைக்கும் வகையில் குறைந்த பிரீமியத்தில் வீட்டு உரிமையாளர்களுக்கு காப்பீடு வழங்கும் திட்டங்களை கொண்டுவர வேண்டும் என இந்திய காப்பீடு ஒழுங்குமுறை ஆணையம் பரிந்துரை செய்துள்ளது. இதுபோல் சிறு வணிகர்கள், பெரிய நிறுவனங்களுக்கு ரூ.5 கோடி மற்றும் ரூ.50 கோடி மற்றும் அதற்கு மேல் என நிறுவனத்துக்கு ஏற்ப பல்வேறு வகையான திட்டங்களை செயல்படுத்த வேண்டும். அடுக்குமாடி பொறுத்தவரை மாநில அரசு நிர்ணயித்த மதிப்பின் அடிப்படையில் காப்பீட்டு திட்டம் செயல்படுத்த வேண்டும் என காப்பீடு ஒழுங்குமுறை ஆணையம் கேட்டுக் கொண்டுள்ளது. வெள்ளம் காரணமாக சென்னை மக்கள் கடும் பாதிப்புக்கு ஆளாகினர்.  இதுபோல், உத்தரகாண்ட், ஜம்மு காஷ்மீர் மாநிலங்களில் பல பகுதிகள் வெள்ளத்தால் பாதிக்கப்பட்டன. புயல் காரணமாகவும் பாதிப்பு ஏற்பட்டது. பாலின் புயல், பானி புயல் காரணமாக கடும் பொருளாதார இழப்பு ஏற்பட்டது. உதாரணமாக உத்தரகாண்ட் மாநிலத்தில் வெள்ளத்தால் ரூ.6,600 கோடி, பாலின் புயலால் ரூ.,800 கோடி, ஹூத் ஹூத் புயல் காரணமாக ரூ.65,000 கோடி பொருளாதார இழப்பு ஏற்பட்டது.  இவற்றில் காப்பீட்டு இழப்பாக உத்தரகாண்ட்டில் ரூ.,000 கோடி, பாலின் புயலால் ரூ.600 கோடி,  ஹூத் ஹூத் புயலால் ரூ.4,000 கோடி இழப்பு ஏற்பட்டுள்ளது. மேற்கண்ட பொருளாதார மற்றும் காப்பீட்டு இடைவெளி கருத்தில் கொண்டு புதிய நடைமுறை செயல்படுத்த வேண்டியுள்ளது என காப்பீட்டு ஒழுங்குமுறை ஆணைய வட்டாரங்கள் தெரிவிக்கின்றன.

மே-22: பெட்ரோல் விலை ரூ.73.87, டீசல் விலை ரூ.69.97

சென்னை: பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.73.87 ஆகவும், டீசல் விலை லிட்டருக்கு ரூ.69.97-ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

ஐக்கிய அரபு அமீரகத்தில் வெளிநாட்டவர்களுக்கு நிரந்தர குடியுரிமை திட்டம்

துபாய்: ஐக்கிய அரபு அமீரகத்தில் பணியின் காரணமாக தற்காலிகமாக தங்கியுள்ள வெளிநாடுகளைச் சேர்ந்த குறிப்பிடத்தகுந்த நபர்களுக்கு  நிரந்தர குடியுரிமை வழங்கும் திட்டத்தை அமீரகத்தின் துணை அதிபரும் பிரதமருமான ஷேக் முகமது பின் ரஷீத் அல் மக்தும் கடந்த செவ்வாயன்று அறிவித்தார். “அமீரகத்தின் முன்னேற்றதிற்கு உதவும் வகையில் முதலீடு செய்தவர்கள், மருத்துவம், பொறியியல், அறிவியல், கலைகள் உள்பட பல்வேறு துறைகளில் சிறந்து விளங்கும் அறிஞர்களுக்கு ‘கோல்டு கார்டு’ வழங்கப்படும். இந்த கார்டு வைத்துள்ளவர்கள் அமீரகத்தில் நிரந்தர குடியுரிமை பெற தகுதி உடையவர்கள். முதல் கட்டமாக 6,800 முதலீட்டாளர்களுக்கு நிரந்தர குடியுரிமை வழங்க முடிவு செய்யப்பட்டுள்ளது. இவர்கள் மொத்தம் 100 பில்லியன் திராம் (₹1.90 லட்சம் கோடி) முதலீடு செய்துள்ளார்கள்” என்று ஷேக் முகமது டிவிட்டரில் பதிவிட்டுள்ளார். சிறப்பு வாய்ந்த நிபுணர்கள், அதீத திறமை வாய்ந்தவர்கள், அமீரகத்தின் முன்னேற்றத்திற்கு பாடுபட்டவர்கள், உதவியவர்கள் ஆகியோரின் சேவையை கவுரவிக்கும் வகையில் அவர்களுக்கு நிரந்தர குடியுரிமை வழங்க கோல்டு கார்டு வழங்கப்படும் என்று தெரிவித்துள்ளார்.

வாவே நிறுவனம் மீதான தடை 90 நாட்களுக்கு நிறுத்திவைப்பு

வாஷிங்டன்: தேசிய பாதுகாப்புக்கு அச்சுறுத்தல் ஏற்பட்டுள்ளதால், அமெரிக்க தொலைத் தொடர்பு நிறுவனங்கள், வெளிநாட்டு நிறுவனங்களில் தயாரிக்கப்படும் தொலைத் தொடர்பு சாதனங்களை பயன்படுத்த அமெரிக்க அதிபர் டொனால்டு டிரம்ப் கடந்த வாரம் தடை உத்தரவு பிறப்பித்தார். இந்நிலையில், இந்க தடை உத்தரவு அமலை 90 நாட்களுக்கு நிறுத்தி வைத்துள்ளதாக அமெரிக்க வர்த்தகத்துறை நேற்று அறிவித்தது. பெரும் அளவில் பாதிப்பு ஏற்படுவதைத் தடுக்கும் விதத்தில் இந்த கால அவகாசம் அந்த நிறுவனங்களுக்கு வழங்கப்பட்டுள்ளதாகவும் விளக்கம் அளித்துள்ளது. அமெரிக்காவின் தொழில்நுட்பம் களவாடப்படும் ஆபத்து ஏற்பட்டுள்ளது. அதனால், உலகில் மிகப் பெரிய தொலைத் தொடர்பு சாதனங்களை உற்பத்தி செய்யும் வாவே நிறுவனத்தில் இருந்து 5ஜி அலைக்கற்றையை வாங்க வேண்டாம் என்று கூறப்பட்டுள்ளது.அமெரிக்காவின் தேசிய பாதுகாப்பு அல்லது வெளியுறவு கொள்கைக்கு எதிரான செயல்களில் வாவே நிறுவனம் ஈடுபட்டுள்ளதை பொருத்துக் கொள்ள முடியாது என்று வர்த்தகத் துறை குற்றஞ்சாட்டியது. இதன் விளைவாக, அமெரிக்காவின் தொழில்நுட்பத்தை மற்றொரு நிறுவனத்துக்கு விற்கவோ அல்லது மாற்றம் செய்யவோ அமெரிக்க வர்த்தகத்துறையின் பிஐஎஸ்ஸிடம் லைசென்ஸ் பெற வேண்டும். அமெரிக்காவின் தேசிய பாதுகாப்பு அல்லது வெளியுறவு கொள்கைக்கு பாதிப்பு ஏற்படும் என்றால் எந்த ஒரு நிறுவனத்துக்கும் லைசென்ஸ் வழங்கப்படமாட்டாது என்று தெளிவுபடுத்தி இருந்தது. இந்த தடை உத்தரவு அமல் 90 நாட்களுக்கு நிறுத்தி வைத்துள்ளது, அதன் மீதான தடையை விலக்கிக் கொண்டதாக எடுத்துக் கொள்ளக் கூடாது. தடை விதிதத்து விதித்ததுதான் என்றும் வர்த்தகத் துறை விளக்கம் அளித்துள்ளது. வாவே நிறுவனம் தனது தொழில் அபிவிருத்திக்கு மாற்று ஏற்பாடுகள் செய்வதற்கு வசதியாக அதற்கு அமெரிக்க நிறுவனங்களுடன் தொடர்ந்து தொழில் வர்த்தகம் செய்து கொள்ள தற்காலிக பொது உரிமம் வழங்கப்படும் என்று வர்த்தகத் துறை மேலும் கூறியுள்ளது.அமெரிக்காவின் சந்தேகம்வாவே நிறுவனத்தின் பின்னணியில் சீனாவின் ராணுவம் இருந்து இயக்குகிறது. அமெரிக்காவின் தொழில்நுட்பத்தில் தயாரிக்கப்பட்ட சாதனங்களின் நுணுக்கங்களை கொள்ளைப்புற வழியாக பெற்று அடுத்த நாடுகளின் தொலைத் தொடர்பு தகவல்களை சீனா பெறுகிறது என்ற சந்தேகத்தை அமெரிக்க உளவு நிறுவனம் வெளிப்படுத்தி உள்ளது. இதனால்தான், வாவே போன் நிறுவனங்களுக்கு அமெரிக்க அதிபர் திடீர் தடையை விதித்துள்ளார். அமெரிக்காவுக்கும் சீனாவுக்கும் இடையேயான வர்த்தகத்தில் ஏற்றுமதி, இறக்குமதி பொருள்களுக்கு விதிக்கப்படும் வரி தொடர்பாக சில மாதங்களுக்கு முன்பு மோதல் ஏற்பட்டது. இது சிறிது சிறிதாக அதிகரித்து தற்போது பெரும் வர்த்தக போராகவே மாறியுள்ளது. இரு நாடுகளும் போட்டி போட்டுக் கொண்டு இறக்குமதி செய்யப்படும் பொருட்களுக்கு வரியை அதிகரித்து வருகின்றன. இந்த இரு நாடுகளின் மோதலால் மற்ற நாடுகளுக்கும் வர்த்தகத்தில் பாதிப்பு ஏற்பட்டுள்ளது. இதனால், உலகளவில் பொருளாதாரம் பாதிக்கப்படும் என்ற அச்சம் ஏற்பட்டுள்ளது. அமெரிக்காவில், சீனாவில் இருந்து இறக்குமதி செய்யப்படும் பொருட்களுக்கு 25 சதவீதம் வரி விதிக்க முடிவு செய்யப்பட்டுள்ளது. இது சீனாவுக்கு நெருக்கடியை ஏற்படுத்தும் என்று தெரிகிறது.

வங்கதேசம் வழியாக இந்தியாவுக்குள் ஊடுருவும் சீன பொருட்களால் பாதிப்பு

திருப்பூர்: அமெரிக்கா-சீனா வர்த்தக கொள்கையில் ஏற்பட்ட முரண்பாடுகளால், சீன பொருட்கள் வங்கதேசம் வழியாக இந்தியாவிற்குள் வருவதால் இந்திய பின்னலாடை உற்பத்தியாளர்கள் கவலை அடைந்துள்ளனர். இதுகுறித்து திருப்பூர் பின்னலாடை ஏற்றுமதியாளர் சங்க தலைவர் ராஜாசண்முகம் கூறியதாவது: சீன பொருட்களுக்கு அமெரிக்கா வரியை உயர்த்தியுள்ளதால், அமெரிக்க இறக்குமதியாளர்களின் கவனம் இந்தியா பக்கம் திரும்பியுள்ளது. இதனால், இந்திய பின்னலாடை உற்பத்தி மற்றும் ஏற்றுமதி அதிகரிக்க வாய்ப்பு உள்ளது. சீனாவின் மொத்த ஏற்றுமதியில் சுமார் 10 சதவீதம் குறைந்து, அதில் 20 சதவீத இந்தியா பெற்றாலே ஏறத்தாழ ரூ.50 ஆயிரம் கோடிக்கு ஏற்றுமதி வாய்ப்பு உருவாகும். கடந்த சில ஆண்டுகளாக இந்திய ஜவுளி ஏற்றுமதியில் பெரிய வளர்ச்சி இல்லை.அமெரிக்காவில் இருந்து இறக்குமதி பொருட்களுக்கு இந்தியா சிறிது வரி குறைப்பு செய்ய வேண்டும். ஜிஎஸ்டி ரிட்டர்ன்களை துரிதப்படுத்த வேண்டும். 90 சதவீதம் ஏற்றுமதி பொருட்களுக்கு 3 நாட்களுக்குள் ரீபண்ட் வழங்க வேண்டும். அமெரிக்கா, சீன வர்த்தக போரில் அதிகம் பயன் அடையப் போவது வியட்நாம். சீன பொருட்கள் வங்கதேசம் வழியாக இந்தியாவிற்குள் ஊடுருவ வாய்ப்பு இருப்பதால், எல்லைப்பகுதியில் எல்லை பாதுகாப்பு படை வீரர்கள் தீவிர கண்காணிப்பில் ஈடுபட வேண்டும். மேலும், அமெரிக்காவின் ஜவுளிச்சந்தையை இந்தியா பிடிக்க ஒருசில சலுகைகளை அரசு வழங்கி பின்னலாடை உற்பத்தியாளர்களுக்கு ஊக்கம் அளிக்க வேண்டும் என்றார்.

புதிய 10 ரூபாய் நோட்டு ரிசர்வ் வங்கி அறிமுகம்

மும்பை: ரிசர்வ் வங்கி விரைவில் புதிய 10 ரூபாய் நோட்டை வெளியிட திட்டமிட்டுள்ளது. இந்த ரூபாய் நோட்டில் ரிசர்வ் வங்கியின் புதிய கவர்னர் சக்திகாந்த தாஸின் கையொப்பம் இடம்பெற்றிருக்கும். ரிசர்வ் வங்கி இதுவரையில் வெளியிட்டுள்ள 10 ரூபாய் நோட்டுகள் தொடர்ந்து செல்லுபடியாகும். அதில் எந்த மாற்றமும் இல்லை. புதிய 10 ரூபாய் நோட்டுகளில் காந்தியின் (புதிய) புகைப்படம், பழைய ரூபாய் நோட்டுகளில் அச்சிடப்பட்டது போலேவே இருக்கும். இந்த ஆண்டு ஏப்ரலில் ரிசர்வ் வங்கி அறிவித்தப்படி புதிய 200, 500 ரூபாய் நோட்டுகள் வெளியிடப்பட்டன. அவற்றில் காந்தியின் புதிய புகைப்படமும் ரிசர்வ் வங்கியின் கவர்னர் சக்தி காந்த தாஸின் கையொப்பமும் இடம்பெற்றுள்ளது.

தேர்தலுக்கு பிந்தைய கருத்துக்கணிப்புகளால் ராக்கெட் வேகத்தில் பறந்த பங்குச்சந்தையில் திடீர் சரிவு

மும்பை: மும்பை பங்குச் சந்தைகள் இன்று வரலாறு காணாத உச்சத்தை தொட்ட நிலையில் தற்போது சரிவை சந்தித்துள்ளது. மத்திய அரசின் சில கொள்கை முடிவுகளால் பொதுமக்களுக்கு பாதிப்புகள்தேர்தலுக்கு பின்பு வெளியான கருத்துக்கணிப்புகளில் பாஜ மீண்டும் வெற்றி பெறும் என்று அறிவிக்கப்பட்டதன் எதிரொலியாக, பங்குச்சந்தைகள் நேற்று இமாலய உச்சத்தை எட்டின. வர்த்தகம் தொடங்கிய 60 விநாடிகளிலேயே, முதலீட்டாளர்களுக்கு ₹3.2 லட்சம் கோடி லாபம் கிடைத்தது. தேர்தல் அறிவிப்புக்கு பிறகு பங்குச்சந்தைகள் தொடர்ந்து ஏற்ற இறக்கத்துடன் காணப்பட்டது. மத்திய அரசின் சில கொள்கை முடிவுகளால் தொழில்துறை முடக்கம், பொருளாதார வளர்ச்சி சரிவு, பெட்ரோல், சமையல் காஸ் விலை உயர்வு என பொதுமக்களுக்கு பல்வேறு பாதிப்புகள் ஏற்பட்டன. இதுதவிர, ரபேல் ஊழல் விவகாரமும் தேர்தல் நெருங்கும் நிலையில் விஸ்வரூபம் எடுத்தது. இதனால், பெரும்பாலான மாநிலங்களில் பாஜ மீது பொதுமக்கள் அதிருப்தியில் இருந்ததை காண முடிந்தது.9 நாட்களாக பங்குச்சந்தைகள் கடும் சரிவு எனவே, மீண்டும் பாஜ ஆட்சி வர வாய்ப்பில்லை என கருதிய முதலீட்டாளர்கள், தேர்தல் நெருங்க நெருங்க முதலீடுகளை மிகுந்த கவனமுடன் மேற்கொண்டனர். இதனால், கடந்த ஏப்ரல் 26ம் தேதியில் இருந்து தொடர்ந்து 9 நாட்களாக பங்குச்சந்தைகள் கடும் சரிவை சந்தித்தன. இந்த 9 நாள் வர்த்தகத்தில் முதலீட்டாளர்கள் ரூ.8.53 லட்சம் கோடியை இழந்தனர். பங்குசந்தை குறியீடு 1,941 புள்ளிகள் சரிந்தது. இதன்பிறகும் பங்குச்சந்தையில் பெரிய முன்னேற்றம் ஏற்படவில்லை. ஆனால், கடந்த வாரத்தில் கடைசி 2 நாட்களில் பங்குச்சந்தை திடீர் ஏற்றம் கண்டது. கடைசி நாளான வெள்ளிக்கிழமை, மும்பை பங்குச்சந்தை குறியீடு சென்செக்ஸ் 537.29 புள்ளிகள் அதிகரித்து 37,930.77 ஆகவும், தேசிய பங்குச்சந்தை குறியீடு நிப்டி 150.05 புள்ளிகள் உயர்ந்து 11,407.15 ஆகவும் இருந்தன.கருத்துக் கணிப்புக்கு பிறகு பங்குச்சந்தைகள் அபார உயர்வு  இதற்கிடையில், நேற்று முன்தினம் வெளியான கருத்துக்கணிப்புகளில் பாஜ மீண்டும் ஆட்சிக்கு வரும் என்று அறிவிக்கப்பட்டது. இதற்கேற்ப நேற்று வர்த்தகம் துவங்கியதுமே, பங்குச்சந்தைகள் படுவேகமாக ஏற்றம் கண்டன. காலையில் வர்த்தகம் துவங்கிய 60 நொடிகளிலேயே, முதலீட்டாளர்களுக்கு 3.18 லட்சம் கோடி லாபம் கிடைத்தது. வர்த்தக முடிவில் மும்பை பங்குச்சந்தை குறியீட்டு எண் சென்செக்ஸ், 1,421.90 புள்ளிகள் உயர்ந்து 39,352.67 ஆக இருந்தது. தேசிய பங்குச்சந்தை குறியீட்டு எண் நிப்டி 421.10 புள்ளிகள் அதிகரித்து 11,828.25 ஆக இருந்தது. ஒரே நாளில் இவ்வளவு புள்ளிகள் அதிகரித்தது கடந்த 10 ஆண்டுகளில் இதுவே முதல் முறை. இதற்கு முன்பு 2013 செப்டம்பர் 10ம் தேதிதான் பங்குச்சந்தைகள் அபார உயர்வை சந்தித்தன. பங்குச் சந்தைகள் சரிவு இந்நிலையில் மும்பை பங்குச் சந்தைகள் இன்று 2வது நாளாக வரலாறு காணாத உச்சத்தை தொட்டது. மும்பை பங்குச்சந்தை குறியீட்டு எண் சென்செக்ஸ், 219.06 புள்ளிகள் உயர்ந்து  39,571.73 ஆக உயர்ந்து வரலாற்று சாதனையை படைத்தது. தேசிய பங்குச்சந்தை குறியீட்டு எண் நிப்டி 55.3 புள்ளிகள் அதிகரித்து 11,883.55 என்ற புதிய உச்சத்தை தொட்டது. நிஃப்டி 50ல் டாடா மோட்டார்ஸ், பாரத் பெட்ரோலியம், இந்தியன் ஆயில், அதானி போர்ட்ஸ், இண்டஸ்இண்ட் வங்கி ஆகியவை 2.66% முதல் 4.92% வரை குறைவாக வர்த்தகம் ஆகின.சென்செக்ஸ் உயர்வில் ரிலையன்ஸ் இண்டர்ஸ்டிரீஸ், ஹெச்.டி.எஃப்.சி, ஹெச்.டி.எஃப்.சி வங்கி ஆகியவை அதிக முக்கியத்துவம் அளித்தன. இதனிடையே ராக்கெட் வேகத்தில் உயர்ந்த பங்குச் சந்தை தற்போது சரிவை சந்தித்துள்ளது. மும்பை பங்குச்சந்தை சென்செக்ஸ் 205 புள்ளிகள் சரிவுடன் 39,146 புள்ளிகளில் வர்த்தகமாகி வருகிறது. தேசிய பங்குச்சந்தை நிஃப்டி 62 புள்ளிகள் சரிவுடன் 11,765 புள்ளிகளில் வர்த்தகமாகி வருகிறது.

நேற்று உச்சத்தில் இருந்த பங்குச்சந்தை இன்று சரிவு

மும்பை : மும்பை பங்குச்சந்தை சென்செக்ஸ் 205 புள்ளிகள் சரிவுடன் 39,146 புள்ளிகளில் வர்த்தகமாகி வருகிறது. தேசிய பங்குச்சந்தை நிஃப்டி 62 புள்ளிகள் சரிவுடன் 11,765 புள்ளிகளில் வர்த்தகமாகி வருகிறது. நேற்றைய பங்குச்சந்தையின் முடிவில் சென்செக்ஸ், நிஃப்டி முறையே 3.75% மற்றும் 3.69% என புதிய உச்சத்துடன் நிறைவு பெற்றது குறிப்பிடத்தக்கது.

மே-21: பெட்ரோல் விலை ரூ.73.87, டீசல் விலை ரூ.69.97

சென்னை: பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.73.87 ஆகவும், டீசல் விலை லிட்டருக்கு ரூ.69.97-ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

ஒபெக் கூட்டணி நாடுகளின் திட்ட வட்ட முடிவால் கச்சா எண்ணெய் விலை மீண்டும் உயர்வு: தொடர்ந்து அதிகரிக்க வாய்ப்பு

புதுடெல்லி: உற்பத்தி குறைப்பு தொடரும் என ஒபெக் அமைப்பில் உள்ள நாடுகள் திட்டவட்டமாக அறிவித்துள்ளன. இதனால் கச்சா எண்ணெய் விலை நேற்று பேரல் 73.17 டாலராக அதிகரித்தது. சர்வதேச சந்தையில் கச்சா எண்ணெய் விலை நேற்று 1.3 சதவீதம் உயர்ந்து ஒரு பேரல் 73.17 டாலராக உயர்ந்தது. இதற்கு முன்பு, கடந்த ஏப்ரல் 26ம் தேதி கச்சா எண்ணெய் பேரல் 73.40 டாலராக இருந்தது. இதன்பிறகு மீண்டும் ஏறக்குறைய இதே அளவை கச்சா எண்ணெய் விலை எட்டியுள்ளது. இதுபோல், அமெரிக்க வெஸ்ட் டெக்சாஸ் இன்டர்மீடியேட் கச்சா எண்ணெய் 1.3 சதவீதம் அதிகரித்து பேரல் 63.58 டாலராக இருந்தது. டெக்சாஸ் கச்சா எண்ணெய் கடந்த 1ம் தேதிக்கு பிறகு மீண்டும் உச்சம் அடைந்துள்ளது. இதற்கு ஒபெக் நாடுகளின் உற்பத்தி குறைப்பு முடிவுதான் காரணம். கச்சா எண்ணெய் விலை சரிவால், எண்ணெய் வள நாடுகளின் வருவாய் கடுமையாக பாதிக்கப்பட்டது. இதனால், கச்சா எண்ணெய் விலையை உயர்த்த உற்பத்தி குறைக்கப்படும் என்ற முடிவை ஒபெக் எனப்படும் பெட்ரோலிய பொருட்கள் ஏற்றுமதி நாடுகள் கூட்டமைப்பு எடுத்தது. அதாவது, ஒபெக் அமைப்பில் உள்ள நாடுகள், ரஷ்யா மற்றும் ஒபெக் அமைப்பில் சாராத எண்ணெய் உற்பத்தி நாடுகள் இணைந்து, கச்சா எண்ணெய் உற்பத்தியை கடந்த ஜனவரி 1ம் தேதி முதல் நாள் ஒன்றுக்கு 1.2 மில்லியன் பேரல் குறைக்க முடிவு செய்தன.ஈரானில் இருந்து கச்சா எண்ணெய் இறக்குமதி செய்ய அமெரிக்கா தடை விதித்துள்ளதால், கச்சா எண்ணெய்க்கு பற்றாக்குறை ஏற்படும் சூழல் உருவாகியுள்ளது. இந்த இடைவெளியை நிரப்ப கச்சா எண்ணெய் உற்பத்தி குறைப்பு முடிவை ஒபெக் நாடுகள் கைவிடும் என எதிர்பார்க்கப்பட்டது. ஆனால், சவூதி அமைச்சர் கலீல் அல் பாலிக் நேற்று முன்தினம் அித்த பேட்டியில், சந்தை தேவைக்கேற்ப முடிவு செய்யப்படும் என தெரிவித்திருந்தார். ஐக்கிய அரபு எமிரேட் அமைச்சர் சுகைல் அல் மஜ்ரோவி கூறுகையில், சந்தையில் ஏற்படும் இடைவெளியை எங்களால் நிரப்ப முடியும். அதேநேரத்தில், உற்பத்தி குறைப்பை கைவிடுவது சரியான முடிவு அல்ல என தெரிவித்திருந்தார். இதன் காரணமாகவே கச்சா எண்ணெய் விலை நேற்று உயர்ந்தது. இந்த நிலை மேலும் தொடரும் என எதிர்பார்க்கப்படுகிறது. அவ்வாறு அதிகரித்தால், இந்தியாவில் பெட்ரோல், டீசல் விலை உயர்வு தவிர்க்க முடியாதது ஆகிவிடும் என்பது குறிப்பிடத்தக்கது.

ஒரே நாளில் ரூபாய் மதிப்பு கிடுகிடு

மும்பை:  அமெரிக்க டாலருக்கு நிகரான ரூபாய் மதிப்பு அவ்வப்போது உயர்ந்தாலும், பெரும்பாலும் சரிவையே சந்தித்து வந்தது. இந்நிலையில், நேற்று முன்தினம் வெளியான நாடாளுமன்ற கருத்துக்கணிப்புகளை தொடர்ந்து ரூபாய் மதிப்பு அதிகரித்தது. கடந்த வெள்ளிக்கிழமை ரூபாய் மதிப்பு ₹70.23 ஆக இருந்தது. நேற்று காலை வர்த்தகம் துவங்கியபோது ₹70.36 ஆக இருந்தது. பின்னர் மதிப்பு 79 காசு உயர்ந்து 69.44 ஆனது. மாலை வர்த்தக முடிவில் 49 காசுகள் அதிகரித்து ₹69.74ஆக நிலை பெற்றது. கடந்த 2 மாதங்களுக்கு பிறகு ரூபாய் மதிப்பு முதல் முறையாக ஒரே நாளில் அதிகரித்ததற்கு, மீண்டும் பாஜ வரும் என்ற கருத்துக்கணிப்புகளே காரணம். இதற்கு முன்பு அதிகபட்சமாக கடந்த மார்ச் 18ம் தேதி ரூபாய் மதிப்பு 57 காசு அதிகரித்திருந்தது.

தேர்தலுக்கு பிந்தைய கருத்துக்கணிப்புகளால் ராக்கெட் வேகத்தில் பறந்தது பங்குச்சந்தை

* 60 நொடிகளில் ₹3.2 லட்சம் கோடி லாபம் * 10 ஆண்டுகளில் இல்லாத அபார உச்சம்மும்பை: தேர்தலுக்கு பின்பு வெளியான கருத்துக்கணிப்புகளில் பாஜ மீண்டும் வெற்றி பெறும் என்று அறிவிக்கப்பட்டதன் எதிரொலியாக, பங்குச்சந்தைகள் நேற்று இமாலய உச்சத்தை எட்டின. வர்த்தகம் தொடங்கிய 60 விநாடிகளிலேயே, முதலீட்டாளர்களுக்கு ₹3.2 லட்சம் கோடி லாபம் கிடைத்தது. மும்பை பங்குச்சந்தை 1,422  புள்ளிகள் அதிகரித்தது. தேர்தல் அறிவிப்புக்கு பிறகு பங்குச்சந்தைகள் தொடர்ந்து ஏற்ற இறக்கத்துடன் காணப்பட்டது. மத்திய அரசின் சில கொள்கை முடிவுகளால் தொழில்துறை முடக்கம், பொருளாதார வளர்ச்சி சரிவு, பெட்ரோல், சமையல் காஸ் விலை உயர்வு என பொதுமக்களுக்கு பல்வேறு பாதிப்புகள் ஏற்பட்டன. இதுதவிர, ரபேல் ஊழல் விவகாரமும் தேர்தல் நெருங்கும் நிலையில் விஸ்வரூபம் எடுத்தது. இதனால், பெரும்பாலான மாநிலங்களில் பாஜ மீது பொதுமக்கள் அதிருப்தியில் இருந்ததை காண முடிந்தது. எனவே, மீண்டும் பாஜ ஆட்சி வர வாய்ப்பில்லை என கருதிய முதலீட்டாளர்கள், தேர்தல் நெருங்க நெருங்க முதலீடுகளை மிகுந்த கவனமுடன் மேற்கொண்டனர். இதனால், கடந்த ஏப்ரல் 26ம் தேதியில் இருந்து தொடர்ந்து 9 நாட்களாக பங்குச்சந்தைகள் கடும் சரிவை சந்தித்தன. இந்த 9 நாள் வர்த்தகத்தில் முதலீட்டாளர்கள் ரூ.8.53 லட்சம் கோடியை இழந்தனர். பங்குசந்தை குறியீடு 1,941 புள்ளிகள் சரிந்தது. இதன்பிறகும் பங்குச்சந்தையில் பெரிய முன்னேற்றம் ஏற்படவில்லை. ஆனால், கடந்த வாரத்தில் கடைசி 2 நாட்களில் பங்குச்சந்தை திடீர் ஏற்றம் கண்டது. கடைசி நாளான வெள்ளிக்கிழமை, மும்பை பங்குச்சந்தை குறியீடு சென்செக்ஸ் 537.29 புள்ளிகள் அதிகரித்து 37,930.77 ஆகவும், தேசிய பங்குச்சந்தை குறியீடு நிப்டி 150.05 புள்ளிகள் உயர்ந்து 11,407.15 ஆகவும் இருந்தன. இதற்கிடையில், நேற்று முன்தினம் வெளியான கருத்துக்கணிப்புகளில் பாஜ மீண்டும் ஆட்சிக்கு வரும் என்று அறிவிக்கப்பட்டது. இதற்கேற்ப இன்றைய பங்குச்சந்தையின் போக்கு காணப்படும் என்று சந்தை நிபுணர்கள் தெரிவித்திருந்தனர்.இதற்கேற்ப நேற்று வர்த்தகம் துவங்கியதுமே, பங்குச்சந்தைகள் படுவேகமாக ஏற்றம் கண்டன. காலையில் வர்த்தகம் துவங்கிய 60 நொடிகளிலேயே, முதலீட்டாளர்களுக்கு 3.18 லட்சம் கோடி லாபம் கிடைத்தது. அதாவது, கடந்த வெள்ளிக்கிழமை வர்த்தக முடிவில் பங்குகளின் மதிப்பு ₹1,46,58,710 கோடியாக இருந்தது. நேற்று வர்த்தகம் துவங்கிய உடனேயே பங்குகளின் மதிப்பு ₹1,49,76,896 கோடியானது. பங்குகள் லாபத்துடன் கைமாறின. மாலை வர்த்தக முடிவில் பங்குகள் மதிப்பு ₹5,33,463.04  கோடி உயர்ந்து ₹1,51,86,312.05 கோடியானது.குறிப்பாக, அதானி நிறுவன பங்குகள் அபார ஏற்றம் கண்டன. அதானி போர்ட் பங்குகள் 10.99 சதவீதம் (₹40.35). அதானி காஸ் 12.77 சதவீதம், அதானி என்டர்பிரைஸ் 28.96 சதவீதம் (₹34.55) அதிகரித்தது. இதுதவிர, பாரத ஸ்டேட் வங்கி, எல் அண்ட் டி, ரிலையன்ஸ் பங்கு மதிப்புகளும் அபாரமாக உயர்ந்தன. ரிலையன்ஸ் இன்டஸ்டிரீஸ் பங்குகள் மதிப்பு 4.82 சதவீதம் (₹61.15) அதிகரித்தது. வர்த்தக முடிவில் மும்பை பங்குச்சந்தை குறியீட்டு எண் சென்செக்ஸ், 1,421.90 புள்ளிகள் உயர்ந்து 39,352.67 ஆக இருந்தது. தேசிய பங்குச்சந்தை குறியீட்டு எண் நிப்டி 421.10 புள்ளிகள் அதிகரித்து 11,828.25 ஆக இருந்தது. ஒரே நாளில் இவ்வளவு புள்ளிகள் அதிகரித்தது கடந்த 10 ஆண்டுகளில் இதுவே முதல் முறை. இதற்கு முன்பு 2013 செப்டம்பர் 10ம் தேதிதான் பங்குச்சந்தைகள் அபார உயர்வை சந்தித்தன. தேர்தல் முடிவுகள் வெளியாகும் வரை இந்த நிலை நீடிக்கும் என்று எதிர்பார்ப்பதாக பங்குச்சந்தை நிபுணர்கள் தெரிவித்தனர்.

முட்டை விலை 3 காசு அதிகரிப்பு

நாமக்கல்: நாமக்கல் மண்டலத்தில் முட்டை விலையில் 3 காசுகள் உயர்த்தப்பட்டுள்ளது. முட்டைக்கு விலை நிர்ணயம் செய்து வரும் என்இசிசி நேற்று முட்டையின் பண்ணை பரிந்துரை விலை 400 காசு என அறிவித்தது. கடந்த சனிக்கிழமை முட்டை விலையில் 2 காசுகள் உயர்த்தப்பட்ட நிலையில், நேற்று 3 காசுகள் உயர்த்தி விலை நிர்ணயம் செய்யப்பட்டுள்ளது. கோழிப்பண்ணைகளில் முட்டையின் கொள்முதல் விலை 355 காசாக தொடர்ந்து நீடிக்கிறது என நாமக்கல் மண்டல முட்டை உற்பத்தியாளர்கள் சங்கம் அறிவித்துள்ளது.