India - Dinakaran

கே.ஆர்.எஸ். அணையில் இருந்து தமிழகத்துக்கு ஜனவரி, பிப்ரவரி மாதத்துக்கான தண்ணீர் திறப்பு

பெங்களூரு: கே.ஆர்.எஸ். அணையில் இருந்து ஜனவரி மற்றும் பிப்ரவரி  மாதங்களுக்கு திறக்க வேண்டிய தண்ணீரை தமிழகத்திற்கு கர்நாடகா திறந்து  விட்டுள்ளது.கர்நாடகா-தமிழக விவசாயிகளின் ஜீவநாடியாக இருக்கும்  காவிரி நதியில் இருந்து கிடைக்கும் தண்ணீரை பங்கிட்டு கொள்ளும் விஷயத்தில்  இரு மாநிலங்கள் இடையே கருத்து மோதல் ஏற்பட்டது. நதிநீர் பங்கீடு  பிரச்னைக்கு தீர்வு காண அமைக்கப்பட்ட காவிரி நடுவர் மன்றம், கடந்த 2007ம்  ஆண்டு வழங்கிய தீர்ப்பில் தமிழகத்திற்கு 191.50 டிஎம்சி தண்ணீர்  ஆண்டுதோறும் திறக்க வேண்டும் என்று கூறியிருந்தது. நடுவர் மன்ற தீர்ப்பை எதிர்த்து இரு மாநில அரசுகள் சார்பில் உச்ச நீதிமன்றத்தில் மேல் முறையீட்டு  மனு தாக்கல் செய்யப்பட்டது. அம்மனு மீதான விசாரணை முடிந்து கடந்த 2018  பிப்ரவரி 16ம் தேதி வழங்கிய தீர்ப்பில் தமிழகத்திற்கு நடுவர் மன்றம் வழங்க  உத்தரவிட்டிருந்த தண்ணீரில் 14.75 டிஎம்சி குறைத்து ஆண்டுதோறும் 176.75  டிஎம்சி தண்ணீர் திறக்க வேண்டும்.  இதில் ஒவ்வொரு மாதமும் குறிப்பிட்ட அளவு  தண்ணீர் திறக்க வேண்டும் என்று உத்தரவிட்டது. நீதிமன்ற உத்தரவுப்படி  தண்ணீர் திறக்கப்பட்டு வருகிறது. அதன்படி இவ்வாண்டு ஜனவரி மற்றும்  பிப்ரவரி மாதங்களில் தமிழகத்திற்கு 5 டிஎம்சி தண்ணீர் திறக்–்க வேண்டும்.  கே.ஆர்.எஸ். அணை மொத்தம் 124.80 அடி உயரம் கொண்டுள்ளது. நேற்று மாலை  நிலவரப்படி அணையில் 112.57 அடி உயரத்திற்கு தண்ணீர் இருந்தது. அணைக்கு  வினாடிக்கு 314 கனஅடி நீர்வரத்து இருந்தது. அணையில் இருந்து வினாடிக்கு  5,885 கன அடி தண்ணீர் திறக்கப்பட்டுள்ளது. கர்நாடக பாசனத்திற்கு வினாடிக்கு  2,500 கனஅடியும், தமிழகத்திற்கு 2,885 கனஅடியும் தண்ணீர்  திறக்கப்பட்டுள்ளது. மொத்தம் 49.452 டிஎம்சி தண்ணீர் சேமிக்கும் திறன்  கொண்ட அணையில் தற்ேபாது 34.386 டிஎம்சி தண்ணீர் உள்ளது. அணையில் போதிய நீர்  இருப்பது உள்ளதால், இவ்வாண்டு கோடையில் குடிநீர் பஞ்சம் இருக்காது என்று  அதிகாரிகள் தெரிவித்தனர்.

ஜப்பானில் டைமண்ட் பிரின்சஸ் கப்பலில் சிக்கிய 119 இந்தியர்கள் தனி விமானத்தில் டெல்லி அழைத்து வரப்பட்டனர்: சீனாவில் இருந்தும் 112 பேர் மீட்பு

புதுடெல்லி:  ஜப்பானில் ‘டைமண்ட் பிரின்சஸ்’ கப்பலில் இருந்த 119 இந்தியர்களும், 5 வெளிநாட்டினரும் சிறப்பு விமானத்தில் நேற்று டெல்லி அழைத்து வரப்பட்டனர். சீனாவில் பரவிய கொரோனா வைரஸ், ‘டைமண்ட் பிரின்சஸ்’ என்ற சொகுசு கப்பலில் ஒருவரை தாக்கியது. இதனால், ஜப்பானின் யோகோஹாமா கடல் பகுதியில் கடந்த 3ம் தேதி 3,711 பேருடன் இக்கப்பல் தனிமைப்படுத்தப்பட்டது.  கப்பலில்  இருந்த பயணிகள், ஊழியர்கள் யாரும் வெளியேற அனுமதிக்கப்படவில்லை. தொடர்ந்து நடத்தப்பட்ட பல்வேறு மருத்துவ பரிசோதனைகளில் கொரோனா வைரஸ் இருப்பவர்கள் அடையாளம் காணப்பட்டு சிகிச்சைக்காக சிறப்பு மையங்களுக்கு  அனுப்பி வைக்கப்பட்டனர். மற்ற பயணிகள் மற்றும் ஊழியர்கள் கப்பலிலேயே தங்க வைக்கப்பட்டனர். அனைவருக்கும் முழு பரிசோதனை செய்து ெகாரோனா இல்லை என்று உறுதி செய்யப்பட்டவர்கள் மட்டும் கப்பலில் இருந்து வெளியேற  அனுமதிக்கப்பட்டு வருகின்றனர். இந்நிலையில், இக்கப்பலில் 138 இந்தியர்கள் இருந்தனர். இவர்களில் 16 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டது. அவர்கள் தனிமைப்படுத்தப்பட்டு சிகிச்சை அளிக்கப்பட்டு வருகிறது. இக்கப்பலில் சிக்கிய இந்தியர்களை  மீட்டு வர மத்திய அரசு நடவடிக்கை மேற்கொண்டது. இதற்காக, டெல்லியில் இருந்து நேற்று முன்தினம் சிறப்பு விமானம் ஜப்பான் சென்றது. கப்பலில் இருந்த 119 இந்தியர்களை அழைத்துக் கொண்டு, இந்த விமானம் நேற்று காலை டெல்லி  திரும்பியது. இதில், இலங்கையை சேர்ந்த 2 பேர், நேபாளம், தென் ஆப்ரிக்கா மற்றும் பெருவை சேர்ந்த தலா ஒருவர் என ஐந்து பேரும் அழைத்து வரப்பட்டனர். இவர்கள் டெல்லி மானேசர் ராணுவ சிகிச்சை மையத்தில் தனிமைப்படுத்தப்பட்டு,  கண்காணிப்பில் வைக்கப்பட்டுள்ளனர்.  மேலும், கப்பலில் இருந்த 3 இந்தியர்கள் சிறப்பு விமானத்தில் அழைத்து வரப்படவில்லை. அவர்கள் ஜப்பானில் தனிமைப்படுத்தப்பட்டு மருத்துவ கண்காணிப்பில் வைக்கப்பட்டுள்ளனர்.இதேபோல், சீனாவில் கொரோனா வைரஸ் பரவிய வுகான் நகருக்கு இந்திய விமானப் படைக்கு சொந்தமான விமானம் நேற்று முன்தினம் புறப்பட்டு சென்றது. இதில், முககவசம் உள்ளிட்ட அத்தியாவசிய மருத்துவ உபகரணங்கள் 15 டன்  எடுத்து செல்லப்பட்டது. இந்த விமானம் நேற்று டெல்லி திரும்பியது. இதில், வுகானில் இருந்து 112 பேர் அழைத்து வரப்பட்டனர். இவர்களில் 76 பேர் இந்தியர்கள். இது தவிர, வங்கதேசத்தை சேர்ந்த 23 பேர், சீனாவை சேர்ந்த 6 பேர், மியான்மர்  மற்றும் மாலத்தீவை சேர்ந்த தலா 2 பேர், தென் ஆப்ரிக்கா, அமெரிக்கா மற்றும் மடகாஸ்கரை சேர்ந்த தலா ஒருவர் என 36 பேர் அழைத்து வரப்பட்டு இருந்தனர். ஏற்கனவே வுகானில் இருந்து 723 இந்தியர்கள், 43 வெளிநாட்டினரை மத்திய அரசு  மீட்டு வந்தது.ஈரானில் 22 பேர் பலிஈரானில் கொரோனா வைரஸ் பரவுவது கடந்த சில நாட்களாக அதிகரித்து வருகின்றது. 31 மாகாணங்களில் 20 மாகாணங்களில் இந்த வைரஸ் பரவ தொடங்கி உள்ளது. வைரசால் 141 பேர் பாதிக்கப்பட்டுள்ளனர். மேலும், 22 பேர் உயிரிழந்து  உள்ளதாகவும் அந்நாட்டு ஊடகங்கள் செய்தி வெளியிட்டுள்ளன.

தீவிரவாதிகளுக்கு துப்பாக்கி சப்ளை? கேரளாவில் ஆயுதப்படை எஸ்ஐ கைது

திருவனந்தபுரம்: கேரள  மாநில போலீஸ் ஆயுதப்படை முகாம்களில் இருந்து 20 ஆயிரத்துக்கும் மேற்பட்ட  துப்பாக்கி தோட்டாக்கள்,  25 அதிநவீன துப்பாக்கிகள் மாயமானது மத்திய  கணக்கு தணிக்கை துறை நடத்திய ஆய்வில்  கண்டுபிடிக்கப்பட்டது. மாயமான  தோட்டாக்கள் மற்றும் துப்பாக்கிகள் தீவிரவாதிகளுக்கு சப்ளை  செய்யப்பட்டு  இருக்கலாம் என்ற தகவல் வெளியானது. இதுதொடர்பாக சட்டப்பேரவையில் எதிர்க்கட்சிகள் கேள்வி  எழுப்பினர். இந்த சம்பவம் குறித்து விசாரிக்க  குற்றப்பிரிவு போலீசுக்கு அரசு உத்தரவிட்டது. குற்றப்பிரிவு ஏடிஜிபி  டோமின்தச்சங்கரி தலைமையில் போலீசார் விசாரணை நடத்தி   வருகின்றனர்.  விசாரணையின் ஒரு பகுதியாக திருவனந்தபுரம் பேரூர்கடை ஆயுதப்படை முகாமில்  ஆய்வு நடத்தப்பட்டது. அப்போது 350 போலி துப்பாக்கி தோட்டாக்கள்  இருந்தது கண்டுபிடிக்கப்பட்டது. காணாமல்போன தோட்டாக்களுக்கு பதிலாக போலி  தோட்டாக்கள் வைத்தது  தெரியவந்தது. இதுதொடர்பாக நடந்த விசாரணையில் போலி  தோட்டாக்கள் வைத்தது  அங்கு பணிபுரியும் சப்-இன்ஸ்பெக்டர் ரிஜி (52) என்பது  தெரியவந்தது. தற்ேபாது பத்தனம்திட்டாவில் உள்ள அடூர்  ஆயுதப்படை  முகாமில் பணிபுரிந்து வருகிறார். போலீசார் அவரை கைது செய்து   திருவனந்தபுரம் நீதிமன்றத்தில் ஆஜர்படுத்தி சிறையில் அடைத்தனர். ஆயுதப்படை  முகாமில் இருந்து மாயமான  துப்பாக்கிகள் மற்றும் தோட்டாக்களை தீவிரவாத  கும்பல்கள் அல்லது மாவோயிஸ்ட்டுகளுக்கு சப்ளை செய்தாரா என விசாரணை நடந்து  வருகிறது.

ஜாலியன் வாலாபாக் முக்கிய சாட்சியாக இருந்த 123 வயது தியாகி சுதாகர் சதுர்வேதி காலமானார்

பெங்களூரு: ஜாலியன் வாலாபாக் போராட்டத்தின் முக்கிய சாட்சியாக இருந்தவரும்,  நாட்டின் மூத்த சுதந்திர போராட்ட தியாகியும் மகாத்மாகாந்தியின் நெருங்கிய நண்பருமான சுதாகர்  சதுர்வேதி (123) முதுமையின் காரணமாக  பெங்களூருவில் நேற்று  காலமானார்.பெங்களூரு பலேபேட்டையில் கடந்த 1897 ஏப்ரல் 20ம் தேதி  பிறந்தவர் சுதாகர்.  கடந்த 1919ம் ஆண்டு நடந்த  ஜாலியன் வாலாபாக்  போராட்டத்தில் சுதாகர் சதுர்வேதியும் கலந்து கொண்டார். போராட்டத்தின் முழு விவரம்  தெரிந்த ஒரே நபராக  சதுர்வேதி இருந்தார். அந்த போராட்டத்தில் பல ஆயிரம் பேர்  படுகொலை செய்யப்பட்டிருந்தும் பிரிட்டீஷ் அரசு 670 பேர் மட்டுமே  உயிரிழந்ததாக தெரிவித்தது. இது தொடர்பான வழக்கு லண்டனில் நடந்தபோது, சாட்சி  கூறியவர்களில் சதுர்வேதியும் ஒருவர் என்பது குறிப்பிடத்தக்கது.  சுதந்திர  போராட்டத்தில் பங்கேற்று 13 ஆண்டுகள் சிறைவாசம் அனுபவித்தார். காந்தியின்  நண்பர், ஆலோசகராக  மட்டுமில்லாமல் அவரின் ஸ்டெனோ கிராபராகவும்  இருந்துள்ளார்.இப்படி இந்திய சுதந்திர போராட்ட வரலாற்றில் முக்கிய இடம்  பிடித்திருந்த சுதாகர்லால் சதுர்வேதி, பெங்களூரு ஜெயநகரில்  குடும்பத்தினருடன் வசித்து வந்தார். 123 ஆண்டுகள் வாழ்ந்த ஒரே சுதந்திர  போராட்ட தியாகி என்று போற்றப்பட்ட  அவர் நேற்று அதிகாலை  முதுமையின் காரணமாக காலமானார். அவரது உடலுக்கு முன்னாள் லோக்ஆயுக்தா  நீதிபதி சந்தோஷ் ஹெக்டே உள்பட பலர் மலரஞ்சலி செலுத்தினர். அவரது உடல்  நேற்று சாம்ராஜ்பேட்டையில் உள்ள கல்லறையில் அடக்கம் செய்யப்பட்டது.

பீகாரில் 2021ல் இருந்து சாதிவாரி கணக்கெடுப்பு: சட்டப்பேரவையில் தீர்மானம்

பாட்னா: பீகாரில் 2021ல் சாதி வாரியான கணக்கெடுப்பு நடத்துவதற்கான  தீர்மானம் சட்டப்பேரவையில் ஒருமனதாக நிறைவேற்றப்பட்டுள்ளது.பீகாரில்  முதல்வர் நிதிஷ் குமார் தலைமையிலான ஐக்கிய ஜனதா தள கூட்டணி ஆட்சி நடந்து  வருகிறது. இதன் பட்ஜெட் கூட்டத் தொடர் கடந்த 25ம் தேதி தொடங்கியது. நிதி  அமைச்சர் சுஷில் குமார் மோடி பட்ஜெட்டை தாக்கல் செய்தார்.  இதற்கிடையே,  சட்டப்பேரவை எதிர்க்கட்சித் தலைவர் தேஜஸ்வி தேசிய குடியுரிமை திருத்த  சட்டம் (சிஏஏ), தேசிய மக்கள்தொகை பதிவு (என்பிஆர்), தேசிய குடிமக்கள்  பதிவேடு (என்ஆர்சி) ஆகியவை குறித்த ஒத்திவைப்பு தீர்மானத்தின் மீது  விவாதம்  நடத்த கோரினார்.இதையடுத்து, ஒத்திவைப்பு தீர்மானத்தின் மீது பேசிய  முதல்வர் நிதிஷ் குமார், ``எந்தவொரு சூழலிலும் பீகாரில் என்ஆர்சி.யை அமல்படுத்த மாட்டோம்.  என்பிஆர்.ஐ பொறுத்தவரை அனைத்து உறுப்பினர்களும்  ஒப்புக் கொள்ளும் பட்சத்தில்  சாதி வாரி  கணக்கெடுப்புக்கான புதிய தீர்மானம் நிறைவேற்றப்படும்’’ என்றார். இதனைத் தொடர்ந்து, என்ஆர்சி.க்கு எதிராக ஒருமனதாக  தீர்மானம் நிறைேவற்றப்பட்டது.இந்நிலையில், நேற்று சட்டப்பேரவை  கூடியதும் சபாநாயகர் விஜய் குமார் சவுத்ரி, 2021ல் சாதி வாரி மக்கள்தொகை  கணக்கெடுப்பு நடத்த ஒருமனதாக தீர்மானம் நிறைவேற்றப்பட்டதாக பேரவையில்  தெரிவித்தார். பின்னர், முதல்வர் நிதிஷ்  குமார் பேசியதாவது:கடந்த  1931ம் ஆண்டு எடுக்கப்பட்ட சாதிவாரி கணக்கெடுப்புக்கு பின்னர்  பழங்குடியினர், தாழ்த்தப்பட்டோர், பிற்படுத்தப்பட்ட வகுப்பினரின் மக்கள்  தொகை அதிகரித்துள்ளது. ஆனால், இவர்களுக்கான இட ஒதுக்கீட்டு வரம்பு 50  சதவீதமாக  உள்ளது. இது தொடர்பான விவரங்களை 1931ம் ஆண்டு மக்கள்தொகை  கணக்கெடுப்பில் இருந்து மட்டுமே பெற முடியும். இது போன்ற சூழ்நிலையில்,  சாதி அடிப்படையிலான மக்கள்தொகை கணக்கெடுப்பே சிறந்த தீர்வாகும். வரும் 2021ல்  எடுக்கப்படும் மக்கள் தொகை கணக்கெடுப்பு முதன்முறையாக, இதர  பிற்படுத்தப்பட்ட வகுப்பினரின் தகவல்களையும் கொண்டதாக இருக்கும். இந்த  மக்கள் தொகை கணக்கெடுப்பில்,  வீடு, வரைபடம் அல்லது புவி குறியீடு  ஆகியவற்றை பயன்படுத்துவது பரிசீலிக்கப்பட உள்ளது. இதில் துல்லியமான  தகவல்கள் சேகரிக்கப்படுவதை உறுதி செய்ய, முறையான பயிற்சி அளிக்கப்பட்ட 25 லட்சம் ஊழியர்கள் பயன்படுத்தப்படுவார்கள்.இவ்வாறு அவர் கூறினார்.

உயர் நீதிமன்றத்தின் உத்தரவை மீறி துபாய் அழைத்துச் செல்லப்பட்ட குழந்தையை மீட்டு வந்தது சிபிஐ : தாய்-தந்தை மோதலில் தவிக்கும் பரிதாபம்

புதுடெல்லி: டெல்லியைச் ேசர்ந்த தம்பதி அமன் லோகியா-கிரன் கவுர். இவர்களுக்கு ரெய்னா என்ற 3 வயது பெண் குழந்தை உள்ளது. துபாயில் பணியாற்றிய லோகியாவும், கவுருக்கும்  கருத்து வேறுபாடு ஏற்பட்டு பிரிந்தனர். குழந்தை தாய்  பராமரிப்பில் இருக்க வேண்டும் எனவும், வாரத்துக்கு 3 நாட்கள்ரெய்னாவை லோகியா பார்க்கலாம் எனவும் டெல்லி உயர் நீதிமன்றம் உத்தரவிட்டது.  ஆனால்,கடந்த ஆண்டு குழந்தையை பார்க்கச் சென்ற லோகியா,  துபாய்க்கு அழைத்துச் சென்று விட்டார். இந்த வழக்கு சிபிஐ.யிடம் ஒப்படைக்கப்பட்டது. தற்போது அந்த குழந்தையை சிபிஐ அதிகாரிகள் துபாய் சென்று மீட்டு வந்துள்ளனர். இந்த  குழந்தை உயர் நீதிமன்றத்தில் இன்று ஒப்படைக்கப்படுகிறது.

கள்ளக்காதலியிடம் வீடியோ காலில் பேசியபடி தற்கொலை செய்த வாலிபர்: கேரளாவில் பரிதாபம்

திருவனந்தபுரம்: ஆலப்புழா அருகே தனது கள்ளக்காதலியிடம் வீடியோகாலில் பேசியபடியே வாலிபர் தற்கொலை செய்த சம்பவம் பரபரப்பை ஏற்படுத்தியுள்ளது.கேரளாவின் ஆலப்புழா  அருகே ஆலிசேரி பகுதியைச் சேர்ந்தவர் சம்சுதீன். இவரது  மகன் பாதுஷா (24). சங்கனாசேரியில் உள்ள ஒரு ஜூஸ் கடையில் பணிபுரிந்து   வந்தார்.  பாதுஷாவுக்கு கடந்த வருடம் திருமணம் நடந்தது. திருமணம்  முடிந்த  சில நாட்களிலேயே தம்பதி இடையே கருத்து வேறுபாடு ஏற்பட்டது. இதையடுத்து அவரது  மனைவி பிரிந்து சென்றுவிட்டார். இதனால் பாதுஷா கடைக்கு அருகில்  உள்ள லாட்ஜில் அறை எடுத்து தங்கி இருந்து வேலைக்கு சென்று வந்தார். இந்த  நிலையில் சமீபத்தில் அவருக்கு வேறொரு பெண்ணுடன் கள்ளத்தொடர்பு ஏற்பட்டுள்ளது.  இருவரும் அடிக்கடி வெளியே சுற்றி வந்துள்ளனர். கடந்த சில தினங்களாக  இருவருக்கும் இடையே கருத்து வேறுபாடு ஏற்பட்டது. இதனால் பாதுஷா மனம்  உடைந்தார். இந்த நிலையில் நேற்று முன்தினம்  இரவு பாதுஷா தனது கள்ளக்காதலிக்கு  வீடியோ  கால் செய்து பேசியுள்ளார். அப்போது அவர்களுக்கு இடையே  வாக்குவாதம் ஏற்பட்டுள்ளது. இதையடுத்து இருவரும் பேசிக்கொண்டிருந்த போது  தான் தூக்கிட்டு தற்கொலை செய்யப்போவதாக பாதுஷா கூறியுள்ளார். அதோடு  செல்போனை ஆனில் வைத்துக்கொண்டே  கழுத்தில் கயிற்றை கட்டி தூக்கில்  தொங்கினார். இதை பார்த்துக்கொண்டிருந்த அவரது கள்ளக்காதலி  அதிர்ச்சி அடைந்தார். உடனடியாக அவர் வேலை செய்யும் பழக்கடை உரிமையாளருக்கு  தகவல் தெரிவித்தார். அவர் சங்கனாச்சேரி போலீசுக்கு தகவல் தெரிவித்தார்.   போலீசார் லாட்ஜுக்கு சென்றபோது அறை உள்பக்கமாக பூட்டப்பட்டிருந்தது. கதவை  உடைத்து உள்ளே சென்றபோது பாதுஷா தூக்கில் இறந்த நிலையில் கிடந்தார். அவரது உடலை   மீட்டு போலீசார் விசாரணை நடத்தி வருகின்றனர்.

விசாகப்பட்டினத்தை நிர்வாக தலைநகராக்க சம்மதிக்கக்கோரி சந்திரபாபுவை முற்றுகையிட்டு ஒய்எஸ்ஆர் காங். ஆர்ப்பாட்டம்: 4 மணி நேரம் சிறைவைப்பால் பதற்றம்

திருமலை: விசாகப்பட்டினத்தை நிர்வாக தலைநகராக்க சம்மதிக்கக்கோரி சந்திரபாபுவை முற்றுகையிட்டு கருப்புக்கொடி ஏந்தி ஒய்எஸ்ஆர் காங்கிரசார் ஆர்ப்பாட்டத்தில் ஈடுபட்டனர். ஆந்திர முன்னாள் முதல்வர் சந்திரபாபு மாநிலம் முழுவதும் பிரஜா சைத்தன்ய யாத்திரை (மக்கள் விழிப்புணர்வு யாத்திரை)  மேற்கொண்டு வருகிறார். அதன்படி விஜயநகரம் மாவட்டங்களில் சுற்றுப்பயணம் மேற்கொள்வதற்காக நேற்று  விசாகப்பட்டினம் விமான நிலையத்திற்கு காலை 11.40 மணிக்கு வந்தார். விமான நிலையத்தில் இருந்து காரில் புறப்பட்ட சந்திரபாபுவை ஆளும் ஒய்எஸ்ஆர் காங்கிரஸ் கட்சியினர் திரண்டு வந்து வெளியே செல்லவிடாமல் விமான நிலையத்தை முற்றுகையிட்டு கருப்புக்கொடி ஏந்தி ஆர்ப்பாட்டத்தில் ஈடுபட்டனர்.  இதனை அறிந்த தெலுங்கு தேசம் கட்சியினரும் அங்கு திரண்டதால் இருதரப்பினர் இடையே வாக்குவாதம் முற்றி மோதல் ஏற்படும் சூழல் உருவானது. அப்போது சந்திரபாபு மற்றும் அவரது ஆதரவாளர்கள் கார் மீது செருப்பு, தக்காளி, கற்கள்,  தண்ணீர் பாக்கெட் போன்றவற்றை ஒய்எஸ்ஆர் காங்கிரஸ் கட்சியினர் வீசினர். மேலும் ஒரு காரின் மீது ஏறிய ஒய்எஸ்ஆர் காங்கிரஸ் தொண்டர் தனது உடல் மீது பெட்ரோலை ஊற்றிக்கொண்டு, சந்திரபாபு விசாகப்பட்டினத்தை நிர்வாக  தலைநகராக அறிவிக்கக் சம்மதம் தெரிவிக்காவிட்டால் தீக்குளிப்பேன் என மிரட்டல் விடுத்தார். போலீசார் அவரை இழுத்துச்சென்றனர். இதனால் சந்திரபாபு மாலை  4 மணி வரை சுமார் 4 மணி நேரம் விமான நிலையத்தின் வெளியிலேயே  காத்திருந்தார்.  மேலும் அவர் விமான நிலையத்தில் தர்ணாவில் ஈடுபட்டார். நிலைமை மோசமான நிலையில் போலீசார் வேண்டுகோளின் பேரில் சந்திரபாபு விமான நிலையத்தில் உள்ள விஐபி காத்திருப்பு அறைக்கு ெசன்றார்.சந்திரபாபு நாயுடு கூறுகையில், ‘‘அரசியலில் 40 ஆண்டுக்கால அனுபவம் உள்ள எனக்கே உரிய பாதுகாப்பு வழங்க முடியாத இந்த அரசு சாதாரண குடிமக்களுக்கு எந்த அளவிற்கு பாதுகாப்பு வழங்கும் என்பது தெரிகிறது’’ என்று ஆவேசமாக  கூறினார்.

திரும்ப பெற முடியாது மத்திய அமைச்சர் உறுதி

புதுடெல்லி: டெல்லியில் நடந்த நிகழ்ச்சி ஒன்றில் கலந்து கொண்ட மத்திய சட்டம் மற்றும் நீதித்துறை அமைச்சர் ரவி சங்கர் பிரசாத் கூறுகையில், “குடியுரிமை திருத்த சட்டத்தை (சிஏஏ) திரும்ப பெறும் பேச்சுக்கே இடமில்லை. ஆனால்,  இச்சட்டத்தை எதிர்க்கும் மக்களை சமாதானப்படுத்த மத்திய அரசு முயற்சிக்கும். தூங்கி கொண்டு இருப்பவர்களை மட்டும்தான் எழுப்ப முடியும், தூங்குவது போல் நடிப்பவர்களை எழுப்ப முடியாது. அனைத்திற்கும் மேலாக பாகிஸ்தான்,  வங்கதேசம் மற்றும் ஆப்கானிஸ்தானில்  இருந்து வரும் மதரீதியாக துன்புறுத்தல்களை எதிர்கொண்ட சிறுபான்மையினருக்கு இந்தியாவில் ஏன் குடியுரிமை வழங்கக் கூடாது? அனைத்து மத மக்களும் ஒன்றாக, அமைதியாக வாழ்வதுதான்  இந்திய பண்பாட்டின் பெருமை,” என்றார்.

ஒரே குடும்பத்தில் 6 பேரை கொன்ற ‘சீரியல் கில்லர்’ ஜோளி சிறையில் தற்கொலை முயற்சி

திருவனந்தபுரம்: கேரளாவில்  கணவன், மாமனார் உள்பட ஒரே குடும்பத்ைத சேர்ந்த 6 பேரை கொன்ற வழக்கில் கைது  செய்யப்பட்ட ஜோளி நேற்று அதிகாலை சிறையில் தற்கொலைக்கு முயன்றது  பரபரப்பை ஏற்படுத்தியுள்ளது. கேரளாவின் கூடத்தாய் பகுதியைச் சேர்ந்தவர் டோம் தாமஸ் (75). இவரது மனைவி அன்னம்மா.  இவரது மகன் ராய் தாமஸ். இவரது மனைவி ஜோளி. இவர்கள் அனைவரும் ஒரே வீட்டில்  வசித்தனர். கடந்த 2002ல் இருந்து 2016ம் ஆண்டு  வரையில் மாமனார், மாமியார், கணவர், சின்ன மாமனார் என்று 6 பேரை சொத்துக்காக அனைவருக்கும் சயனைடு  கொடுத்து கொன்றது தெரியவந்தது.இதையடுத்து கடந்த சில மாதங்களுக்கு  முன்பு போலீசார் ஜோளியை  கைது செய்தனர். அதோடு அவருக்கு  உடந்தையாக இருந்த மேலும் 2 பேரையும் போலீசார் கைது செய்தனர். ஜோளி தற்போது  கோழிக்கோடு மத்திய சிறையில்  அடைக்கப்பட்டு உள்ளார்.இந்த நிலையில் நேற்று அதிகாலை சிறையில் கை நரம்பு அறுக்கப்பட்ட நிலையில் ஜோளி ரத்த  வெள்ளத்தில் உயிருக்கு போராடிய நிலையில் கிடந்தார். இதை பார்த்த சிறை  அதிகாரிகள் அதிர்ச்சி அடைந்தனர். உடனே அவரை மீட்டு  கோழிக்கோடு அரசு  மருத்துவ கல்லூரி மருத்துவமனையில் சேர்த்தனர். அதைத் தொடர்ந்து  டாக்டர்கள் ஜோளிக்கு தீவிர சிகிச்சை அளித்து வருகின்றனர். கை நரம்பை ஜோளி எவ்வாறு அறுத்தார்?  தற்கொலைக்கு முயன்றது ஏன்? என்பது  உடனடியாக தெரியவில்லை. இதுகுறித்து சிறைத்துறையினர் விசாரித்து வருகின்றனர்.

ஒரே குடும்பத்தில் 6 பேரை கொன்ற ‘சீரியல் கில்லர்’ ஜோளி சிறையில் தற்கொலை முயற்சி

திருவனந்தபுரம்: கேரளாவில்  கணவன், மாமனார் உள்பட ஒரே குடும்பத்ைத சேர்ந்த 6 பேரை கொன்ற வழக்கில் கைது  செய்யப்பட்ட ஜோளி நேற்று அதிகாலை சிறையில் தற்கொலைக்கு முயன்றது  பரபரப்பை ஏற்படுத்தியுள்ளது. கேரளாவின் கூடத்தாய் பகுதியைச் சேர்ந்தவர் டோம் தாமஸ் (75). இவரது மனைவி அன்னம்மா.  இவரது மகன் ராய் தாமஸ். இவரது மனைவி ஜோளி. இவர்கள் அனைவரும் ஒரே வீட்டில்  வசித்தனர். கடந்த 2002ல் இருந்து 2016ம் ஆண்டு  வரையில் மாமனார், மாமியார், கணவர், சின்ன மாமனார் என்று 6 பேரை சொத்துக்காக அனைவருக்கும் சயனைடு  கொடுத்து கொன்றது தெரியவந்தது.இதையடுத்து கடந்த சில மாதங்களுக்கு  முன்பு போலீசார் ஜோளியை  கைது செய்தனர். அதோடு அவருக்கு  உடந்தையாக இருந்த மேலும் 2 பேரையும் போலீசார் கைது செய்தனர். ஜோளி தற்போது  கோழிக்கோடு மத்திய சிறையில்  அடைக்கப்பட்டு உள்ளார்.இந்த நிலையில் நேற்று அதிகாலை சிறையில் கை நரம்பு அறுக்கப்பட்ட நிலையில் ஜோளி ரத்த  வெள்ளத்தில் உயிருக்கு போராடிய நிலையில் கிடந்தார். இதை பார்த்த சிறை  அதிகாரிகள் அதிர்ச்சி அடைந்தனர். உடனே அவரை மீட்டு  கோழிக்கோடு அரசு  மருத்துவ கல்லூரி மருத்துவமனையில் சேர்த்தனர். அதைத் தொடர்ந்து  டாக்டர்கள் ஜோளிக்கு தீவிர சிகிச்சை அளித்து வருகின்றனர். கை நரம்பை ஜோளி எவ்வாறு அறுத்தார்?  தற்கொலைக்கு முயன்றது ஏன்? என்பது  உடனடியாக தெரியவில்லை. இதுகுறித்து சிறைத்துறையினர் விசாரித்து வருகின்றனர்.

பீகார் காவல் நிலையத்தில் பிரசாந்த் கிஷோர் மீது வழக்குப்பதிவு

பாட்னா: அரசியல் கட்சிகளுக்கு தேர்தல் வியூகம் வகுத்து கொடுத்து பிரபலமானவர் பிரசாந்த் கிஷோர். கடந்த 2014ம் ஆண்டு நடைபெற்ற மக்களவை தேர்தலில் பாஜ வெற்றி பெற்று பிரதமராக மோடி அரியணை ஏற காரணமாக இருந்தவர்.  பாஜவில் இருந்த அவர், பின்னர் அக்கட்சியில் இருந்து விலகி, பீகார் முதல்வர் நிதிஷ்குமார் தலைமையிலான ஐக்கிய ஜனதா தளத்தில் சேர்ந்தார். சமீபத்தில் குடியுரிமை திருத்த சட்டம் தொடர்பாக முதல்வர் நிதிஷ்குமாருடன் ஏற்பட்ட மோதலையடுத்து அக்கட்சியில் இருந்து கிஷோர் நீக்கப்பட்டார்.   இவர் மீது பீகாரை சேர்ந்த சஷ்வந்த் கவுதம் என்பவர் மோசடி செய்ததாக பாட்னா காவல் நிலையத்தில் புகார் அளித்துள்ளார். அதில், `மற்றொருவரின் தேர்தல் பிரசார திட்டங்களை கிஷோர் பயன்படுத்தி மோசடியில் ஈடுபட்டுள்ளார்' என  குறிப்பிட்டுள்ளார்.  இதையடுத்து பாட்னா போலீசார் பிரசாந்த் கிஷோர்  மீது வழக்குப்பதிவு செய்து விசாரித்து வருகின்றனர்.

கருடா மேம்பாலத்தில் வரைந்த திருநாமத்துக்கு பதிலாக ஸ்மார்ட் சிட்டி சின்னம்: திருப்பதியில் தீராத குழப்பம்

திருமலை: திருப்பதி நகரில் ஏற்படும் போக்குவரத்து நெரிசலை சமாளிப்பதற்காக ஸ்மார்ட் சிட்டி திட்டத்தின் கீழ் சில்பாராமம் முதல்  நந்தி சந்திப்பு வரை 6 கி.மீ.-க்கு கருடா மேம்பாலம் அமைக்க முடிவு செய்யப்பட்டது. திருப்பதி ஆன்மிக நகரம்  என்பதால், இந்த பாலம் அமைக்கும் பணியில் எங்கு பார்த்தாலும் ஆன்மிக சிந்தனையை ஏற்படுத்தும் விதமாக  அமைக்க முடிவு செய்யப்பட்டது. இதற்காக மேம்பாலத்திற்காக அமைக்கும் தூணில் ஏழுமலையானின் அடையாளமாக விளங்கும்  திருநாமம் அச்சாக பொருத்தப்பட்டது. இந்த திருநாமம் குறித்து சமூக வலைதளங்களில் பல்வேறு சர்ச்சைகள் எழுந்தது.அதில், தென்கலை நாமம் வரையப்பட்டதாக கூறி வடகலை நாமம் அணிபவர்கள் எதிர்ப்பு தெரிவித்தனர். பின்னர், இருதரப்பினருக்கும் பொதுவான ஏழுமலையானுக்கு அணிவிக்கப்படும் பா நாமம் கடந்த மாதம் அனைத்து தூணிலும்  வரையப்பட்டது. இதற்கு சில பிரிவினர் எதிர்ப்பு தெரிவித்தனர். அதில், ஏழுமலையானின் புனிதமாக கருதக்கூடிய  நாமத்தை தூணில் அமைத்துள்ளதால், அதன்மேல் வாகனங்கள் சென்றால் நாமத்தின் புனிதத்தன்மை கெட்டுவிடும் என்றனர்.  இது குறித்து பல்வேறு புகார்களை தேவஸ்தான தலைமை செயல் அலுவலருக்கு மாநகராட்சி அதிகாரிகள் தெரிவித்தனர். இந்நிலையில், திருப்பதி மாநகராட்சி அதிகாரிகள், மாநகராட்சி பூங்கா அருகே உள்ள மேம்பால தூணில் இருந்த நாமத்தை அகற்றி, அங்கு நேற்று ஸ்மார்ட் சிட்டி திட்ட லோகோவை பொருத்தினர். இதற்கும் ஆன்மிக சிந்தனையாளர்கள் எதிர்ப்பு  தெரிவித்துள்ளனர். அதில் திருப்பதி ஆன்மிக நகராக விளங்கக்கூடிய நிலையில், கருடா மேம்பால தூணில் வரையப்பட்ட ஏழுமலையானின் திருநாமம் பார்ப்பதற்கு அழகாகவும் ஆன்மிக சிந்தனையை கூட்டும் விதமாக அமைந்திருந்தது.  ஆனால்,  ஸ்மார்ட் சிட்டி லோகோவை இடம்பெற செய்திருப்பது சரியானதாக இல்லை என்றனர்.

பிரபல நடிகை பலாத்கார வழக்கு நடிகை மஞ்சுவாரியர் பரபரப்பு சாட்சியம்

திருவனந்தபுரம்: கேரளாவில்  பிரபல நடிகை காரில் கடத்தி பலாத்காரம் செய்யப்பட்ட வழக்கில் நடிகை  மஞ்சுவாரியர் நீதிமன்றத்தில் ஆஜராகி சாட்சியம் அளித்தார். பிரபல  மலையாள நடிகை ஒருவர் கடந்த 2 வருடத்துக்கு முன்பு, கேரளாவின் கொச்சி நகரில் இருந்து  காரில் திருச்சூர் சென்றபோது ஒரு கும்பலால் கடத்தி பலாத்காரம்  செய்யப்பட்டார். இது தொடர்பாக அவரது முன்னாள் டிரைவர் பல்சர்  சுனில் உள்பட 9 பேர்  கைது செய்யப்பட்டனர். விசாரணையில், சம்பவத்துக்கு சதி திட்டம் தீட்டியது  பிரபல நடிகர் திலீப் என்பது தெரியவந்தது. இதையடுத்து அவரை  போலீசார் கைது செய்தனர். இந்த வழக்கு விசாரணை கொச்சி சிறப்பு  நீதிமன்றத்தில் நடந்து வருகிறது. இதற்கிடையே வழக்கில் நடிகர் திலீப்பின்  முன்னாள் மனைவியும், நடிகையுமான மஞ்சுவாரியர், நடிகைகள் ரம்யா நம்பீசன், சம்யுக்தா வர்மா, கீது மோகன்தாஸ், நடிகையும் பாடகியுமான ரிமிடோமி மற்றும்  பிரபல மலையாள நடிகர்கள்,  நடிகைகள் உள்பட 130 ேபர் சாட்சிகளாக  சேர்க்கப்பட்டனர். முக்கிய சாட்சியான நடிகை மஞ்சுவாரியர் நேற்று  நீதிமன்றத்தில் ஆஜராக நோட்டீஸ் அனுப்பப்பட்டிருந்தது. அதன்படி நேற்று காலை  11 மணிக்கு மஞ்சுவாரியர் நீதிமன்றத்தில் ஆஜரானார். மூடப்பட்ட அறையில்  நீதிபதியிடம் அவர் 3 மணி  நேரத்திற்கு மேல் சாட்சியம் அளித்தார். அப்போது பலாத்காரம் செய்யப்பட்ட நடிகை மீது திலீப்பிற்கு முன் விரோதம் ஏற்பட்டதற்கான காரணங்கள் குறித்து அவர் விவரித்துள்ளார். திலீப்பிற்கு எதிராக மஞ்சுவாரியர் அளித்துள்ள சாட்சியம் போலீசிற்கு பெரும் பலமாக அமையும் என்று கருதப்படுகிறது.

டெல்லி வன்முறையை தடுக்க தவறிய உள்துறை அமைச்சர் அமித்ஷா ராஜினாமா செய்ய கோரிக்கை: சோனியா தலைமையில் காங்கிரஸ் தலைவர்கள் ஜனாதிபதியிடம் மனு

புதுடெல்லி: டெல்லி வன்முறை தொடர்பாக நடவடிக்கை எடுக்க தவறிய மத்திய உள்துறை அமைச்சர் அமித்ஷாவை ராஜினாமா செய்ய உத்தரவிடக் கோரி, காங்கிரஸ் தலைவர் சோனியா காந்தி தலைமையில் அக்கட்சித் தலைவர்கள்  ஜனாதிபதி ராம்நாத் கோவிந்தை சந்தித்து நேற்று மனு அளித்தனர்.டெல்லியில் நடந்த வன்முறை சம்பவங்கள், நாடு முழுவதும்  அதிர்வலைகளை ஏற்படுத்தியது. இதையடுத்து இந்த விவகாரத்தில் மத்திய அரசு மீது எதிர்க்கட்சிகள் கடும் விமர்சனத்தை முன்வைத்து வருகின்றன. மேலும் வன்முறைக்கு  பொறுப்பேற்று மத்திய உள்துறை அமைச்சர் அமித்ஷா பதவியை ராஜினாமா செய்ய வேண்டும் என காங்கிரஸ் கட்சி வலியுறுத்தி உள்ளது. இதுகுறித்து நேற்று முன்தினம் நடத்தப்பட்ட காங்கிரஸ் காரிய கமிட்டி கூட்டத்திலும் தீர்மானம் நிறைவேற்றப்பட்டது. மேலும் வன்முறை சம்பவம் தொடர்பாக விரைவில் ஜனாதிபதியை சந்தித்து மனு கொடுக்க உள்ளதாகவும் சோனியா காந்தி  நிருபர்கள் சந்திப்பின்போது  தெரிவித்து இருந்தார். இந்நிலையில்,  சோனியா காந்தி, முன்னாள் பிரதமர் மன்மோகன் சிங், குலாம்நபி ஆசாத் மற்றும் கட்சியின் மூத்த தலைவர்கள் ஆகியோர் கூட்டாக சென்று நேற்று ஜனாதிபதி ராம்நாத் கோவிந்த்தை அவரது மாளிகையில் சந்தித்தனர். டெல்லி  வன்முறை சம்பவங்கள் தொடர்பான கோரிக்கை மனுவை அவரிடம் கொடுத்தனர்.ஜனாதிபதியுடனான சந்திப்பிற்கு பின்னர் நிருபர்களை சோனியா காந்தி சந்தித்தார். அப்போது அவர் கூறியதாவது: கடந்த 4 நாட்களாக டெல்லியில் வன்முறை சம்பவங்கள் தலைவிரித்தாடி வருகிறது. இதில் மத்திய, மாநில அரசுகள் பதற்றத்தை தணிப்பதற்கு பதிலாக, நடக்கும் சம்பவத்தை வேடிக்கை பார்த்து வருகின்றன. மேலும் நடக்கும் வன்முறையில்  200க்கும் மேற்பட்டோர் படுகாயமடைந்துள்ளனர். 35க்கும் மேல் உயிர்ப்பலி ஏற்பட்டுள்ளது.வன்முறையைக் கட்டுப்படுத்த இயலாத மத்திய உள்துறை அமைச்சர் அமித்ஷாவை உடனடியாக பதவி விலக மத்திய அரசிடம் வலியுறுத்த வேண்டும் என ஜனாதிபதியிடம் தெரிவித்து அதற்கான மனுவும் கொடுக்கப்பட்டுள்ளது.இவ்வாறு அவர் கூறினார்.தேசிய அவமானம்:  முன்னாள் பிரதமர் மன்மோகன் சிங் கூறும்போது, “தலைநகரில் அமைதி நிலவுவதை அரசு உறுதிப்படுத்த வேண்டும். மேலும் டெல்லியில் கடந்த 4 நாட்களாக நடந்த சம்பவம் மிகுந்த கவலையான ஒன்றாகும். இது தேசிய  அவமானம். மேலும் மத்திய அரசின் ஒட்டுமொத்த தோல்வியின் பிரதிபலிப்பை இந்த நிகழ்வு காண்பிக்கிறது. அதனால் ராஜதர்மத்தை மத்திய அரசுக்கு நினைவூட்டுமாறு ஜனாதிபதியிடம் காங்கிரஸ் தரப்பில் கேட்டுக் கொள்ளப்பட்டது’’ என்றார்

காங்., ஆம் ஆத்மிதான் கலவரத்துக்கு காரணம்: வீடியோ ஆதாரம் இருப்பதாக பாஜ குற்றச்சாட்டு

புதுடெல்லி: ‘டெல்லி கலவரத்திற்கு காங்கிரசும், ஆம் ஆத்மியுமே காரணம். அதற்கான வீடியோ ஆதாரங்களும் உள்ளன,’ என பாஜ பரபரப்பு குற்றச்சாட்டு சுமத்தி உள்ளது.டெல்லியில் குடியுரிமை திருத்த சட்டத்திற்கு எதிர்ப்பும், ஆதரவும் தெரிவித்து போராட்டம் நடத்தியவர்கள் இடையே வன்முறை வெடித்தது. இந்த கலவரத்தில் 34 பேர் பலியாகி உள்ளனர். போலீஸ் ஏட்டு, உளவுத்துறை அதிகாரி ஒருவரும்  கொல்லப்பட்டு உள்ளனர். இந்த கலவரத்திற்கு மூல காரணமே மத்திய பாஜ அரசும், டெல்லி ஆம் ஆத்மி அரசும்தான் என காங்கிரஸ் இடைக்கால தலைவர் சோனியா காந்தி நேரடியாக நேற்று குற்றம்சாட்டினார்.தேர்தல் பிரசாரத்திலேயே பாஜ அமைச்சர்கள் வன்முறையை தூண்டும் வகையில் பேசியதாக ஆம் ஆத்மியும் குற்றம்சாட்டுகிறது. இதற்கு பதிலடியாக, டெல்லி கலவரத்திற்கு காங்கிரசும், ஆம் ஆத்மியுமே காரணம் என்றும், அதற்கான வீடியோ  ஆதாரம் இருப்பதாகவும் மத்திய அமைச்சர் பிரகாஷ் ஜவடேகர் பரபரப்பு குற்றச்சாட்டு சுமத்தி உள்ளார். அவர் நேற்று அளித்த பேட்டியில் கூறியதாவது:டெல்லியில் கலவரத்தை தூண்டியது யார்? இது ஏதோ 2 நாளில் நடந்த கலவரமல்ல. 2 மாதமாக சூடேற்றப்பட்டது. குடியுரிமை திருத்த சட்டம் நிறைவேற்றப்பட்டதுமே, ராம்லீலா மைதானத்தில் காங்கிரஸ் பேரணி நடத்தியது. அப்போது ‘நாம்  முடிவு செய்யும் நேரமிது: கொல்ல வேண்டுமா குணப்படுத்த வேண்டுமா?’ என முழங்கினார்கள். இது தூண்டுவதாக அர்த்தமாகாதா?ஆம் ஆத்மி தலைவர் தாஹிர் ஹுசேன் வீடு, கலவரத்தின் ஆலை என்பதை காட்டும் வீடியோக்கள் உள்ளன. அதில், வன்முறைக்கு தயாராவதற்காக அவரது வீட்டில் துப்பாக்கி, ரசாயனங்கள் மற்றும் பிற பொருட்களை பார்த்தோம். ‘உங்களை  குல்லா அணிய விட மாட்டார்கள்’ என ஆம் ஆத்மி தலைவர் அமானதுல்லா பேசுகிறார். குடியுரிமை திருத்த சட்டத்தில் அப்படி எங்கு கூறப்பட்டுள்ளது? இதுபோன்ற கலவரத்தை தூண்டும் வார்த்தைகளை கண்டித்து காங்கிரசோ, ஆம் ஆத்மியோ  ஒரு வார்த்தை கூட பேசவில்லை. இந்த மவுனம் ஆச்சரியமாக உள்ளது. போலீஸ் கான்ஸ்டபிள், ஐபி அதிகாரி இறந்ததைப் பற்றி பேசாமல், பாஜ.வை கேள்வி கேட்கிறார்கள்.இதுபோன்ற அரசியலை வன்மையாக கண்டிக்கிறோம். நாங்கள் விசாரணையை தொடங்கி உள்ளோம். கலவரத்தை அடக்கி நிலைமையை சீராக்கி உள்ளோம். இவ்வாறு அவர் கூறினார்.இரட்டிப்பு தண்டனை கெஜ்ரிவால் உறுதிஆம் ஆத்மி தலைவர் சஞ்சய் காந்தி கூறுகையில், ‘‘உளவுத்துறை அதிகாரியை கொன்றதாக குற்றம்சாட்டப்படும் ஆம் ஆத்மி தலைவர் தாஹிர் ஹுசேன், வன்முறை சம்பவம் நடந்த நேரத்தில் வீட்டில் இல்லை என்றும், அவரது வீட்டில் மர்ம  கும்பல் நுழைந்ததாகவும் அறிக்கை கொடுத்துள்ளார். தனக்கு பாதுகாப்பு தரும்படி கேட்ட பிறகு 8 மணி நேரம் கழித்தே போலீஸ் வந்து தனது குடும்பத்தினரை மீட்டதாகவும் கூறியுள்ளார்,’’ என்றார். இது குறித்து டெல்லி முதல்வரும், ஆம்  ஆத்மி கட்சியின் ஒருங்கிணைப்பாளருமான கெஜ்ரிவால் கூறுகையில், ‘‘வன்முறையில் ஈடுபட்ட எவரும் கட்சி பாகுபாடின்றி தண்டிக்கப்படுவார்கள். அதுவே ஆம் ஆத்மி கட்சியினராக இருந்தால் இரட்டிப்பு தண்டனை வழங்கப்படும்,’’ என்றார்.கலவரத்தில் பிறந்த மிராக்கிள் பேபிகடந்த திங்கட்கிழமை இரவு, டெல்லியின் காரவால் பகுதியில் வசித்த நிறைமாத கர்ப்பிணி ஷபீனா பர்வீன் (30), அவரது கணவர், மாமியார் ஆகியோர் வீட்டில் தூங்கிக் கொண்டிருந்தபோது கலவர கும்பல் அவர்களின் வீட்டில் புகுந்து சரமாரியாக  தாக்குதல் நடத்தி உள்ளது. குண்டுகளையும் வீசியுள்ளது. கர்ப்பிணி என்றும் பாராமல் ஷபீனாவை வயிற்றியிலேயே உதைத்துள்ளனர். இந்த கும்பலிடம் இருந்து தப்பிய நிலையில், ஷபீனாவுக்கு பயத்திலேயே பிரசவ வலி ஏற்பட்டுள்ளது. இதில்  ஆண் குழந்தை பிறந்துள்ளது. அந்த குழந்தைக்கு ‘மிராக்கிள் பேபி’ என்று பெயரிட்டுள்ளனர். ஷபீனாவின் மாமியார் கூறுகையில், ‘‘அன்று இரவு நாங்கள் உயிர் பிழைப்போமா என்ற சந்தேகம் இருந்தது. இறைவன் அருளால் உயிர்தப்பினோம்’’ என்றார்.

பாஜ.வின் பழிவாங்கும் அரசியல் அம்பலமானது: காங்கிரஸ் குற்றச்சாட்டு

புதுடெல்லி: ‘மத்திய அமைச்சர், பா.ஜ நிர்வாகிகள் மீது வழக்கு பதிவு செய்ய உத்தரவிட்ட டெல்லி உயர் நீதிமன்ற நீதிபதி முரளிதரை இடமாற்றம் செய்யப்பட்டது மூலம், பாஜ.வின் பழிவாங்கும் அரசியல் அம்பலமாகி உள்ளது,’ என காங்கிரஸ்  குற்றம் சாட்டியுள்ளது. இது பற்றி காங்கிரஸ் முன்னாள் தலைவர் ராகுல் காந்தி நேற்று வெளியிட்ட டிவிட்டர் பதிவில், ‘சொராபுதீன் ஷேக் போலி என்கவுன்டர்  வழக்கை விசாரித்த தைரியமான நீதிபதி லோயா இடமாற்றம் செய்யப்படவில்லை. தன்னுடன்  பணியாற்றும் நண்பரின் மகள் திருமணத்துக்கு கடந்த 2014ம் ஆண்டு  சென்றபோது மாரடைப்பால் பலியானார்,’ என குறிப்பிட்டுள்ளார். இவருடைய மர்மச்சாவின் பின்னணியில் பாஜ இருப்பதாக ஏற்கனவே குற்றச்சாட்டு நிலவி வருகிறது. அதை  மறைமுகமாக சுட்டிக்காட்டும் வகையில், ராகுல் இந்த பதிவை வெளியிட்டுள்ளார்.காங்கிரஸ் பொதுச் செயலாளர் பிரியங்கா காந்தி நேற்று வெளியிட்ட டிவிட்டர் பதிவில், ‘‘நீதிபதி முரளிதரின் நள்ளிரவு இடமாற்ற சம்பவம் இந்த ஆட்சியில் அதிர்ச்சியளிக்கவில்லை. ஆனால் இது உண்மையிலேயே வருத்தமாகவும்  வெட்கமாகவும் இருக்கிறது. நேர்மையான நீதித்துறையின் மீது லட்சக்கணக்கான இந்தியர்கள் நம்பிக்கை கொண்டுள்ளனர். ஆனால் நீதித்துறையை நசுக்குவதற்கும், மக்களின் நம்பிக்கையை உடைப்பதற்கும் முயற்சிக்கும் அரசின் செயல்  வருத்தமளிக்கிறது” என தெரிவித்துள்ளார். காங்கிரஸ் மூத்த தலைவர் ரன்தீப் சுர்ஜிவாலா, ‘பா.ஜ அரசின் இந்த இடமாற்றம் மிக மோசமான அநீதி. பாஜ.வின் பழிவாங்கும் அரசியல் அம்பலப்படுத்தப்பட்டு உள்ளது,’ என குறிப்பிட்டுள்ளார்.  

வன்முறையை தூண்டும் வகையில் பேசியதாக குற்றச்சாட்டு பாஜ தலைவர்கள் மீது வழக்கு பதிய முடியாது: உயர் நீதிமன்றத்தில் மத்திய அரசு தகவல்

புதுடெல்லி: டெல்லி வன்முறைக்கு எதிராக தொடரப்பட்ட வழக்கில் தற்போதைய சூழலில் எப்.ஐ.ஆர் பதிவு செய்ய முடியாது என காவல் துறை தரப்பில் திட்டவட்டமாக தெரிவிக்கப்பட்டுள்ளது.     டெல்லியில் வன்முறையை தூண்டும் விதமாக பேசியவர்கள் மீது முதல் தகவல் அறிக்கை (எப்ஐஆர்) பதிவு செய்ய வேண்டும் என உயர் நீதிமன்றம் நேற்று முன்தினம் நடந்த வழக்கு விசாரணையின் போது உத்தரவிட்டிருந்தது இதன்படி, இந்த வழக்கில் குற்றம்சாட்டப்பட்ட மத்திய அமைச்சர் அனுராக் தாகூர், பாஜ மூத்த தலைவர்கள் கபில் மிஸ்ரா, பர்வேஸ் மிஸ்ரா மீது  வழக்கு பதிவு செய்யு்ம்படி போலீசாருக்கு உத்தரவிடப்பட்டது.  இந்த நிலையில், டெல்லியில்  நடந்த வன்முறைக்கு எதிராக தாக்கல் செய்யப்பட்ட மனுக்கள் உயர்நீதிமன்ற தலைமை நீதிபதி டி.என்.பட்டேல் அமர்வில் நேற்று பிற்பகல் விசாரணைக்கு வந்தது.    இதில் டெல்லி காவல் துறை சார்பில் ஆஜரான மத்திய அரசின் கூடுதல் சொலிசிட்டர் துஷார் மேத்தா, தனது வாதத்தில், “இந்த வழக்கை பொறுத்தவரை முதலாவதாக தலைமை நீதிபதி அமர்வில் தான் பட்டியலிடப்பட்டது. ஆனால்  சூழ்நிலை காரணத்தால் நீதிபதி முரளிதர் அமர்வில் விசாரிக்கப்பட்டது. இதில் முதலாவதாக நீதிமன்றத்திற்கு எங்களது தரப்பில் ஒரு விஷயத்தை தெளிவுப்படுத்த விரும்புகிறோம். அதில், முந்தைய விசாரணையின் போது எதிர் தரப்பினர் தாக்கல் செய்த வீடியோ ஆதாரம் என்பது, பல மாதங்களுக்கு முன்பு  பேசப்பட்டது. ஆனால், தற்போது உள்ள நிலைமையை கருத்தில் கொண்டு பிரச்னையை பெரிதாக்க மனுதாரர் தரப்பில் அதை தேடி எடுத்து நீதிமன்றத்தில் சமர்பித்துள்ளனர். ஆனால், அதை முழுமையாக ஆய்வு செய்யாமல் எப்.ஐ.ஆர் பதிவு  செய்ய உத்தரவிடப்பட்டது. இதில் காவல் துறை தரப்பில் விளக்கமளிக்க கூட நீதிமன்றம் நேரம் கொடுக்கவில்லை. மேலும், இந்த வழக்கில் தற்போது எங்களிடம் பல்வேறு கூடுதல் வீடியோ ஆதாரங்கள் கிடைத்துள்ளன. அதனையும் நீதிமன்றம்  ஆய்வு செய்ய வேண்டும். இந்த விவகாரத்தில் டெல்லி போலீசாரின் தரப்பு வாதங்களை முன்வைக்க யார் ஆஜராவது என்பதில் மத்திய மற்றும் டெல்லி அரசுக்கு குழப்பம் நிலவி வருகிறது. அதனால் மத்திய அரசை ஒரு எதிர்வாதியாக சேர்க்க  வேண்டும். மேலும் தற்போது இருக்கும் சுழலில் வன்முறையை தூண்டும் வகையில் பேசியவர்களுக்கு எதிராக எப்.ஐ.ஆர் பதிவு செய்ய கண்டிப்பாக முடியாது. அவ்வாறு செய்யும் பட்சத்தில், அமைதி மற்றும் இயல்பு நிலை திரும்புவதை  பாதிக்கும். எந்த வகையிலும் நன்மையாக உதவாது. வன்முறையை மேலும் அதிகரிக்க வாய்ப்பாக அமைந்து விடும். அதனால் சரியான நேரத்தில் தகுந்த நடவடிக்கையை காவல் துறை தரப்பில் மேற்கொள்ளப்படும்.மேலும் எங்களது தரப்பு  பதிலை நீதிமன்றத்தில் பிரமாண பத்திரமாக தாக்கல் செய்ய நீதிமன்றம் அனுமதி வழங்கி, அதற்கான கால அவகாசத்தையும் வழங்க வேண்டும்” என வாதிட்டார்.  இதையடுத்து, மனுதாரர் தரப்பில் ஆஜரான மூத்த வழக்கறிஞர் கோன்சால்வஸ் வாதத்தில்,” இந்த விவகாரத்தை பொறுத்தவரை முதலில் வன்முறையை தூண்டியவர்கள் மீது எப்.ஐ.ஆர் பதிவு செய்ய வேண்டும். அதன் பின்னரே விசாரணை  மேற்கொள்ளப்பட வேண்டும். இந்த விவகாரத்தில் பா.ஜ தலைவர்கள் தான் வெறுப்புணர்வை தூண்டும் விதமான பேசி போராட்டத்தை கலவரமாக மாற்றியுள்ளனர். இதனை நீதிமன்றம் கருத்தில் கொள்ள வேண்டும்” என வாதிட்டார்.  இதையடுத்து இருதரப்பு வாதங்களையும் கேட்ட நீதிபதி பிறப்பித்த உத்தரவில், “இந்த வழக்கில் எதிர்மனுதாரராக மத்திய அரசு இணைக்கப்படுகிறது. மேலும் டெல்லியில் நடந்த வன்முறை சம்பவம் குறித்து மத்திய உள்துறை செயலாளர்  மற்றும் எதிர்மனுதாரர்கள் அனைவரும் நான்கு வாரத்தில் பதில் மனுவை தாக்கல் செய்ய நீதிமன்றம் நோட்டீஸ் அனுப்புகிறது என உத்தரவிட்ட நீதிபதி வழக்கை ஏப்ரல் 13ம் தேதிக்கு ஒத்திவைத்தார்.

சோனியா, ராகுல், பிரியங்கா உட்பட காங்., ஆம் ஆத்மி தலைவர்கள் மீது வழக்கு பதிய உத்தரவிட கோரி மனு

புதுடெல்லி: காங்கிரஸ் இடைக்கால தலைவர் சோனியா காந்தி, முன்னாள் தலைவர் ராகுல் காந்தி, காங்கிரஸ் பொதுச் செயலாளர் பிரியங்கா காந்தி உள்பட பல்வேறு கட்சித் தலைவர்கள் மக்களிடையே வெறுப்புணர்வைத் தூண்டும் வகையில்  பேசியதாக குற்றம் சாட்டப்பட்டுள்ளது. இது தொடர்பாக இவர்கள் மீது வழக்குப் பதிவு செய்யக்கோரி ஏராளமான மனுக்கள் டெல்லி உயர் நீதிமன்றத்தில் தாக்கல் செய்யப்பட்டுள்ளன. அதில் ஒரு மனுவில், வெறுக்கத்தக்க பேச்சுகளை பேசிய சோனியா, ராகுல், பிரியங்கா மீது வழக்குப் பதிவு செய்ய உத்தரவிடவும், அவர்களின் வெறுப்புணர்வைத் தூண்டும் பேச்சுகளை ஆய்வு செய்ய சிறப்பு புலனாய்வு குழு அமைக்கும்படியும்  கோரப்பட்டுள்ளது.இந்துசேனா அமைப்பு தாக்கல் செய்த மனுவில், அனைத்து இந்திய முஸ்லிம் மஜ்லீஸ் தலைவர் அசாதுதீன் ஓவைசி, அக்பருதீன் ஓவைசி ஆகியோர் வெறுப்புணர்வை தூண்டும் வகையில் பேசியதாகவும் அவர்கள் மீது வழக்கு பதிவு செய்யவும்  கோரப்பட்டுள்ளது.மேலும், அந்த மனுவில், ஏஐஎம்ஐஎம். கட்சியின் எம்எல்ஏ வாரிஸ் பதானின் வெறுக்கத்தக்க பேச்சின் விளைவாக ஏற்பட்ட வன்முறையில் தான், டெல்லியில் 34 பேர் இறந்துள்ளதாக கூறப்பட்டுள்ளது. இதே போன்ற மற்றொரு மனுவில், வெறுப்புணர்வை தூண்டும் வகையில் பேசிய டெல்லி துணை முதல்வர் மணீஷ் சிசோடியா, ஆம் ஆத்மி மூத்த தலைவர் அமானதுல்லா கான் மீது எப்ஐஆர். பதிய உத்தரவிட கோரிக்கை விடுக்கப்பட்டுள்ளது.

டெல்லி கலவர பலி எண்ணிக்கை 38 ஆக உயர்வு

புதுடெல்லி: வடகிழக்கு டெல்லியில் நடந்த கலவரத்தில் பலியானோர் எண்ணிக்கை மேலும் அதிகரித்து 38 ஆக உயர்ந்துள்ளது. பலர் படுகாயங்களுடன் மருத்துவமனைகளில் ஆபத்தான நிலையில் சிகிச்சை பெற்று வரும் நிலையில்  உயிரிழப்புகளின் எண்ணிக்கையும் கூடிக்கொண்டே செல்வது வேதனையையும், அதிர்ச்சியையும் ஏற்படுத்தியுள்ளது.குடியுரிமை திருத்த சட்டத்துக்கு எதிராகவும், ஆதரவாகவும் வடகிழக்கு டெல்லியில் நடந்த போராட்டத்தின் போது நிகழ்த்தப்பட்ட வன்முறையில் இதுவரை 38 பேர் பலியாகியுள்ளனர். இந்த எண்ணிக்கை மேலும் அதிகரிக்கும் என  அஞ்சப்படுகிறது. இதற்கிடையே, அசம்பாவிதம் மீண்டும் ஏற்படாமல் தடுப்பதற்காக கலவரப்பகுதிகளி–்ல மட்டுமின்றி பிற இடங்களிலும் டிரோன்கள் மூலம் போலீசார் நிலைமையை கண்காணித்து வருகின்றனர். நகரில் குவிக்கப்பட்டுள்ள  போலீசார் மற்றும் துணை ராணுவப்படையினர் தொடர் கண்காணிப்பில் ஈடுபட்டு வருகின்றனர்.கலவரத்தில் பாதிக்கப்பட்டவர்கள் சிகிச்சை பெற்று வரும் மருத்துவமனைகளில் மரண ஓலம்தான் கேட்கிறது. பலர் தங்கள் உறவுகளின் உடல்களை பெறுவதற்காக சவக்கிடங்கு முன்பாக காத்து கிடக்கும் அவலத்தையும் பார்க்க முடிகிறது. இந்த  கலவரத்தில் பலர் தங்களது குடும்பத்தினரின் உறவுகளை இழந்த நிலையில், இன்னும் பலர் தங்களது வீடுகள், கடைகளை இழந்து வாழ்வாதாரம் அற்ற நிலைக்கு தள்ளப்பட்டுள்ளனர். போலீசார் தரப்பிலும் பலர் பாதிக்கப்பட்டு  மருத்துவமனைகளில் சிகிச்சை பெற்று வருகின்றனர்.இந்நிலையில், கலவரம் குறித்து விசாரிக்க இரண்டு சிறப்பு விசாரணை குழுக்களை டெல்லி போலீசார் தரப்பில் அமைக்கப்பட்டுள்ளது. கலவரம் தொடர்பாக இதுவரை 48 எப்ஐஆர் பதிவு செய்யப்பட்டுள்ளதாகவும் 130 பேர் கைது  செய்யப்பட்டுள்ளதாகவும் போலீசார் தரப்பில் தெரிவிக்கப்பட்டுள்ளது.இதற்கிடையே, கலவரத்தில் பாதிக்கப்பட்டவர்களின் குடும்பத்தினருக்கு தலா ரூ.10 லட்சம் நிதியுதவி அளிக்கப்படும் என்று முதல்வர் கெஜ்ரிவால் அறிவித்துள்ளார்.இதற்கிடையில், எய்ம்ஸ் மருத்துவமனை சார்பில் நேற்று நடத்தப்பட்ட ரத்த தான முகாமில் கலந்து கொண்டு துணை ராணுவப்படையினர் 1,300 க்கும் மேற்பட்டோர் ரத்ததானம் வழங்கியது, அங்கிருந்தவர்களை ெநகிழ்ச்சி அடையச் செய்தது.முஸ்லிம்களுக்கு உதவிய இந்துக்கள்வடகிழக்கு டெல்லி அஷோக் நகர் பெரிய மசூதி அருகே செவ்வாய் மதியம் ஒரு மணிக்கு வன்முறை விஸ்வரூபம் எடுத்தது. பயங்கர ஆயுதங்களுடன் வந்த வன்முறை கும்பல் சூறையாடியதில், 40க்கும் அதிகமான முஸ்லிம் குடும்பங்கள் வீடு,  வாசல் இழந்தன. அவர்களது வீடுகள் அடித்து நொறுக்கப்பட்டு, தீக்கிரையானது. உயிர் பயத்துடன் குழந்தைகளை இறுகப் பிடித்துக் கொண்டும், வயதான பெற்றோரை எப்படி பாதுகாப்பது என தெரியாமலும், கதிகலங்கி வீதியில் நின்ற அந்த  குடும்பங்களை, ‘‘பிரச்னை ஓயும் வரை எங்கேயும் செல்ல வேண்டாம். பிர்னை ஓயும் வரை எங்கள் வீடுகளில் தங்கிக் கொள்ளுங்கள்,’ என அஷோக் நகர் இந்து குடும்பங்கள் அடைக்கலம் அளித்துள்ளன என்பது இப்போது தெரிய வந்துள்ளது.