India - Dinakaran

பயங்கரவாதத்திற்கு மற்றொரு பெயர் பாகிஸ்தான்: பிரதமர் மோடி ஆவேசம்

யவத்மால்: பயங்கரவாதத்திற்கு இன்னொரு பெயர் பாகிஸ்தான் என பிரதமர் மோடி தெரிவித்துள்ளார். மஹாராஷ்டிரா மாநிலத்தில் நடந்த விழாவில் கலந்துகொண்ட மோடி பேசியதாவது: பிரிவினைக்கு பின்னர் உருவான பாகிஸ்தான், பயங்கரவாத செயல்களை ஊக்குவித்து வருகிறது. தற்போது திவாலாகும் நிலையில் இருக்கும் அந்த நாடு பயங்கரவாதத்திற்கு பெயர் பெற்றுள்ளது. புல்வாமாவில், வீரமரணம் அடைந்த வீரர்களின் தியாகம் வீண்போகாது. குற்றவாளிகள் நிச்சயம் தண்டிக்கப்படுவார்கள். அவர்கள் மீது நடவடிக்கை எடுக்க பாதுகாப்பு படையினருக்கு முழு சுதந்திரம் கொடுக்கப்பட்டு உள்ளது. இந்த நேரத்தில், பாதுகாப்பு படையினர் மீது நம்பிக்கை வைத்து மக்கள் அமைதியாக இருக்க வேண்டும். இத்தகைய குற்றச்செயலில் ஈடுபட்டவர்கள் மீது எங்கு, எப்போது நடவடிக்கை எடுப்பது என்பது பற்றி பாதுகாப்பு படையினர் முடிவு செய்வார்கள். வீரமரணம் அடைந்த வீரர்களின் குடும்பத்தினரின் வேதனை மற்றும் உங்களின் கோபத்தை நாங்கள் புரிந்து கொண்டுள்ளோம். இவ்வாறு அவர் கூறினார்.

வீரமரணமடைந்த வீரர்களுடைய குழந்தைகளின் கல்வித் தேவைகளை சேவாக் இன்டர்நேஷனல் பள்ளி பூர்த்தி செய்யும்

டெல்லி: புல்வாமா தாக்குதலில் வீரமரணமடைந்த பாதுகாப்புப்படை வீரர்களுடைய குழந்தைகளின் கல்வித் தேவைகளை சேவாக் இன்டர்நேஷனல் பள்ளி முழுமையாக பொறுப்பேற்கும் என கிரிக்கெட் வீரர் விரேந்திர சேவாக் அறிவித்துள்ளார்.

தீவிரவாதத் தாக்குதலில் வீரமரணம் அடைந்த 40 வீரர்களின் உடல் ராணுவ மரியாதையுடன் அடக்கம்

டெல்லி: காஷ்மீரில் தீவிரவாதத் தாக்குதலில் வீரமரணம் அடைந்த 40 வீரர்களின் உடல்  அடக்கம் செய்யப்பட்டது. தமிழகம் உட்பட பலவேறு மாநிலங்களில் ராணுவ மரியாதையுடன் உடல்கள் அடக்கம் செய்யப்பட்டன.

காஷ்மீரில் நிகழ்ந்த குண்டுவெடிப்பில் ராணுவ அதிகாரி வீரமரணம்

காஷ்மீர்: காஷ்மீரில் நிகழ்ந்த குண்டுவெடிப்பில் ராணுவ மேஜர்  வீரமரணம் அடைந்தார். எல்லைக்கட்டுப்பாட்டு கோடு ரஜோரியில் குண்டு வெடித்ததில் ராணுவ அதிகாரி உயிரிழந்தார்.

புல்வாமா தாக்குதலில் வீரமரணமடைந்த ஒடிசாவைச் சேர்ந்த சி.ஆர்.பி.எப். வீரர்கள் குடும்பத்துக்கு ரூ.25லட்சம் நிதியுதவி

புவனேஸ்வர்: புல்வாமா தாக்குதலில் வீரமரணமடைந்த ஒடிசாவைச் சேர்ந்த சி.ஆர்.பி.எப்.  வீரர்கள் குடும்பத்துக்கு ரூ.25லட்சம் நிதியுதவி வழங்கப்படும். வீரமரணமடைந்த ஒடிசாவைச் சேர்ந்த 3 சி.ஆர்.பி.எப். வீரர்கள் குடும்பத்துக்கு ரூ.25லட்சம் நிதியுதவி வழங்கப்படும் என ஒடிசா அரசுஅறிவித்துள்ளது. மேலும் வீரர்களின்கிராம பஞ்சாயத்துகள் முன்மாதிரிபஞ்சாயத்துகளாக அறிவிக்கப்படும் எனவும் தெரிவித்துள்ளது.

ஸ்டெர்லைட் வழக்கில் திங்கள் கிழமை தீர்ப்பு வழங்குகிறது உச்சநீதிமன்றம்

டெல்லி: ஸ்டெர்லைட் வழக்கில் உச்சநீதிமன்றத்தில் வரும் திங்கள் கிழமை தீர்ப்பு அளிக்கப்படுகிறது. நீதிபதி ஃபாலி நாரிமன் அடங்கிய அமர்வு ஸ்டெர்லைட் வழக்கில் தீர்ப்பு வழங்குகிறது. டிச.15-ல் ஸ்டெர்லைட்டை திறக்க பசுமை தீர்ப்பாயம் உத்தரவிட்டதை எதிர்த்து தமிழக அரசு மேல்முறையீடு செய்தது. தமிழக அரசின் மேல்முறையீடு, வேதாந்தா நிறுவனம் தொடர்ந்த வழக்குகளில் திங்கள் கிழமை நீதிமன்றம் தீர்ப்பு வழங்குகிறது.

புல்வாமாவில் தாக்குதல் நடத்திய தீவிரவாத அமைப்புகள் எங்கு ஒழிந்தாலும் நிச்சயம் தண்டிக்கப்படுவார்கள்; பிரதமர் மோடி

மும்பை: உயிரிழந்த வீரர்களின் குடும்பத்தினர்களின் வலிகளை என்னால் புரிந்து கொள்ள முடிகிறது என்று மகாராஷ்டிராவில் நடைபெற்ற பொதுக்கூட்டத்தில் பிரதமர் மோடி தெரிவித்தார். உயிரிழந்த வீரர்களின் தியாகம் வீண் போகாது என்று பிரதமர் சூளுரைத்தார். சிஆர்பிஎஃப் வீரர்கள் மீது தாக்குதல் நடத்திய தீவிரவாத அமைப்புகள் எவ்வளவு தான் ஒளிந்து கொள்ள முயற்சித்தாலும், அவர்கள் நிச்சயம் தண்டிக்கப்படுவார்கள் என்று பிரதமர் மோடி எச்சரித்தார். பாதுகாப்பு படையினருக்கு முழு சுதந்திரம் கொடுக்கப்பட்டுள்ளதாக மகாராஷ்டிராவில் நடைபெற்ற பொதுக்கூட்டத்தில் பிரதமர் மோடி பேசினார். காஷ்மீரில் மத்திய ரிசர்வ் போலீஸ் படையை (சிஆர்பிஎப்) சேர்ந்த 2,500 வீரர்கள் 78 பேருந்துகளில் ஸ்ரீநகர்-ஜம்மு நெடுஞ்சாலையில் நேற்று முன்தினம் சென்றனர். இவர்களில் பெரும்பாலானோர் விடுமுறையை முடித்துவிட்டு பணிக்கு திரும்பியவர்கள். புல்வாமா மாவட்டம் அவந்திபோரா பகுதியில் இந்த வாகனங்கள் நேற்று முன்தினம் மாலை 3.15 மணியளவில் சென்று கொண்டிருந்தபோது தற்கொலை படை தீவிரவாதி ஒருவன், வெடிபொருட்கள் நிரப்பிய வாகனத்தை வேகமாக ஓட்டி வந்து வீரர்கள் இருந்த பேருந்து மீது பயங்கரமாக மோதினான். இதில் பேருந்து சின்னாபின்னமாக வெடித்துச் சிதறியது. 100 கிலோ வெடிபொருளை காரில் ஏற்றி வந்த தீவிரவாதி இந்த தாக்குதலை நடத்தினான். இந்த பயங்கர தாக்குதலில் 41 வீரர்கள் வீரமரணம் அடைந்தனர். 20க்கும் மேற்பட்ட வீரர்கள் படுகாயம் அடைந்தனர். இந்த தாக்குதலில் தூத்துக்குடி மாவட்டத்தை சேர்ந்த சுப்பிரமணி, அரியலூர்  மாவட்டத்தை சேர்ந்த சிவச்சந்திரன் என்ற 2 வீரர்கள் பலியாகினர். இந்த தாக்குதலுக்கு பாகிஸ்தானை சேர்ந்த ஜெய்ஷ் இ முகமது என்ற தீவிரவாத அமைப்பு பொறுப்பேற்றுள்ளது. இந்த கொடூர தாக்குதலால் நாடு முழுவதும் மக்கள் கொந்தளித்துள்ளனர். தாக்குதல் சம்பவத்துக்கு இந்திய மற்றும் உலக நாடுகளை சேர்ந்த தலைவர்கள் கடும் கண்டனம் தெரிவித்துள்ளனர்.

ராபர்ட் வதேராவுக்கு முன்ஜாமின் நீடிப்பு

டெல்லி: பிரியங்காவின் கணவர் ராபர்ட் வதேராவுக்கு மார்ச் 2-ம் தேதி வரை முன்ஜாமின் நீடிப்பு செய்யப்பட்டுள்ளது.  2-ம் தேதி வரை வதேராவை கைது செய்ய தடை விதித்து டெல்லி பாட்டியாலா நீதிமன்றம் உத்தரவு வழங்கியது.

பாதுகாப்புக்கும், தீவிரவாதத்தை ஒழிக்கவும் அரசுடன் எதிர்கட்சிகள் துணை நிற்போம்; அனைத்துக்கட்சி கூட்டத்தில் தீர்மானம்

புதுடெல்லி: காஷ்மீர் மாநிலம் புல்வாமா மாவட்டத்தில் நடத்தப்பட்ட தாக்குதல் தொடர்பாக விவாதிக்க மத்திய உள்துறை அமைச்சகம் இன்று அனைத்துக்கட்சி கூட்டத்திற்கு அழைப்பு விடுத்தது. இந்த கூட்டம் நாடாளுமன்ற நூலக அரங்கில் உள்துறை அமைச்சர் ராஜ்நாத் சிங் தலைமையில் நடைபெற்றது. இதில் குலாம்நபி ஆசாத், ஆனந்த் சர்மா, சரத்பவார், டி.ராஜா, கனிமொழி, நவநீதகிருஷ்ணன் உள்ளிட்டோர் கலந்து கொண்டனர். கூட்டத்தில் கலந்து கொண்ட எதிர்கட்சிகள் பிரதமர் தலைமையில் அனைத்து கட்சி கூட்டம் நடத்த வேண்டும் என்று வலியுறுத்தினர். மத்திய அரசுடன் கருத்து வேறுபாடுகள் இருந்தாலும், நாட்டின் பாதுகாப்பு மற்றும் தீவிரவாதத்தை ஒழிக்க அரசின் பக்கம் துணை நிற்போம் என்று காங்கிரஸ் கடசி தெரிவித்தது. மேலும் புல்வாமா தீவிரவாத தாக்குதல் சம்பவத்திற்கு கண்டனம் தெரிவித்து, உள்துறை அமைச்சர் ராஜ்நாத் சிங் தலைமையில் நடைபெற்ற அனைத்துக்கட்சி கூட்டத்தில் ஒருமனதாக தீர்மானம் நிறைவேற்றப்பட்டது. தீவிரவாதத்திற்கு எதிராகவும், தீவிரவாதத்திற்கு எதிராக போராடுவதற்கு உறுதுணையாக இருப்போம் என்றும் தீர்மானம் நிறைவேற்றப்பட்டது.  காஷ்மீரில் மத்திய ரிசர்வ் போலீஸ் படையை (சிஆர்பிஎப்) சேர்ந்த 2,500 வீரர்கள் 78 பேருந்துகளில் ஸ்ரீநகர்-ஜம்மு நெடுஞ்சாலையில் நேற்று முன்தினம் சென்றனர். இவர்களில் பெரும்பாலானோர் விடுமுறையை முடித்துவிட்டு பணிக்கு திரும்பியவர்கள். புல்வாமா மாவட்டம் அவந்திபோரா பகுதியில் இந்த வாகனங்கள் நேற்று முன்தினம் மாலை 3.15 மணியளவில் சென்று கொண்டிருந்தபோது தற்கொலை படை தீவிரவாதி ஒருவன், வெடிபொருட்கள் நிரப்பிய வாகனத்தை வேகமாக ஓட்டி வந்து வீரர்கள் இருந்த பேருந்து மீது பயங்கரமாக மோதினான். இதில் பேருந்து சின்னாபின்னமாக வெடித்துச் சிதறியது. 100 கிலோ வெடிபொருளை காரில் ஏற்றி வந்த தீவிரவாதி இந்த தாக்குதலை நடத்தினான். இந்த பயங்கர தாக்குதலில் 41 வீரர்கள் வீரமரணம் அடைந்தனர்.

பயங்கரவாதத்துக்கு எதிராக நாட்டை காக்க அரசு எடுக்கும் நடவடிக்கைகளுக்கு எதிர்க்கட்சிகள் ஆதரவு: டெல்லியில் தீர்மானம் நிறைவேற்றம்

டெல்லி: பயங்கரவாதத்துக்கு எதிராக நாட்டை காக்க அரசு எடுக்கும் நடவடிக்கைகளுக்கு எதிர்க்கட்சிகள் ஆதரவு தெரிவித்துள்ளது. டெல்லியில் அனைத்து கட்சிகளுடன் உள்துறை அமைச்சர் ராஜ்நாத் சிங் நடத்திய ஆலோசனை கூட்டத்தில் தீர்மானம் நிறைவேற்றப்பட்டது. புல்வாமா மாவட்டத்தில் சி.ஆர்.பி.எப். வீரர்கள் மீது தீவிரவாதிகள் நடத்திய தாக்குதலுக்கு கண்டனம் தெரிவித்து தீர்மானம் நிறைவேற்றப்பட்டது குறிப்பிடத்தக்கது.

கிரண்பேடி மீது நடவடிக்கை எடுக்க வேண்டும் : குடியரசு தலைவர், பிரதமருக்கு புதுச்சேரி முதல்வர் நாராயணசாமி கடிதம்

புதுச்சேரி: புதுச்சேரி துணை நிலை ஆளுநர் கிரண்பேடி மீது நடவடிக்கை எடுக்க வேண்டும் என புதுச்சேரி முதல்வர் நாராயணசாமி குடியரசு தலைவர் ராம்நாத் கோவிந்த், பிரதமர் மோடி மற்றும் உள்துறைக்கு கடிதம் எழுதியுள்ளார். மேலும் ஆளுநரை மாற்ற வேண்டும் என்ற சபாநாயகரின் கோரிக்கையை பரிசீலிக்க வேண்டும் எனவும் கடிதத்தில் நாராயணசாமி வலியுறுத்தியுள்ளார். மாநில வளர்ச்சிக்கு கவர்னர் கிரண்பேடி தொடர்ந்து முட்டுக்கட்டை போட்டு வருவதாக கூறி முதலமைச்சர் நாராயணசாமி, அமைச்சர்கள் மற்றும் எம்எல்ஏக்கள் 13ம் தேதியில் இருந்து கவர்னர் மாளிகை முன் தர்ணா போராட்டத்தை தொடங்கினர். இவர்களை கண்டுகொள்ளாமல் நேற்று முன்தினம் ராஜ்நிவாசில் இருந்து கவர்னர் கிரண்பேடி வெளியேறி, சென்னை சென்றார். பின்னர், அங்கிருந்து டெல்லி புறப்பட்டு சென்றார். முதல்வர், அமைச்சர்களை புறக்கணித்து வெளியேறியது பொதுமக்களிடையே அதிர்ச்சியை ஏற்படுத்தியது. இதனிடையே, போராட்டத்தை அடுத்த கட்டத்துக்கு கொண்டு செல்வது குறித்து முதல்வர் நாராயணசாமி அமைச்சர்கள், எம்.எல்.ஏ.க்கள், கூட்டணி கட்சி தலைவர்களுடன் நேற்று மாலையில் ஆலோசனை நடத்தினார். இதுபற்றி நாராயணசாமி கூறுகையில், காங்கிரஸ் மற்றும் கூட்டணி கட்சி சார்பில் உண்ணாவிரதம், சிறை நிரப்பும்  போராட்டம் என போராட்டம் தீவிரப்படுத்தப்படவுள்ளது. இன்று மாலை 12 மையங்களில் ஆர்ப்பாட்டம் நடைபெறும் என்றும், நாளை (17ம் தேதி) 30 தொகுதிகளில்  கருப்பு கொடி ஏற்றப்படும். 18ம் தேதி கிரண்பேடியை கண்டித்து குடியரசு  தலைவர், பிரதமர் ஆகியோருக்கு கடிதம் அனுப்பும் போராட்டம் நடக்க உள்ளதாக புதுச்சேரி முதலமைச்சர் நாராயணசாமி தெரிவித்தார். 21ம்தேதி மாபெரும் உண்ணாவிரத போராட்டம் நடைபெறும் என்று அறிவித்தார். இந்நிலையில் புதுச்சேரி துணைநிலை ஆளுநரை கண்டித்து முதலமைச்சர் நாராயணசாமி தலைமையில் 4-வது நாளாக தர்ணா போராட்டத்தில் ஈடுபட்டுள்ளனர். திமுக எம்.பி. கனிமொழிமுதலமைச்சர் நாராயணசாமியின் கோரிக்கை நியாயமானது என்று திமுக எம்.பி. கனிமொழி தெரிவித்துள்ளார். மேலும் துணை நிலை ஆளுநர் கிரண்பேடியை மத்திய அரசு உடனடியாக திரும்பபெற வேண்டும் என்றும் வலியுறுத்தியுள்ளார். திருநாவுக்கரசர்மக்களால் தேர்ந்தெடுக்கப்பட்ட புதுச்சேரி முதல்வரை அவமதிப்பது, மக்களை அவமதிப்பதற்கு சமம் - திருநாவுக்கரசர்டெல்லி முதலமைச்சர் அரவிந்த் கெஜ்ரிவால்மக்களால் தேர்ந்தெடுக்கப்பட்ட முதலமைச்சர் 3 நாட்களாக சாலையில் படுத்து போராடி வருகிறார், இது என்ன விதமான ஜனநாயகம் - டெல்லி முதலமைச்சர் அரவிந்த் கெஜ்ரிவால்

புல்வாமா தாக்குதல் தொடர்பாக டெல்லியில் உள்துறை அமைச்சர் ராஜ்நாத் சிங் தலைமையில் அனைத்துக்கட்சி கூட்டம் தொடங்கியது

டெல்லி: புல்வாமா தாக்குதல் தொடர்பாக டெல்லியில் உள்துறை அமைச்சர் ராஜ்நாத் சிங் தலைமையில் அனைத்துக்கட்சி கூட்டம் தொடங்கியது. ஜம்மு காஷ்மீரில் நடத்தப்பட்ட தாக்குதல் தொடர்பாக ராஜ்நாத் சிங் ஆலோசனை நடத்துகிறார். குலாம் நபி ஆசாத், சரத் பவார், கனிமொழி, டி.ராஜா உள்ளிட்டோர் கூட்டத்தில் பங்கேற்றுள்ளனர்.

புதுச்சேரி துணை நிலை ஆளுநர் கிரண்பேடி மீது நடவடிக்கை எடுக்க வேண்டும்: ஜனாதிபதி, பிரதமருக்கு நாராயணசாமி கடிதம்

புதுச்சேரி: புதுச்சேரி துணை நிலை ஆளுநர் கிரண்பேடி மீது நடவடிக்கை எடுக்க வேண்டும் என புதுச்சேரி முதல்வர் நாராயணசாமி வலியுறுத்தியுள்ளார். இதுகுறித்து குடியரசு தலைவர் ராம்நாத் கோவிந்த், பிரதமர் மோடி மற்றும் உள்துறைக்கு முதல்வர் நாராயணசாமி கடிதம் எழுதியுள்ளார். மேலும் ஆளுநரை மாற்ற வேண்டும் என்ற சபாநாயகரின் கோரிக்கையை பரிசீலிக்க வேண்டும் எனவும் நாராயணசாமி வலியுறுத்தியுள்ளார்.

துணைநிலை ஆளுநர் கிரண்பேடியை கண்டித்து நாராயணசாமி தலைமையில் 4-வது நாளாக தர்ணா போராட்டம்

புதுச்சேரி: புதுச்சேரி துணைநிலை ஆளுநரை கண்டித்து முதலமைச்சர் நாராயணசாமி தலைமையில் 4-வது நாளாக தர்ணா போராட்டம் நடைபெற்று வருகிறது. மாநில வளர்ச்சிக்கு கவர்னர் கிரண்பேடி தொடர்ந்து முட்டுக்கட்டை போட்டு வருவதாக கூறி முதலமைச்சர் நாராயணசாமி, அமைச்சர்கள் மற்றும் எம்எல்ஏக்கள் 13ம் தேதியில் இருந்து கவர்னர் மாளிகை முன் தர்ணா போராட்டத்தை தொடங்கினர். இவர்களை கண்டுகொள்ளாமல் நேற்று முன்தினம் ராஜ்நிவாசில் இருந்து கவர்னர் கிரண்பேடி வெளியேறி, சென்னை சென்றார். பின்னர், அங்கிருந்து டெல்லி புறப்பட்டு சென்றார். முதல்வர், அமைச்சர்களை புறக்கணித்து வெளியேறியது பொதுமக்களிடையே அதிர்ச்சியை ஏற்படுத்தியது. இதனிடையே, போராட்டத்தை அடுத்த கட்டத்துக்கு கொண்டு செல்வது குறித்து முதல்வர் நாராயணசாமி அமைச்சர்கள், எம்.எல்.ஏ.க்கள், கூட்டணி கட்சி தலைவர்களுடன் நேற்று மாலையில் ஆலோசனை நடத்தினார். இதுபற்றி நாராயணசாமி கூறுகையில், காங்கிரஸ் மற்றும் கூட்டணி கட்சி சார்பில் உண்ணாவிரதம், சிறை நிரப்பும்  போராட்டம் என போராட்டம் தீவிரப்படுத்தப்படவுள்ளது. இன்று மாலை 12 மையங்களில் ஆர்ப்பாட்டம் நடைபெறும் என்றும், நாளை (17ம் தேதி) 30 தொகுதிகளில்  கருப்பு கொடி ஏற்றப்படும். 18ம் தேதி கிரண்பேடியை கண்டித்து குடியரசு  தலைவர், பிரதமர் ஆகியோருக்கு கடிதம் அனுப்பும் போராட்டம் நடக்க உள்ளதாக புதுச்சேரி முதலமைச்சர் நாராயணசாமி தெரிவித்தார். 21ம்தேதி மாபெரும் உண்ணாவிரத போராட்டம் நடைபெறும் என்று அறிவித்தார்.

டெல்லி - வாரணாசி இடையே இயக்கப்படும் வந்தேபாரத் ரயில் பழுது: முதல் பயணத்திலேயே பழுதானதால் பயணிகள் அதிர்ச்சி

டெல்லி: டெல்லி - வாரணாசி இடையே இயக்கப்படும் வந்தேபாரத் ரயில் பழுதாகி நடுவழியில் நின்றது. அதிநவீன வசதி கொண்ட வந்தேபாரத், முதல் பயணத்திலேயே பழுதானதால் பயணிகள் அதிர்ச்சியடைந்துள்ளனர். வந்தேபாரத் ரயில் சேவையை பிரதமர் மோடி நேற்று துவக்கி வைத்தார் என்பது குறிப்பிடத்தக்கது.

புதுச்சேரி துணைநிலை ஆளுநரை கண்டித்து முதல்வர் நாராயணசாமி தலைமையில் 4-வது நாளாக தர்ணா

புதுச்சேரி: புதுச்சேரி துணைநிலை ஆளுநரை கண்டித்து முதலமைச்சர் நாராயணசாமி தலைமையில் 4-வது நாளாக தர்ணா போராட்டம் நடைபெற்று வருகிறது. புதுச்சேரி ஆளுநர் மாளிகை முன்பு முதல்வர் நாராயணசாமி, அமைச்சர்கள், எம்.எல்.ஏ.க்கள் 4-வது நாளாக தர்ணா போராட்டம் நடத்தி வருகின்றனர். புதுச்சேரி அரசின் சார்பில் ஆளுநருக்கு அனுப்பப்பட்ட 36 முக்கிய திட்டங்களுக்கு அனுமதி அளிக்கப்படவில்லை எனக்கூறி தர்ணாவில் ஈடுபட்டுள்ளனர் என்பது குறிப்பிடத்தக்கது.

புல்வாமா தாக்குதல் தொடர்பாக பிரதமர் மோடி தலைமையில் டெல்லியில் இன்று அனைத்துக்கட்சி கூட்டம்

புதுடெல்லி: காஷ்மீரில் நடத்தப்பட்ட தாக்குதல் தொடர்பாக விவாதிக்க பிரதமர் மோடி தலைமையில் டெல்லியில் இன்று அனைத்துக்கட்சி கூட்டம் நடைபெற உள்ளது. மத்திய உள்துறை அமைச்சகம் இன்று அனைத்துக்கட்சி கூட்டத்திற்கு அழைப்பு விடுத்துள்ளது. நாடாளுமன்ற நூலக அரங்கில் பிரதமர் நரேந்திர மோடி தலைமையில் நடைபெறும் இந்த கூட்டத்தில் காஷ்மீர் தாக்குதல் குறித்தும் அரசு இதுவரை எடுத்துள்ள நடவடிக்கைகள் குறித்தும் விவாதிக்கப்படும் என தெரிகிறது. இதனிடையே தீவிரவாத இயக்கங்களும் அவர்களுக்கு பொருளுதவி செய்தவர்களும் மிகப்பெரிய தவறை செய்துவிட்டார்கள் என்றும் இதற்கான விலையை அவர்கள் கொடுத்தாக வேண்டும் என்றும் பிரதமர் மோடி கூறியிருந்தார். இந்நிலையில் தீவிரவாத தாக்குதலுக்கு பதிலடி கொடுக்கும் வகையில் பாகிஸ்தான் மீது பல்வேறு நடவடிக்கைகளை மத்திய அரசு எடுத்துள்ளது. பாகிஸ்தானுக்கு இந்தியா அளித்து வந்த வர்த்தக நட்பு நாடு என்ற அந்தஸ்து ரத்து செய்யப்பட்டுள்ளது. இதனிடையே காஷ்மீரில் தீவிரவாத தாக்குதலில் உயிரிழந்த ராணுவ வீரர்களின் எண்ணிக்கை 45 ஆக உயர்ந்துள்ளது. உயிரிழந்த வீரர்களின் உடல்கள் இன்று சொந்த ஊருக்கு டெல்லியில் இருந்து கொண்டு செல்லப்படுகிறது.

வங்கதேச பிரதமர் ஹசினா அறிவிப்பு இளைஞர்களுக்கு வழி விட ஓய்வு பெற விரும்புகிறேன்

தாகா: வங்கதேச பிரதமர் ஷேக் ஹசினா (71). கடந்த டிசம்பரில் நடந்த தேர்தலில் போட்டியிட்ட இவர், வெற்றி பெற்று நான்காவது முறையாக பிரதமராக பொறுப்பேற்றார். இந்நிலையில்,  அவர் ஓய்வு  பெற விரும்புவதாக தெரிவித்துள்ளார். இது பற்றி ஹசீனா அளித்துள்ள பேட்டியில், “நான் இதற்கு முன் மூன்று முறை பிரதமராக இருந்துள்ளேன். தற்போது நான்காவது முறையாக பிரதமர் பதவியை வகித்து வருகிறேன். மீண்டும் பிரதமர் பதவியை பிடிக்க வேண்டும் என்று நான் விரும்பவில்லை. அனைவரும் ஒரு கால கட்டத்தில் ஓய்வு பெறவேண்டும். அப்போது தான் இளைய தலைமுறையினருக்கு வழிவிட முடியும். எனவே, தற்போதுள்ள எனது பதவிக்காலம் முடிந்த பின் ஓய்வெடுக்க விரும்புகிறேன். கோபல்கஜ்சில் உள்ள எனது சொந்த கிராமமான துங்கிபாராவில் எனது ஓய்வு நாட்களை கழிக்க ஆசைப்படுகிறேன்” என்றார். 

உச்ச நீதிமன்றம் உத்தரவு பாஜ அங்கீகாரத்தை ரத்து செய்ய முடியாது

புதுடெல்லி : டெல்லி பல்கலைக்கழக பேராசிரியர் தேவேந்திர குமார் கடந்த ஆண்டு தேர்தல் ஆணையத்தில் பாஜ.வுக்கு எதிராக புகார் மனு கொடுத்தார். அதில், பாஜ.வை அரசியல் கட்சியாக அங்கீகரிக்கப்பட்டதை திரும்ப பெற வேண்டும் என தெரிவித்தார். இந்த மனுவை கடந்தாண்டு ஜூன் 8ம் தேதி தேர்தல் ஆணையம் தள்ளுபடி செய்து உத்தரவிட்டது. இந்நிலையில், தேர்தல் ஆணையத்தின் உத்தரவை எதிர்த்து உச்ச நீதிமன்றத்தில் அவர் வழக்கு தொடர்ந்தார். அந்த மனுவில், `தேர்தல் ஆணைய நடத்தை விதிகளை மீறிய பாஜ.வின் அரசியல் கட்சி அங்கீகாரத்தை திரும்ப பெற வேண்டும்.’ என்று குறிப்பிட்டிருந்தார். இந்த வழக்கு தலைமை நீதிபதி ரஞ்சன் கோகாய் தலைமையிலான அமர்வு முன் நேற்று விசாரணைக்கு வந்தது. வழக்கை விசாரித்த நீதிபதிகள், `அரசியல் அமைப்பு சட்டப்பிரிவு 32ன் கீழ் கட்சியின் அங்கீகாரத்தை ரத்து செய்வதற்கான சூழ்நிலை எதுவும் இல்லை.’ என்று உத்தரவிட்டனர். 

போக்ரான் அருகே விமானப் படை இன்று பிரமாண்ட போர் பயிற்சி

போக்ரான்: ராஜஸ்தானில் உள்ள போக்ரானில் ‘வாயு சக்தி-2019’ என்ற பெயரில் இந்திய விமானப்படை இன்று முழு அளவிலான பிரமாண்ட போர் பயிற்சியில் ஈடுபடுகிறது. விமானப்படை 3 ஆண்டுகளுக்கு ஒரு முறை ‘வாயு சக்தி’ என்ற பெயரில் முழு அளவிலான போர் பயிற்சியில் ஈடுபடும். முதல் பயிற்சி கடந்த 1953ம் ஆண்டில் டெல்லி தில்பத் பகுதியில் மேற்கொள்ளப்பட்டது. கடந்த 1989ம் ஆண்டுக்கு பின் இந்த பயிற்சி  ராஜஸ்தானில் பாகிஸ்தான் எல்லை அருகேயுள்ள போக்ரானுக்கு மாற்றப்பட்டது. வாயு சக்தி-2019 போர் பயிற்சி போக்ரானில் இன்று நடக்கிறது. . சுமார் 2 மணி நேரம் நடக்கும் இந்த பயிற்சியில் மிக்-29, ஜாகுவார், சுகாய், மிராஜ்-2000 போன்ற போர் விமானங்களும், ஏஎன்-32, சி130 போன்ற சரக்கு விமானங்களும், எம்.ஐ-17, எம்.ஐ-35 ரக ஹெலிகாப்டர்களும் பங்கு பெறுகின்றன. ஆகாஷ் ஏவுகணைகளை வீசுதல், ஹெலிகாப்டரில் இருந்து துப்பாக்கிச்சூடு நடத்துவது, மிக்-29 விமானத்திலிருந்து தரை இலக்கு தாக்கப்படுவது போன்ற பயிற்சிகள் முதல் முறையாக இன்று மேற்கொள்ளப்படுகின்றன. உள்நாட்டு தொழில்நுட்பத்தில் உருவாக்கப்பட்ட ஆயுதங்கள், ஏவுகணைகள், விமானம் மற்றும் போர்க்கருவிகள் போன்றவை இந்த பயிற்சியில் பயன்படுத்தப்பட உள்ன. இந்த போர் பயிற்சியை பாதுகாப்புத் துறை அமைச்சர் நிர்மலா சீதாராமன் பார்வையிடுகிறார்.