Kanyakumari - Dinakaran

பா.ஜ கூட்டத்தில் பங்கேற்க ெபான்.ராதாகிருஷ்ணன் இன்று டெல்லி பயணம்

நாகர்கோவில், மே 24: கன்னியாகுமரி பா.ஜ வேட்பாளர் மத்திய அமைச்சர் பொன். ராதாகிருஷ்ணன், கோணம் வாக்கு எண்ணிக்கை மையத்திற்கு நேற்று காலையிலேயே வந்து அங்குள்ள வேட்பாளர்கள் வரவேற்பு மையத்தில் அமர்ந்திருந்து ஒவ்வொரு சுற்று நிலவரத்தையும் கேட்டு தெரிந்து கொண்டார். வாக்கு எண்ணிக்கை முழுமையாக முடிவடையும் வரை அவர் அங்கேயே அமர்ந்திருந்தார்.காங்கிரஸ் சார்பில் தன்னை எதிர்த்து போட்டியிட்டு வெற்றிபெற்ற வசந்தகுமார் அளித்த பேட்டி குறித்து ெசய்தியாளர்கள் கருத்து கேட்ட போது, வசந்தகுமாருக்கு வாழ்த்துக்கள். அவர் கூறியவற்றிற்கு இனி வரும் நாட்களில் நான் பதிலளிப்பேன். இன்று வேண்டாம். தேர்தலில் வெற்றி தோல்வி சகஜம். ேதால்வியை கண்டு வருத்தமில்லை. பா.ஜகவிற்கு வாக்களித்த அனைவருக்கும் நன்றியை தெரிவித்துக் கொள்கிறேன். ஏற்கனவே பா.ஜ கூட்டணி கட்சிகள் கூட்டத்தில் கலந்து கொண்ட போது 24ம் தேதி டெல்லியில் நடைபெறும் கூட்டத்தில் கலந்து கொள்ள எனக்கு அழைப்பு விடுக்கப்பட்டது. அதன் அடிப்படையில் நான் இன்று ெடல்லி ெசல்கிறேன் என்றார்.

கன்னியாகுமரி மக்களவை தொகுதியை 23 ஆண்டுகளுக்கு பிறகு கைப்பற்றிய காங்கிரஸ்

நாகர்கோவில், மே 24:  கன்னியாகுமரி மக்களவை தொகுதியில் வெற்றிபெற்றதன் மூலம் 23 ஆண்டு களுக்கு பிறகு கன்னியா குமரி தொகுதியை காங்கிரஸ் கைப்பற்றியுள்ளது. கன்னியாகுமரி மக்களவை தொகுதி நாகர்கோவில் பாராளுமன்ற தொகுதி என்ற பெயருடன் இருந்தபோது பாரம்பரியமாக காங்கிரஸ் வசமே இருந்து வந்தது. 1951ம் ஆண்டு மார்ஷல் நேசமணி இங்கு திருவிதாங்கூர் தமிழ்நாடு காங்கிரஸ் கட்சி சார்பில் போட்டியிட்டு வெற்றி பெற்றார். 1957ல் தாணுலிங்க நாடார், 1962ல் மார்ஷல் நேசமணி காங்கிரஸ் கட்சி சார்பில் போட்டியிட்டு வெற்றிபெற்றனர். 1969ல் நடைபெற்ற இடைத்தேர்தலில் காமராஜர் நாகர்கோவில் தொகுதியில் காங்கிரஸ் கட்சி சார்பில் போட்டியிட்டு வெற்றிபெற்றார். 1971ல் காங்கிரஸ் சார்பில் போட்டியிட்டு காமராஜர் வெற்றிபெற்றார். 1977ல் குமரி அனந்தன் ஸ்தாபன காங்கிரஸ் சார்பில் போட்டியிட்டு வெற்றி பெற்றார். தொடர்ந்து 1980, 1984, 1989, 1991ல் நடைபெற்ற மக்களவை தேர்தலில் காங்கிரஸ் கட்சி சார்பில் போட்டியிட்ட டென்னிஸ் தொடர்ந்து வெற்றி பெற்றார். தொடர்ந்து காங்கிரஸ் உடைந்து தமாகா கட்சிஉதயமான நிலையில் அப்போதும் 1996, 1998 ஆகிய தேர்தலில் தமாகா சார்பில் போட்டியிட்டு மீண்டும் டென்னிஸ் வெற்றி பெற்றார். நீண்ட காலம் டென்னிஸ் நாகர்கோவில் மக்களவை தொகுதியில் இருந்து பாராளுமன்றத்திற்கு அனுப்பி வைக்கப்பட்டிருந்தார். தொடர்ந்து 1999ம் ஆண்டு நடைபெற்ற தேர்தலில் திமுக கூட்டணியில் முதல் முதலாக பா.ஜ நாகர்கோவில் மக்களவை தொகுதியை கைப்பற்றியது.அப்போது பொன்.ராதாகிருஷ்ணன் வெற்றி பெற்று மத்திய மந்திரியானார். தொடர்ந்து 2004ம் ஆண்டு மார்க்சிஸ்ட் கட்சி சார்பில் போட்டியிட்டு பெல்லார்மின் எம்.பி ஆனார். 2008ம் ஆண்டு தொகுதிகள் மறு சீரமைப்புக்கு பின்னர் நாகர்கோவில் மக்களவை தொகுதி கன்னியாகுமரி என்று பெயர் மாற்றம் செய்யப்பட்டது. அதுவரை திருச்செந்தூர் பாராளுமன்ற தொகுதியுடன் மக்களவை தேர்தலில் இணைந்து இருந்த கன்னியாகுமரி சட்டமன்ற தொகுதி அதன் பிறகு நாகர்கோவில் மக்களவை தொகுதியுடன் இணைக்கப்பட்டது. குமரி மாவட்ட மக்கள் முழுவதும் குமரி மாவட்டத்தை சேர்ந்த மக்களவை பிரதிநிதியை தேர்ந்தெடுக்கும் வாய்ப்பை பெற்றனர். அதன்பிறகு 2009ம் ஆண்டு திமுக சார்பில் போட்டியிட்டு ஹெலன் டேவிட்சன் வெற்றிபெற்றார். கடந்த 2014ம் ஆண்டு நடைபெற்ற மக்களவை தேர்தலில் பாஜ சார்பில் போட்டியிட்ட பொன்.ராதாகிருஷ்ணன் மீண்டும் வெற்றிபெற்றார். 1991ம் ஆண்டுக்கு பின்னர் காங்கிரஸ் போட்டியிடும் வாய்ப்பு கிடைத்த போதிலும் 1996ம் ஆண்டு முதல் காங்கிரஸ் இந்த தொகுதியை கைப்பற்ற முடியவில்லை. கடந்த 2014 மக்களவை தேர்தலில் காங்கிரஸ் கட்சி சார்பில் போட்டியிட்ட எச்.வசந்தகுமார் 2 லட்சத்து 44 ஆயிரத்து 244 வாக்குகள் பெற்று இரண்டாவது இடத்தை பெற்றிருந்தார். இந்த முறை மதசார்பற்ற முற்போக்கு கூட்டணி சார்பில் கன்னியாகுமரி மக்களவை தொகுதியில் போட்டியிட்டு காங்கிரஸ் வேட்பாளர் எச்.வசந்தகுமார் வெற்றி பெற்றுள்ளார். இதன் வாயிலாக கன்னியாகுமரி மக்களவை தொகுதி 23 ஆண்டுகளுக்கு பிறகு மீண்டும் காங்கிரஸ் வசம் சென்றுள்ளது.

6 லட்சம் வாக்குகளை கடந்து சாதனை

கன்னியாகுமரி மக்களவை தொகுதி வாக்கு எண்ணிக்கை நிறைவில் காங்கிரஸ் வேட்பாளர் எச்.வசந்தகுமார் 6 லட்சத்திற்கும் மேற்பட்ட வாக்குகளை கடந்திருந்தார். மொத்தம் உள்ள வாக்குகளில் 10 லட்சத்து 14 ஆயிரத்து 248 வாக்குகள் எண்ணி முடிக்கப்பட்டிருந்தபோது காங்கிரஸ் வேட்பாளர் எச்.வசந்தகுமார் பெற்ற வாக்குகள் 6 லட்சத்து 6 ஆயிரத்து 51 ஆகும். அப்போது பாஜ வேட்பாளர் பொன்.ராதாகிருஷ்ணன் 3 லட்சத்து 50 ஆயிரத்து 288 வாக்குகளை பெற்றிருந்தார்.  நாகர்கோவில் மற்றும் கன்னியாகுமரி மக்களவை தேர்தல் வரலாற்றில் ஒரு வேட்பாளர் 6 லட்சம் வாக்குகளை கடந்திருப்பது இதுவே முதல்முறையாகும். அந்த வரலாறு இந்த தேர்தலில் நிகழ்த்தப்பட்டுள்ளது. * 14வது மக்களவை தேர்தலில் நாகர்கோவில் தொகுதியில் வெற்றிபெற்ற மார்க்சிஸ்ட் வேட்பாளர் பெல்லார்மின் 4 லட்சத்து 10 ஆயிரத்து 91 வாக்குகள் பெற்றிருந்தார். * 15வது மக்களவை தேர்தலில் வெற்றிபெற்ற ஹெலன் டேவிட்சன் 3 லட்சத்து 20 ஆயிரத்து 161 வாக்குகளை வெற்றிருந்தார். * கடந்த 2014ல் 16 வது மக்களவைக்கு நடைபெற்ற தேர்தலில் வெற்றிபெற்ற பொன்.ராதாகிருஷ்ணன் 3 லட்சத்து 72 ஆயிரத்து 906 வாக்குகள் பெற்று வெற்றி பெற்றிருந்தார். *  2014 மக்களவை தேர்தலில் இரண்டாம் இடம்பெற்ற எச்.வசந்தகுமார் 2 லட்சத்து 44 ஆயிரத்து 244 வாக்குகளை பெற்றிருந்தார். இந்த முறை அந்த எண்ணிக்கைக்கும் அதிகமாக அவரது வாக்கு வித்தியாசம் அமைந்துள்ளது குறிப்பிடத்தக்கது.

கன்னியாகுமரி மக்களவை தொகுதியில் 52 விவி பேட்களில் வாக்கு எண்ணிக்கை

நாகர்கோவில், மே 24:  கன்னியாகுமரி மக்களவை தொகுதியில் 52 விவி பேட்களின் வாக்கு எண்ணிக்கை விடிய விடிய நடைபெற்றதால் பரபரப்பு ஏற்பட்டது. கன்னியாகுமரி மக்களவை தொகுதிக்கு கோணம் பாலிடெக்னிக் மையத்தில் காலை 8 மணிக்கு தொடங்கிய வாக்கு எண்ணிக்கை அமைதியான முறையில் தொடர்ந்து நடைபெற்றது. தமிழகத்தின் பெரும்பாலான தொகுதிகளில் வாக்கு எண்ணிக்கை முடிந்த போதிலும் கன்னியாகுமரி மக்களவை தொகுதியில் வாக்கு எண்ணிக்கை தாமதம் அடைந்த நிலையில் தொடர்ந்து நடைபெற்றது. தபால் ஓட்டுகள் எண்ணிக்கை தொடங்குவதில் குளறுபடிகள் ஏற்பட்டு இரவு 10 மணி வரை தபால் ஓட்டுகள் வாக்கு எண்ணிக்கை முடிவுகள் அறிவிக்கப்படவில்லை. இதற்கிடையே பல பூத்களில் மின்னணு இயந்திரங்கள் சரியான முறையில் வாக்குபதிவுக்கு பிந்தைய வேளையில் மூடப்படாமலும், உரிய முறையில் கையாளப்படாமலும் ஒப்படைக்கப்பட்டதால் அவற்றில் வாக்கு எண்ணிக்கை தொடங்க அலுவலர்கள் முற்பட்டபோது ‘நாட் ஒகே’ என்று அடையாளம் காட்டியதால் சிக்கல்கள் எழுந்தன. இவ்வாறு 6 தொகுதிகளிலும் சேர்த்து மொத்தம் 19 மின்னணு இயந்திரங்கள் திறக்க முடியாமலும், வாக்கு எண்ணிக்கை நடத்த முடியாமலும் நிலைமை உருவானது. அப்போது அவை தனியே வைக்கப்பட்டன. கடைசியில் அந்த மின்னணு இயந்திரங்களுக்கான விவி பேட் ரசீதுகளை எண்ணி முடிவை அறிவிக்க முடிவு செய்யப்பட்டது. இவை தவிர சட்டமன்ற தொகுதிக்கு 5 வீதம் 30 மின்னணு இயந்திரங்களை குலுக்கல் முறையில் எடுத்து சரிபார்த்து மின்னணு இயந்திரத்துடன் ஒப்பீடு செய்ய வேண்டும். மேலும் விளவங்கோடு தொகுதியில் 2, கிள்ளியூர் தொகுதியில் ஒரு வாக்குசாவடி என மூன்று வாக்கு சாவடிகளில் மாதிரி வாக்குபதிவின்போது மின்னணு இயந்திரத்தில் பதிவான வாக்குகளை நீக்காமல் வாக்குபதிவு தொடர்ந்ததால் விவிபேட்களில் பதிவான வாக்குகளை எண்ண வேண்டிய நிலை ஏற்பட்டது. அந்த வகையில் மொத்தம் 52 விவி பேட்களை எடுத்து அதில் உள்ள ரசீதுகளை எண்ணி சரிபார்க்க நடவடிக்கைகள் தொடங்கின. இந்த பணிகள் இரவு 9 மணிக்கு தொடங்கிய நிலையில் இது நிறைவு பெற 5 மணி நேரம் ஆகும் எனவும், வாக்கு எண்ணிக்கை முகவர்கள் உடன் இருந்து உரிய ஒத்துழைப்பு வழங்க வேண்டும் என்றும் கலெக்டர் பிரசாந்த் வடநேரே வேண்டுகோள் விடுத்தார். இதனால் நள்ளிரவு 1 மணிக்கு பின்னரும் வாக்கு எண்ணிக்கை தொடர்ந்தது. வாக்குபெட்டி முறைகளில் இருந்து மின்னணு இயந்திரத்திற்கு மாறிய பின்னர் மீண்டும் நள்ளிரவு கடந்து வாக்கு எண்ணிக்கை இம்முறை நடைபெற்றது அரசியல் கட்சியினர் இடையே பரபரப்பை ஏற்படுத்தியது. டேபிள்களை குறைத்து சுற்றுக்கள் எண்ணிக்கையை 28 ஆக அதிகரித்தது, சரியான பயிற்சி பெறாத வாக்கு பதிவு அலுவலர்களால் இயந்திரங்கள் சரியான முறையில் ‘குளோஸ்’ செய்யாததால் அவற்றை திறப்பதில் ஏற்பட்ட சிக்கல்கள், மாதிரி வாக்குபதிவு நடைபெற்றபோது எழுந்த குளறுபடிகள் தற்போது வாக்கு எண்ணிக்கை நள்ளிரவு வரை நீடிக்க காரணமாக இருந்ததாக கூறப்படுகிறது.கடைசி நேரத்தில் கலெக்டர் ‘டென்ஷன்’கன்னியாகுமரி மக்களவை தொகுதியில் 26வது சுற்று வாக்கு எண்ணிக்கை நிலவரத்தை கலெக்டரின் கையெழுத்து போடாமல் அலுவலர்கள் வெளியிட்டதாக கூறப்படுகிறது. வாக்கு எண்ணிக்கை விபரத்தை அறிவிப்பு பலகையிலும் எழுதிவிட்டனர். இதனால் டென்ஷன் ஆன கலெக்டர் தனது கையெழுத்து இல்லாமல் எப்படி வெளியிடலாம் என கேட்டு வாக்கு எண்ணிக்கை முடிவுகளை அறிவித்து வந்த ஓப்பன் மைக்கில் அலுவலர்களை கண்டித்து பேசியதால் பரபரப்பு ஏற்பட்டது.12 மணி நேரம் காத்திருந்த பொன்.ராதாகிருஷ்ணன்கன்னியாகுமரி மக்களவை தொகுதிக்கு வாக்கு எண்ணிக்கை தொடங்கிய வேளையில் காலை 8.30 மணியளவில் பொன்.ராதாகிருஷ்ணன் மையத்திற்கு வருகை தந்தார். இரவு 8.15 மணி வரை சுமார் 12 மணி நேரம் அவர் வாக்கு எண்ணிக்கை மையத்தில் அமர்ந்திருந்தார். பின்னர் திரும்பி சென்றார்.

கேரளாவில் அமோகம் 20 ெதாகுதிகளில் 19ல் காங்கிரஸ் கூட்டணி வெற்றி

திருவனந்தபுரம், மே 24: கேரளாவில் மொத்தம் உள்ள 20 தொகுதிகளில் காங்கிரஸ் கூட்டணி 19 தொகுதிகளிலும், இடதுமுன்னணி ஒரு ெதாகுதியிலும் வெற்றி பெற்றுள்ளது. இந்த முறையும் பா.ஜவால் கேரளாவில் கணக்கு தொடங்க முடியவில்லை. கேரளாவில் மக்களவை தேர்தல் வாக்குப்பதிவு கடந்த 23ம் தேதி நடந்தது. இடதுமுன்னணி கூட்டணியில் மார்க்சிஸ்ட் 14 தொகுதிகளிலும். இந்திய கம்யூ. 4  தொகுதிகளிலும், மார்க்சிஸ்ட் ஆதரவு சுயேச்சைகள் 2 தொகுதிகளிலும் போட்டியிட்டனர்.  காங்கிரஸ் கூட்டணியில் காங்கிரஸ் 16 தொகுதிகளிலும் முஸ்லிம் லீக் 2  தொகுதிகளிலும் ஆர்எஸ்பி, கேரள காங்கிரஸ் (எம்) தலா ஒரு ெதாகுதியிலும்  போட்டியிட்டன.கேரளாவில் மொத்தம் 77.68 சதவீதம் வாக்குகள் பதிவாயின. ராகுல் போட்டியிட்ட வயநாடு உட்பட 8 தொகுதிகளில் 80 சதவீதத்திற்கும் மேல் வாக்குகள் பதிவாயின. இந்நிலையில் நேற்று வாக்குகள் எண்ணப்பட்டன, தொடக்கம் முதலே பெரும்பாலான தொகுதிகளில் காங்கிரஸ் கூட்டணி வேட்பாளர்கள் முன்னிலை வகித்தனர். கம்யூனிஸ்ட் கோட்டையாக கருதப்படும் தொகுதிகளில் கூட காங்கிரஸ் வேட்பாளர்களே தொடர்ந்து முன்னிலை வகித்தனர். இந்த நிலையில் ஆலப்புழா தவிர அனைத்து தொகுதிகளிலும் காங்கிரஸ் கூட்டணி வேட்பாளர்கள் அமோக வெற்றி பெற்றனர். மார்க்சிஸ்ட் கோட்டையாக கருதப்படும் ஆற்றிங்கல், பாலக்காடு, ஆலத்தூர்,  தொகுதிகளிலும் காங்கிரஸ் வேட்பாளர்கள் வெற்றி பெற்றனர். காங்கிரஸ் கூட்டணியை சேர்ந்த 8 வேட்பாளர்கள் ஒரு லட்சத்திற்கும் அதிகமான வாக்குகள் வித்தியாசத்தில் வெற்றி பெற்றனர். முஸ்லிம் லீக் சார்பில் மலப்புரம் தொகுதியில் போட்டியிட்ட குஞ்ஞாலிகுட்டி 2 லட்சத்து 60 ஆயிரத்திற்கும் அதிகமான வாக்கு வித்தியாசத்தில் மார்க்சிஸ்ட் வேட்பாளர் சானுவை தோற்கடித்தார். கடந்த 2014ம் ஆண்டு நடந்த தேர்தலில் காங்கிரஸ் கூட்டணி 12 தொகுதிகளிலும் இடதுமுன்னணி 8 தொகுதிகளிலும் வெற்றி ெபற்றது குறிப்பிடத்தக்கது.கேரள வரலாற்றில் இதுவரை இடதுமுன்னணி இந்த அளவிற்கு மோசமான தோல்வியை சந்தித்ததில்லை என்பது குறிப்பிடத்தக்கது. இதற்கிடையே இந்த தேர்தலில் பா.ஜ.விற்கு திருவனந்தபுரம் மற்றும் பத்தனம்திட்டா தொகுதிகளில் வெற்றி வாய்ப்பு இருக்கும் என்று எதிர்பார்க்கப்பட்டது. பெரும்பாலான கருத்து கணிப்புகளில் ஒரு தொகுதியில் பா.ஜ.விற்கு வெற்றி வாய்ப்பு இருப்பதாக கூறப்பட்டது. இதுவரை கேரளாவில் பாராளுமன்ற தேர்தலி–்ல் பா.ஜ. வெற்றி ெபற்றதில்லை. இந்த தேர்தலில் கண்டிப்பாக கணக்கை பா.ஜ. தொடங்கும் என்று எதிர்பார்க்கப்பட்டது. ஆனால் திருவனந்தபுரம் தொகுதியில் ேபாட்டியிட்ட கும்மனம் ராஜசேகரனால் 2வது இடத்தையே பிடிக்க முடிந்தது. திருவனந்தபுரம் தொகுதியில் ேபாட்டியிடுவதற்காக இவர் மிசோரம் மாநில கவர்னர் பதவியை ராஜினாமா செய்தார் என்பது குறிப்பிடத்தக்கது.இதுபோல் பெரிதும் எதிர்பார்க்கப்பட்ட சபரிமலை கோயில் அமைந்துள்ள பத்தனம்திட்டா தொகுதியிலும் பா.ஜ. தோல்வியடைந்தது. இங்கு போட்டியிட்ட பா.ஜ. மாநில பொது ெசயலாளர் சுரேந்திரனால் 3வது இடத்தையே பிடிக்க முடிந்தது. இதனால் இம்முறையும் கேரளாவில் பா.ஜவால் கணக்கை தொடங்க முடியாத நிலை ஏற்பட்டுள்ளது.1. திருவனந்தபுரம்சசிதரூர் (காங்.)-  4,14,057கும்மனம் ராஜசேகரன் (பா.ஜ.)- 3,13,925வாக்கு வித்தியாசம் -1,00,1322. ஆற்றிங்கல்அடூர்பிரகாஷ் (காங்கிரஸ்) - 3,79,469சம்பத் (மார்க்சிஸ்ட்)- 3,40,298வாக்கு வித்தியாசம்- 39,1713. கொல்லம்பிரேம சந்திரன் (ஆர்எஸ்பி., காங்.கூட்டணி) - 4,97,264பாலகோபால் (மார்க்சிஸ்ட்) - 3,47,492வாக்கு வித்தியாசம்- 1,49,7724. பத்தனம்திட்டாஆன்டோ ஆன்டனி (காங்) -3,80,089வீணாஜார்ஜ் (மார்க்சிஸ்ட்) -3,35,476வாக்கு வித்தியாசம்- 44,6135. மாவேலிக்கரைகொடிக்குன்னில் சுரேஷ் (காங்) - 4,37,997சிட்டயம் கோபகுமார் (மார்க்சிஸ்ட்) -3,76,497வாக்கு வித்தியாசம்-61,5006. ஆலப்புழாஆரிப் (மார்க்சிஸ்ட்) - 4,43,003ஷானிமோள் உஸ்மான் (காங்) -4,33,790வாக்கு வித்தியாசம்-9,2137. கோட்டயம்தாமஸ் சாழிக்காடன் (காங். கூட்டணி) - 4,21,046வாசவன் (மார்க்சிஸ்ட்) - 3,14,787வித்தியாசம் 1,06,2598. இடுக்கிடீன்குரியாகோஸ் (காங் கூட்டணி) - 4,98,493ஜோய்ஸ் ஜார்ஜ் (மார்க்சிஸ்ட் ஆதரவு சுயேச்சை) - 3,27,440வித்தியாசம்-1,71,0539. எர்ணாகுளம்ஹைபிஈடன் (காங்) - 4,91,263ராஜீவ் (மார்க்சிஸ்ட்) 3,22,110வித்தியாசம் 1,69,15310. சாலக்குடிபென்னி பெஹன்னான் (காங்) - 4,73,444இன்னசென்ட் (மார்க்சிஸ்ட்) - 3,41,170வாக்கு வித்ியாசாம் 1,32,27411. திருச்சூர்பிரதாபன் (காங்) - 4,15,089ராஜாஜிமேத்யூதாமஸ் (இந்திய கம்யூ) - 3,21,456வித்தியாசம் 93,63312. ஆலத்தூர்ரம்யாஹரிதாஸ் (காங்) - 5,33,815பிஜூ (மார்க்சிஸ்ட்) - 3,74,847வித்தியாசம் 1,58,96813. பாலக்காடுகண்டன்(காங் )- 3,99,274ராஜேஷ் (மார்க்சிஸ்ட்) - 3,87,637வாக்கு வித்ியாசம்- 11,63714. பொன்னானிமுகம்மது பஷீர் (காங் கூட்டணி)- 5,21,824அன்வர் (மார்க்சிஸ்ட் கூட்டணி)-3,28,551வாக்கு வித்தியாசம்- 1,93,27315. மலப்புரம்குஞ்ஞாலிகுட்டி (முஸ்லிம் லீக்)- 5,89,873ஷானு (மார்க்சிஸ்ட்)- 3,29,720வாக்கு வித்தியாசம்- 2,60,15316. கோழிக்கோடுராகவன் (காங்)-4,93,444பிரதீப்குமார் (மார்க்சிஸ்ட்)-4,08,219வாக்கு வித்தியாசம்-85,22517. வயநாடுராகுல்காந்தி (காங்)-7,06,367சுனீர் (இந்திய கம்யூ)-2,74,597வாக்கு வித்தியாசம்-4,31,77018. வடகரைமுரளிதரன் (காங்) -5,26,755ஜெயராஜன் (மார்க்சிஸ்ட்)-4,42,092வாக்கு வித்தியாசம் 84,66319. கண்ணூர்சுதாகரன் (காங்) - 5,29,741மதி -(மார்க்சிஸ்ட்) -4,35,182வாக்கு வித்தியாசம்-94,55920.காசர்கோடுராஜ்மோகன் உன்னித்தான் (காங்) -47,4961சதீஷ் சந்திரன் (மார்க்சிஸ்ட்) -4,.34,523வாக்கு வித்தியாசம் -40,438

64 மேஜைகளில் கன்னியாகுமரி மக்களவை தொகுதி வாக்கு எண்ணிக்கை 45 நிமிடங்களுக்கு ஒருமுறை முன்னணி நிலவரம் தெரியவரும் கோணம் பாலிடெக்னிக்கில் இன்று காலை 8 மணிக்கு தொடங்குகிறது

நாகர்கோவில், மே 23: கன்னியாகுமரி மக்களவை தொகுதிக்கான வாக்கு எண்ணிக்கை நாகர்கோவில், கோணம் அரசு பாலிடெக்னிக் கட்டடத்தில் இன்று நடைபெறுகிறது. சட்டமன்ற தொகுதி வாரியாக மொத்தம் 64 மேஜைகளில் மின்னணு இயந்திரங்களில் பதிவான வாக்குகள் எண்ணப்படுகிறது. கன்னியாகுமரி மக்களவை தொகுதிக்கான தேர்தல் கடந்த ஏப்ரல் மாதம் 18ம் தேதி நடைபெற்றது. காங்கிரஸ் கட்சி சார்பில் எச்.வசந்தகுமார், பாஜ சார்பில் பொன்.ராதாகிருஷ்ணன், அமமுக சார்பில் லெட்சுமணன் உட்பட 15 வேட்பாளர்கள் களத்தில் உள்ளனர். வாக்கு பதிவு செய்யப்பட்ட இயந்திரங்கள் அன்று மாலை முதல் விடிய விடிய வாக்கு எண்ணிக்கை மையமான நாகர்கோவில் கோணம் அரசு பாலிடெக்னிக் கட்டிடத்திற்கு கொண்டுவரப்பட்டு சீல் வைக்கப்பட்டுள்ளது. மொத்தம் 69.80 சதவீத வாக்குகள் பதிவாகி இருந்தன. 10 லட்சத்து 42 ஆயிரத்து 432 பேர் வாக்குகளை பதிவு செய்திருந்தனர். அதிகபட்சமாக கன்னியாகுமரி தொகுதியில் 73.97 சதவீத வாக்குகள் பதிவாகி இருந்தது. தொடர்ந்து வாக்கு எண்ணிக்கை மையத்திற்கு பலத்த போலீஸ் பாதுகாப்பு போடப்பட்டுள்ளது. வாக்கு எண்ணிக்கை இன்று (23ம் தேதி) காலை 8 மணிக்கு தொடங்குகிறது.இதனையொட்டி காலை 7 மணிக்குள் முகவர்கள் வாக்கு எண்ணிக்கை மையத்திற்கு அனுமதிக்கப்படுகின்றனர். முதலில் தபால் வாக்குகள் எண்ணப்படுகிறது. தொடர்ந்து மின்னணு வாக்குபதிவு இயந்திரத்தில் கட்டுப்பாட்டு கருவிகளில் பதிவான வாக்குகள் எண்ணப்படுகின்றன. அதற்கு அடுத்து யாருக்கு வாக்களித்தோம் என்பதை உறுதி செய்ய பொருத்தப்பட்டிருந்த விவிபேட் கருவியில் பதிவான ரசீதுகள் எண்ணப்படுகிறது. சட்டமன்ற தொகுதிக்கு ஐந்து வீதம் விவி பேட்களில் பதிவாகி விழுந்த ரசீதுகள் எண்ணப்படும். இதற்கென்று பிரத்யேக வாக்கு எண்ணிக்கை மையம் ஏற்படுத்தப்பட்டுள்ளது. கன்னியாகுமரி மக்களவை தொகுதியில் உள்ள 6 சட்டமன்ற தொகுதிகளிலும் தலா 5 வீதம் 30 விவிபேட்களில் பதிவான வாக்குகளும் எண்ணப்பட உள்ளது. இவை தவிர மாதிரி வாக்குபதிவு நடைபெற்றபோது பதிவான வாக்குகளை மின்னணு இயந்திரத்தில் கட்டுப்பாட்டு கருவிகளில் அழிக்காத மூன்று வாக்குசாவடிகளில் பொருத்தப்பட்டிருந்த விவிபேட்களில் பதிவான வாக்குகள் எண்ணி முடிவு அறிவிக்கப்பட உள்ளது. மொத்தம் 33 விவிபேட்களில் பதிவான வாக்குகள் எண்ணப்பட வேண்டியுள்ளது. முதலில் தபால் வாக்கு, அதன் பின்னர் விவி பேட்களில் பதிவான வாக்குகளையும் எண்ணி முடித்து சரிபார்த்த பிறகே வெற்றி வேட்பாளர் பற்றிய முடிவை அறிவிக்க வேண்டும் என்று தெரிவிக்கப்பட்டுள்ளதால் வெற்றி வேட்பாளர் தொடர்பான அதிகாரபூர்வ அறிவிப்பு வெளியாக இரவு வரை ஆகலாம் என்ற நிலை ஏற்பட்டுள்ளது. கன்னியாகுமரி, குளச்சல் சட்டமன்ற தொகுதிகளுக்கு 12 மேஜைகளும், இதர நாகர்கோவில், பத்மநாபபுரம், விளவங்கோடு, கிள்ளியூர் ஆகிய 4 தொகுதிகளுக்கு தலா 10 மேஜைகளும் வாக்கு எண்ணிக்கைக்காக போடப்பட்டுள்ளது. இதனால் ஒரு சுற்றில் மொத்தம் 64 மின்னணு இயந்திரங்களில்  வாக்கு எண்ணிக்கை நடைபெறும். 28 சுற்றுகள் நிறைவில் மின்னணு வாக்குபதிவு இயந்திர வாக்கு எண்ணிக்கை நிறைவு பெறும். இதற்கிடையே வாக்கு எண்ணிக்கை மையத்தில் செய்யப்பட்டுள்ள ஏற்பாடுகளை குமரி மாவட்ட கலெக்டர் பிரசாந்த் எம்.வடநேரே, எஸ்.பி. நாத் ஆகியோர் நேற்று பார்வையிட்டனர். அங்கு வாக்கு எண்ணிக்கைக்காக  செய்யப்பட்டுள்ள ஏற்பாடுகள் அனைத்தும் நிறைவு பெற்றுள்ளது என்பதை அவர்கள் உறுதி செய்தனர். அப்போது முகவர்கள் அமர வேண்டிய இடம், செல்கின்ற பாதை, பாதையில் செய்யப்பட்டுள்ள சோதனைக்கான ஏற்பாடுகள், கட்டுப்பாட்டு அறை, ஒலிப்பெருக்கி வசதிகள், தொலைத்தொடர்பு வசதிகள் போன்றவற்றை அவர்கள் ஆய்வு செய்தனர்.அதிக சுற்றுகள் கொண்ட 5 தொகுதிகளில் ஒன்றுதமிழகத்தில் அதிக சுற்றுகள் கொண்ட ஐந்து மக்களவை தொகுதிகளில் ஒன்றாக கன்னியாகுமரி உள்ளது. மக்களவை தேர்தலில் வேலூர் தவிர மொத்தம் 38 தொகுதிகளில் வாக்குபதிவு நடைபெற்றுள்ளது. இதில் 33 தொகுதிகளில் கன்னியாகுமரி மக்களவை தொகுதியைவிட குறைவான சுற்றுக்களில் வாக்கு எண்ணிக்கை நடத்த  திட்டமிடப்பட்டுள்ளது. இதனால் இவற்றில் வாக்கு எண்ணிக்கை, பிரச்னைகள் ஏதுமில்லையெனில் முன்கூட்டியே நிறைவு பெற வாய்ப்பு உள்ளது. இதில் பெரும்பாலான தொகுதிகள் கன்னியாகுமரி மக்களவை தொகுதியைவிட அதிக வாக்குகள் பதிவாகியுள்ள தொகுதிகள் ஆகும். கன்னியாகுமரி போன்று ராமநாதபுரம் தொகுதியில் 28 சுற்றுகள் எண்ணிக்கை நடைபெறும். திருவள்ளூர் (34), பெரும்புதூர் (32), காஞ்சிபுரம் (32), கோயம்புத்தூர் (30) அதிக சுற்றுகள் வாக்கு எண்ணிக்கை நடத்த திட்டமிடப்பட்டுள்ள இதர தொகுதிகள் ஆகும்.

குமரி மருத்துவக்கல்லூரியில் சிறுமிக்கு பாலியல் ெதால்லை கைதான காவலாளி மீது ஏராளமான வழக்குகள் நன்னடத்தை சான்றிதழ் அளிக்காமல் பணியில் சேர்ந்தது எப்படி?

நாகர்கோவில், மே 23 : ஆரல்வாய்மொழி அருகே உள்ள செங்கல்சூளையில் பணியாற்றும் கொல்கத்தாவை சேர்ந்த இளம்பெண் ஒருவரின் இரண்டரை வயது குழந்தைக்கு உடல் நிலை சரியில்லாததால் ஆசாரிபள்ளம் அரசு மருத்துவக்கல்லூரி மருத்துவமனையில் குழந்தைகள் நல சிகிச்சை பிரிவில் சேர்த்தனர். இளம்பெண்ணும், அவரின் 10 வயது நிரம்பிய மூத்த மகளும் மருத்துவமனையில் இருந்தனர். கடந்த இரு தினங்களுக்கு முன் தனது தாயாருடன், 10 வயது சிறுமி படுத்திருந்தார். அப்போது அந்த வார்டுக்கு காவலாளியாக இருந்த , நாகர்கோவில் நேசமணிநகர் பெஞ்சமின் தெருவை சேர்ந்த சுபின் (24)  என்பவர் சிறுமிக்கு பாலியல் தொல்லை கொடுத்தார். திடீரென கண் விழித்த சிறுமியின் தாயார், மகளிடம் சுபின் செய்கையை பார்த்து அதிர்ச்சி அடைந்து கூச்சலிட்டார். உடனடியாக சுபின் சிறுமியையும், அவரது தாயாரையும் மிரட்டி விட்டு தப்பினார். இது குறித்து நாகர்கோவில் அனைத்து மகளிர் காவல் நிலைய போலீசார் சென்று விசாரணை நடத்தினர். குழந்தைகள் பாதுகாப்பு அலுவலர் குமுதாவும் சென்று  நடந்த சம்பவங்கள் குறித்து விசாரணை நடத்தினார். இது குறித்து சிறுமியின் தாயார் அளித்த புகாரின் அடிப்படையில், சுபின் மீது போக்சோ உள்ளிட்ட சட்டப்பிரிவுகளின் கீழ் வழக்கு பதிவு செய்து நேற்று முன் தினம் இரவு கைது செய்தனர். சுபின் மீது ஏற்கனவே குமரி  மாவட்ட காவல் நிலையங்களிலும், கோவை மாவட்ட காவல் நிலையங்களில் திருட்டு  உள்ளிட்ட பல்வேறு வழக்குகள் உள்ளன. தமிழகம் முழுவதுமே மருத்துவக்கல்லூரி மருத்துவமனைகளில் பாதுகாப்பு பணி தனியார் செக்யூரிட்டி நிறுவனத்தின் மூலம் மேற்கொள்ளப்பட்டு வருகிறது. அந்த தனியார் நிறுவனம் தான் ஊழியர்களை தேர்வு செய்து வழங்குகிறது. அந்த அடிப்படையில் குமரி மருத்துவக்கல்லூரியில் தனியார் நிறுவனத்தின் சார்பில் 46 பேர் செக்யூரிட்டிகளாக பணியாற்றி வருகிறார்கள். இவர்களில் 3 பேர் மட்டுமே பெண்கள். 3 ஷிப்ட் அடிப்படையில் இவர்களுக்கு பணி வழங்கப்பட்டு வருகிறது. இவர்களை கண்காணிக்க சூப்பர் வைசர், மேலாளர் உள்ளிட்டோரும் நிறுவனத்தின் சார்பில் உள்ளனர். இந்த பணிக்கு தேர்வு செய்யப்படும் ஊழியர்களிடம் இருந்து போலீஸ் நன்னடத்தை சான்றிதழ் பெற வேண்டும் என்பது விதிமுறை ஆகும். ஆனால் இந்த நிறுவனத்ைத சேர்ந்தவர்கள் சிபாரிசின் அடிப்படையில் குற்ற வழக்குகளில் தொடர்பு உடையவர்களையும் தேர்வு செய்து வருகிறார்கள். அந்த அடிப்படையில் தான் சுபினும் தேர்வு செய்யப்பட்டுள்ளார். சுபினின் தந்தை ஆம்புலன்சு டிரைவர் ஆவார். அவர் சிபாரிசு செய்ததன் பேரில் சுபினுக்கு பணி வழங்கி உள்ளனர். போலீஸ் நன்னடத்தை சான்றிதழ் கேட்டு இருந்தால், சுபின் மீது ஏற்கனவே வழக்குகள் இருப்பது தெரிய வந்து இருக்கும். எனவே இனியாவது வேலைக்கு ஆட்களை தேர்வு செய்யும் போது சம்பந்தப்பட்ட நிறுவனம் போலீஸ் நன்னடத்தை சான்றிதழ் பெற்ற பின்னரே பணிக்கு சேர்க்க வேண்டும் என மருத்துவக்கல்லூரி நிர்வாகம் கூறி உள்ளது.

தூத்துக்குடி செல்ல தடை நாகர்கோவிலில் சுப.உதயகுமார் உள்பட 2 பேர் கைது அதிகாலையில் வீட்டில் இருந்து அழைத்து சென்றனர்

நாகர்கோவில், மே23:தூத்துக்குடியில் ஸ்டெர்லைட் ஆலையை மூட வலியுறுத்தி கடந்த 2018ம் ஆண்டு மே மாதம் 22ம் தேதி நடைபெற்ற போராட்டத்தில் போலீசார் நடத்திய துப்பாக்கி சூட்டில் 13 பேர் உயிரிழந்தனர்.  துப்பாக்கி சூடு சம்பவ தினத்தையொட்டி குமரி மாவட்டத்திலும் போராட்டங்கள் நடத்தப்படலாம் என தகவல்கள் வெளியானதால் மாவட்டம் முழுவதும் நேற்று போலீசார் உஷார்படுத்தப்பட்டு இருந்தனர்.இந்த நிலையில் தூத்துக்குடியில் நேற்று நடைபெற்ற நினைவேந்தல் நிகழ்ச்சியில் பச்சை தமிழகம் கட்சியின் நிறுவனரும், அணு உலை எதிர்ப்பாளருமான சுப.உதயகுமார், பங்கேற்பதாக இருந்தது.  இதற்காக நேற்று அதிகாலையில் அவர் தூத்துக்குடி செல்ல இருந்த நிலையில், நாகர்கோவில் இசங்கன்விளையில் உள்ள அவரது வீட்டுக்கு கோட்டார் போலீசார் சென்றனர். தூத்துக்குடியில் நடைபெறும் நிகழ்ச்சியில் நீங்கள் கலந்து கொள்ள கூடாது என கூறிய போலீசார், சுப உதயகுமாரை வீட்டில் இருந்து போலீஸ் வேனில் ஏற்றினர். அப்போது உதயகுமார் என்னை ஏன் கைது செய்கிறீர்கள் என கேட்டார். அப்போது போலீசார் உங்களை கைது செய்யவில்லை. காவல் நிலையத்துக்கு தான் அழைத்து செல்கிறோம் என்றனர். பின்னர் கோட்டார் காவல் நிலையத்துக்கு அழைத்து வந்து அவரை நாற்காலியில் அமர வைத்தனர். இதே போல் இந்த கட்சியின் மாவட்ட தலைவர் சங்கரபாண்டியன் வீடு, ஆரல்வாய்மொழியில் உள்ளது. அவரையும் நேற்று அதிகாலையில் போலீசார் கைது செய்தனர். குமரி மாவட்ட எல்லையான ஆரல்வாய்மொழி சோதனை சாவடியில் கூடுதல் போலீசார் நிறுத்தப்பட்டு கார்கள் உள்ளிட்ட வாகனங்கள் சோதனைக்கு பின்னரே அனுமதிக்கப்பட்டன. கார்களில் செல்பவர்களிடம் போலீசார் விசாரணை மேற்கொண்டனர்.இந்த சம்பவம் குறித்து பேசிய சுப உதயகுமாரின் மனைவி மீரா உதயகுமார், நேற்று முன் தினம் மாலையில் கோட்டார் காவல் நிலையத்தில் இருந்து போன் வந்தது. உதயகுமார் தூத்துக்குடி செல்கிறாரா? என கேட்டனர். அதற்கு ஆமாம் என்று கூறினோம். இதையடுத்து மாலையிலேயே 2 போலீசார் எங்கள் வீட்டு முன் வந்து நின்றனர். பின்னர் அதிகாலையில் எனது கணவர் உதயகுமாரை தூத்துக்குடி செல்லக்கூடாது என கூறி கைது செய்து அழைத்து சென்றனர்.  தூத்துக்குடி துப்பாக்கி சூடு சம்பவம் மிகவும் அதிர்ச்சிக்கரமான சம்பவம் ஆகும். அங்கு துப்பாக்கி சூட்டில் பலியானவர்களுக்கு அஞ்சலி செலுத்த விடாமல் போலீசார் தடுப்பது நியாயம் அல்ல என்றார்.

மது போதையில் மோதல் நூலக கட்டிட வளாகத்தில் வாலிபர் அடித்து கொலை

நாகர்கோவில், மே 23 :  நாகர்கோவிலில் மது போதையில் ஏற்பட்ட தகராறில் வாலிபர் அடித்து கொலை செய்யப்பட்டார். நாகர்கோவில் வடசேரி பாலமோர் ரோட்டில் கலைவாணர் கலை அரங்கம் எதிரில், இந்து சமய அறநிலையத்துக்குட்பட்ட  சித்ரா இந்து மத நூல் நிலையமும், கலையரங்கமும் உள்ளது. இந்த நூலகம் காலை 9 மணி முதல் பகல் 12 மணி வரையிலும், மாலை 4 மணி முதல் இரவு 7 மணி வரையிலும் இயங்கும். திங்கட்கிழமை விடுமுறை ஆகும். இந்த நூலகத்தையொட்டி உள்ள கலையரங்கில் தனியார் சார்பில் ஜவுளி விற்பனை நிலையம் செயல்பட்டு வந்தது. இதன் மூலம் நாள் தோறும் அறநிலையத்துக்கு ரூ.2500 வாடகை கொடுத்து வந்தனர். மாதம் ரூ.75 ஆயிரம் வாடகை, அறநிலையத்துறைக்கு கிடைத்து வந்தது.கடந்த சில மாதங்களுக்கு முன் மாநகராட்சிக்கும், அறநிலையத்துறைக்கும் இடையே ஏற்பட்ட பிரச்னையில் ஜவுளி விற்பனை நிலையம் காலி செய்யப்பட்டது. இதனால் மண்டபம் காலியானது. இரவு நேரங்களில் சமூக விரோத கும்பல் சுவர் ஏறி குதித்து மண்டபத்தில் அமர்ந்து மது அருந்துவது, கஞ்சா அடிப்பது போன்ற செயல்களில் இறங்கி வந்தனர். காலையில் பணியாளர்கள் வந்து எச்சரித்து இவர்களை அனுப்பி வைப்பது வழக்கம்.இந்த நிலையில் நேற்று காலை வழக்கம் போல் நூலகத்தை திறக்க பணியாளர் வந்தார். அப்போது வாலிபர் ஒருவர் ரத்த காயங்களுடன் போதையில் தள்ளாடியபடி மண்டபத்தில் இருந்து நடந்து வந்தார். இதை பார்த்த ஊழியர் உடனடியாக அங்கு சென்று அந்த வாலிபரை பிடித்து விசாரித்தார். அப்போது  மண்டபத்தின் இடது பக்க வராண்டாவில் மற்றொரு வாலிபர் முகம் சிதைக்கப்பட்டு ரத்த வெள்ளத்தில் இறந்து கிடந்தார். இது குறித்து வடசேரி போலீசாருக்கு தகவல் தெரிவித்தனர்.ஏ.எஸ்.பி. ஜவகர், இன்ஸ்பெக்டர் பெர்னார்டு சேவியர் மற்றும் போலீசார் சம்பவ இடத்துக்கு வந்தனர். போதையில் பேச முடியாமல் ரத்த காயத்துடன் இருந்த வாலிபரை 108 ஆம்புலன்சு மூலம் ஆசாரிபள்ளம் அரசு மருத்துவக்கல்லூரி மருத்துவமனைக்கு அனுப்பி வைத்தனர். இறந்து கிடந்த வாலிபரை போலீசார் சென்று பார்த்த போது அவர் ஏற்கனவே பல்வேறு வழக்குகளில் சிக்கிய கோட்டார் மறவன்குடியிருப்பு பகுதியை சேர்ந்த சிவக்குமார் (28) என்பது தெரிய வந்தது. இவர் அடிக்கடி குடிபோதையில் ஆங்காங்கே ரோட்டில் கிடப்பதும், சமீபத்தில் கூட பிக்பாக்கெட் அடித்து போலீசாரிடம் சிக்கியதும் தெரிய வந்தது.  இரவு நேரத்தில் சிவக்குமாரும், வாலிபரும் சேர்ந்து மது அருந்தும் போது ஏற்பட்ட தகராறில் இருவரும் மாறி, மாறி கட்டை, கம்பு, பாட்டிலால் தாக்கி கொண்டதில் சிவக்குமார் இறந்திருக்கலாம் என கூறப்படுகிறது. சிவக்குமார் உடலை பிரேத பரிசோதனைக்காக ஆசாரிபள்ளம் அரசு மருத்துவக்கல்லூரி மருத்துவமனைக்கு அனுப்பி வைத்தனர்.மருத்துவமனையில் அனுமதிக்கப்பட்ட வாலிபரிடம் விசாரணை நடத்தினர். இதில் அவர் கருங்கல் தொலையாவட்டம் பகுதியை சேர்ந்த ரசல்ராஜ் மகன் ஜாண் (48) என்பது தெரிய வந்தது. மது போதையில் அவதூறாக பேசி தன்னை தாக்கியதால், தானும் சிவக்குமாரை தாக்கியதாக அவர் கூறி உள்ளார். அவரிடம் போலீசார் தொடர்ந்து விசாரணை நடத்தி வருகிறார்கள். சம்பவம் குறித்து அறிந்ததும் நாகராஜா கோயில் மேலாளர் ரமேஷ்குமார் உள்ளிட்ட அறிநிலையத்துறை பணியாளர்களும், பொதுமக்களும் அங்கு திரண்டனர்.மது பாட்டில் குவியல்கள்சித்ரா நூலகத்தையொட்டி அமைந்துள்ள கலையரங்கம் பழமையான கலைநயத்துடன் கட்டப்பட்டு உள்ளது. உரிய பராமரிப்பு இல்லாமல் அந்த வளாகமே புதர் மண்டி கிடக்கிறது. மண்டபத்தின் வராண்டாவில் மது பாட்டில்கள் ஆங்காங்கே உடைந்து கிடந்தன. குப்பைகளும், பூச்சிகளும் ஆக்ரமித்துள்ளன. ஜவுளி விற்பனை நிலையம் இருக்கும்போது இரவு நேரத்திலும் ஆட்கள் இருப்பார்கள். எந்த வித பிரச்னையும் இல்லாமல் இருந்தது. இப்போது இரவு நேரத்தில் காம்பவுண்ட் சுவர் ஏறி குதித்து வருபவர்களால் பிரச்னை ஏற்பட்டு, கொலையில் முடிந்துள்ளது என்று பணியாளர்கள் கூறினர்.

சமூக வலைதளங்களில் அவதூறு மனோதங்கராஜ் எம்எல்ஏ போலீசில் புகார்

கருங்கல், மே 23: குமரி மேற்கு மாவட்ட திமுக ெசயலாளரும், பத்மநாபபுரம் தொகுதி எம்எல்ஏவுமான மனோ தங்கராஜ், தன் மீது சமூக வலைத்தளங்களில் அவதூறு பரப்பியவர்கள் மீது நடவடிக்கை எடுக்க கோரி கருங்கல் காவல் நிலையத்தில் புகார் அளித்துள்ளார். இது குறித்து அவர் அளித்துள்ள புகாரில், கருங்கல் கப்பியறை கிராமத்திற்கு உள்பட்ட கருங்கல் மலை பாரம்பரியமானது ஆகும். இந்த மலையில் கருங்கல் புனித அந்தோணியார் ஆலயத்திற்கு சொந்தமான நிலம் மற்றும் கப்பியறை பேரூராட்சிக்கு சொந்தமான பழத்தோட்டம் உள்ளது.தனிநபர் ஒருவர் இந்த மலையின் இயற்கை வளங்களை வெட்டி எடுத்து பல கோடி ரூபாய் அளவில் முறைகேடு செய்துள்ளார். மேலும் இயற்ைகயாக அமைந்த வாய்க்காலை நிரப்பி கனிம வளத்தை எடுத்துச்செல்ல சாலையும் அமைத்தார். இது குறித்து தகவல் அறிந்த பொதுப்பணித்துறையினர் அந்த சாலையை அகற்றி வாய்க்காலை சீரமைத்தனர். இந்நிலையில், மதுரை உயர்நீதிமன்ற கிளையில், கருங்கல் மலையில் கல்குவாரி நடத்தும் நபருக்கு எதிராக நான் வழக்கு தொடர்ந்தேன். இதையடுத்து மாவட்ட நிர்வாகம் கல் குவாரியின் செயல்பாடுகளுக்கு தடை விதித்தது. இதனால் கல் குவாரி நடத்தும் நபர் போராட்டத்தை முன்னெடுத்து செல்லும் நபர்களுக்கு களங்கம் ஏற்படுத்தும் விதித்தில் செயல்படுகிறார். மேலும் எனக்கு களங்கம் ஏற்படுத்தும் விதத்தில் என்னை குறித்து சமூக வலைத்தளங்களில் அவதூறு பரப்பும் விதத்தில் கருத்து வெளியிட்டுள்ளார். அத்துடன் எனது உதவியாளர் லஞ்சம் கேட்பதாக அவதூறு வீடியோவும் வெளியிட்டுள்ளார். அவர் குறிப்பிடும் நபர் பெயரில் எனக்கு உதவியாளர் யாரும் இல்லை. எனவே சம்பந்தப்பட்ட நபர் மீது வழக்குப்பதிவு செய்து நடவடிக்கை எடுக்க வேண்டுமென அம்மனுவில் குறிப்பிட்டுள்ளார். அவருடன் கிள்ளியூர் ஒன்றிய திமுக செயலாளர் டி.பி. ராஜன், இளைஞரணி மாவட்ட அமைப்பாளர் ததேயு பிரேம்குமார், வர்த்தக அணி மாவட்ட துணை அமைப்பாளர் சத்தியராஜ், விவசாய அணி மாவட்ட அமைப்பாளர் மரிய சுசுகுமார், கிள்ளியூர் ஒன்றிய திமுக துணை செயலாளர் அருள்ராஜ் உள்பட திமுகவினர் உடனிருந்தனர்.

பூதப்பாண்டி அருகே இளம்பெண்ணின் விரல், தலைமுடியை வெட்டி சித்ரவதை

பூதப்பாண்டி, மே 23: பூதப்பாண்டி  அருகே நடத்தை சந்தேகத்தால் இளம்பெண்ணின் விரல், தலைமுடியை வெட்டி சித்ரவதை  செய்ததாக அவரது கணவரை போலீசார் கைது செய்தனர்.குமரி மாவட்டம் பூதப்பாண்டி அடுத்த ஈசாந்திமங்கலம்  அருகே உள்ள அண்ணா காலனியை சேர்ந்தவர் பீட்டர் (38). இவரது மனைவி நளினி  (24). கணவன், மனைவிக்கு இடையே குடும்ப தகராறு இருந்து  வந்தது. நடத்தையில்  சந்தேகப்பட்டு தனது மனைவி நளினியை பீட்டர் அடித்து சித்ரவதை செய்ததாக  கூறப்படுகிறது.  இந்த நிலையில் நேற்று முன்தினம் காலையிலும் கணவன்,  மனைவிக்கு இடையே தகராறு ஏற்பட்டுள்ளது. இதில் ஆத்திரம்  அடைந்த  பீட்டர் மற்றும் அவரது தாயார் பாலம்மாள் ஆகியோர் சேர்ந்து நளினியை  சரமாரியாக தாக்கி சித்ரவதை செய்துள்ளனர். மரக்கட்டையால் கை, கால்களில்  அடித்து  காயம் ஏற்படுத்தியவர்கள், கட்டிட வேலைக்கு பயன்படுத்தும்  கரண்டியால் ஆள்காட்டி விரலை வெட்டி உள்ளனர். மேலும் தலைமுடியை கத்திரிகோலால்  வெட்டி கொலை மிரட்டல் விடுத்துள்ளனர். இதில் நளினி படுகாயம் அடைந்தார். இது  குறித்து அக்கம் பக்கத்தினர் பூதப்பாண்டி காவல் நிலையத்திற்கு தகவல்  தெரிவித்தனர். போலீசார் சம்பவ இடத்துக்கு சென்று விசாரணை நடத்தினர்.  பின்னர் நளினி அளித்த புகாரின் பேரில் சப் இன்ஸ்பெக்டர் மாரிசெல்வன் விசாரணை  நடத்தி, பீட்டர் மற்றும் அவரது தாயார் பாலம்மாள் ஆகியோர் மீது இந்திய  தண்டனை சட்டப்பிரிவு 294 (பி), 323, 324, 342, 355, 506 (2) ஆகிய 6  பிரிவுகளின் கீழ் வழக்கு பதிவு செய்தனர். இதில் பீட்டர் கைது  செய்யப்பட்டார். பாலம்மாளை போலீசார் தேடி வருகிறார்கள். படுகாயம் அடைந்த நளினி  ஆசாரிபள்ளம் அரசு மருத்துவக்கல்லூரி மருத்துவமனையில் அனுமதிக்கப்பட்டு  உள்ளார்.

வாக்கு எண்ணிக்கையை முன்னிட்டு குமரியில் 1000 போலீஸ் கண்காணிப்பு

* நாகர்கோவிலில் இன்று போக்குவரத்து மாற்றம்* வன்முறையில் ஈடுபட்டால் கடும் நடவடிக்கைநாகர்கோவில், மே 23 :  வாக்கு எண்ணிக்கையையொட்டி குமரி மாவட்டத்தில் பலத்த பாதுகாப்பு ஏற்பாடுகள் செய்யப்பட்டுள்ளன. வன்முறையில் ஈடுபட்டால் கடும் நடவடிக்கை எடுக்கப்படும் என எஸ்.பி. நாத் எச்சரித்துள்ளார். கன்னியாகுமரி மக்களவை தொகுதிக்கான வாக்கு எண்ணிக்கை இன்று காலை 8 மணிக்கு தொடங்குகிறது. வாக்கு எண்ணிக்கை மையமான கோணம் அரசினர் பாலிடெக்னிக் கல்லூரியில் 3 அடுக்கு பாதுகாப்பு ஏற்பாடுகள் செய்யப்பட்டுள்ளன. துணை ராணுவம் உள்பட 500க்கும் மேற்பட்ட போலீசார் குவிக்கப்பட்டு உள்ளனர். வாக்கு எண்ணிக்கை மையம் அமைந்துள்ள பகுதியை சுற்றியும் போலீஸ் பாதுகாப்பு போடப்பட்டு உள்ளது. 24 மணி நேரமும் கண்காணிக்கும் வகையில் போலீசார் அந்த பகுதியில் ரோந்து பணியில் ஈடுபட்டு உள்ளனர். வாக்கு எண்ணிக்கையையொட்டி இன்று காலை முதல் கோணம் ரோட்டில் போக்குவரத்து மாற்றி அமைக்கப்படுகிறது. நாகர்கோவிலில் இருந்து ராஜாக்கமங்கலம் மார்க்கமாக செல்ல வேண்டிய அரசு பஸ்கள் மற்றும் வாகனங்கள் அனைத்தும் புன்னைநகரில் இருந்து மூவேந்தர் நகர் சென்று அங்கிருந்து வலது புறம் சானல்கரை ரோடு வழியாக ராஜாக்கமங்கலம்  ரோட்டுக்கு செல்ல வேண்டும். இதே போல் ராஜாக்கமங்கலம்18ம் பக்கம் பார்க்கமார்க்கமாக நாகர்கோவில் வர வேண்டிய அரசு பஸ்கள் மற்றும் வாகனங்கள் அனைத்தும் கம்பி பாலத்தில் இருந்து குருகுலம் சாலை வழியாக ஆசாரிபள்ளம் ரோடு, ராணித்தோட்டம் டெப்போ, டெரிக் சந்திப்பு வழியாக நாகர்கோவில் வர வேண்டும். இன்று ஒரு நாள் முழுவதும் இந்த போக்குவரத்து மாற்றம் அமலில் இருக்கும். இது தவிர முடிவுகள் வெளியாகும் நிலையில் பிரச்னைகள் எதுவும் ஏற்படாத வகையில் மாவட்டம் முழுவதும் 1000த்துக்கும் மேற்பட்ட போலீசார் பாதுகாப்பு பணியில் ஈடுபடுகிறார்கள். கன்னியாகுமரி, குளச்சல், நாகர்கோவில், தக்கலை ஆகிய 4 சப்  டிவிஷன்களிலும் முக்கிய சந்திப்புகளில் போலீசார் நிறுத்தப்பட உள்ளனர். அதி விரைவுப்படைகளும் தயார் நிலையில் இருக்குமாறு  உத்தரவிடப்பட்டு உள்ளது. வாக்கு எண்ணிக்கை அமைதியாக நடைபெறும் வகையில் அனைத்து அரசியல் கட்சியினரும் முழு ஒத்துழைப்பு அளிக்க வேண்டும் என எஸ்.பி. நாத் கேட்டுக் கொண்டு உள்ளார். மேலும் அவர் கூறுகையில், வெற்றி பெறக்கூடிய கட்சிகளை சேர்ந்தவர்கள் தங்களது வெற்றியை பொதுமக்கள் மற்றும் போக்குவரத்துக்கு இடையூறு இல்லாத வகையில் கொண்டாட வேண்டும். வன்முறையில் ஈடுபடுகிறவர்கள் மீது கடும் நடவடிக்கை எடுக்கப்படும் என கூறி உள்ளார். பாதுகாப்பு ஏற்பாடுகள் தொடர்பாக நேற்று அனைத்து போலீஸ் அதிகாரிகளுடன் எஸ்.பி. ஆலோசனை மேற்கொண்டார்.

14 மேஜைகள் வரை போட தேர்தல் ஆணையம் அனுமதி ேகாணம் வாக்கு எண்ணிக்கை மையத்தில் மேஜைகள் குறைப்பு

நாகர்கோவில், மே 22:  மக்களவை தேர்தலில் பதிவான வாக்குகள் எண்ணிக்கை நடைபெற உள்ள மையத்தில் சட்டமன்ற தொகுதிக்கு 14 மேஜைகள் வீதம் போட்டு வாக்கு எண்ணிக்கை மேற்கொள்ளலாம் என்று தேர்தல் ஆணையம் ெதரிவித்துள்ள போதிலும் கன்னியாகுமரி மக்களவை தொகுதியில் 10, 12 என்று மேஜைகள் என எண்ணிக்கை குறைக்கப்பட்டுள்ளன. கன்னியாகுமரி மக்களவை தொகுதியில் பதிவான வாக்குகள் எண்ணிக்கை நாகர்கோவில் கோணம் அரசு பாலிடெக்னிக் கல்லூரியில் உள்ள வாக்கு எண்ணிக்கை மையத்தில் வைத்து நாளை (23ம் தேதி) காலை 8 மணிக்கு தொடங்கி நடைபெற உள்ளது. இந்த முறை சட்டமன்ற தொகுதிக்கு ஐந்து வீதம் விவி பேட்களில் பதிவாகி விழுந்த சீட்டுகளையும் எண்ணி சரிபார்க்க வேண்டும் என தெரிவிக்கப்பட்டுள்ளது. அந்த வகையில் கன்னியாகுமரி மக்களவை தொகுதியில் உள்ள 6 சட்டமன்ற தொகுதிகளிலும் தலா 5 வீதம் 30 விவிபேட்களில் பதிவான வாக்குகளும் எண்ணப்பட உள்ளது. இவை தவிர மாதிரி வாக்குபதிவு நடைபெற்றபோது பதிவான வாக்குகளை அழிக்காத மூன்று மின்னணு இயந்திரங்களில் பதிவான வாக்குகள் இம்முறை எண்ணப்படாது. அதற்கு பதிலாக அதனுடன் பொருத்தப்பட்டிருந்த விவிபேட்களில் பதிவான வாக்குகள் எண்ணி முடிவு அறிவிக்கப்பட உள்ளது. அந்த வகையில் மேலும் 3 விவிபேட்களில் பதிவான வாக்குகள் எண்ணப்படும். அந்த வகையில் மொத்தம் 33 விவிபேட்களில் பதிவான வாக்குகள் எண்ணப்பட வேண்டியுள்ளது. முதலில் தபால் வாக்கு, அதன் பின்னர் மின்னணு இயந்திரத்தில் பதிவான வாக்குகள், தொடர்ந்து விவிபேட்களில் பதிவான வாக்குகள் என்று எண்ணிக்கை தொடர்ந்து நடைபெறும். சாதாரணமாக மாலை வரை நீடிக்கின்ற வாக்கு எண்ணிக்கை இந்த முறை விவி பேட்களில் பதிவான வாக்குகளையும் எண்ணி முடித்து சரிபார்த்த பிறகே வெற்றி வேட்பாளர் பற்றிய முடிவை அறிவிக்க வேண்டும் என்று தெரிவிக்கப்பட்டுள்ளதால் வெற்றி பெற்றவர் யார் என்பதை அறிவிக்க காலதாமதம் ஏற்படும் நிலை உருவாகியுள்ளது.அதே வேளையில் தேர்தல் ஆணையம் சட்டமன்ற தொகுதி வாரியாக அமைக்கப்பட்டிருக்கும் வாக்கு எண்ணிக்கை மையம் ஒவ்வொன்றுக்கும் 14 மேஜைகளும், மத்திய மேஜை ஒன்றும் கொண்டதாக வாக்கு எண்ணிக்கை மையம் அமைக்கப்பட வேண்டும் என்று அறிவுறுத்தியுள்ளது. அத்துடன் வாக்கு எண்ணிக்கை மையத்திற்கான அறை மிக பெரியதாக மொத்தம் 15 மேஜைகளும் மற்றும் வாக்கு எண்ணிக்கை முகவர்கள் அமருவதற்கு வசதியாக அமைக்கப்பட்டிருக்க வேண்டும் என்றும் தெரிவித்துள்ளது. ஆனால் கோணம் வாக்கு எண்ணிக்கை மையத்தில் கன்னியாகுமரி, குளச்சல் சட்டமன்ற தொகுதிகளுக்கு 12 மேஜைகளும், இதர நாகர்கோவில், பத்மநாபபுரம், விளவங்கோடு, கிள்ளியூர் ஆகிய 4 தொகுதிகளுக்கு தலா 10 மேஜைகளும் வாக்கு எண்ணிக்கைக்காக போடப்பட்டுள்ளதாக மாவட்ட தேர்தல் நடத்தும் அலுவலர் அறிவித்துள்ளார். இதனால் ஒரு சுற்றில் மொத்தம் 64 மின்னணு இயந்திரங்களில் மட்டுமே வாக்கு எண்ணிக்கை நடைபெறும். தேர்தல் ஆணையம் அறிவித்துள்ளது போன்று அதிகபட்சமான 14 மேஜைகளுடன் வாக்கு எண்ணிக்கைக்கான மையம் ஏற்பாடு செய்யப்பட்டிருந்தால் ஒரு சுற்றில் மொத்தம் 84 மேஜைகளில் 84 இயந்திரங்கள் கொண்டு வரப்பட்டு வாக்கு எண்ணிக்கை நடத்தப்பட வாய்ப்பு உள்ளது. இதன் மூலம் ஒரு சுற்றுக்கு 20 மின்னணு இயந்திரங்கள் கூடுதலாக எண்ணப்படும், 28 சுற்றுகள் எண்ண வேண்டிய நிலை ஏற்பட்டிருக்காது என்று கூறப்படுகிறது.மேலும் கோணம் வாக்கு எண்ணிக்கை மையத்தில் போதிய இட வசதிகள் இருந்தபோதிலும் அதிகாரிகள் இது தொடர்பாக ஆலோசிக்காமல் இருந்துவிட்டதாகவும் கூறப்படுகிறது. இந்த முறை விவிபேட்களிலும் வாக்கு எண்ணிக்கை மேற்கொள்ளப்பட உள்ள நிலையில் இதனால் ஏற்படும் கால தாமதத்தை கருத்தில்கொண்டு தேர்தல் நடத்தும் அலுவலர்கள் உரிய முன்னேற்பாடு பணிகளை செய்திருந்தால் தேர்தல் முடிவுகளும் காலதாமதமின்றி முன்கூட்டியே அறிவிக்க வாய்ப்பாக அமைந்திருக்கும் என்ற கருத்து எழுந்துள்ளது. இது தொடர்பாக தேர்தல் அதிகாரிகள் கூறுகையில், ‘கன்னியாகுமரி மக்களவை தொகுதிக்கு உட்பட்ட 6 சட்டமன்ற தொகுதிகளிலும் ஒரே நேரத்தில் வாக்கு எண்ணிக்கை பணிகள் முடிய வேண்டும் என்பதற்காக இவ்வாறு மேஜைகள் போடப்பட்டுள்ளது. 14 மேஜைகள் போட்டால் 4 தொகுதிகளில் சுற்றுகள் எண்ணிக்கை குறையும். முன்னதாகவே வாக்கு எண்ணிக்கை பணிகள் முடிந்துவிடும். இதர 2 தொகுதிகளில் சுற்றுகள் அதிகம் ஆகும். தேர்தல் ஆணையம் குறைந்தபட்சம் 10 மேஜைகள், அதிகபட்சம் 14 மேஜைகள் வரை போடலாம் என்று தெரிவித்துள்ளது’ என்றார்.வாக்கு எண்ணிக்கை முகவருக்கான பணிகள் என்ன?* வாக்கு எண்ணிக்கை மையத்தில் ஒரு மேஜைக்கு ஒரு முகவர், தபால் வாக்கு எண்ணிக்கைக்கு ஒரு முகவர், முதன்மை வாக்கு எண்ணிக்கை முகவர் என்று ஒரு சட்டமன்ற தொகுதி வாரியாக முகவர்கள் நியமிக்கப்பட்டுள்ளனர். வாக்கு எண்ணிக்கை முகவர்களாக சட்டமன்ற, நாடாளுமன்ற உறுப்பினர்கள், அரசு அலுவலர்கள் நியமிக்க முடியாது. * முகவர்கள் வாக்கு எண்ணும் மையத்திற்கு ஒரு மணி நேரம் முன்னதாக வந்து அமர வேண்டும். முகவர்கள் நியமன கடிதம், முகவருக்கான போட்டோ அடையாள அட்டை ஆகியவற்றை வைத்திருக்க வேண்டும். செல்போன் கொண்டு செல்ல அனுமதியில்லை. * வாக்கு எண்ணிக்கை துவங்குவதற்கு முன்பு வேட்பாளரோ, தலைமை முகவரோ, மைய மேஜை வாக்கு எண்ணிக்கை முகவரோ வாக்கு இயந்திரங்கள் வைக்கப்பட்டுள்ள பாதுகாப்பு அறைக்கு தேர்தல் அலுவலர்களோடு சென்று அதனை திறக்கும்போது உடனிருக்கலாம். பாதுகாப்பு அறையில் வைக்கப்பட்டுள்ள முத்திரைகள், பூட்டுகள் சேதப்படுத்தப்படாமல் உள்ளதா என்பதை கவனிக்கலாம். அவ்வாறு சேதப்படுத்தப்பட்டிருந்தால் அதற்கான புகார் பதிவு செய்வதுடன் முறையாக விசாரித்த பின்னர் அறையை திறக்க அனுமதிக்கலாம். * வாக்கு எண்ணிக்கை மேஜைக்கு கொண்டுவரப்படும் வாக்கு கட்டுப்பாட்டு இயந்திரம் வைக்கப்பட்டுள்ள பெட்டிக்குள் ஒரு 17சி படிவம் இருக்கும். இதன் விபரத்தை முகவர்கள் பதிவு செய்துகொள்வதுடன் முகவர் தான் கொண்டு சென்ற படிவம் 17 சி நகலில் உள்ள அனைத்து விபரங்களும் வாக்கு எண்ணிக்கை அதிகாரி காட்டிய படிவம் 17சி-ல் குறிப்பிடப்பட்டுள்ளது ஒத்துப்போகிறதா என்பதை சரிபார்க்கலாம். * கட்டுப்பாட்டு இயந்திரத்தின் வரிசை எண், அதில் உள்ள முத்திரைதாள் வரிசை எண், பிங்க் பேப்பர் சீல் வரிசை எண், வாக்கு சாவடி எண் ஆகியவை முகவர்கள் கொண்டு சென்றுள்ள 17 சி படிவத்தில் உள்ள விபரத்துடன் ஒத்துப்போகிறதா என்பதை சரிபார்த்துக்கொள்ள வேண்டும். * வாக்கு இயந்திரத்தில் உள்ள முத்திரைகள் சிதைக்கப்படாமல் இருத்தல், அதில் உள்ள பேப்பர் முத்திரை, கட்டுப்பாட்டு இயந்திரத்தின் திறக்கும் பகுதியை நூலால் இணைத்து கட்டியுள்ள சிறப்பு முத்திரை, பச்சை நிற தாள் முத்திரை ஆகியவை முறையாக உள்ளதா என்பதை சரிபார்க்கலாம். இவை சரிபார்த்த பின்னர் மின்னணு இயந்திர கட்டுப்பாட்டு கருவியை இயக்கி முடிவு 1 என்ற பட்டனை அலுவலர் அழுத்தியதும் வரிசையாக ஒவ்வொரு வேட்பாளருக்காக பதிவான வாக்குகள் மற்றும் மொத்தமாக பதிவான வாக்குகள் கட்டுப்பாட்டு இயந்திரத்தில் தெரியும்.

நாகர்கோவிலில் தாய், மகள் விபத்தில் பலி போலீஸ் தேடிய கார் உரிமையாளர் நீதிமன்றத்தில் சரண்

நாகர்கோவில், மே 22:  நாகர்கோவிலில் தாய், மகள் பலியான விபத்து தொடர்பாக தேடப்பட்டு வந்த கார் உரிமையாளர் நாகர்கோவில் நீதிமன்றத்தில் சரண் அடைந்தார். நாகர்கோவில் அருகே உள்ள மேலசங்கரன்குழி பகுதியை சேர்ந்தவர் நாககிருஷ்ணமணி (49). அரசு பஸ் டிரைவர். இவரது மனைவி சுதா (42). இவர்களது மகள் பத்மபிரியா (16). கடந்த 15ம் தேதி நாகர்கோவில் அண்ணா பஸ் நிலையம் அருகில் உள்ள மகளிர் மேல்நிலைப்பள்ளியில்  பத்மபிரியாவை 11ம் வகுப்பில் சேர்ப்பதற்காக தனது மகள் மற்றும் மனைவியுடன் பைக்கில் நாககிருஷ்ணமணி நாகர்கோவில் வந்தார். பள்ளி அருகே பைக்கில் சென்று கொண்டு இருந்த போது ரோட்டோரத்தில் நின்ற கார் ஒன்றின் டிரைவர் வேகமாக காரின் முன்பக்க கதவை திறந்தார். இதில் கார் கதவு பைக்கில் இடித்து நாககிருஷ்ணமணி, சுதா,  பத்மபிரியா ஆகிய மூன்று பேரும் கீழே விழுந்தனர். அப்போது பின்னால் வந்துக் ெகாண்டிருந்த மினிபஸ் அவர்கள் மீது மோதியது. படுகாயம் அடைந்த மூவரையும் நாகர்கோவிலில் உள்ள தனியார் மருத்துவமனைக்கு கொண்டு சென்றனர். இதில் சுதா, பத்மபிரியா ஆகிய இருவரும் உயிரிழந்தனர். நாககிருஷ்ணமணி படுகாயங்களுடன் மருத்துவமனையில் அனுமதிக்கப்பட்டார். தாய், மகள் விபத்தில் இறந்த சம்பவம் பெரும் சோகத்தை ஏற்படுத்தியது.இது குறித்து நாகர்கோவில் போக்குவரத்து புலனாய்வு பிரிவு போலீசார் விசாரணை நடத்தி கார் டிரைவர் மற்றும் மினி பஸ் டிரைவர் இருவரின் மீதும் வழக்கு பதிவு செய்தனர். இதில் சம்பந்தப்பட்ட காரில் இருந்தவர், காயம் அடைந்தவர்கள் சிகிச்சை பெற்று வந்த மருத்துவமனைக்கும் சென்றார். இதையடுத்து அங்குள்ள கண்காணிப்பு கேமரா மூலம் கார் பதிவு எண் சிக்கியது. சென்னை பதிவு எண் கொண்ட கார் என்பது தெரிய வந்தது. அதன் முகவரியும் சென்னை முகவரியாக இருந்தது. இது குறித்து போலீசார் தொடர்ந்து விசாரணை நடத்தி வந்த நிலையில், காஞ்சிபுரம் பள்ளிக்கரணையை சேர்ந்த ராஜன் (38) என்பவர் நேற்று இந்த விபத்து தொடர்பாக நாகர்கோவில் ஜே.எம். 1வது நீதிமன்றத்தில் சரண் அடைந்தார். இவரது சொந்த ஊர் குமரி மாவட்டம் திக்கணங்கோடு ஆகும். கடந்த வாரம் ஊருக்கு வந்திருந்த அவர் பொருட்கள் வாங்குவதற்காக காரில் நாகர்கோவில் வந்துள்ளார். அந்த சமயத்தில் தான் இந்த விபத்து நடந்துள்ளது. இது பற்றி ராஜனிடம் போலீசார் விசாரணை நடத்தினர்.

வில்லுக்குறி அருகே சித்தர் பீடம் உடைப்பு

திங்கள்சந்தை, மே 22 :வில்லுக்குறி  அருகே மேலப்பாறை கோணத்தில் திருவிடைக்கோடு  சடையப்பனார் பக்தர்கள் கல்வி  அறக்கட்டளை சார்பில் சித்தர் பீடம் அமைத்து வழிபாடு செய்யப்பட்டு வருகிறது. சம்பவத்தன்று இரவு அங்கு சென்ற மர்ம நபர்கள் சித்தர் பீடத்தை அடித்து   நொறுக்கி வீசி உள்ளனர். இது குறித்து அறக்கட்டளை தலைவர் சதாசிவன்  இரணியல் போலீசில் புகார் செய்தார். போலீசார் சம்பவ இடம் சென்று விசாரணை  நடத்தி வருகின்றனர். சித்தர் பீடத்தை யாராவது குடிபோதையில்  அடித்து  நொறுக்கினார்களா? அல்லது திட்டமிட்ட சதி செயல் ஏதாவது உண்டா? என போலீசார்  விசாரணை நடத்தி வருகின்றனர்.

கோடை மழை கைவிட்டதால் நாகர்கோவிலில் கடும் குடிநீர் தட்டுப்பாடு

நாகர்கோவில், மே 22:  நாகர்கோவில் மாநகராட்சியில் கடுமையான குடிநீர் தட்டுப்பாடு காரணமாக 15 நாட்களுக்கு ஒரு முறையே குடிநீர் விநியோகம் செய்யப்படுகிறது.  நாகர்கோவில் நகராட்சிக்கு குடிநீர் தேவைக்காக 1942ல் பூதப்பாண்டி அருகே முக்கடலில்   திருவிதாங்கூர் மன்னர் சித்திரை திருநாள் உத்தரவின்படி அணை கட்டப்பட்டது. மைனஸ் மட்டத்தில் 24 அடியும், பிளஸ் மட்டத்தில் 25 அடியும் கொள்ளவு கொண்ட இந்த குடிநீர் தேக்க அணை 30 ஆயிரம் மக்கள் தொகையை அடிப்படையாக கொண்டு கட்டப்பட்டது. முக்கடல் அணையிலிருந்து  கிருஷ்ணன்கோயில் குடிநீர் சுத்திகரிப்பு நிலையத்திற்கு 400 மி.மீ சுற்றளவு கொண்ட குழாய்கள் மூலம் தண்ணீர் கொண்டு வந்து சுத்திகரிக்கப்பட்டு, 24 மணி நேரமும் குடிநீர் விநியோகிக்கப்பட்டு வந்தது. நாகர்கோவில் நகராட்சி மட்டுமின்றி 9 வழியோர கிராமங்கள் சுத்திகரிக்கப்படாத குடிநீர் பெற்று வருகின்றன. தேரூரில் குடிநீர் சுத்திகரிப்பு நிலையம் அமைக்கப்பட்டு, தேரூர், சுசீந்திரம், கன்னியாகுமரி பேரூராட்சிகள் சுத்திகரிக்கப்பட்ட தண்ணீர் பெற்றன. மக்கள் தொகை  அதிகரிப்பு காரணமாக நாகர்கோவிலில் குடிநீர் விநியோகிக்க சுழற்சி முறை அறிமுகம் செய்யப்பட்டது.எனினும்  தட்டுப்பாடு நிலவியதால் கடந்த 12 ஆண்டுகளாக பாசன கால்வாயான அனந்தனாறு கால்வாயில் இருந்து முக்கடலுக்கு நீரேற்றம் செய்யப்பட்டு   வழங்கப்பட்டு வருகிறது. தற்போது நாகர்கோவில் மாநகராட்சியின்  தினசரி  குடிநீர் தேவை 23 எம்.எல்.டி ஆகும்.  2,010 பொது குடிநீர் நல்லி இணைப்புகள்,  48,477 வீட்டு குடிநீர்  இணைப்புகள் மூலம் 2 லட்சத்து 24 ஆயிரத்து 848 பேர் பயன் பெறுகின்றனர். இதுதவிர  823 ஆழ்துளை கிணறுகள் மூலம் தினசரி 2 எம்.எல்.டி தண்ணீர் பெறப்படுகிறது.  இதன் மூலம் 35,466 பேர் பயன் பெறுகின்றனர்.  இந்த தண்ணீர் 11 மேல் நிலை  தேக்க தொட்டிகள் மூலம் 11 பிரிவுகளில் வழங்கப்பட்டு வருகிறது. முன்பு  தாழ்வான பகுதியில் தினசரியும், சமமான  பகுதிகளுக்கு 3 நாட்களுக்கு ஒரு  முறையும், மேடான பகுதிகளுக்கு 5 நாட்களுக்கு ஒரு முறையும் குடிநீர்  விநியோகம் செய்யப்பட்டு வந்தது. 2011க்கு பின்னர் படிப்படியாக புதிய குழாய்கள்  அமைக்கப்பட்டு, அனைத்து பகுதிகளுக்கும் 5 நாட்களுக்கு ஒரு முறை சீரான  குடிநீர் விநியோகம் செய்யப்பட்டு வந்தது. ஆனால் கடந்த ஒராண்டாக   குடிநீர் விநியோகம் 10 நாட்கள் வரை ஆனது.  கோடைமழை கைவிட்டதால், முக்கடல் அணை நீர்மட்டம் மைனஸ் 18 அடியாக உள்ளது. இதனால், நீரின் அழுத்தம் குறைந்துள்ளது. தற்போது முக்கடல் அணை மட்டுமின்றி, பேச்சிப்பாறை  மற்றும் பெருஞ்சாணி அணைகளிலிருந்து 150 கனஅடி தண்ணீரை மாநகராட்சி ஆணையர் சரவணக்குமார் கலெக்டருக்கு பரிந்துரை செய்து குடிநீருக்கு வழங்க நடவடிக்கை மேற்கொண்டுள்ளார். எனினும் தினசரி தேவையில் பாதி அளவே கிடைப்பதால், 15 நாட்களுக்கு ஒரு முறையே தற்போது குடிநீர் விநியோகம் செய்யப்பட்டு வருகிறது. முக்கடல் அணையில் நீர்மட்டம் குறைந்து, நுண் பூச்சிகளுடன் கலங்கலான தண்ணீர் வருகிறது. அனந்தனாறு கால்வாயிலும்,  குளிப்பது, கால்நடைகளை குளிப்பாட்டுவதால், தண்ணீரை கொதிக்க வைத்து  குடிக்க மாநகராட்சி அதிகாரிகள் வேண்டுகோள் விடுத்துள்ளனர். தரைமட்ட நீர்தேக்க தொட்டிகள்:  குடிப்பதற்கு  பயன்படும் குடிநீரை இதர அனைத்து தேவைகளுக்கும் ராட்சத  தரைமட்ட தொட்டிகள்  மற்றும் மேல்நிலை தொட்டிகளில் தேக்கி வைத்து பயன்படுத்துவதே தட்டுப்பாட்டுக்கு காரணம் எனக்   கூறப்படுகிறது. தனி வீடுகள் மட்டுமின்றி அடுக்குமாடி  குடியிருப்புகளில் குறைந்தது 5 ஆயிரம் லிட்டர் பிடிக்கும் வகையில் தரைமட்ட  நீர்தேக்க தொட்டிகள் அமைத்துள்ளனர். தண்ணீர் வரும்போது முதலில் இந்த  தரைமட்ட தொட்டிகளில்தான் பாயும். இதனை வீடுகளில் மோட்டார் மூலம் மேல்நிலை  தொட்டிக்கு ஏற்றி விடுகின்றனர். அவ்வாறு ஏற்றப்படும் தண்ணீரையும், துணி துவைப்பது, வீடு கழுவுவது என காலி செய்து மீண்டும், மேல்நிலை நீர் தேக்க தொட்டியில் ஏற்றப்படுகிறது. இவ்வாறு  கழிவறை மற்றும்  குளியலறை என அனைத்து தேவைகளுக்கும் குடிநீரை பயன்படுத்துவதால்,  தரைமட்ட தொட்டிகள் இல்லாத வீடுகளுக்கு மிகவும் சிறிது நேரம் மட்டுமே குடிநீர்  கிடைக்கிறது.  இதனால் சமச்சீரான குடிநீர் விநியோகம் அனைவருக்கும் கிடைக்காததுடன், குடிக்க பயன்படும் குடிநீர் வீணாக்கப்படுகிறது. போதுமான தண்ணீர் கிடைக்க தற்போது தண்ணீர் கிடைக்காத வீடுகளிலும் தரைமட்ட நீர்தேக்க தொட்டிகள் அமைத்து வருகின்றனர். எனவே  நாகர்கோவில் நகருக்கு குடிநீர் ஆதாரம் கிடைக்காத நிலையில், இதுபோன்ற  முறையற்ற வகையில் வீணாகும் குடிநீர் விநியோகத்தை அதிரடியாக பாரபட்சமின்றி  அனைத்து பகுதிகளிலும் ஆய்வு செய்து முறைப்படுத்தினால் கோடையிலும் தட்டுபாடே  இன்றி இரு நாட்களுக்கு ஒரு முறை கூட குடிநீரை விநியோகிக்க முடியும் என சமூக  ஆர்வலர்கள் கருத்து தெரிவித்துள்ளனர்.ஆழ்துளை கிணற்று தண்ணீர்கோணம், ஹவுசிங் போர்டு, சரக்கல்விளை, டிவிடி காலனி, பீச்ரோடு, எறும்புக்காடு, சூரங்குடி போன்ற 19, 36, 37, 49, 48 ஆகிய வார்டு  பகுதிகளில் ஆழ்துளை கிணற்று தண்ணீரே வழங்கப்பட்டு வருகிறது. இதுபோல் புதியதாக இணைந்த பெருவிளை, ஆசாரிப்பள்ளம், கரியமாணிக்கபுரம் பகுதிகளிலும் அதாவது 20, 21, 23, 24 வார்டுகள் ஆழ்துளை கிணற்று தண்ணீரையே பெறுகின்றன.புத்தன் திட்டம் வரும்போது சீராகும்இதுபற்றி மாநகராட்சி அதிகாரிகளிடம் ேகட்டபோது, முக்கடல் அணையில் மைனஸ் 18 அடி தண்ணீர் உள்ளது. ஆனால், 10 அடிக்கு சேறாக காணப்படுகிறது. எனவே 8 அடி தண்ணீரில் அழுத்தம் இன்றி தண்ணீர் வேகம் குறைந்து வருகிறது.  முக்கடல் மற்றும் மார்த்தால் பகுதிகளில் அனந்தானறு தண்ணீரை பெற்று வருகிறோம். எனினும், இதில் நமது தேவையான 23 மி.எல்.டிக்கு பதில் 10 முதல் 12 எம்.எல்.டி வரையே கிடைக்கிறது. மேட்டுப்பகுதிகளில்  பல வீடுகளில் தண்ணீர் சென்றடைய நேரம் ஆகிறது. எனவே அனைத்து வீடுகளுக்கும் தண்ணீர் கிடைக்க வேண்டும் என்பதற்காக, நீண்ட நேரம் குடிநீர் வழங்குகிறோம். இதனால் 15 நாட்கள் ஆகிவிடுகிறது. மழை பெய்து அணையில் தண்ணீர் பெருகினால், இந்த நிலை மாறும். புத்தன்அணை திட்டம் செயல்பாட்டிற்கு வரும்போது, தினசரி குடிநீர் கிடைக்கும்.

நாகர்கோவிலில் ஒரு லிட்டர் பெட்ரோல் ₹74.91

நாகர்கோவில், மே 22: மக்களவை தேர்தல் முடிந்த நிலையில் பெட்ரோல், டீசல் விலை மீண்டும் உயரத்தொடங்கியுள்ளது. நாகர்கோவிலில் நேற்று முன்தினம் ஒரு லிட்டர் ஸ்பீடு பெட்ரோல் ₹77.70 ஆக இருந்தது நேற்று ₹77.75 ஆக உயர்ந்தது. ஒரு லிட்டர் பெட்ரோல் நேற்று முன்தினம் ₹74.86 ஆக இருந்தது நேற்று ₹74.91 ஆக உயர்த்தப்பட்டுள்ளது. டீசல் ஒரு லிட்டர் ₹70.88 ஆக நேற்று முன்தினம் இருந்தது நேற்று ₹70.98 ஆக உயர்ந்துள்ளது. கடைசி கட்ட தேர்தல் வாக்குப்பதிவு முடிந்த பின்னர் பெட்ரோல், டீசல் விலை உயரத்தொடங்கியுள்ளது குறிப்பிடத்தக்கது.

மணல்கடத்தல், கொலை முயற்சி வழக்குகளில் சிக்கிய பிரபல ரவுடி சுற்றிவளைத்து கைது

குலசேகரம், மே 22: குமரி  கோயில் விழாவில் புகுந்து நிர்வாகிகளை வெட்ட முயன்ற வழக்கில் பிரபல  ரவுடியை போலீசார் அதிரடியாக கைது செய்து  பாளை சிறையில் அடைத்தனர். இவர் மீது நெல்லை, குமரியில் மணல் கடத்தல், கொலை முயற்சி உள்ளிட்ட வழக்குகள் உள்ளன.   திருவட்டாரை  அடுத்த வெள்ளாங்கோடு பகுதியை சேர்ந்தவர் ராஜகுமார் (26). இவர் மீது  திருவட்டார், அருமனை, களியக்காவிளை, பளுகல், தக்கலை, திருநெல்வேலி மாவட்டம்  ஊத்துமலை ஆகிய காவல் நிலையங்களில் மணல் கடத்தல், அடி-தடி, கொலை முயற்சி  உள்பட பல்வேறு வழக்குகள் உள்ளன. பலமுறை போலீசாரால் கைது செய்யப்பட்டு  ஜாமீனில் வெளிவந்துள்ளார்.  ராஜகுமார் ஏதாவது குற்ற வழக்குகளில்  சிக்கும் போது போலீசார் நடவடிக்கை எடுக்கின்றனர். ஆனால் அவரது  குடும்பத்தினரோ உடனே உயர் அதிகாரிகள் மற்றும் மனித உரிமை ஆணையத்தில்  புகார் தெரிவிப்பது வழக்கமாம். இதனால் ராஜகுமார் மீது கடும் நடவடிக்கை  எடுப்பதில் போலீசார் தயக்கம் காட்டி வந்ததாக தெரிகிறது. இதை அவர் தனக்கு  சாதகமாக பயன்படுத்தி வந்துள்ளார். அதன்படி ராஜகுமாரின் ரவுடியிசமும்  நாளுக்கு நாள் அதிகரிக்க தொடங்கியது. இந்த நிலையில் கடந்த 10ம் தேதி  வெள்ளாங்கோடு பகுதியில் கோயில் விழா ஒன்று நடந்தது. அப்போது   அரிவாளுடன் புகுந்தவர் அங்கிருந்த பிளக்ஸ் போர்டுகளை கிழித்து  எறிந்துள்ளார். இதை தடுக்க முயன்ற கோயில் நிர்வாகிகளை தாக்கும்  முயற்சியிலும் ஈடுபட்டுள்ளார். இதுதொடர்பான வீடியோ  வாட்ஸ்-அப், பேஸ்புக் உள்பட சமூக வலைத்தளங்களில் வைரலாக பரவின. இந்த  காட்சிகளை சமூக வலைத்தளங்களில் பார்த்தவர்கள் கடும் அதிர்ச்சி அடைந்தனர்.  இதற்கிடையே சம்பவம் தொடர்பாக கோயில் நிர்வாகி ஜார்ஜ் அருமனை காவல்  நிலையத்தில் ராஜ்குமார் மீது புகார் செய்தார். போலீசார் ராஜகுமார் மீது  வழக்கு பதிவு செய்து விசாரித்தனர். இந்த நிலையில்தான் அரிவாளுடன்  பாய்ந்து கோயில் நிர்வாகிகளை வெட்ட முயன்ற வீடியோவும் பரவியது. இதையடுத்து  ராஜகுமார் மீது நடவடிக்கை எடுக்கும் படியும், அவரை உடனே கைது  செய்யுமாறும் எஸ்பி ஸ்ரீநாத் சம்பந்தப்பட்ட போலீசாருக்கு உத்தரவிட்டார்.  இதையறிந்த ராஜ்குமார் கடந்த 17ம் தேதி தன் மீது போலீசில் புகார் கொடுத்த  கோயில் நிர்வாகிகளை தாக்க மீண்டும் முயன்றுள்ளார்.  இது தொடர்பாக  அருமனை காவல் நிலையத்தில் வழக்கு பதிவு செய்யப்பட்டது. இதேபோல் நேற்று  முன்தினம் தோட்டவாரம் பகுதியை சேர்ந்த ஏசுதாஸ் (43) என்பவருக்கும், அவரது  உறவினருக்கும் இருந்த சொத்து பிரச்னையில் ராஜகுமார் தலையிட்டுள்ளார். இந்த  சம்பவத்தில் ஏசுதாசை அரிவாளால் வெட்ட முயன்றுள்ளார். இதுகுறித்து அவர்  திருவட்டார் காவல் நிலையத்தில் புகார் செய்தார்.இதுபோல் தொடர்ந்து  பல குற்றச்சம்பவங்களில் இறங்கியதால் ராஜகுமாரை கைது செய்ய போலீசார் தீவிரம்  காட்டினர். தொடர்ந்து பல்வேறு இடங்களிலும் அவரை தீவிரமாக தேடிவந்தனர்.  இந்த நிலையில் இரு தினங்களுக்கு முன் தோட்டவாரம் பகுதியில் ராஜ்குமார் பதுங்கி  இருப்பதாக போலீசாருக்கு ரகசிய தகவல் கிடைத்தது. இதையடுத்து போலீசார் சம்பவ  இடத்துக்கு விரைந்து சென்றனர். பின்னர் தப்பி ஓடிவிடாமல் இருக்கும்  வகையில் ராஜகுமாரை போலீசார் சுற்றிவளைத்தனர். தொடர்ந்து அவரை மடக்கி  பிடித்து அதிரடியாக கைது செய்தனர். அதன் பிறகு அவரை தக்கலை நீதிமன்றத்தில்  ஆஜர்படுத்தினர். வழக்கை விசாரித்த நீதிபதி அவரை சிறையில் அடைக்க  உத்தரவிட்டனர். அதன்படி  பாளையங்கோட்டை  சிறையில் ராஜகுமார் அடைக்கப்பட்டார்.

குமரி அரசு மருத்துவக்கல்லூரியில் தாயாருடன் தூங்கி கொண்டிருந்த 10 வயது சிறுமிக்கு பாலியல் தொல்லை

நாகர்கோவில், மே 22: ஆரல்வாய்மொழி அருகே உள்ள செங்கல்சூளை ஒன்றில் பணியாற்றும் கொல்கத்தாவை சேர்ந்த இளம்பெண் ஒருவரின் இரண்டரை வயது குழந்தைக்கு உடல் நிலை சரியில்லை. இதனால் அந்த குழந்தையை கடந்த  இரு நாட்களுக்கு முன் ஆசாரிபள்ளம் அரசு மருத்துவக்கல்லூரி மருத்துவமனையில் குழந்தைகள் நல சிகிச்சை பிரிவில் சேர்த்தனர். இளம்பெண்ணும், அவரின் 10 வயது நிரம்பிய மூத்த மகளும் மருத்துவமனையில் இருந்தனர்.  நேற்று முன் தினம் இரவு குழந்தைகள் சிகிச்சை வார்டு அருகே தனது தாயாருடன், 10 வயது சிறுமி படுத்திருந்தார்.  அப்போது காவல் பணியில் இருந்த தனியார் நிறுவன ஊழியர், சிறுமியிடம் அத்துமீறி அவருக்கு பாலியல் ெதால்லை கொடுத்தார். திடீரென திடுக்கிட்டு விழித்த சிறுமியின் தாயார், அந்த காவலாளியின் அத்துமீறிய செய்கையை பார்த்து கூச்சலிட்டார். அப்போது அவர் சிறுமியின் தாயாரை கொன்று விடுவதாக மிரட்டினார். இந்த சத்தம் கேட்டு மற்ற சிகிச்சை வார்டுகளில் இருந்த டாக்டர்கள் மற்றும் நர்சுகள், பணியாளர்கள் வந்ததும், அந்த காவலாளி ஓட்டம் பிடித்து விட்டார். இந்த சம்பவம்  நேற்று காலை காட்டு தீயாய் பரவியது. முதலில் ஆசாரிபள்ளம் போலீசார் சென்று விசாரணை நடத்தினர். பின்னர் சிறுமி விவகாரமாக இருப்பதால், நாகர்கோவில் அனைத்து மகளிர் காவல் நிலையத்துக்கு தகவல் தெரிவிக்கப்பட்டது. இதையடுத்து அனைத்து மகளிர் போலீசார் சென்று பாதிக்கப்பட்ட சிறுமி மற்றும் அவளின் தாய், மருத்துவமனை பணியாளர்களிடம் விசாரணை நடத்தினர். இதில் சிறுமிக்கு பாலியல் தொல்லை கொடுத்தது நிரூபணமானது. இதையடுத்து அந்த வாலிபர் குறித்து விசாரணை நடத்தினர். இதில் அவர் நாகர்கோவில் நேசமணிநகர் பகுதியை சேர்ந்தவர் என்பது தெரிய வந்தது. இவர்மீது ஏற்கனவே பல்வேறு வழக்குகள் உள்ளன. இருப்பினும் அவரை தனியார் நிறுவனத்தினர் வேலைக்கு சேர்த்து உள்ளனர். இது பற்றி தற்போது போலீசார் விசாரணை நடத்தி வருகிறார்கள்.குழந்தைகள் பாதுகாப்பு அதிகாரி விசாரணை  10 வயது சிறுமி பாதிக்கப்பட்ட தகவல் அறிந்ததும், மாவட்ட குழந்தைகள் பாதுகாப்பு அலுவலர் குமுதா தலைமையில் அலுவலர்கள் மருத்துவக்கல்லூரிக்கு சென்று விசாரணை நடத்தினர். பாதிக்கப்பட்ட சிறுமி மற்றும் அவரது தாயாரிடம் விசாரணை நடந்தது. அப்போது தாயார் கூறுகையில், கொல்கத்தாவில் இருந்து வந்து 10 ஆண்டுகளாக குமரி மாவட்டத்தில் தான் உள்ளோம். 2 வது மகளுக்கு உடல் நிலை சரியில்லாததால் மருத்துவமனைக்கு அழைத்து வந்தேன். நாங்கள் பிழைப்பு தேடி வந்து உள்ளோம். இங்கு யாரையும் எதிர்த்து போராட முடியாது. புகாரெல்லாம் வேண்டாம் என கூறினார். ஆனால் அதிகாரிகள் ஆறுதல் கூறி, நிச்சயம் நாங்கள் துணையாக இருப்போம். நீங்கள் தைரியமாக நடந்த சம்பவத்தை கூறுங்கள் என்றனர். இதை தொடர்ந்து தான் அந்த பெண் பேச தொடங்கினார்.  இது பற்றி குமுதா கூறுகையில், சம்பந்தப்பட்ட நிறுவனம் அந்த ஊழியரை முறையாக விசாரிக்காமல் சேர்த்துள்ளது. போலீசார் நன்னடத்தை சான்றிதழ் இல்லாமல் வேலைக்கு சேர்த்து உள்ளனர். இதனால் தான் அவர் மீது வழக்கு இருப்பது கூட தெரியாமல் இருந்துள்ளது. பெண்கள் மற்றும் குழந்தைகள் நல சிகிச்சை வார்டில் ஆண் காவலாளிகளுடன் பெண் காவலாளிகளையும் நியமிக்க வேண்டும் என்றார்.

கன்னியாகுமரி கடலில் தீவிர ரோந்து

கன்னியாகுமரி, மே 22: தமிழகத்தில்  முக்கிய விஐபிகள் வரும் போது தீவிரவாதிகள் தாக்குதல் சம்பவங்கள் நடக்காமல்  தடுக்கும் வகையில் கடலோர மாவட்டங்களில் சவ்காச் ஆப்பரேசன் என்ற பெயரில்  கடல் மற்றும் கடற்கரையில் பாதுகாப்பு பலப்படுத்தப்படும். இந்த வகையில்  தற்போது துணை ஜனாதிபதி வெங்கையா நாயுடு சென்னைக்கு வந்துள்ளார். இதையடுத்து  நேற்றுமுன்தினம் மாலை 6 மணி தொடங்கி இன்று காலை 6 மணி வரை சவ்காச் ஆப்பரேசன்  நடக்கிறது. குமரி மாவட்டத்தில் கடலோர பாதுகாப்பு குழுமம்  இன்ஸ்பெக்டர் சைரஸ் தலைமையில் போலீசார் முடுக்கிவிடப்பட்டுள்ளனர். இவர்கள்  ஆரோக்கியபுரம் முதல் நீரோடி வரை 48 மீனவ கிராமங்களில் பாதுகாப்பை  பலப்படுத்தியுள்ளனர். குறிப்பாக கூடன்குளம் பகுதியில் அதிநவீன ரோந்து  படகில் ரோந்து சென்று கண்காணித்து வருகின்றனர்.இதன்படி கடலோர  பாதுகாப்பு குழும போலீசார் ரோந்து படகுகளில் கடலில் ரோந்து செல்வது,  கடற்கரை கிராமங்களில் பாதுகாப்புக்காக அமைக்கப்பட்டுள்ள குழுமத்திற்கான  செக்போஸ்ட்களில் கூடுதல் போலீசார் நியமிக்கப்பட்டு வாகன தணிக்கை செய்வது,  வெளியாட்கள் யாராவது வந்தால் அவர்களை தீவிரமாக கண்காணிப்பது, கடற்கரையில்  ரோந்து வாகனங்களில் ரோந்து செல்வது என தீவிரமாக பணியாற்றி வருகின்றனர்.