Karur - Dinakaran

அரவக்குறிச்சி சட்டமன்றதொகுதி திமுக வேட்பாளர் செந்தில்பாலாஜி வெற்றி: சுற்று வாரியாக வாக்குகள் விவரம்

கரூர், மே 24:  அரவக்குறிச்சி சட்டமன்ற தேர்தலில் திமுக வேட்பாளர் செந்தில்பாலாஜி, அதிமுக வேட்பாளர் செந்தில்நாதன் உள்பட 63வேட்பாளர்கள் போட்டியிட்டனர். இதில் திமுக வேட்பாளர் செந்தில்பாலாஜி  அதிமுக வேட்பாளரை விட 37,939 வாக்குகள் அதிகம் பெற்று வெற்றி பெற்றார். அரவக்குறிச்சி சட்டமன்ற தொகுதியில்சுற்று வாரியாக வேட்பாளர்கள் பெற்ற வாக்குகள் விபரம்:முதல்சுற்று:திமுக: 5102அதிமுக:3911 .2வது சுற்று:திமுக: 5285,அதிமுக:4108,3வதுசுற்று:திமுக:5945 அதிமுக3801, 4வதுசுற்று: திமுக:5564அதிமுக 3269 5வதுசுற்றுதிமுக 6186,அதிமுக4108.6வதுசுற்று:திமுக 5591.அதிமுக3788 7வதுசுற்று-திமுக 3505அதிமுக4857.8வது சுற்று திமுக 4869,அதிமுக3869.9வது சுற்று திமுக 5543, அதிமுக 3765 10வது சுற்று திமுக 4854,அதிமுக3350. 11வது சுற்று:திமுக 4854,அதிமுக 3550. 12வது சுற்று: திமுக 4079,அதிமுக 3558.13வது சுற்று:திமுக 5975 அதிமுக 3573.14வது சுற்று: திமுக 5046,அதிமுக2953.15வது சுற்று:திமுக 7167,அதிமுக 815.16வது சுற்று:திமுக 6140,அதிமுக 571. 17வது சுற்று: திமுக 5135,அதிமுக 3538. 18 வது சுற்று: திமுக6445, அதிமுக 3545. மொத்த வாக்குகள்-2,05273  பதிவானவை- 1,73.115 செந்தில்பாலாஜி திமுக - 97,737 செந்தில்நாதன் அதிமுக  59,798 வாக்கு வித்தியாசம்: 37,939தபால் வாக்குகள் விபரம் மொத்தம்  168செல்லாத ஓட்டு 8 செல்லுபடியானவை 160திமுக 82, அதிமுக &72 , நாம்தமிழர்3, மக்கள்நீதிமய்யம் 2 சுயே 1.வாக்கு எண்ணிக்கை அறிவிப்பு திடீர் நிறுத்தம்அரவக்குறிச்சி சட்டமன்ற தொகுதி இடைத்தேர்தல் வாக்கு எண்ணிக்கையில் துவக்கம் முதலே திமுக வேட்பாளர்செந்தில்பாலாஜி முன்னிலை பெற்றுவந்தார், எனினும் பள்ளபட்டி ஓட்டு எண்ணியபோது அவர் 15வது ரவுண்டில் 7167ஓட்டுபெற்றார். அதிமுக வெறும்  815 ஓட்டுக்கள்பெற்றது. 16வது ரவுண்டில் அவர் 6140 வாக்குகள்பெற்ற நிலையில் அதிமுக வெறும் 571 ஓட்டுக்கள் பெற்றது. இதனால் அங்கிருந்த திமுக,அதிமுக முகவர்கள்இடையே கூச்சல் குழப்பம் ஏற்பட்டது. செந்தில்பாலாஜி ஆதரவாளர்கள் ஆரவாரம் செய்தனர், இதுபற்றி அறிந்த கலெக்டர் அன்பழகன் அங்கு வந்து அமைதியாக இருக்குமாறு கேட்டுக்கொண்டார். உங்களது நடவடிக்கைகள் கண்காணிக்கப்படுகிறது என்றார். பின்னர் முடிவு அறிவிப்பதை நிறுத்துமாறு தொகுதி தேர்தல் அலுவலர் மீனாட்சியிடம் கூறினார்.எஸ்பி விக்ரமன் வந்து போலீசாரை உள்ளே வரும்படி செய்யவேண்டாம் என்றார். இதனையடுத்து அமைதி ஏற்பட்டது. அதன்பின்னர் நிறுத்தப்பட்டிருந்த வாக்கு எண்ணிக்கை முடிவுகள்  அறிவிக்கப்பட்டன, அடுத்தடுத்த சுற்றையும் அறிவிப்பதில் தாமதத்தை கடைபிடித்தனர்.

செந்தில் பாலாஜி புகாரால் 2 அதிமுக முகவர்கள் வெளியேற்றம்

கரூர், மே 24: கரூர் மக்களவை தொகுதியில் பதிவான வாக்குகள் தளவாபாளையம் குமாரசாமி பொறியியல் கல்லூரியில் நேற்று நடந்தது. முன்னதாக அனைத்து கட்சிகளின் முகவர்கள் மற்றும் வேட்பாளர்கள் பலத்த சோதனைக்கு பிறகு வாக்குஎண்ணும் மையத்துக்குள் அனுமதிக்கப்பட்டனர். அப்போது அதிமுக சார்பில் மாவட்ட அவை தலைவர் காளியப்பன், நகர செயலாளர் நெடுஞ்செழியன் ஆகியோர் அதிமுக வேட்பாளரின் முகவர்களாக வந்திருந்தனர். இவர்கள் இருவரும் கூட்டுறவு சங்க பொறுப்பில் உள்ளவர்கள். அரசு பொறுப்பில் உள்ளவர்கள் முகவர்களாக வரக்கூடாது என்பதால், அரவக்குறிச்சி சட்டமன்ற தொகுதி திமுக வேட்பாளர் செந்தில் பாலாஜி, மக்களவை தொகுதி காங்கிரஸ் வேட்பாளர் ஜோதி மணி ஆகியோர் தேர்தல் பொது பார்வையாளரிடம் புகார் அளித்தனர். இதைத்தொடர்ந்து காளியப்பன், நெடுஞ்செழியன் வெளியேற்றப்பட்டனர்.

பைக் மீது கார் மோதல்: ஒருவர் பலி

அரவக்குறிச்சி,மே 24: கரூரிலிருந்து பள்ளப்பட்டிக்கு பைக்கில் இரண்டு பேர் சென்றனர். கேர் நகர் பள்ளப்பட்டியை சேர்ந்த பாலு (45)பைக்கை ஓட்டினார். அதே பகுதியைச் சேர்ந்த பிரான்சிஸ் கார்த்திக் (22) பின்னால் அமர்ந்து வந்தார்.அரவக்குறிச்சி அருகே தடா கோவில் பிரிவு ரோட்டில் தேசிய நெடுஞ்சாலை  குறுக்கே சாலையை கடக்கும் போது,  ரயில்வே துறையில் துணைப் பொது மேலாளர் ஆக பணிபுரிந்து வரும்  ஆனந்தன் (42). சேலம் நோக்கி காரில் சென்றார். காரை அதே பகுதியைச் சேர்ந்த   பிரபு(32) ஓட்டி வந்தார்.  இந்த கார் மோதியதில் தூக்கி வீசப்பட்ட பள்ளப்பட்டியை சேர்ந்த பாலு (45). சம்பவ இடத்திலேயே பலியானார். பைக் பின்னால் அமர்ந்து வந்த பிரான்சிஸ் கார்த்திக் (22) பலத்த காயத்துடன் கரூர் அரசு மருத்துவ மனையில் அனுமதிக்கப்பட்டுள்ளார்.

கரூர் பாராளுமன்ற தேர்தல் காங்கிரஸ் வேட்பாளர் ஜோதிமணி வெற்றி

கரூர், மே 24:  கரூர் எம்பி தேர்தலில் திமுக கூட்டணி காங்கிரஸ் வேட்பாளர் ஜோதிமணியும், அதிமுக சார்பில் பாராளுமன்ற துணைசபாநாயகர் தம்பிதுரையும் போட்டியிட்டனர். வாக்குவித்தியாசம் முதல்சுற்றில் இருந்தே ஜோதிமணிக்கு அதிகமாகஇருந்தது. வாக்குவிபரம்: முதல் சுற்று:காங்கிரஸ் 35110,அதிமுக 15447. 2வதுசுற்று காங்கிரஸ் 35725,அதிமுக 13809.3வது சுற்றுகாங்கிரஸ்  34298,அதிமுக 13352. 4வது சுற்று: காங்கிரஸ் 38019,அதிமுக15025.5வது சுற்று:காங்கிரஸ்  35160,  அதிமுக13847. 6வது சுற்று:காங்கிரஸ் 35826, அதிமுக 14489.7வது சுற்று:காங்கிரஸ்  34362,அதிமுக 15274.8வது சுற்று:காங்கிரஸ் 36890,அதிமுக 13227. 9வது சுற்று:காங்கிரஸ் 35288,அதிமுக13069.10வது சுற்று:காங்கிரஸ் 35433,அதிமுக.14806. 11வது சுற்று:காங்கிரஸ் 35523,அதிமுக 14296.12வது சுற்று:காங்கிரஸ்  31659, அதிமுக14102.13வது சுற்று:காங்கிரஸ் 35556,அதிமுக 13940.14வது சுற்று காங்கிரஸ்- 31708அதிமுக 13120. 15வது சுற்று:காங்கிரஸ்-36767,அதிமுக -12357. 16வது சுற்றுகாங்கிரஸ்37511,அதிமுக  11265.17வது சுற்று காங்கிரஸ் 33571,அதிமுக 1352218வது சுற்று:காங்கிரஸ் 34846,அதிமுக 13238.19வது சுற்று:காங்கிரஸ் 34846,அதிமுக 13228. 19வது சுற்று: காங்கிரஸ் 15002, அதிமுக7458.24வது சுற்று முடிவில் வாக்குகள் விவரம்மொத்த வாக்குகள் 13,65802 பதிவானவை           10,97024 ஜோதிமணி(காங்கிரஸ்) 6,95,697,  தம்பிதுரை(அதிமுக) 2,75,151, தங்கவேலு (அமமுக)31,139, ஹரிகரன்(மநீம)15,967, கருப்பையா (நாம் தமிழர் கட்சி)  38,543,  நோட்டா 9603,  வாக்குவித்தியாசம் 4,20,546.தம்பிதுரை வெளியேறினார்கரூர் எம்பி தொகுதியில் துணைசபாநாயகராக இருந்த தம்பித்துரை 6வது முறையாக போட்டியிட்டார். தொடர்ந்து மூன்றாவது முறை வெற்றிபெற்ற ஹாட்ரிக் அடிக்கலாம் என வாக்குஎண்ணிக்கை மையத்திற்கு வந்தார். முதல்ரவுண்டில் அவரை விட காங்கிரஸ் வேட்பாளர் ஜோதிமணி 19663 ஓட்டு அதிகம்பெற்றார். 2வது ரவுண்டில் 41571 வாக்குகள் அதிகம்பெற்றார். வாக்குவித்தியாசம் மிக அதிகமாகஇருந்ததால் தம்பிதுரை வாக்குஎண்ணிக்கை மையத்தை விட்டு வெளியேறினார். சோகத்துடன் காணப்பட்ட அவர் காரில் புறப்பட்டு சென்றார்.

4வது முறையாக செந்தில்பாலாஜி சட்டமன்ற தேர்தலில் வெற்றி பெற்றார்

கரூர், மே 24: 4வது முறையாக செந்தில்பாலாஜி சட்டமன்ற தேர்தலில் வெற்றிபெற்றார். அரவக்குறிச்சி சட்டமன்ற தொகுதி இடைத்தேர்தலில் திமுக வேட்பாளர்செந்தில்பாலாஜி வெற்றிபெற்றார், இவர் அதிமுக வேட்பாளர் செந்தில்நாதனை 37,814 வாக்குகள் வித்தியாசத்தில் தோற்கடித்தார்,  அரவக்குறிச்சி சட்டமன்ற தொகுதியில் நோட்டாவை சேர்த்து 64 வேட்பாளர்களாக 63பேர் போட்டியிட்டனர், இதில் திமுக, அதிமுக வேட்பாளர்களைத்தவிர மற்ற 61வேட்பாளர்களும் டெபாசிட் இழந்தனர்.செந்தில்பாலாஜி ஏற்கனவே 2006, 2011 ம் ஆண்டுகளில் இருமுறை கரூர் எம்எல்வாக தேர்வு செய்யப்பட்டார். பின்னர் கடந்த 2016ம் ஆண்டு அரவக்குறிச்சியில் வெற்றிபெற்றார்., தற்போது வெற்றிபெற்றதன் மூலம் 4வதுமுறையாக சட்டமன்ற தேர்தலில் வெற்றிபெற்றுள்ளார். அவருக்கு அரவக்குறிச்சி சட்டமன்ற தேர்தல் நடத்தும் அலுவலர் மீனாட்சி சான்றிதழை வழங்கினார். திமுக நிர்வாகிகள் கே.சி.பழனிசாமி, முன்னாள் அமைச்சர் சின்னசாமி, கரூர் தொகுதி எம்பியாக வெற்றிபெற்ற ஜோதிமணி, நன்னியூர் ராஜேந்திரன், உள்ளிட்ட திமுக மற்றும் கூட்டணி கட்சி நிர்வாகிகள் உடனிருந்தனர்.

தளவாபாளையம் பிரிவுசாலையில் திமுக தொண்டர்கள் ஆரவாரம்

க.பரமத்தி, மே 24:  கரூர் பாராளுமன்ற தொகுதி மற்றும் அரவக்குறிச்சி சட்டமன்ற தொகுதி இடைத்தேர்தல் வாக்கு எண்ணிக்கை நேற்று கரூர் அருகேயுள்ள தளவாபாளையம் தனியார் பொறியியல் கல்லுரியில் நடைபெற்றது.  தமிழகத்திலேயே அதிக எண்ணிக்கையில் எம்பி தேர்தலில் திமுக கூட்டணி காங்கிரஸ் வேட்பாளர் ஜோதிமணி, அதிமுக வேட்பாளர் தம்பிதுரை உள்பட 43வேட்பாளர்களும், அரவக்குறிச்சி எம்எல்ஏ தேர்தலில் திமுக வேட்பாளர் செந்தில்பாலாஜி, அதிமுக வேட்பாளர் செந்தில்நாதன் உள்பட 63வேட்பாளர்களும் போட்டியிட்டனர். வாக்கு எண்ணிக்கையின் போது ஒவ்வொரு வேட்பாளருக்கும் எவ்வளவு வாக்கு என கணக்கிட்டு மொத்த வேட்பாளர்களது வாக்கு எண்ணிக்கையும் சேர்த்து முடிவு அறிவிக்கப்பட்டது. வெளியான 4மணியளவில் வாக்கு எண்ணும் மையத்தில் அரவக்குறிச்சி சட்டமன்ற தொகுதி வேட்பாளர் செந்தில்பாலாஜி வாக்கு எண்ணிக்கையில் முன்னணியில் இருப்பதாக வந்த தகவலை அடுத்து அவரது ஆதரவாளர்கள் கரூர் சேலம் பைபாசில் தளவாபாளையம் பிரிவு அருகே 100க்கும்மேற்பட்ட தொண்டர்கள் ஒன்று கூடினர். வெற்றி கொண்டாட்டத்தில் திமுகவினர் ஒருவருக்கு ஒருவர் வாழ்த்துகளை தெரிவித்து கொண்டு போக்குவரத்துக்கு இடையூறு ஏற்படுத்தும் வகையில் தொண்டர்கள் ஆரவாரம் செய்தனர். இதனால் அங்கு சிறிது நேரம் போக்குவரத்து பாதிக்கப்பட்டது.

கரூர் கரூர் கரியாழிநகர் பகுதியில் குப்பைகளை எரிப்பதால் சுகாதார சீர்கேடு

கரூர், மே23:  கரூர் வாங்கல் செல்லும் சாலையில் இருந்து மின்னாம்பள்ளி செல்லும் சாலையோரம் கரியாழி நகர்ப்பகுதிகள் உள்ளன.நூற்றுக்கணக்கான குடியிருப்புகள் இந்த நகரைச் சுற்றிலும் உள்ளன. மேலும், இந்த சாலையின் வழியாக, மின்னாம்பள்ளி, நெரூர், ஒத்தக்கடை, சோமூர் போன்ற பகுதிகளுக்கு செல்லும் அனைத்து தரப்பினர்களும் இந்த சாலையின் வழியாக சென்று வருகின்றனர்.இந்நிலையில், இந்த பகுதிகளை சுற்றிலும் சேகரிக்கப்படும் குப்பைகள் அனைத்தும் கரியாழி நகாப்பகுதியை ஒட்டியுள்ள சாலையோரம் எரிக்கப்படுகிறது. இதன் காரணமாக, வெளியேறும் புகையினால், சாலையின் வழியாக செல்லும் வாகன ஓட்டிகளும், பகுதியை ஒட்டி குடியிருந்து வரும் பொதுமக்களும் கடும் சிரமத்துக்கு ஆளாகி வருகின்றனர். குப்பைகளை வாங்கல் சாலையில் உள்ள குப்பை கிடங்கில்தான் கொட்டப்பட வேண்டும். ஆனால், அதற்கு பதிலாக ஆங்காங்கே சேகரிக்கப்பட்டு எரிக்கப்படுவதால் குடியிருப்பு பகுதி வாசிகள் மிகுந்த சிரமத்துக்கு உள்ளாகி வருகின்றனர்.எனவே, இந்த பகுதியில் குப்பை எரிப்பதை தவிர்க்கும் வகையில் தேவையான ஏற்பாடுகளை அதிகாரிகள் மேற்கொள்ள வேண்டும் என பகுதி மக்கள் எதிர்பார்க்கின்றனர்.

அமைச்சர் ராஜேந்திரபாலாஜி மீது நடவடிக்கை கோரி மக்கள் நீதி மைய நிர்வாகிகள் சார்பில் கவர்னருக்கு கடிதம் அனுப்பும் போராட்டம்

கரூர், மே 23: கரூர் மாவட்ட மக்கள் நீதி மய்ய தொகுதி பொறுப்பாளர்கள் சார்பில் அமைச்சர் ராஜேந்திரபாலாஜி மீது நடவடிக்கை எடுக்க வலியுறுத்தி கவர்னருக்கு கடிதம் அனுப்பும் போராட்டம் நடைபெற்றது.கரூர் தபால் தந்தி அலுவலகம் மக்கள் நீதி மய்ய அரவக்குறிச்சி வேட்பாளர் மோகன்ராஜ் தலைமையில், தொகுதி பொறுப்பாளர்கள்  உட்பட அனைத்து நிர்வாகிகளும் கலந்து கொண்டனர்.நிர்வாகிகள் சார்பில் கவர்னருக்கு அனுப்பியுள்ள கடிதத்தில் தெரிவித்துள்ளதாவது:கடந்த 13ம்தேதி அன்று பத்திரிக்கையாளர் சந்திப்பு ஒன்றில், அமைச்சர் ராஜேந்திர பாலாஜி, மக்கள் நீதி மய்ய தலைவர் கமலஹாசனின் நாக்கை அறுப்பேன் என்ற ரீதியில் பேசியுள்ளார். தமிழக அமைச்சராக பொறுப்பேற்றுக் கொண்ட அவர், உறுதிமொழிக்கு முரணான முறையில் பேசியுள்ளார். எனவே, வன்முறைகளை தூண்டும் வகையில் பேசிய அமைச்சர் ராஜேந்திர பாலாஜி மீது உரிய சட்ட நடவடிக்கை எடுக்க வேண்டும் என கடிதத்தில் தெரிவித்துள்ளனர்.

துப்பாக்கிசூட்டில் இறந்த தியாகிகளுக்கு நினைவேந்தல் நிகழ்ச்சி

கரூர், மே 23: துப்பாக்கி சூட்டில்இறந்த தியாகிகளுக்குநினைவேந்தல் நிகழ்ச்சி நடைபெற்றது. தூத்துக்குடியில் நடைபெற்ற துப்பாக்கிசூட்டில் 15பேர் இறந்தனர்.இறந்த தியாகிகளுக்கு மலர்தூவி அஞ்சலி செலுத்தி நினேவந்தல் நிகழ்ச்சி மார்க்சியகம்யூனிஸ்டுகட்சி சார்பில் நடைபெற்றது.மாவட்ட அலுவலகத்தில் நடைபெற்ற நிகழ்ச்சிக்கு ஜீவானந்தம் தலைமை வகித்தார். மாவட்ட செயலாளர் கந்தசாமி பேசினார்.இதில் திரளானோர்  கலந்துகொண்டனர்.

டி.இடையப்பட்டி புதிய பாலம் சாலை சீரமைப்பு அன்றும்

தோகைமலை, மே 23: தினகரன் செய்தி எதிரொலியால் டி.இடையப்பட்டி புதிய பாலம் சாலை சீரமைக்கப்பட்டது.கரூர் மாவட்டம் தோகைமலை வழியாக பாளையத்தில் இருந்து திருச்சி பகுதிக்கு மெயின் ரோடு செல்கிறது. இந்த ரோட்டில் தினந்தோறும் நூற்றுக்கணக்கான வாகனங்கள் சென்று வருகிறது. இதனை நெடுஞ்சாலைதுறையினர்  பராமரித்து வருகின்றனர். இதேபோல் தோகைமலை திருச்சி மெயின் ரோட்டில் உள்ள டி.இடையபட்டி அருகே புதிய பாலம் அமைக்கும் பணிகள் கடந்த 6 மாதங்களுக்கு முன்பு தொடங்கப்பட்டது. அப்போது மெயின் ரோட்டை சேதப்படுத்தி புதிய பாலத்திற்கான பணிகள் செய்யப்பட்டது.பின்னர் இந்த பணிகள் முடிவடைந்து 2 மாதங்கள் கடந்தும் மெயின் ரோட்டில் அமைத்த பாலத்தை சரி செய்யாமல் அப்படியே விட்டு சென்றனர். மெயின் ரோட்டைவிட புதிய பாலத்தின் மட்டம் சுமார் 1 அடிக்கு மேல் உயரமாக இருந்ததால் தற்காலிகமாக மண்ணை கொண்டு சமம் செய்து வைத்திருந்தனர். ஆனால் தற்காலிகமாக பாலத்தில் அமைக்கப்பட்ட மண் சரிந்து குண்டும் குழியுமாக இருந்ததால் தினந்தோறும் வாகன விபத்துகள் நடந்து வந்ததாக இப்பகுதி பொதுமக்கள் தெரிவித்தனர். திருச்சி பகுதிக்கு செல்லும் ஆம்புலன்ஸ்சும் சிரமத்திற்குள்ளானதுஆகவே உடனடியாக திருச்சி தோகைமலை மெயின் ரோட்டை ஆய்வு செய்து டி.எடையபட்டி அருகே மெயின் ரோட்டில் அமைக்கப்பட்ட புதிய பாலத்தின் அருகே தார் அமைத்து சரி செய்து, விபத்துகளை தடுக்க மாவட்ட நிர்வகாம் நடவடிக்கை எடுக்க வேண்டும் என்று இப்குதி பொதுமக்களும் வாகன ஓட்டிகளும் கோரிக்கை விடுத்து இருந்த செய்தி தினகரன் நாளிதழில் படத்துடன் வெளிவந்தது. இதன் எதிரொலியால் 2 மாதங்களாக கிடப்பில் இருந்த டி.எடையபட்டி அருகே திருச்சி தோகைமலை மெயின் ரோட்டில் அமைக்கப்பட்ட புதிய பாலத்தின் அருகே தார் அமைத்து சரி செய்தனர். இதனால் நடவடிக்கை எடுத்த மாவட்ட நிர்வாகம் மற்றும் செய்தி வெளியிட்ட தினகரன் நாளிதழுக்கும் இப்குதி பொதுமக்களும் வாகன ஓட்டிகளும் நன்றி தெரிவித்தனர்.

ஆபத்தான நிலையில் திறந்து கிடக்கும் வடிகால் பள்ளத்தால் வாகனஓட்டிகள் தடுமாற்றம்

கரூர், மே 23: ஆபத்தான நிலையில் திறந்து கிடக்கும் வடிகால் பள்ளத்தை சரிசெய்யவேண்டும்என பொதுமக்கள் கோரிக்கை விடுத்துள்ளனர். கரூர் கருப்பாயிகோயில் தெரு இறக்கத்தில் ஆபத்தான முறையில் வடிகால் பள்ளம் திறந்துகிடக்கிறது. இது சரிவான பகுதிஎன்பதால் வாகனங்கள் வேகமாகவரும் இடமாக உள்ளது.மேலும்பசுபதிபாளையம் மேம்பாலத்தில் இருந்து ஜவகர் பஜார், வஉசிதெரு, மேட்டுத்தெரு, போன்ற பகுதிகளுக்கு வரும் முக்கிய பாதையாக இருக்கிறது. வடிகால் பள்ளம் திறந்த நிலையில் பல மாதங்களாக கிடக்கிறது.இரவுநேரத்தில் வரும் வாகன ஓட்டிகள் தடுமாறியபடி செல்கின்றனர். பள்ளிகள் திறக்கப்பட்டால் இந்த சாலையில் போக்குவரத்து அதிகமாக இருக்கும். அதற்கு முன்னதாக வடிகால் பள்ளத்தை சரிசெய்யவேண்டும் என பொதுமக்கள் கோரிக்கை விடுத்துள்ளனர்.

கோடைவிடுமுறையையொட்டி மாயனூர் பூங்காவுக்கு சிறுவர்கள் வருகை அதிகரிப்பு

கரூர், மே 23: கோடை விடுமுறையையொட்டி மாயனூர் பூங்காவுக்கு சிறுவர்கள் வருகை அதிகரித்துள்ளது. கரூர் மாவட்டம் மாயனூர் கதவணை அருகே செல்லாண்டியம்மன்கோயில் கரையில் அமைக்கப்பட்டுள்ள அம்மா பூங்காவில் செடிகள், சிறுவர்கள், குழந்தைகளுக்கான விளையாட்டுஉபகரணங்கள், வண்ண மீன்கள்அருங்காட்சியகம், உடற்பயிற்சிக்கூடம் போன்றவை அமைக்கப்பட்டுள்ளது. தற்போது கோடை விடுமுறை என்பதால் சிறுவர்களை அழைத்துவருகின்றனர். பெற்றோர்கள் சிறுவர்களுடன் வரும்எண்ணிக்கை அதிகரித்துவருகிறது.பூங்காவில் தேன் உற்பத்திக்காக தேனீபெட்டிகள் வைக்கப்பட்டுள்ளன. மேலும் பூச்செடிகளும் விற்பனை செய்யப்படுகிறது. ஏராளமானோர் ஆர்வத்துடன் பூச்செடிகளை வாங்கிசெல்கின்றனர்.

அகில இந்திய கூடைப்பந்து போட்டி சென்ட்ரல் ரயில்வே, மும்பை அணி வெற்றி

கரூர், மே23: கரூர் திருவள்ளுவர் மைதானத்தில் நடந்து வரும் அகில இந்திய அளவிலான கூடைப்பந்து போட்டியில் இரண்டாம் நாளான நேற்று மாலை நடந்த முதல் போட்டியில் சென்ட்ரல் ரயில்வே மும்பை அணி வெற்றி பெற்றது.கரூர் திருவள்ளுவர் மைதானத்தில் நேற்றுமுன்தினம் முதல்  எல்ஆர்ஜி நாயுடு நினைவுக் கோப்பைக்கான அகில இந்திய ஆண்களுக்கான கூடைப்பந்து போட்டி  நடைபெற்று வருகிறது. இந்த போட்டியில் இந்தியாவின் பல்வேறு பகுதிகளில் இருந்து ஏராளமான அணிகள் கலந்து கொண்டு விளையாடி வருகின்றன.இரண்டாம் நாளான நேற்று மாலை சென்ட்ரல் ரயில்வே மும்பை அணியும், ஏர்போர்ஸ் டெல்லி அணியும் மோதின. பரபரப்பாக நடந்த இந்த ஆட்டத்தில், 61 புள்ளிகள் பெற்ற சென்ட்ரல் ரயில்வே அணி வெற்றி பெற்றது. 56 புள்ளிகள் பெற்ற ஏர்போர்ஸ் டெல்லி அணி இரண்டாமிடம் பெற்றன.தொடர்ந்து, இரண்டாவது போட்டியாக இந்தியன் ஆர்மி, இன்கம்டாக்ஸ் ஹைதராபாத் ஆகிய அணிகள் மோதின. துவக்கம் முதலே, இந்தியன் ஆர்மி அணி அதிக புள்ளிகளை பெற்று வெற்றியை நோக்கி சென்றன. இறுதியில், இந்தியன் ஆர்மி அணி 70 புள்ளிகள் பெற்று முதலிடத்தை பெற்றன. 41 புள்ளிகள் பெற்ற இன்கம்டாக்ஸ் ஹைதராபாத் அணி இரண்டாமிடத்தை பெற்றன.தொடர்ந்து மூன்றாவது போட்டியாக, ஐசிஎப் சென்னை, பெங்களுர் பேங்க் ஆப் பரோடா ஆகிய அணிகள் விளையாடின.

சமூக ஆர்வலர்கள் எதிர்பார்ப்பு கம்பம் சுவாமிக்கு தீர்த்தம் வாக்கு எண்ணிக்கை பணியில் ஈடுபடும் அலுவலர்கள் குலுக்கல் முறையில் தேர்வு

கரூர், மே 23: வாக்கு எண்ணிக்கை பணியில் ஈடுபடுபவர்கள் கணினி குலுக்கல் முறையில் தேர்வு செய்யப்பட்டனர்.கரூர் பாராளுமன்ற தொகுதி, வாக்கு எண்ணிக்கை இன்று கரூர் தளவாபாளையம் குமாரசாமிபொறியியல் கல்லூரியில் டைபெறுகிறது.நுண்பார்வையாளர்கள், மேற்பார்வையயாளர்கள் சட்டமன்ற தொகுதிவாரியாக கணினி மூலம் குலுக்கல் முறையில் பணி ஒதுக்கீடு செய்யப்படடது. தேர்தல் பார்வையாளர்கள் முன்னிலையில் மாவட்ட தேர்தல் அலுவலர், கலெக்டர் அன்பழகன் நேற்று தேர்தல் பிரிவில் நடத்தினார்.வாக்குஎண்ணும் பணியில் ஒவ்வொரு மேசைக்கும் தேர்தல் நுண்பார்வையாளர்கள், வாக்குஎண்ணிக்கை மேற்பார்வையாளர், உதவியாளர் ஈடுபடுகின்றனர். ஒவ்வொரு பிரிவுக்கும் 102நபர்கள் என 306 நபர்கள் எந்தெந்த சட்டமன்ற தொகுதிக்குட்பட்ட வாக்குஎண்ணும் அறையில் பணியாற்ற வேண்டும் என்பதை முடிவு செய்யும் வகையிலான கணினிகுலுக்கல்முறையை கலெக்டர் நடத்தினார். பார்வையாளர்கள் ஹரிபிரதாப் சாஹி, பிரசாந்த்குமார், வினித் முன்னிலை வகித்தனர்.  வாக்கு எண்ணிக்கை நுண்பார்வையாளர்கள், வாக்கு எண்ணிக்கை மேற்பார்வையாளர்கள், உதவியாளர்கள்  எந்தெந்த மேசையில் பணியாற்ற உள்ளனர் என்பதற்கான குலுக்கல் இன்று காலை 5மணிக்கு வாக்கு எண்ணிக்கை மையத்தில் நடைபெறுகிறது. அரவக்குறிச்சி சட்டமன்ற தொகுதி இடைத்தேர்தல் எண்ணிக்கைக்கு18நுண்பார்வையாளர், தலா 16 வாக்குஎண்ணிக்கை மேற்பார்வையாளர்கள் மற்றும் வாக்குஎண்ணிக்கை உதவியாளர்கள் என மொத்தம் 80நபர்களுக்கான குலுக்கல் நடைபெறும்.  இதில் கலெக்டரின் உதவியாளர்கள், செல்வசுரபி, ரவிசந்திரன், தேர்தல் நடத்தும் அலுவலர்கள் மீனாட்சி(அரவக்குறிச்சி), காமராஜ்(மணப்பாறை), ராமு(வேடசந்தூர்), கீதா (விராலிமலை), மற்றும்உதவித்தேர்தல் நடத்தும் அலுவலர்கள் கலந்து கொண்டனர்.

அமராவதி ஆற்றில் தூய்மைப்படுத்தும் பணி மேற்கொள்ள வேண்டும்

கரூர், மே 23: அமராவதி நதி தூய்மைப்படுத்தும்பணியை மேற்கொள்ள சுற்றுச்சூழல் ஆர்வலர்கள்எதிர்பார்க்கின்றனர்.உடுமலையில்உள்ள அமராவதி அணையில் இருந்து கரூர் அமராவதி ஆற்றிற்குதண்ணீர் வருகிறது. நீர்திறப்பில்லாத காலங்களில் சீத்தை முட்கள் காடுபோல வளர்ந்துவிடுகிறது. அவற்றை அப்புறப்படுத்தாததால் ஆற்றில் அவ்வப்போது வரும் நீரையும் சீத்தை முட்கள் உறிஞ்சிவிடுகின்றன. இதுதவிர  கரூர்நகரில் உள்ள கழிவுநீர் ஆங்காங்கே அமராவதி ஆற்றில் கலக்கிறது. கடந்த 20ஆண்டுகளுக்கு முன்னர் கரூர் மற்றும்இனாம் கரூருக்கு பாதாள சாக்கடை திட்டம் கொண்டுவரப்பட்டது. அதன்பின்னர் இந்த திட்டத்தை உள்ளாட்சி நிர்வாகம் சரியாக பராமரிக்கவில்லை.  கரூர் நகராட்சியில் இடம்பெற்றுள்ள தாந்தேணி நகராட்சிக்கு பாதாள சாக்கடை திட்டம் கொணடுவரப்படவில்லை. பாதாள சாக்கடை திட்டம் செயல்பாட்டில் இருக்கும் கரூர் நகராட்சியிலோ திட்டத்தை முழுமையாக செயல்படுத்தாத நிலை காணப்படுகிறது. இதனால் பல தெருக்களில் உள்ள வீட்டுக்கழிவுகள் அமராவதி ஆற்றில் விடப்படுகிறது. இதனால் அமராவதிஆற்றில் செடிகள் முளைத்துக் காணப்படுகிறது. பசுபதிபாளையம் பகுதியில் கழிவுநீர் தேங்கி துர்நாற்றம் வீசுகிறது. இதுகுறித்து சுற்றுச்சூழல் ஆர்வலர்கள் கூறுகையில், பாதாள சாக்கடை திட்டம் 20ஆண்டுகளுக்கு முன்னர் கொண்டு வரப்பட்டது. வடிகால் வாரியம் மேற்பார்வையில் ஒப்பந்த நிறுவனம் பராமரித்து வந்த நிலையில் குறிப்பிட்ட காலத்திற்குப் பின்னர் கரூர் நகராட்சியிடம் பராமரிப்பு பணிகள் ஒப்படைக்கப்பட்டன. பாதாள சாக்கடை இணைப்புகொடுப்பது, பராமரிப்பு வேலைகளை செய்வது போன்றவற்றில் நகராட்சி நிர்வாகம் மெத்தனமாகவே இருந்துவந்தது. முன்பு கவுன்சிலர்கள் இருந்ததால் இதன் பாதிப்பு பெரிதாக தெரியவில்லை. ஏனென்றால் பிரச்னை மன்றத்தில் வைத்து விவாதிக்கப்படும்.  ஆனால் கடந்த 3ஆண்டாக பதவிக்காலம் முடிந்தும் உள்ளாட்சித்தேர்தலை நடத்தாமல் தனிஅதிகாரிகளின் பதவிக்காலத்தை நீட்டித்துக் கொண்டே போகிறது அரசு. பல இடங்களில் நகராட்சி வடிகால்களையே ஆற்றுக்குள் விடுகின்றனர்.  பாதாள சாக்கடை திட்டத்தின்நோக்கமே கழிவுநீர் புதைவடிகால் முறையில் செல்ல வேண்டும் என்பதுதான். நகராட்சியே கழிவுநீரை ஆற்றில்விடும் நிலையில் தனியாரும் சாயப்பட்டறையினர் நடவடிக்கைகள் பற்றி கேட்கவே வேண்டாம். அமராவதி நதியை தூய்மைப்படுத்தும்திட்டத்தை செயல்படுத்த வேண்டும் என்றனர்.

குண்டும், குழியுமான காமதேனு நகர் சாலை சீரமைக்கப்படுமா?

கரூர், மே23: கரூர் அரசு காலனி பகுதியில் இருந்து வெங்கமேடு வரை செல்லும் காமதேனு நகர் செல்லும் சாலையை சீரமைக்க வேண்டும் என எதிர்பார்க்கப்படுகிறது.கரூர் அரசு காலனி பகுதியில் இருந்து வெங்கமேட்டுக்கு விவசாய காட்டுப்பகுதியின் வழியாக மண்சாலை செல்கிறது. காமதேனு நகர்ச்சாலையாக கூறப்பட்டு வரும் இந்த சாலையில், இரண்டு சக்கர வாகன ஓட்டிகள் இதனை பயன்படுத்தி வருகின்றனர். இந்நிலையில், இந்த சாலை கடந்த பல ஆண்டுகளாக சீரமைக்கப்படாமல் குண்டும் குழியுமாக உள்ளது. மழைக்காலங்களில் சாலையில் நடந்து செல்லக் கூட முடியாத அளவுக்கு மோசமான நிலைக்கு மாறி விடும் எனவும் கூறப்படுகிறது. இந்த சாலையை தரம் உயர்த்தி,  அனைவரும் பயன்படுத்தும் வகையில் ஏற்பாடுகள் மேற்கொள்ளப்பட வேண்டும் என மக்கள் கோரிக்கை விடுத்துள்ளனர்.எனவே, அதிகாரிகள் இந்த பகுதியை பார்வையிட்டு, தேவைப்படும் பட்சத்தில் தரம் உயர்த்த தேவையான ஏற்பாடுகளை மேற்கொள்ள வேண்டும் என எதிர்பார்க்கப்படுகிறது.

கரூர் எம்பி, அரவக்குறிச்சி எம்எல்ஏ தொகுதி வாக்கு எண்ணும் பணியில் 386 பேர்

கரூர், மே 23:  கரூர் பாராளுமன்ற தொகுதி, அரவக்குறிச்சி சட்டமன்ற தொகுதிக்கான வாக்கு எண்ணிக்கைஇன்று நடைபெறுகிறது. இதில் 386பேர் ஈடுபடுகின்றனர். 1200 போலீசார் பாதுகாப்பு பணியில் ஈடுபடுத்தப்பட்டுள்ளனர். கரூர் பாராளுமன்ற தொகுதி மற்றும் அரவக்குறிச்சி சட்டமன்ற தொகுதி இடைத்தேர்தல் வாக்கு எண்ணிக்கை இன்று கரூர் அருகே உள்ள தளவாபாளையம் குமாரசாமி பொறியியல் கல்லு£ரியில் நடைபெறுகிறது. தமிழகத்திலேயே அதிக எண்ணிக்கையில் எம்பி தேர்தலில் திமுக கூட்டணி காங்கிரஸ் வேட்பாளர் ஜோதிமணி, அதிமுக வேட்பாளர் தம்பிதுரை உள்பட 43வேட்பாளர்களும், அரவக்குறிச்சி எம்எல்ஏ தேர்தலில் திமுக வேட்பாளர் செந்தில்பாலாஜி, அதிமுக வேட்பாளர் செந்தில்நாதன் உள்பட 63வேட்பாளர்களும் போட்டியிடுவதால் வாக்கு எண்ணிக்கையின்போது ஒவ்வொரு வேட்பாளருக்கும் எவ்வளவு வாக்கு என கணக்கிட்டு மொத்த வேட்பாளர்களது வாக்கு எண்ணிக்கையும் சேர்த்து முடிவுஅறிவிக்கப்படும். வேட்பாளர்கள் அதிக எண்ணிக்கையில் இருப்பதால் பிற தொகுதியை விட சுற்று எண்ணிக்கை அறிவிக்க கூடுதல் நேரம் பிடிக்கும்.,இன்று காலை 8மணிக்கு முதலில் தபால் வாக்குகள்எண்ணிக்கை நடைபெறும்.பின்னர் 8.30மணிக்கு பாதுகாப்பு அறையில் இருந்து வாக்குசாவடி எண் வாரியாக மின்னணுவாக்குப்பதிவு இயந்திரங்கள் எடுத்து வரப்படும். வாக்குஎண்ணும் அறையில் கரூர் எம்பி தொகுதிக்குட்பட்ட கரூர், அரவக்குறிச்சி, கிருஷ்ணராயபுரம், திண்டுக்கல் மாவட்டம் வேடசந்தூர், திருச்சி மாவட்டம் மணப்பாறை, புதுக்கோட்டை மாவட்டம் விராலிமலை தொகுதி என 6தொகுதிக்கும் தலா 14மேஜைகள் போட்டுள்ளன. மேஜை ஒன்றுக்கு தலா3பேர் அதாவது உதவியாளர், மேற்பார்வையாளர், நுண்பார்வையாளர் என3பேர் வாக்குஎண்ணும்பணியில் ஈடுபடுகின்றனர். எம்பி தொகுதிக்கும், அரவக்குறிச்சி சட்டமன்ற தொகுதிக்கும் என 386பேர் எண்ணிக்கையில் ஈடுபடுகின்றனர். ஒரு சுற்று முடிந்ததும் உதவித்தேர்தல் நடத்தும் அலுவலர், பார்வையாளர் அமர்ந்திருக்கும்மேஜைக்கு கொண்டுவந்து சரிபார்ப்பு முடிந்ததும் முடிவுகள்அறிவிக்கப்படுகிறது. இதுதவிர ஒவ்வொரு சட்டமன்ற தொகுதியிலும்  ஐந்துவாக்குசாவடிகள் வீதம் குலுக்கல் முறையில் விவிபாட் இயந்திரம் (யாருக்கு வாக்களித்தோம்என்பதை வாக்காளர் அறியும் கருவி)  தேர்வுசெய்து அதில்உள்ள சீட்டுக்கள் எண்ணப்படும். விவிபாட் சீட்டு மற்றும் இயந்திர வாக்கு இரண்டும் ஒப்பிட்டுப்பார்க்கப்படும். இதில் ஏதேனும் வித்தியாசம் இருந்தால் விவிபாட்வாக்குகளே இறுதியாக எடுத்துக்கொண்டு சேர்க்கப்படும்எம்பி தொகுதியில் இடம்பெற்றுள்ள வேடசந்தூர் 22சுற்றுக்கள், அரவக்குறிச்சி 18சுற்றுக்கள், கரூர், கிருஷ்ணராயபுரம் 19சுற்றுக்கள், மணப்பாறை 24சுற்றுக்கள், விராலிமலை 19சுற்றுக்களாக எண்ணிக்கை நடைபெறுகிறது. அரவக்குறிச்சி சட்டமன்ற இடைத்தேர்தலில் 63வேட்பாளர்கள் என்பதால் பெரிய ஹால் ஒதுக்கப்பட்டு அங்குவாக்கு எண்ணிக்கை நடைபெறுகிறது. இங்கு 14மேசைகள் போடப்பட்டு 18சுற்றுக்களாக வாக்குஎண்ணிக்கை நடைபெறுகிறது.வாக்குஎண்ணிக்கைபார்வையாளர்களான ஹரிபிரதாப்சாஹி, அரவக்குறிச்சி தொகுதி, கரூர், கிருஷ்ணராயபுரம், வேடசந்தூர், பிரசாந்த்குமார், மணப்பாறை, விராலிமலை வினித் ஆகியோர் கண்காணிப்பில் எண்ணிக்கை நடைபெறுகிறது.  துணை ராணுவப்படையினர் 2கம்பெனி ஈடுபட்டுள்ளனர். உள்ளூர் போலீசார், தமிழ்நாடு சிறப்புக்காவல் படைபோலீசார், துணை ராணுவப்படையினர் என மூன்றடுக்குப் பாதுகாப்பு போடப்பட்டுள்ளது. இதில் 1200 போலீசார் ஈடுபட்டுள்ளனர்.

கரூர் காமராஜர் சாலையில் பேட்ஜ் ஒர்க் செய்யாததால் பாதசாரிகள் கடும் அவதி

கரூர், மே 23: கரூர் நகராட்சி பகுதியில் சாலைபோடுவதும்அதில் குழிபறித்து சேதமாக்குவதும்தொடர்ந்து நடைபெற்றுக்கொண்டிருக்கிறது.கரூர் நகராட்சிபகுதியில் பாதாள சாக்கடை இணைப்பு,குடிநீர்இணைப்பு போன்றவற்றில் பழுது ஏற்படுவதும், புதிய இணைப்பு கொடுப்பதும் நடைபெற்று வருகிறது. இப்பணிகளை முடித்ததும் சாலைகளை அமைப்பு பணிகளை மேற்கொள்ளாமல் பலஇடங்களில் போடப்பட்ட சாலையை குழிபறித்து நகராட்சியே சேதமாக்கி வருகிறது. கரூர் காமராஜர் சாலையில் புதிதாக தார்ச்சாலை அமைக்கப்பட்டிருந்தது.எனினும் பணி செய்வதற்காக குழிபறிக்கப்பட்டது.பின்னர் அந்த இடத்தில் மட்டும் தார்ச்சாலை அமைப்பதற்காக ஜல்லிகற்கள் கொட்டி வைக்கப்பட்டிருக்கிறது. இதன்மீது தார்பூச்சு பேட்ஜ்ஒர்க் செய்யப்படாததால் பாதசாரிகளும். இருசக்கர வாகனஓட்டிகளும் அவதிப்படுகின்றனர். பேட்ஜ் ஒர்க் செய்து தார்சாலையை விரைவில் அமைக்கவேண்டும் என பொதுமக்கள் எதிர்பார்க்கின்றனர்.

நொய்யல் குறுக்கு சாலை ஆற்றுப்பாலத்தில் மின்விளக்குகள் அமைக்கப்படுமா?

க.பரமத்தி, மே.22: கரூர், ஈரோடு மாவட்டங்களை இணைக் கும் நொய்யல் குறுக்கு சாலை ஆற்றுப் பாலத்தில் மின் விளக்குகள் அமைக்கப்படுமா? என்ற நீண்ட நாள் எதிர் பார்ப்பில் வாகன ஓட்டிகள் உள்ளனர். கரூர், கொடுமுடி செல்லும் நெடுஞ்சாலையில் 21 கி.மீ. தொலைவில் நொய்யல் குறுக்கு சாலை பேருந்து நிறுத்தம் அமைந்துள்ளது. இதன் அருகே கரூர், ஈரோடு மாவட்டங்களின் எல்லைப் பகுதியாக நொய்யல் குறுக்கு சாலையில் நொய்யல் ஆற்றுப்பாலம் உள்ளது. 1955ம் ஆண்டு ரூ.3.21 லட்சத் தில் கட்டி முடிக்கப்பட்டு உடனடியாக பயன் பாட்டுக்கு வந்த இந்த பாலத்தில் அன்று முதல் இன்று வரை மின் விளக்குகள் அமைக்கப் படவில்லை. இதனால் இரவு நேரத்தில் இப்பாலத்தின் வழியாக வரும் அனைத்து வாகன ஓட்டிகளும், இரவில் நடந்து செல்லும் பொது மக்களும் பெரிதும் அவதிப் பட்டு வருகின்றனர். இவ்வாறு 60 ஆண்டுகளுக்கு மேலாக மின் விளக்குகள் இல்லாததை பொதுப்பணித்துறையும், வேட்டமங்கலம் ஊராட்சியும் கண்டு கொள்ளவில்லை என பொது மக்கள் இந்த வழியாக செல்லும் இரு சக்கர, நான்கு சக்கர வாகன ஓட்டிகள் வேதனையுடன் தெரிவிக்கின்றனர்.இரவு வேளையில் இருள் நிறைந்து காணப்படும் இப்பாலத்தின் வழியாகச் செல்வோரிடம் வழிப் பறி கொள்ளை நடக்க வாய்ப்புள்ளது. மேலும், பாலத் தின் மேல் பகுதியில் மின் விளக்குகள் இல்லாததால், பாலத்தின் அடியில் செல்லும் ஆற்றுப் பகுதிகளில் சமூக விரோத செயல்கள் அரங்கேறுவதாக விவசாயிகள் பலர் குறை கூறுகின்றனர். இது குறித்து வாகன ஓட்டிகள் பாதசாரிகள் சிலர் கூறுகையில், இந்த பாலம் கட்டப்பட்டு 60ஆண்டாகி விட்டது. இதன் தடுப்பு சுவர்களில் உள்ள கான் கிரீட்கள் பல்வேறு இடங்களில் உதிர்ந்து விட்டது. இதை சீரமைக்கப் படுவதுடன் பாலம் பகுதி இரவில் வெளிச்சம் இன்றி இருள் நிறைந்து காணப்ப டுவதால் பாலத்திற்கு அடியில் குடிமகன்களின் கூடாரமாக மாறி வருகிறது. எனவே பாலத்தில் மின் விளக்குகள் அமைக்க வேண்டும் அதோடுகுறு கிய பாலமாக உள்ளதால் இரவு நேரத்தில் பாலத்தை கடக்கும் போது சைக்கிளில் செல்வோர் பலரும் சற்று பயத்துடன் கடக்க வேண்டியுள்ளது என் றனர். எனவே பாலத்தில் மின் விளக்குகள் அமைக்க சம்பந்தப் பட்ட அதிகாரிகள் முன் வர வேண்டும் என இரு சக்கர, நான்கு சக்கர வாகன ஓட்டிகள் நீண்ட நாள்காளக எதிர்பார்க்கின்றனர்.

அரசு பாலிடெக்னிக்கில் சேர 24ம் தேதி கலந்தாய்வு நடக்கிறது

கரூர், மே 22: அரசு பாலிடெக்னிக்கில் சேர கலந்தாய்வு 24ம்தேதி நடைபெறுகிறது. காணியாளம்பட்டி அரசு பாலிடெக்னிக் கல்லூரியில் மாணவர் சேர்க்கைக்கான கலந்தாய்வு வரும் 24ம்தேதி (வெள்ளி) நடைபெறுகிறது.2ம் ஆண்டில் நேரடி மாணவர்சேர்க்கைக்காக 85இடங்கள் உள்ளன. இதில் பிளஸ்2மற்றும் ஐடிஐ முடித்த மாணவர்களை நேரடியாக சேர்க்க கலந்தாய்வு 24ம்தேதி காலை 9மணிமுதல் மாலை 4மணிவரை கல்லூரி வளாகத்தில் நடைபெறுகிறது. இதற்காக ஏற்கனவே விண்ணப்பித்த மாணவர்களின் விண்ணப்பங்கள் பரிசீலனை செய்யப்பட்டு, தகுதியான மாணவர்களுக்கு தனித்தனியாக அழைப்புக்கடிதம் அனுப்பப்பட்டுள்ளது. அழைப்புக்கடிதம் கிடைத்தவர்கள் மற்றும் கிடைக்காதவர்கள் தங்களின் தகுதிக்கான அனைத்து அசல் சான்றிதழ்கள் மற்றும் சேர்க்கைக்கட்டணம் ஆகியவற்றுடன் கலந்தாய்வில் கலந்துகொள்ளலாம் என கல்லூரி முதல்வர் தேன்மொழி தெரிவித்துள்ளார்.