Perambalur - Dinakaran

ஏடிஎம் இயந்திரத்தில் பணம் எடுக்கும்போது தகராறு 2 பேர் கைது

ஜெயங்கொண்டம், மே 17: ஜெயங்கொண்டம் அருகே ஏடிஎம் இயந்திரத்தில் பணம் எடுக்கும்போது ஏற்பட்ட தகராறில் ஒருவரை தாக்கிய 2 பேர் கைது செய்யப்பட்டனர். அரியலூர் மாவட்டம் ஜெயங்கொண்டம் அண்ணாநகரை சேர்ந்தவர் இன்பசேகரன் (28). இவருக்கும் புதுக்குடி கிராமத்தை சேர்ந்த ராயர் மகன் அஜித்குமார் (21) என்பவருக்கும் ஜெயங்கொண்டம் சன்னதி தெருவில் உள்ள தனியார் வங்கியில் ஏடிஎம்மில் பணம் எடுக்கும்போது வாக்குவாதம் ஏற்பட்டது. இதில் அஜித்குமாரும். அதே ஊரை சேர்ந்த அவரது உறவினர் விக்னேஷ் (22) ஆகியோர் சேர்ந்து இன்பசேகரனை தாக்கி கொலை மிரட்டல் விடுத்தனர். இதில் காயமடைந்த இன்பசேகரனை அருகில் இருந்தவர்கள் மீட்டு ஜெயங்கொண்டம் அரசு மருத்துவமனையில் சேர்த்தனர். இதுகுறித்து ஜெயங்கொண்டம் காவல் நிலையத்தில் இன்பசேகரன் புகார் செய்தார். சப்இன்ஸ்பெக்டர் வசந்த் வழக்குப்பதிந்து அஜித்குமார், விக்னேஷ் ஆகியோரை கைது செய்து விசாரித்து வருகிறார்.

அண்ணாமலை பல்கலைக்கழக தொலைதூர படிப்பு மையத்தில் மாணவர் சேர்க்கை துவக்கம் விண்ணப்பங்கள் விநியோகம்

பெரம்பலூர், மே 17:  அண்ணாமலைப் பல்கலைக்கழக தொலைதூரக் கல்வி இயக்ககத்தின்  பெரம்பலூர் படிப்பு மையத்தில், 2019-2020ம் கல்வி ஆண்டிற்கான விண்ணப்பப்  படிவங்கள் விற்பனை மற்றும் மாணவர் சேர்க்கைக்கான தொடக்க விழா நேற்றுகாலை  நடைபெற்றது. அண்ணாமலைப் பல்கலைக்கழக தொலைதூரக் கல்வி இயக்ககத்தின்   பெரம்பலூர் படிப்பு மையத்தில், பிஏ, பி.எஸ்சி, பி.காம், பி.எல்.ஐ.எஸ், எல்.  எல்.பி, எம்ஏ, எம்.எஸ்.சி, எம்.காம், எம்பிஏ, எம்சிஏ, எல்.எல்.எம்,  எம்.எல்.ஐ.எஸ் மற் றும் அனைத்து பட்டயம் முதுநிலை பட்டயப்  பாடப்பிரிவுகளுக்கும் சேர்க்கை நடந்து வருகிறது. இந்நிலையில் 2019- 2020ம் கல்விஆண்டிற்கான விண்ணப்ப படிவங்கள் விற்பனை மற்றும் மாண வர்  சேர்க்கைக்கான தொடக்கவிழா நேற்று காலை பெரம்பலூர் படிப்பு மைய த்தில்  நடைபெற்றது. பெரம்பலூர் படிப்பு மைய அலுவலர்கள்  குமார், நல்லுசாமி ஆகியோர் முன்னிலை வகித்தனர். படிப்பு மைய பொறுப்பு  அலுவலர் காமராஜ் தலைமை வகித்தார். விழாவில்  ஓய்வு பெற்ற பெரம்பலூர்  நல்லாசிரியர் கோவிந்தன் கலந்துகொண்டு, 2019-2020 ஆம் கல்வி ஆண்டிற்கான  விண்ணப்பப் படிவங்கள் விற்பனை மற்றும் மாணவர் சேர்க்கை யை தொடங்கி வைத்துப்  பேசினார். படிப்புமைய அலுவலர்கள் ராஜா, சரவணன், மாலா, தமிழரசி  உள்ளிட்ட பலரும் கலந்து கொண்டனர்.

சங்குப்பேட்டை மாரியம்மன் கோயிலில் புதிய தேர் வெள்ளோட்டம்

பெரம்பலூர், மே 17: பெரம்பலூர் சங்குப்பேட்டை முத்து மாரியம்மன் கோயிலுக்கு புதிதாக செய்யப்பட்டுள்ள தேர் வெள்ளோட்டம் நேற்று நடந்தது. பெரம்பலூர் நகராட்சியின் 11, 12, 13வது வார்டுகள் உள்ளடங்கிய சங்குப்பேட்டை பகுதியில்  முத்து மாரியம்மன் கோயில் உள்ளது. இந்த கோயிலுக்காக ரூ.23 லட்சம் மதிப்பில் புதிதாக தேர் செய்ய கடந்த வாரம் சிறப்பு பூஜைகள் செய்யப்பட்டது. இந்நிலையில் நேற்று தேர் வெள்ளோட்ட விழா நடந்தது. மாரியம்மன் கோயிலில் புறப்பட்ட தேர் வெள்ளோட்டம் 11, 12, 13வது வார்டுகளில் சுற்றி வந்து சங்குப்பேட்டை, ரோவர் வளாகம், விளாமுத்தூர் சாலை வழியாக மீண்டும் கோயிலை வந்தடைந்தது. தேர் வெள் ளோட்ட விழாவில் பெரம்பலூர், துறைமங்கலம், பாளையம், குரும்பலூர், லாடபுரம், எசனை, மேலப்புலியூர், சிறுவாச்சூர் உள்ளிட்ட பல்வேறு பகுதிகளை சேர்ந்த ஆயிரக்கணக்கான பக்தர்கள்  பங்கேற்றனர்.

விவசாயிகள் தங்களின் விளை பொருட்களை மதிப்புக்கூட்டி விற்பனை செய்தால் கூடுதல் வருமானம் பெறலாம் வேளாண்மை இயக்குனர் அறிவுறுத்தல்

பெரம்பலூர், மே 17: தமிழ்நாடு வேளாண்மைத் துறையின் வேளாண்மை இய க்குனர் தட்சிணாமூர்த்தி பெரம்பலூர் மாவட்ட வேளாண்மைத் துறைமூலம் செயல்படுத்தப்படும் பல்வேறு திட்டப்ப ணிகள் குறித்து நேரில் ஆய்வுசெய்தார். பெரம்பலூர் மாவட்ட வேளா ண்மைத் துறைமூலம் செயல்படுத்தப்ப டும் பல்வேறு திட்டப்பணிகள் குறித்து தமிழ்நாடு வேளாண்மைத் துறையின் வேளாண்மை இயக்குனர் தட்சிணாமூர்த்தி இரூர், செங்குணம், பேரளி ஆகிய 3 கிராமங்களில் நேரில் ஆய்வுசெய்தார். ஆலத்தூர் தாலுகா, இரூர் கிராமத்தில் நடமாடும் மண்பரிசோதனை நிலையத்தின் சிறப்புமுகாமில் கலந்து கொண்டு, விவசாயிகளுக்கு மண் பரிசோதனை முடிவுகளை வழங்கினார். இந்த நிகழ்ச்சியின் போது விவசா யிகள் மண் மாதிரி முடிவுகளின் அடிப்ப டையில் உரமிடுவதால் உரச் செலவி னை குறைப்பதுடன், மண் வளத்தினையும் மேம்படுத்தலாம் என தெரிவித்தார். மேலும் இக்கிராமத்தில் தேசிய மண்வள இயக்கத்தின் மூலம் நடைபெற்ற மண் மாதிரிகள் சேகரிப்பு முகாமினை பார்வையிட்டார். மேலும் இதே பகுதியில் கோடை உழவுப் பணிகளை ஆய்வுசெய் யும் பொழுது, விவசாயிகள் கோடை உழவு செய்வதன் மூலமாக, தீமை செய்யும் பூச்சிகளின் கூட்டு ப்புழுக்கள்  மற்றும் முட்டைகளை அழிப்பதுடன், மண்ணின் நீர்ப்பிடிப்புத் தன்மையையும் மேம்படுத்தலாம் என தெரிவித்தார்.பின்னர் பெரம்பலூர் தாலுகாவிற்கு உட்பட்ட செங்குணம் கிராமத்தில் செல்வ ராஜ் என்ற விவசாயியின் மக்காச்சோள வயலில் படைப்புழு தாக்குதலைக் கட்டுப்படுத்த அமைக்கப்பட்ட இனக்கவர்ச்சி ப்பொறி செயல்விளக்கத் திடலினை ஆய்வு செய்தார். அப்போது  விதைகள் விதைப்பதற்கு முன்பே ஹெக்டேருக்கு 12 எண்ணி க்கை வீதம் இனக்கவர்ச்சி பொறிகள் வைப்பதன்மூ லம் இயற்கையான முறையில், தாய் அந்துப்பூச்சிகளை கவர்ந்து அழித்துவிட லாம். ஒருகிலோ மக்காச்சோள விதை க்கு, 10கிராம் வீதம்  பேவேரியா பேசி யானா என்ற பூஞ்சணத்தை கலந்து, விதை நேர்த்தி செய்வதன் மூலம் இப் பூச்சிகளை கட்டுப்படுத்தலாம். மக்கா ச்சோளம் விதைக்கும் போது அதனுடன் வயல் ஓரங்களில் தட்டைப்பயிறு ஆமணக்கு, சூரியகாந்தி, சாமந்திப்பூ ஆகி யவற்றை விதைப்பதன்மூலம் படைப்புழு வின் தாக்குதலை குறைக்கலாம் எனத் தெரிவித்தார். குன்னம் தாலுக்காவிற்கு உட்பட்ட பேரளி கிராமத்தில் நீடித்த நிலையான மானாவாரி மேம்பாட்டு இயக்கத்தின் கீழ் அமைக்கப்பட்டுள்ள, விவசாய விளை பொருட்களை மதிப்புக் கூட்டும் மையத்தி னை, தமிழ்நாடு ஆய்வுசெய்தார். அப்போது விவசாயிகள் தங்களின் விளை பொருட்களை மதிப்பு க்கூட்டி விற்பனை செய்வதன் மூலமாக கூடுதல் வருமானம் பெற கேட்டுக்கொண்டார். பெரம்பலூர் மாவட்ட  வேளாண்மைத் துறை இணை இயக்குனர் இளவரசன் உள்ளிட்ட வேளாண்மைத்துறை அதிகாரிகள் பலரும் கலந்து கொண்டனர்.

காய்ச்சல், வயிற்று போக்கு ஏற்பட்டால் அரசு ஆரம்ப சுகாதார நிலையத்தில் சிகிச்சை பெற்று கொள்ள வேண்டும் டெங்கு ஒழிப்பு விழிப்புணர்வு முகாமில் அறிவுரை

தா.பழூர், மே 17: காய்ச்சல், வயிற்றுப்போக்கு ஏற்பட்டால் அரசு ஆரம்ப சுகாதார நிலையத்தில் உடனடியாக சிகிச்சை பெற்று கொள்ள வேண்டுமென டெங்கு ஒழிப்பு விழிப்புணர்வு முகாமில் பொதுமக்களுக்கு அறிவுரை வழங்கப்பட்டது. அரியலூர் மாவட்டம் தா.பழூர் அரசு ஆரம்ப சுகாதார நிலையத்தில் டெங்கு ஒழிப்பு விழிப்புணர்வு முகாம் நடந்தது. சுகாதார ஆய்வாளர் கிருஷ்ணமூர்த்தி பேசுகையில், டயர், பிளாஸ்டிக் பொருட்கள், தேங்காய் சிரட்டை, சிமென்ட் தொட்டியில் தேங்கியிருக்கும் தண்ணீரால டெங்கு காய்ச்சலை உண்டாக்கும் ஏடிஎஸ் கொசுக்கள் உற்பத்தியாகும். எனவே நீர் தேக்கி வைத்துள்ள பாத்திரங்களை கொசு புகுந்து முட்டை விடாதவாறு மூடி வைக்க வேண்டும். நீர் தேக்கி வைத்தால் தொட்டிகளை வாரம் ஒருமுறை பிளீச்சிங் பவுடர் கொண்டு கழுவி சுத்தம் செய்து பயன்படுத்த வேண்டும். காய்ச்சல், வயிற்றுப்போக்கு ஏற்பட்டால் உடனடியாக அருகில் உள்ள ஆரம்ப சுகாதார நிலையத்தில் சிகிச்சை பெற்று கொள்ள வேண்டும். சுய வைத்தியம் எடுத்து கொள்ளக்கூடாது. கொசு கடிக்காமல் பார்த்து கொள்ள வேண்டும். குடிநீரை காய்ச்சி கொதிக்க வைத்து ஆற வைத்து வடிகட்டி பருக வேண்டும் என்றார். முகாமில் வட்டார வளர்ச்சி அலுவலர் பஞ்சாபிகேசன், ஜாகிர் உசேன், மண்டல துணை வட்டார  வளர்ச்சி அலுவலர் கிருஷ்ணமூர்த்தி, அல்லிராணி, மருத்துவ அலுவலர் சரவணன்,  சுகாதார ஆய்வாளர் கிருஷ்ணமூர்த்தி, செவிலியர்கள், பணியாளர்கள்,  பொதுமக்கள், தூய்மை பணியாளர்கள் பங்கேற்றனர். தா.பழூர் ஊராட்சி செயலர் இளங்கோவன் நன்றி கூறினார்.

பாடாலூரில் சாலையை கடக்க முயற்சி கார் மோதி ஓய்வுபெற்ற தலைமை ஆசிரியர் பலி போக்குவரத்து பாதிப்பு

பாடாலூர், மே 17: ஆலத்தூர் தாலுகா பாடாலூரில் திருச்சி- சென்னை தேசிய நெடுஞ்சாலையை கடக்க முயன்றபோது கார் மோதி ஓய்வுபெற்ற தலைமை ஆசிரியர் பலியானார். இதனால் சிறிது நேரம் போக்குவரத்து பாதிக்கப்பட்டது. ஆலத்தூர் தாலுகா பாடாலூர் பொன்நகர் பகுதியை சேர்ந்தவர் சீனிவாசபெருமாள் (69). ஓய்வுபெற்ற தலைமை ஆசிரியர். இவர் நேற்று மாலை பாடாலூர் பஸ் நிறுத்தம் பகுதியில் சைக்கிளில் திருச்சி- சென்னை தேசிய நெடுஞ்சாலையை கடக்க முயன்றார். அப்போது திருநெல்வேலியில் இருந்து சென்னை நோக்கி சென்ற கார் அவர் மீது மோதியது. இதில் படுகாயமடைந்த அவரை மீட்டு திருச்சியில் உள்ள ஒரு தனியார் மருத்துவமனைக்கு கொண்டு சென்றனர். ஆனால் செல்லும் வழியிலேயே இறந்தார். விபத்து குறித்து பாடாலூர் போலீசார் வழக்குப்பதிந்து விசாரணை நடத்தி வருகின்றனர். இந்த விபத்தால் திருச்சி- சென்னை தேசிய நெடுஞ்சாலையில் சிறிது நேரம் போக்குவரத்து பாதிக்கப்பட்டது.

குரும்பலூர் அரசு கல்லூரியில் மாணவர் சேர்க்கை கவுன்சலிங் தேதி மாற்றம்

பெரம்பலூர், மே 17: நிர்வாக காரணங்களால் குரும்பலூர் அரசு கல்லூரியில் 20ம் தேதி நடக்கும் கவுன்சலிங் தேதியில் மாற்றம் செய்யப்பட்டுள்து. வருகிற 30ம் தேதி கவுன்சலிங் துவங்குகிறது. பெரம்பலூர்- துறையூர் சாலையில் குரும்பலூர் பகுதியில் இயங்கி வந்த பாரதிதாசன் பல்கலைக்கழக உறுப்பு கல்லூரி 13 ஆண்டுகளுக்கு பிறகு அரசு கல்லூரியாக தரம் உயர்த்தப்பட்டு நடப்பாண்டு முதல் நடைமுறைக்கு வந்துள்ளது. இந்த கல்லூரியில் 7 கலைப்பிரிவு, 7 அறிவியல் பிரிவு என மொத்தம் 14 இளங்கலை பட்ட வகுப்பு, 6 முதுகலை பட்ட வகுப்பு, 8 பிஎச்டி பட்ட வகுப்புகள் உள்ளன. நடப்பாண்டு கல்லூரியில் உள்ள 14 இளநிலை பட்ட வகுப்புகளின் மாணவர் சேர்க்கைக்கான விண்ணப்பங்கள் கடந்த 10ம் தேதி வரை நடந்தது. இந்நிலையில் குரும்பலூர் அரசு கல்லூரிக்கு கூடுதல் (பொ) முதல்வராக நியமிக்கப்பட்டுள்ள முசிறி அரசு கல்லூரி முதல்வர் ராஜ்குமார் தெரிவித்திருப்பதாவது: குரும்பலூர் அரசு கல்லூரியில் நடப்பாண்டு 14 இளநிலை பட்ட வகுப்புகளின் மாணவர் சேர்க்கைக்கான விண்ணப்ப விநியோகம் 10ம் தேதியோடு முடிவடைந்தது. 660 மாணவர் சேர்க்கைக்கு 1,300 விண்ணப்பங்கள் விநியோகிக்கப்பட்டுள்ளன. இதையடுத்து வருகிற 20ம் தேதி முதல் 24ம் தேதி வரை அறிவியல், கலைப்பிரிவு பாடங்களுக்கு கவுன்சலிங் நடத்தப்படுமென அறிவிக்கப்பட்டிருந்தது. இந்நிலையில் நிர்வாக காரணங்களுக்காக கவுன்சலிங் நடைபெறும் தேதிகளில் மாற்றம் செய்யப்பட்டுள்ளது. இதன்படி வருகிற 30ம் தேதி பிஎஸ்சி கணிதம், கணினி அறிவியல், கணினி பயன்பாட்டியல், வேதியியல், இயற்பியல், உயிர் தொழில் நுட்பவியல், நுண்ணுயிரியல் பாடப்பிரிவுகளுக்கும், ஜூன் 1ம் தேதி பிஏ வரலாறு, பிகாம் வணிகவியல், பிபிஏ மேலாண்மையியல் பாடப்பிரிவுகளுக்கும், 3ம் தேதி பி.லிட் தமிழ், பிஏ ஆங்கிலம், சுற்றுலாவியல், சமூகப்பணி பாடப்பிரிவுகளுக்கும், 4ம் தேதி காலியாகவுள்ள அனைத்து பாடப்பிரிவுகளுக்கும் கவுன்சலிங் நடத்தப்படுகிறது. குறிப்பிட்டுள்ள தேதிகளில் வர இயலாதவர் தங்களுக்கான சேர்க்கையை பெற இயலாது. இவ்வாறு ராஜ்குமார் தெரிவித்துள்ளார்.

லாரி வாங்குவதில் முன்விரோத தகராறில் வாலிபரை தாக்கியவர் கைது

ஜெயங்கொண்டம், மே 17: ஜெயங்கொண்டம் அருகே லாரி வாங்குவதில் ஏற்பட்ட முன்விரோத தகராறில் வாலிபரை தாக்கியவர் கைது செய்யப்பட்டார். ஜெயங்கொண்டம் அருகே லாரி வாங்குவதில் ஏற்பட்ட முன்விரோத தகராறில் ஒருவரை போலீசார் கைது செய்தனர். ஜெயங்கொண்டம் அருகில் உள்ள கோரியம்பட்டி பாண்டியன் மகன் ரமேஷ் (27). இவர் சொந்தமாக லாரி வாங்கி ஓட்டி வருகிறார். இவருக்கும் அதே ஊரை சேர்ந்த மோகன் மகன் அருண்குமாருக்கும் (20) லாரி வாங்குவது சம்பந்தமாக முன்விரோத தகராறு இருந்து வந்தது. இந்நிலையில் நேற்று முன்தினம் கோரியம்பட்டி பஸ்ஸ்டாப் அருகே ரமேஷ் நின்று கொண்டிருந்தார். அப்போது ரமேஷை அருண்குமாரும், வேல்ருகனும் திட்டி தாக்கினர். இதில் காயமடைந்த ரமேஷ், ஜெயங்கொண்டம் அரசு மருத்துவமனையில் சிகிச்சை பெற்று வருகிறார். இதுகுறித்து சப் இன்ஸ்பெக்டர் வசந்த் வழக்குப்பதிந்து அருண்குமாரை கைது செய்து விசாரித்து வருகிறார்.

குண்டும், குழியுமாக மாறிய எறையசமுத்திரம்- அய்யலூர் சாலை விரைந்து சீரமைக்க கோரிக்கை

பெரம்பலூர், மே 17: பெரம்பலூர் அருகே  குண்டும் குழியுமாக உள்ள எறைய  சமுத்திரத்திலிருந்து  அய்யலூர் செல்லும் சாலை சீரமைக்க  பொதுமக்கள், சமூக ஆர்வலர்கள் கோரிக்கை விடுத்துள்ளனர். பெரம்பலூர் ஊராட்சி ஒன்றியத்துக்கு உட்பட்ட கல்பாடி  ஊராட்சியைச் சேர்ந்தது எறைய சமுத்திரம் கிராமம். இவ்வூரிலி ருந்து  சிறுவாச்சூர் அருகே உள்ள அய்யலூர் கிராமம் வரை  சுமார் 2 கிலோ மீட்டர்  தூரத்திற்கு பெரம்பலூர் ஊராட்சி ஒன்றியத்தின் கட்டுப்பாட்டிலுள்ள   கிராமப்புறச் சாலை உள்ளது. கடந்த சில ஆண்டுகளுக்கு முன்பு போடப்பட்டு,  தற்போது குண்டும், குழியுமான சாலையால் கனரக வாகனங்கள் முதல்,  இருசக்கர வாகன ஓட்டிகள் வரை தினமும் திண்டாடியபடி சென்று  வருகின்றனர். குறிப்பாக இருசக்கர வாகன ஓட்டிகள் சாலையில்  பெயர்ந்து  கிடக்கும் ஜல்லிக் கற்களில் சறுக்கி விடுவதும் சகஜமாகி விட்டது. தினமும்  சிறுசிறு காயங்களை ஏற்படுத்தி வரும் இந்தச் சாலை மிகப்பெரிய உயிர்ப்பலி  விபத்தை  ஏற்படுத்தும் முன்பாக,  பெரம்பலூர் ஊராட்சி ஒன்றிய நிர்வாகம்  விரைந்து சீரமைத்துத் தரப்பட வேண்டுமென, கல்பாடி எறைய  சமுத்திரம், அய்யலூர், சிறுவா ச்சூர் உள்ளிட்ட சுற்று வட்டார கிராமப் பொது  மக்கள் மற்றும் சமூக ஆர்வலர்கள் வேண்டுகோள் விடுத்துள்ளனர்.

அடிக்கல் நாட்டி 367 நாட்களாகிறது சிறுவாச்சூரில் ஆமை வேகத்தில் நடக்கும் தரைவழி மேம்பாலம் அமைக்கும் பணி விரைந்து முடிக்கப்படுமா? பொதுமக்கள் எதிர்பார்ப்பு

பெரம்பலூர், மே 17: அடிக்கல் நாட்டி 367 நாட்களான நிலையில் சிறுவாச்சூர் தரைவழி மேம்பாலம் அமைக்கும் பணிகள் ஆமை வேகத்தில் நடந்து வருகிறது. மேலும் உயிர்ப்பலி ஏற்படும் முன் பணிகளை விரைந்து முடிக்க  வேண்டுமென பொதுமக்கள், சமூக ஆர்வலர்கள் கோரிக்கை விடுத்துள்ளனர். திருச்சி- சென்னை தேசிய நெடுஞ்சாலையில் பெரம்பலூர் அருகே சிறுவாச்சூரில் ரூ.13.03 கோடி மதிப்பில் தரைவழி மேம்பாலம் அமைப்பதற்கான அடிக்கல் நாட்டு விழா கடந்தாண்டு மே 14ம் தேதி நடந்தது. தேசிய நெடுஞ்சாலைகள் ஆணைய திட்ட இயக்குனர் சங்கரசுப்ரமணியன், பெரம்பலூர் எம்பி மருதராஜா, கலெக்டர் சாந்தா முன்னிலையில் மத்திய கப்பல் போக்குவரத்து மற்றும் நிதித்துறை இணை அமைச்சர் பொன் ராதாகிருஷ்ணன் பங்கேற்று சிறுவாச்சூர் தரைவழி மேம்பாலம் கட்டுவதற்கான திட்டத்துக்கு அடிக்கல் நாட்டி வைத்தார். அப்போது பொன் ராதாகிருஷ்ணன் பேசும்போது, நாட்டின் மொத்த பயணிகள் போக்குவரத்தில் 80 சதவீத போக்குவரத்தும், மொத்த சரக்கு போக்குவரத்தில் 65 சதவீத சரக்கு போக்குவரத்தும் 2 சதவீத தேசிய நெடுஞ்சாலையில் தான் நடந்து வருகிறது. இந்த சாலை வசதியை 2 மடங்காக உயர்த்த வேண்டும் என்பதே இந்த துறையின் கேபினட் அமைச்சர் நிதின் கட்கரிக்கு பிரதமர் மோடி அறிவித்த இலக்காகும். அதோடு தேசிய நெடுஞ்சாலையின் தரத்தை உயர்த்த வேண்டும். விபத்துகளின் எண்ணிக்கையை குறைக்க வேண்டும்.உலகத்தில் தலைசிறந்த சாலை போக்குவரத்தாக இந்திய சாலை போக்குவரத்து திகழ வேண்டும் என்றார். ஆனால் சிறுவாச்சூர் மேம்பாலத்துக்கு அடிக்கல் நாட்டப்பட்டு 367 நாட்களாகி விட்டது. அடிக்கல் நாட்டு விழா முடிந்த பிறகு சர்வீஸ் சாலைகளை அமைப்பதற்கே ஓராண்டாகிவிட்டது.  சிறுவாச்சூர் பஸ் நிறுத்தம் பகுதியில் நடந்த விபத்துகளில் 3 ஆண்டுகளில் 10 பேர் இறந்துள்ளனர். 22 பேர் படுகாயமடைந்துள்ளனர். 3 ஆண்டு கணக்கெடுப்பின் அடிப்படையில் தான் இப்பகுதி பிளாக் ஸ்பாட் என அறிவிக்கப்பட்டு தரைவழி மேம்பாலம் அமைக்கப்படுகிறது. 12 மீட்டர் அகலம், 5.50 மீட்டர் உயரம், வடக்கே 161.30 மீட்டர் நீளம், தெற்கே 355.95 மீட்டர் மற்றும் 402.56 மீட்டர் நீளமும் இருக்கும் என தெரிவிக்கப்பட்டது. சர்வீஸ் சாலைக்கே ஓராண்டு என்றால் மேம்பாலம் அமைக்க எத்தனை ஆண்டு ஆகுமோ என தெரியாத நிலையில் மேலும் விபத்துகள் தொடர்ந்தால் உயிர்ப்பலி எண்ணிக்கை அதிகரிக்கும் அபாயம் ஏற்பட்டுள்ளது. இதன் காரணமாக தரைவழி மேம்பாலம் அமைக்கும் பணிகளை ஆமை வேகத்தில் நடத்தாமல் விரைந்து துவங்கி முடிக்க வேண்டுமென மத்திய அரசுக்கு சிறுவாச்சூர் பொதுமக்கள், சமூக ஆர்வலர்கள் கோரிக்கை விடுத்துள்ளனர்.

நிலக்கடலை பயிருக்கு சொட்டுநீர் பாசனம் அமைக்க மானியம்

ஜெயங்கொண்டம், மே 16: தமிழ்நாட்டில் சரியான நேரத்தில் போதிய அளவு மழை இல்லாத காரணத்தால் நிலத்தடி நீர் மட்டம் குறைந்து வறட்சியான சூழல் நிலவி வருகிறது. ஜெயங்கொண்டம் வட்டாரத்தில் கிணறு மற்றும் ஆழ்துளை கிணறுகளில் உள்ள நீரை கொண்டு பயிர் சாகுபடி மேற்கொள்ளும் விவசாயிகள் சொட்டு நீர் பாசனம் அமைத்து சாகுபடி மேற்கொண்டால், தண்ணீரை சேமிப்பதுடன் மகசூலையும் அதிகரித்துலாபம்அடையலாம். நிலக்கடலை, மக்காச்சோளம், கரும்பு, தென்னை போன்ற பயிர்களுக்கு நுண்ணீர்ப்பாசனம் அமைக்கலாம். சொட்டுநீர் பாசனம், தெளிப்பு நீர் பாசனம் மற்றும் மழைதூவான் போன்ற நுண்ணீர் பாசன முறைகளைக் கொண்டு சாகுபடி செய்வது தண்ணீரை சேமிப்பதுடன் பயன்படுத்தப்படும் தண்ணீர் முழுவதும் பயிருக்குக் கிடைக்க வழிவகை செய்கிறது. இதனால் பயிர் ஒரே சீரான வளர்ச்சியை அடைந்து அதிக மகசூல் கிடைக்கும். மேலும், பயிருக்குத் தேவைப்படும் உரப் பரிந்துரை அளவுகளில் 75 சத நீரில் கரையும் உரங்களை மட்டும் சொட்டுநீர் உரப்பாசன முறையில் அளிக்கலாம். இதனால்  உரச்செலவு குறைவதுடன் இடப்படும் உரங்கள் அனைத்தும் பயிருக்கு முழுமையாக சென்றடைகிறது.  40 சத நீர் சேமிக்கப்படுவதுடன் மகசூலும் இரு மடங்கு அதிகரிக்கும். இப்பாசன முறைகளில் கூடுதல் சாகுபடி பரப்பில் சாகுபடி மேற்கொள்ளலாம். நுண்ணீர் பாசனம் அமைக்கும் சிறு, குறு மற்றும் இதர விவசாயிகளுக்கு அரசு மானியம் வழங்குகிறது. எனவே, விவசாயிகள் அனைவரும் இத்திட்டத்தில் சேர்ந்து பயனடையும்படி ஜெயங்கொண்டம் வட்டார வேளாண்மை உதவி இயக்குநர்(பொ) சுப்ரமணியன் அழைப்பு விடுத்துள்ளார்.  மேலும் தக்கைப்பூண்டு விதைகள் ஜெயங்கொண்டம் வட்டார வேளாண் விரிவாக்க மைய கிடங்கில் மானியத்தில் விநியோகம் செய்யப்பட்டு வருகிறது. நெல் சாகுபடிக்கு முன் இதை விதைத்து வயலில் மடக்கி உழுவதன் மூலம் பயிருக்கு தேவையான தழைச்சத்து போதிய அளவு கிடைக்கும். மண் வளமும் மேம்படும். எனவே, விவசாயிகள் அனைவரும் இந்த வாய்ப்பை பயன்படுத்தி பயனடையுமாறு விவசாயிகளை கேட்டுக் கொண்டுள்ளார்.

கோடைகால இருப்பிட பயிற்சி முகாம் மாணவ,மாணவியருக்கு சான்றிதழ் டிஆர்ஓ வழங்கினார்

பெரம்பலூர்,மே16: பெரம்பலூரில் நடந்த கோடைகால இருப்பிடப் பயிற்சிமுகாம் நிறைவுவிழாவில் மாவட்ட வருவாய்அலுவலர் அழகிரிசாமி மாணவ, மாணவியருக்கு சீருடை மற்றும் சான்றிதழ்கள் வழங்கினார். தமிழ்நாடு விளையாட்டு மேம்பாட்டு ஆணையத்தின் சார்பில் உலகத்திறனாளர் கள் கண்டறியும் திட்டத்தின்கீழ் பெரம்பலூர் மாவட்ட அளவில் கடந்த 15 நாட்களாக நடைபெற்ற இருப்பிட பயிற்சி முகாமின் நிறைவுவிழா நேற்று(15ம்தேதி) நடைபெற்றது. நிகழ்ச்சியில் பெரம்பலூர் மாவட்டவருவாய்அலுவலர் அழகிரிசாமி  விளையாட்டு வீரர்,வீராங்கனைகளுக்கு சீருடைகள் மற்றும் சான்றிதழ் கள் வழங்கிப் பாராட்டினார். தமிழ்நாடு விளையாட்டு மேம்பாட்டு ஆணையத்தின் சிறப்புத் திட்டங்களில் ஒன் றான உலகத்திறனாளர்கள் கண்டறியும் திட்டத்தின்கீழ் 30 சிறுவர், மற்றும் 30 சிறுமி யருக்கு கடந்த 15நாட்களாக பெரம்பலூர்மாவட்ட விளையாட்டு மைதான வளாகத்தில் உண்டு, உறைவிட பயிற்சிமுகாம் சிறப்பாக நடத்தப்பட்டது.காலை,மாலை இருவே ளைகளிலும் சிறந்த பயிற்றுநர்களைக் கொண்டு பயிற்சி அளிக்கப்பட்டது. சத்தான உணவும் வழங்கப்பட்டது. விளையாட்டு வீரர், வீராங்கனைகளுக்கு உத்வேகம் அளிக் கும் வகையில் பயிற்சிப்பட்டறை நடத்தப்பட்டது.   இந்த பயிற்சிமுகாமில் மாவட்ட விளையாட்டுஅலுவலர் ராமசுப்ரமணிய ராஜா, தடகளப் பயிற்றுநர் கோகிலா, கைப்பந்துப் பயிற்றுநர் வாசுதேவன், டேக்வாண்டோ பயிற்றுநர், தர்மராஜன், செட்டிக்குளம் உடற்கல்வி ஆசிரியர் அன்பரசு, குன்னம் அரசு மகளிர் மேல்நிலைப்பள்ளி செந்தில்குமார் ஆகியோர்  சிறப்புப் பயிற் சிகளை அளித்தனர். மேலும், ஆய்வாளர் ரஞ்சனா, தேசிய தடகளவீரர் இளங்கோ, சிறப்புரையாளர் வைரவன் ஆகியோர் பயிற்சிப்பட்டறை நடத்தினர். மேலும் கைப்பந்து பயிற்றுநர் வாசுதேவன், டேக்வாண்டோ பயிற்றுநர் தர்மரா ஜன் உள்ளிட்டப் பலரும் கலந்துகொண்டனர்.

பெரம்பலூர் போலீசாரை கண்டித்து வழக்கறிஞர் சங்கத்தினர் நீதிமன்ற புறக்கணிப்பு

பெரம்பலூர், மே 16: பெரம்பலூரில் அதிமுக முக்கியப் பிரமுகர்மீது பாலியல் புகார் கூறிய வழக்கறிஞர் அருளை குண்டர் சட்டத்தின்கீழ் கைதுசெய்த காவல்துறையைக் கண்டித்து பெரம்பலூரில் வழக்கறிஞர்கள் சங்கத்தினர் நீதிமன்றங்களை புறக்கணித்து, ஆர்ப்பாட்டத்தில் ஈடுபட்டனர். பெரம்பலூர் மாவட்டத்தில் அதிமுக முக்கியப் பிரமுகர்மீது பாலியல் புகார்கூறிய வழக்கறிஞர் அருள் என்பவரை குண்டர் தடுப்புக்காவல் சட்டத்தின்கீழ் கைதுசெய்த காவல் துறையைக் கண்டித்து, பெரம்பலூரில் வழக்கறிஞர் வள்ளுவன்நம்பி தலைமை யில் இயங்கிவரும் பெரம்பலூர் வழக்கறிஞர்கள் சங்கத்தினரும், வழக்கறிஞர் முகமது இலியாஸ் தலைமையில் இயங்கிவரும் அட்வகேட் அசோசியேசன் சங்கத்தினரும் கடந்த 14ம்தேதிமுதல் நாளை 17ம்தேதிவரை நீதிமன்ற புறக்கணிப்புப் போராட்டத்தை அறிவித்து நீதிமன்றப் புறக்கணிப்பில் ஈடுபட்டு வருகின்றனர்.இந்நிலையில் நேற்று பெரம்பலூர் புதுபஸ் ஸ்டாண்டு பகுதியில் வழக்கறிஞர் அருளைக் குண்டர் தடுப்புக் காவல் சட்டத்தின்கீழ் கைதுசெய்த பெரம்பலூர் மாவட்ட காவல் துறையைக் கண்டித்தும், வழக்கறிஞர் அருளை விடுதலைசெய்ய வலியுறுத்தியும் அட்வகேட் அசோசியேசன் சங்கத்தலைவர் முகமதுஇலியாஸ் தலைமையில் 2 சங்கங்க ளைச்சேர்ந்த வழக்கறிஞர்கள் ஆர்ப்பாட்டத்தில் ஈடுபட்டனர். இதில் அட்வகேட் அசோ சியேன் சங்கத்தின் செயலாளர் துரை, மூத்த வழக்கறிஞர்கள் மணிவண்ணன், தமிழ்ச் செல்வன், பெரம்பலூர் வழக்கறிஞர்சங்க முன்னாள் தலைவர் கோவிந்தராஜ், முன்னாள் செயலாளர் புகழேந்தி, குமரவேல், செல்வம், தங்கதுரை, சீனிவாசன், செந்தாம ரைக் கண்ணன், சிவராமன், சின்னப்பா, இந்திராகாந்தி உள்ளிட்ட 50க்கும் மேற்பட்ட வழக்கறிஞர்கள் இந்த ஆர்ப்பாட்டத்தில் கலந்துகொண்டன

டூ வீலரில் சென்றவர் வேன் மோதி பலி

அரியலூர், மே 16: அரியலூர் மாவட்டம், திருமானூர் அருகேயுள்ள பளிங்காநத்தம் கிராமத்தை சேர்ந்தவர் மணி மகன் மணிகண்டன் (45), இவர் நேற்றுமுன்தினம் (14ம்தேதி) ஏலாக்குறிச்சி சாலையில், விழுப்பணங்குறிச்சியிலிருந்து திருமானூரை நோக்கி தனது டூவீலரில் வந்து கொண்டிருந்தார். அப்போது, விழுப்பணங்குறிச்சி வளைவில் எதிரே வந்த லோடு ஆட்டோ மோதியதில் பலத்த காயமடைந்த மணிகண்டன் தஞ்சை மருத்துவ கல்லூரி மருத்துவ கல்லூரியில் சேர்க்கப்பட்டு சிகிச்சை பலனின்றி  இறந்தார். இந்த சம்பவம் தொடர்பாக திருமானூர் போலிசார் வழக்கு பதிவு செய்து தப்பியோடிய வேன் டிரைவர் ஏலாக்குறிச்சியை சேர்ந்த சிவானந்தம் என்பவரை தேடிவருகின்றனர்.

விளையாட்டு விடுதியில் சேர டேக்வாண்டோ தேர்வு போட்டி பெரம்பலூரில் நடந்தது

பெரம்பலூர்,மே.16: பெரம்பலூரில் விளையாட்டு விடுதியில் சேர்வதற்கான மாநில அளவிலான டேக்வாண்டோ தேர்வுப்போட்டிகள் நேற்றுநடந்தது. மாநிலஅளவிலிருந்து 35மாணவ,மாணவியர் பங்கேற்பு. 10வகைகளில் போட்டிகள் நடத்தப்பட்டது. தமிழ்நாடு விளையாட்டு மேம்பாட்டு ஆணையத்தின் சார்பாக மாநிலம் முழுவ தும் செயல்படுத்தப்பட்டு வரும் அரசு விளையாட்டு விடுதிகளின் 2019-2020 கல்வி யாண்டின் சேர்க்கைக்கான மாநில அளவிலான டேக்வாண்டோ விளையாட்டு தேர்வுப் போட்டிகள் பெரம்பலூர் மாவட்ட விளையாட்டு மைதான வளாகத்தில் நேற்று நடை பெற்றது. தமிழக அளவில் பள்ளி மாணவ, மாணவியருக்கான விளையாட்டு விடுதிகள் பல்வேறு இடங்களில் உள்ளன. இதில் டேக்வாண்டோ போட்டிகளுக்கென ஆண்களுக்கு கடலூர், கிருஷ்ணகிரி ஆகிய மாவட்டங்களிலும், பெண்களுக்கு பெரம்பலூர் மாவட்டத்திலும் மட்டுமே விடுதிவசதி உள்ளது.     இந்த விடுதிகளில் டேக்வாண்டோ வீரர், வீராங்கனைகள் சேர்ந்து அரசு சலுகை யில் சிறந்த பயிற்சி பெறுவதற்காக ஏற்கனவே தமிழகத்திலுள்ள 32 மாவட்டங்களில் நடத் தப்பட்ட மாவட்ட அளவிலான முதல்கட்ட தேர்வுப்போட்டிகளில் தேர்ச்சி பெற்ற மாணவர் கள் 26 பேர், மாணவிகள் 9பேர் எனமொத்தம் 35பேர் கலந்து கொண்டனர். இந்தத் தேர்வுப் போட்டிகளை பெரம்பலூர் மாவட்டவிளையாட்டுஅலுவலர் ராம சுப்ரமணியராஜா நடத்தினார். தமிழ்நாடு விளையாட்டு மேம்பாட்டு ஆணையத்தின் மேற்பார்வையாள ராக சேலம் மாவட்ட விளையாட்டு அலுவலர் ஞானசுகந்தி கலந்து கொண்டார். தேர்வுக் குழுவில் கிருஷ்ணகிரி மாவட்ட டேக்வாண்டோ பயிற்சியாளர் ராஜகோபால், பெரம்பலூர் மாவட்ட டேக்வாண்டோ பயிற்சியாளர் தர்மராஜன்,  தமிழ்நாடு டேக்வாண்டோ சங்கத்தின் இணைச்செயலாளர் ஜோதிபாசு, பெரம்பலூர் மாவட்ட உடற்கல்வி ஆய்வாளர் விஜயன் ஆகியோர் செயல்பட்டனர்.இதில் கலந்துகொண்ட 35 மாணவ, மாணவியருக்கும் சான்றிதழ்கள் சரிபார்க்கப்பட்டு 10 வகையான அடிப்படையில் தேர்வுப்போட்டிகள் நடத்தி வீரர் வீராங்கனைக ளுக்கு நேர்முகத் தேர்வுகளும் நடத்தப்பட்டது. இதில் மாணவ, மாணவியர் பெற்றுள்ள மதிப்பெண்கள் அடிப்படையில் தரவரிசைப்பட்டியல் தயாரித்து தமிழ்நாடு விளையாட்டு மேம்பாட்டு ஆணைய தலைமைஅலுவலகத்திற்கு அனுப்பிவைக்கப்படும். அடுத்தகட்ட மாக தமிழகஅளவில் காலியாகவுள்ள இடத்திற்கு தரவரிசைஅடிப்படையில் பூர்த்திசெய் யப்படுவார்கள் என விளையாட்டுத்துறை சார்பாகத் தெரிவிக்கப்பட்டுள்ளது.

மக்காச்சோளத்தை தாக்கும் படைப்புழுக்களை கட்டுப்படுத்துவது எப்படி? விவசாயிகளுக்கு யோசனை

பெரம்பலூர், மே 16: மக்காச்சோளத்தை தாக்கும் படைப்புழுக்களை கட்டுப்படுத்துவது எப்படி? என பெரம்பலூர் கலெக்டர் சாந்தா யோசனை தெரிவித்துள்ளார். படைப்புழு உள்ளிட்ட புழுத் தாக்குதல்களைக் கட்டுப்படுத்த விவசாயிகள் தங்கள் வயல்களில் கோடை உழவுசெய்ய வேண்டுமென பெரம்பலூர் மாவட்ட கலெக்டர் சாந்தா வேண்டுகோள் விடுத்துள்ளார். இதுகுறித்து அவர் தெரிவித்துள்ளதாவது: பெரம்பலூர் மாவட்டம், வேப்பந்தட்டை, பெரம்பலூர், வேப்பூர், ஆலத்தூர் வட்டாரங்களில் கடந்தாண்டு 61,625 எக்டர் பரப்பளவில் முதன்முறையாக மக்காச்சோளப்பயிரில் படைப்புழுதாக்குதல் காணப்பட்டது. இந்த படைப்புழு, மக்காச்சோளப் பயிர்கள் மட்டுமல்லாமல் பருத்தி, எண்ணெய் வித்துப்பயிர்கள், கரும்பு, காய்கறிப் பயிர்கள் உள்ளிட்ட 80 வகையான பயிர்களைத் தாக்கக் கூடியது. சென்ற பருவத்தில் மக்காச் சோளத்தை தாக்கிய படைப்புழுக்களின் கூட்டுப்புழுக்களில் இருந்து வரும் அந்துப் பூச்சிகளின் இனப் பெருக்கத்தினாலேயே பயிர்களில் தாக்குதல் ஏற்படுகிறது.தற்போது பெய்துவரும் கோடை மழையினைப்பயன்படுத்தி கோடை உழவு செய்வதன் மூலம் இந்த கூட்டுப்புழுக்களை அழித்துவிடலாம். கோடைஉழவு செய்வதன்மூலம் மண்ணின் உட்பகுதியில் உள்ள படைப்புழுவின் கூட்டுப்புழுக்கள் மண்ணின் மேற்பகுதிக்கு வருவதால் வெப்பம் தாங்காமல் இறந்துவிடும்.  பறவைகள் இவற்றை உண்பதாலும் அதிக வெப்பம் காரணமாகவும் அழிக்கப்படுகின்றன. இரவு நேரங்களில் சொக்கப்பனை கொளுத்தி தாய் அந்துப் பூச்சி களைக் கவர்ந்து அழிக்கலாம். கோடை உழவுசெய்த நிலங்களில் விதைப்பதற்கு முன் கடைசி உழவில் எக்டேருக்கு 250 கிலோ வேப்பம் புண்ணாக்கு உழவுசாலில் இடுவதால் கூட்டுப்புழுவிலிருந்து தாய் அந்துப்பூச்சிகள் வெளிவருவதைத் தடுக்கலாம். பருவ மழைக்குப்பின்பு மானாவாரி நிலங்களில் விதைப்பு செய்யும்போது, ஒரே ரகத்தைக் கொண்டு, ஒரேசமயத்தில் விதைப்புசெய்யும் நிலங்களில் தட்டைப்பயறு, ஆமணக்கு, சூரியகாந்தி மற்றும் சாமந்தி போன்ற பயிர்கள் ஊடுபயிராகவும், வரப்பு பயிராகவும் சாகுபடி செய்ய வேண்டும். படைப்புழுக்கள், விதைப்பு செய்த ஒருவார காலத்திற்குள், அதாவது செடிகள் வெளி வந்தவுடன் இலைகளில் முட்டைக் குவியல்களை இடுவதால் விதைப்பதற்கு முன்பாக, பெவேரியா பேசியான் என்ற உயிரின காரணியை ஒரு கிலோ விதைக்கு 10 கிராம் என்றஅளவில் விதைநேர்த்திசெய்து விதைக்க வேண்டும். பருவமழை வந்தவுடன் படைப்புழுவின் கூட்டுப்புழுவிலிருந்து தாய் அந்துப்பூச்சிகள் வெளிவந்து இளஞ்செடிகளில் முட்டைக் குவியல்களை இடுவதற்கு வாய்ப்பு இருப்பதால் கூட்டுப் புழுவிலிருந்து வெளிவரும் தாய் அந்துப் பூச்சிகளை இனக்கவர்ச்சி பொறிவைத்து கவர்ந்து அழிக்க, ஹெக்டருக்கு 12 இனக்கவர்ச்சி பொறி அமைக்க வேண்டும். விதைப்புசெய்த மக்காச் சோளப் பயிரில் விதைத்த 7 நாட்களில் இளஞ்செடியின் இலைகளின் மேல்பகுதியிலும், கீழ்ப்பகுதியிலும், இடப்பட்டுள்ள முட்டை இடுவதைத்தடுக்க அசாடிராக்டின் 1சதவீத  மருந்தினை 2மிலி.லிட் தண்ணீர்என்றஅளவில் இலைகளின்மீது தெளிப்பதால் முட்டை இடுவது தடுக்கப்படுகிறது. மேலும், வளர்ந்த செடிகளில் 15முதல் 20 நாட்களில் வளர்ந்த படைப் புழுக்களை கட்டுப்படுத்த மெட்டாரைசியம் அனிசோபிலே என்ற பூஞ்சானக் கொல்லி மருந்தை ஹெக்டருக்கு 4 கிலோ வீதம் தெளித்து கட்டுப்படுத்தலாம். இதுபோன்ற மேலாண்மை முறைகளைக் கடைபிடித்து கட்டுப்படுத்த முடியாத வளர்ந்த லார்வா புழுக்களைக் கட்டுப்படுத்த ரசாயன பூச்சிக்கொல்லி மருந்தான ஸ்மினோசிட் 12 எஸ்பி 0.5மிலி.லிட் அல்லது இமாமெக்டின் பென்சோயேட் 5எஸ்ஜி 0.4 கிராம் அல்லது தயோடிகார்ப் 75 டபுள்யூ.பி லிட்டருக்கு 2கிராம் என்றஅளவில் கரும்பு அழுக்குடன் கலந்துதெளித்து கட்டுப்படுத்த வேண்டும் என தெரிவித்துள்ளார்.

முகநூலில் முதல்வர், துணைமுதல்வரை விமர்சித்தவர் கைது

அரியலூர், மே 16: தமிழக முதல்வர் எடப்பாடி பழனிசாமி மற்றும் துணை முதல்வர் பன்னீர்செல்வம் ஆகியோர் குறித்து அரியலூரை சேர்ந்த வழக்கறிஞர் முரளி (45) என்பவர் படங்களுடன் முகநூலில் அவதூறாக விமர்சித்து வந்துள்ளார். இதனையடுத்து, அவர் மீது அதிமுக நிர்வாகி லோகராஜ் கொடுத்த புகாரின் பேரில், அரியலூர் போலீசார் நேற்று முரளியை கைது செய்து விசாரணை மேற்கொண்டு வருகின்றனர்.

சிறுவாச்சூர் மதுரகாளியம்மன் கோயிலில் 23ல் தேரோட்டம்

பெரம்பலூர்,மே16:      பெரம்பலூர் அருகே சிறுவாச்சூரில் மதுரகாளியம்மன் கோயில் உள்ளது. சிலப்பதிகார காலத்தில் தவறான அரசநீதியால் கணவனை இழந்த ஆத்தி ரத்தில் மதுரையை எரித்த கண்ணகி, சுற்றித் திரிந்துவந்த நிலையில் சிறுவாச்சூரில் வந்துதங்கி இளைப்பாறியபோது சினம் தனிந்ததாகக் கூறப்படுகிறது. கண்ணகியின் சினம் தனித்த ஸ்தலமாகவும், ஆதிசங்கரர் வழிபாடு செய்ததும், ஊமையும், செவிடும் நீக்கும் சக்திநாயகியாய் நின்று அருளுவதும், மலடுநீக்கி மக்கட்பேறு அளிக்கும் வரப் பிரசாத அன்னையாய் சிறந்துநிற்பதும், பேய், பிசாசு, ஏவல், பில்லி, சூனியம் போன்ற வற்றின் இடர் அகற்றுவதுமான இனிய சக்திதெய்வமாய் விளங்கும் மதுரகாளியம்மன் குடி கொண்டுள்ள இந்தக்கோயிலின் தேரோட்டம் வரும் 23ம்தேதி நடக்கிறது.இதனையொட்டி கடந்த 7ம்தேதி பூச்சொரிதழ்விழா இரவு 11மணிக்குத் தொடங்கி 8ம்தேதிகாலை 10மணிவரை விமரிசையாக நடந்தது. இதனைத்தொடர்ந்து நேற்று முன்தினம் 14ம்தேதி (செவ்வாய்க்கிழமை) காப்புகட்டுதல் நடைபெற்றது. இதனையொ ட்டி 14ம்தேதி நள்ளிரவு 12மணிக்கு சிறுவாச்சூருக்கு மேற்கேயுள்ள  பெரிய சாமி மலையில் குடிகொண்டுள்ள   செல்லியம்மனுக்கு காப்புகட்டப்பட்டது. பின்னர் நேற்று(15ம்தேதி)அதிகாலை 4மணிக்கு  மதுரகாளியம்மனுக்கு காப்பு கட்டுதல் நடைபெற்றது.இதற்கான ஏற்பாடுகளை இந்துசமய அறநிலையத்துறை உதவிஆணையர் முரு கையா, மதுரகாளியம்மன் திருக்கோவில் செயல்அலுவலர் பாரதிராஜா மற்றும் சிறு வாச்சூர் கிராம முக்கியஸ்தர்கள் ஆகியோர் செய்திருந்தனர். நேற்று 15ம்தேதி சந்தி மறித்தல் நடந்தது. இன்று(16ம்தேதி)குடிஅழைத்தல், நாளை 17ம்தேதி சிவவழிபாடு, 18ம்தேதி பெருமாள் வழிபாடு, 19ம்தேதி மாரியம்மன் வழிபாடு, 20ம்தேதி அய்யனார் வழிபாடு, 21ம்தேதி மலைவழிபாடு, 22ம்தேதி திருக்கல்யாணம் நடக்கிறது. 23ம்தேதி திருத்தேர் வடம்பிடித்தல் நடக்கிறது.

மக்கள் நீதிமன்ற கட்சியைதடை செய்ய வலியுறுத்தல்

ஜெயங்கொண்டம், மே 16: ஜெயங்கொண்டத்தில்  இந்து முன்னணி செயற்குழு கூட்டம் நேற்று நடைபெற்றது. கூட்டத்திற்கு இந்து முன்னணி மாவட்ட துணை தலைவர் பழனிச்சாமி தலைமை வகித்தார். மாவட்ட துணை தலைவர் ரமேஷ், மாவட்ட செயலாளர் திருமூர்த்தி ஆகியோர் முன்னிலை வகித்தனர். கூட்டத்தில் அரவக்குறிச்சி சட்டமன்ற தொகுதி இடைத்தேர்தலுக்காக கரூர் மாவட்டம் பள்ளப்பட்டியில் கடந்த 12ம் தேதி அன்று  மக்கள் நீதி மைய கட்சி தலைவர் கமல்ஹாசன்  தேர்தல் பிரசாரத்தில் ஈடுபட்டார்  அப்போது இந்தியாவின் முதல் தீவிரவாதி இந்து எனக் கூறிய கமல்ஹாசனின் மக்கள் நீதி மைய கட்சியை தடை செய்ய கோரியும் இந்து மதத்தை பற்றி அவதூறாக பேசியதற்கு வன்மையாக கண்டித்தும் மதக்கலவரத்தை தூண்டும் வகையில் கமலஹாசன் முயற்சிக்கிறார். அதனால் மக்கள் நீதி மைய கட்சியினை தடைசெய்ய வேண்டுமென இந்து முன்னணி சார்பில் தீர்மானம் நிறைவேற்றப்பட்டது.

ஐடிஐ படித்து சான்றிதழ் பெற்றவர்கள் அகில இந்திய தொழில் பழகுனர் தொழில்தேர்வு எழுத அழைப்பு

பெரம்பலூர், மே 16: தொழிற் பயிற்சி நிலையங்களில் பயின்று தொழிற்பழகுநர் சான்றிதழ் பெற்றவர்கள் அகில இந்திய தொழிற்பழகுநர் தொழிற்தேர்வில் கலந்து கொள்ள விண்ணப்பிக்கலாம். இதுகுறித்து பெரம்பலூர் மாவட்டக் கலெக்டர் சாந்தா தெரிவித்திருப்பதாவது : பெரம்பலூர், அரியலூர் மாவட்டங்களில் மத்தியஅரசு வழங்கும், தேசிய தொழிற் பழகுநர்சான்றிதழ் பெறும்பொருட்டு தொழிற்பயிற்சிநிலையங்களில் குறிப்பிட்ட தொழிற் பிரிவுகளில் பயின்று தேசியசான்றிதழ் பெற்று இதேபிரிவில் தனிநபராக அகில இந்திய தொழிற் பழகுநர் தொழிற்தேர்வில் கலந்துகொள்ள விண்ணப்பிக்கலாம்.ஐ.டி.ஐ-யில் படித்து தேசிய தொழிற்பயிற்சி சான்றிதழ் பெற்றவர்கள், தொழில் பழகுநர் பயிற்சியை தொழிற்சாலைகளில் முடிக்காதவர்கள், தொழிற்பழகுநர் பயிற்சி வழங்கும் பட்டியலில் இடம்பெற்றுள்ள நிறுவனங்களில் நேரடியாக குறைந்தபட்சம் அனுபவம் பெற்றவர்கள், மத்திய அரசின் தொழிற்பழகுநர் சான்றிதழ்பெற விருப்பம் உள்ளவர்கள் தனி விண்ணப்ப தாரர்கள் பணியாளர்களுக்காக மத்திய அரசு நடத்தும் தொழிற் பழகுநர் தேர்வில் கலந்துகொள்ள விண்ணப்பிக்கலாம்.இதற்கான ஆன்லைன் தேர்வுகள் வருகிற 29ம்தேதி முதல் 31ம்தேதி வரையும், பாடவாரியான எழுத்துத்தேர்வுகள் ஜூன் மாதம் 11ம்தேதி பொறியியல் வரைபடம் காலை 9.30மணிக்கும், 12ம்தேதிமுதல் 14ம்தேதிவரை காலை 9.30மணிக்கும் செய்முறைத் தேர்வுகள் நடைபெறும். பெரம்பலூர் மாவட்ட வேலைவாய்ப்புத்துறை அலுவலக வளாகத்தின் முதல்தளத்திலுள்ள மாவட்ட திறன் பயிற்சிஅலுவலக உதவி இயக்குநரை தொடர்புகொண்டு விபரம்அறியலாம். தேர்ச்சிபெற்ற பயிற்சியாளர்களுக்கு மத்திய அரசின் தொழிற்பழகுநர் சான்றிதழ் வழங்கப்படும். விண்ணப்பங்களை மாவட்ட திறன் பயிற்சி உதவிஇயக்குநரை அணுகி பெற்று தட்டச்சு செய்து விபரங்களை பூர்த்திசெய்து மாவட்ட திறன்பயிற்சி அலுவலகங்களில் தாங்கள்பணிபுரியும் நிறுவனம் வழியாக மட்டுமே சமர்ப்பிக்க வேண்டும்.தேர்வுக்கட்டணம் ரூ.200 ஆகும். மாவட்ட கருவூலக செலுத்துசீட்டு மூலம்0230-00-Labour & Employment 800other receipt AC >  Craftsman  Training Scheme 27 Non Taxation for 13 Examination. (DPCO - 023000800AC2713) என்ற கணக்கு தலைப்பில் தொகை செலுத்தவேண்டும். இதுதொடர்பான மேலும் விபரங்களுக்கு மாவட்ட திறன் பயிற்சி அலுவலக தொலைபேசி எண் 04328-225532 மற்றும் செல்போன் எண்கள் 7010785477, 9488311578, 6380071947 ஆகியவற்றில் தொடர்புகொள்ள வேண்டுமென கேட்டுக்கொள் ளப்படுகிறது.