Pudukottai - Dinakaran

கடந்த 2 ஆண்டுகளில் 32,471 மாணவ, மாணவிகளுக்கு இலவச சைக்கிள்கள் வழங்கல் கலெக்டர் தகவல்

புதுக்கோட்டை, டிச. 19: புதுக்கோட்டை மாவட்டத்தில் கடந்த 2 ஆண்டுகளில் 32,471 மாணவ, மாணவிகளுக்கு தமிழக அரசின் இலவச சைக்கிள்கள் வழங்கப்பட்டுள்ளது. இதுகுறித்து கலெக்டர் கணேஷ் வெளியிட்டுள்ள  செய்திக்குறிப்பு: புதுக்கோட்டை மாவட்டத்தில் இலவச சைக்கிள்கள்  வழங்கும் திட்டத்தின் கீழ் 2017-18  மற்றும் 2018-19 ஆம் கல்வியாண்டில்  14,055 மாணவர்களுக்கும், 18,416 மாணவியர்களுக்கும் என மொத்தம் 32,471 மாணவ, மாணவிகளுக்கு  இலவச சைக்கிள்கள்  வழங்கப்பட்டுள்ளது. இவ்வாறு அதில் கூறப்பட்டுள்ளது.

பொன்னமராவதி அருகே மின்னொளி கபடி போட்டி

பொன்னமராவதி, டிச.19: பொன்னமராவதி அருகே மணப்பட்டியில் சங்கிலியான் கபடிக்குழு மற்றும் ஊர் பொதுமக்கள், இளைஞர்கள் இணைந்து நடத்திய 3ம் ஆண்டு மின்னொளி ஒரு ஊர் கபடி போட்டி நடந்தது.இந்த போட்டிக்கு ஊர் பிரமுகர் ராஜா தலைமை வகித்தார். ஆலவயல் அழகப்பன், முன்னாள் திமுக நகர செயலாளர் ராமன் ஆகியோர் முன்னிலை வகித்தனர். புதுக்கோட்டை, சிவகங்கை, திருச்சி, திண்டுக்கல், மதுரை, தஞ்ைச ஆகிய மாவட்டங்களை சேர்ந்த 43 அணி வீரர்கள் பங்கு பெற்று கபடிவிளையாடினர். இதில் குறிஞ்சிப்பட்டி அணியினர் முதல் பரிசையும், ஏனாதி அணியினர் 2ம் பரிசையும், பெருமாநாடு அணியினர் மூன்றாம் பரிசையும், பொன்.பாரதிநகர் 4வது பரிசையும் பெற்றனர். வெற்றி பெற்ற அணியினருக்கு பரிசுகள், கோப்பைகள் வழங்கப்பட்டது.

பல்லவன் குளத்தில் இருந்து வெளியேறும் தண்ணீரை தடுக்க கோரிக்கை

புதுக்கோட்டை, டிச. 19: புதுக்கோட்டை கலெக்டர் அலுவலகத்தில் பொதுமக்கள் குறை தீர் கூட்டம் நடைபெற்றது. இதில்  கலெக்டர் கணேஷ் தலைமை வகித்து மனுக்களை பெற்றார். அப்போது புதுக்கோட்டை நகர திமுக செயலாளர் நைனாமுகமது தலைமையில் நிர்வாகிகள் அளித்த மனுவில் கூறியிருப்பதாவது:  கஜா புயலின் போது புதுக்கோட்டை பல்லவன் குளத்தில்  நீர் நிரம்பி வெளியேற தொடங்கியது. இந்த நீர் பூ மற்றும் காய்கறி மார்கெட் வழியாக வரை செல்கிறது. இதனால்  அந்த பகுதியில் வியாபாரிகள், கோயிலுக்கு செல்லும் பக்கதர்கள் தொடர்ந்து சிரமங்களை சந்தித்து வருகின்றனர். மேலும் அந்த பகுதியில் தொற்றுநோய் பரவும் அபாயம் ஏற்பட்டுள்ளது. இதனால் விரைந்து தகுந்த நடவடிக்கை எடுத்து தணீணீர் வெளியேறுவதை தடுத்து நிறுத்த வேண்டும். இவ்வாறு அதில் கூறப்பட்டுள்ளது.

ஆலங்குடியில் எச்.ராஜாவை கண்டித்து விசி கட்சியினர் ஆர்ப்பாட்டம்

ஆலங்குடி,டிச.19: ஆலங்குடி வடகாடு முக்கம் பஸ் நிறுத்தம் அருகே விடுதலை சிறுத்தைகள் கட்சி தலைவர்  திருமாவளவனை அவதூறாக  பேசிய  பாஜக தேசிய செயலாளர் எச். ராஜாவை கைது செய்யக்கோரி விசிகட்சியினர் கண்டன ஆர்ப்பாட்டத்தில் ஈடுபட்டனர்.ஆர்ப்பாட்டத்திற்கு மாவட்ட செயலாளர் சசிகலைவேந்தன் தலைமையில் ஆர்ப்பாட்டத்தில் ஈடுபட்டனர். இதில், தொகுதி செயலாளர் பாரிவள்ளல், தொகுதி துணை செயலாளர் விஜயபாஸ்கர், ஒன்றிய செயலாளர் குணசேகரன்  உள்ளிட்டோர் பலர் கலந்து கொண்டனர். கறம்பக்குடி:  விடுதலை சிறுத்தைகள் கட்சி சார்பில் பாரதிய ஜனதா கட்சி தேசிய செயலாளர்   எச். ராஜா விடுதலை சிறுத்தைகள் கட்சி தலைவர் திருமாவளவனை அவதூறாக பேசியதை கண்டித்து கறம்பக்குடி சீனிக்கடை முக்கத்தில் தெற்கு ஒன்றிய செயலாளர் செல்வரத்தினம், வடக்கு ஒன்றிய செயலாளர் வெள்ளை சக்திவேல் ஆகியோர் தலைமையில்  கண்டன ஆர்ப்பாட்டம் நடைபெற்றது

மருத்துவக்கல்லூரி எதிரே தூக்கில் அடையாளம் தெரியாத பெண் சடலம் போலீசார் விசாரணை

புதுக்கோட்டை, டிச. 19: புதுக்கோட்டை மருத்துவ கல்லூரி எதிரே உள்ள காட்டு பகுதியில் 45 வயது மதிக்க தக்க பெண் ஒருவர் மர்மான முறையில் தூக்கில் தொங்கினார். இதனால் அந்த பகுதியில் பெரும் பரபரப்பு ஏற்பட்டது. புதுக்கோட்டை மருத்துவக் கல்லூரி மெயின் கேட்டுக்கு எதிரே காட்டு பகுதி உள்ளது. அந்த பகுதிக்குள் துர்நாற்றம் வருவதாக கணேஷ் நகர் போலீசாருக்கு தகவல் கிடைத்துள்ளது. இதையடுத்து அங்கு சென்று பார்த்தபோது ஒரு பெண் இறந்த நிலையில் தூக்கில் தொங்கினார். இதனையடுத்து சடலத்தை மீட்டு பிரேத பரிசோதனைக்காக மருத்துவ கல்லூரி மருத்துவமனைக்கு அனுப்பி வைத்தனர். இறந்த பெண்ணுக்கு 45 வயது இருக்கும்  இது குறித்து தற்போது போலீசார் விசாரணை செய்து வருகின்றனர். பஸ் மீது டிப்பர் லாரி மோதல் ஒருவர் பலி: திருச்சியில் இருந்து பரமக்குடியை நோக்கி அரசு பஸ் ஒன்றுபுதுக்கோட்டை அருகே வந்துள்ளது. பஸ்ஸை பரமக்குடி பகுதியைசேர்ந்த டிரைவர் சேவியர்ராஜன் (44) ஓட்டியுள்ளார்  பஸ் புதுக்கோட்டை சிப்காட்டை அடுத்த திருவேங்கைவாசல் பிரிவுரோடுஅருகே வந்த போது பஸ்சை பின்தொடர்ந்து ஒரு டிப்பர் லாரிவந்துள்ளது. அந்த லாரியை அன்னவாசல் சாலையில் உள்ளபெருஞ்சுனையை சேர்ந்த  ராஜா (22) என்பவர் ஓட்டி வந்துள்ளார்.   பஸ்சை முந்த சென்ற டிப்பர் லாரி எதிர்பாராத விதமாகபேருந்தின் பின் பகுதியில் பலமாக மோதியது. அப்பொழுதுஅந்த இடத்தில் அமர்ந்திருந்த சேலம் மாவட்டம் பொன்குறிச்சிராசிபுரம் பகுதியை சேர்ந்த கந்தன் மகன் செந்தில் (32) என்பவர் தலைநசுங்கி சம்பவ இடத்திலே இறந்தார். மேலும் அருகே அமந்திருந்த அதே பகுதியை சேர்ந்த பழனி மகன் செந்தில்(39) தலையில் பலத்த காயம் அடைந்தார்.  இதனையடுத்து தகவல் அறிந்து சம்பவ இடத்திற்கு வந்ததிருக்கோகர்ணம் போலீசார் படுகாயம் அடைந்த செந்திலைசிகிச்சைக்காக அனுப்பி வைத்தனர். மேலும்  இறந்த செந்தில் உடலை கைப்பற்றி புதுக்கோட்டை அரசுமருந்துவ கல்லூரி மருத்துவமனைக்கு அனுப்பி வைத்து விசாரணை நடத்தி வருகின்றனர்.தலைமை ஆசிரியையிடம் 11 பவுன் செயின் பறிப்பு: புதுக்கோட்டை ஜானகி நகர் பகுதியை சேர்ந்தவர் கிருஷ்ணவேணி (50). ஆரணிப்பட்டி அரசு பள்ளியில் தலைமை   ஆசிரியராக பணியாற்றி வருகிறார். வழக்கம்போல் பள்ளிக்கு சென்றுவிட்டுநேற்று மாலை மீண்டும் புதுக்கோட்டைக்கு திரும்பியுள்ளார். வீடு அருகிலேயே நடந்து வரும் போது டூவீலரில்  ஹெல்மெட் அணிந்து வந்தமர்ம நபர்கள் அவர் அணிந்திருந்த 11 பவுன்தங்க செயினை அறுத்துச்சென்றனர். இதனையடுத்து கிருஷ்ணவேனி கத்தியுள்ளார். அக்கம் பக்கத்தில் உள்ளவர்கள் வருவதற்குள் மர்மநபர்கள் டூவீலரில்  தப்பி சென்றுள்ளனர் . இது குறித்து திருக்கோகர்ணம் போலீசார் விசாரித்து வருகின்றனர்.பைக் மோதி வாலிபர் பலி: சிவகங்கை மாவட்டம் காரைக்குடி அருகே உள்ள கோட்டையூரைச் சேர்ந்த கருப்பையா மகன் ராமநாதன்(22). தனது நண்பர்கள் 15 பேருடன் திருச்சி சமயபுரம் கோயிலுக்கு பாத யாத்திரை சென்று கொண்டிருந்தார். அப்போது திருமயத்தை அடுத்துள்ள அரசம்பட்டி அருகே சென்ற போது பின்னால் வந்த இரு சக்கர வாகனம் பாத யாத்திரை சென்ற கூட்டத்தில் மோதியது. இதில் தலையில் பலத்த காயமடைந்த ராமநாதன் ரத்த காயங்களுடன் உயிருக்கு போராடினார். இதனிடையே 45 நிமிடங்கள் கடந்த நிலையிலும் ஆம்புலன்ஸ் வராததால் ராமநாதன் சம்பவ இடத்திலேயே பரிதாபமாக இறந்தார். இதில் காயமடைந்த விஜய் (18) திருமயம் அரசு மருத்துவமனையில் சிகிச்சை பெற்று வருகிறார். விபத்து குறித்து திருமயம் போலீசார் விசாரணை நடத்தி வருகின்றனர்.கொத்தமங்கலத்தில் வீடு புகுந்து பாத்திரம் திருடியதாக 5 பேர் போலிசில் ஒப்படைப்பு: ஆலங்குடி அருகேயுள்ள கொத்தமங்கலம் பகுதியில் நேற்று விஜயன்என்பவருடைய வீட்டில் வெளிகதவு சாத்தபட்ட நிலையில், வீட்டிற்குள் இருந்து சத்தம் வந்துள்ளது.இதனைத்தொடர்ந்து, பக்கத்துவீட்டில் வசிப்பவர்கள் சென்று பார்த்தபோது விஜயன் வீட்டிற்குள் இருந்தபாத்திரங்களை ஒரு நபர் எடுத்துக் கொண்டிருப்பது தெரிந்தது. இதனைத்தொடர்ந்து, சத்தம் போட்டதால்பாத்திரம் எடுத்த நபர் அங்கிருந்து தப்பியோடியுள்ளார். அப்போது, தனது வீட்டிற்கு வந்த விஜயன் உட்பட அப்பகுதியினர் தப்பி ஓடிய நபரை விரட்டி பிடித்தனர்.  இதனைத்தொடர்ந்து விசாரணை செய்ததில் 2 பெண்கள் உள்பட 5 பேர் வந்திருப்பது தெரியவந்தது. மேலும், பிடிபட்டவர்கள் வைத்திருந்த பைகளில் சில பாத்திரங்கள் இருந்துள்ளது. மேலும், ஸ்குரூ டிரைவர் மற்றும் கட்டிங் பிளேட் உள்ளிட்ட ஆயுதங்களும் இருந்துள்ளது. அவர்களை பொதுமக்கள் விசாரித்ததில் நாகுடி கிராமத்தைச் சேர்ந்தவர்கள் என்றும், பழைய இரும்பு சேகரிக்க வந்ததாகவும்கூறியுள்ளனர். பொதுமக்கள் கீரமங்கலம் போலீசாருக்கு தகவல் கொடுத்தனர். இதுகுறித்து சம்பவ இடத்திற்கு சென்ற கீரமங்கலம் போலீசார் 5 பேரையும் காவல் நிலையத்திற்குஅழைத்துச் சென்று விசாரணை செய்து வருகின்றனர். கறம்பக்குடியில் அனுமதியின்றி மது விற்றவாலிபர் கைது: கறம்பக்குடி சீனிகடை முக்கத்தில் அனுமதியின்றி மது  விற்பதாக  போலீசாருக்கு தகவல் வந்தது. இதையடுத்து கறம்பக்குடி காவல்துறையினர் ரோந்து பணியில் ஈடுபட்டனர். அப் போது அங்கு மீன் கடை அருகே கறம்பக்குடி தென்னகர் பகுதியை சேர்ந்த வீரமணி  (27) என்பவர் மது விற்பனை செய்து கொண்டு இருந்தார். அவரிடம் இருந்து 40 மது  பாட்டில்களை பறிமுதல் செய்த  போலீசார் வீரமணியை கைது செய்து  விசாரணை நடத்தி வருகின்றனர்.

இலுப்பூர் கல்யாண வெங்கடேச பெருமாள் கோயிலி்ல் சொர்க்கவாசல் திறப்பு விழா

விராலிமலை,டிச .19: இலுப்பூர் கல்யாண வெங்கடேச பெருமாள் கோயில் மற்றும் விராலிமலை அருகே உள்ள விராலூர் பெருமாள் கோயிலில் வைகுண்ட ஏகாதசியையொட்டி சொர்க்கவாசல் திறப்பு விழா நடைபெற்றது. இலுப்பூரில் உள்ள கல்யாண வெங்கடேச பெருமாள் கோயில் இப் பகுதியில் மிகவும் பிரசித்தி பெற்ற கோயில் ஆகும். இக்கோயிலில் வைகுண்ட ஏகாதசியை யொட்டி சொர்க்க வாசல் திறப்பு நிகழச்சி நடைபெற்றது. சிறப்பு  மலர் அலங்காரத்தில் கல்யாண வெங்கடேச பெருமாள் விழா மண்டபத்தில்  எழுந்தருள நேற்று அதிகாலை கோவிந்தா கோவிந்தா என பக்தி கோஷத்துடன் சொர்க்கவாசல் வழியே மங்கள இசையுடன் வலம் வந்து பக்தர்களுக்கு அருள் புரிந்தார். ராஇலுப்பூர் மற்றும் சுற்று வட்டார பகுதியில் இருந்து திரளான பக்தாகள் வழபாட்டு நிகழச்சியில் கலந்து கொண்டு சுவாமியை வழிபாடு செய்தனர். விராலிமலை அருகே விராலூரில் ஸ்ரீதேவி பூதேவி சமேத ஸ்ரீ நிவாசபெருமாள்; கோயிலில் னிவாசப்பெருமாள் ஸ்ரீதேவி பூதேவியுடன் சொர்க்க வாசல் வழியே வந்து மங்கள இசையுடன் முக்கிய வீதிகளின் வழியாக  வலம் வந்து பக்தர்களுக்கு அருள் பாலித்தார். விழாவில் திரளானோர் பங்கேற்று வழிபட்டனர்.

நிவாரண பொருட்கள்அனைவருக்கும் வழங்க கோரி புதுக்கோட்டை மாவட்டத்தில் 29 இடங்களில் இந்திய கம்யூனிஸ்ட் கட்சியினர் உண்ணாவிரதம்

புதுக்கோட்டை,டிச.19: புதுக்கோட்டை மாவட்டத்தில் கடந்த மாதம் 15ம் தேதி நள்ளிரவு கஜாபுயல் கடுமையாக தாக்கியது. இந்நிலையில் கடந்த சில நாட்களாக மாவட்டத்தின் பல்வேறு இடங்களில் அரசு சார்பில் நிவாரண பொருட்கள் வழங்கப்பட்டு வருகிறது.  நிவாரன பொருட்கள் ஒரு சிலருக்கு மட்டும் வழங்கப்பட்டுள்ளது. மாவட்டத்தில் உள்ள அனைவருக்கும் வழங்க வேண்டும் என வலியுறுத்தி இந்திய கம்யூனிஸ்ட் கட்சி சார்பில் நேற்று மாவட்டம் முழுவதும் உண்ணாவிரத போராட்டம் நடைபெற்றது. புதுக்கோட்டை திலகர் திடலில் நடைபெற்ற  உண்ணாவிதர போராட்டத்திற்கு மாவட்ட செயலாளர் மாதவன் தலைமை வகித்தார். விவசாய சங்க மாநில தலைவர் முன்னாள் எம்எல்ஏ குனசேகரன் சிறப்புரையாற்றினார். திமுக சார்பில்  முன்னாள் எம்எல்ஏ கவிதைபித்தன், நகர செயலாளர் நைனாமுகமது உள்ளிட்ட பலர் கலந்துகொண்டனர்.  திருக்கோகர்ணம் கால்நடை மருத்துவமனை, அசோக் நகர், காமராஜபுரம் உள்ளிட்ட இடங்களில் இந்திய கம்யூனிஸ்ட் கட்சியினர் உண்ணாவிரத போராட்டத்தில் ஈடுபட்டனர். மாவட்டம் முழுவதும் இந்திய கம்யூனிஸ்ட் கட்சி சார்பில் 29 இடங்களில் நடந்த 690 பேர் உண்ணாவிதர போராட்டத்தில் கலந்துகொண்டனர்.ஆலங்குடி தாலுகா அலுவலகம்  முன்பு நடந்த உண்ணாவிரத போராட்டத்திற்கு, முத்துக்கருப்பன் தலைமை வகித்தார். கோரிக்கைகளை வலியுறுத்தி ஆலங்குடி எம்எல்ஏ மெய்யநாதன், விவசாயிகள் சங்க மாநில தலைவர் குணசேகரன், இந்திய கம்யூனிஸ்ட் கட்சி மாவட்ட செயலாளர் மாதவன், திமுக திருவரங்குளம் மேற்கு ஒன்றிய செயலாளர் தங்கமணி, இந்திய கம்யூனிஸ்ட் கட்சி ஒன்றிய செயலாளர் சொர்ணகுமார் ஆகியோர்  பேசினர்.  கந்தர்வகோட்டை பேரூந்து நிலையத்தில் நகரச் செயலாளர் தலைமையிலும், தச்சங்குறிச்சியில் விவசாயிகள் சங்க மாவட்ட துணைத்தலைவர் அம்பலராசு தலைமையிலும், புதுநகரில் மாவட்ட குழு அம்பிகாபதி தலைமையிலும், வெள்ளாளவிடுதியில் மாதர் சங்க தலைவர் புஷ்பம் தலைமையிலும் உண்ணாவிரத போராட்டம் நடைபெற்றது. கறம்பக்குடி தாலுகா அலுவலகம் முன்பு நகர செயலாளர் தலைமையில் நடைபெற்ற போராட்டத்தில் ஒன்றிய செயலாளர் சேசுராஜ் நாராயணன்  உள்ளிட்டோர் கலந்து கொண்டனர். பொன்னமராவதி அருகே உள்ள அரசமலை கணேசபுரத்தில் இந்திய கம்யூனிஸ்ட் கட்சி சார்பில் . ஒன்றியச்செயலாளர்  செல்வம் தலைமையில் உண்ணாவிரத போராட்டம் நடைபெற்றது. அன்னவாசல்  பேரூந்து நிலையத்தின் அருகே நடைபெற்ற உண்ணவிரத போராட்டத்திற்கு விவசாயிகள் சங்க ஒன்றிய செயலாளர் கணேசன் தலைமை வகித்தார். இலுப்பூர் பேருந்து நிலையம் அருகே நடைபெற்ற உண்ணாவிரத போராட்டத்திற்கு அன்னவாசல் ஒன்றிய இந்திய கம்யுனிஸ்ட் கட்சி ஒன்றிய செயலாளர் விஜயரங்கன் தலைமை வகித்தார்.

நிவாரண பொருட்கள் கேட்டு மக்கள் கலெக்டரிடம் மனு

புதுக்கோட்டை, டிச.19: : புதுக்கோட்டை கலெக்டர் அலுவலகத்தில் பொதுமக்கள் குறை தீர் கூட்டம் நேற்று நடைபெற்றது. அப்போது புதுக்கோட்டை கலெக்டர் கணேஷ்சிடம் குளத்தூர் தாலுகா தென்னதிரையன்பட்டி, ஆலங்குடிப்பட்டி பகுதியை சேர்ந்த பொதுமக்கள் கொடுத்த மனுவில் கூறியிருப்பதாவது: எங்கள் பகுதியில் உள்ள அரசியல் சார்ந்த குடும்பங்களுக்கு மட்டும் புயல் நிவாரண பொருட்கள் வழங்கப்பட்டு உள்ளது.  நிவாரண பொருட்கள் வழங்கும் இடத்திற்கு எங்களை அனுமதிக்கவில்லை. நாங்கள் அனைவரும் 100 நாள் வேலை மற்றும் தினக்கூலி செய்து வருகிறோம். எனவே எங்கள் பகுதியில் பாதிக்கப்பட்ட அனைவருக்கும் பாராபட்சமின்றி நிவாரண பொருட்கள் வழங்க கலெக்டர் நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.

அரிமளம் அருகே கீரணிப்பட்டியில் நிவாரணம் கேட்டு மக்கள் மறியல்

திருமயம், டிச.19: அரிமளம் அருகே நிவாரணம் கேட்டு கிராம மக்கள் சாலை மறியல் செய்ததால்  ஒன்றரை மணி  போக்குவரத்து பாதிக்கப்பட்டது. புதுக்கோட்டை மாவட்டம் அரிமளம், திருமயம் பகுதியில் கடந்த ஒரு வாரமாக புயலால் பாதித்த மக்களுக்கு அரசு வழங்கும் 27 பொருட்கள் அடங்கிய நிவாரணம் அதிகாரிகள், போலீசார் உதவியோடு வழங்கப்பட்டு வருகிறது.நேற்று திடீரென  நிவாரணம் வழங்க கோரி கீரணிப்பட்டி, மடத்துப்பட்ட மக்கள் கீரணிப்பட்டி ஆர்ச் எதிர்புறம் அரிமளம்-அறந்தாங்கி சாலையில் மறியல் செய்தனர். இதனை அறிந்து சம்பவ இடத்திற்கு வந்த கே.புதுப்பட்டி போலீசார் மறியல் செய்தவர்களிடம் பேச்சு வார்த்தை நடத்தினர். நாளை பாதிக்கப்பட்ட மக்கள் ஆர்ஐ அலுவலகத்திற்கு சென்று மனு கொடுங்கள்; அதன் மீது நடவடிக்கை எடுக்கவில்லை என்றால் அடுத்து உங்கள் போராட்டத்தை தொடரலாம் என போலீசார் வேண்டுகோள் விடுத்ததையடுத்து போராட்டத்தை கைவிட்டு பொதுமக்கள் கலைந்து சென்றனர். இதனால் அரிமளம்-அறந்தாங்கி சாலையில் சுமார் ஒன்றரை மணி நேரம் போக்குவரத்து பாதிக்கப்பட்டது. இதே போல் அதே கோரிக்கையை வழியுறுத்தி அரிமளம் அருகே உள்ள மிரட்டுநிலையில் நடைபெற்ற சாலை மறியலில் சுமார் 100க்கும் மேற்பட்ட மக்கள் கலந்து கொண்டனர். ஓணாங்குடி கிராம மக்கள் சாலைமறியல் செய்தனர். சம்பவ இடத்திற்கு வந்த தாசில்தார் ரமேஷ், டிஎஸ்பி தமிழ்மாறன் மக்களிடம் பேச்சுவார்த்தை நடத்தி தற்காலிகமாக சமாதானம் செய்துள்ளனர்.

விவசாயத்திற்கு மின் இணைப்பு வழங்கும் பணியினை விரைந்து முடிக்க வேண்டும் அலுவலர்களுக்கு கலெக்டர் உத்தரவு

புதுக்கோட்டை, டிச.19: விவசாய மின் இணைப்பு வழங்கும் பணியினை விரைந்து முடிக்க வேண்டும் என மின்வாரிய அலுவலர்களுக்கு உத்தரவிட்டு இருப்பதாக கலெக்டர் கூறினார். புதுக்கோட்டை மாவட்டத்தில் கஜா புயலால் பாதிக்கப்பட்ட விவசாய மின் இணைப்புகளை விரைந்து வழங்குவது குறித்து அரசு அலுவலர்களுடனான ஆலோசனை கூட்டம் புதுக்கோட்டை கலெக்டர் அலுவலகத்தில் நடைபெற்றது. கூட்டத்திற்கு கலெக்டர் கணேஷ் தலைமை வகித்தார். கூட்டத்தில் மாவட்ட வருவாய் அதிகாரி ராமசாமி, எஸ்பி செல்வராஜ் மற்றும் மின்சார வாரிய அதிகாரிகள் பலர் கலந்து கொண்டனர். கலெக்டர் கணேஷ் கூறுகையில், புதுக்கோட்டை மாவட்டத்தில் கஜா புயலினால் ஏற்பட்ட பாதிப்புகளில் இருந்து பொதுமக்களை மீட்டெடுக்கும் வகையில் தமிழக அரசு மேற்கொண்ட போர்க்கால அடிப்படையில் மீட்பு பணிகள் காரணமாக புதுக்கோட்டை மாவட்ட மக்களின் இயல்பு வாழ்க்கை திரும்பி உள்ளது.பொதுமக்களின் அடிப்படை தேவைகளான குடிநீர், வீடுகளில் மின்சாரம், அத்தியவாசிய பொருட்கள் உள்ளிட்ட அடிப்படை தேவைகள் கிடைக்க வழிவகை செய்யப்பட்டது.குறிப்பாக புயல் ஏற்பட்டவுடன் உடனடியாக பொதுமக்களுக்கு மின்சாரம் வழங்கும் வகையில் உள்ளூர், பிற மாவட்ட மற்றும் பிற மாநிலங்களை சேர்ந்த 5 ஆயிரத்து 500 மின்வாரிய பணியாளர்கள் மூலம் மேற்கொண்ட போர்க்கால அடிப்படையிலான பணிகளின் மூலம் புதுக்கோட்டை மாவட்டத்தில் உள்ள நகராட்சிகள், பேரூராட்சிகள் மற்றும் ஊராட்சி ஒன்றியங்களில் மின் இணைப்பு வழங்கப்பட்டு உள்ளது. இதன் தொடர்ச்சியாக தற்பொழுது விவசாய மின் இணைப்பு வழங்குவதற்கு தனி கவனம் செலுத்தப்பட்டு வருகிறது. இதற்கென புதுக்கோட்டை மாவட்ட மின் ஊழியர்களுடன் இணைந்து பணியாற்ற பிற மாவட்டங்களில் இருந்து 2 ஆயிரம் மின் ஊழியர்கள் வர உள்ளனர். இந்த பணிக்கு தேவையான மின்கம்பங்கள் மற்றும் மின்கம்பிகள் தற்பொழுது வரப்பெற்று உள்ளது. விவசாய மின்இணைப்பு வழங்கும் பணியினை கண்காணித்து விரைந்து பணிகளை முடித்திட மின்வாரிய அலுவலர்களுக்கு உத்தரவிடப்பட்டு உள்ளது என்றார்.

கிராம நிர்வாக அலுவலர்கள் கலெக்டரிடம் கோரிக்கை மனு

புதுக்கோட்டை, டிச. 19: அனைத்து வருவாய் கிராமங்களுக்கும் உடனடியாக புதிய கிராம நிர்வாக அலுவலர்களை நியமிப்பதோடு கூடுதல் பொறுப்பு கிராமங்களின் பணியாற்றுபவர்களுக்கு மீண்டும் கூடுதல் பொறுப்பூதியத்தை வழங்க நடவடிக்கை எடுக்க வேண்டும். புதிய பங்களிப்பு ஓய்வூதிய திட்டத்தை ரத்து செய்து பழைய ஓய்வூதியத்தை நடைமுறைப்படுத்த வேண்டும் என்பது உள்பட பல்வேறு கோரிக்கைகளை வலியுறுத்தி புதுக்கோட்டையில் நேற்று தமிழ்நாடு கிராம நிர்வாக அலுவலர்கள் சங்கத்தினர் ஊர்வலமாக சென்று  கலெக்டர் கணேஷிடம்  மனு அளித்தனர்.  நிகழ்ச்சியில் சங்க மாவட்ட தலைவர் உலகநாதன், மாவட்ட பொறுப்பாளர் வசந்தகுமார் உள்ளிட்ட பலர் கலந்துகொண்டனர்.

விவசாய கடன்களை ரத்து செய்ய கோரிக்கை

புதுக்கோட்டை, டிச.19: தமிழ்நாடு அனைத்துத்துறை ஓய்வூதியர் சங்கங்களின் கூட்டமைப்பு சார்பில் ஓய்வூதியர் உரிமைநாள் விழா புதுக்கோட்டையில் நடைபெற்றது. கூட்டமைப்பின் மாவட்ட தலைவர் ஜெகன்நாதன் தலைமை வகித்தார். இதில் அனைத்துத்துறை ஓய்வூதியர் சங்க மாநில செயலாளர் சந்திரசேகரன்  பேசினார். கூட்டத்தில் கஜா புயலில் விவசாயம் முற்றிலும் பாதிக்கப்பட்டு உள்ளதால் அனைத்து விதமான விவசாய கடன்களையும் ரத்துசெய்ய வேண்டும்.உள்பட பல்வேறு தீர்மானங்கள் நிறைவேற்றப்பட்டன. முன்னதாக அனைத்துத்துறை ஓய்வூதியர் சங்க மாவட்டச் செயலாளர் ஆழ்வாரப்பன் வரவேற்றார். முடிவில் பாலசுப்பிரமணியன் நன்றி கூறினார்.

ஒப்பந்தக்காரரை கைது செய்யக்கோரி அறந்தாங்கி நகராட்சி அலுவலகத்தை துப்புரவு தொழிலாளர்கள் முற்றுகை

அறந்தாங்கி, டிச.19: அறந்தாங்கி நகராட்சி ஒப்பந்த துப்புரவு தொழிலாளர்களுக்கு ஊதியத்தை குறைத்து கொடுத்து, மோசடியில் ஈடுபட்ட ஒப்பந்தக்காரரை கைது செய்ய வலியுறுத்தியும்,நிலுவைத் தொகையை உடனே வழங்க வலியுறுத்தியும்,  தொழிலாளர்கள் நகராட்சி அலுவலகத்தை முற்றுகையிட்டு போராட்டத்தில் ஈடுபட்டனர்.அறந்தாங்கி நகராட்சியில் கடந்த 2017ம் ஆண்டு துப்புரவு பணிகளை மேற்கொள்வதற்காக தனியார்நிறுவனம் மூலம் 102 ஒப்பந்த தொழிலாளர்கள் நியமிக்கப்பட்டனர். அவர்களுக்கு நாள் ஒன்றுக்கு ரூ.223 ஊதியமாக நிர்ணயிக்கப்பட்டது. இந்த ஊதியத்தை ஒப்பந்தக்காரர்இளவரசன் என்பவர்பெற்று தொழிலாளர்களுக்கு நாள் ஒன்றுக்கு ரூ.192 மட்டுமே வழங்கி மோசடி செய்துள்ளார். இதுகுறித்து  தகவல் அறிந்த ஒப்பந்த தொழிலாளர்கள், தங்களுக்கு நகராட்சி வழங்கிய ஊதியத்தை வழங்க வேண்டும் என அறந்தாங்கி நகராட்சி அலுவலகத்தை முற்றுகையிட்டு போராட்டத்தில் ஈடுபட்டனர்.இதைத் தொடர்ந்து அதிகாரிகள் பேச்சுவார்த்தை நடத்தி, தொழிலாளர்களுக்கு வழங்க வேண்டிய நிலுவைத் தொகை ரூ.6 லட்சத்தை ஒப்பந்தக்காரர்இளவரசன், நவம்பர்மாதம் ஊதியத்தோடு, வழங்குவார்என உறுதி அளித்தனர்.ஆனால் அதிகாரிகளின் உறுதிமொழிப்படி, இளவரசன் தொழிலாளர்களுக்கு கொடுக்க வேண்டிய நிலுவைத் தொகையை கொடுக்கவில்லை. இதனால் பாதிக்கப்பட்ட துப்புரவு தொழிலாளர்கள் 102 பேரும், நேற்று காலை பணி புறக்கணிப்பு செய்து, அறந்தாங்கி நகராட்சி அலுவலகத்தை முற்றுகையிட்டு போராட்டத்தில் ஈடுபட்டனர். போராட்டத்தில் ஈடுபட்டவர்களுடன் அறந்தாங்கி நகராட்சி ஆணையர்(பொ)மீராஅலி, துப்புரவு அலுவலர்முத்துகணேஷ், இன்ஸ்பெக்டர்பாலமுருகன் ஆகியோர்பேச்சுவார்த்தை நடத்தினர். பேச்சுவார்த்தையில் உடன்பாடு ஏற்பட்டதை அடுத்து தொழிலாளர்கள் போராட்டத்தை கைவிட்டனர்.

புதுக்கோட்டையில் 21ம் தேதி தனியார்துறை வேலைவாய்ப்பு முகாம்

புதுக்கோட்டை,டிச.19: புதுக்கோட்டை மாவட்ட வேலைவாய்ப்பு அலுவலகத்தில் தனியார்துறை வேலைவாய்ப்பு முகாம் நடைபெற உள்ளது. இதுகுறித்து  கலெக்டர் கணேஷ் வெளியிட்டுள்ள  செய்திக்குறிப்பில் கூறியிருப்பதாவது: புதுக்கோட்டை மாவட்டத்தில் படித்து வேலைவாய்ப்பின்றி காத்திருக்கும் இளைஞர்களுக்கு தனியார் துறைகளில் பணியமர்த்தம் செய்யும் நோக்கோடு மாவட்ட வேலைவாய்ப்பு அலுவலகம் நடத்தும் தனியார் துறை வேலைவாய்ப்பு முகாம் வரும் 21ம் தேதி (வெள்ளிக்கிழமை )அன்று புதுக்கோட்டை மாவட்ட வேலைவாய்ப்பு அலுவலகத்தில் காலை 10.30 மணிக்கு நடைபெற உள்ளது.   முகாமில் பல்வேறு தனியார் துறை நிறுவனங்கள் தங்களுக்கு தேவையான நபர்களை தேர்வு செய்ய உள்ளனர், இந்த தனியார்துறை வேலைவாய்ப்பு முகாமில் புதுக்கோட்டை மாவட்டத்தைச் சேர்ந்த பத்தாம் வகுப்பு முதல் பட்டபடிப்பு வரை கல்வித் தகுதிகளையுடைய வேலைநாடுநர்களும், மாற்றுத்திறனாளி வேலைநாடுநர்களும் கலந்துகொள்ளலாம். இம்முகாமில் புதுக்கோட்டை மாவட்டத்தை சேர்ந்த இளைஞர்கள் கலந்துகொண்டு பயனடையலாம்  இவ்வாறு அதில் கூறப்பட்டுள்ளது.

வைகுண்ட ஏகாதசி விழா திருமயம் சத்தியமூர்த்தி பெருமாள் கோயிலில் சொர்க்கவாசல் திறப்பு திரளான பக்தர்கள் தரிசனம்

திருமயம்,டிச.19: திருமயம்  சத்தியமூர்த்தி பெருமாள் கோயிலில் வைகுண்ட ஏகாதசியை  முன்னிட்டு  சொர்க்கவாசல் திறப்பு  விழா நடைபெற்றது. இதில் திரளான பக்தர்கள் கலந்து கொண்டு பெருமாளை தரிசனம் செய்தனர். புதுக்கோட்டை மாவட்டம் திருமயம் சத்தியமூர்த்தி பெருமாள் கோயில் மாவட்ட திருத்தலங்களில் முக்கியமானதாகும். வருடம்தோறும் வைகுண்ட ஏகாதியை முன்னிட்டு பெருமாள் கோயிலில் சொர்க்கவாசல் திறப்பு நிகழ்ச்சி நடத்தப்படும். அதன்படி நேற்று அதிகாலை காலை 3மணி முதல் திருப்பள்ளி எழுச்சி, திருப்பாவை சேவை காலம், அனந்தசயனம் அலங்காரம், ராஜ அலங்காரம் உள்ளிட்டவைகள் பெருமாளுக்கு செய்திருந்தனர். இதனை தொடர்ந்து  காலை 5.20 மணிக்கு சொர்க்கவாசல் திறக்கப்பட்டது.அப்போது ராஜ அலங்காரத்தில் பெருமாளை கண்ட பக்தர்கள் கோவிந்தா கோவிந்தா என கோசம் எழுப்பி பெருமாளை வணங்கினர். நிகழ்ச்சியில்  கலெக்டர் கணேஷ், எஸ்பி செல்வராஜ், திருமயம் எம்எல்ஏ ரகுபதி, ஆலங்குடி எம்எல்ஏ மெய்யநாதன், மாநில வீட்டுவசதி வாரிய தலைவர் பிகே.வைரமுத்து மற்றும் பலர் கலந்து கொண்டனர். இதனை தொடர்ந்து சுற்றுவட்டார பகுதிகளில் இருந்து பல்லாயிரக்கணக்கான பக்தர்கள் நீண்ட வரிசையில் நின்று பெருமாளை தரிசனம் செய்தனர். இந்நிலையில் பக்தர்களின் வசதிக்காக திருமயத்திலிருந்து புதுக்கோட்டை, காரைக்குடி, ராயவரம், திருப்பத்தூர், பொன்னமராவதி உள்ளிட்ட பகுதிகளுக்கு  அரசு போக்குவரத்து கழகம் சார்பில் சிறப்பு பஸ்கள் இயக்கப்பட்டது. அசம்பாவிதம் ஏதும் நடைபெறாமல் இருக்கு போலீசார் தடுப்புகள் அமைத்து பாதுகாப்பு பணியில் ஈடுபட்டனர். இதே போல் அரிமளம் செட்டிஊரணி கரை பெருமாள் கோயிலில் நடைபெற்ற நிகழ்ச்சியில் திரளான பக்தர்கள் கலந்து கொண்டு தரிசனம் செய்தனர். பொன்னமராவதி அழகப்பெருமாள் கோயிலில் சொர்க்கவாசல் திறக்கப்பட்டு சிறப்பு வழிபாடு நடைபெற்றது. தொடர்ந்து சுவாமிவீதிவுலா நடைபெற்றது. இதே போல வேகுப்பட்டி, வாரப்பட்டு,மூலங்குடி உள்ளிட்ட பல்வேறு பெருமாள் கோயில்களில் சொர்க்கவாசல் திறப்பு விழா நடைபெற்றது.

கந்தர்வகோட்டை அருகே மட்டங்காலில் அனைவருக்கும் நிவாரணம் வழங்க வலியுறுத்தி மக்கள் சாலை மறியல் போராட்டம்

கந்தர்வகோட்டை, டிச.19: கந்தர்வகோட்டை அருகே மட்டங்கால் பகுதியில் கஜா புயல் நிவாரணம் ரேஷன் கார்டு வைத்திருக்கும் அனைவருக்கும் வழங்க வேண்டும் என வலியுறுத்தி அப்பகுதி மக்கள் திடீர் சாலைமறியல் போராட்டத்தில் ஈடுபட்டனர். போராட்டத்தில் ஈடுபட்டவர்களிடம் கந்தர்வகோட்டை தாசில்தார் ஆரமுததேவசேனா பேச்சுவார்த்தை நடத்தினார். தற்போது நிவாரனம் வாங்கியவர்கள் தவிர்த்து மற்ற ரேஷன் கார்டு வைத்திருப்பவர்கள் உரிய மனு எழுதிக் கொடுத்தால் அதற்கு நடவடிக்கை எடுக்கப்படும் என உறுதி அளித்ததன்  பேரில் சாலை மறியல் போராட்டம் கைவிடப்பட்டது.இதே போல் மஞ்சம்பட்டியில் கஜா புயலால் பாதிக்கப்பட்ட அனைவருக்கும் வங்கி கணக்கில் நிவாரணத்தொகை வரவில்லை என கூறி அப்பகுதி மக்கள் திடீர் சாலை மறியல் போராட்டத்தில் ஈடுபட்டனர்.அவர்களிடம் போலீசார் சமாதானப்பேச்சுவார்த்தை நடத்தி உரிய நடவடிக்கை எடுக்கப்படும் என  கூறியதன்  பேரில் சாலை மறியல் போராட்டம் கைவிடப்பட்டது.

பொன்னமராவதியில் செயல்படாத சுத்திகரிப்பு நிலைய குடிநீர் தொட்டி சீரமைக்க மக்கள் கோரிக்கை

பொன்னமராவதி,டிச.19:   பொன்னமராவதியில் நீண்ட நாட்களாக செயல்படாமல் கிடக்கும் சுத்திகரிப்பு குடிநீர்  வழங்கும் தொட்டியினை சீர் செய்யவேண்டும் என பொதுமக்கள் கோரிக்கை விடுத்துள்ளனர். பொன்னமராவதி பேரூராட்சியின் சார்பில் பொன்.புதுப்பட்டி பிடாரி கோயில் அருகில் சேங்கை ஊரணியின் தென் கரையில் பொன்னமராவதி பகுதி மக்களுக்கு தூய குடிநீர்வழங்குவதற்காக குடிநீர்சுத்திகரிப்பு தொட்டி அமைக்கப்பட்டு இதன் சேவை கடந்த 2015-2016ல் தொடங்கப்பட்டது. இதன் மூலம் இப்பகுதி மக்களுக்கு  18லிட்டர்கொள்ளவு கொண்ட சுத்திகரிக்கப்பட்ட குடிநீர்ரூ5க்கு வழங்கப்பட்டு வந்தது. இதனால் இப்பகுதி மக்கள் தூய குடிநீரை குறைவான விலைக்குப்பெற்று வந்தனர்தினசரி நூற்றுக்கணக்கான கேன்கள் வழங்கப்பட்டு வந்தது.இந்த நிலையில் திடீர்என குடிநீர்தொட்டியில் மோட்டார்பழுதடைந்துள்ளதால் தற்போது குடிநீர்விநியோகம் இல்லை. பாலமுருகன் கோயில் அருகில் குடிநீர்வழங்கும் இடம் செயல்படவுள்ளது என எழுதப்பட்டுள்ளது. நீண்ட நாட்களாகியும் இங்கு மோட்டார்சரிசெய்யப்பட்டு குடிநீர்வழங்கப்படவில்லை. மாற்றுஇடத்திலும் குடிநீர்விநியோகம் செய்யப்படவில்லை. இதனால் பொன்னமராவதி பேரூராட்சி மக்களின் குடிநீர்பயன்பாட்டிற்காக ரூ6லட்சம் மதிப்பில் கட்டப்பட்டு நல்லமுறையில் செயல்பட்டுவந்த இந்த சுத்திகரிக்கப்பட்ட குடிநீர்தொட்டியினை உடனடியாக சரிசெய்து தூய குடிநீர்வழங்க பேரூராட்சி நிர்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

அன்னவாசல் அருகே 12 அடி நீள மலைப்பாம்பு பிடிபட்டது

புதுக்கோட்டை,டிச.18: புதுக்கோட்டை மாவட்டம் அன்னவாசல் அருகே உள்ள முக்கண்ணாமலைப்பட்டி,அன்னவாசல் சமத்துவபுரம், மாங்குடி உள்பட மூன்று இடங்களில் 12-அடி நீளமுள்ள மலைப்பாம்பு பிடிபட்டது. இதில் ஒரு மலைப்பாம்பு மோட்டார் சைக்கிளில் ஏறி சாகசம் காட்டியதால் பரபரப்புஏற்பட்டது.அன்னவாசல் அருகே உள்ள முக்கண்ணாமலைப்பட்டி மதினா பள்ளிவாசல் அருகேசிலர் கூட்டமாக அமர்ந்து பேசி கொண்டிருந்தனர். அப்பொழுது இருட்டு பகுதிக்குள்இருந்து சரசரவென சத்தம் கேட்டுள்ளது அங்கு சென்று பார்த்தபோது மலைப்பாம்புஒன்று  கோழியை விழுங்கி கொண்டிருந்துள்ளது.இதை பார்த்து அதிர்ச்சி அடைந்த சிலர் உள்ளூரில் உள்ள இளைஞர்கள் உதவியுடன் பாம்பை பிடிக்க முற்பட்டனர் ஆனால் அந்த பாம்பு அருகில் நின்ற மோட்டார்சைக்கிளில் ஏறி சுற்றிக் கொண்டது. இதனையடுத்து அதை பிடிக்க முற்பட்ட போது சீரி சீறி கடிக்கபாய்ந்தது. பின்னர் பைக்கின் வீலுக்குள் பாம்பு சிக்கி கொண்டதால் வெகு நேர போராட்டத்திற்கு பின்பு இளைஞர்கள்  சிலர் பாம்பை பிடித்து சாக்கு பையில் அடைத்தனர். பின்னர்இது குறித்து இலுப்பூர் தீயணைப்பு துறையினருக்கு தகவல் அளித்தனர். பின்புசம்பவ இடத்திற்கு வந்த தீயணைப்பு துறையினர் அந்த பாம்பை பிடித்துநார்த்தாமலை வனப்பகுதியில் கொண்டு சென்று விட்டனர்.

புதுகை மாவட்டத்தில் பயிலும் ஐடிஐ மாணவர்களுக்கு இன்டர்ன்ஷிப் பயிற்சி

புதுக்கோட்டை, டிச.18:   புதுகை  மாவட்ட திறன் பயிற்சி உதவி இயக்குனர் ராமர் வெளியிட்டுள்ள செய்திக்குறிப்பு:  வேலைவாய்ப்பு மற்றும் பயிற்சி துறையின் கீழ் இயங்கி  வரும் அரசு தொழிற்பயிற்சி நிலையங்களில் பயின்று வரும் மாணவ, மாணவிகளுக்கு  சிறு, குறு, நடுத்தர மற்றும் பெரு தொழில் நிறுவனங்கள் மூலம் வேலைவாய்ப்பு  கிடைக்க கூடிய இன்டர்ன்ஷிப் பயிற்சி அளிக்க தமிழக அரசால் நடவடிக்கை  எடுக்கப்பட்டு, ஒவ்வொரு ஆண்டும் சுமார் 10 ஆயிரம் பேருக்கு பயிற்சி அளிக்க  முடிவு எடுக்கப்பட்டு, அதற்காக முதற்கட்டமாக இந்த ஆண்டு பயிற்சிக்காக  ரூ.50 கோடியே 80 லட்சம் நிதி ஒதுக்கீடு செய்யப்பட்டுள்ளது.    இது தொடர்பான  அனைத்து விவரங்களும் www.skilltraining.tn.gov.in என்ற இணையதளத்தில் வெளியிடப்பட்டுள்ளது. இந்த திட்டத்தின் கீழ்  புதுக்கோட்டை மாவட்டத்தில் உள்ள அரசு தொழிற்பயிற்சி நிறுவனங்களில் பயிற்சி  பெறும் மாணவர்களுக்கு அரசு உதவியுடன் பயிற்சி அளிக்க விருப்பம் உள்ள தொழில்  நிறுவனங்கள் மேற்குறிப்பிட்டு உள்ள இணையதள முகவரியில் விண்ணப்பத்தினை  பதிவிறக்கம் செய்து முழுமையாக பூர்த்தி செய்து நேரிலோ அல்லது அஞ்சல்  மூலமாகவோ ஆணையர், வேலைவாய்ப்பு மற்றும் பயிற்சித் துறை, கிண்டி,  சென்னை-32 என்ற முகவரிக்கு அனுப்பி வைக்க வேண்டும். விண்ணப்பிக்க கடைசி  நாள் வருகிற 31ம் தேதி ஆகும். மேலும் விவரங்களுக்கு புதுக்கோட்டை  அரசினர் தொழிற்பயிற்சி நிலைய வளாகத்தில் உள்ள மாவட்ட உதவி இயக்குனர்  அலுவலகத்தை நேரில் தொடர்பு கொள்ளலாம். இவ்வாறு அதில் கூறியுள்ளார்.

புயல் பாதித்த வாழமங்கலம் பகுதியை அதிகாரிகள் பார்வையிட மக்கள் கோரிக்கை

புதுக்கோட்டை, டிச.18: புதுக்கோட்டை கலெக்டர் அலுவலகத்தில் நடந்த குறை தீர் கூட்டத்திற்கு மாவட்ட கலெக்டர் கணேஷ் தலைமை வகித்து  மனுக்களை பெற்றார். அப்போது  கூட்டத்தில் வாழமங்கலம் ஊராட்சியை சேர்ந்த பொதுமக்கள் கொடுத்த மனுவில், கஜா புயலால் பாதிக்கப்பட்ட பகுதிகளில் அதிகம் பாதிக்கப்பட்ட ஊராட்சிகளில் எங்கள் ஊராட்சியும் ஒன்று. எங்கள் ஊராட்சிக்கு உட்பட்ட கிராமங்களை பார்வையிட இதுவரை எந்த ஒரு அதிகாரிகளும் வரவில்லை. எனவே கலெக்டர் எங்கள் ஊராட்சிக்கு உட்பட்ட கிராமங்களை சம்மந்தப்பட்ட அதிகாரிகள் ஆய்வு செய்ய உத்தரவிட வேண்டும். மேலும் பாதிக்கப்பட்ட எங்கள் கிராமங்களுக்கு நிவாரணங்கள் கிடைக்க நடவடிக்கை எடுக்க வேண்டும். இவ்வாறு அதில் கூறப்பட்டுள்ளது. ஜெகதாப்பட்டினம் கம்மாக்கரை கடல் மீனவர் கூட்டுறவு சங்கத்தின் சார்பில்  தலைவர் ஜெயபால் கலெக்டரிடம் கொடுத்த மனுவில் கூறியிருப்பதாவது: எங்கள் சங்கத்தில் சுமார் 152 மீனவர்கள் உறுப்பினர்களாக சேர்ந்து உள்ளனர். எங்கள் சங்கத்தில் உள்ள மீனவர்கள் அனைவரும் கஜா புயலால் பாதிக்கப்பட்டு உள்ளனர். எனவே அவர்களுக்கு புயல் நிவாரண பொருட்கள் மற்றும் நிவாரண நிதியுதவி வழங்க நடவடிக்கை எடுக்க வேண்டும் என கூறியிருந்தார்.