Pudukottai - Dinakaran

விடாமுயற்சி இருந்தால் போட்டி தேர்வுகளில் வெற்றி பெறலாம் கலெக்டர் பேச்சு

புதுக்கோட்டை,பிப்.15: புதுக்கோட்டை  மாவட்ட வேலைவாய்ப்பு அலுவலகம் மற்றும் பயிற்சித்துறை சார்பில் தொழில்நெறி  வழிகாட்டும் கண்காட்சி மற்றும் கருத்தரங்கம் அரசு மகளிர் கலைக்கல்லூரியில்  நடந்தது.மாவட்ட கலெக்டர் கணேஷ் தொடங்கி வைத்து பேசியதாவது: தமிழக அரசு  கல்லூரி மாணவ, மாணவிகளிடையே போட்டித் தேர்வுக்குரிய விழிப்புணர்வை  ஏற்படுத்தும் வகையில் தொழில்நெறி வழிகாட்டும் கண்காட்சி மற்றும்  கருத்தரங்கு நடத்த உத்தர விட்டுள்ளது. அதன் அடிப்படையில் இன்றைய தினம்  இக்கண் காட்சி மற்றும் கருத்தரங்கம் துவக்கி வைக்கப்பட்டுள்ளது. இக்கண்காட்சியில்   டிஎன்பிஎஸ்சி, யுபிஎஸ்சி, ஆர்ஆர்பி, எஸ்எஸ்சி, டிஇஇடி உள்ளிட்ட பல்வேறு  போட்டித் தேர்வுகளுக்குரிய புத்தகங்கள் மற்றும் மாதிரி வினா விடைகள் காட்சிக்கு வைக்கப்பட்டுள்ளது. மத்திய, மாநில அரசு பணிகள் போட்டித்  தேர்வுகளின் மூலம் நிரப்பப்பட்டு வருகிறது. மாவட்ட வேலைவாய்ப்பு  அலுவலகத்தில் பல்வேறு போட்டித் தேர்வுகளுக்கான பயிற்சி வகுப்புகள்  நடத்தப்பட்டு வருவதுடன் அனைத்து போட்டித் தேர்வு களுக்குரிய புத்தகங்கள்,  கையேடுகள், மாதிரி வினாத்தாள்கள் போன்றவை அதிகளவில் வைக்கப்பட்டுள்ளது.  இதனை போட்டித் தேர்வுக்கு தயாராகும் அனைவரும் பயன்படுத்திக்கொள்ள வேண்டும். மாவட்ட வேலைவாய்ப்பு அலுவலகத்தின் சார்பில் நடத்தப்பட்ட போட்டி  தேர்வுக்கான பயிற்சி வகுப்பில் கலந்துகொண்டு  புதுக்கோட்டை மாவட்டத்தை  சேர்ந்த பலர் வி.ஏ.ஓ, ஆசிரியர் தேர்வுகளில் வெற்றி பெற்று புதுக்கோட்டை  மாவட்டத்தில் பணியாற்றி வருகின்றனர். மேலும் இதுபோன்ற  தொழில் நெறி  வழிகாட்டும் கருத்தரங்கின் மூலம் மாணவ, மாணவிகள் போட்டித் தேர்வு குறித்து  உரிய விழிப்புணர்வு பெற வேண்டும். இவ்வாறு அவர் பேசினார்.

கூட்டுறவு சங்க தேர்தல் முடிவு தற்காலிகமாக நிறுத்தி வைப்பு நீதிமன்றம் உத்தரவு

கந்தர்வகோட்டை,  பிப்.15:கந்தர்வகோட்டை அருகே மட்டங்கால் தொடக்க வேளாண்மை கூட்டுறவு  சங்கத்தின் தேர்தல் 11 உறுப்பினர்களுக்கு வரும் 18ந்தேதி தேர்தல்  நடத்தப் படுவ தாக அறிவிக்கப்பட்டிருந்தது. ஆனால் போட்டியின்றி தேர்ந்தெடுக்கப் பட்டதாக 11 பேர் பெயர்கள் அறிவிக்கப்பட்டது. இதில் நல்லையன்  என்பவர் தலைவராக அறிவிக்கப்பட்டிருந்தார். இதை கண்டி த்து எதிர்த்து  போட்டியிட முயன்றவர்கள் நீதிமன்றத்தை நாடினர். இதில் 1.2.19 அன்று  வழங்கப்பட்ட தடை ஆணைப்படி மட்டங்கால் தொடக்க வேளாண்மை கூட்டுறவு கடன்  சங்கத்தின் தேர்தல் நடவடிக்கைகள் தற்காலிக மாக நிறுத்தி வைக்கப்பட்டுள்ளது என தேர்தல் அலுவலரால் அறிவிப்பாணை சங்க கட்டிடம் முன்பாக சுவற்றில் ஒட்டப்பட்டுள்ளதால் பரபரப்பு ஏற்பட்டுள்ளது.

கந்தர்வகோட்டை ஒன்றியத்தில் போராட்டத்தில் பங்கேற்ற 7 ஆசிரியர்கள் நிபந்தனையுடன் மீண்டும் பணியில் சேர்ப்பு

கந்தர்வகோட்டை, பிப்.15:  ஜாக்டோ-ஜியோ அமைப்பினர் 9அம்ச கோரிக்கைகளை வலியுறுத்தி தொடர் போராட்டத்தில் ஈடுபட்டனர். இதில் போராட்டத்திலிருந்து விடுவிக்க கடைசி ஆயுதமாக காலிபணியிடமாக அறிவிக்கப்படும் என தமிழக அரசு எச்சரிக்கை விடுத்தும் போராட்டத்தில் பலர் தீவிரமாக இருந்தனர். இந்நிலையில் சில ஆசிரி யைகளிடம் தங்கள் பணி பறிக்கப்படும். அனைவரும் வேலைக்கு சென்று விடுங்கள் என அரசு தரப்பில் மறைமுகமாக பிரச்சாரம் மேற்கொண்டதில் போராட்டம் தடுமாறி போனது. போராட்டத்தில் தீவிரமாக இருந்த ஆசிரியர் முன்னேற்ற கழகத்தை சேர்ந்த ஆசிரியர்கள் மணிகண்டன், கோவிந்தராஜ், அரியாணிபட்டியை சேர்ந்த வெங்கடசுப்பிரமணியன், ஜெயக் குமார், பிச்சை , சக்திவேல் ஆகியோர் பணியிடங்கள் காலிபணியிடங்களாக அறிவிக்கப்பட்டிருந்தது. இந்நிலையில் ஜாக்டோ - ஜியோவினரின் கோரிக்கையை ஏற்று அரசு நிபந்தனை யுடன் மீண்டும் பணியாற்ற ஆணை பிறப்பித்துள்ளது. நேற்று வழக்கம்போல் ஆசிரியர்கள் பணிபுரிந்தனர். மேலும் போராட்டத்தில் ஈடுபட்ட 267 ஆசிரிய, ஆசிரியைகளுக்கு பணி மாறுதல் ஆணை பிறபிக்கப்பட்டிருந்தது. அவர்களிடம் 17(பி) மெமோ கொடுக்கப்பட்டுள்ளது. மேலும் கந்தர்வகோட்டை வட்டார கல்வி அலுவலர்களை தற்காலிக பணிநீக்கம் செய்து முதன்மை மாவ ட்ட கல்வி அலுவலர் உத்தரவு பிறப்பித்துள்ளார்.

பொன்னமராவதி அருகே வாக்குப்பதிவு இயந்திரம் மாதிரி செயல் விளக்கம்

பொன்னமராவதி, பிப்.15: பொன்னமராவதி அருகே உள்ள ஒலியமங்கலம் ஊராட்சி ஒன்றிய நடுநிலைப் பள்ளியில்  வாக்கு பதிவு இயந்திரம் மாதிரி செயல்முறை விளக்கம் செய்து  காண்பிக்கப்பட்டது. பொன்னமராவதி தேர்தல் துணை தாசில்தார் ஜெயராமன்  தலைமையில் பொதுமக்கள் தெரிந்து கொள்ளும் வகையில் வாக்குப்பதிவு இயந் திரம்  மாதிரி செயல்முறை விளக்கம் நடை பெற்றது.வாக்குப்பதிவு இயந்திரத்தினை எப்படி  பயன்படுத்த வேண்டும் என்பது குறித்து வாக்காளர்களுக்கு விரிவாக  எடுத்துரைக்கப்பட்டது. மேலும் வாக்காளர் தாம் அளித்த வாக்கினை உறுதி  செய்யும் கருவி ஆகியவற்றையும் செயல்விளக்கம் செய்து காண்பித்தனர்.  இதை போல்  சடையம்பட்டி, மறவாமதுரை, எம்.உசிலம்பட்டி, மேலத்தானியம், கீழத்தானியம் ஆகிய  வாக்குச்சாவடிகளிலும் நடை பெற்றது. இதில் காரையூர் வருவாய் அதிகாரி சாதிக்பாட்சா, கிராம் நிர்வாக அலுவலர் ராஜேஸ்வரி மற்றும் கிராம நிர்வாக அலுவலர்கள்,  கிராம உதவியாளர்கள் மற்றும் பொதுமக்கள் பலர் கலந்து கொண்டனர்.

அறந்தாங்கியில் நெல் அறுவடை தீவிரம் எள், உளுந்து சாகுபடிக்கு மானிய விலையில் விதைகள் விவசாயிகள் எதிர்பார்ப்பு

அறந்தாங்கி, பிப். 15:  புதுக்கோட்டை மாவட்டம் அறந்தாங்கி வருவாய் கோட்டத்தில் 60 ஆயிரம் ஏக்கரில் விவசாயம் நடந்து வருகிறது. இதில் 25,000 ஏக்கர் காவிரி நீர் மூலமும், 35 ஆயிரம் ஏக்கர் மழைநீர் மூலமும் சாகுபடி செய்யப்பட்டு வருகிறது. கடந்த சில ஆண்டுகளாக இப்பகுதியில் போதிய மழை பெய்யாததால் விவசாயம் தொடர்ந்து பாதிக்கப்பட்டு வந்தது. இந்நிலையில் கடந்தாண்டு காவிரியில் வந்த தண்ணீரை பயன்படுத்தி விவசாயிகள் நெல் சாகுபடி செய்தனர். இந்தாண்டு 20 ஆயிரம் ஏக்கர் நெற்பயிர்கள் கதிர்களாகி உள்ளன. ஆனால் மழையை மட்டுமே நம்பி சாகுபடி செய்யப்பட்டிருந்த பல ஆயிரம் ஏக்கர் நெற்பயிர்கள் கருகின. மேலும் பல்வேறு பகுதிகளில் குலைநோய் தாக்குதலாலும் விவசாயம் பாதிக்கப்பட்டது.இந்நிலையில் இப்பகுதியில் கதிர் அறுவடை பணிகள் தீவிரமடைந்துள்ளன. கடந்த சில ஆண்டுகளுக்கு முன்பு வரை விவசாயிகள் கதிர் அறுவடை முடிந்த பின் தொடர் சாகுபடியாக எள், உளுந்து சாகுபடி செய்து வந்தனர். கடந்த சில ஆண்டுகளாக நிலவிய வறட்சியின் காரணமாக விவசாயிகள் ஒருபோக சாகுபடியையே செய்ய முடியாத நிலையில் தொடர் சாகுபடி என்பது கானல் நீர் போல இருந்தது. இந்நிலையில் தற்போது காவிரி பாசன பகுதி உள்ளிட்ட சில பகுதிகளில் நெல் அறுவடை முடிந்த பின்பு வயல்களில் ஈரப்பதம் உள்ளதால் விவசாயிகள் புழுதி உழவு உழுது, எள் அல்லது உளுந்து சாகுபடி செய்ய எண்ணியுள்ளனர். விவசாயிகள் தொடர் சாகுபடியாக எள், உளுந்து போன்றவற்றை சாகுபடி செய்வதற்கு மானிய விலையில் விதைகள், நுண்ணூட்டச்சத்து மற்றும் ஆலோசனையை வேளாண்மைத்துறையினர் வழங்கினால் பயனுள்ளதாக இருக்கும். இதுகுறித்து காவிரிப்பாசன பகுதி விவசாயிகள் கூறியதாவது: தற்போது கதிர் அறுவடை நடந்து வருகிறது. அறுவடையாகும் வயல்களில் ஓரளவு ஈரப்பதம் இருப்பதால் புழுதி உழுது, எள், உளுந்து போன்ற பணப்பயிர்களை விதைப்பு செய்ய வாய்ப்புள்ளது. விதைத்தால் இடைப்பட்ட காலத்தில் ஒரு மழை பெய்தால் கூட பயிரை காப்பாற்றி விடலாம். கடந்த சில ஆண்டுகளாக நாங்கள் பெற்ற கடனை இந்தாண்டு நெல் அறுவடை செய்து தான் அடைத்தோம். அப்படி இருக்கும் நிலையில் எள் அல்லது உளுந்து சாகுபடி மூலம் வருமானம் கிடைத்தால் அது எங்கள் குடும்பத்தின் தேவைக்கு பயன்படும். எள், உளுந்து போன்ற பயிர்களை சாகுபடி செய்ய விதைகள், நுண்ணூட்ட சத்துக்களை மானிய விலையில் வழங்குவதோடு வேளாண்மை துறையினர் உரிய ஆலோசனை வழங்கினால் பயனுள்ளதாக இருக்கும் என்றனர்.

கஜாபுயலில் சாய்ந்த மின்கம்பங்களால் பயிர்கள் பாதிப்பு புதிய கம்பங்கள் நட்டு உடனே மின் சப்ளை

ஆலங்குடி, பிப்.15: கடந்த 2018ம் ஆண்டு நவம்பர் மாதம் 16ம் தேதி அதிகாலை கஜாபுயல் வீசியது. இதனால் புதுக்கோட்டை, நாகப்பட்டினம், தஞ்சை, திருவாரூர் உட்பட 7 மாவ ட்டங்கள் பெரும் பாதிப்படைந்தன. இதில் புதுக்கோட்டை மாவட்டத்தில் ஏற் பட்ட பாதிப்பு விவசாயிகளின் வாழ்வாதாரத்தை மட்டுமல்லாமல், எதிர் காலத்தையே கேள்விக்குறியாக மாற்றியது. ஆலங்குடி தாலுகாவிற்குட்பட்ட வடகாடு, மாங்காடு, கொத்தமங்கலம், கீரமங் கலம், அணவயல், புள்ளான்விடுதி, நெடுவாசல் உட்பட பல்வேறு பகுதிகளிலும், கறம்பக்குடி தாலுகாவிற்குட்பட்ட மாங்கோட்டை, தெற்குத்தெரு, கருக்காகுறிச்சி, வாணக்கன்காடு, வாண்டான்விடுதி மற்றும் அதனை சுற்றியுள்ள பல்வேறு கிராம ங்களும் கஜாபுயல் காற்றால் பெரும் இழப்பை சந்தித்துள்ளன. மேலும், இப்பகுதி மக்களின் வாழ்வாதாரமாக இருந்துவந்த நீண்டகால பயிரான தென்னை கிட்டத்தட்ட முற்றிலும் சேதமடைந்துள்ளது. இதனால் அப்பகுதியில் கூலிதொழிலாளி முதல் முதலாளிகள் வரை அனைத்து தரப்பினரும் பெரும் பாதிப்பை சந்தித்துள்ளனர். இந்த பாதிப்பால் விவசாயிகளுக்கு பலகோடி இழப்பு ஏற்பட்டுள்ளது. மேலும், பலகோடி ரூபாய் வரவு செலவுகள் முற்றிலும் முடங்கி விட்டன. அதேபோல், ஆலங்குடி மற்றும் கறம்பக்குடி தாலுகாவிற்குட்பட்ட அனைத்து பகுதிகளிலும் பயிரிடப்பட்டிருந்த வாழை முற்றிலும் சேதமடைந்தது. இதனால் பலகோடி ரூபாய் மதிப்பில் விவசாயிகளுக்கு இழப்பு ஏற்பட்டது. இதனால் வாழை விவசாயிகள் பெரும் சோகத்தில் இருந்து வருகின்றனர். மேலும், கஜாபுயல் தாக்கத்திலிருந்து எஞ்சிய நெல், காய்கறி, பூ, கடலை உள்ளி ட்ட பயிர்களை காப்பாற்ற மின்சாரம் தேவைப்படுகிறது. மேலும், அதிக அளவில் பணம் கொடு க்கும் விவசாயிகளுக்கு மட்டுமே முன்னுரிமை கொடுத்து மின் இணைப்பு வழங்கி வருவதாக விவசாயிகள் குற்றம்சாட்டுகின்றனர். இந்நிலையில் ஆலங்குடி அருகேயுள்ள நம்பன்பட்டியில் கஜாபுயல் ஆடிவிட்டு சென்று 83நாட்களாகியும், இதுவரையிலும் அப்பகுதியில் மின்சாரம் கிடைப்ப தற்கான எந்தவிதமான பணிகளிலும் ஈடுபடாமல் உள்ளனர். இதனால், அப்பகு தியில் மின்சாரமின்றி ஆழ்துளை கிணறுகள் இயங்காமல், தண்ணீரின்றி கதிர் குழைதள்ளும் நிலையில் இருந்த நெற்பயிர்கள் முற்றிலும் கருக தொடங்கியுள்ளது. இதனால், விவசாயிகள் கருகிய பயிர்களை கண்டு கண்ணீர் வடிக்கின்றனர். எனவே, கஜாபுயலால் வாழ்வாதாரத்தை மட்டுமல்லாமல் வாழ்க்கையை இழந்த விவசாயிகளுக்கு அரசு உரியநிவாணம் வழங்குவதோடு, எஞ்சியுள்ள கருகும் பயிர் களை காப்பாற்ற உடனடியாக மின்சாரம் கிடைக்க உரிய நடவடிக்கை எடுக்க வேண்டும் என்று விவசாயிகள் கோரிக்கை விடுத்தது தொடர்பாக கடந்த 9ம் தேதி தினகரன் நாளிதழில் படத்துடன் விரிவான செய்தி வெளியானது. இதனைத்தொடர்ந்து, மின்வாரிய அதிகாரிகள் சாய்ந்து கிடந்த மின்கம்பங்களை அகற்றிவிட்டு புதிய மின்கம்பங்கள் நட்டு உடனடியாக மின்சாரம் வழங்கினர். இதுகுறித்து உரிய நேரத்தில் செய்தி வெளியிட்ட தினகரன் நாளிதழுக்கும், போர்க்கால அடிப்படையில் நடவடிக்கை எடுத்த மின்சார வாரிய அதிகாரி களுக்கும் அப்பகுதி விவசாயிகள் நன்றியையும், பாராட்டுக்களையும் தெரிவித்துள்ளனர்.

திருமயம் அருகே புயலால் சாய்ந்த தடுப்புகளை சரி செய்யாமல் அப்புறப்படுத்திய நெடுஞ்சாலைத்துறை விபத்து நடப்பதற்கு அதிக வாய்ப்பு மீண்டும் அமைக்க மக்கள் வலியுறுத்தல்

திருமயம், பிப். 15: திருமயம் அருகே புயலால் சாய்ந்த சாலை தடுப்புகளை சரி செய்யாமல் நெடுஞ்சாலைத்துறையினர் அப்புறப்படுத்தியதால் விபத்து நடப்பதற்கு வாய்ப்புள்ளதாக வாகன ஓட்டிகள் தெரிவித்துள்ளனர்.புதுக்கோட்டை மாவட்டத்தில் கடந்த நவம்பர் மாதம் 16ம் தேதி வீசிய கஜா புயலில் திருமயம், அரிமளம் பகுதி நெடுஞ்சாலையோரம் இருந்த பலவகை மரங்கள் வேரோடு சாய்ந்தது. இதனால் விபத்தை தடுப்பதற்காக சாலையோரம் நடப்பட்டிருந்த சாலை தடுப்புகள் சேதமடைந்தது. மேலும் ஊர் பெயர், பலகை கைகாட்டிகளும் ஆங்காங்கே உருக்குலைந்து காணப்பட்டது.இதனிடையே புயல் பாதித்து இன்றுடன் 2 மாதங்களுக்கு மேலான நிலையில் சேதமடைந்த சாலை தடுப்புகள், கைகாட்டிகளை சம்பந்தப்பட்ட நெடுஞ்சாலை துறையினர் சரி செய்ய நடவடிக்கை எடுக்கவில்லை. இதனால் சேதமடைந்த இரும்பு சாலை தடுப்புகள் திருட்டுபோக வாய்ப்புள்ளதோடு அந்தரத்தில் தொங்கும் பெயர் பலகை கைகாட்டிகள் காற்றடிக்கும்போது சாலையில் செல்லும் வாகன ஓட்டிகள் மீது விழுந்து விபத்து ஏற்படுத்தும் வகையில் இருந்தது. எனவே இந்த விபத்தை தடுக்க அமைக்கப்பட்ட சாலை தடுப்புகள் விபத்தை ஏற்படுத்தும் வகையில் உள்ளதாக அப்பகுதி மக்கள், சம்பந்தப்பட்ட அதிகாரிகளுக்கு வைத்த கோரிக்கை செய்தி தினகரன் நாளிதழில் படத்துடன் வெளியானது. இதைதொடர்ந்து சம்பந்தப்பட்ட அதிகாரிகள் திருமயத்தில் இருந்து ராயவரம் செல்லும் சாலையில் வேங்கை கண்மாய் கரையில் சேதமடைந்திருந்த சாலை தடுப்புகள், கைகாட்டிகளை சரி செய்யாமல் அப்புறப்படுத்தினர்.இதேபோல் புதுக்கோட்டையில் அரிமளம் செல்லும் சாலையில் பெருங்குடி விலக்கு அருகே விபத்தை தடுப்பதற்காக அமைக்கப்பட்ட சாலை தடுப்புகளும் சேதமடைந்துள்ளது. இதனால் அப்பகுதி வாகன ஓட்டிகள் சாலை விபத்தை தடுப்பதற்காக அமைக்கப்பட்ட சாலை தடுப்புகளை அகற்றியதால் விபத்து நடக்க வாய்ப்புள்ளதாக மக்கள் குற்றம் சாட்டுகின்றனர். எனவே திருமயம், அரிமளம் பகுதியில் புயலால் பாதிக்கப்பட்டு அகற்றப்பட்ட சாலை தடுப்புகளை மீண்டும் அதே இடத்தில் அமைக்க நடவடிக்கை எடுப்பதோடு சேதமடைந்த சாலை தடுப்புகளை உடனே சரி செய்ய வேண்டுமென மாவட்ட நிர்வாகத்துக்கு வாகன ஓட்டிகள் கோரிக்கை விடுத்துள்ளனர்.

திருச்சி அதிமுக எம்பி காணவில்லை திமுக ஊராட்சி சபை கூட்டத்தில் மக்கள் குற்றச்சாட்டு

கறம்பக்குடி,பிப்.15: திருச்சி அதிமுக எம்பி காணவில்லை என திமுக ஊராட்சி சபை கூட்டத்தில் மக்கள் குற்றச்சாட்டினர்.புதுக்கோட்டை மாவட்டம் கறம்பக்குடி பொண்ணன்விடுதி , பட்டதிக்காடு, கருவடதெரு , வானக்கங்காடு , கணக்கங் காடு உள்ளிட்ட 6 ஊராட்சிகளில் திமுக ஊராட்சி சபை கூட்டம் நடைபெற்றது. திமுக தெற்கு ஒன்றிய செயலாளர் தவபாஞ்சாலன் தலைமை வகித்தார்.  திமுக வடக்கு மாவட்ட பொறுப்பாளர் செல்லப்பாண்டியன் முன்னிலை வகித் தார். மேலிட பார்வையாளர் திமுக மாநில நெசவாளர் அணி செயலாளர் சச்சிதானந்தம், பொது மக்களிடம் குறைகளை கேட்டறிந்து மனுக்களை பெற்றுக் கொண்டார். பெரும்பாலானோர் சாலை வசதி ,பேருந்து வசதி போன்ற கோரிக்கைகளை முன்வைத்து பேசினர். மேலும் வாணக்கங்காடு கிராமபொதுமக்கள் திருச்சி தொகுதி பாராளுமன்ற உறுப்பினர் குமாரையே காணவில்லை என்று கூறினர்  கூட்டத்தில் திமுக ஊராட்சி செயலாளர்கள் , நிர்வாகிகள் , பொதுமக்கள் , பெண்கள் கலந்து கொண்டனர்.

பொன்னமராவதியில் 2இடங்களில் திடீர் தீ விபத்து வீடு, பனைமரங்கள் சேதம்

பொன்னமராவதி,பிப்.15: பொன்னமராவதியில் 2இடங்களில் தீ விபத்து ஏற்பட்டதில் வீடு, பனைமரங்கள் சேதமடைந்துள்ளது. பொன்னமராவதி அரிமாநகரை சேர்ந்தவர் ராஜராஜன். இவரது வீட்டில் மின் விசிறியில் இருந்து மின்கசிவு ஏற்பட்டு தீப்பிடித்தது. தகவல் அறிந்த பொன்ன மராவதி தீயணைப்பு நிலைய அலுவலர் தியாகராஜன் தலைமையில் தீயணைப்பு வீரர்கள் சென்று தீயை அணைத்தனர். இருப்பினும் கட்டில், மெத்தை உள்ளிட்ட தளவாட பொருட்கள் எரிந்து சேத மடைந்துள்ளது. வலையபட்டி அடைக்கலம் காத்தார் கோயில் முன் உள்ள பனைமரங்களில் அணைக்கப்படாத நெருப்பு பற்றி தீப்பற்றி எரிந்தது. தகவல் அறிந்த தீயணைப்பு வீரர்கள் சென்று தீயை அணைத்தனர்.

சமையலரை மாற்றியதால் அங்கன்வாடிக்கு பிள்ளைகளை அனுப்ப பெற்றோர் மறுப்பு கந்தர்வகோட்டையில் பரபரப்பு

கந்தர்வகோட்டை,பிப்.15: கந்தர்வகோட்டை அங்கன்வாடி மையத்தில் சமையலரை மாற்றியதால் பிள்ளைகளை  அனுப்ப மறுத்த பெற்றோர்களால் பரபரப்பு ஏற்பட்டது.கந்தர்வகோட்டை ராஜாப்பட்டியில்  இயங்கி வரும் அங்கன்வாடியில் கடந்த மூன்றரை வருடங்களாக அமராவதி என்பவர் அரசு பணியில் அமர்த்தா விட்டாலும் சமையலராக பணிபுரிந்து வந்துள்ளார். அரசு  பணியமர்த்தும் போது சட்டப்படி பணியமர்த்தப்படுவீர்கள் என்ற அடிப்படையில்  வேலை செய்து வந்துள்ளார்.இந்நிலையில் அங்கன்வாடி பணியாளர்கள் 26பேர் மற்றும் உதவியாளர் 18 பேர் காலி பணியிடங்கள் நிரப்பப்பட்டுள்ளன. இதில் ராஜாப்பட்டியில் அமராவதிக்கு பதிலாக சித்ரா என்பவரை நியமனம் செய்துள்ளனர். இதற்கு அப்பகுதி மக்கள் எதிர்ப்பு தெரிவித்து அங்கன்வாடி  மையத்திற்கு தங்கள் குழந்தைகளை அனுப்பாமல் எதிர்ப்பு தெரிவித்து  வருகின்றனர். மேலும் நேற்று முன்தினம் கந்தர்வகோட்டையில் இயங்கி வரும்  அங்கன்வாடி அலுவலகத்திற்கு நேரிடையாக சென்று முறையிட்டனர்.பின்னர் புதுக்கோட்டையில் உள்ள தலைமை அலுவலகத்திலும் முறையிட்டு ள்ளனர். விரைவாக  நடவடிக்கை எடுக்கப்படும் என அறிவித்ததன் பேரில் கிராம மக்கள் திரும்பி  வந்தனர். இந்நிலையில் ராஜாப்பட்டி அங்கன்வாடி மையம் மேற்கூரை பகுதி  சேதமடைந்த நிலையில் உள்ளது.எனவே குழந்தைகள் ஒன்று கூடும் இடம் என்பதால்  அதிகாரி கள் உடனடியாக நடவடிக்கை எடுக்க கோரிக்கை எழுந்துள்ளது.

காங்கிரஸ் பூத்கமிட்டி ஆலோசனை

பொன்னமராவதி,பிப்.15: பொன்னமராவதி காங்கிரஸ் கட்சி அலுவலகத்தில் பூத்கமிட்டி ஆலோசனை மற்றும் காங்கிரஸ் உறுப்பினர் சேர்க்கை  தொடர்பாக ஆலோசனை கூட்டம் நடந்தது. வட்டார தலைவர் செல்வராஜன்  தலைமை வகித்தார். கூட்டத்தில் மாவட்ட ஒருங்கிணைப்பாளர்கள்  மணிகண்டன், சுப்பையா ஆகியோர் முன்னிலை  வகித்தனர். கூட்டத்தில் காங்கிரஸ் தொண்டர்கள் அனைவரையும்  இனைப்பது தொடர் பாகவும், 2019 பாராளுமன்ற தேர்தலில் பூத் கமிட்டி  உறுப்பினர்கள் சிறப்பாக செயல்படவும் ஆலோசனை வழங்கப்பட்டது. கூட்டத்தில்  வட்டார துணைத் தலைவர் வைத்தியநாதன், பொருளாளர் ராஜேந் திரன், முன்னாள்  ஊராட்சித் தலைவர்கள் கலந்து கொண்டனர்.

அரசு பள்ளியில் சத்துணவு தரமாக வழங்கப்படுகிறதா? நகராட்சி ஆணையர் திடீர் ஆய்வு

புதுக்கோட்டை,பிப்.15: புதுக்கோட்டை ரெயில் நிலையம் அருகே நகராட்சி நடுநிலைப்பள்ளி உள்ளது. இந்த பள்ளியில் சுமார் 100க்கும் மேற்பட்ட மாணவ, மாணவிகள் கல்வி பயின்று வருகின்றனர். இந்த பள்ளியில் பயிலும் மாணவ, மாணவிகளுக்கு பள்ளியிலேயே சத்துணவு தயார் செய்து வழங்கப்பட்டு வருகிறது. இந்நிலையில் புதுக்கோட்டை நகராட்சி ஆணையர் (பொறுப்பு) சுப்பிரமணியன் நகராட்சி நடுநிலைப்பள்ளியில் மாணவ, மாணவிகளுக்கு வழங்கப்படும் சத்துண வின் தரத்தை நேரில் பார்வையிட்டு ஆய்வு செய்தார்.அப்போது அவர் சத்துணவு சாப்பிட்டு பார்த்தார். பின்னர் மாணவ, மாணவிகளிடம் ஒவ்வொரு நாளும் சத்துணவு வழங்கப் படுகி றதா? என கேட்டறிந்தார். பின்னர் சத்துணவு மையத்தின் பதிவேடுகளை பார் வையிட்டு, சத்துணவு பணியாளர்களுக்கு அறிவுரை வழங்கினார். இந்த ஆய்வின் போது பள்ளி ஆசிரியர்கள் மற்றும் நகராட்சி அலுவலர்கள் உடன் இருந்தனர்.

மணமேல்குடி அருகே இறந்து கரை ஒதுங்கிய டால்பின்

மணமேல்குடி,பிப்.15: மணமேல்குடி அடுத்த அந்தோணியார்புரம் கடற்கரையில் இறந்த நிலையில் டால்பின்கரை ஒதுங்கியிருப்பதாக வந்த தகவலின்பேரில், மணமேல்குடி கடலோர பாதுகாப்பு குழும இன்ஸ்பெக்டர் அன்னலட்சுமி தலைமையிலான போலீசார் அந்த பகுதிக்கு சென்று பார்வையிட்டனர். டால்பின் இறந்த நிலையில் 10அடி நீளத்துடன் 150கிலோ எடையுடன் இருந்தது .மேலும் இறந்து பலநாட்கள் ஆகியிருந்தது . உடனேகால்நடை மருத்துவ குழுவி னர் வரவழைத்து அதே இடத்தில பிரேதபரிசோதனை செய்து புதைக்கப்பட்டது.மேலும் இதுகுறித்து மணமேல்குடி கடலோர பாதுகாப்பு குழும போலீசார் விசாரணை நடத்தி வருகின்றனர் .

கிணற்றில் பைப்பை சீரமைக்கும் போது உருளை கழன்று விழுந்து விவசாயி பரிதாப சாவு

இலுப்பூர்,பிப்.15: இலுப்பூர் அருகே போர்வைல் கிணற்றில் பைப்பை கழற்றி சீறமைக்கும் போது பைப்பை மேலே ஏற்றும்  போது உருளை கழன்று விழுந்து ஒருவர் பலியானார்.இலுப்பூர் அருகே உள்ள சாத்தம்பட்டி பகுதியை சேர்ந்த முத்து கருப்பன் மகன் பாலசுப்பிரமணியன் (36).விவசாயியான இவர், இவரது உறவினரான அதே பகுதியை சேர்ந்த சுப்பிரமணி என்பவரது வயிலில் உள்ள போர்வெல் கிணற்றில் ஏற்பட்ட பழுதை நீக்குவதற்கு உதவியாக சென்றுள்ளார்.  அப்போது பைப்பை போரில் இருந்து வெளியே இழுக்க ஒரு உருளையில் பைப் பை கட்டி டிராக்டர் உதவியுடன் பைப்பை வெளியே இழுத்து கொண்டிருந்தனர். உருளை இணைக்கப்பட்டிருந்த போல்ட் கட்டாகி உருளை கீழே நின்று கொண்டி ருந்த பாலசுப்பிரமணியன் தலையில் விழுந்தது. இதில் படுகாயம் அடைந்த பாலசுப்பரமணி இலுப்பூர் அரசு மருத்துவமனையில்  முதலுதவி சிகிச்சைக்கு பின் மேல் சிகிச்சைக்காக திருச்சி அரசு மருத்துவமனை க்கு கொண்டு செல்லும் வழியில் இறந்தார். இது குறித்து புகாரின் போரில் இலுப்பூர் போலீசார் வழக்கு பதிவு செய்து விசாரணை நடத்தி வருகின்றனர்.

ரங்கநாதர் கோயிலில் ராகுகேது பெயர்ச்சி விழா திரளான பக்தர்கள் பங்கேற்பு

திருமயம்,பிப்.15: திருமயம் அருகே உள்ள நாகநாதர் கோயிலில் நடைபெற்ற ராகு கேது பெயர்ச்சி விழாவில் திரளான பக்தர்கள் கலந்து கொண்டனர்.புதுக்கோட்டை  மாவட்டம் திருமயம் அருகே உள்ள பேரையூர் நாகநாத சுவாமி திருக்கோயிலில்  ராகு ,கேது பெயர்ச்சி விழா நேற்று நடந்தது. விழாவில்  நாக நாதர், பிரஹதாம்பாளுக்கும் அதிகாலை தொடங்கி சிறப்பு அபிஷேக ,ஆராத னைகள்  செய்யப்பட்டது. இதனை தொடர்ந்து செவ்வாய் தோஷம்,பித்ரு ,நாக தோஷ உள்ளவர்கள்   கல் நாகரை பிரதிஷ்டை செய்து வழிபட்டனர். மேலும் பிள்ளை பேறு வேண்டி  ஏராளமான தம்பதிகள் அதிகாலை கோவிலுக்கு வந்து கோயில் முன்புள்ள குளத் தில்  நீராடி ஈரத்துணியுடன் சுவாமியை வழிபட்டனர். பக்தர்கள் தங்கள்  நட்சத் திரங்களை கூறி அர்ச்சனை செய்தனர்.  இக்கோயிலுக்கு வந்து  பிள்ளைப்பேறு பெற்றவர்கள் தங்கள் குழந்தையை கரும்புத் தொட்டிலில் தூக்கி  வந்தும் ,குழந்தையின் வயிற்றில் மாவிளக்கு ஏற்றியும் தங்கள் நேர்த்திக்கடனை  ( பிரார்த்தனைகளை) நிறைவேற்றினர். அன்ன தானம் செய்ய ப்பட்டது. விழாவுக்கான  ஏற்பாடுகளை புதுக்கோட்டை திருக்கோயில்கள் நிர்வாக அலுவலர்கள் மற்றும்  பேரையூர் கிராம மக்கள் செய்திருந்தனர்.

தடை செய்யப்பட்ட பிளாஸ்டிக் பொருட்கள் பறிமுதல் பேரூராட்சி பணியாளர்கள் அதிரடி

ஆலங்குடி,பிப்.15: தடை செய்யப்பட்ட பிளாஸ்டி பொருட்களை பேரூராட்சி பணியாளர்கள் அதிரடியாக பறிமுதல் செய்தனர்.ஆலங்குடி பேரூராட்சிகுட்பட்ட கடைவீதி, சந்தைப்பேட்டை, அரசமரம், உள் கடைவீதி உட்பட பல்வேறு பகுதிகளில் தடை செய்யப்பட்ட பிளாஸ்டிக் பொ ருட்கள் விற்பனை மற்றும் பயன்படுத்தப்பட்டு வருவதாக பேரூராட்சி செயல் அலுவலருக்கு சமூக ஆர்வலர்கள் கோரிக்கை விடுத்தனர். இதனை தொடர்ந்து பேரூராட்சிக்குட்பட்ட பகுதிகளில் அரசால் தடை செய்யப் பட்ட பிளாஸ்டிக் பொருட்களை பறிமுதல் செய்ய செயல் அலுவலர் கணேசன் உத்தரவிட்டார்.  இதனைத்தொடர்ந்து ஆய்வு மேற்கொண்ட பேரூராட்சி பணியாளர்கள், கடை களில் பயன்பாட்டுக்காக வைத்திருந்த பிளாஸ்டிக் பைகள், தட்டுகள் மற்றும் விற்பனைக்காக வைக்கப்பட்டிருந்த பிளாஸ்டிக் பொருட்களையும் பறிமுதல் செய்தனர்.

தமிழ்நாடு நுகர்பொருள் வாணிப கழகத்தில் காலிப்பணியிடங்கள் விண்ணப்பங்கள் வரவேற்பு

புதுக்கோட்டை,பிப்.15:  தமிழ்நாடு நுகர்பொருள் வாணிப கழக புதுக்கோட்டை மண்டல மேலாளர் குமரவேல் வெளியிட்டுள்ள அறிக்கையில் கூறியிருப்பதாவது: தமிழ்நாடு நுகர்பொருள் வாணிப கழகம், புதுக்கோட்டை மண்டலத்தில் நெல் கொள்முதல்  பணிக்காக பருவகால பட்டியல் எழுத்தர், உதவுபவர் மற்றும் காவலர் பணியிட ங்களுக்கு தகுதிகளின் அடிப்படையில் விண்ணப்பங்கள் வரவேற்கப்படுகின்றன. கல்வித் தகுதி மற்றும் வயது வரம்பு பட்டியல் எழுத்தர்: பி.எஸ்சி (அறிவியல்),  உதவுபவர்: பன்னிரண்டாம் வகுப்பு தேர்ச்சி, காவலர் எட்டாம் வகுப்பு தேர்ச்சி, வயது வரம்பு ஆதிதிராவிடர் மற்றும் பழங்குடியினர் 35 வயது, பிற்படுத்தப் பட் டோர் மற்றும் மிகவும் பிற்படுத்தப்பட்ட வகுப்பினர் 32 வயது மற்றும் பொது வகுப்பினர் 30 வயதுக்குள் இருக்க வேண்டும். காலிப்பணியிடங்கள், பட்டியல் எழுத்தர் 35 பணியிடங்கள், உதவுபவர் 59 பணியிடங்கள் மற்றும் காவலர் 26 பணியிடங்கள். தகுதியுடைய ஆண்களிட மிருந்து மட்டும் விண்ணப்பதாரர்கள் உரிய சான்றுகளுடன் மண்டல மேலாளர் அலுவலகம், தமிழ்நாடு நுகர்பொருள் வாணிப கழகம், கல்யாணராமபுரம் முதல் வீதி, புதுக்கோட்டை மண்டலம் என்ற முகவரிக்கு நேரடியாகவோ,தபால் மூலமா கவோ சுய விண்ணப்பங்கள் வரவேற்கப்படுகின்றன. வரும் 20ந்தேதி மாலை 5 மணி வரை மட்டுமே ஏற்றுக்கொள்ளப்படும்.  இவ்வாறு அதில் கூறப்பட்டுள்ளது.

பிரதம மந்திரியின் கவுரவ ஊக்கத் தொகை பெற ஒரே நேரத்தில் சிட்டா எடுக்க படையெடுப்பு மின்னணு சேவை முடக்கம்: விவசாயிகள் கடும் அவதி

அறந்தாங்கி,  பிப்.15: பிரதம மந்திரியின் கவுரவ ஊக்கத்தொகை பெற தமிழகம் முழுவதும் தமிழக  அரசின் நிலப்பதிவேடு மின்னணு சேவை இணைய பக்கத்தில் சிட்டா எடுக்க  விவசாயிகள் முயன்றதால் அப்பக்கம் முடங்கியதால் விவசாயிகள் சிட்டா நகல்  எடுக்க முடியாமல் அவதிக்குள்ளாகினர்.மத்திய அரசு சிறு, குறு  விவசாயிகளுக்கு பிரதம மந்திரியின் கவுரக ஊக்கத் தொகை என்ற பெயரில்  ஆண்டுக்கு ரூ.6ஆயிரம் வீதம் விவசாயிகளுக்கு வழங் கப்படும் என அறிவித்தது.  அதன்படி நிலம் வைத்துள்ள சிறு, குறு விவசாயிகள், ச விவசாயிகள் சான்று,  சிட்டாநகல், ஆதார் நகல், வங்கி கணக்கு புத்தக நகல் ஆகியவற்றுடன் அந்தந்த  பகுதி கிராம நிர்வாக அலுவலரிடம் மனு அளிக்க வேண்டும் என அறிவிக்கப்பட்டது.  அதன்படி  நிலம் உள்ள விவசாயிகள், கிராம நிர்வாக அலுவலர்களிடம் மனு அளித்து  வருகின்றனர். அவர்கள் மனுவுடன் புதிதாக எடுக்கப்பட்ட சிட்டா நகலை இணைக்க  வேண்டி உள்ளது. ஆனால் சிட்டா நகல் எடுக்கக்கூடிய தமிழக அரசின் இணைய பக்கமான  நிலப்பதிவேடு மின்னணு சேவை இணையப்பக்கம் நேற்று முடங்கியது. இதனால்  விவசாயிகள் சிட்டா நகல் எடுக்க முடியாமல் கடை, கடையாக ஏறி இறங்கினர். இதுகுறித்து விவசாயிகள் கூறியதாவது: மத்திய  அரசு அறிவித்த விவசாயிகளுக்கான கவுரவ ஊக்கத்தொகை பெற விண்ணப்பிப்பதற்கான  காலக்கெடு இன்றுடன் (வெள்ளி) முடிவடைவதாக கூறுகின்றனர். அதனால்  தமிழகம் முழுதும் ஒட்டுமொத்தமாக விவசாயிகள் கணினி சிட்டா எடுக்க  முயன்றதால், தமிழக அரசின் நிலப்பதிவேடு மின்னணு சேவை இணைய பக்கம்  முடங்கியுள்ளது. இதனால் நாங்கள் கணினி சிட்டா எடுக்க முடியாததால், கிராம  நிர்வாக அலுவலரிடம் மனு கொடுக்க முடியாத நிலையில் உள்ளோம். எனவே  தமிழக அரசின் நிலப்பதிவேடு மின்னணு சேவை இணைய பக்கத்தை உடனடியாக  சீரமைக்க வேண்டும். மேலும் விவசாயிகளுக்கான ஊக்கத்தொகை வழங்கும்  திட்டத்திற்கான மனு பெறக்கூடிய காலக்கெடுவையும் அரசு நீட்டிக்க வேண்டும் என்றனர்.மனு கொடுக்க முடியாமல் தவிப்புமத்திய அரசு அறிவித்த திட்டத்திற்கு கணினி சிட்டா எடுக்க முடியாத அளவிற்கு கடந்த 2நாட்களாக தமிழக அரசின்  நிலப்பதிவேடு மின்னணு சேவை இணைய பக்கம் முடங்கியுள்ளதால், விவசாயிகள் மனு  கொடுக்க முடியாமல் அவதிக்கு ள்ளாகின்றனர். எனவே தமிழக அரசு விவசாயிகள்  தடையில்லாமல் சிட்டா எடுக்க இணையப்பக்கத்தை சீரமைக்க வேண்டும் என விவசாயிகள் கோரிக்கை விடுத்துள்ளனர்.

பேராம்பூர் ஏரியில் இருந்துதண்ணீர் வெளியேறும் மதகுகள் இடிந்து சேதம் விவசாயத்திற்குநீர் சேமிக்க முடியாத நிலை

புதுக்கோட்டை,பிப்.15: பேராம்பூர் பெரிய ஏரியில் தண்ணீர் வெளியேறும் சட்ட ர்கள் உடைந்து சேதமடைந்து கிடப்பதால் வெள்ளப்பெருக்கு ஏற்பட்டால் அடித்து செல்லப்படும் அபாயம் ஏற்பட்டுள்ளது.புதுக்கோட்டை மாட்டம் பேராம்பூர் ஏரி மாவட்டத்தில் உள்ள பெரிய ஏரிகளில் ஒன்று. சுமார் 25ஏக்கர் பரப்பளவு கொண்ட ஏரியில் மழைக் காலங்களில் தண்ணீர் பெருகினால் கடல்போல் காட்சியளிக்கும். இந்த ஏரியை நம்பி சுமார் 1,500ஏக்கர் நிலங்கள் பாசனவசதி பெறும். ஒரு முறை தண்ணீர் பெருகி விட்டால் அந்த ஆண்டின் மூன்று பேவங்களும் விளைச்சலுக்கு தண்ணீர் தட்டுப்பாடு இன்றி விவசாயிகள் பயன்படுத்தி கொள்வார்கள். மேலும் மீன்பிடி தொழிலும் களைகட்டும். இந்த ஏரிக்கு பல காட்டாறுகள் மற்றும் கட்டகுடி, திருநல்லுார், இலுப்பூர் உள்ளிட்ட பல்வேறு சுற்றுவாட்டர பகதிகளில் உள்ள சிறியது முதல் பெரியது என நுாற்றுக்கும் மேற்பட்ட ஏரிகள் நிரம்பி தண்ணீர் வெளியேறும் போது அனைத்து தண்ணீரும் பேரம்பூர் ஏரியை வந்தடை யும். பேராம்பூர் ஏரி நிரம்ப தொடங்கும். இதனை பொதுப்பணித்துறை அதிகாரிகள் கண்காணிக்க தொடங்குவார்கள். ஏரி நிரம்பிய பிறகும் மழை பொழிவு இருந்தால் ஏரிக்கு மேற்கு பகுதியில் உள்ள ஆருண் சட்டர்கள் திறந்து வெளியேறும் பணியை பொதுப்பணித்துறை அதிகாரிகள், வருவாய்துறை அதிகாரிகளின் மேற்பார்வை யில் கண்காணிப்பார்கள். இதனால் எப்போது பேராம்பூர் ஏரியின் மூன்று ஆறு கண் சட்டர்களை அதிகாரி கள் ஒவ்வொரு ஆண்டும் மராமத்து பணிகள் மேற்கொண்டு அதனை பராமரித்து வந்தனர். இந்நிலையில் கடந்த 7ஆண்டுகளாக போதிய மழை பெய்யாததால் ஏரி நிரம்பவில்லை. இதனால் அந்த சட்டர் வழியாக தண்ணீர் வெளியேறியது நின்று விட்டது. மேலும் அதிகாரிகள் அந்த சட்டரை பராமரிப்பு பணியையும் மேற்கொள்ள வில்லை. இதனால் சட்டரின் உள்பகுதியில் அனைத்து சிமிண்டு பூச்சுகளும் பெயர்ந்து விழத்தொடங்கியுள்ளது. இரும்பு சட்டர்கள் அனைத்தும் துருப்பிடித்து கொட்டி வருகிறது. அரளைகல் கட்டிடங்கள் மட்டும் தொடுக்கிக் கொண்டு இருந்து வருகிறது. மழை வெள்ளப்பெருக்கால் திருச்சி முக்கொம்பில் மதகுகள் வெள்ளத்தால் அடி த்து செல்லப்பட்டது போல் நடக்கும் என்பதில் சந்தேகமில்லை. வௌத்தால் பேராம்பூர் பாலம் அடித்து செல்லப்பட்டால் அந்த பகுதியில் பெரும் பாதிப்பு ஏற்படும்.மேலும் இந்த பகுதியில் உள்ள அனைத்து நிலங்களும் அடையாளம் தெரியாமல் மண் நிரம்பி ஒரு நிலப்பரப்பாக மாறி விடும். பின்னர் ஒரு ஏக்கரில் கூட விவசாயம் செய்ய முடியாத சூழ்நிலை ஏற்பட்டு விடும். இதனால் அதிகாரிகள் விரைந்து அதற்கான நடவடிக்கையை துரிதப்படுத்தி உடைந்து கிடக்கும் மதகு களை விரைந்து சரி செய்ய வேண்டும் என விவசாயிகள் மத்தியில் கோரிக்கை எழுந்துள்ளது.முக்கொம்பு நிலைகடந்த சிலஆண்டுகளாக மழை இல்லாத காரணத்தில் தண்ணீரும் பெருக வில்லை. மதுகுகளை பொதுப்பணித்துறை அதிகாரிகள் கண்டுகொள்ளவும் இல்லை.இதனால் தற்போது மகுகள் அனைத்தும் உடைந்து சேதமடைந்து காணப் படுகிறது. இதனை அதிகாரிகள் கண்டு கொண்டதாக தெரியவில்லை.இந்நிலை யில் தற்போது வெள்ளப்பெருக்கு ஏற்பட்டால் திருச்சி முக்கொம்பு மதகுகள் உடைந்து வெள்ளத்தால் அடித்து செல்லப்பட்டதுபோல் நடக்கும் என்பதில் சந்தேகமில்லை.மராமத்து பணிகள்பொதுப்பணித்துறை கட்டுப்பாட்டில் உள்ள முக்கிய ஏரிகளில் பேராம்பூர் ஏரி உள்ளது. நல்லமழை பெய்து தண்ணீர் பெருகினால் விவசாயிகள் தண்ணீர் பிரச்னையின்றி ஒரு ஆண்டு முழுவதும் நேரடி பாசனத்தின் மூலம் பயனைடை வார்கள். இதனால் விவசாயிகள் அதிக மகசூல் அடைந்தனர். அதிக அளவு தண்ணீர் பெருகினாலும் ஏரியின் மேற்குகரை பகுதியில் உள்ள ஆறுகண் மதகு கள் வழியாக திறந்து விடுவார்கள். இதனை பொதுப்பணித்துறை அதிகாரிகள் தண்ணீர் குறைந்தவுடன் மராமத்து பணிகளில் ஈடுபடுவார்கள்.

பொன்னமராவதியில் குண்டும், குழியுமாக மாறிய சாலை பொதுமக்கள் அவதி

பொன்னமராவதி,பிப்.14: பொன்னமராவதி வலையபட்டி மலையாண்டி கோயிலில் இருந்து கழுதைபுரளி வழியாக  கோவில்பட்டி செல்லும் சாலை மிகவும் குண்டும் குழியுமாக  போக்கு வரத்துக்கு செல்ல முடியாத அளவிற்கு மோசமாக உள்ளது. இதனால் இந்த சாலை  வழியாக பள்ளிகள் மற்றும் மணப்பட்டி, வலையபட்டி பகுதிகளுக்கு செலலும்  பொதுமக்கள் என பல்வேறு வகையான மக்கள் தினசரி சிரமத்துடன் சென்று  வருகின்றனர்.எனவே இந்த சாலை வழியாக செல்லும் வாகன ஓட்டிகள் மற்றும்  பொதுமக்கள் நலன் கருதி இந்த சாலையினை சீர்செய்து புதிதாக தார் போட வேண்டும்  என பொதுமக்கள் கோரிக்கை விடுத்துள்ளனர்.