Science - Dinakaran

ப்ளூட்டோ கிரகத்தில் உறைந்த நிலையில் மீத்தேன் படிமங்கள்: விஞ்ஞானிகள் கண்டுபிடிப்பு

வாஷிங்டன்: ப்ளூட்டோ கிரகத்தில் உறைந்த நிலையில் மீத்தேன் படிமங்கள் இருப்பதை சமீபத்திய ஆய்வில் அமெரிக்க விஞ்ஞானிகள் கண்டுபிடித்துள்ளனர். ப்ளூட்டோ கிரகத்தை ஆராய நியூ கொரைசான்ஸ் என்ற விண்கலத்தை கடந்த 2015ம் ஆண்டு நாசா அனுப்பி வைத்தது. பூமியில் இருந்து மிகவும் தூரத்தில் உள்ள மிக சிறிய அளவிலான ப்ளூட்டோ கிரகத்தில் கடும் குளிர் நிலவுகிறது. பூமியில் உள்ள பாலைவனங்களைப் போன்றே ப்ளூட்டோவின் மேற்பரப்பு காணப்படும் என முன்னர் நம்பப்பட்டது. இந்நிலையில் இக்கிரகத்தை நியு கொரைசான் விண்கலம் தற்போது போட்டோ எடுத்து அனுப்பியுள்ளது. அங்கு 2 ஆயிரம் சதுர கி.மீட்டர் பரப்பளவுக்கு மணல் குன்றுகள் உள்ளன. டோக்கியோ நகரம் அளவிலான இவை காற்றினால் உருவாகியிருக்க கூடும் என கருதப்படுகிறது. மணல் குன்றுகள் கலிபோர்னியாவின் டெத் பள்ளத்தாக்கு, சீனாவின் தக்லா மகன் பாலைவனத்தில் இருப்பது போன்று உள்ளது. ப்ளூட்டோ கிரகத்தில் உள்ள மணல் குன்றுகளில் உறைந்த நிலையில் மீத்தேன் படிமங்கள் காணப்படுகின்றன. அவை மணல் போன்று உள்ளதாக விஞ்ஞானிகள் தெரிவித்துள்ளனர். இவை 200 முதல் 300 மைக்ரோ மீட்டர்கள் விட்டம் கொண்ட நுண்துணிக்கைகளாக இருப்பதாகவும், அத்துடன் ப்ளூட்டோவில் நொடிக்கு 10 மீட்டர் வேகத்தில் காற்று வீசுவதால் இத்துணிக்கைகள் இடம்விட்டு இடம் நகர்வதாகவும் சுட்டிக்காட்டப்பட்டுள்ளது. இந்த ஆய்வுக்கட்டுரை அறிவியல் இதழில் வெளியிடப்பட்டுள்ளது.

சட்டமன்றத்தில் பெரும்பான்மையை 100 சதவீதம் நிரூபிப்போம்- எடியூரப்பா நம்பிக்கை

கா்நாடக: நம்பிக்கை வாக்கெடுப்பிற்கு உத்தரவிட்ட உச்சநீதிமன்ற உத்தரவை மதிக்கிறோம் என்று எடியூரப்பா தெரிவித்துள்ளார். நாளை சட்டமன்றத்தில் பெரும்பான்மையை 100 சதவீதம் நிரூபிப்போம் என்று எடியூரப்பா நம்பிக்கை தெருவித்துள்ளார்.

ரயில்வே ஓட்டல் ஒப்பந்த முறைகேடு லாலு மனைவி ரப்ரிதேவியிடம் சிபிஐ அதிகாரிகள் விசாரணை

புதுடெல்லி: பீகார் முன்னாள் முதல்வர் ரப்ரி தேவியிடம்  ரயில்வே ஓட்டல் ஒப்பந்த முறைகேடு தொடர்பாக சிபிஐ அதிகாரிகள் நேற்று விசாரணை நடத்தினர்.ராஷ்டிரிய ஜனதா தளம் தலைவர் லாலு பிரசாத் யாதவ் மத்திய ரயில்வே அமைச்சராக இருந்தபோது ராஞ்சி மற்றும் பூரி நகரங்களில் ஐஆர்டிசியின் கட்டுப்பாட்டின் கீழ் இருந்த இரண்டு ஓட்டல்களை பராமரிப்பதற்காக ஒப்பந்தம் விடப்பட்டது.  வினய் மற்றும் விஜய் கோச்சாருக்கு சொந்தமான சுஜாதா ஓட்டல், இந்த இரண்டு ஓட்டல்களையும் ஒப்பந்தத்துக்கு எடுத்தது. தனது அதிகாரத்தை முறைகேடாக பயன்படுத்தியதாகவும், பினாமி நிறுவனமான டிலைட் மார்க்கெட்டிங் நிறுவனம் மூலமாக பாட்னாவில் 3 ஏக்கர் நிலத்தை லஞ்சமாக பெற்றுக் கொண்டு ஒப்பந்தம் வழங்கியதாகவும் லாலு பிரசாத் மீது குற்றச்சாட்டு எழுந்தது. டெண்டர் விட்டதில் முறைகேடு நடந்துள்ளதாக கூறி சிபிஐ சார்பில் வழக்குப் பதிவு செய்யப்பட்டது. லாலு பிரசாத் யாதவ், அவரது மனைவி ரப்ரி தேவி, மகன் தேஜஸ்வி மற்றும் முன்னாள் மத்திய அமைச்சர் பிரேம்சந்த் குப்தாவின் மனைவி சர்ளா குப்தா ஆகியோர் மீது வழக்கு பதிவு செய்யப்பட்டது. இதுமட்டுமின்றி சுஜாதா ஓட்டல் இயக்குனர்கள் விஜய் மற்றும் வினய் கோச்சார் மற்றும் சாணக்கியா ஓட்டல் உரிமையாளர், ஐஆர்சிடிசி மேலாண் இயக்குனர் பிகே கோயல் ஆகியோர் மீதும் குற்றச்சாட்டு பதிவு செய்யப்பட்டு விசாரணை நடைபெற்று வருகின்றது. இந்நிலையில், இந்த முறைகேடு தொடர்பாக லாலுவின் மனைவியும், பீகார் முன்னாள் முதல்வருமான ரப்ரி தேவியிடம் சிபிஐ அதிகாரிகள் நேற்று விசாரணை நடத்தினர். பீகார் தலைநகர் பாட்னாவில் இந்த விசாரணை நடந்தது.

செவ்வாய் கிரகத்தில் ஆய்வு மேற்கொள்ள ரோபோ தேனீக்களை அனுப்ப நாசா திட்டம்

வாஷிங்டன் : செவ்வாய் கிரகத்தில் ஆய்வு மேற்கொள்வதற்காக ரோபோ தேனீக்களை அனுப்ப நாசா திட்டமிட்டுள்ளது. செவ்வாய் கிரகத்தில் தண்ணீர் இருக்கிறதா, அங்கு உயிர்கள் வாழ தகுந்த சூழல் நிலவுகிறதா என இந்தியா உட்பட உலக நாடுகள் அனைத்தும் ஆய்வு நடத்தி வருகின்றன. இந்த ஆராய்ச்சியின் ஒரு பகுதியாக, அமெரிக்க விண்வெளி ஆராய்ச்சி நிறுவனமான நாசா, கியூரியாசிட்டி ரோவர் என்ற விண்கலத்தை செவ்வாய் கிரகத்துக்கு அனுப்பி வைத்தது. செவ்வாய் கிரகத்தில் உலவி வரும் கியூரியாசிட்டி ரோவர் 2 ஆயிரம் நாட்களை நிறைவு செய்துள்ளது. செவ்வாய் கிரகத்தை பற்றிய தகவல்களையும், புகைப்படங்களையும் இந்த விண்கலம் அனுப்பி வருகிறது. இந்நிலையில் இந்த ஆய்வை மேம்படுத்தும் விதமாக திரளான ரோபோ தேனீக்களை செவ்வாய் கிரகத்தில் உலவ விட ஆராய்ச்சியாளர்கள் முடிவு செய்துள்ளனர். இதற்கான நாசாவின் நிதி உதவியுடன் ரோபோ தேனீக்கள் உருவாக்கப்பட்டு வருகின்றன. செவ்வாயில் உலவுவதற்கான திறன்களுடன் உருவாக்கப்படும் இந்த ரோபோக்கள், மின்னேற்றம் மற்றும் தகவல்களை பரிமாறிக் கொள்வதற்கான மையமாக கியூரியாசிட்டி இருக்கும் என்று ஆராய்ச்சியாளர்கள் தெரிவித்துள்ளனர்.

5.55 லட்சம் கோரிக்கை கடிதங்களுடன் பிரதமர் அலுவலகம் நோக்கி மாலிவால் பேரணி போலீசார் தடுத்ததால் தள்ளு முள்ளு

புதுடெல்லி:  பிரதமர் அலுலகத்திற்குள் உரிய அனுமதியின்றி நுைழய முயன்ற மாநில பெண்கள் ஆணைய தலைவர் சுவாதி மாலிவால் மற்றும் அவரது குழுவினர் டெல்லி போலீசாரால் வலுகட்டாயமாக இழுத்து சென்று அப்புறப்படுத்தப்பட்டனர். டெல்லியில் கடந்த ஜனவரி மாதம் 8 மாத குழந்தை பாலியல்  பலாத்காரத்துக்குள்ளானது. இந்த சம்பவத்தை அடுத்து டெல்லி பெண்கள் மற்றும்  குழந்தைகளுக்கு மீதான பாலியல் வன்முறைக்கு எதிராக  மாநில பெண்கள் ஆணைய  தலைவர் மாலிவால், ‘ரேப் ெராகோ’ இயக்கத்தை தொடங்கினார். இதன் நோக்கம்,  பாலியல் பலாத்கார சம்பவ வழக்குகளை 6 மாதத்திற்குள் நடத்தி முடிக்க  வேண்டும். பாலியல் குற்றச்செயல்களில் தண்டிக்கப்படும் நபர்களுக்கு தூக்கு  தண்டனை விதிக்கும் சட்டத்தை இயற்ற வேண்டும் என்பதை வலியுறுத்தி இந்த  இயக்கம்தொடங்கினார். இந்த கோரிக்கையை ஆதரிப்போரிடமிருந்து இந்தியா  முழுவதிலும் இருந்து கடிதங்கள் பெறப்பட்டது. இதன் மூலம் சுமார் 5.55 லட்சம்  கடிதங்கள் பெறப்பட்டது. இவற்றை பிரதமர் அலுவலகத்தில் ஒப்படைக்க சுவாதி  மாலிவால் மற்றும் அவரது ஆணைய உறுப்பினர்கள் தன்னார்வலர்கள் என சுமார்  50க்கும் மேற்பட்டோர் கார்களில் பேரணியாக சென்றனர். ஆனால், பிரதமர்  அலுவலகம் செல்ல உரிய முன்அனுமதி பெறவில்லை என கூறி மாலிவால் மற்றும் அவரது  குழுவினரை போலீசார் விஜய் சவுக்கில் தடுத்து நிறுத்தினர். அப்போது  போலீசாருக்கும் மாலிவால் மற்றும் அவரது குழுவினருக்கும் இடையே தள்ளு முள்ளு  ஏற்பட்டது. இதுபற்றி துணை போலீசார் கமிஷனர் மதூர் வர்மா கூறுகையில், மாலிவால் உரிய அனுமதி பெறாததால் தடுத்து நிறுத்தப்பட்டனர். ஆனால், அவர்கள் கொண்டு வந்த கடிதங்கள் அனைத்தும் பிரதமர் அலுவலகத்தில் ஒப்படைக்கப்படும் என உறுதியளிக்கப்பட்டது. அதன்படி, அனைத்தும் அலுவலக வரவேற்பு அறையில் சேர்க்கப்பட்டது” என்றார்.போலீசார் மீது குற்றச்சாட்டு மாலிவால் கூறுகையில், “பல லட்சம் மக்கள் பெரும் நம்பிக்கையுடன் பிரதமருக்கு கடிதங்கள் அனுப்பியுள்ளனர். இதுதான் அவர்களுடைய மன்கிபாத். மக்களின் விருப்பத்திற்கு மதிப்பளிப்பதற்கு மாறாக தடுத்துவிட்டனர். எங்களை போலீசார் இழுத்து தள்ளிவிட்டனர். இது மிகவும் வருத்தமளிக்கக்கூடியது. போலீசார் வலுகட்டாயமாக எங்களை வெளியேற்ற முயன்றனர். இதனால் எனது கைகளில் காயம் ஏற்பட்டது. இத்தகைய செயல்கள் என்னையோ எனது குழுவினரையோ தடுத்துவிட முடியாது” என்றார்.

அக்னி 1 ஏவுகணை சோதனை வெற்றி

புபனேஸ்வர் : அணு ஆயுதத்தை சுமந்து சென்று தாக்கும் அக்னி 1 ஏவுகணையை இந்தியா வெற்றிகரமாக பரிசோதித்தது. ஒடிசாவில் பரிசோதிக்கப்பட்ட ஏவுகணை 700 கிமீ தொலைவில் இருந்து இலக்கை துல்லியமாக தாக்கியது.

1000 பிரிட்டிஷ்கால சட்டங்கள் ரத்து: உத்தரபிரதேச அரசு முடிவு

லக்னோ: நாட்டிலேயே முதல் முறையாக, உத்தரபிரதேச மாநிலத்தில் பிரிட்டிஷ் ஆட்சி காலத்தில் உருவாக்கப்பட்ட 1,000 சட்டங்கள் ரத்து செய்யப்பட உள்ளன. உ.பி.,யில் பா.ஜ.,வைச் சேர்ந்த யோகி ஆதித்யநாத் முதல்வராக உள்ளார். தற்போதைய சூழ்நிலைக்கு பொருந்தாத, 1,000 சட்டங்களை, உ.பி., அரசு பட்டியலிட்டுஉள்ளது. இந்த சட்டங்கள் அனைத்தையும், ஒரே சட்ட திருத்த மசோதா மூலம், ரத்து செய்ய முடிவு செய்யப்பட்டுள்ளது. இதுகுறித்து, உ.பி., மாநில சட்ட அமைச்சர், பிரிஜேஷ் பதக், நிருபர்களிடம் கூறியதாவது: பிரிட்டிஷ் ஆட்சி காலத்தில் இயற்றப்பட்ட  பல சட்டங்கள் தற்போதைய காலத்துக்கு பொருந்தாதவையாக மாறியுள்ளன. இத்தகைய சட்டங்களை ஆய்வு செய்து வருகிறோம். இந்த சட்டங்கள் அனைத்தையும், ஒரே சட்ட திருத்தம் மூலம், ரத்து செய்ய திட்டமிட்டுள்ளோம். இவ்வாறு அவர் கூறினார். உ.பி., அரசு ரத்து செய்யவுள்ள சட்டங்களில், 1890ல் உருவான, ஐக்கிய மாகாண சட்டமும் அடங்கும். இந்த சட்டத்தை, பிரிட்டிஷ் கவர்னர் ஜெனரல், மேற்கு மாகாணங்கள் மற்றும் அவுத் பகுதியை சிறப்பாக நிர்வகிப்பதற்காக கொண்டுவந்தார். உ.பி., மாநிலம் உருவாகி, 68 ஆண்டுகள் ஆனதை, அம்மாநில அரசு, சமீபத்தில் கொண்டாடியது. அதை தொடர்ந்து, பிரிட்டிஷ் ஆட்சி கால சட்டங்களை ரத்து செய்யும் முடிவு எடுக்கப்பட்டது. நாட்டில், பிரிட்டிஷ் ஆட்சி கால சட்டங்கள், இவ்வளவு அதிகமாக ஒரே நேரத்தில் ரத்து செய்யப்படுவது, இதுவே முதல் முறை.

152 ஆண்டுகளுக்கு ஒருமுறை நிகழும் அதிசயம்: நீலநிலவு சந்திர கிரகணம்

பூமியானது சூரியனின் சுற்று வட்ட பாதையில் சுற்றி வருவதை கிரகண பாதை என்று அழைக்கின்றோம். சந்திரனும் பூமியை சிறு வட்டப்பாதையில் சுற்றி வருகின்றது. ஆனால் சந்திரனின் சுற்றுப்பாதை சரியான கிரகண பாதையில் அமையவில்லை. அது சுமார் 5 டிகிரி சாய்வு கோணத்தில் அமைந்துள்ளது. இதனால் மிக அரிதாக நிலவு பூமிக்கும், சூரியனுக்கும் இடையில் உள்ள கற்பனைக் கோட்டை கடக்கும் போது சூரியகிரகணம் ஏற்படுகிறது. எனவே சந்திரனின் பாதை கிரகண பாதையோடு ஒன்றியிருக்கும்போது அமாவாசையின்போது சூரிய கிரகணமும் பவுர்ணமியின்போது சந்திரகிரகணமும் நிகழ்கிறது.இந்த கிரகணம் மேற்கு வட அமெரிக்கா, கிழக்கு ஆசியா, ஆஸ்திரேலியா மற்றும் பசிபிக் பெருங்கடல் போன்ற பெரும்பாலான பகுதிகளிலும், இந்தியாவிலும் தெரியும். சந்திர கிரகணத்தை திறந்தவெளியில் தொலைநோக்கியின்றி கண்டுகளிக்கலாம். விண்வெளியில் வெறும் கண்களால் பார்க்கும்போது பாதிப்பு ஏதும் ஏற்படாது. மேலும் ஒரு முழு சந்திர கிரகணத்தை இந்தியாவில் 27.7.18 இரவு முதல் 28.7.18 வரை வரை காணலாம்.இன்று (31ம் தேதி) நிலவானது பூமியின் சுற்றுப்பாதையில் அருகில் வருவதால் சற்று பெரியதாக காணப்படும். 2018ம் ஆண்டில் தெரிகின்ற 2வது சூப்பர் மூன் இதுதான். இதற்கு முன் கடந்த 2ம் தேதி சூப்பர் மூன் தென்பட்டது. இந்த மாதத்திலேயே இரண்டு முறை பவுர்ணமி தென்படுவதால் இதனை நீல நிலவு (ப்ளூ மூன்) என்றழைக்கப்படுகிறது. இதேபோல் வரும் மார்ச் மாதம் இரண்டு பவுர்ணமி ஏற்படுகிறது. மார்ச் 31ம் தேதி ஏற்படுகின்ற பவுர்ணமி அடுத்த நீலநிலவு ஆகும். முழு சந்திர கிரகணம் நீல நிலவில் தென்படுவது மிகவும் அரிதானது. இத்தகைய சிறப்பு வாய்ந்த கிரகணம் தான் நாளை தென்படுகிறது. இது மீண்டும் 152 ஆண்டுகளுக்கு பின்னர் காணலாம். இது போன்ற நிகழ்வு கடந்த 1866 மார்ச் 31ம் தேதி ஏற்பட்டது.

150 ஆண்டுகளுக்குப் பிறகு தெரியும் அரிதான முழு சந்திர கிரகணம்: ப்ளூ மூன் என வர்ணனை!

வாஷிங்டன்: 2018-ன் முதல் சந்திரகிரகணம் இம்மாதம் 31-ம் தேதி நிகழும் என்று எதிர்பார்க்கப்படுவதாக சர்வதேச வானிலை ஆராய்ச்சி மையங்கள் தெரிவித்துள்ளன. இதற்கு மற்றுமொரு சிறப்பம்சம் என்னவென்றால், சுமார் 150 ஆண்டுகளுக்குப் பிறகு நிகழும் அரிதான முழு சந்திர கிரகணம் இது ஆகும். மேலும் இது ‘நீல நிலா’ (ப்ளூ மூன்) என்று அழைக்கப்படுகிறது. ஜனவரி 31- ம் தேதி நள்ளிரவில் இந்த முழு சந்திரகிரகணம் ஏற்படுவதால் பசிபிக் பெருங்கடல் பகுதி கொந்தளிப்புடன் காணப்படும் என்றும் தெரிவிக்கப்பட்டுள்ளது. இந்தியத் துணைக்கண்டம், மத்திய கிழக்கு மற்றும் கிழக்கு ஐரோப்பா ஆகியவை இந்த கிரகணம் ஏற்கெனவே தயார் நிலையில் உள்ளது. இதேபோல் மத்திய மற்றும் கிழக்கு ஆசியா, இந்தோனேசியா, நியூசிலாந்து, ஆஸ்திரேலியா ஆகிய நாடுகளில் இந்த சந்திர கிரகணம் மாலை வேளையில் முழுயாகத் தெரியும். மேலும் அலாஸ்கா, வடமேற்கு கனடா, ஹவாய் ஆகிய நாடுகளில் இந்த சந்திர கிரகணம் முழுமையாக தெரியும். இருப்பினும் வட மற்றும் மத்திய அமெரிக்காவில் சந்திரன் மறையும் நேரம் குறுக்கிடும்.இந்த முழு சந்திர கிரகணம் சுமார் 77 நிமிடங்கள் வரை நிகழ வாய்ப்புள்ளது என்றும் முழு கிரகணம் தெரியும் நேரத்தில் சந்திரனின் கீழ் விளிம்பு பிரகாசமாகவும், மேல் விளிம்பு இருளாக இருக்கும் என்றும் தெரிவிக்கப்பட்டுள்ளது. 2028ம் ஆண்டு தான் அடுத்த முழு சந்திரகிரகணம் நிகழும் வாய்ப்புள்ளதாக கருதப்படுகிறது. இதனால் இது முக்கியவத்துவம் உள்ள நிகழ்வாக பார்க்கப்படுகிறது.

பிரபஞ்சத்தில் மேலும் ஒரு சூரியக் குடும்பம் இருப்பது உறுதியானது: கெப்ளர்-90 குடும்பத்தில் 8வது கோள் கண்டுபிடிப்பு

கலிபோர்னியா: சூரிய மண்டலத்திற்கு வெளியே பூமி அளவில் 7 புதிய கோள்கள் இருப்பதாக நாசா முன்னர் அறிவித்திருந்தது. சூரிய குடும்பத்தை போன்று இக்கோள்களும் பெரிய நட்சத்திரத்தை சுற்றி வருகின்றன. இந்த குடும்பத்திற்கு கெப்ளர் 90 என பெயரிடப்பட்டது. இந்நிலையில், அக்குடும்பத்தில் 8வது கோள் நாசாவின் கெப்ளர் ஸ்பேஸ் டெலஸ்கோப் மற்றும் அமெரிக்க விண்வெளி கழகத்தின் செயற்கை நுண்ணறிவு முறை மூலம் கண்டுபிடிக்கப்பட்டுள்ளது. இந்த கோள் பூமியை போன்று 30 சதவீதம் அதிக எடையில் இருக்கும் என கூறப்பட்டுள்ளது. இது குறித்து நாசா வெளியிட்டுள்ள அறிக்கையில், நமது சூரிய குடும்பத்தை போன்று, ஒரு நட்சத்திரத்தை மையமாக கொண்டு சுற்றி வரும் பல கோள்கள் அடங்கிய மண்டலம் உள்ளது. ஏராளமான கோள்களை கொண்ட இந்த மண்டலத்தில் எதுவும் உயிரினங்கள் வாழ ஏற்றதாக இல்லை. இருப்பினும் இவற்றில் 8 கோள்கள் பூமியைப் போன்ற தோற்றம் கொண்டதாக உள்ளன. இந்த கோள்களின் மையமாக விளங்கும் நட்சத்திரம் கெப்ளர் 90 என அழைக்கப்படுகிறது. இது 2545 ஒளி ஆண்டுகள் தொலைவில் உள்ளது. கெப்ளர் 90 நட்சத்திர மண்டலம், மினி சூரிய குடும்பம் போன்றே காணப்படுகிறது. கோள்கள் ஒன்றுக்கு ஒன்று நெருக்கமாக காணப்படும் இந்த நட்சத்திர மண்டலத்தில் சிறிய அளவிலான கோள்கள் உள் பகுதியிலும், பெரிய கோள்கள் வெளி பகுதியிலும், நட்சத்திரத்தை சுற்றி வருகின்றன. புதிதாக கண்டுபிடிக்கப்பட்டுள்ள கெப்ளர் 90ஐ என்ற கோள், பூமியை போன்றே இருந்தாலும், இது நட்சத்திரத்தை ஒருமுறை சுற்றி வர 14.4 நாட்கள் எடுத்துக் கொள்கிறது. இதன் பரப்பளவு மிகுந்த வெப்பம் நிறைந்ததாக இருக்கலாம். தோராயமாக 426 செல்சியஸ் வரை வெப்பநிலை இருக்கலாம். செவ்வாய் கிரகத்தை விட இது வெப்பம் நிறைந்ததாக இருக்கலாம் என நாசா தெரிவித்துள்ளது.

பிரபஞ்சத்தில் மேலும் ஒரு சூரியக் குடும்பம் : நாசா நிபுணர்கள் கண்டுபிடிப்பு

வாஷிங்க்டன் : பிரபஞ்சத்தில் மேலும் ஒரு சூரியக் குடும்பம் இருப்பதை நாசா நிபுணர்கள் கண்டுபிடித்துள்ளனர். நமது சூரியக் குடும்பத்தைப்  போல் 8 கிரகங்களுடன் இருப்பதும் தெரிய வந்துள்ளதாக நாசா தகவல் அளித்துள்ளது. நாசா விண்ணுக்கு அனுப்பிய கெப்ளர் விண்கலம் புதிய சூரியக் குடும்பத்தை அடையாளம் கண்டுள்ளது.  

ஆப்ரிக்க இன யானைகள் விரைவில் அழிந்துவிடும் ஆபத்து: ஆய்வில் அதிர்ச்சி தகவல்

ஜெனிவா: ஆப்ரிக்க இன யானைகள் விரைவில் அழிந்துவிடும் ஆபத்து உள்ளதாக அதிர்ச்சி தகவல் தெரிவிக்கப்பட்டுள்ளது. ஸ்விட்சர்லாந்து நாட்டில் உள்ள ஜெனிவாவில் அழிந்துவரும் விளங்குகளின் பாதுகாப்பு தொடர்பான 69வது மாநாடு தொடங்கியுள்ளது. ஆப்ரிக்காவின் பல பகுதிகளில் கடந்த 2006ம் ஆண்டு முதல் சட்டத்திற்கு புறம்பாக யானைகள் வேட்டையாடப்பட்டதால் அவற்றின் எண்ணிக்கை வெகுவாக குறைந்துவிட்டதாக தெரிவிக்கப்பட்டுள்ளது. மேலும், ஒவ்வொரு 15 நிமிடத்திற்கு ஒரு ஆப்ரிக்க யானை கொல்லப்பட்டு வருவதாகவும், கடந்த 10 ஆண்டுகளில் யானைகளின் மக்கள் தொகை 62 சதவிகிதம் குறைந்துள்ளதாகவும் அதிர்ச்சி தகவல் தெரிவிக்கப்பட்டுள்ளது. உடனடி நடிவடிக்கை எடுத்து ஆப்ரிக்க இன யானைகளை பாதுகாக்காவிட்டால் அவற்றின் இனம் வெகு விரைவில் முற்றிலும் அழிந்துவிடும் அபாயம் உள்ளதாக மாநாட்டில் தெரிவிக்கப்பட்டுள்ளது.

நாம் நினைத்ததைவிட அதிக நோய்களை பரப்பும் ஈக்கள்: விஞ்ஞானிகள் எச்சரிக்கை

பென்சில்வேனியன்: நாம் நினைத்ததைவிட அதிக நோய்களை ஈக்கள் பரப்புவதாக விஞ்ஞானிகள் ஆய்வில் கண்டறிந்துள்ளனர். வீட்டில் பெரும்பாலும் காணப்படும் ஈக்கள் மற்றும் நீலநிற ஈக்கள், 600 விதமான பாக்டீரியாக்களை பரப்புவதாக மரபணு ஆய்வில் தெரியவந்துள்ளது. இந்த பாக்டீரியக்கள், பெரும்பாலும், வயிற்று வலி, ரத்தத்தில் விஷம் ஏறுதல், நிமோனியா ஆகிய மனிதர்களுக்கு தொடர்புடைய நோய்களை பரப்புகின்றன. ஈக்களால், தனது கால்கள், இறக்கைகள் மற்றும் பாதங்கள் மூலமாக, நோய்களை ஒரு இடத்திலிருந்து மற்றொரு இடத்திற்குப் பரப்ப முடியும். சொல்லப்போனால், அவை எடுத்து வைக்கும் ஒவ்வொரு அடியிலும், அவற்றால் உயிருடன் உள்ள பாக்டீரியாக்களைப் பரப்ப முடியும். வீட்டில் பரவலாக காணப்படும் ஈக்களின், உடலின் மேலும், உடலினுள்ளும் இருக்கும் நுண்ணுயிரிக்கள் குறித்து மரபணு ஆய்வுமுறை வழியாக இந்த ஆய்வு நடத்தப்பட்டது. வீட்டில் பொதுவாக பார்க்கக்கூடிய ஈக்கள் 351 வகையான பாக்டீரியாக்களை பரப்புகின்றன. சூடான காலங்களில் வரும், நீலநிற ஈக்கள் 316 வகை பாக்டீரியாக்களை பரப்புகின்றன. இந்த இருவகை ஈக்களாலும், அதிகப்படியான பாக்டீரியாக்கள் பரப்பப்படுகின்றன. பொதுசுகாதார அதிகாரிகளால், நோய்களை திடீரென பரப்பும் காரணிகளாக ஈக்கள் பார்க்கப்பட்டிருக்கலாம் என்று இந்த ஆய்வை வெளியிட்ட ஆராய்ச்சியாளர்கள் தெரிவித்துள்ளனர்.

குடிநீரில் இருந்து புளூரைடுவை நாவல்பழ விதை பொடி நீக்கும்: வாய் புற்றுநோய் உள்ளிட்ட பிரச்னைகளுக்கு தீர்வு

ஐதராபாத் : குடிநீரில் அதிகப்படியாக உள்ள புளூரைடு உப்பை நீக்க நாவல்பழ விதைப்பொடி பயன்படுகிறது என்பதை இன்ஜினியர்கள் கண்டுபிடித்துள்ளனர்.நாம் குடிக்கும் குடிநீரில் புளூரைடு உப்பு உள்ளது. ஒரு லிட்டர் தண்ணீரில் ஒரு மிலி கிராம் அல்லது 1.5 மில்லி கிராமுக்கு குறைவாக புளூரைடு உப்பு கலந்திருந்தால் அது சரியான குடிநீர். இந்த அளவை தாண்டி புளூரைடு உப்பு குடிநீரில் சேர்ந்தால் எலும்பு நோய், பல் நோய், வாய் புற்றுநோய் உள்ளிட்ட பல்வேறு பிரச்னைகள் உருவாகி விடும். எனவே, புளூரைடு அளவாக கலந்த குடிநீரை அனைவரும் பருகுவது முக்கியம். பற்பசைகளில் கூட புளூரைடு அளவு பார்த்து வாங்குவது மிகவும் முக்கியம்.ஆனால், இந்தியாவில் 17 மாநிலங்களில் புளூரைடு நிர்ணயிக்கப்பட்ட அளவையும் தாண்டி குடிநீரில் கலந்திருப்பது தெரிய வந்துள்ளது. குறிப்பாக, தெலங்கானா மாநிலம் நல்கொண்டா மாவட்டத்தில் எடுக்கப்பட்ட நிலத்தடி நீரில் இந்த அளவு அதிகமாக இருப்பது கண்டுபிடிக்கப்பட்டது. இந்த அளவை குறைப்பது குறித்து பல்வேறு கட்ட ஆராய்ச்சிகள் நடைபெற்று வருகின்றன. ஐதராபாத் ஐஐடியில் உள்ள வேதியியல் பொறியியல் குழுவினர் துணை பேராசிரியர் சந்திரசேகர் சர்மா தலைமையில் ஆராய்ச்சி மேற்கொண்டனர். அந்த ஆராய்ச்சியில் நாவல்பழ விதைகளை பொடியாக்கி புளூரைடு சதவீதம் அதிகம் உள்ள நீரில் கலந்தால், அதன் அளவை நீக்கிவிடுவதை கண்டுபிடித்துள்ளனர்.நாவல்பழ விதை பொடி கார்பன் பொருளாக பயன்படுகிறது. இதை குடிநீரில் கலந்து கொதிக்க வைத்தால், அதில் உள்ள புளூரைடு குறைந்துவிடுகிறது. இந்த முறையால் பாதுகாக்கப்பட்ட குடிநீரை அனைவரும் பயன்படுத்த முடியும் என்று பேராசிரியர் சர்மா தெரிவித்தார். தற்போது, ரம்யா ஆரகா தலைமையிலான குழுவினர், நாவல்பழ விதை பொடியை பயன்படுத்தி எந்தவகையான குடிநீர் மாசுவை போக்க முடியும் என்பது குறித்து ஆராய்ச்சி செய்து வருகின்றனர்.

டெங்கு, சிக்குன்குனியா பாதிப்பு டெல்லியில் குறைவு : உச்ச நீதிமன்றத்தில் அரசு தகவல்

புதுடெல்லி: கடந்த ஆண்டைவிட சிக்குன்குனியா மற்றும் டெங்கு பாதிப்பு இந்த ஆண்டில் சற்று குறைவாகவே உள்ளது என டெல்லி அரசு, உச்சநீதிமன்றத்தில் தகவல் தெரிவித்துள்ளது. திறந்தவெளியில் தேங்கும் நீரில் ஏடியஸ் மற்றும் பெண் கொசுக்கள் தங்கள் இனப்பெருக்கத்தை பெருக்கி கொண்டு, பொதுமக்களுக்கு டெங்கு, சிக்குன்குனியா மற்றும் மலேரியா உள்ளிட்ட நோய் பாதிப்புகளை ஏற்படுத்தி வருகிறது. இந்த தாக்குதலால் பலர் பாதிக்கப்பட்டாலும், சிலர் சிகிச்சை பலனின்றி உயிரிழக்க நேரிடுகிறது. கடந்த 2015ம் ஆண்டு டெல்லியை சேர்ந்த 7 வயது சிறுவன் டெங்குவால் பாதிக்கப்பட்டபோது, அவனுக்கு 5 தனியார் மருத்துவமனைகள் சிகிச்சை அளிக்க மறுத்தன. இதில் சிறுவன் உயிரிழக்கவே, பெற்றோரும் வேதனை தாங்காமல் தற்கொலை செய்து கொண்டனர். இந்த வழக்கை தாமாக முன்வந்து உச்சநீதிமன்றம் விசாரணை நடத்தியது. இதன் ஒரு பகுதியாக நேற்று நீதிபதிகள் மதன் பி லோகூர் மற்றும் தீபக் குப்தா ஆகியோர் அமர்வு முன் விசாரணை நடந்தது. அப்போது டெல்லி அரசு சார்பில் ஆஜரான வழக்கறிஞர், ‘டெல்லியில் கடந்த ஆண்டு டெங்கு மற்றும் சிக்குனியாவால் மக்கள் பெரிதும் பாதிக்கப்பட்டனர். மாநகராட்சிகள் வெளியிட்ட நிலவரப்படி கடந்த ஆண்டு டிசம்பர் 3ம் தேதி வரை ஓர் உயிரிழப்பு உட்பட டெங்குவால் 9,633 பேரும், சிக்குனியாவால் 4,305 பேரும் பாதிக்கப்பட்டிருந்தனர்.  ஆனால் இந்த ஆண்டு அதன் எண்ணிக்கை குறைந்துள்ளது. தலைநகரில் மாநகராட்சி வெளியிட்ட அறிக்கையில் அக்டோபர் 7ம் தேதி நிலவரப்படி 2,152 பேர் டெங்குவாலும் 368 பேர் சிக்குன்குனியாவாலும் பாதிக்கப்பட்டுள்ளனர். இந்தியா அளவில் டெங்குவின் பாதிப்பு 8,726 பேர் என இருந்த போதிலும், இந்த மாதம் மட்டும் டெல்லியில் டெங்கு பாதிப்பு 345 பேர் மட்டுமே. இதனால் கொசுக்களால் இந்த ஆண்டு மிகப்பெரிய பாதிப்பு எதுவும் ஏற்படவில்லை’ என்று ெதரிவித்தார்.* டெல்லியில் ஒவ்வொரு ஆண்டும் மழைக் காலத்தில் டெங்கு, சிக்குன்குனியா, மலேரியா போன்ற நோய்கள் கொசுக்களால் பரவுகின்றன.* இந்த நோய்களை கட்டுப்படுத்த மாநில அரசும் , மாநகராட்சிகளும் பல்வேறு தடுப்பு நடவடிக்கைகளை எடுத்து வருகின்றன.* இது தவிர, காற்று மாசு, ஒலி மாசு போன்ற பிரச்னைகளும் டெல்லியை திணறடித்து வருகின்றன.

99 ஆண்டுகளுக்கு முழு அளவிலான சூரிய கிரகணம் இன்று பிற்பகல் நிகழ்கிறது

சென்னை : 99 ஆண்டுகளுக்கு முழு அளவிலான சூரிய கிரகணம் இன்று பிற்பகல் நிகழ்கிறது. இதனை சுமார் 30 கோடி பேர் கண்டு ரசிக்க முடியும் என்று எதிர்பார்க்கப்படுகிறது. அமெரிக்காவில் இந்த சூரிய கிரணம் முழு அளவில் தெரியும். சென்னையில் 26 நிமிடம் இந்த சூரிய கிரகணத்தை பார்க்க முடியும்.

மனிதர்களின் செயல்பாட்டால் வனவிலங்குகளின் அழிவை பூமி சந்திக்க நேரிடும்! ஆய்வில் அதிர்ச்சி தகவல்

ஏற்கனவே 5 முறை வெகுஜன அழிவை சந்தித்துள்ள பூமி, தற்போது 6-வது முறையாக பல உயிரினங்கள் அழியும் நிலையை சந்தித்து வருவதாக புதிய ஆய்வு ஒன்று தெரிவித்துள்ளது. ஊர்வன, பறவைகள், பாலூட்டிகள், நீர்நிலை இருவாழ்விகள் என 27,600 உயிரினங்கள் குறித்து ஆய்வாளர்கள் ஆய்வு நடத்தியுள்ளனர். இதில் 32% உயிரினங்களின் எண்ணிக்கை பெரும் சரிவை சந்தித்து வருவதடன் அவற்றின் வாழ்விடங்களும் பெருமளவு சுருங்கி வருவது கண்டறியப்பட்டு உள்ளது. சிறுத்தை, சிங்கம், ஒட்டகச்சிவிங்கி உள்ளிட்ட பாலூட்டிகளையும் சேர்த்து 9,000 முதுகெலும்பு உயிரினங்களின் எண்ணிக்கை கடந்த 115 ஆண்டுகளில் பெருமளவு சரிந்துள்ளது. மொத்தமே 7,000 என்ற அளவில் இருந்த சிறுத்தைகளின் எண்ணிக்கை, கடந்த 15 ஆண்டுகளில் 53% சரிந்துள்ளது. ஆப்பிரிக்க சிங்கங்களின் எண்ணிக்கை கடந்த 20 ஆண்களில் 40% சரிந்துள்ளது. இந்தோனேசியாவின் சுமத்ரா, போர்னியோ தீவுகளில் உராங்குட்டன்கள் அழிவின் விளிம்பில் உள்ளன. இதனால் உயிரின பன்முகத்தன்மை பாதிக்கப்படும் என்றும் மனிதகுலத்தின் மீதும் கடும் தாக்கத்தை ஏற்படுத்தும் என்றும் ஆய்வாளர்கள் எச்சரித்துள்ளனர்.

செவ்வாய் மீது மட்டும் ஏன் இத்தனை ஆர்வம்?

நமது சூரியமண்டலத்தில் மனிதன் காலடி பதிக்கக்கூடிய வாய்ப்புள்ள கிரகம் ஒன்று இருக்கிறது என்றால் அது செவ்வாயாகத்தான் இருக்கும். மனிதன் சந்திரனுக்கு போய்விட்டு வந்தாலும் சந்திரன் என்பது கோள் அல்ல. அது பூமியை சுற்றிவரும் ஒரு துணைக்கோள் மட்டுமே. புதன், வெள்ளி (சுக்கிரன்) ஆகியவை மனிதன் போகமுடியாத இடங்கள். சூரியனுக்கு மிக அருகாமையில் உள்ளதால் புதன் கிரகம் வெப்பம் பூமியில் உள்ளதைபோல 11மடங்கு அதிகமாக இருக்கும். மேலும் பகல் என்பது சுமார் 3 மாதத்திற்கு இருக்கும். வெள்ளிக்கு செல்லலாம் என்றால் அது அதைவிட மோசமான பருவநிலையை கொண்டுள்ளது. அங்கு காற்றழுத்தம் மிக அதிகம். ஆளில்லாத விண்கலம் வெள்ளியில் போய் இறங்கினாலும் கடும் அழுத்தத்தால் விண்கலம் தூளாக நொறுங்கிவிடும். சரி... வெப்பம், காற்றழுத்தம் குறைவான கிரகத்திற்கு செல்லலாம் என்று செவ்வாய்க்கு அப்பால் உள்ள வியாழன், சனியை ஆராய்ந்தால் அங்கு வேறுமாதிரியான சூழ்நிலை. அதாவது பனிக்கட்டி உருண்டைகளாக அவை இருக்கின்றன. ஆளில்லா விண்கலம் அங்கு போய் இறங்கினால் அவை புதைசேற்றுக்குள் சிக்கியது போல புதைந்து விடும்.அதனால் தான் சூரியமண்டல கிரகங்களில் செவ்வாய் மட்டுமே நம்மை கவர்ந்து இழுக்கிறது. அதனால்தான் விஞ்ஞானிகள் கடந்த பல ஆண்டுகளாக செவ்வாயை நோக்கி அவ்வப்போது ஆளில்லா விண்கலன்களை அனுப்பி மனிதன் வாழ்வதற்கான சூழ்நிலைகளை ஆராய்ச்சி செய்து வருகின்றனர்.

வெப்பத்தை குறைக்கும்; விலையும் குறைவு மணலுக்கு எம்-சாண்ட் செங்கலுக்கு பிளை ஆஷ்: அரசுக்கு வருவாய் தேடித்தரும் இன்ஜினியரிங் மாணவர்கள்

காரைக்குடி: செங்கலுக்கு மாற்றாக ‘பிளை ஆஷ்’ கல்லை தயாரித்து, அவற்றை விற்று அரசுக்கும் லாபம் ஈட்டி தருகின்றனர் இன்ஜினியரிங் கல்லூரி மாணவர்கள் என்றால் நம்ப முடிகிறதா? நீர்நிலைகளை பாதுகாக்க ஆற்றுமணல் விற்பனைக்கு தமிழக அரசு சில நிபந்தனைகளை விதித்துள்ளது. மேலும், மணலுக்கு மாற்றாக எம்-சாண்டை உபயோகிக்க அறிவுறுத்தி உள்ளது. கட்டுமான பணிக்கு பிரதானமே செங்கல்தான். இதனை உற்பத்தி செய்ய அதிக அளவில் கிராவல் மண் தேவை. ஆயிரம் செங்கல் உற்பத்தி செய்ய 3 டன்னுக்கு மேல் கிராவல் மண் தேவைப்படும். சூளையில் கல்லை வேக வைக்க அதிகளவு விறகு தேவைப்படும். சூளையில் இருந்து வெளியே வரும் புகையால் சுற்றுச்சூழல் மாசுபடுகிறது.இதனை கருத்தில் கொண்டு கண்டுபிடிக்கப்பட்டது தான் ‘பிளை ஆஸ் பிரிக்ஸ்’ (உலர் சாம்பல் செங்கல்). இக்கல் செயல்பாட்டில் இருந்தாலும், மக்களிடம் போதிய வரவேற்பு இல்லை. இதனை மக்களிடம் எடுத்துச்செல்லவும், மண் வளத்தை பாதுகாக்கவும் பிளை ஆஸ் செங்கல் உற்பத்தியை  கையில் எடுத்துள்ளனர் சிவகங்கை மாவட்டம், காரைக்குடி அழகப்ப செட்டியார் பொறியியல் கல்லூரி மெக்கானிக்கல் பிரிவு மாணவர்கள்.இக்கல்லூரியில் இறுதியாண்டு படிக்கும் மாணவர்களான ராஜ்குமார், மாணிக்கம் ஆகியோர் கூறுகையில், ‘‘தூத்துக்குடி அனல் மின்நிலையத்தில் இருந்து உலர் சாம்பல் வாங்கப்படுகிறது, சுண்ணாம்புக்கழிவுகள், ஜிப்சம், கிரசர் தூசி ஆகியவற்றை கொண்டு பிளை ஆஸ் செங்கலை உற்பத்தி செய்கிறோம். இவை சாதாரண செங்கலை விட வலுவானது. ஒரு கல் 3 கிலோ வரை எடை இருக்கும்.ஆட்டோமெட்டிக் பிளை ஆஸ் பிரிக்ஸ் இயந்திரத்தில் பேன் மிக்சர், கன்வேயர், பிராசசிங் யூனிட் என 3 அமைப்புகள் உள்ளன. முதலில் பேன் மிக்சரில் சுண்ணாம்பு, ஜிப்சத்தை போட்டு ஒரு நிமிடம் அரைக்க வேண்டும். பின்னர் உலர் சாம்பல் (பிளை ஆஷ்), கிரசர் தூள் ஆகியவற்றை போட்டு மேலும் 2 நிமிடம் அரைக்கவேண்டும். இந்த நான்கும் கலந்து சாந்து போல் ஆகிவிடும்.  இக்கலவை கன்வேயர் பெல்ட் மூலம் பிராசசிங் யூனிட்டுக்கு வந்து, செங்கல் உற்பத்தி செய்யப்படும். வெப்பம் கடத்தும் திறன் குறைவாக உள்ளதால், வீட்டுக்குள் வெப்பத்தை விடாது. சரியான அளவில் தயார் செய்வதால் சிமென்ட் பயன்பாடு குறைவு. இதனை உற்பத்தி செய்ய ரூ.4 வரை செலவாகிறது. நாங்கள் ரூ.5க்கு விற்பனை செய்கிறோம். லாபத்தில் அரசுக்கும் பங்கு கொடுத்து விடுகிறோம். கல்லூரி தொழில் முனைவோர் திட்டத்தின் கீழ் இதனை தயாரிக்கிறோம். அனல் மின்நிலைய சாம்பலுக்கு பதிலாக, இப்பகுதியில் அதிகளவில் கிடைக்கும் அரிசி மில் சாம்பலை கொண்டு செங்கல் தயாரிக்கும் ஆராய்ச்சியில் ஈடுபட்டு வருகிறோம். விழிப்புணர்வுக்காக கட்டிட பொறியாளர்கள், கான்ட்ராக்டர்கள், வீட்டு உரிமையாளர்களிடம் பேசி வருகிறோம்...’’ என்கின்றனர்.கல்லூரி தொழில் முனைவோர் திட்ட ஒருங்கிணைப்பாளர் சிவானந்தம் கூறுகையில், ‘‘மாணவர்கள் சொந்த தொழிலில் ஈடுபட வேண்டும் என்பதை ஊக்கப்படுத்தவே இந்த திட்டம் செயல்படுத்தப்படுகிறது. இத்திட்டத்திற்கு முன்னாள் மாணவர்கள் ரூ.3 லட்சம் வட்டியில்லா கடனாக கொடுத்துள்ளனர். மாணவர் தொழில் துவங்குவதற்காக, வங்கியில் கடன் பெற கல்லூரி நிர்வாகம் தரப்பில் பரிந்துரை செய்யப்படும். தமிழகத்தில் உள்ள பொறியியல் கல்லூரிகளில், வேறு எங்கும் மாணவர்கள் உற்பத்தி செய்து அதனை விற்பனை செய்வது இல்லை. இக்கல்லூரியில் தான் முதல்முறையாக செயல்படுத்தப்பட்டுள்ளது,’’ என்கிறார்.

முறையற்ற யோகா பயிற்சி பாதுகாப்பானது அல்ல: ஆய்வில் தகவல்

பழமையான இந்திய தியான பயிற்சியில் ஒன்றாக யோகா, மனிதர்களின் தசை மற்றும் எலும்பு வலி போக்குகிறது என்று பரவலாக கூறப்பட்டு வருகிறது, இதனை ஆராய்ச்சியாளர்களும் நம்பி வருகின்றனர். இந்நிலையில் முறையற்ற யோகா பயிற்சி பாதுகாப்பானது அல்ல என்று ஒரு நாளிதழில் குறிப்பிட்டுள்ளனர். அதாவது, பாடிஒர்க் அண்ட் மூவ்மென்ட் தெரஃபி என்று சொல்லக்கூடிய நாளிதழ் ஒன்று, யோகா பயிற்சியில் ஈடுபடுவதால் காயங்கள் ஏற்படும் சதவீதம் அதிகரிக்கிறது என்று அதிர்ச்சியூட்டும் தகவலை வெளியிட்டுள்ளது.யோகா பயிற்சி, தசைக்கூட்டு சீர்குலைவுகளுக்கான மாற்று சிகிச்சையாக கருதப்படுவதால் உலகம் முழுவதும் கோடிக்கணக்கான மக்கள் இந்த பயிற்சியை மேற்கொண்டு வருகின்றனர். மற்ற உடற்பயிற்சியை தவிர, யோகா பயிற்சி தசைக்கூட்டு வலிக்கு பயனளிப்பதை போல் தெரிந்தாலும், இறுதியாக தசைக்கூட்டு வலியை மேலும் அதிகரிக்கச் செய்யும் என்று ஆஸ்திரேலியாவில் சிட்னி பல்கலைக்கழகத்தில் இருந்து எவாஞ்சலோஸ் பப்பாஸ் கூறியுள்ளார். எங்களுடைய ஆய்வின் படி, உடற்பயிற்சி மேற்கொள்ளும் விளையாட்டு வீரர்களின் காயத்தை ஒப்பிட்டுப் பார்க்கும்போது யோகா பயிற்சி செய்யும் வீரர்களின் காயத்தின் வலி, கடந்த ஒரு வருடத்தில் 1% ஆக அதிகரித்துள்ளது. எனினும் மக்கள் யோகா பயிற்சி மிகவும் பாதுகாப்பான செயல்பாடு என்று கருதுகின்றனர். ஆனால் கடந்த ஆய்வறிக்கையுடன் ஒப்பிட்டு பார்க்கும் போது யோகா பயிற்சி மேற்கொள்பவரின் காயங்கள் 10% வரை அதிகரித்துள்ளது.