Science - Dinakaran

இஸ்ரேலின் பெரேஷிட் என்னும் விண்கலம் மோதிய பகுதியின் படத்தை வெளியிட்டது நாசா

கலிபோர்னியா: இஸ்ரேல் நிலவுக்கு அனுப்பிய விண்கலம், நிலவின் மேற்பரப்பில் மோதி விபத்துக்குள்ளான இடத்தை நாசா கண்டறிந்துள்ளது. நிலவில் தரையிறங்கி புகைப்படங்கள் எடுப்பதோடு, பல்வேறு பரிசோதனைகளை மேற்கொள்வதற்காக இஸ்ரேல் பெரேஷிட் என்னும் விண்கலத்தை நிலவுக்கு அனுப்பியது. இந்த விண்கலம் கடைசி நேரத்தில் தொழில்நுட்ப கோளாறு காரணமாக நிலவின் மேற்பகுதியில் மோதி வெடித்தது. இந்நிலையில் இந்த விபத்து ஏற்பட்ட இடத்தை நாசாவின் விண்கலம் கண்டறிந்ததாக தெரிவிக்கப்பட்டுள்ளது. நிலவின் சுற்று பாதையில் உள்ள நாசாவின் லூனர்  ரெங்கனைசன் ஆர்பிட்டர் நிலவின் மேற்பரப்பில் உள்ள விபத்து ஏற்பட்ட இடத்தை புகைப்படம் எடுத்துள்ளது. அதே இடத்தில் 2016ஆம் ஆண்டு எடுக்கப்பட்ட புகைப்படத்தையும் தற்போதைய புகைப்படத்தையும் ஒப்பிட்டு நாசா வெளியிட்டு உள்ளது. இந்த புகைப்படம் நிலவின் மேற்பரப்பிலிருந்து  90 கிலோ மீட்டர் உயரத்திலிருந்து  எடுக்கப்பட்டது.

பூமியைப் போல செவ்வாய் கிரகத்திலும் ஏற்பட்ட நிலநடுக்கம்..: நாசா விண்வெளி மையம் ஆடியோ வெளியீடு!

வாஷிங்டன்: பூமியில் நிலநடுக்கம் ஏற்படுவதைப் போல், முதன்முறையாக செவ்வாய் கிரகத்திலும் நிலநடுக்கம் ஏற்பட்டுள்ளது. இது தொடர்பான ஆடியோவை நாசா விண்வெளி மையம் வெளியிட்டுள்ளது. செவ்வாய் கிரகத்தின் மேற்பரப்பை ஆய்வு செய்ய கடந்த 6 மாதங்களுக்கு முன் இன்சைட் விண்கலன் அனுப்பி வைக்கப்பட்ட நிலையில், தற்போது செவ்வாயின் நிலப்பரப்பு குறித்து ஆய்வு மேற்கொண்டு வருகிறது. இதில் கிரகங்களின் வெப்பநிலையை கணக்கிடும் கருவி, சுழற்சி மற்றும் நிலத்தின் செயல்பாடு குறித்தும் கண்டறிய கருவிகள் பொருத்தப்பட்டுள்ளது. இந்நிலையில், செவ்வாய்கிரகத்தில் ஏற்பட்ட நிலஅதிர்வை இன்சைட் விண்கலன் ஆய்வு செய்து முதல் அதிர்வை பதிவு செய்துள்ளதாகவும் கலிபோர்னியா விஞ்ஞானிகள் தெரிவித்துள்ளனர். கடந்த ஏப்ரல் 6ம் தேதி நிலநடுக்கம் ஏற்பட்டுள்ளதாக இந்த விண்கலத்தில் பதிவாகியுள்ளது. நிலநடுக்கம் செவ்வாயின் உட்பகுதியில் ஏற்படுள்ளதாக கண்டறியப்பட்டுள்ளது. மார்ஸ்குவேக் என அழைக்கப்படும் இந்த நில அதிர்வு 2 அல்லது 2.5 ரிக்டர் அளவுகோலாக உள்ளது. செவ்வாய் கிரகத்தில் இது முதல்முறையாக ஏற்பட்டுள்ளது. செவ்வாய் கிரகத்தில் ஏற்பட்ட இந்த நிலநடுக்கத்தால் பெரிய அளவில் அதிர்வு ஏதுமில்லை என தெரிய வந்துள்ளது. மேலும் மார்ச் 14 மற்றும் ஏப்ரல் 10, 11 ஆகிய தேதிகளிலும் லேசான நிலநடுக்கம் ஏற்பட்டுள்ளது. இந்த நிலநடுக்கங்களின் தன்மை, அளவு மற்றும் விளைவுகள் குறித்து நாசா விரிவான ஆய்வுகள் மேற்கொண்டு வருகிறது. இதுகுறித்து பேசிய விஞ்ஞானிகள், இந்த சிக்னலை கேட்க நீண்ட மாதங்களாக காத்திருந்தோம். செவ்வாய் கிரகத்திலும் நில அதிர்வு ஏற்பட்டுள்ளதற்கு ஆதாரம் கிடைத்ததில் மகிழ்ச்சியாக உள்ளோம். அவை குறித்து ஆராய்ச்சி செய்த பிறகு விரிவான தகவல்களை வெளியிடுகிறோம் என்று கூறியுள்ளனர்.

தலைமை நீதிபதி மீதான குற்றச்சாட்டை விசாரிப்பது தொடர்பாக மதியம் 2 மணிக்கு தீர்ப்பு

டெல்லி: தலைமை நீதிபதி மீதான குற்றச்சாட்டை விசாரிப்பது தொடர்பாக மதியம் 2 மணிக்கு உத்தரவு பிறப்பிக்கப்படும் என உச்சநீதிமன்றம் தீர்ப்பளித்துள்ளது. பணம் மற்றும் அதிகாரம் படைத்தவர்கள் நீதித்துறையை ஒருபோதும் கட்டுப்படுத்தி இயக்க முடியாது எனவும் உச்சநீதிமன்றம் தெரிவித்துள்ளது. உச்சநீதிமன்ற தலைமை நீதிபதி மீதான பாலியல் புகார் தொடர்பான விசாரணையில் நீதிபதிகள் எச்சரிக்கை விடுத்துள்ளனர். மேலும் நெருப்புடன் விளையாடுகிறீர்கள் எனவும் நீதிபதிகள் கடும் எச்சரிக்கை விடுத்துள்ளனர்.

தேர்தல் நடத்தை விதிகள் மீறல்: காங்கிரஸ் மீது பாஜ புகார்

புதுடெல்லி: மக்களவைத் தேர்தல் விதி மீறல்களுக்காக காங்கிரஸ் கட்சி மீது நடவடிக்கை எடுக்க வேண்டும் என தேர்தல் ஆணையத்துக்கு பாஜ கடிதம்  எழுதியுள்ளது.   மக்களவைத் தேர்தலுக்கான நடத்தை விதிகள் கடந்த மாதம் 10ம் தேதி முதல் அமலில் உள்ளன. காங்கிரஸ், ஆம் ஆத்மி, பாஜ பரஸ்பரம் ஒருவர்  மீது ஒருவர் தேர்தல் நடத்தை விதி மீறல்களில் ஈடுபட்டதாக புகார் கூறி வருகின்றனர். காங்கிரஸ் கட்சி மீது நடவடிக்கை எடுக்க கோரி தேர்தல்  ஆணையத்துக்கு டெல்லி பாஜ கடிதம் எழுதியுள்ளது. பாஜவின் டெல்லி பொதுச் செயலாளர்  ராஜேஷ் பாட்டியா தேர்தல் ஆணையத்துக்கு எழுதியுள்ள  கடிதத்தில், இந்தியா கேட் ரவுண்டானா அருகே இரு ஆட்டோ ரிக்‌ஷாக்கள் காங்கிரஸ் கட்சிக்கு ஹைபை சொல்லுங்கள் என்ற வாசகங்களுடன் உள்ள  பேனர்கள் கட்டப்பட்டு பிரசாரம் செய்து வருகின்றன. இதன் மூலம் ஆட்டோ ரிக்‌ஷாக்களை அக்கட்சி பிரசாரத்துக்கு ஈடுபடுத்தி வருகிறது . பொது பயண வாகனமான ஆட்டோ ரிக்‌ஷாவில் பிரசாரம் செய்ய யார் அனுமதி கொடுத்தது? எனவே தேர்தல் ஆணையம் புகாரை விசாரித்து காங்கிரஸ்  கட்சி மீது தேர்தல் விதி மீறல்களுக்காக நடவடிக்கை எடுக்க வேண்டும் என கோரிக்கை விடுத்துள்ளார்.

புவி சுற்றுவட்டப்பாதையில் எமிசாட் செயற்கைகோள் வெற்றிகரமாக நிலை நிறுத்தம்: பி.எஸ்.எல்.வி.சி- 45 ராக்கெட்

புவி சுற்றுவட்டப்பாதையில் எமிசாட் செயற்கைகோள் வெற்றிகரமாக நிலை நிறுத்தகப்பட்டது. புவி சுற்றுவட்டப்பாதையில் எமிசாட் செயற்கைகோள் வெற்றிகரமாக நிலை நிறுத்தியது பி.எஸ்.எல்.வி.சி- 45 ராக்கெட். 28 வெளிநாட்டு செயற்கைகோள்கள் சற்று நேரத்தில் மற்றொரு சுற்றுவட்டப்பாதையில் நிலைநிறுத்தப்படுகின்றன.

மனிதர்களால் 50 ஆண்டுகளில் 1,700 உயிரினங்கள் அழியும் அபாயம்: விஞ்ஞானிகள் எச்சரிக்கை

நியூ ஹேவன்: உலகம் முழுவதும் அடுத்த 50 ஆண்டுகளில் 1700க்கும் அதிமான உயிரினங்கள் அழிந்து போகும் அபாயம் உள்ளதாக விஞ்ஞானிகள் எச்சரித்துள்ளனர். இதுதொடர்பாக ஆய்வறிக்கை ஒன்றை வெளியிட்டுள்ள அமெரிக்காவின் யேல் பல்கலைக்கழக விஞ்ஞானிகள், மனிதர்கள் பயன்படுத்தும் நிலப்பரப்பு அதிகரித்து வருவதாகவும் இதனால், தற்போது உயிரினங்களின் வாழ்விடங்கள் 30 முதல் 50 சதவிகிதம் வரை அழிக்கப்பட்டு வருவதாகவும் தெரிவித்துள்ளனர். இதன் காரணமாக 2070ம் ஆண்டில் மிகப்பெரிய பேரழிவை ஏனைய உயிரினங்கள் சந்திக்கும் எனவும், இந்நிலை நீடித்தால் மனிதர்களுக்கான பேரழிவு விரைவில் தொடங்கும் எனவும் அவர்கள் தெரிவித்துள்ளனர். இந்த 1700 உயிரினங்களில் 436 பறவைகள் இனங்கள், 376 பாலூட்டிகள் மற்றும் 886 வகையான நீர்நிலை விலங்குகள் அதிக பாதிப்பை சந்திக்கும் என எதிர்பார்க்கப்படுகிறது. அதிலும் முக்கியமாக இந்தோனேசியாவின் லாம்போக் குறுக்கு தவளை, தெற்கு சூடானின் நைல் லெஸ்வெ, பிரேசிலின் ட்ரீஹன்டர், அர்ஜென்டினா, பிரேசில், உருகுவே ஆகிய பகுதிகளில் வாழும் ரெட்ஹான்டர் ஆகிய உயிரினங்கள் அடுத்த 50 ஆண்டுகளில் தங்களின் புவியியல் வரம்பில் பாதியை இழக்கும் அபாயம் உள்ளதாக கூறப்பட்டுள்ளது. அதுமட்டுமல்லாது, மத்திய மற்றும் கிழக்கு ஆப்பிரிக்கா, மீசோமெரிக்கா, தென் அமெரிக்கா மற்றும் தென்கிழக்கு ஆசியா ஆகிய பகுதிகளில் உள்ள உயிரினங்கள் பெரும் அழிவை சந்திக்க நேரிடும் எனவும் கூறப்பட்டுள்ளது.

அரசு அதிகாரிகள் திடுக்கிடும் தகவல் ஜமாத் இ இஸ்லாமி இயக்கம் தடை செய்யப்பட்டது ஏன்?

புதுடெல்லி: காஷ்மீரில் செயல்பட்டு வரும் ஜமாத் இ இஸ்லாமி இயக்கத்தை தடை செய்தது ஏன் என்பது குறித்து மத்திய அரசு அதிகாரிகள் விளக்கம் அளித்தனர்.காஷ்மீரில் செயல்படும்  ‘ஜமாத் இ இஸ்லாமி ஜம்மு காஷ்மீர்’ என்ற தீவிரவாத இயக்கத்தை 5 ஆண்டுகளுக்கு தடை விதித்து மத்திய அரசு நேற்று முன்தினம் உத்தரவிட்டது. தீவிரவாத இயக்கங்களுடன் தொடர்பில் இருந்ததாலும் பிரிவினைவாத இயக்கங்களுக்கு உதவியதாலும் அந்த அமைப்புக்கு தடை விதிக்கப்பட்டதாக தெரிவிக்கப்பட்டது. இந்த அமைப்பு ஏற்கனவே கடந்த 1975ம் ஆண்டில் மாநில அரசால் 2 ஆண்டுக்கும், கடந்த 1990ம் ஆண்டு ஏப்ரலில் மத்திய அரசால் 3 ஆண்டுகளுக்கும் தடை விதிக்கப்பட்டது. இந்த நிலையில், தற்போது அந்த அமைப்புக்கு மீண்டும் தடை விதிக்கப்பட்டுள்ளது ஏன் என்பது தொடர்பாக மத்திய அரசு அதிகாரிகள் விளக்கம் அளித்துள்ளனர். இது தொடர்பாக அந்த அதிகாரிகள் கூறியதாவது: காஷ்மீரில் செயல்படும் மிகப்பெரிய தீவிரவாத அமைப்பான ஹிஸ்புல் முஜாகிதின் அமைப்பை உருவாக்கியதில் முக்கிய பங்காற்றியது ஜமாத் இ இஸ்லாமி. இது தவிர  பாகிஸ்தான் ஆதரவுடன் அனைத்து கட்சி ஹுரியத் மாநாட்டு கட்சியை உருவாக்கியதில் மூளையாகவும் இந்த அமைப்பு செயல்பட்டுள்ளது. ஜமாத் இ இஸ்லாமி அமைப்புக்கு காஷ்மீரில் மிக அதிக தொண்டர்கள் உள்ளனர்.  குறிப்பாக, தெற்கு காஷ்மீரில் அதிகளவு உள்ளது. காஷ்மீரில் பிரிவினைவாதிகள் மற்றும் தீவிரவாதம் அதிகரிக்க இந்த அமைப்பு காரணமாக இருந்துள்ளது. இது தவிர ஹிஸ்புல் முஜாகிதின் தீவிரவாத அமைப்புக்கு ஆட்களை தேர்வு செய்வது, நிதியுதவி செய்தல், தங்குமிடம் அளித்தல் போன்ற உதவிகளையும் இந்த அமைப்பு செய்துள்ளது. ஹிஸ்புல் முஜாகிதின் தலைவர் சயீத் சலாலுதின் காஷ்மீரை பாகிஸ்தானுடன் இணைக்க ஆதரவு தெரிவித்து வருகிறார். அவர் தற்போது பாகிஸ்தானில் மறைந்து வாழ்கிறார். மதத்தின் பெயரால் நிதி வசூல் செய்யும் ஜமாத் இ இஸ்லாமி தேச விரோத நடவடிக்கைக்கு இதை பயன்படுத்துகிறது. இவ்வாறு அவர்கள் தெரிவித்தனர்.

டெல்லியில் மாலை 6.30 மணிக்கு அனைத்துக்கட்சி கூட்டம்

டெல்லி: டெல்லியில் மாலை 6.30 மணிக்கு பிரதமர் தலைமையில் அனைத்துக்கட்சி கூட்டம் நடைபெறுகிறது. அனைத்துக் கட்சி கூட்டத்திற்கு கட்சி தலைவர்கள் அனைவருக்கும் அழைப்பு விடுக்கப்பட்டுள்ளது.

மிக துல்லியமாக, விரைவாக இந்திய விமானப்படை தாக்குதல் பாராட்டுக்குரியது: கர்னல் தியாகராஜன்

டெல்லி: மிக துல்லியமாக, விரைவாக இந்திய விமானப்படை மேற்கொண்ட தாக்குதல் பாராட்டுக்குரியது என முன்னாள் ராணுவ அதிகாரி கர்னல் தியாகராஜன் பேட்டியளித்துள்ளார். மேலும் பதிலடியை இந்தியா இதோடு நிறுத்திக் கொள்ளாது எனவும் கூறினார்.

வேகமாக நகர்ந்து வரும் பூமியின் வட துருவ காந்தப் புலம்: பூமி தலைகீழாக மாறலாம் என விஞ்ஞானிகள் கணிப்பு!

வாஷிங்டன்: உலகத்தின் வட துருவ காந்தப் புலம் (Magnetic North Pole) வேகமாக நகர்ந்து வருவதாக ஆராய்ச்சியாளர்கள் எச்சரித்துள்ளனர். பூமிப் பந்தின் வட புலம் துல்லியமாக குறிக்கப்பட்டது 1881ம் ஆண்டில் இருந்து தான். ஆனால், அப்போதிருந்தே அது ஆண்டுக்கு, 10 கி.மீ., இடம் பெயர்ந்து வருவதை ஆராய்ச்சியாளர்கள் கண்டுபிடித்தனர். ஆனால், இந்த வேகமானது கடந்த சில ஆண்டுகளாக மிக மிக அதிகரித்துள்ளது. அதாவது, வட காந்தப் புலம் தற்போது ஆண்டுக்கு, 30 முதல் 40 கி.மீ வரை இடம்பெயர ஆரம்பித்திருப்பதாக ஆராய்ச்சியாளர்கள் தகவல் தெரிவித்துள்ளனர். இதுகுறித்த விவரங்கள், அடுத்த ஒரு வருடத்திற்கான துருவங்கள் பற்றிய புதிய ஆய்வறிக்கையில் தெரிவிக்கப்பட்டுள்ளது. அந்த அறிக்கையில் கூறப்பட்டுள்ளதாவது, வட காந்த துருவம் கடந்த ஒரு வருடத்தில் 34 மைல் தொலைவில் கனடாவின் ஆர்டிக் பகுதியிலிருந்து சைபீரியாவை நோக்கி நகர்ந்து கொண்டிருக்கிறது. வட காந்த முனை நோக்கி திசைகாட்டி ஊசி புள்ளிகள் உள்ளன. தற்போது ஏற்பட்டுள்ள இந்த வடபுல மாற்றத்தால், திசைகாட்டிகளில் மாற்றம் ஏற்படத் தொடங்கியுள்ளது. எனவே, கப்பல்கள், விமானங்கள், நீர்மூழ்கிக் கப்பல்கள் போன்றவற்றில் உள்ள திசைகாட்டிகளை மேம்படுத்த வேண்டும். வட காந்த துருவம் நகர்வதால், ஸ்மார்ட்போன்கள் மற்றும் மின்னணு சாதனங்களில் நிலையாக இருக்கும் வழிகாட்டிகளுக்குச் சிக்கலை ஏற்படுத்தும் என தெரிவிக்கப்பட்டுள்ளது. மேலும், இந்த புல நகர்வால் வட துருவத்திற்கு அருகே இருப்பவர்களுக்கே லேசான பாதிப்பு ஏற்படும். அதற்குத் தள்ளி இருக்கும் நாடுகள், இப்போதைக்கு இதுபற்றி கவலைப்பட வேண்டியதில்லை. பூமியின் தற்போதுள்ள இரு காந்தப் புலங்களும், 7.8 லட்சம் ஆண்டுகளுக்கு முன் தலைகீழாக மாறியவை தான் எனக் கூறப்படும் நிலையில், அப்படி ஒரு மாற்றம் வருவதற்கான அறிகுறியே நகர்வு வேகம் அதிகரித்துவருவது என்று விஞ்ஞானிகள் கணித்துள்ளனர்.

ப்ளூட்டோ கிரகத்தில் உறைந்த நிலையில் மீத்தேன் படிமங்கள்: விஞ்ஞானிகள் கண்டுபிடிப்பு

வாஷிங்டன்: ப்ளூட்டோ கிரகத்தில் உறைந்த நிலையில் மீத்தேன் படிமங்கள் இருப்பதை சமீபத்திய ஆய்வில் அமெரிக்க விஞ்ஞானிகள் கண்டுபிடித்துள்ளனர். ப்ளூட்டோ கிரகத்தை ஆராய நியூ கொரைசான்ஸ் என்ற விண்கலத்தை கடந்த 2015ம் ஆண்டு நாசா அனுப்பி வைத்தது. பூமியில் இருந்து மிகவும் தூரத்தில் உள்ள மிக சிறிய அளவிலான ப்ளூட்டோ கிரகத்தில் கடும் குளிர் நிலவுகிறது. பூமியில் உள்ள பாலைவனங்களைப் போன்றே ப்ளூட்டோவின் மேற்பரப்பு காணப்படும் என முன்னர் நம்பப்பட்டது. இந்நிலையில் இக்கிரகத்தை நியு கொரைசான் விண்கலம் தற்போது போட்டோ எடுத்து அனுப்பியுள்ளது. அங்கு 2 ஆயிரம் சதுர கி.மீட்டர் பரப்பளவுக்கு மணல் குன்றுகள் உள்ளன. டோக்கியோ நகரம் அளவிலான இவை காற்றினால் உருவாகியிருக்க கூடும் என கருதப்படுகிறது. மணல் குன்றுகள் கலிபோர்னியாவின் டெத் பள்ளத்தாக்கு, சீனாவின் தக்லா மகன் பாலைவனத்தில் இருப்பது போன்று உள்ளது. ப்ளூட்டோ கிரகத்தில் உள்ள மணல் குன்றுகளில் உறைந்த நிலையில் மீத்தேன் படிமங்கள் காணப்படுகின்றன. அவை மணல் போன்று உள்ளதாக விஞ்ஞானிகள் தெரிவித்துள்ளனர். இவை 200 முதல் 300 மைக்ரோ மீட்டர்கள் விட்டம் கொண்ட நுண்துணிக்கைகளாக இருப்பதாகவும், அத்துடன் ப்ளூட்டோவில் நொடிக்கு 10 மீட்டர் வேகத்தில் காற்று வீசுவதால் இத்துணிக்கைகள் இடம்விட்டு இடம் நகர்வதாகவும் சுட்டிக்காட்டப்பட்டுள்ளது. இந்த ஆய்வுக்கட்டுரை அறிவியல் இதழில் வெளியிடப்பட்டுள்ளது.

சட்டமன்றத்தில் பெரும்பான்மையை 100 சதவீதம் நிரூபிப்போம்- எடியூரப்பா நம்பிக்கை

கா்நாடக: நம்பிக்கை வாக்கெடுப்பிற்கு உத்தரவிட்ட உச்சநீதிமன்ற உத்தரவை மதிக்கிறோம் என்று எடியூரப்பா தெரிவித்துள்ளார். நாளை சட்டமன்றத்தில் பெரும்பான்மையை 100 சதவீதம் நிரூபிப்போம் என்று எடியூரப்பா நம்பிக்கை தெருவித்துள்ளார்.

ரயில்வே ஓட்டல் ஒப்பந்த முறைகேடு லாலு மனைவி ரப்ரிதேவியிடம் சிபிஐ அதிகாரிகள் விசாரணை

புதுடெல்லி: பீகார் முன்னாள் முதல்வர் ரப்ரி தேவியிடம்  ரயில்வே ஓட்டல் ஒப்பந்த முறைகேடு தொடர்பாக சிபிஐ அதிகாரிகள் நேற்று விசாரணை நடத்தினர்.ராஷ்டிரிய ஜனதா தளம் தலைவர் லாலு பிரசாத் யாதவ் மத்திய ரயில்வே அமைச்சராக இருந்தபோது ராஞ்சி மற்றும் பூரி நகரங்களில் ஐஆர்டிசியின் கட்டுப்பாட்டின் கீழ் இருந்த இரண்டு ஓட்டல்களை பராமரிப்பதற்காக ஒப்பந்தம் விடப்பட்டது.  வினய் மற்றும் விஜய் கோச்சாருக்கு சொந்தமான சுஜாதா ஓட்டல், இந்த இரண்டு ஓட்டல்களையும் ஒப்பந்தத்துக்கு எடுத்தது. தனது அதிகாரத்தை முறைகேடாக பயன்படுத்தியதாகவும், பினாமி நிறுவனமான டிலைட் மார்க்கெட்டிங் நிறுவனம் மூலமாக பாட்னாவில் 3 ஏக்கர் நிலத்தை லஞ்சமாக பெற்றுக் கொண்டு ஒப்பந்தம் வழங்கியதாகவும் லாலு பிரசாத் மீது குற்றச்சாட்டு எழுந்தது. டெண்டர் விட்டதில் முறைகேடு நடந்துள்ளதாக கூறி சிபிஐ சார்பில் வழக்குப் பதிவு செய்யப்பட்டது. லாலு பிரசாத் யாதவ், அவரது மனைவி ரப்ரி தேவி, மகன் தேஜஸ்வி மற்றும் முன்னாள் மத்திய அமைச்சர் பிரேம்சந்த் குப்தாவின் மனைவி சர்ளா குப்தா ஆகியோர் மீது வழக்கு பதிவு செய்யப்பட்டது. இதுமட்டுமின்றி சுஜாதா ஓட்டல் இயக்குனர்கள் விஜய் மற்றும் வினய் கோச்சார் மற்றும் சாணக்கியா ஓட்டல் உரிமையாளர், ஐஆர்சிடிசி மேலாண் இயக்குனர் பிகே கோயல் ஆகியோர் மீதும் குற்றச்சாட்டு பதிவு செய்யப்பட்டு விசாரணை நடைபெற்று வருகின்றது. இந்நிலையில், இந்த முறைகேடு தொடர்பாக லாலுவின் மனைவியும், பீகார் முன்னாள் முதல்வருமான ரப்ரி தேவியிடம் சிபிஐ அதிகாரிகள் நேற்று விசாரணை நடத்தினர். பீகார் தலைநகர் பாட்னாவில் இந்த விசாரணை நடந்தது.

செவ்வாய் கிரகத்தில் ஆய்வு மேற்கொள்ள ரோபோ தேனீக்களை அனுப்ப நாசா திட்டம்

வாஷிங்டன் : செவ்வாய் கிரகத்தில் ஆய்வு மேற்கொள்வதற்காக ரோபோ தேனீக்களை அனுப்ப நாசா திட்டமிட்டுள்ளது. செவ்வாய் கிரகத்தில் தண்ணீர் இருக்கிறதா, அங்கு உயிர்கள் வாழ தகுந்த சூழல் நிலவுகிறதா என இந்தியா உட்பட உலக நாடுகள் அனைத்தும் ஆய்வு நடத்தி வருகின்றன. இந்த ஆராய்ச்சியின் ஒரு பகுதியாக, அமெரிக்க விண்வெளி ஆராய்ச்சி நிறுவனமான நாசா, கியூரியாசிட்டி ரோவர் என்ற விண்கலத்தை செவ்வாய் கிரகத்துக்கு அனுப்பி வைத்தது. செவ்வாய் கிரகத்தில் உலவி வரும் கியூரியாசிட்டி ரோவர் 2 ஆயிரம் நாட்களை நிறைவு செய்துள்ளது. செவ்வாய் கிரகத்தை பற்றிய தகவல்களையும், புகைப்படங்களையும் இந்த விண்கலம் அனுப்பி வருகிறது. இந்நிலையில் இந்த ஆய்வை மேம்படுத்தும் விதமாக திரளான ரோபோ தேனீக்களை செவ்வாய் கிரகத்தில் உலவ விட ஆராய்ச்சியாளர்கள் முடிவு செய்துள்ளனர். இதற்கான நாசாவின் நிதி உதவியுடன் ரோபோ தேனீக்கள் உருவாக்கப்பட்டு வருகின்றன. செவ்வாயில் உலவுவதற்கான திறன்களுடன் உருவாக்கப்படும் இந்த ரோபோக்கள், மின்னேற்றம் மற்றும் தகவல்களை பரிமாறிக் கொள்வதற்கான மையமாக கியூரியாசிட்டி இருக்கும் என்று ஆராய்ச்சியாளர்கள் தெரிவித்துள்ளனர்.

5.55 லட்சம் கோரிக்கை கடிதங்களுடன் பிரதமர் அலுவலகம் நோக்கி மாலிவால் பேரணி போலீசார் தடுத்ததால் தள்ளு முள்ளு

புதுடெல்லி:  பிரதமர் அலுலகத்திற்குள் உரிய அனுமதியின்றி நுைழய முயன்ற மாநில பெண்கள் ஆணைய தலைவர் சுவாதி மாலிவால் மற்றும் அவரது குழுவினர் டெல்லி போலீசாரால் வலுகட்டாயமாக இழுத்து சென்று அப்புறப்படுத்தப்பட்டனர். டெல்லியில் கடந்த ஜனவரி மாதம் 8 மாத குழந்தை பாலியல்  பலாத்காரத்துக்குள்ளானது. இந்த சம்பவத்தை அடுத்து டெல்லி பெண்கள் மற்றும்  குழந்தைகளுக்கு மீதான பாலியல் வன்முறைக்கு எதிராக  மாநில பெண்கள் ஆணைய  தலைவர் மாலிவால், ‘ரேப் ெராகோ’ இயக்கத்தை தொடங்கினார். இதன் நோக்கம்,  பாலியல் பலாத்கார சம்பவ வழக்குகளை 6 மாதத்திற்குள் நடத்தி முடிக்க  வேண்டும். பாலியல் குற்றச்செயல்களில் தண்டிக்கப்படும் நபர்களுக்கு தூக்கு  தண்டனை விதிக்கும் சட்டத்தை இயற்ற வேண்டும் என்பதை வலியுறுத்தி இந்த  இயக்கம்தொடங்கினார். இந்த கோரிக்கையை ஆதரிப்போரிடமிருந்து இந்தியா  முழுவதிலும் இருந்து கடிதங்கள் பெறப்பட்டது. இதன் மூலம் சுமார் 5.55 லட்சம்  கடிதங்கள் பெறப்பட்டது. இவற்றை பிரதமர் அலுவலகத்தில் ஒப்படைக்க சுவாதி  மாலிவால் மற்றும் அவரது ஆணைய உறுப்பினர்கள் தன்னார்வலர்கள் என சுமார்  50க்கும் மேற்பட்டோர் கார்களில் பேரணியாக சென்றனர். ஆனால், பிரதமர்  அலுவலகம் செல்ல உரிய முன்அனுமதி பெறவில்லை என கூறி மாலிவால் மற்றும் அவரது  குழுவினரை போலீசார் விஜய் சவுக்கில் தடுத்து நிறுத்தினர். அப்போது  போலீசாருக்கும் மாலிவால் மற்றும் அவரது குழுவினருக்கும் இடையே தள்ளு முள்ளு  ஏற்பட்டது. இதுபற்றி துணை போலீசார் கமிஷனர் மதூர் வர்மா கூறுகையில், மாலிவால் உரிய அனுமதி பெறாததால் தடுத்து நிறுத்தப்பட்டனர். ஆனால், அவர்கள் கொண்டு வந்த கடிதங்கள் அனைத்தும் பிரதமர் அலுவலகத்தில் ஒப்படைக்கப்படும் என உறுதியளிக்கப்பட்டது. அதன்படி, அனைத்தும் அலுவலக வரவேற்பு அறையில் சேர்க்கப்பட்டது” என்றார்.போலீசார் மீது குற்றச்சாட்டு மாலிவால் கூறுகையில், “பல லட்சம் மக்கள் பெரும் நம்பிக்கையுடன் பிரதமருக்கு கடிதங்கள் அனுப்பியுள்ளனர். இதுதான் அவர்களுடைய மன்கிபாத். மக்களின் விருப்பத்திற்கு மதிப்பளிப்பதற்கு மாறாக தடுத்துவிட்டனர். எங்களை போலீசார் இழுத்து தள்ளிவிட்டனர். இது மிகவும் வருத்தமளிக்கக்கூடியது. போலீசார் வலுகட்டாயமாக எங்களை வெளியேற்ற முயன்றனர். இதனால் எனது கைகளில் காயம் ஏற்பட்டது. இத்தகைய செயல்கள் என்னையோ எனது குழுவினரையோ தடுத்துவிட முடியாது” என்றார்.

அக்னி 1 ஏவுகணை சோதனை வெற்றி

புபனேஸ்வர் : அணு ஆயுதத்தை சுமந்து சென்று தாக்கும் அக்னி 1 ஏவுகணையை இந்தியா வெற்றிகரமாக பரிசோதித்தது. ஒடிசாவில் பரிசோதிக்கப்பட்ட ஏவுகணை 700 கிமீ தொலைவில் இருந்து இலக்கை துல்லியமாக தாக்கியது.

1000 பிரிட்டிஷ்கால சட்டங்கள் ரத்து: உத்தரபிரதேச அரசு முடிவு

லக்னோ: நாட்டிலேயே முதல் முறையாக, உத்தரபிரதேச மாநிலத்தில் பிரிட்டிஷ் ஆட்சி காலத்தில் உருவாக்கப்பட்ட 1,000 சட்டங்கள் ரத்து செய்யப்பட உள்ளன. உ.பி.,யில் பா.ஜ.,வைச் சேர்ந்த யோகி ஆதித்யநாத் முதல்வராக உள்ளார். தற்போதைய சூழ்நிலைக்கு பொருந்தாத, 1,000 சட்டங்களை, உ.பி., அரசு பட்டியலிட்டுஉள்ளது. இந்த சட்டங்கள் அனைத்தையும், ஒரே சட்ட திருத்த மசோதா மூலம், ரத்து செய்ய முடிவு செய்யப்பட்டுள்ளது. இதுகுறித்து, உ.பி., மாநில சட்ட அமைச்சர், பிரிஜேஷ் பதக், நிருபர்களிடம் கூறியதாவது: பிரிட்டிஷ் ஆட்சி காலத்தில் இயற்றப்பட்ட  பல சட்டங்கள் தற்போதைய காலத்துக்கு பொருந்தாதவையாக மாறியுள்ளன. இத்தகைய சட்டங்களை ஆய்வு செய்து வருகிறோம். இந்த சட்டங்கள் அனைத்தையும், ஒரே சட்ட திருத்தம் மூலம், ரத்து செய்ய திட்டமிட்டுள்ளோம். இவ்வாறு அவர் கூறினார். உ.பி., அரசு ரத்து செய்யவுள்ள சட்டங்களில், 1890ல் உருவான, ஐக்கிய மாகாண சட்டமும் அடங்கும். இந்த சட்டத்தை, பிரிட்டிஷ் கவர்னர் ஜெனரல், மேற்கு மாகாணங்கள் மற்றும் அவுத் பகுதியை சிறப்பாக நிர்வகிப்பதற்காக கொண்டுவந்தார். உ.பி., மாநிலம் உருவாகி, 68 ஆண்டுகள் ஆனதை, அம்மாநில அரசு, சமீபத்தில் கொண்டாடியது. அதை தொடர்ந்து, பிரிட்டிஷ் ஆட்சி கால சட்டங்களை ரத்து செய்யும் முடிவு எடுக்கப்பட்டது. நாட்டில், பிரிட்டிஷ் ஆட்சி கால சட்டங்கள், இவ்வளவு அதிகமாக ஒரே நேரத்தில் ரத்து செய்யப்படுவது, இதுவே முதல் முறை.

152 ஆண்டுகளுக்கு ஒருமுறை நிகழும் அதிசயம்: நீலநிலவு சந்திர கிரகணம்

பூமியானது சூரியனின் சுற்று வட்ட பாதையில் சுற்றி வருவதை கிரகண பாதை என்று அழைக்கின்றோம். சந்திரனும் பூமியை சிறு வட்டப்பாதையில் சுற்றி வருகின்றது. ஆனால் சந்திரனின் சுற்றுப்பாதை சரியான கிரகண பாதையில் அமையவில்லை. அது சுமார் 5 டிகிரி சாய்வு கோணத்தில் அமைந்துள்ளது. இதனால் மிக அரிதாக நிலவு பூமிக்கும், சூரியனுக்கும் இடையில் உள்ள கற்பனைக் கோட்டை கடக்கும் போது சூரியகிரகணம் ஏற்படுகிறது. எனவே சந்திரனின் பாதை கிரகண பாதையோடு ஒன்றியிருக்கும்போது அமாவாசையின்போது சூரிய கிரகணமும் பவுர்ணமியின்போது சந்திரகிரகணமும் நிகழ்கிறது.இந்த கிரகணம் மேற்கு வட அமெரிக்கா, கிழக்கு ஆசியா, ஆஸ்திரேலியா மற்றும் பசிபிக் பெருங்கடல் போன்ற பெரும்பாலான பகுதிகளிலும், இந்தியாவிலும் தெரியும். சந்திர கிரகணத்தை திறந்தவெளியில் தொலைநோக்கியின்றி கண்டுகளிக்கலாம். விண்வெளியில் வெறும் கண்களால் பார்க்கும்போது பாதிப்பு ஏதும் ஏற்படாது. மேலும் ஒரு முழு சந்திர கிரகணத்தை இந்தியாவில் 27.7.18 இரவு முதல் 28.7.18 வரை வரை காணலாம்.இன்று (31ம் தேதி) நிலவானது பூமியின் சுற்றுப்பாதையில் அருகில் வருவதால் சற்று பெரியதாக காணப்படும். 2018ம் ஆண்டில் தெரிகின்ற 2வது சூப்பர் மூன் இதுதான். இதற்கு முன் கடந்த 2ம் தேதி சூப்பர் மூன் தென்பட்டது. இந்த மாதத்திலேயே இரண்டு முறை பவுர்ணமி தென்படுவதால் இதனை நீல நிலவு (ப்ளூ மூன்) என்றழைக்கப்படுகிறது. இதேபோல் வரும் மார்ச் மாதம் இரண்டு பவுர்ணமி ஏற்படுகிறது. மார்ச் 31ம் தேதி ஏற்படுகின்ற பவுர்ணமி அடுத்த நீலநிலவு ஆகும். முழு சந்திர கிரகணம் நீல நிலவில் தென்படுவது மிகவும் அரிதானது. இத்தகைய சிறப்பு வாய்ந்த கிரகணம் தான் நாளை தென்படுகிறது. இது மீண்டும் 152 ஆண்டுகளுக்கு பின்னர் காணலாம். இது போன்ற நிகழ்வு கடந்த 1866 மார்ச் 31ம் தேதி ஏற்பட்டது.

150 ஆண்டுகளுக்குப் பிறகு தெரியும் அரிதான முழு சந்திர கிரகணம்: ப்ளூ மூன் என வர்ணனை!

வாஷிங்டன்: 2018-ன் முதல் சந்திரகிரகணம் இம்மாதம் 31-ம் தேதி நிகழும் என்று எதிர்பார்க்கப்படுவதாக சர்வதேச வானிலை ஆராய்ச்சி மையங்கள் தெரிவித்துள்ளன. இதற்கு மற்றுமொரு சிறப்பம்சம் என்னவென்றால், சுமார் 150 ஆண்டுகளுக்குப் பிறகு நிகழும் அரிதான முழு சந்திர கிரகணம் இது ஆகும். மேலும் இது ‘நீல நிலா’ (ப்ளூ மூன்) என்று அழைக்கப்படுகிறது. ஜனவரி 31- ம் தேதி நள்ளிரவில் இந்த முழு சந்திரகிரகணம் ஏற்படுவதால் பசிபிக் பெருங்கடல் பகுதி கொந்தளிப்புடன் காணப்படும் என்றும் தெரிவிக்கப்பட்டுள்ளது. இந்தியத் துணைக்கண்டம், மத்திய கிழக்கு மற்றும் கிழக்கு ஐரோப்பா ஆகியவை இந்த கிரகணம் ஏற்கெனவே தயார் நிலையில் உள்ளது. இதேபோல் மத்திய மற்றும் கிழக்கு ஆசியா, இந்தோனேசியா, நியூசிலாந்து, ஆஸ்திரேலியா ஆகிய நாடுகளில் இந்த சந்திர கிரகணம் மாலை வேளையில் முழுயாகத் தெரியும். மேலும் அலாஸ்கா, வடமேற்கு கனடா, ஹவாய் ஆகிய நாடுகளில் இந்த சந்திர கிரகணம் முழுமையாக தெரியும். இருப்பினும் வட மற்றும் மத்திய அமெரிக்காவில் சந்திரன் மறையும் நேரம் குறுக்கிடும்.இந்த முழு சந்திர கிரகணம் சுமார் 77 நிமிடங்கள் வரை நிகழ வாய்ப்புள்ளது என்றும் முழு கிரகணம் தெரியும் நேரத்தில் சந்திரனின் கீழ் விளிம்பு பிரகாசமாகவும், மேல் விளிம்பு இருளாக இருக்கும் என்றும் தெரிவிக்கப்பட்டுள்ளது. 2028ம் ஆண்டு தான் அடுத்த முழு சந்திரகிரகணம் நிகழும் வாய்ப்புள்ளதாக கருதப்படுகிறது. இதனால் இது முக்கியவத்துவம் உள்ள நிகழ்வாக பார்க்கப்படுகிறது.

பிரபஞ்சத்தில் மேலும் ஒரு சூரியக் குடும்பம் இருப்பது உறுதியானது: கெப்ளர்-90 குடும்பத்தில் 8வது கோள் கண்டுபிடிப்பு

கலிபோர்னியா: சூரிய மண்டலத்திற்கு வெளியே பூமி அளவில் 7 புதிய கோள்கள் இருப்பதாக நாசா முன்னர் அறிவித்திருந்தது. சூரிய குடும்பத்தை போன்று இக்கோள்களும் பெரிய நட்சத்திரத்தை சுற்றி வருகின்றன. இந்த குடும்பத்திற்கு கெப்ளர் 90 என பெயரிடப்பட்டது. இந்நிலையில், அக்குடும்பத்தில் 8வது கோள் நாசாவின் கெப்ளர் ஸ்பேஸ் டெலஸ்கோப் மற்றும் அமெரிக்க விண்வெளி கழகத்தின் செயற்கை நுண்ணறிவு முறை மூலம் கண்டுபிடிக்கப்பட்டுள்ளது. இந்த கோள் பூமியை போன்று 30 சதவீதம் அதிக எடையில் இருக்கும் என கூறப்பட்டுள்ளது. இது குறித்து நாசா வெளியிட்டுள்ள அறிக்கையில், நமது சூரிய குடும்பத்தை போன்று, ஒரு நட்சத்திரத்தை மையமாக கொண்டு சுற்றி வரும் பல கோள்கள் அடங்கிய மண்டலம் உள்ளது. ஏராளமான கோள்களை கொண்ட இந்த மண்டலத்தில் எதுவும் உயிரினங்கள் வாழ ஏற்றதாக இல்லை. இருப்பினும் இவற்றில் 8 கோள்கள் பூமியைப் போன்ற தோற்றம் கொண்டதாக உள்ளன. இந்த கோள்களின் மையமாக விளங்கும் நட்சத்திரம் கெப்ளர் 90 என அழைக்கப்படுகிறது. இது 2545 ஒளி ஆண்டுகள் தொலைவில் உள்ளது. கெப்ளர் 90 நட்சத்திர மண்டலம், மினி சூரிய குடும்பம் போன்றே காணப்படுகிறது. கோள்கள் ஒன்றுக்கு ஒன்று நெருக்கமாக காணப்படும் இந்த நட்சத்திர மண்டலத்தில் சிறிய அளவிலான கோள்கள் உள் பகுதியிலும், பெரிய கோள்கள் வெளி பகுதியிலும், நட்சத்திரத்தை சுற்றி வருகின்றன. புதிதாக கண்டுபிடிக்கப்பட்டுள்ள கெப்ளர் 90ஐ என்ற கோள், பூமியை போன்றே இருந்தாலும், இது நட்சத்திரத்தை ஒருமுறை சுற்றி வர 14.4 நாட்கள் எடுத்துக் கொள்கிறது. இதன் பரப்பளவு மிகுந்த வெப்பம் நிறைந்ததாக இருக்கலாம். தோராயமாக 426 செல்சியஸ் வரை வெப்பநிலை இருக்கலாம். செவ்வாய் கிரகத்தை விட இது வெப்பம் நிறைந்ததாக இருக்கலாம் என நாசா தெரிவித்துள்ளது.