Special - Dinakaran

கோடைக்காலத்தில் நீர்ச்சத்து குறைந்தால் கிட்னி பாதிக்கும்: டாக்டர்கள் எச்சரிக்கை

வேலூர்: கோடைக்காலத்தில் நீர்ச்சத்து குறைவதால் ஏற்படும் சிறுநீர் தொற்றுகளால் கிட்னி பாதிக்கும் அபாயம் ஏற்படும். எனவே, பாதுகாப்பாக இருக்க வேண்டும் என்று டாக்டர்கள் அறிவுறுத்தியுள்ளனர். தமிழகத்தின் பெரும்பாலான மாவட்டங்களில் 100 டிகிரியை தாண்டி வெயில் சுட்டெரித்து வருகிறது. வேலூர் மாவட்டத்தில் கடந்த சில நாட்களாக 105 டிகிரியை தாண்டி வெயில் கொளுத்துகிறது. இதேபோல் நேற்றும் 106.3 டிகிரி வெயில் பதிவாகியிருந்தது. இந்நிலையில், கோடைக்காலத்தில் உடலின் நீர்ச்சத்து குறைவதால் ஏற்படும் சிறுநீர் தொற்றுகளால் கிட்னி பாதிக்கும் அபாயம் உள்ளது. எனவே, சிறுநீர் தொற்று தடுப்பு நடவடிக்கைகளை கையாள வேண்டும் என்று டாக்டர்கள் அறிவுறுத்தியுள்ளனர்.இதுகுறித்து டாக்டர்கள் கூறுகையில், ‘கோடைக்காலத்தில் உடலின் நீர்ச்சத்து குறைந்துவிடும். எனவே, அதிகளவில் தண்ணீர் குடிக்க வேண்டியது அவசியம். அதேபோல், பழங்கள் மற்றும் காய்கறிகளை சாப்பிட வேண்டும். சிறுநீரை அடக்கி வைக்க கூடாது. சிறுநீர் தாரையில் கிருமிகள் தொற்று ஏற்பட்டால், சிறுநீர் பாதையை முழுமையாக பாதித்து கிட்னியும் பாதிக்கும் அபாயம் ஏற்படும். சிறுநீர் பாதையில் எரிச்சல், அடிவயிறு மற்றும் முதுகின் பின்பக்கம் வலி ஏற்படுதல், சிறுநீர் கழிப்பதில் சிரமம் உள்ளிட்ட அறிகுறிகளின் மூலம் ஆரம்ப கட்டத்திலேயே சிகிச்சை பெறுவதால் பெரிய பாதிப்புகளை தவிர்க்க முடியும். தொடர்ந்து அதிகளவில் தண்ணீர், இளநீர் உள்ளிட்டவற்றை குடிப்பதால் பலன் கிடைக்கும். கோடைக்காலத்திலும் தண்ணீரை காய்ச்சி, ஆற வைத்து குடிக்க வேண்டும். தூய்மையான ஆடைகளை அணிவது அவசியம். உடலில் அரிப்பு ஏற்படுவதும் சிறுநீர் தொற்றுக்கான அறிகுறிகளாக இருக்கலாம். எனவே, குளித்து சுத்தமாக இருக்க வேண்டும்’ என்றனர்.

மரபணு அமைதியாக்கப்பட்டால் காயத்தின் வலி தெரியாது!

பெண்மணி ஒருவர் மரபணு மாற்றத்தால் வலியிலிருந்து குணமாகும் தன்மையைப் பெற்றுள்ளதோடு, காயத்திலிருந்தும் விரைவாக குணமடைந்திருக்கிறார். இதன் விளைவாக, வலி மற்றும் காயத்திலிருந்து விரைவாக குணமாகும் சிகிச்சைகளைப் பற்றி ஆராய்ச்சிகளைத் தொடங்கியுள்ளனர் ஆராய்ச்சியாளர்கள். ஸ்காட்லாந்தைச் சேர்ந்த பெண்மணி ஜோ கேமரூன். 66 வயதான அவர், ஆஸ்டியோ ஆர்த்தரைட்டிஸ் எனும் பிரச்னையால் அவதிப்பட்டுவந்தார். மேலும் இடுப்பெலும்பு மாற்று அறுவைசிகிச்சையும் அவருக்கு செய்யவேண்டியிருந்தது. இதற்கான சிகிச்சைகள் கடுமையான வலியைத் தரும் என்பதால் கேமரூன் பயத்துடன் இருந்தார். ஆனாலும் ஒருவழியாக சிகிச்சை மேற்கொண்டார்.சிகிச்சையின்போது மணிக்கட்டு உடைந்தபோதும், காயங்களிலும் வலி இல்லாததை உணர்ந்தார். மருத்துவர்கள் அவரது உடல்நிலை, வலி குறித்து கேட்டுக்கொண்டே இருந்தனர். அவரை ஆக்ஸ்ஃபோர்டு மரபணு மருத்துவர்களிடம் சிகிச்சை பெற பரிந்துரை செய்தனர். அங்கு அவருக்கு மரபணு ஆய்வு நடத்தப்பட்டது. அதில் FAAH எனும் மரபணு, அவரின் வலியற்ற தன்மைக்கு உதவுவதாகக் கண்டறியப்பட்டது. இந்த மரபணு அமைதியாக்கப்படுவதால், காயம் வேகமாக குணமாவது மட்டுமில்லாமல் வலி மற்றும் காயம் தொடர்பான அச்ச நினைவுகளும் அழிகின்றன என்பதை கண்டறிந்தனர். ஆகையால், மனதில் ஏற்படும் பதற்றம், பயம் தொடர்பான ஆராய்ச்சிகளுக்கு ஜோ கேமரூனைப் பயன்படுத்த முடிவு செய்துள்ளனர் ஆராய்ச்சியாளர்கள்.

டைனோசர்கள் அழிந்ததற்கான ஆதாரங்கள்!

சுமார் 6.6 கோடி ஆண்டுகளுக்கு முன்பு, குறுங்கோள் ஒன்று பூமியில் விழுந்தபோது டைனோசர்கள் ஒட்டுமொத்தமாக அழிந்ததற்கான புதைபடிமங்களை விஞ்ஞானிகள் கண்டறிந்துள்ளனர். அமெரிக்காவின் வடக்கு டக்கோட்டா மாகாணத்தில் நடைபெற்ற அகழ்வாராய்ச்சியின்போது பூமியை தாக்கிய குறுங்கோளால் அழிவுற்ற மீன்கள், மரங்கள் ஆகியவற்றின் புதைபடிமங்கள் வாயிலாக டைனோசரின் அழிவு உறுதிசெய்யப்பட்டுள்ளது. மேலும் குறுங்கோள் தாக்கத்தின் காரணமாக கடலில் ஏற்பட்ட மாற்றங்கள் குறித்தும் அதன் மூலம் தெரியவந்துள்ளது.வடக்கு டக்கோட்டா மாகாணத்திலுள்ள டேனிஷ் என்ற பகுதியில், பல மில்லியன் ஆண்டுகளுக்கு முன்பு, இந்த குறுங்கோள் தாக்கிய பின்னர் ஒருசில மணிநேரத்தில் அப்பகுதியில் ஏற்பட்ட வியத்தகு மாற்றங்கள் குறித்த புரிதல்களை இந்த புதைபடிமங்கள் வெளிப்படுத்துவதாக பி.என்.ஏ.எஸ். எனும் அறிவியல் இதழில் ஆராய்ச்சியாளர்கள் தெரிவித்துள்ளனர். டேனிஷ் பகுதியில் கிடைத்துள்ள புதைபடிமங்களைப் பார்க்கும்போது, குறுங்கோள் மோதியதால் ஏற்பட்ட அதிர்ச்சியின் காரணமாக அந்த பகுதியை மிகப் பெரிய அளவில் தண்ணீர் சூழ்ந்திருக்கக்கூடும் என்று ஆராய்ச்சியாளர்கள் கருதுகின்றனர். இருப்பினும், மெக்ஸிகோ வளைகுடா பகுதியில் குறுங்கோள் விழுந்தபோது அதை மையமாக கொண்டு ஏற்பட்ட 10 அல்லது 11 ரிக்டர் அளவுள்ள நிலநடுக்கத்தினால், சுனாமி அலையால் பாதிக்கப்பட்ட டேனிஷ் உள்ளிட்ட பகுதிகளில் அதற்கு முன்னதாகவே, அருகிலுள்ள பகுதிகளிலிருந்து நீரின் இடமாற்றம் நிகழ்ந்திருக்கும் என்று விஞ்ஞானிகள் நம்புகிறார்கள்.“நீரின் இடப்பெயர்வின்போது மீன்கள் உள்ளிட்ட பல்வேறு உயிரிகள், மரங்கள், முற்றிலும் அழிந்துபோன கடல்வாழ் உயிரினமான அம்மோனைட்டுகள் ஓரிடத்திலிருந்து மற்றொரு இடத்திற்கு அடித்து செல்லப்பட்டன” என்று கூறுகிறார் இதுதொடர்பான ஆராய்ச்சியில் ஈடுபட்டுள்ள ஆராய்ச்சியாளர் டீபால்மா.

நாளை உலக ரத்தக்கொதிப்பு தினம்

‘‘காலையில எழுந்திருச்சு தொலையுதா இந்த சனியன்... 8.30 மணிக்கு வேன் வந்திரும். ஸ்கூலுக்கு போகணும்னு ஒரு அக்கறை இருக்கா இதுகளுக்கு...’’ என்று காலையிலே பள்ளி செல்லும் குழந்தைகளை எழுப்பும் 30 வயது தாய்மார்களுக்கு ‘பி.பி’ எனப்படும் ரத்த அழுத்த நோய் வந்து விடுகிறது என்றால் நம்ப முடிகிறதா?இந்தியாவில் 30 - 40 வயதிற்குள் உள்ளவர்களுக்கு 10ல் ஒருவருக்கும், 40-50 வயதிற்குட்பட்டவர்களுக்கு 8ல் ஒருவருக்கும், 50 வயதை கடந்தவர்களில் 5ல் ஒருவருக்கும் ரத்தம் அழுத்த நோய் இருப்பதாக மருத்துவ ஆய்வு தெரிவிக்கிறது. அதை நாம் முறையாக சோதித்து தெரிந்து கொள்வதில்லை. அவ்வளவுதான்.ரத்த அழுத்தம்னு ஒண்ணு இருக்கிறது தெரியும். அது என்ன? எவ்வளவு இருந்தால் நல்லது. அதை எப்படி கட்டுப்படுத்துறது? இப்படி பல கேள்விகள் வருவதற்கு முன்பு, நாளை ரத்த அழுத்த தினம் (மே 17) என்பதை உங்களுக்கு தெரியப்படுத்திக் கொள்கிறோம்.சரி... வாங்க பேசலாம்... உலக சுகாதார அமைப்பு மக்களுக்கு ரத்த அழுத்தம் தொடர்பான விழிப்புணர்வை கடந்த 2005ல் இருந்து துவக்கியது. அந்த ஆண்டு முதல் ஒவ்வொரு மாதமும் மே 17ம் தேதியை உலக ரத்த அழுத்த தினமாக அறிவித்தது. உங்கள் உடலில் ரத்த அழுத்தத்தை பரிசோதிக்கும்போது 120/80 மி.மீ பாதரச அளவாக இருக்க வேண்டும். மருத்துவர்கள் 100/70 மிமீ முதல் 140/90 மிமீ வரை உள்ள ரத்த அழுத்தம் இயல்பானதுதான் என தெரிவிக்கின்றனர். இதை தாண்டும்போது ஒருவர் உயர் ரத்த அழுத்த நோயால் பாதிக்கப்பட்டவராக கருதப்படுகிறார்.எப்படி ஏற்படுகிறது? :முன்பெல்லாம் நாம் வீட்டு உணவுகளை சாப்பிட்டு வந்தோம். தானிய உணவு வகைகள் அதில் அதிகம் இடம் பெறும். உடல் ஒரு கட்டுப்பாட்டில் இருந்து வந்தது. நோய்களும் சீண்டாமல் இருந்தது. இப்போது அப்படியா? ஓட்டல்கள், துரித உணவகங்களுக்கு சென்று வாயில் நுழையாத பெயர் கொண்ட, ஆனால் வாயில் நுழையும் பதார்த்தங்களை ருசியாக இருக்கிறது என்று அள்ளிப் போட்டுக் கொள்கிறோம். இதனால் உடல் எடை அதிகரித்து உடலின் ரத்த அழுத்தம் மாறுபடுகிறது. அளவுக்கதிகமான சிகரெட், மது உள்ளிட்ட போதை வஸ்துக்களை பயன்படுத்தும்போது, உடலில் ரத்த அழுத்தம் ஏறி, இறங்குகிறது. உயர் ரத்த அழுத்தம் மாரடைப்பு வரை கொண்டு விடும்.மூக்கில் ரத்தம் கசிகிறதா? அடிக்கடி தலைச்சுற்றல் வருகிறதா? உடல் மயங்குகிறதா? உடனே டாக்டரை பார்க்க சென்று விடுங்கள். இவையெல்லாம்தான் ரத்த அழுத்தம் உங்களுக்கு இருக்கிறது என்பதை உணர்த்தும் எச்சரிக்கை மணிகள். சரியான முறையில் சிகிச்சை எடுத்துக்கொள்ளும்பட்சத்தில் இதன் பெரிய பாதிப்பில் இருந்து தப்பிக்கலாம்.ரத்தக்கொதிப்பு பெரும்பாலும் சிறுநீரகங்களை பாதிக்கும் என்பதால், இந்த பிரச்னை உள்ளவர்கள் உணவில் உப்பை சரிபாதியாக குறைத்துக் கொள்வது நல்லது. உப்புதான் இதற்கு முதல் எதிரி. அப்பளம், கருவாடு, ஊறுகாய் உள்ளிட்டவைகளை கண்டிப்பாக ஒதுக்கியே தீர வேண்டும். சில நேரங்களில் நம் உடலில் ஒரு பிரச்னை வந்தால், நமக்கு பிடித்தமான உணவைத்தான் முதலில் சாப்பிட வேண்டாம் என்பார்கள் மருத்துவர்கள். என்ன செய்வது? வேறு வழியில்லை.

அதிக மகசூல் பெற தென்னைக்கு உரமிடுவது எப்படி? வேளாண்துறை ஆலோசனை

தென்னைக்கு உரமிடுவதற்கு ஏதுவாக தற்போது கடைமடை பகுதிகளில் ஓரளவு மழை பெய்து வருகிறது. இதை பயன்படுத்தி நாட்டுரக (நெட்டை ரகம்) தென்னை களுக்கு நடவு செய்தது முதல் ஒரு வருட கன்றுக்கு தொழு உரம் 10 கிலோ, யூரியா 325 கிராம், சூப்பர் மற்றும் பொட்டாஷ் தலா 500 கிராம், வேப்பம்புண்ணாக்கு ஒன்றரை கிலோ இட வேண்டும். 2 ஆண்டு கன்றுக்கு தொழு உரம் 20 கிலோ, யூரியா 650 கிராம், சூப்பர் மற்றும் பொட்டாஷ் தலா ஒரு கிலோ, வேப்பம்புண்ணாக்கு இரண்டரை கிலோ, மூன்று வருட கன்றுக்கு தொழு உரம் 30 கிலோ, யூரியா 975 கிராம், சூப்பர் மற்றும் பொட் டாஷ் தலா ஒன்றரை கிலோ, வேப்பம்புண்ணாக்கு மூன்றே முக்கால் கிலோ இட வேண்டும். நான்கு வருட கன்றுக்கு தொழு உரம் 40 கிலோ, யூரியா ஒரு கிலோ 300 கிராம், சூப்பர் மற்றும் பொட்டாஷ் தலா 2கிலோ, வேப்பம்புண்ணாக்கு 5 கிலோ, ஐந்து வருட கன்றுக்கு தொழுஉரம் 50கிலோ, யூரியா ஒரு கிலோ 300கிராம், சூப்பர் மற்றும் பொட்டாஷ் தலா 2 கிலோ, வேப்பம்புண்ணாக்கு 5 கிலோ இட வேண்டும்.வீரிய ஒட்டு (நெட்டை இன்ட் குட்டை மற்றும் குட்டை இன்ட் நெட்டை) ரக தென்னைகளுக்கு ஒரு வருட கன்றுக்கு தொழு உரம் 15 கிலோ, யூரியா 500 கிராம், சூப்பர் 375 கிராம், பொட்டாஷ் 750கிராம், வேப்பம்புண்ணாக்கு ஒன்றரை கிலோ வும், இரண்டு வருட கன்றுக்கு தொழு உரம் 30கிலோ, யூரியா ஒரு கிலோ, சூப்பர் 750கிராம், பொட்டாஷ் ஒன்றரை கிலோ, வேப்பம்புண்ணாக்கு இரண்டரை கிலோ இட வேண்டும். மூன்று வருட கன்றுக்கு தொழு உரம் 45 கிலோ, யூரியா ஒன்றரை கிலோ, சூப்பர் ஒரு கிலோ 150 கிராம், பொட்டாஷ் 2 கிலோ 250 கிராம், வேப்பம்புண்ணாக்கு மூன்றே முக்கால் கிலோ, நான்கு வருடம் மற்றும் அதற்கு மேற்பட்ட வயதுடைய மரம் ஒன்றுக்கு தொழு உரம் 60 கிலோ, யூரியா இரண்டே கால் கிலோ, சூப்பர் ஒன்றரை கிலோ, பொட்டாஷ் 3 கிலோ, வேப்பம்புண்ணாக்கு 5கிலோ இட வேண்டும். இந்த உர பரிந்துரை அளவை சமபங்காக பிரித்து வருடத்தில் இருமுறை இட வேண் டும். அதாவது மார்கழி, தை மாதங்களில் ஒருமுறையும், ஆனி, ஆடி மாதங் களில் ஒருமுறையும் இட வேண்டும். மேற்கண்ட உரங்களை இட்ட 30 முதல் 45 நாட்கள் கழித்து தென்னை நுண்சத்து உரத்தை மரம் ஒன்றுக்கு ஒரு கிலோ வீதம் இட வேண்டும். இவ்வகை உரங்களை மரத்தை சுற்றி 5அடி தூரத்தில் இட்டு மண்ணை கிளறி விட்டு உடனடியாக தண்ணீர் பாய்ச்ச வேண்டும், முறையாக உரமிடும் பட்சத்தில் குரும்பை உதிர்தல், ஒல்லிக்காய், காய்களில் வெடிப்பு, நீள வடிவிலான வெற்று காய்கள் ஆகிய பிரச்னைகள் குறைந்து ஆண்டுக்கு சராசரியாக 150முதல் 200 தேங்காய்கள் வரை மகசூல் பெற முடியும்.உரமிடும் பட்சத்தில் குரும்பை உதிர்தல், ஒல்லிக்காய், காய்களில் வெடிப்பு, நீள வடிவிலான வெற்றுகாய்கள் ஆகிய பிரச்னைகள் குறைந்து ஆண்டுக்கு சராசரியாக 150முதல் 200 தேங்காய்கள் வரை மகசூல் பெற முடியும்.உர பரிந்துரை அளவை சமபங்காக பிரித்து வருடத்தில் இருமுறை இட வேண்டும். அதாவது மார்கழி, தை மாதங்களில் ஒருமுறையும், ஆனி, ஆடி மாதங்களில் ஒரு முறையும் இட வேண்டும்.

பெண்களுக்கான வாழ்வியல் உரிமை சட்டங்கள்: சட்டம் அறிவோம்

முன்னொரு காலத்தில் பெண்கள் மேலாடை அணியக்கூடாது என்று ஆணாதிக்க சமுதாயம் பெண்களை அடிமைப்படுத்தி வைத்திருந்தது. இப்போது எந்த உடையை பெண்கள் அணியவேண்டும், எந்த உடையை அணியக்கூடாது என்று கட்டளையிட்டு பெண்களை அடிமைப்படுத்த முற்படுகிறது இந்த ஆணாதிக்க சமுதாயம். இப்போது வார இதழ், தொலைக்காட்சி போன்ற ஊடகங்களும் பெண்களின் உடை விஷயத்தில் மூக்கை நுழைத்து பெண்ணுரிமையை பறிக்க முயல்கின்றன. இதுபோன்ற அடிமைத்தனம் உங்கள் வீட்டில் தலையெடுக்க ஆரம்பித்தால் உடனடியாக நீங்கள் சட்டப்படி நடவடிக்கை எடுக்க முடியும்.உங்கள் வீட்டில் இருக்கும் அண்ணன், தம்பி, அப்பா, கணவன், ஆண் நண்பன், கூடி வாழும் துணைவன், அல்லது மற்ற ஆண் உறவினர்கள் யாராவது உங்களை குறிப்பிட்ட உடைதான் அணியவேண்டும் என்று கட்டாயப்படுத்தினாலோ அல்லது உங்களுக்குப் பிடித்த உடையை அணியக்கூடாது என்று கட்டாயப்படுத்தினாலோ உடனடியாக “பெண்களை குடும்ப வன்முறையிலிருந்து பாதுகாக்கும் குடும்ப வன்முறை தடுப்புச் சட்டத்தின் கீழ் அந்த ஆண்கள் மீது வழக்குப் பதிவு செய்து சிறையில் அடைத்து விடலாம். சட்டங்கள் மக்களுக்கு கொடுத்திருக்கும் உரிமையை எந்தச் சூழ்நிலையிலும் எதற்காகவும் விட்டுக் கொடுத்துவிடாதீர்கள். பிறகு சுதந்திரத்தை இழந்து அடிமைகளாகிவிட நேரிடும்.உடை விஷயத்தில் எப்படி குடும்ப வன்முறை தடுப்புச் சட்டத்தைப் பயன்படுத்த முடியும் என்று யோசிக்கலாம். பெண்களை குடும்ப வன்முறையிலிருந்து பாதுகாக்கும் குடும்ப வன்முறை தடுப்புச் சட்டத்தின் முக்கியமான சாராம்சத்தை சட்டத்தில் பெண்ணுக்கு குடும்பத்தில் நடக்கும் எந்த வகையான வன்முறையிலிருந்தும் இந்த சட்டத்தின் மூலம் பாதுகாப்பு பெறலாம். அப்படியும் உங்களுக்குள் ஒரு சந்தேகம் வரலாம். நான் அணியும் உடையை அணியக்கூடாது என்று கூறுவது குடும்ப வன்முறையாகுமா? என்று எண்ணுவீர்கள். குடும்ப வன்முறை தடுப்புச்சட்டத்தின் வரையறைபடி அதுவும் ஒரு குடும்ப வன்முறைதான்.பெண்கள் தங்களுக்குப் பிடித்த உடையை அணியும்போது அது கவர்ச்சியாக இருக்கிறது. அதனால் அதை உடுத்தக்கூடாது என்று பெண்களின் ஆசைக்கு தடை போடுவது அவர்களது உணர்ச்சிகளையும், மனதையும் காயப்படுத்துவதாகும். மேலும் அதற்கு ஆண்கள் பயன்படுத்தும் வார்த்தைகள் அப்பப்பா எத்தனை கடுமையானதாக இருக்கும் பட்சத்தில் இந்த சட்டத்தின் மூலம் யாரெல்லாம் பாதுகாப்பு பெறலாம் என்று ஒரு பட்டியல் இருக்கிறது. அதன்படி சகோதரிகள், விதவைகள், தாய், மகள், திருமணமாகாத பெண்கள் தங்களுக்கு ஆடை விஷயத்தில் அநியாயம் ஏற்படுவதாக நினைத்தால், இச்சட்டத்தின்டி தொல்லை கொடுப்பவர்கள் மீது நடவடிக்கை எடுக்க முடியும்.அதே சமயத்தில் கலாச்சார சீரழிவுக்கு வழி வகுப்பதை தடுப்பதிலும் சட்டம் தனது உரிமையை நிலை நாட்டியுள்ளது. தன்னை ஆடை விஷயத்தில் கட்டுப்பாடு விதிப்பதாக பெண் ஒருவர் கண்ணை மூடிக் கொண்டு யார் மீது வேண்டுமானாலும் புகார் கொடுக்க முடியாது. அப்படி புகார் கொடுத்தாலும், அதை சம்மந்தப்பட்ட விசாரணை அதிகாரிகள் பல கோணங்களில் விசாரணை நடத்துவார்கள். உண்மையாக இருக்கும் பட்சத்தில் ஒரே முறை புகார் கொடுத்தால், உடனடியாக நடவடிக்கை எடுப்பதில்லை. அறிவுரை சொல்ல அனுப்பி வைப்பார்கள். பெண்களை அச்சுறுத்துவதை தொடர்ந்தால் மட்டுமே மேற்கூறிய சட்டத்தின் படி நடவடிக்கை எடுக்கப்படும்.பொய் புகார் பெண்களால் ஆண்களுக்கு கொடுமை:மாமியார், மாமனாரை சிறையில் தள்ள வேண்டும் என கருதும் மருமகள்களால் தொடரப்படும் வரதட்சணை கொடுமை வழக்குகள் அதிகரிப்பதால், அந்த சட்டத்தை திருத்த, மத்திய அரசு முடிவு செய்தது. அதன்படி நம் நாட்டில், வரதட்சணை கேட்பதும், கொடுப்பதும் தண்டனைக்குரிய குற்றம். ‘‘வரதட்சணை கேட்டு கொடுமைப்படுத்துகின்றனர்’’ என, மணமகன் வீட்டார் மீது மணமகள், போலீசில் புகார் கொடுத்தால் போதும். சம்பந்தப்பட்ட மணமகன் வீட்டார் உடனடியாக கைது செய்யப்படுவர்; குற்றம் நிரூபிக்கப்படுமானால், மூன்றாண்டுகள் சிறை தண்டனை கிடைக்கும்; அவர்களால் ஜாமீனில் வெளியே வர முடியாது.வரதட்சணை குற்றங்களை தடுக்க, இத்தகைய கடுமையான சட்டப் பிரிவுகளை, இந்திய தண்டனை சட்டம் அளிக்கிறது. இதை சில பெண்கள், தவறாக பயன்படுத்துவதால், வரதட்சணை கொடுமைக்கு எதிரான, இந்திய தண்டனை சட்டம், 498 - ஏ பிரிவை திருத்தம் செய்ய, மத்திய உள்துறை அமைச்சகம் முடிவு செய்துள்ளது. இதற்கு, மத்திய சட்ட அமைச்சகமும், நீதிபதி மாலிமத் கமிஷனும் பரிந்துரை செய்துள்ளன. அதன்படி, நீதிமன்றத்தில் விசாரணை துவங்கினாலும், கணவன் - மனைவி சமாதானமாக செல்ல ஏதுவாக திருத்தம் மேற்கொள்ளப்பட உள்ளது.மேலும் சிறை தண்டனைக்கு பதில், குறிப்பிட்ட தொகையை அபராதமாக வழங்கினால், தண்டனையிலிருந்து தப்பலாம் என திருத்தம் மேற்கொள்ளப்பட உள்ளது. கடந்த மூன்றாண்டுகளில் முறையே 99 ஆயிரம், 1.06 லட்சம் மற்றும் 1.18 லட்சம் வரதட்சணை கொடுமை வழக்குகள் பதிவு செய்யப்பட்டுள்ளன. விசாரணைக்குப் பின், அவற்றில் தலா 10 ஆயிரம் வழக்குகள், வேண்டுமென்றே மருமகளால் போடப்பட்ட வழக்குகள் என்பது தெரிய வந்தது. தேசிய குற்றப் பதிவகம் இந்த தகவலை தெரிவித்துள்ளது.திருமண பந்தம் சிறப்பாக அமைய...இந்நிலையில் பெண்களின் பாதுகாப்பு, குடும்ப மகிழ்ச்சி, அடிமை தனம் மாறுதல் உள்பட ஒவ்வொரு குடும்பமும் சிறப்பாக வாழ வேண்டுமானால், திருமண பந்தம் நன்றாக அமைய வேண்டும். திருமணங்கள் சொர்க்கத்தில் நிச்சயிக்கப்படுவதாக கூறப்பட்டாலும், திருமணம் செய்து கொண்டவர்கள் வாழ்வதென்னவோ இந்த பூவுலகில்தான். திருமண வாழ்வும் சொர்க்கமாகவோ, நரகமாகவோ மாறுவதும் அவரவர் கைகளிலும், சுற்றுப்புறத்தில் உள்ளவர்களின் கைகளிலும்தான் இருக்கிறது. சமூகரீதியில் திருமணம் என்ற நிகழ்வு பல்வேறு பெயர்களில் புனிதமாக கருதப்பட்டாலும், உரிய வயதை அடைந்த இரு எதிர்பாலினர் இணைந்து வாழ்வதற்கான ஒரு ஒப்பந்தமாகவே திருமணம் விளங்குகிறது. திருமணம் என்பது இருவேறு மனம் மற்றும் உடல்களில் சங்கமமாக மட்டும் அல்லாமல் இருவேறு சமூகங்களின் பிணைப்பாகவும் மாறுகிறது. மேலும் இந்த நிகழ்வு புதிய உயிர்களை, உறவுகளை, உடைமைகளை தோற்றுவித்தல் போன்ற வேறுபல நிகழ்வுகளுக்கும் காரணமாகிறது. எனவே திருமணம் என்ற நிகழ்வை சட்டரீதியாக புரிந்து கொள்வது அவசியம்.திருமணத்தின் முக்கிய நிர்பந்தமாக மணம் செய்துகொள்ளும் இருவரின் வயது, மண உறவுக்கான உடல்நிலை, மனநிலை, ஆகியவை முக்கிய இடம் வகிக்கின்றன. திருமணம் செய்துகொள்ளும் நபர்கள் எந்த சமூகம் சார்ந்தவர்களாக இருப்பினும் அவர்களின் திருமணத்தை சட்ட ரீதியாக பதிவு செய்வது மிகுந்த முக்கியத்துவம் பெறுகிறது. குடியுரிமை, சொத்துரிமை, குழந்தைகளின் வாரிசு உரிமை போன்ற பல்வேறு சட்டம் தொடர்பான விவகாரங்களுக்கும் திருமணத்தை பதிவு செய்தல் என்பது அவசியமாகிறது. இந்த திருமணப்பதிவு, மதப்பழக்க-வழக்கங்களுக்கேற்ப அமைக்கப்பட்டுள்ளது.மதநம்பிக்கை இல்லாதவர்கள், மதங்களைப் பற்றிய அக்கறை இல்லாதவர்களுக்கான திருமணப்பதிவு “சிறப்பு திருமணச் சட்டம்” என்ற பிரிவில் விளக்கப்பட்டுள்ளது. சாதிகளாலும், மதங்களாலும் பிரிக்கப்பட்டிருந்தாலும், மனங்களால் ஒன்றுபட்டவர்களின் திருமணங்களுக்கு அங்கீகாரம் வழங்குவதே இந்த சிறப்புத் திருமண சட்டத்தின் நோக்கம். இந்து, இஸ்லாமிய, கிறிஸ்தவ சட்டங்கள் மதம் கடந்த திருமணங்களை ஏற்பதில்லை. குறிப்பாக (பழைய) இந்துச் சட்டம் சாதிகள் கடந்த திருமணங்களை ஏற்பதில்லை. எனவே சாதிகளையும், மதத்தினையும் கடந்து திருமணம் செய்ய விரும்புபவர்கள் இந்த சட்டத்தின்கீழ்தான் திருமணம் செய்ய முடியும்.

உமிழ்நீரின் வேலை!

மனித உடலில் முக்கியமானவகைகளில் ஒன்று நமது உமிழ்நீர். நமக்குத் தெரியாமல் நம் வாயில் எப்போதும் ஈரத் தன்மையை தக்கவைத்து காத்து வருகிறது. உமிழ்நீர் இல்லையென்றால் நம் வாய் என்ன ஆகும்? இல்லை நமது உடல்தான் என்ன ஆகும்? என்று யோசித்து பாருங்கள். சாதாரணமாக உமிழ்நீரின் வேலை எது என்றால் நாம் உண்ணும் உணவினை செரிக்கச் செய்வது மற்றும் உடலில் பாக்டீரியா மற்றும் பூஞ்சைகளின் தன்மைகளைக் கட்டுப்படுத்துவது என்று மட்டும் நாம் நினைக்கிறோம். ஆனால், வாயில் உமிழ்நீர் சுரப்பது குறைந்தால் பாக்டீரியாக்களின் தன்மை அதிகரித்து நா வறட்சி, ஈறுகளில் வெடிப்பு போன்றவை ஏற்படலாம். உமிழ்நீர் காரத்தன்மை கொண்டது. இது அதிக என்ஸைம்களைக் கொண்டது. இதில் ஆண்டிபயாடிக் அதிகம் உள்ளது. இவை நோய் எதிர்ப்புச் சக்தியை அதிகரிக்கின்றன. உமிழ்நீர் சராசரியாக ஒரு மனிதனுக்கு 1500 மி.லி. அளவு சுரக்கிறது. இந்த அளவு உண்ணும் உணவின் அளவைப் பொறுத்தும் மன எண்ணத்திற்கு ஏற்றவாறும் மாறுபடுகிறது. உமிழ்நீரின் முக்கிய பணி உணவை ஜீரணமாக்குவது. உணவை நன்கு மென்று சாப்பிட்டால் நோயின்றி நீடித்த ஆயுள் அமையும். உணவை மெல்லும்போது உமிழ்நீர் உணவுடன் நன்கு கலந்து அதில் உள்ள என்ஸைம்கள் உணவின் நச்சுத்தன்மையைப் போக்கி உணவுக் குழலுக்குச் செல்ல ஏதுவாகிறது. மேலும் இதில் கலந்துள்ள நொதி பித்தத்துடன் சேர்ந்து உணவை எளிதில் ஜீரணிக்க செய்ய உதவுகிறது. உமிழ்நீர் சுரப்பியின் அளவு குறைந்தாலும், அதிகரித்தாலும் கடினத்தன்மை அடைந்தாலும் அது நோயின் அறிகுறியாகும்.

உமிழ்நீரின் வேலை!

மனித உடலில் முக்கியமானவகைகளில் ஒன்று நமது உமிழ்நீர். நமக்குத் தெரியாமல் நம் வாயில் எப்போதும் ஈரத் தன்மையை தக்கவைத்து காத்து வருகிறது. உமிழ்நீர் இல்லையென்றால் நம் வாய் என்ன ஆகும்? இல்லை நமது உடல்தான் என்ன ஆகும்? என்று யோசித்து பாருங்கள். சாதாரணமாக உமிழ்நீரின் வேலை எது என்றால் நாம் உண்ணும் உணவினை செரிக்கச் செய்வது மற்றும் உடலில் பாக்டீரியா மற்றும் பூஞ்சைகளின் தன்மைகளைக் கட்டுப்படுத்துவது என்று மட்டும் நாம் நினைக்கிறோம். ஆனால், வாயில் உமிழ்நீர் சுரப்பது குறைந்தால் பாக்டீரியாக்களின் தன்மை அதிகரித்து நா வறட்சி, ஈறுகளில் வெடிப்பு போன்றவை ஏற்படலாம். உமிழ்நீர் காரத்தன்மை கொண்டது. இது அதிக என்ஸைம்களைக் கொண்டது. இதில் ஆண்டிபயாடிக் அதிகம் உள்ளது. இவை நோய் எதிர்ப்புச் சக்தியை அதிகரிக்கின்றன. உமிழ்நீர் சராசரியாக ஒரு மனிதனுக்கு 1500 மி.லி. அளவு சுரக்கிறது. இந்த அளவு உண்ணும் உணவின் அளவைப் பொறுத்தும் மன எண்ணத்திற்கு ஏற்றவாறும் மாறுபடுகிறது. உமிழ்நீரின் முக்கிய பணி உணவை ஜீரணமாக்குவது. உணவை நன்கு மென்று சாப்பிட்டால் நோயின்றி நீடித்த ஆயுள் அமையும். உணவை மெல்லும்போது உமிழ்நீர் உணவுடன் நன்கு கலந்து அதில் உள்ள என்ஸைம்கள் உணவின் நச்சுத்தன்மையைப் போக்கி உணவுக் குழலுக்குச் செல்ல ஏதுவாகிறது. மேலும் இதில் கலந்துள்ள நொதி பித்தத்துடன் சேர்ந்து உணவை எளிதில் ஜீரணிக்க செய்ய உதவுகிறது. உமிழ்நீர் சுரப்பியின் அளவு குறைந்தாலும், அதிகரித்தாலும் கடினத்தன்மை அடைந்தாலும் அது நோயின் அறிகுறியாகும்.

உமிழ்நீரின் வேலை!

மனித உடலில் முக்கியமானவகைகளில் ஒன்று நமது உமிழ்நீர். நமக்குத் தெரியாமல் நம் வாயில் எப்போதும் ஈரத் தன்மையை தக்கவைத்து காத்து வருகிறது. உமிழ்நீர் இல்லையென்றால் நம் வாய் என்ன ஆகும்? இல்லை நமது உடல்தான் என்ன ஆகும்? என்று யோசித்து பாருங்கள். சாதாரணமாக உமிழ்நீரின் வேலை எது என்றால் நாம் உண்ணும் உணவினை செரிக்கச் செய்வது மற்றும் உடலில் பாக்டீரியா மற்றும் பூஞ்சைகளின் தன்மைகளைக் கட்டுப்படுத்துவது என்று மட்டும் நாம் நினைக்கிறோம். ஆனால், வாயில் உமிழ்நீர் சுரப்பது குறைந்தால் பாக்டீரியாக்களின் தன்மை அதிகரித்து நா வறட்சி, ஈறுகளில் வெடிப்பு போன்றவை ஏற்படலாம். உமிழ்நீர் காரத்தன்மை கொண்டது. இது அதிக என்ஸைம்களைக் கொண்டது. இதில் ஆண்டிபயாடிக் அதிகம் உள்ளது. இவை நோய் எதிர்ப்புச் சக்தியை அதிகரிக்கின்றன. உமிழ்நீர் சராசரியாக ஒரு மனிதனுக்கு 1500 மி.லி. அளவு சுரக்கிறது. இந்த அளவு உண்ணும் உணவின் அளவைப் பொறுத்தும் மன எண்ணத்திற்கு ஏற்றவாறும் மாறுபடுகிறது. உமிழ்நீரின் முக்கிய பணி உணவை ஜீரணமாக்குவது. உணவை நன்கு மென்று சாப்பிட்டால் நோயின்றி நீடித்த ஆயுள் அமையும். உணவை மெல்லும்போது உமிழ்நீர் உணவுடன் நன்கு கலந்து அதில் உள்ள என்ஸைம்கள் உணவின் நச்சுத்தன்மையைப் போக்கி உணவுக் குழலுக்குச் செல்ல ஏதுவாகிறது. மேலும் இதில் கலந்துள்ள நொதி பித்தத்துடன் சேர்ந்து உணவை எளிதில் ஜீரணிக்க செய்ய உதவுகிறது. உமிழ்நீர் சுரப்பியின் அளவு குறைந்தாலும், அதிகரித்தாலும் கடினத்தன்மை அடைந்தாலும் அது நோயின் அறிகுறியாகும்.

உமிழ்நீரின் வேலை!

மனித உடலில் முக்கியமானவகைகளில் ஒன்று நமது உமிழ்நீர். நமக்குத் தெரியாமல் நம் வாயில் எப்போதும் ஈரத் தன்மையை தக்கவைத்து காத்து வருகிறது. உமிழ்நீர் இல்லையென்றால் நம் வாய் என்ன ஆகும்? இல்லை நமது உடல்தான் என்ன ஆகும்? என்று யோசித்து பாருங்கள். சாதாரணமாக உமிழ்நீரின் வேலை எது என்றால் நாம் உண்ணும் உணவினை செரிக்கச் செய்வது மற்றும் உடலில் பாக்டீரியா மற்றும் பூஞ்சைகளின் தன்மைகளைக் கட்டுப்படுத்துவது என்று மட்டும் நாம் நினைக்கிறோம். ஆனால், வாயில் உமிழ்நீர் சுரப்பது குறைந்தால் பாக்டீரியாக்களின் தன்மை அதிகரித்து நா வறட்சி, ஈறுகளில் வெடிப்பு போன்றவை ஏற்படலாம். உமிழ்நீர் காரத்தன்மை கொண்டது. இது அதிக என்ஸைம்களைக் கொண்டது. இதில் ஆண்டிபயாடிக் அதிகம் உள்ளது. இவை நோய் எதிர்ப்புச் சக்தியை அதிகரிக்கின்றன. உமிழ்நீர் சராசரியாக ஒரு மனிதனுக்கு 1500 மி.லி. அளவு சுரக்கிறது. இந்த அளவு உண்ணும் உணவின் அளவைப் பொறுத்தும் மன எண்ணத்திற்கு ஏற்றவாறும் மாறுபடுகிறது. உமிழ்நீரின் முக்கிய பணி உணவை ஜீரணமாக்குவது. உணவை நன்கு மென்று சாப்பிட்டால் நோயின்றி நீடித்த ஆயுள் அமையும். உணவை மெல்லும்போது உமிழ்நீர் உணவுடன் நன்கு கலந்து அதில் உள்ள என்ஸைம்கள் உணவின் நச்சுத்தன்மையைப் போக்கி உணவுக் குழலுக்குச் செல்ல ஏதுவாகிறது. மேலும் இதில் கலந்துள்ள நொதி பித்தத்துடன் சேர்ந்து உணவை எளிதில் ஜீரணிக்க செய்ய உதவுகிறது. உமிழ்நீர் சுரப்பியின் அளவு குறைந்தாலும், அதிகரித்தாலும் கடினத்தன்மை அடைந்தாலும் அது நோயின் அறிகுறியாகும்.

உமிழ்நீரின் வேலை!

மனித உடலில் முக்கியமானவகைகளில் ஒன்று நமது உமிழ்நீர். நமக்குத் தெரியாமல் நம் வாயில் எப்போதும் ஈரத் தன்மையை தக்கவைத்து காத்து வருகிறது. உமிழ்நீர் இல்லையென்றால் நம் வாய் என்ன ஆகும்? இல்லை நமது உடல்தான் என்ன ஆகும்? என்று யோசித்து பாருங்கள். சாதாரணமாக உமிழ்நீரின் வேலை எது என்றால் நாம் உண்ணும் உணவினை செரிக்கச் செய்வது மற்றும் உடலில் பாக்டீரியா மற்றும் பூஞ்சைகளின் தன்மைகளைக் கட்டுப்படுத்துவது என்று மட்டும் நாம் நினைக்கிறோம். ஆனால், வாயில் உமிழ்நீர் சுரப்பது குறைந்தால் பாக்டீரியாக்களின் தன்மை அதிகரித்து நா வறட்சி, ஈறுகளில் வெடிப்பு போன்றவை ஏற்படலாம். உமிழ்நீர் காரத்தன்மை கொண்டது. இது அதிக என்ஸைம்களைக் கொண்டது. இதில் ஆண்டிபயாடிக் அதிகம் உள்ளது. இவை நோய் எதிர்ப்புச் சக்தியை அதிகரிக்கின்றன. உமிழ்நீர் சராசரியாக ஒரு மனிதனுக்கு 1500 மி.லி. அளவு சுரக்கிறது. இந்த அளவு உண்ணும் உணவின் அளவைப் பொறுத்தும் மன எண்ணத்திற்கு ஏற்றவாறும் மாறுபடுகிறது. உமிழ்நீரின் முக்கிய பணி உணவை ஜீரணமாக்குவது. உணவை நன்கு மென்று சாப்பிட்டால் நோயின்றி நீடித்த ஆயுள் அமையும். உணவை மெல்லும்போது உமிழ்நீர் உணவுடன் நன்கு கலந்து அதில் உள்ள என்ஸைம்கள் உணவின் நச்சுத்தன்மையைப் போக்கி உணவுக் குழலுக்குச் செல்ல ஏதுவாகிறது. மேலும் இதில் கலந்துள்ள நொதி பித்தத்துடன் சேர்ந்து உணவை எளிதில் ஜீரணிக்க செய்ய உதவுகிறது. உமிழ்நீர் சுரப்பியின் அளவு குறைந்தாலும், அதிகரித்தாலும் கடினத்தன்மை அடைந்தாலும் அது நோயின் அறிகுறியாகும்.

கண்களைக் காக்கும் இமைகள்..!

நம் கண்களுக்கு பாதுகாப்பு கவசமாக உள்ள இமைகள் மெல்லிய தோலால் ஆனவை. இவை நிமிடத்திற்கு 15 முதல் 20 முறை இமைக்கின்றன. ஒரு மணி நேரத்தில் 1,200 முறையும் நாள் ஒன்றுக்கு 28 ஆயிரம் முறையும் இமைக்கின்றன. ஒரு முறை கண் இமைக்க புள்ளி 3 வினாடிகள் ஆகின்றன. இப்படி இடைவிடாது இமைகள் இமைப்பது கண்களைப் பாதுகாக்கத்தான். தூசுகள், அதிக வெளிச்சம் ஆகியவற்றில் இருந்தும் கண்களைப் பாதுகாக்க கண் இமைகள் இமைக்கின்றன. மழை பெய்யும்போதோ, காற்றில் தூசுகள் பறக்கும்போதோ இமைகள் தாமாகவே மூடிக்கொள்கின்றன.கண் இமையோரம்  சுரப்பிகள் இருக்கின்றன. இமை மூடும்போது இவற்றில் நீர் சுரக்கும். இந்த நீர் கண்களுக்கு நன்மை செய்கிறது. அதாவது, விழிகள் வறண்டுபோகாமல் பாதுகாக்கிறது. மழைநீர், வியர்வை ஆகியவை கண்களில் விழாமல் ஒரு பக்கமாக வடியும்படி புருவங்கள் தடுப்பாக இருக்கின்றன. அதுமட்டுமில்லாமல் கண் இமைக்கும் அந்த கண நேரத்தில் மனதிற்கு ஓய்வு கிடைப்பதாகவும் ஆராய்ச்சிகள் தெரிவிக்கின்றன.

தேனீக்களின் கூட்டணியால் உருவாகும் தேன்கூடு!

உல‌கி‌ல் அதிக அள‌வி‌ல் க‌ண்டு‌பிடி‌க்க‌ப்ப‌ட்ட இன‌ம் பூ‌ச்‌சி இனம்தான். பொதுவாக பூச்சி இன‌ங்‌க‌ளி‌ல் பல்வேறு பா‌தி‌ப்புகளை மனிதனுக்கு ஏற்படு‌த்து‌பவையே அதிக‌ம். ஆனா‌ல், ஈ வகையை‌ச் சே‌ர்‌ந்த தேனீ ம‌னிதனு‌க்கு உணவாகவும், பல்வேறு நோ‌ய்களு‌‌க்கு மரு‌ந்தாகவும் பயன்படும் தேனை அளி‌க்கிறது. தேனீ‌க்க‌ளி‌ல் ரா‌ணி‌த் தேனீ, ஆண் தேனீ, வேலைக்காரத் தேனீக்க‌ள் என மூ‌ன்று வகை உள்ளன. இவை ஒவ்வொ‌ன்று‌ம் ஒவ்வொரு உட‌ல் அமை‌ப்பை‌ப் பெ‌ற்றுள்ளன என்பது கு‌றி‌ப்‌பிட‌த்த‌க்கது. இந்த மூன்று தேனீ‌க்க‌ளின் கூ‌ட்டணியால் உருவாவதுதா‌ன் தே‌ன்கூடு. பூ‌வி‌ன் மகர‌ந்த‌த்‌தி‌லிரு‌ந்து தேனை உறி‌ஞ்‌சி அவ‌ற்றை சேக‌ரி‌த்து வைக்கும் பெட்டகமாக இந்தத் தேன்கூட்டை பயன்படுத்துகின்றன தேனீக்கள். பொதுவாக ஒவ்வொரு உயி‌ரின‌த்‌திலும் ஆ‌ண், பெ‌ண் என்ற வே‌ற்றுமையை உண‌ர்த்தும் உட‌ல் உறு‌ப்பு ‌வி‌த்‌தியாச‌ம் ம‌ட்டுமே இரு‌க்கு‌ம். ஆனா‌ல், தே‌னீ‌க்க‌ளி‌ல் ம‌ட்டு‌ம் மூ‌ன்று வகையான உட‌ல் அமை‌ப்புகள் உள்ளன.ஒரு தேன்கூடு என்றா‌ல் ராணித்தேனீ ஒன்றே ஒன்றுதா‌ன் இரு‌க்கு‌ம். ஆண் தேனீ‌க்க‌ள் நூ‌ற்றுக்கண‌க்கிலும், வேலை‌க்கார‌த் தேனீ‌க்க‌ள் ஆயிர‌க்கண‌க்‌கிலு‌ம் இரு‌க்கு‌ம். ரா‌ணித்தே‌னீ மற்ற இரு வகை தேனீ‌க்களை ‌விட அள‌வி‌ல் பெ‌ரியதாக இரு‌க்கு‌ம். கூடுக‌ளி‌ல் இரு‌க்கு‌ம் ம‌ற்ற எல்லா தேனீ‌க்களு‌க்கு‌ம் இதுதா‌ன் தாயாகு‌ம். ரா‌ணி‌த் தேனீ‌க்கு கொ‌ட்டக்கூடிய கொடு‌க்குகள் உள்ளன. இவை ‌மீ‌ண்டு‌ம்‌ ‌மீண்டு‌ம் வளரும் த‌ன்மை கொ‌ண்டவை. ஆனா‌ல், ஆ‌ண் தேனீக்களு‌க்கு கொடு‌க்குக‌ள் இல்லை. அதே சமய‌ம் வேலைக்கார‌த் தேனீ‌க்களு‌க்கு ‌விழுந்துவி‌ட்டா‌ல் ‌‌மீண்டும் முளை‌க்காத கொடு‌க்குக‌ள் உள்ளன. ஆ‌ண் தேனீ‌க்க‌ள் ரா‌ணித் தேனீயுட‌ன் உறவு கொ‌ண்டவுட‌ன் உயி‌ரிழ‌ந்து‌விடு‌ம். ரா‌ணி‌த் தேனீ மு‌ட்டை‌யி‌லிரு‌ந்து முழு வள‌ர்‌ச்‌சி அடை‌ந்து ‌பிற‌க்க 16 நா‌ட்க‌ள் ஆ‌கின்றன. ஆனா‌ல், ஆ‌‌ண் தேனீ‌க்க‌ள் ‌பிற‌க்க 24 நா‌ட்களு‌ம், வேலை‌க்கார‌த் தேனீ‌க்க‌ள் ‌பிற‌க்க 21 நா‌ட்களு‌ம் ஆ‌கி‌ன்றன.

சிலந்தி பற்றி சில தகவல்கள்..!

உழைப்பு என்று சொன்னால் எறும்பையும் முயற்சி என்று சொன்னால் சிலந்தியையும்தான் உதாரணமாக சொல்வார்கள். சிலந்தி என்றதும் நம் நினைவுக்கு வருவது அதன் வலைதான். இந்த வலைதான் சிலந்தி வாழ்வதற்கான இருப்பிடமாக உள்ளது. சிலந்தியின் வாயிலிருந்து வரும் எச்சிலைக் கொண்டு இந்த வலை பின்னப்படுகிறது. இந்த வலையில் வந்து விழும் பூச்சிகளை இரையாக்கிக்கொண்டே சிலந்தி வாழ்கிறது. வலையின் ஆயுட்காலம் முடிந்து அது பழையதாகும்போது அந்த வலையை விட்டு விட்டு வேறொரு வலையைப் பின்னத் தொடங்குகிறது சிலந்தி.பூச்சி இனத்தைச் சேர்ந்த சிலந்தியில் கோடு போட்ட சிலந்தி என்றும், சிறிய சிலந்தி என்றும் பல வகைகள் உள்ளன. ஆர்ப் வீவர் என்ற கோடு போட்ட ஒரு வகை சிறிய சிலந்தி கூட்டமாக சேர்ந்து கூடு கட்டுகின்றன. இந்த வகை சிலந்திகள் ஆப்ரிக்காவிலுள்ள மழைக்காடுகளில்தான் அதிகமாகக் காணப்படுகின்றன. அளவில் சிறியதாக இருந்தாலும் காடுகளில் இரண்டு மரங்களை இணைப்பது போன்றும், கிளைகளை இணைத்து பல மீட்டர் நீளம் கொண்ட வலையைப் பின்னும். இந்த சிலந்தியின் வலை எளிதில் அழிந்துபோகாது. மழை, காற்று மற்றும் விலங்குகளாலும் சேதம் ஏற்பட்டுவிட்டால், உடனடியாக பல சிலந்திகள் கூட்டாகச் சென்று வேலை செய்து வலையை சரிசெய்கின்றன. வலையில் வந்து விழும் உணவை எல்லா சிலந்திகளும் பகிர்ந்து உண்ணும். பெண் சிலந்திகள் வேட்டையாடுவது மற்றும் வலையில் உள்ள சிலந்திகளின் பாதுகாப்பில் கவனம் செலுத்திவரும்.

நிலாவில் குடியேற வழிகள்

காலனி ஆதிக்கநாடுகள் சந்திரனிலும் கால் ஊன்றவேண்டும் என்று ஆசைப்படலாம். ஆனால் அந்த ஆசை நிறைவேறுவது அவ்வளவு எளிதல்ல. சந்திரனில் வசிக்கவேண்டுமென்றால் சுவாசிக்க காற்று வேண்டும்... குடிக்க நீர் வேண்டும்... உண்ண உணவுவேண்டும்...சரியான காற்றழுத்தத்தில் வசிப்பிடம் வேண்டும்... எரிபொருள் வேண்டும்... இவ்வளவு வசதிகளையும் சந்திரனிலேயே தேடிக்கொள்ள வேண்டும். ஏனென்றால் பூமியிலிருந்து சந்திரனுக்கு கொண்டு செல்லும் ஒவ்வொரு பவுண்டு எடைக்கும் 50,000 டாலர்கள் செலவு பிடிக்கிறது. ஒரு காலன் தண்ணீரின் எடை எட்டு பவுண்டுகள். ஒரு காலன் தண்ணீரை பூமியிலிருந்து சந்திரனுக்கு கொண்டு செல்ல ஆகும் செலவு 400,000 டாலர்கள். சந்திரனில் உள்ள பாறைகளில் ஆக்சிஜன் அடக்கம். வெப்பத்தையும் மின்சாரத்தையும் பயன்படுத்தி ஆக்சிஜனை எளிதாக பெற்றுவிடலாமாம். சந்திரனில் தண்ணீர் அவ்வளவு எளிதாக கிடைத்துவிடாது. சந்திரனின் தென் துருவத்தில் பனிக்கட்டி வடிவத்தில் நீர் இருப்பதாக சொல்லப்படுகிறது. இந்த தண்ணீர் சுரங்கங்களை வெட்டி நீரை எடுத்துக் கொள்ளலாம். நீரை ஹைட்ரஜனாகவும் ஆக்சிஜனாகவும் பிரித்து ராக்கெட்டுகளுக்கு தேவையான எரிபொருளை சம்பாதித்துக் கொள்ளலாம். சந்திரனில் தண்ணீர் கிடைக்காமற்போனால் பூமியிலிருந்துதான் நீரைக் கொண்டு செல்லவேண்டும். திரவ ஹைட்ரஜனை பூமியிலிருந்து கொண்டு போகவேண்டும். அதனுடன் சந்திரனின் பாறைகளில் இருக்கும் ஆக்சிஜனைக் கலந்து, நீரை தயாரித்துக் கொள்ளலாம். இந்த நீர் தயாரிக்கும் முயற்சியின் போதே மின்சக்தியையும் பெற்றுக் கொள்ளமுடியும் என்பது மகிழ்ச்சியான செய்தி. இவையனைத்தும் சாத்தியமாகக் கூடிய செலவில் அமைந்தால், சந்திரனிலும் அமெரிக்கா தனது காலனி ஆதிக்கத்தை விரிவாக்கும்.

தொடர்ச்சியாக எரிந்து, புகையும் தீ... மரங்களை கருகச்செய்து மழைக்கு உலை வைக்கும் செங்கல்சூளைகள்

▶ முறைப்படுத்துவார்களாக அதிகாரிகள் ▶ சுற்றுச்சூழல் ஆர்வலர்கள் எதிர்பார்ப்புசேலம் : தமிழகத்தில் செங்கல் சூளையில் இருந்து வெளியேறும் புகையால் விளைநிலங்கள் பாதிக்கப்படுவதாகவும், மழை வளம் குறைந்து வருவதாகவும் புகார் எழுந்துள்ளது. எனவே, செங்கல் சூளைகளை முறைப்படுத்த வேண்டும் என்ற கோரிக்கை வலுத்துள்ளது. கட்டுமான பணியில் முக்கிய மூலப்பொருட்களில் ஒன்றாக இருப்பது செங்கல். தமிழகத்தில் சேலத்தில் தான் அதிகளவில் செங்கல் சூளைகள் உள்ளன. இங்கு ஆயிரத்திற்கு மேற்பட்ட செங்கல் சூளைகள் செயல்பட்டு வருகின்றன. சேலத்திற்கு அடுத்தபடியாக தர்மபுரி, நாமக்கல் மாவட்டங்களில் செங்கல் சூளைகள் உள்ளது. சேலத்தில் உற்பத்தி செய்யப்படும் செங்கல் சென்னை, திருச்சி, கோவை, ஈரோடு, விழுப்புரம், வேலூர் உள்ளிட்ட பகுதிகளுக்கு அனுப்பப்படுகிறது. இங்கு உற்பத்தி செய்யப்படும் செங்கற்களுக்கு தமிழகத்தில் பெரும்பாலான இடங்களில் நல்ல வரவேற்பு இருக்கிறது. இதன் காரணமாக கடந்த சில ஆண்டுகளாக, சேலம் சுற்றுவட்டார பகுதிகளில் விளைநிலங்களை அழித்து, செங்கல் சூளைகளை அதிகளவில் தொடங்கப்பட்டு வருகின்றன. கடந்த காலங்களில் மாவட்டம் முழுவதும் 200 செங்கல் சூளைகள் இருந்தன. ஆனால், சில ஆண்டுகளில் மாவட்டம் முழுவதும் ஆயிரக்கணக்கில் செங்கல் சூளைகள் உருவாகியுள்ளன.

இங்கு நாள் ஒன்றுக்கு லட்சக்கணக்கான செங்கற்கள் உற்பத்தி செய்யப்படுகின்றன. சூளையில் ஒரு வாரத்திற்கு மேலாக சுட்டால் தான் முழு செங்கலாக, அதனை வெளிக்கொண்டு வரமுடியும்.  இந்த ஒரு வாரத்தில் 24 மணிநேரமும் சூளையில் இருந்து புகை வெளியேறி கொண்டு தான் இருக்கும். இவ்வாறு வெளியேறும் புகையால் அருகாமை குடியிருப்புவாசிகள், ஆஸ்துமா நோயாளிகள் கடும் பாதிப்புக்குள்ளாகி வருவதாகவும், மேலும் செங்கல் சூளை சுற்றி பல அடி தூரத்திற்கு நிலம் வெப்பம் அதிகரித்து காணப்படுவதாகவும், புகையால் கடந்த 15 ஆண்டுகளுக்கு மேலாக மழை வளம் குறைந்து வருவதாகவும் சுற்றுச்சூழல் ஆர்வலர்கள் கவலை தெரிவித்துள்ளனர்.
இது குறித்து சேலத்தை சேர்ந்த சுற்றுச்சூழல் ஆர்வலர்கள் கூறியதாவது: சேலம் மாவட்டம் அயோத்தியாப்பட்டணத்தில் இருந்து பேளூர் செல்லும் ரோட்டில் முட்டைகடை, குள்ளம்பட்டி, செல்லியம்பாளையம், நாட்டாமங்கலம், கூட்டாத்துப்பட்டி, நீர்முள்ளிக்குட்டை, கோலாத்துகோம்பை, நடுப்பட்டி, சின்னமநாயக்கன்பாளையம் உள்ளிட்ட பகுதியில் நூற்றுக்கணக்கான செங்கல் சூளைகள் உள்ளன. இதைதவிர சுக்கம்பட்டி, அடிமலைபுதூர், ஆச்சாங்குட்டப்பட்டி, ஓமலூர், மேச்சேரி, வாழப்பாடி, ஆத்தூர், மல்லூர் உள்ளிட்ட பகுதிகளிலும் செங்கல் சூளைகள் அதிகளவில் உள்ளன. இந்த சூளைகளில் காயவைத்த செங்கல்லை முழு செங்கலாக ெகாண்டு வர பத்து நாட்களாகும். இந்த பத்து நாட்களும் சூளைகள் தொடர்ந்து எரிவதும், புகைவதுமாக இருப்பதால், அருகிலுள்ள குடியிருப்பு வாசிகளுக்கு பெரும் சிரமம் ஏற்படுகிறது. மேலும் சூளையை சுற்றியுள்ள விளைநிலங்களிலும் வெப்பத்தின் தாக்கம் ஏற்படுகிறது.  சூளையில் இருந்து வெளியேறும் புகையால் இந்த பகுதியில் வானில் மேகங்கள் கூடுவதில்லை. பக்கத்தில் ஒரு மைல் தூரத்தில் நல்ல மழை பெய்கிறது. ஆனால், சூளைகள் இருக்கும் பகுதியில் தூறல் மட்டுமே விழுகிறது. இதனால் கிணறு, போர்வெல்களில் நிலத்தடி நீர்மட்டம் பாதித்து, விவசாய பணிகளும் கடுமையாக பாதிக்கிறது. மழை வளம் இல்லாததால் அயோத்தியாப்பட்டணத்தில் இருந்து பேளூர் வரை மட்டும் 2 லட்சம் தென்னை மரங்கள், 20 ஆயிரம் மாமரங்கள் அழிந்து விட்டன. இந்த பகுதிகளில் ெபரும்பாலும் பூச்செடி, தோட்டப்பயிர்கள் சாகுபடி செய்யப்படுகின்றன. கடந்த சில ஆண்டாக 20 ஆயிரம் ஏக்கரில் பூச்செடி, தோட்டப்பயிர்கள் சாகுபடி செய்யப்பட்டன. சாகுபடி செய்ய ஏற்ற நிலமாக இல்லாததால், பெரும்பாலான விவசாயிகள் நிலத்தை விற்றுவிட்டனர். இந்த நிலங்களில் தான் தற்போது செங்கல் சூளைகள் அதிகளவில் முளைத்துள்ளன. எனவே, மாவட்ட நிர்வாகம் தலையிட்டு, செங்கல் சூளைகள் முறையாக அனுமதி பெற்று தான் இயங்குகிறதா? என்பதை கண்காணிக்கவேண்டும். அனுமதி இல்லாமல் செயல்பட்டு வரும் செங்கல் சூளைகளை முறைப்படுத்த வேண்டும். இவ்வாறு சுற்றுச்சூழல் ஆர்வலர்கள் கூறினர். உள்ளாட்சித்துறையே பொறுப்பு  நழுவும் மாசு கட்டுப்பாட்டு வாரியம்மாசு கட்டுப்பாடு அதிகாரிகள் கூறுகையில், ‘‘செங்கல் சூளைகளை பொறுத்தவரை, சிறிய செங்கல் சூளை உரிமையாளர்கள் யாரும் அனுமதி பெற்று உற்பத்தி செய்வதில்லை. சேம்பர் செங்கல் உற்பத்தி செய்பவர்கள் மட்டுமே மாசுகட்டுப்பாடு துறையில் உரிய அனுமதி பெறுகின்றனர். ஆனால் சாலையோரம் சிறிய அளவில் வைத்திருக்கும் செங்கல் சூளைகள் மீது உள்ளாட்சித்துறை தான் நடவடிக்கை எடுக்க வேண்டும். மேலும் செங்கல் சூளை பாதிப்பு குறித்து எங்களுக்கு புகார் கடிதம் வந்தாலும், நாங்கள் சம்பந்தப்பட்ட உள்ளாட்சித்துறைக்கு அனுப்பிவிடுவோம். செங்கல் சூளையில் இருந்து வெளியேறும் புகையால் பாதிப்பு இருக்க தான் செய்யும். நாம் ஆக்சிஸன் மட்டுமே சுவாசித்து வருவோம். ஆனால் செங்கல் வெளியேறும் புகையில் கார்பன் மோனக்சைடு வாயு இருக்கும். இந்த வாயு ரத்தத்தில் கலந்தால் உடலுக்கு பல்வேறு பாதிப்புகளை உண்டாக்கும்’’ என்றனர்.

தன்னலம் கருதாத தெய்வம்: அன்னையை மகிழ்விக்கும் அன்புப்பரிசு

தான் பிறந்தது முதல் ஒரு பெண்ணானவள் பல்வேறு பரிமாணங்களை பெறுகிறாள். ஒரு கால கட்டம் முதல் தான் மண்ணில் புதையுறும் வரை தன்னலம் இல்லாமல் உழைத்துக்கொண்டே இருப்பவள் தாய். அனைவருக்கும், அன்னைதான் முதல் தெய்வம். நம்மை உலகுக்கு அடையாளம் காட்டியவர் அன்னை மட்டுமே. அம்மா என்பது உலகிலுள்ள உன்னதமான வார்த்தைகளில் உயர்வானது. அதற்கு எதுவுமே ஈடாகாது. எனவே அப்படிப்பட்ட அன்னையை போற்ற ஒருநாள் கொண்டாடப்படுகிறது. அதுதான் அன்னையர் தினம். நாடெங்கும் மே மாதம் 2ம் வாரம் ஞாயிறு அன்று அன்னையர் தினம் கொண்டாடப்படுகிறது. சர்வதேச அளவில் பல நாடுகளில் இந்த தினத்தை கொண்டாடும் நிகழ்வு அதிகரித்து வருகிறது. நமது நாட்டின் தேசிய அன்னையர் தினம் ஆகஸ்ட் 19ம் தேதி கொண்டாடப் படுகிறது. உடல் தந்து, உதிரம் பெருக்கி, ஆணோ, பெண்ணோ உருவறியாமல், உவகை பொங்க பெற்றெடுக்கும் அம்மாவை, நினைக்கும் போதே மனம் கசியும், விழியோரம் கண்ணீர் பெருகும். வயிற்றுக்குள் இருக்கும் போது தொப்புள் கொடி வழி உணவூட்டி, பிறந்தபின் பாலூட்டி, வளர்ந்த பின்னும் சீராட்டி, பிள்ளைக்காகவே வாழும் மனித தெய்வம், அன்னை இன்றி வேறு யார்? தனக்கென்று எதுவுமே வைத்துக் கொள்ளாத துறவியின் மனப்பக்குவம், மனிதப் பிறவிக்கு மட்டுமல்ல, உலக உயிர்கள் அனைத்திற்கும் அன்னையே பிரதானம்.அன்னையின் அன்புக்கு அளவேது, விலையேது. வற்றாத ஜீவநதியாக அன்னையர் தரும் அந்த அளவில்லாத அன்புதான் ஒவ்வொரு குழந்தைக்கும் ஆதார சக்தி. மாதா, பிதா, குரு, தெய்வம் என்ற வரிசையில் கடவுளுக்கும் மேலான அன்னையை இன்றாவது நாம் அனைவரும் மகிழ்விப்போம். எப்படி தாயை மகிழ்ச்சியாக வைத்துக்கொள்வது என்று யோசிக்கிறீர்களா? அதற்கு கோடி கணக்கில் செலவு செய்து பரிசு பொருட்களோ, விலை உயர்ந்த ஆபரணங்களோ, அல்லது வேறு ஏதாவது பெரிதாக செய்யலாம் என்றெல்லாம் இல்லை. தாய் என்பவள் சுயநலம் இல்லாதவள். அவர்கள் எதிர்பார்ப்பது எல்லாம் நமது பிள்ளைகள் ஒரு நாளாவது தம்முடன் செலவிடமாட்டார்களா என்பதே. தற்போது டெக்னாலஜி உலகமாக மாறிவிட்டது. எப்போதும் கையில் செல்போன், கணினி போன்ற இயந்திரங்களோடு நமது நேரத்தை செலவிடுகிறோம். ஆனால் அன்ைனயர் தினமான இன்றாவது தமது தாயுடன் ஒரு நாள் பொழுது முழுவதும் செலவிடலாமே. வழக்கமான வாழ்த்து அட்டைகள், சாக்லேட், கேக், மலர்கள் என்று வழக்கமான பரிசுகளை தவிர்த்து விட்டு தனித்துவமான உங்களுக்கும் உங்கள் அம்மாவிற்கும் இடையே உள்ள அன்பை வெளிப்படுத்தும் வகையில் நீங்களே எழுதிக் கொடுங்கள்.சிறிய பரிசாக இருந்தாலும் மிகச் சிறப்பான பரிசாக அதை உணர முடியும். உங்களின் வெற்றிக்கும், வேலைகளுக்கும் உங்கள் அம்மாவின் பங்கு என்னவாக இருக்கிறது என்பதை அழகான வார்த்தைகளின் மூலம் வெளிப்படுத்துங்கள். உங்களுக்காக உங்கள் அம்மா செய்த தியாகங்களை நினைவுப்படுத்தி பாராட்டுங்கள். உங்களின் வாழ்வுக்கு அம்மா எப்படியொரு பொக்கிஷமாக இருக்கிறார் என்பதை வெளிப்படுத்துங்கள். இவற்றையெல்லாம் அழகாக எழுதி பல வருடத்தின் புகைப்படங்களை இணைத்து பரிசளியுங்கள். அவருக்கு பிடித்த உணவுகளை உங்களது கையாலேயே சமைத்து கொடுங்கள். அவர்களை வெளியில் அழைத்து சென்று மகிழ்ச்சியில் திழைக்க வைக்கலாமே. அன்னையர் தினம் என்பது உண்மையான அன்பிற்காகவும் தனது அன்னைக்கு நன்றி கூறும் விதத்திலும் இருக்க வேண்டும் என்று நினைத்துப் போராடிய அனா ஜார்விஸின் உண்மையான நோக்கத்தை நாம் புரிந்து இத்தினத்தை கொண்டாடுவோம்.

கோடை மழை கைகொடுக்காததால் நாளுக்கு நாள் அதிகரிக்கும் அனல் காற்று

* மக்கள் வீட்டிலேயே முடக்கம்

* கோடை மழை கைகொடுக்காததால் நாளுக்கு நாள் அனல் காற்று வீசுவது அதிகரிப்பதால் மக்கள் வீட்டிலேயே முடங்கினர்.
தமிழகத்தில்  கடந்த 3 மாதத்திற்கு மழை பெய்ய வில்லை. தொடர்ந்து வெயில் தாக்கம் நாளுக்கு  நாள் அதிகரித்து வரும் நிலையில் கடந்த ஒரு மாதமாக வெயில் சுட்டெரித்து  வருகிறது. இந் நிலையில் தற்போது கத்தரி வெயில் தொடங்கிய நிலையில் வெயில்  100 டிகிரியை தாண்டி அடிக்கிறது. சில நேரத்தில் வெப்ப காற்று வீசுகிறது. பகல்  நேரத்தில் மரத்து நிழலில் நின்றாலும் அனல் வீசுகிறது. ஈரப்பதம் இல்லாத  மிக, மிக குறை வாக காற்று விசுவதால் வீடுகளில் மின் விசிறி சுற்றினாலும்  காற்று உடலில் படுவதை உணர முடியாத அளவிற்கு காற்று வீசுகிறது. இரவு  நேரத்திலும் காற்று அடிக்காததால் இரவில் இரண்டு மின் விசிறி சுற்றினாலும்  போதிய காற்று கிடைப்பதில்லை. வீடுகளில் வீட்டின் மேல் வைக் கப் பட்டுள்ள  நீர் தேக்க தொட்டியில் சேமிக்கப்படும் தண்ணீர் வெண் நீராக மாறி விடுகிறது.  வெயிலினால் கடைகளில் எந்த நேரமும் வெப்பமாகவே உள்ளதால் வர்த்தகர் பெரும்  அவதிக்கு உள்ளாகி வருகின்றனர். சீலிங் பேன் கட்டிடத்தின் வெப்பத்தை  அப்படியே கீழே இறக்குவதால் மின்விசிறி போட்டால் அனல் காற்றாக உள்ளது.  டேபில் பேன் போட்டாலும் ஈரப்பதம் இல்லாத காற்றால் அனல் காற்றாக வீசுகிறது.பொதுவாக  கூறை வீடுகள் வெப்பம் குறைந்து குளிச்சியான நிலை காணப்படும். தற்போது  வெப்ப காற்றாக உள்ளதால் அந்த வீடுகளும் வெப்பமாக உள்ளது. தற்போது கூறை  மற்றும் ஓட்டு வீடுகள் குறைந்து காங்கிரட் வீடாக மாறியுள்ளதால் அதிக  வெயில், பகல், இரவு நேரத்தில் வெப்பமாக உள்ளதாலும், காற்று வீசாததாலும்  காங்கிரீட் வீடுகளில் அதிக வெப்பம் தெரிகிறது.தற்போது வங்க  கடலில்உருவான பானி புயல் ஈரப்பதத்தை உறிஞ்சியதால் தற்போது ஈரப்பதம் இல்லாத  அதிக வெப்பம் உள்ள காற்றாக உள்ளதால் பொது மக்கள் கடும் அவதிக்கு உள்ளாகி  வருகின்றனர். மேலும் வயதானவர்கள், குழந்தைகள், நோயாளிகள் பெரும் அவதிக்கு  உள்ளாகி வீட்டிலேயே முடங்கினர். மேலும் எந்த நேரமும் வியர்வையாக  உள்ளதால் சளி, இருமல் பிரச்னை ஏற்பட்டுள்ளது. கடந்த ஆண்டுகளில்  அக்னிநட்சத்திரம் என்ற கத்திரி வெயில் காலத்தில் மழை பெய்து வெப்பத்தை  தனித்தது. இந்த ஆண்டு கடந்த 3 மாதத்திற்கு மேல் மழை பெய்யாததால் நிலத்தடி  நீர் குறைந்தும், ஈரப்பதம் இல்லாத வறண்ட சூழல் உள்ளது. தற்போது மழை  பெய்தால் தான் வெப்பக்காற்று நீங்கி குளிர்ச்சி நிலவும் என பொதுமக்கள் மழை  வேண்டி வருண பகவானை வணங்கி வருகின்றனர்.

கொளுத்தும் கோடை வெயிலுக்கு இதமான பனை நுங்கு

*நா வறட்சி, நீர்ச்சத்து குறைவுக்கு அருமருந்து*கனிம சத்து, சர்க்கரை அளவை சீராக வைக்கும்தென்னை மற்றும் மற்ற பயன் தரும் மரங்களை பராமரிப்பது போல பனை மரத்திற்கு அதிகம் செலவிட வேண்டியதில்லை. ஒரு விதை நட்டு வைத்தால் நமது ஆயுளுக்கு பிறகும் எண்ணிலடங்கா பலனை பனை கொடுக்கும். கற்பக விருட்சம் போல பனையினால் கிடைக்கும் பலாபலன்களை பட்டியலிட முடியாத அளவிற்கு நன்மை கிடைக்கிறது. அதேபோன்று பனை மரங்களில் கிடைக்கும் பொருட்களை கொண்டு ஏராளமான மருந்துகள் தயாரிக்கப்படுகிறது. சமைக்கப்பட்ட உணவுகளை விட இயற்கையில் விளைகின்ற பொருட்களை அப்படியே சாப்பிடுவதால் நமக்கு அவற்றின் முழுமையான சத்துகள் கிடைக்கின்றது. தமிழர்களின் பாரம்பரியத்தில் “பனை” மரத்திற்கு ஒரு தனியிடமுண்டு. பல வகையான பொருட்களை நாம் பனை மரத்தில் இருந்து பெறுகிறோம் அதில் ஒன்று தான் சுவையான உணவு பொருளான “நுங்கு”.கோடை காலங்களில் பனைமரங்களில் கிடைக்கும் நுங்கு அபூர்வமானது. கோடையில் ஏற்படும் நாவறட்சி, நீர்சத்து குறைவு போன்றவைகளுக்கு நுங்கு சாப்பிடுவதால் பலன் கிடைக்கின்றன. சீசன் காலத்தில் பனை மரத்திலிருந்து குலைகுலையாய் சேகரிக்கப்படும் நுங்கு கோடை வெப்ப தாக்கத்தை குறைக்க கூடியதாகும். உடலுக்கு குளிர்ச்சியையும் நாவுக்கு சுவையும் தரும் பனை நுங்கு எண்ணற்ற மருத்துவ குணங்கள் கொண்டவையாகும். ஆரம்ப காலங்களில் கிராமங்களில் இருந்து நகரத்துக்கு இடம் பெயர்ந்த பலரும் நுங்கு சாப்பிடுவதற்காகவே இன்றும் கோடை விடுமுறையில் கிராமத்துப்பக்கம் விசிட் அடிப்பது வழக்கம்.சொந்தம் பந்தங்களை பார்த்து நலம் விசாரித்து விட்டு நுங்கு உள்ளிட்ட இயற்கையின் கொடைகளை ருசித்து பார்ப்பதுமே விடுமுறை பயணத்தின் நோக்கமாக இருக்கும். கடைக்கோடி கிராமங்களில், அடர்ந்து குலைதள்ளி சிரித்திருக்கும் பனை மரத்தடியில் அமர்ந்து புதிய நுங்கை பறித்து விரல் துளாவி சுவைப்பது அனைவருக்கும் விருப்பமானதாகும். மேலும் அதனை சுளை சுளையாக எடுத்து பால் பனை வெல்லம் சேர்தது சாப்பிடுவது தேவாமிர்தம் போலிருக்கும். கிராமத்தில் உள்ள வாண்டுகளுக்கு விடுமுறை நாள் கொண்டாட்டம் என்பது பனை மரங்கள் நிறைந்துள்ள பகுதியிலேயே பெரும்பாலும் கழியும்.மேலும் கோடையில் ஏற்படும் உடல் புழுக்கம் மற்றும் நீர்ச்சத்தை நிலைப்படுத்த அடிக்கடி தண்ணீர் குடிக்க வேண்டும். கூடுதலாக நுங்கு சாப்பிடுவது பலனளிக்கும் என மருத்துவர்கள் தெரிவிக்கின்றனர். கோடையில் நம் உடலில் உள்ள நீரின் அளவு விரைவாக குறைந்து விடும். இதனால் சோர்வடையும் உடலுக்குத் தேவையான நீர்ச்சத்து நுங்கு சாப்பிடுவதால் கிடைக்கிறது. உடலின் கனிமச்சத்து மற்றும் சர்க்கரையின் அளவை சீராக வைத்துக்கொள்ளவும் நுங்கு பயன்படுகிறது. நாள்முழுக்க சுறுசுறுப்புடன் செயல்படுவதற்கு பனைநுங்கு பேருதவியாக இருக்கிறது.நுங்கு கோடைக்காலத்தில் நம்மைப் பாதுகாக்க இயற்கை அளித்துள்ள ஒரு வரப்பிரசாதம். பனைவெல்லம், பனங்கற்கண்டு, பனங்கிழங்கு, மட்டை, ஓலை என பனையில் இருந்து கிடைக்கும் அனைத்துப் பொருட்களுமே மருத்துவ குணம் வாய்ந்தவை. நுங்கில் வைட்டமின் பி,சி இரும்புச்சத்து, கால்சியம், துத்தநாகம், சோடியம், மக்னீசியம், பொட்டாசியம், தயாமின், அஸ்காரபிக் அமிலம் மற்றும் புரதம் போன்ற சத்துகள் அதிகம் காணப்படுகின்றன. நுங்குக்கு கொழுப்பைக் கட்டுப்படுத்தி உடல் எடையைக் குறைக்கும் தன்மை அதிகம்.நுங்கு நீர் வயிற்றை நிரப்பி பசியையும் தூண்டும். இதனால் சாப்பிட பிடிக்காமல் இருப்பவர்களுக்கு நல்ல பசி ஏற்படும். மலச்சிக்கல் மற்றும் வயிற்றுப்போக்கு இரண்டுக்குமே நுங்கு ஒரு சிறந்து மருந்து. சிலருக்கு உடல் உஷ்ணம் காரணமாக எவ்வளவுதான் தண்ணீர் குடித்தாலும் தாகம் அடங்காது. அவர்கள் நுங்கைச் சாப்பிட்டால் தாகம் அடங்கி விடும். ரத்தசோகை உள்ளவர்கள் நுங்கை தொடர்ந்து சாப்பிட்டு வந்தால் விரைந்து குணமாகி உடல் சுறுசுறுப்பாகும். நுங்கில் அந்த்யூசைன் எனும் ரசாயனம் இருப்பதால் பெண்களுக்கு மார்பகப் புற்றுநோய்க் கட்டிகள் வருவதைத் தடுக்கும். வெயில் காலத்தில் அம்மை நோய்கள் வருவதைத் தடுத்து உடலுக்கு நோய் எதிர்ப்பு சக்தியைத் தரும்.  நுங்கை இளநீருடன் ஜூஸாக அரைத்து அருந்தலாம். தலைக்கு தேய்த்தும் குளிக்கலாம். சருமமும் உடலும் பொலிவடையும். பதநீரில் இருந்து தயாரிக்கப்படும் கருப்பட்டியுடன் சுக்கு சேர்த்து சாப்பிட்டால், நன்றாகப் பசி எடுக்கும். சுக்கு, மிளகு, கருப்பட்டி சேர்த்து குழந்தை பெற்ற பெண்கள் சாப்பிட்டால் தாய்ப் பால் நன்கு சுரக்கும். குழந்தைக்கும் நல்ல ஊட்டச்சத்து கிடைக்கும். நுங்கை மசித்து வியர்க்குரு கட்டிகள் இருக்கும் இடத்தில் பூசினால் விரைவில் சரியாகும். தோலும் பளபளப்பாகும். நுங்கை அரைத்து தேங்காய்ப் பால் சேர்த்துக் குடித்தால் அல்சர், வயிற்றுப்புண் பிரச்னை தீரும்.அம்மை நோய்களுக்கு தீர்வு பொதுவாக கோடை காலங்களில் வெப்பம் அதிகரிப்பதாலும், ஒரு சில கிருமிகள் இக்காலத்தில் பல்கி பெருகுவதாலும் சின்னம்மை, பெரியம்மை போன்ற நோய்கள் ஒரு சிலருக்கு ஏற்படுகிறது. இக்காலத்தில் உடலுக்கு வலு சேர்க்க கூடிய உணவாகவும், அம்மை நோய்களை விரைவாக நீக்க கூடிய உணவாகவும் நுங்கு இருக்கிறது. எனவே அம்மை நோய் தாக்கம் ஏற்பட்டவர்கள் சரியான அளவில் நுங்கு சாப்பிடுவது நல்லது. வெப்ப தாக்கம் கோடை காலங்களில் அதிக அனல்காற்று வீசும் போது ஒரு சிலருக்கு உடலில் நீர்ச்சத்து குறைந்து, ரத்த ஓட்டத்தில் பிரச்னைகள் ஏற்பட்டு ஹீட் ஸ்ட்ரோக் எனப்படும் மயக்க நிலை ஏற்படும். இதை தவிர்ப்பதற்கு தினமும் காலையில் கொஞ்சம் நுங்கு சாப்பிட்டு வெளியில் செல்வதால் வெப்பத்தின் தாக்கம் உடலை பாதிக்காமல் காக்கும்.கருவுற்ற பெண்கள் செய்ய வேண்டியதுகருவுற்ற பெண்களின் வயிற்றில் குழந்தை வளர தொடங்கும் போது பல பெண்களுக்கு சாப்பிடும் உணவு செரிமானம் ஏற்படாமல் போவது, நெஞ்செரிச்சல் மற்றும் மலச்சிக்கல் பிரச்னைகள் ஏற்படுகிறது. சரியான விகிதத்தில் கர்ப்ப காலத்தில் நுங்கு சாப்பிட்டு வந்தால் செரிமான கோளாறுகள் நீங்கும். நெஞ்செரிச்சல் மற்றும் அஜீரணம், மலச்சிக்கல் போன்றவை ஏற்படாமல் தடுக்கும். உடல் சத்து உடல் அதிகம் வெப்பமடையும் வகையில் பணிபுரிபவர்கள், கடின உடற்பயிற்சி மேற்கொள்பவர்கள் விளையாட்டு வீரர்கள் ஆகியோருக்கு சுலபத்தில் நீர்ச்சத்து இழப்பு மற்றும் இன்ன பிற அத்தியாவசிய சத்துகளும் உடலை விட்டு வெளியேறுகிறது. இப்படிப்பட்ட நபர்கள் தினமும் நுங்கு சாப்பிடுவதால் உடல் இழக்கும் சத்துகளை மீண்டும் ஈடு செய்யும்.கல்லீரல் நச்சு முறிப்பான்நாம் தினந்தோறும் சாப்பிடும் உணவுகள் மற்றும் அருந்தும் பலவகையான பானங்களில் இருக்கும் நச்சுகள் நமது கல்லீரலில் தங்கி விடுகின்றன. நுங்கு சிறந்த ஒரு நச்சு முறிப்பான் ஆகும். நுங்கு அடிக்கடி சாப்பிடுபவர்களுக்கு கல்லீரலில் தேங்கியிருக்கும் நச்சுகள் நீங்க பெற்று கல்லீரல் பலம் பெறும். கல்லீரலில் ஏற்பட்டிருக்கும் புண்களையும் ஆற்றும். வயிறு சம்பந்தமான நோய்கள் நுங்கு நீர் மற்றும் நார்ச்சத்து அதிகம் கொண்ட ஒரு இயற்கை உணவென்பதால் சிறந்த ஒரு இயற்கை மலமிளக்கி உணவாக இருக்கிது. வயிறு மற்றும் குடல்களில் சேர்ந்திருக்கும் நச்சுகளை நீக்கவும் செய்கிறது. இரைப்பை, குடல்கள் போன்றவற்றில் ஏற்படும் அல்சர், புண்களை சீக்கிரம் ஆற்றும் திறன் கொண்ட ஒரு உணவாக நுங்கு இருக்கிறது.மார்பக புற்று நோய் தடுப்பு இன்றைய காலத்தில் பெண்களுக்கு ஏற்படும் புற்று நோய்களில் முதன்மையாக இருப்பது மார்பக புற்று நோய் ஆகும். இத்தகைய புற்று நோய் ஏற்படாமல் தடுக்க பெண்கள் வாழ்க்கை முறையில் மாற்றம் மற்றும் இயற்கையான உணவுகளை எடுத்துக்கொள்ளும் போது, நுங்கையும் அதிகம் சாப்பிட்டு வர வேண்டும். இதில் இருக்கும் “ஆன்தோசயனின்” எனப்படும் வேதி பொருள் மார்பக புற்று ஏற்படாமல் தடுப்பதில் பெரும்பங்கு வகிக்கிறது. வாந்தி, குமட்டல் கருவுற்றிருக்கும் பெண்கள், ஒவ்வாமை பிரச்னை கொண்டவர்கள், வயிற்றில் அட்ரீனலின் சுரப்பு அதிகம் ஏற்படும் போதும் குமட்டல் உணர்வு, வாந்தி எடுத்தல் போன்றவை ஏற்படுகிறது. இத்தகைய பிரச்னை இருப்பவர்கள் அடிக்கடி நுங்கு சாப்பிட்டு வந்தால் உடலில் ஹார்மோன் சுரப்புகளை சரி செய்து அடிக்கடி வாந்தி எடுக்கும் பிரச்னையை போக்கும்.உடல் எடை குறைப்புஅளவுக்கதிகமாக உடல் எடை கூடியவர்கள் அதிக எடையை குறைக்க பல வகையான இயற்கை உணவுகளை சாப்பிடுவது அவசியம். உடல் எடையை குறைத்து, உடலை கட்டுக்கோப்பாக வைப்பதில் நுங்கு சிறப்பாக செயல்படுகிறது. இதில் இருக்கும் சத்துகள் உடலின் அதீத பசியுணர்வை கட்டுப்படுத்தி, நீர் சுரப்பை அதிகப்படுத்தி உடல் எடையை குறைப்பதில் பேருதவி புரிகிறது. கோடை காலங்களில் ஏற்படும் வெப்பத்தாலும் மற்றும் அதிக நேரம் கண் விழித்திருக்கும் நபர்களுக்கு கண்ணெரிச்சல், கண் வலி போன்றவை ஏற்படுவதற்கு வாய்ப்புகள் அதிகம். இவர்கள் தினமும் காலையில் நுங்கு சாப்பிடுவதால் கண்கள் சம்பந்தமான நோய்கள் நீங்குவதோடு, கண்பார்வை திறனையும் மேம்படுத்துகிறது என மருத்துவ குறிப்புகள் கூறுகிறது.அரசு மருத்துவர் செய்யது அபுதாகீர் கூறியதுகோடை  வெப்பத்தினால் குழந்தைகள் முதல் பெரியவர்கள் வரையிலும்  பாதிக்கப்படுவர். அப்போது சிலருக்கு சின்னம்மை வரும் வாய்ப்பு அதிகம்.  இவற்றை தவிர்க்க நுங்கு சாப்பிடலாம். இதனால் சின்னம்மையினால் ஏற்படும்  பாதிப்புகள் குறையும். உடலையும் குளிர்ச்சியுடன் வைத்துக் கொள்வதோடு  சின்னம்மை வராமல் தடுக்கவும், வந்த பின் குணப்படுத்தவும் நுங்கு உதவியாக  இருக்கும். மேலும் நுங்கு’வைரஸ் தொற்றையும்’ கட்டுப் படுத்துகிறது. வெயிலினால்  ஏற்படும் மயக்கத்தை தவிர்க்க நுங்கு அதிகம் சாப்பிடலாம். இதன் வாயிலாக   உடலின் நீர்ச்சத்து அதிகரித்து மயக்கம் வருவது குறையும். மேலும்  கர்ப்பிணிகள் நுங்கு சாப்பிட செரிமானம் அதிகரித்து மலச்சிக்கல், வாயு  தொல்லை விடுபடும். நுங்கு சாப்பிடுவதால் உடலுக்கு தேவையான கனிமச்சத்துகள்  மற்றும்  ஊட்டச்சத்துகள் கிடைக்கிறது. குளுக்கோஸ் அளவை சீராகவும், உடலை  சுறுசுறுப்புடன் வைத்து கொள்ளவும் பனை நுங்கு உதவுகிறது என்றார்.வறட்சியை  தாங்கி வளரக்கூடிய பனை மண் அரிப்பு தடுக்க கூடியது. அதனால் அரசு நிர்வாகம்  மணல் அரிப்பு ஏற்படும் ஆற்றுக்கரைகள் உள்ளிட்ட பகுதிகளில் பனை மரங்களின்  எண்ணிக்கையை அதிகரிக்க ஏற்பாடு செய்ய வேண்டும். மருத்துவ குணங்கள் நிறைந்த  பனை மரங்களை அழிவிலிருந்து காத்து அதன் வளர்ச்சியை அதிகரிக்க தொண்டு  நிறுவனங்கள், இயற்கை சார்ந்த அமைப்புகள் முன்வர வேண்டும் என இயற்கை  ஆர்வலர்கள் வலியுறுத்துகின்றனர்.

வத்திராயிருப்பு அருகே பிளவக்கல் பெரியாறு அணைப் பூங்காவில் பராமரிப்பு ‘ஜீரோ’

*குறைந்து வரும் சுற்றுலாப் பயணிகள்சமூகவிரோதிகளின் கூடாரமாகும் அவலம் வத்திராயிருப்பு : வத்திராயிருப்பு அருகே, பராமரிப்பு இல்லாத பிளவக்கல் பெரியாறு அணைப் பூங்கா, சமூக விரோதிகளின் கூடாரமாகும் அவலம் ஏற்பட்டுள்ளது. வத்திராயிருப்பு அருகே, மேற்குத்தொடர்ச்சி மலையடிவாரத்தில் உள்ள பிளவக்கல்லில் பெரியாறு, கோவிலாறு அணைகள் உள்ளன. இதில் பெரியாறு அணையில் பூங்கா உள்ளது. இந்த பூங்காவில் பராமரிப்பு இல்லாமல், விளையாட்டு உபகரணங்கள், ஊஞ்சல், சறுக்கு விளையாடும் சறுக்கு தடுப்பு ஆகியவை சேதமடைந்துள்ளன.

ஊஞ்சல் பழுதானதால், குழந்தைகள் ஊஞ்சல் விளையாட முடியாமல் தவிக்கின்றனர். சறுக்கலில் ஓட்டை விழுந்துள்ளதால், குழந்தைகள் ஆபத்தான நிலையில் சறுக்கு விளையாடுகின்றனர். 10 ஆண்டுகளுக்கு முன் கட்டப்பட்ட மீன் அருங்காட்சியகம் திறக்கப்படாமல் உள்ளது. இதில் உள்ள மேற்கூரை பழுதடைந்துள்ளது.
கட்டி முடிக்கப்பட்ட கழிப்பறை திறக்கப்படாமல் உள்ளது. பூங்காவிற்கு அழகு சேர்க்க வைக்கப்பட்ட புள்ளிமான் சிலை சேதமடைந்துள்ளது. சூறாவளிக்கு சாய்ந்த மரங்கள் அப்புறப்படுத்தப்படவில்லை. சுற்றுலாப் பயணிகள் தங்கிச் செல்ல கட்டப்பட்ட விடுதியும் பராமரிப்பின்றி உள்ளது.
பூங்காவில் உள்ள குப்பைகள் அகற்றப்படாமல் உள்ளது. பூங்காவை பராமரிக்க பணியாளர்களும் போதிய அளவில் இல்லை. அணை மதகிலிருந்து பூங்காவிற்கு செல்லும் சாலை குண்டும் குழியுமாக உள்ளது. இதில் உள்ள சரளைக் கற்கள் சுற்றுலாப் பயணிகளை பதம் பார்க்கிறது. அணைக்குள் இறங்கி பார்க்கும் சுற்றுலாப் பயணிகளுக்கு, யானை, காட்டெருமை விலங்குகளால் ஆபத்து ஏற்படும் அபாயம் உள்ளது. மேலும், பூங்கா சமூக விரோதிகளின் கூடாரமாக மாறி வருகிறது. எனவே, பெரியாறு அணை பூங்காவை பராமரித்து வண்ண, வண்ண நீரூற்றுகளை அமைக்க வேண்டும். பார்வையாளர் கோபுரத்தை சுற்றுலாப் பயணிகள் பயன்படுத்தும் வகையில் சீரமைக்க வேண்டும். பூங்காவில் சேகரமாகும் குப்பைகளை அன்றாடம் அகற்றுவதற்கு நடவடிக்கை எடுக்க வேண்டும். மீன் அருங்காட்சியகத்தை பயன்பாட்டிற்கு கொண்டு வரவேண்டும். சேதமடைந்த சிலைகளை சீரமைக்க வேண்டும். மேலும், பூங்காவிற்கு வரும் சுற்றுலாப் பயணிகளுக்கு தேவையான கழிப்பறை உள்ளிட்ட அடிப்படை வசதிகளை செய்து தரவேண்டும் என கோரிக்கை விடுத்துள்ளனர்