Technology - Dinakaran

இந்தியாவில் கால் பதிக்கும் எம்ஜி ஹெக்டர்

இங்கிலாந்தை சேர்ந்த எம்ஜி நிறுவனம் வெகு விரைவில் இந்திய மார்க்கெட்டில் கால் பதிக்க உள்ளது. எம்ஜி ஹெக்டர் எஸ்யூவி ரக கார், இந்திய மார்க்கெட்டில் இந்த மாதம் விற்பனைக்கு அறிமுகம் செய்யப்படும் என எதிர்பார்க்கப்படுகிறது. டாடா ஹாரியர், ஜீப் காம்பஸ் உள்ளிட்ட எஸ்யூவி ரக கார்களுடன் எம்ஜி ஹெக்டர் நேரடியாக மோத உள்ளது.எம்ஜி ஹெக்டர் எஸ்யூவி ரக கார், முதலில் 5 சீட்டர் மாடலில் மட்டுமே விற்பனைக்கு வருகிறது. 5 சீட்டர் மாடலை விற்பனைக்கு அறிமுகம் செய்த பின்னர், 7 சீட்டர் மாடலை விற்பனைக்கு கொண்டு வரவும் எம்ஜி நிறுவனம் திட்டமிட்டுள்ளது. தற்போது சீன மார்க்கெட்டில் விற்பனை செய்யப்பட்டு வரும் பயோஜென் 530 எஸ்யூவி (Baojun 530 SUV) காரின், ரீ-இன்ஜினீயரிங் செய்யப்பட்ட மாடல்தான் எம்ஜி ஹெக்டர் என்பது குறிப்பிடத்தக்கது. இன்னும் சொல்லப்போனால், எம்ஜி ஹெக்டர் மற்றும் பயோஜன் 530 ஆகிய இரண்டு எஸ்யூவி ரக கார்களும், பெரும்பாலான டிசைன் அம்சங்களில் ஒத்துப்போகின்றன. அதே நேரத்தில், எம்ஜி ஹெக்டர் எஸ்யூவி ரக காரின் கேபின் டிசைன், வுல்லிங் அல்மாஸ் எஸ்யூவி (Wuling Almaz SUV) காரை மனதில் வைத்து வடிவமைக்கப்பட்டுள்ளது. வுல்லிங் அல்மாஸ் எஸ்யூவி ரக கார், சமீபத்தில்தான் இந்தோனேஷிய மார்க்கெட்டில் வெளியிடப்பட்டது.1.5 லிட்டர் டர்போ பெட்ரோல் மற்றும் 2.0 லிட்டர் டீசல் என மொத்தம் 2 இன்ஜின் ஆப்ஷன்கள் இந்த காரில் வழங்கப்பட உள்ளன. இதில், பெட்ரோல் இன்ஜின் அதிகபட்சமாக 143 பிஎச்பி பவரையும், 250 என்எம் டார்க் திறனையும் வெளிப்படுத்தும் வல்லமை வாய்ந்தது. அதே நேரத்தில், டீசல் இன்ஜின் அதிகபட்சமாக 170 பிஎச்பி பவரையும், 350 என்எம் டார்க் திறனையும் வெளிப்படுத்தக்கூடியது. தற்போதைய நிலையில் எம்ஜி நிறுவனம் இந்தியாவின் முன்னணி நகரங்களில் டீலர்ஷிப்களை நிர்மாணிக்கும் பணிகளை செய்து வருகிறது. வரும் ஜூன் மாதத்திற்குள் எம்ஜி நிறுவனம் இந்தியாவில் 50 டீலர்ஷிப்களை திறந்துவிடும் என எதிர்பார்க்கப்படுகிறது. இதுதவிர, 120 டச் பாயிண்ட்களை திறக்கவும் எம்ஜி நிறுவனம் திட்டமிட்டுள்ளது. இந்த கார், குஜராத் மாநிலம் ஹலோல் பகுதியில் உள்ள தொழிற்சாலையில் உற்பத்தி செய்யப்பட உள்ளது. ஹெக்டர் 5 சீட்டரை தொடர்ந்து, இஇஸட்எஸ் எலெக்ட்ரிக் எஸ்யூவி, ஹெக்டர் 7 சீட்டர் எஸ்யூவி உள்ளிட்ட மாடல்களையும் எம்ஜி நிறுவனம் இந்தியாவில் விற்பனைக்கு அறிமுகம் செய்ய உள்ளது.

களமிறங்கும் சக்தி வாய்ந்த இரு பைக்குகள்

இருசக்கர வாகன தயாரிப்பில் ஜாம்பவனாக திகழ்ந்து வரும் ஹீரோ நிறுவனம், அதன் தயாரிப்பில் இரண்டு புதிய மாடல் மோட்டார் சைக்கிள்களை விற்பனைக்கு அறிமுகம் செய்ய உள்ளது. அந்த வகையில், எக்ஸ்பல்ஸ் 200 மற்றும் எக்ஸ்பல்ஸ் 200டி ஆகிய இரண்டு மாடல்களை ஹீரோ நிறுவனம் அறிமுகம் செய்ய உள்ளது. எக்ஸ்பல்ஸ் 200 மோட்டார் சைக்கிள் கான்செப்ட் மாடல், கடந்த 2017ம் ஆண்டு நடைபெற்ற இஐசிஎம்ஏ வாகன கண்காட்சியில் அறிமுகம் செய்யப்பட்டிருந்தது. தொடர்ந்து, இந்த மாடலின் உற்பத்தி வெர்ஷனை கடந்த 2018ம் ஆண்டு நடைபெற்ற ஆட்டோ எக்ஸ்போவில் அறிமுகம் செய்தது. இதேபோல், டூரிங் மாடலான எக்ஸ்பல்ஸ் 200டி வேரியண்டை, 2018ம் ஆண்டு நடைபெற்ற இஐசிஎம்ஏ வாகன கண்காட்சியில் ஹீரோ நிறுவனம் அறிமுகம் செய்தது. இதைத்தொடர்ந்து, இந்த இரண்டு மோட்டார் சைக்கிள்களையும், ஹீரோ நிறுவனம் அவ்வப்போது சாலைகளில் சோதனை செய்து வந்தது. நீண்ட நாட்களுக்கு பின் இந்த இரண்டு இருசக்கர வாகனங்களையும் விற்பனைக்கு வெளியிட இருப்பதாக தகவல்கள் வெளியாகியுள்ளன. இவ்விரண்டு மாடல் மோட்டார் சைக்கிள்களும் இம்மாதம் (மே 2019) மாதத்திற்குள் விற்பனைக்கு வரும் என தகவல்கள் தெரிவிக்கின்றன.இந்த இரு மோட்டார் சைக்கிள்களையும் ஒப்பிடுகையில், எக்ஸ்பல்ஸ் 200 மாடலில் சற்று உயரமாக சைலென்சர் பொருத்தப்பட்டுள்ளது. மேலும், இந்த மோட்டார் சைக்கிளின் முன்பக்கத்தில் 21 இன்ச் கொண்ட ஸ்போக்ஸ் வீலும், பின்பக்கத்தில் 18 இன்ச் கொண்ட ஸ்போக்ஸ் வீலும் பொருத்தப்பட்டுள்ளன. இதேபோல், டூரிங் வெர்ஷனான எக்ஸ்பல்ஸ் 200டி மோட்டார் சைக்கிளில் 17 இன்ச் கொண்ட அலாய் வீல் பொருத்தப்பட்டுள்ளது. இதன் கிரவுண்ட் கிளியரன்ஸ் 30mm-ஆக உள்ளது.ஹீரோ எக்ஸ்பல்ஸ் 200 மற்றும் 200டி மோட்டார் சைக்கிள்களில், 199.5 சிசி ஏர் கூல்டு, சிங்கிள் சிலிண்டர் இன்ஜின் பொருத்தப்பட்டுள்ளன. மேலும், 5 ஸ்பீடு கியர் பாக்ஸ் பொருத்தப்பட்டுள்ளது. இவ்விரண்டு மோட்டார் சைக்கிள்களின் விலை குறித்த அதிகாரப்பூர்வ அறிவிப்பு இதுவரை வெளியிடப்படவில்லை.

புதிய மைல் கல்லை எட்டிய மஹிந்திரா

மஹாராஷ்டிர மாநிலம் புனேவிற்கு அருகே உள்ள சகான் என்னும் நகரில்,  மஹிந்திரா நிறுவனத்தின் தொழிற்சாலை செயல்படுகிறது.  தற்்்்்போது 10 லட்சம் (1 மில்லியன்) வாகனங்கள் உற்பத்தி என்ற புதிய மைல்கல்லை இந்த பிளாண்ட் தற்போது எட்டியுள்ளது. இந்த தொழிற்சாலை சுமார் 700 ஏக்கர் பரப்பளவில் பரந்து விரிந்து பிரம்மாண்டமாக காட்சியளிக்கிறது. இங்கு எல்சிவி எனப்படும் இலகு ரக வர்த்தக வாகனங்கள், எக்ஸ்யூவி500, டியூவி300, கேயூவி100 மற்றும் அல்டுராஸ் ஜி4 உள்ளிட்ட கார்கள், 49 டன்கள் வரையிலான கன ரக வர்த்தக வாகனங்கள் உற்பத்தி செய்யப்படுகின்றன. மஹிந்திரா அல்டுராஸ் ஜி4 பிரீமியம் எஸ்யூவி ரக கார்தான் இந்த  தொழிற்சாலையில் உற்பத்தி செய்யப்பட்ட 10 லட்சமாவது வாகனம் ஆகும். அப்டேட் செய்யப்பட்ட புதிய டியூவி 300  கார், சில நாட்களில் விற்பனைக்கு அறிமுகம் செய்யப்படும் என எதிர்பார்க்கப்படுகிறது. விற்பனைக்கு அறிமுகம் செய்யப்பட்ட புதிதில் இருந்த வரவேற்பு தற்போது மஹிந்திரா டியூவி300 காருக்கு இல்லை. என்றாலும், கிராமப்புற பகுதிகளில் இன்னும் ஓரளவிற்கு வரவேற்பு இருக்கவே செய்கிறது. இந்த சூழலில் புதிய மாடல் அறிமுகம் செய்யப்பட  உள்ளதால், டியூவி300 காரின் விற்பனை இனி அதிகரிக்கும் என மஹிந்திரா நிறுவனம்  நம்பிக்கையுடன் எதிர்பார்க்கிறது. இந்திய மார்க்கெட்டில் விற்பனைக்கு அறிமுகம் செய்யப்பட்ட உடன் மாருதி சுஸுகி  விட்டாரா பிரெஸ்ஸா, டாடா நெக்ஸான் உள்ளிட்ட மாடல்களுடன் மஹிந்திரா டியூவி300 பேஸ்லிப்ட் போட்டியிடும். தற்போது சகான் தொழிற்சாலையின் பேஸ்-II விரிவாக்க பணிகளில் மஹிந்திரா நிறுவனம்  ஈடுபட்டுள்ளது. இதன்மூலம், இத்தொழிற்சாலையின் உற்பத்தி திறனை ஒரு ஆண்டுக்கு 7.5 லட்சம்  யூனிட்களாக அதிகரிக்க திட்டமிடப்பட்டுள்ளது. இதற்காக மஹிந்திரா நிறுவனம் சுமார்  4,500 கோடி ரூபாயை முதலீடு செய்கிறது. அடுத்த தலைமுறை எக்ஸ்யூவி500 கார்  2020ம் ஆண்டு விற்பனைக்கு அறிமுகம் செய்யப்பட உள்ளது. இனி, இத்தொழிற்சாலை  இன்னும் பிஸி ஆகும் என எதிர்பார்க்கப்படுகிறது.

டீசல் கார்களை வாங்குவதில் வாடிக்கையாளர்கள் ஆர்வம் குறையாது: வல்லுநர்கள் கணிப்பு

மும்பை: பி.எஸ்-6 மாசு உமிழ்வு விதிகள் அமலானாலும், SUV மற்றும் மினி வேன் உள்ளிட்ட MUV ரக, டீசல் கார்களை வாங்குவதில், வாடிக்கையாளர்கள் ஆர்வம் குறையாது என வல்லுநர்கள் கணித்திருக்கின்றனர். மாசுக் கட்டுப்பாட்டு தர நிர்ணய கொள்கையின்படி, BS எனப்படும் பாரத் ஸ்டேஜ், மாசு உமிழ்வு விதிகள் வகுக்கப்பட்டுள்ளன. கடந்த 2017ஆம் ஆண்டு முதல், பி.எஸ்-4 மாசு உமிழ்வு விதிகள், நடைமுறையில் உள்ளன. இந்நிலையில் அடுத்தாண்டு ஏப்ரல் மாதம் முதல், பி.எஸ்-6 மாசு உமிழ்வு விதிகள், நாடு முழுவதும் அமலாக்க பட உள்ளன.இந்நிலையில் இந்த மாசு உமிழ்வு விதிகளின்படி தான் கார் எஞ்சின்களை தயாரிக்க வேண்டும் என உச்சநீதிமன்றமும் உத்தரவிட்டிருக்கிறது. மிக குறைவான மாசை வெளியேற்ற வேண்டும் என, பி.எஸ் விதிகளுக்கு ஏற்றவாறு, டீசல் எஞ்சின்களை மேம்படுத்தினால், அதிக செலவு பிடிக்கும் எனக் கூறப்படுகிறது. இந்த குறிப்பிட்ட பி.எஸ் விதிகளின்படி தயாராகும் என்ஜின்களோடு விற்பனைக்கு வரும் காரின் விலையும் அதிகரிக்கும் எனத் தெரிகிறது. பி.எஸ்-6 விதிகள் அமலானாலும், டீசல் என்ஜின்கள் பொருத்தப்பட்ட, எஸ்.யூ.வீ., மினி வேன் உள்ளிட்ட எம்.யூ.வீ கார்களை வாங்குவதையே, வாடிக்கையாளர்கள் அதிகம் விரும்புவர் எனவும்  வல்லுநர்கள் கணித்திருக்கின்றனர்.

கொஞ்சம் என்னென்னு பாருங்க... ஆணையத்துக்கு உச்ச நீதிமன்றம் உத்தரவு

புதுடெல்லி: எல்லை பாதுகாப்பு படை வீரராக பணியாற்றியவர் தேஜ் பகதூர் யாதவ். இவர், கடந்த 2017ம் ஆண்டில் பாதுகாப்பு படையில் பணியாற்றியபோது அங்கு தரமற்ற உணவு வழங்கப்பட்டதை வீடியோவாக எடுத்து ஆன்லைனில் பதிவிட்டதால் சர்ச்சையில் சிக்கினார். இதையடுத்து, அவரை அரசு பணிநீக்கம் செய்து உத்தரவிட்டது. இந்நிலையில், பிரதமர் மோடியை எதிர்த்து வாரணாசி மக்களவை தொகுதியில் சமாஜ்வாடி கட்சி வேட்பாளராக தேஜ் பகதூர் மனு தாக்கல் செய்தார். ஆனால் அதை தேர்தல் அதிகாரிகள், நிராகரித்தனர். இதை எதிர்த்து  உச்ச நீதிமன்றத்தில் தேஜ் பகதூர் வழக்கு தொடர்ந்துள்ளார். இந்த மனு தலைமை தலைமை நீதிபதி ரஞ்சன் கோகாய் தலைமையிலான அமர்வில் நேற்று விசாரணைக்கு வந்தது. அப்போது, தேஜ் பகதூரின் குற்றச்சாட்டுகளை தேர்தல் ஆணையம் பரிசீலிக்க வேண்டும் என உத்தரவிட்ட நீதிபதிகள், இது தொடர்பாக தேர்தல் ஆணையம் இன்று பதில் மனு தாக்கல் செய்ய உத்தரவிட்டனர்.

ஜெப்ரானிக்ஸ் அறிமுகப்படுத்துகிறது பிரத்யேக, சிக்கல்களில்லாத நவீனரக 2.1 ஜெப்-ஸ்பேஸ் கார் ஸ்பீக்கர்கள்.

ஜெப்ரானிக்ஸ் இந்தியா பிரைவேட் லிமிடட், இந்தியாவில் கோலோச்சும் முண்ணனி தயாரிப்புகள் ஆகும். ஐடி துறையிலும் கண்காணிப்பு சாதனங்கள் தயாரிப்பிலும் முன்னோடி நிறுவனம் அறிமுகப்படுத்தும் பூம்பாக்ஸ் வடிவமைப்பில் வரும் 2.1 ஸ்பீக்கர்கள். மிகவும் எளிமையான வடிவமைப்பில் கிடைக்கும் ஜெப்-ஸ்பேஸ் கார் சலிப்பில்லாத நீண்டநேர இசை அனுபவத்தை பெற்றிடவும் உங்களது மடிக்கணினியில் உங்களுக்கு பிடித்த நிகழ்ச்சியை நீண்டநேரம் கண்டுகளித்திடவும் கூடுதலாக விளக்குகள் பொருத்தப்பட்டும் உள்ளது. அது உங்களது பொழுதினை இலகுவாக்கி தருகிறது.இந்த பூம்பாக்ஸ் வடிவமைப்பானது தங்களது பழைய நினைவுகளை தூண்டுவதோடு அல்லாமல் அதன் பிரத்யேக வடிவமைப்பு இடப்பற்றாக்குறையில் இருந்து விடுதலையளிக்கிறது. மிக குறைந்த இடத்தையே மட்டுமே எடுத்துக்கொண்டு வயர்களில்லாத புதிய அனுபவத்தை தருகிறது. 2.1 ஸ்பீக்கர் வடிவமைப்புகளிலேயே ஒரு புதிய ரகமாக ஜெப்-ஸ்பேஸ் கார் விளங்குகிறது.மிகச்சிறிய இடத்தில் கனகச்சிதமாக பொருந்தக்கூடிய ஒரு சிறிய ரக ஸ்பீக்கர்கள் உங்களுக்கு 2.1 ஸ்பீக்கர்களுக்கு இணையான அனுபவத்தை வழங்குகிறது.இசையின் பாஸ் அனுபவத்தை இதற்கு முன் எப்போதுமில்லாத வகையில் ஜெப்-ஸ்பேஸ் கார் 2.1 ஸ்பீக்கர்கள் கொடுப்பதோடு மிக திறம்வாய்ந்த 10.12 செமி அளவேயுள்ள குறைந்த ஃப்ரீக்குவன்சியை கொடுத்து, இரட்டை செமி மத்திய தர பாஸ் மற்றும் ஒளியதிர்வை தருகிறது. பூம்பாக்ஸ் வடிவமைப்பில் தயாரிக்கப்பட்டுள்ள அதிநவீனமும் வருங்கால டிசைனும் உடைய இந்த ஸ்பீக்கர்கள், முன்புறத்தில் LED விளக்குகளுடனும் LED திரையுடனும் வடிவமைப்பு செய்யப்பட்டுள்ளது. ஸ்பீக்கரின் தலைப்புறத்தில் கன்ட்ரோல் மற்றும் ஒலி/ஒளி பட்டன்களுடனும் உள்ளது.இந்த ஸ்பீக்கர்களை தங்களது ப்ளூடூத் அல்லது USB ஆகியவற்றுடன் வயர்கள் இணைக்கப்பெறாமலே கனெக்ஷன் கொடுத்துக்கொள்ள இயலும். பிரத்யேக AUX துணையுடன் எளிதாக துரிதமாக FM ரேடியோ பன்பலையையும் கேட்டுக்கொள்ள இயலும். இதனை அறிமுகப்படுத்திய திரு.பிரதீப் தோஷி, இதுபற்றி கூறுகையில் ' இந்த பூம்பாக்ஸ் ஸ்பீக்கர்களை அறிமுகப்படுத்துவதில் பெருமை கொள்கிறோம். ஜெப்-ஸ்பேஸ் கார் 2.1 வயர்களில்லாத மிக எளிதாக இடமாற்றக்கூடிய வகையிலும் குறைந்த இடத்தில் இருந்து மிக வலுவான சத்தத்தை எழுப்பக்கூடிய வகையில் தயாரிக்கப்பட்டுள்ளது' என்று கூறினார். இந்த முன்னணி சாதனம் இந்தியாவின் அனைத்து முதன்மை கடைகளிலும் கிடைக்கிறது.

உலகம் பலவிதம்

ஏ... செல்பி புள்ள!: காங்கோ நாட்டின் விரங்கா தேசிய உயிரியல் பூங்காவில் வனத்துறை அதிகாரி மேத்யூ சமாவு தனது செல்போனில் செல்பி எடுக்க, அருகிலிருந்து கொரில்லாக்கள் ஒய்யாரமாக போஸ் தருகின்றன.துப்பாக்கி எடு... சுட்டுத்தள்ளு!: அமெரிக்காவின் இண்டியானாபோலீசில் தேசிய ரைபிள் அசோசியேசன் சார்பில் துப்பாக்கி கண்காட்சி நடத்தப்பட்டது. இதில் பல்வேறு நவீன ரக துப்பாக்கிகள் காட்சிக்கு வைக்கப்பட்டிருந்தன. ஏஆர்-15 துப்பாக்கியை ஏந்தி  குறிபார்த்து மகிழ்கிறார் பெண் பார்வையாளர் ஒருவர்.இதப்பாத்து மேக்கப்பா...?பிரான்ஸ் நாட்டைச் சேர்ந்த கலை நிபுணர் டேனியல் ஹோர்டேவின் கைவண்ணம் இந்த கண்ணாடி. இருபக்கமும் எலும்பு கூடுகள் பிடித்துக் கொண்டிருக்கும் இந்த முகம் பார்க்கும் கண்ணாடியை அவர் தனது ஸ்டூடியோவில்  வைத்துள்ளார். நிச்சயம் இந்த கண்ணாடியை பார்த்து மேக்கப் செய்து கொள்ள யாருக்குமே மனசே வராது.ஐரோப்பாவில் கோடைக்காலத்தின் நடுவில் ரேப்சீட் மலர்களின் சீசன் தொடங்குவது வழக்கம். ஜெர்மனியின் லெம்மி பகுதியில் மஞ்சள் நிறத்தில் பூத்துக்குலுங்கும் ரேப்சீட் மலர் விவசாய நிலங்களுக்கு நடுவில் ரயில் பயணிப்பது  ரம்மியமாக காட்சி அளிக்கிறது.மியான்மரின் யாங்கோன் நகரில் உள்ள 2500 ஆண்டுகள் பழமையான ஸ்வேதகான் பகோடா புத்தர் கோயில் தங்க கோபுரங்களை கொண்ட பொற்கோயிலாகும். இக்கோயிலில் பிரார்த்தனை செய்ய இளம்பெண்கள் செல்போனில்  புகைப்படம் எடுத்துக் கொள்கின்றனர்.

பாதுகாப்பான பயணம் வழங்கும் டாப் 5 கார்கள்

பயணம் - என கூறும்போது நம்மில் பலருக்கு இனம் புரியாத ஆனந்தம் ஏற்படும். அதேசமயம், குடும்பத்துடன் பயணிப்பது என்பது அலாதியான சந்தோஷத்தை ஏற்படுத்தும். இத்தகைய பயணத்தை வெறுப்பவர்கள் இந்த உலகில்  யாரேனும் இருந்தால் அவர்கள் வேடிக்கையான மனிதர்களாகத்தான் பார்க்கப்படுவார்கள். ஏனென்றால், பயணம் என்பது மன நிம்மதி, சந்தோஷம் உள்ளிட்டவற்றை தரும் இயற்கையின் வரப்பிரசாதம் ஆகும். பெரும்பாலான பயணிகள் சுற்றுலா செல்வதற்கு காரைத்தான் பயன்படுத்தி வருகின்றனர். இது, நாம் விரும்பிய இடத்தில் இறங்கி, சுற்றிப்பார்க்க உதவும். அதனால், காரில் பயணிப்பதையே பலர் விரும்புகின்றனர். அவ்வாறு, நாம்  பயன்படுத்தும் கார்கள், எந்த அளவிற்கு நம் பயணத்தை பாதுகாப்பாக மேற்கொள்ள உதவுகிறது எனவும் ஆராயப்பட வேண்டும். ஆகையால், கார் வாங்கும்போது, அந்த கார் எந்த அளவிற்கு பாதுகாப்பு அம்சங்களை கொண்டுள்ளது என பார்த்து வாங்கவேண்டும். இந்தியாவில் விற்பனையாகும் அனைத்து கார்களையும், ‘’குளோபல் என்சிஏபி’’ என்ற  அமைப்பு, கிராஷ் டெஸ்ட் செய்து, அதுகுறித்த தகவலை வெளியிட்டு வருகிறது. அந்த தகவலின் அடிப்படையில், இந்தியாவில் விற்பனையாகும் பாதுகாப்பு நிறைந்த ஐந்து கார்கள் குறித்த தகவலை அந்நிறுவனம்  பதிவுசெய்துள்ளது. அதன் விவரம்:டொயோட்டா எட்டியோஸ் லிவா: இந்த காரை, என்சிஏபி அமைப்பு கடந்த 2016ம் ஆண்டு கிராஷ் டெஸ்ட் செய்தது. அதில், எட்டியோஸ் லிவா கார்கள் 4 ஸ்டார் ரேட்டிங் பெற்று அசத்தியது. அவ்வாறு, இந்த கார் 16 புள்ளிகளுக்கு 13 புள்ளிகளை பெற்றது. மேலும்,  மலிவான விலையில் கிடைக்கும் இந்த காரில் ட்யூவல் ஏர் பேக்ஸ், இபிடி-யுடன் கூடிய ஏபிஎஸ் பிரேக்கிங் வசதி மற்றும் ஐசோபிக்ஸ் சைல்ட் சீட் ஆகியவை கொடுக்கப்பட்டுள்ளன. இந்த கார், ரூ.5.63 லட்சம் ஆன்ரோடு  விலையில் சென்னையில் விற்பனையாகி வருகிறது.மஹிந்திரா மராஸ்ஸோ:  இந்த கார், பெரியவர்களுக்கான பாதுகாப்பு அம்சத்தில் அதிகபட்சமான 17 புள்ளிகளுக்கு 12.85 புள்ளிகளை பெற்றுள்ளது. சிறியவர்களுக்கான பாதுகாப்பில் அதிகபட்சமான 40 புள்ளிகளுக்கு 22.22 புள்ளிகளை பெற்றுள்ளது. இதன்படி,  பெரியவர்களுக்கான பாதுகாப்பு தரத்தில் 4 ஸ்டார் ரேட்டிங்கும், சிறியவர்களுக்கான பாதுகாப்பு தரத்தில் 2 ஸ்டார் ரேட்டிங்கும் பெற்றுள்ளது. இந்த காரில் இரண்டு ஏர்பேக், ஏபிஎஸ் பிரேக்கிங் சிஸ்டம், சீட் பெல்ட் ரிமைன்டர்  உள்ளிட்ட பாதுகாப்பு வசதிகள் உள்ளன. இந்த கார் சென்னையில், ரூ.9.99 லட்சம் ஆன்ரோடு ஆரம்ப விலையில் விற்பனையாகி வருகிறது.மாருதி சுஸுகி விட்டாரா பிரெஸ்ஸா: இந்த கார், கிராஷ் டெஸ்டில் நான்கு ஸ்டார் ரேட்டிங் பெற்றுள்ளது. அந்த வகையில், இந்த கார், 17 புள்ளிகளுக்கு 12.51 புள்ளிகளை பெற்று அசத்தியுள்ளது. இது, பெரியவர்களின் பாதுகாப்பில் 49-க்கு 17.93 புள்ளிகளையும்,  குழந்தைகளின் பாதுகாப்பில் 2 ஸ்டார் ரேட்டிங்கையும் பெற்றுள்ளது. இந்த காரில் பாதுகாப்பு வசதிகளாக முன்பக்கத்தில் இரண்டு ஏர்பேக், இபிடி உடன் கூடிய ஏபிஎஸ் பிரேக்கிங் வசதி உள்ளது. இதைத்தொடர்ந்து, சீல்ட் பெல்ட்  ரிமைண்டர் மற்றும் சைல்ட் ஐசோபிக்ஸ் சீட் ஆகியவை இதில் இணைக்கப்பட்டுள்ளன. இது, ரூ. 7.52 லட்சம் எக்ஸ்-ஷோரூம் விலையில் விற்பனைக்கு கிடைக்கிறது.போக்ஸ்வேகன் போலோ: இந்தியாவில் மிகவும் பிரபலமான காராக போக்ஸ்வேகன்  போலோ உள்ளது. வாடிக்கையாளர்களை அதிகம் கவரும் காராகவும் இது உள்ளது. அந்த அளவுக்கு இந்த காரில் நிறைய சிறப்பம்சங்கள் உள்ளன. இந்த காரை கிராஷ்  டெஸ்டிற்கு உட்படுத்தியபோது 4 ஸ்டார் ரேட்டிங்கை பெற்று அசத்தியது. இந்த கார் சென்னையில், ரூ.5.72 லட்சம் ஆன்ரோடு ஆரம்ப விலையில் விற்பனையாகி வருகிறது.டாடா  நெக்ஸான்: நாட்டின் முக்கிய வாகன தயாரிப்பு நிறுவனங்களில் ஒன்றான டாடா நிறுவனம், நெக்ஸான் என்ற எஸ்யூவி ரக கார் மாடலை விற்பனை செய்து வருகிறது. கிராஷ் டெஸ்ட் சோதனையில் இந்த கார், 5-க்கு 5 என்ற பாதுகாப்பு  ரேட்டிங் பெற்று அசத்தியது. 17 புள்ளிகளுக்கு 16.06 என்ற புள்ளிகளை எடுத்து, 5 ஸ்டார் ரேட்டிங்கை பெற்றுள்ளது. இதற்கு முன்பாக நடத்தப்பட்ட சோதனையில் 13.56 புள்ளிகளை மட்டுமே இது பெற்றிருந்தது. தற்போது  பெற்றிருக்கும் இந்த ரேட்டிங் டாடா நிறுவனத்தின் மைல் கல்லாக பார்க்கப்படுகிறது. டாடாவின் இந்த சாதனைக்கு பல்வேறு நிறுவனங்கள் வாழ்த்து தெரிவித்துள்ளன. இந்த கார் ரூ.6.53 லட்சம் ஆன்ரோடு விலையில்  சென்னையில் விற்பனையாகி வருகிறது.

பிரச்சாரத்தின்போது முதல்வர் அரவிந்த் கெஜ்ரிவால் மீது தாக்குதல்

டெல்லி: டெல்லி மோத்தி நகரில் அம்மாநில முதலமைச்சர் அரவிந்த் கெஜ்ரிவால் மீது தாக்குதல் நடத்தப்பட்டுள்ளது. பிரச்சாரத்தின்போது அடையாளம் தெரியாத நபர் முதல்வர்  அரவிந்த் கெஜ்ரிவால் மீது  தாக்குதல் நடத்தியுள்ளார்.

ஏப்ரல் மாதத்தில் 5ஜி வசதி கொண்ட ஸ்மார்ட் போன்கள் இந்தியாவில் விற்பனைக்கு வரும் என தகவல்

புதுடெல்லி: வரும் ஏப்ரல் மாதத்தில் 5ஜி வசதி கொண்ட ஸ்மார்ட் போன்கள் இந்தியாவில் விற்பனைக்கு வரும் என்று எதிர்பார்க்கப்படுகிறது. சாம்சங் மற்றும் எல்.ஜி. நிறுவனங்கள் 5ஜி வசதியுடன் கூடிய மொபைல் போன்களை தயாரித்துள்ளன. அண்மையில் சாம்சங் நிறுவனம் தனது கேலக்ஸி எஸ்10(Galaxy S10) மாடல் ஸ்மார்ட்போனை அறிமுகப்படுத்தியது. இதில் 4ஜி மற்றும் 5ஜி என இரண்டு மாடல்கள் அறிமுகப்படுத்தப்பட்டுள்ளன. ஆனால் இந்த ஸ்மார்ட்போன் தொழில்நுட்ப மாநாடுகளில் காட்சிப்படுத்தப்பட்டாலும் இன்னும் இன்னும் பொதுமக்கள் பயன்பாட்டிற்கான விற்பனையை தொடங்கவில்லை. இந்த நிலையில், 5ஜி கேலக்ஸி எஸ்10 மாடல் ஸ்மார்ட்போனானது வரும் ஏப்ரல் மாதம் சந்தையில் அறிமுகப்படுத்தப்படும் என்று கூறப்படுகிறது. அதேபோல் எல்ஜி நிறுவனமும் 5ஜி வசதி கொண்ட வி50 திங்க் (V50 ThinQ) மாடலை ஏப்ரல் மாதம் மத்தியில் வெளியிடும் என்று எதிர்பார்க்கபடுகிறது. தொலைத்தொடர்புத்துறையில் அடுத்த மிகப்பெரிய வளர்ச்சி என்றால் அது 5ஜிதான். எனவே, 5ஜி தொழில்நுட்பமானது உரிய நேரத்தில் வருமா என்ற எதிர்பார்ப்பு மக்கள் மத்தியில் எழுந்துள்ளது. ஆனால் இந்தியாவில் 5ஜி இணையதள சேவை இன்னும் அமலுக்கு வரவில்லை என்பது குறிப்பிடத்தக்கது.

சிபிஐ-யை கண்டித்து டெல்லியில் நாடாளுமன்றம் முன்பு எதிர்க்கட்சிகள் போராட்டம்

டெல்லி : டெல்லியில் நாடாளுமன்றம் முன்பு எதிர்க்கட்சிகள் போராட்டம் நடத்தி வருகின்றனர். சிபிஐ-யை  கண்டித்து காங்கிரஸ், திரிணாமுல் உள்ளிட்ட கட்சித் தலைவர்கள் ஆர்ப்பாட்டம் நடத்தி வருகின்றனர். போராட்டத்தில் சோனியா காந்தி, ராகுல் காந்தி, மன்மோகன் சிங், ப. சிதம்பரம் ஆகியோர் பங்கேற்றுள்ளனர்.  நாடாளுமன்ற வளாகத்தில் ரஃபேல் போர் விமான கொள்முதலில் முறைகேடு நடந்திருப்பதாக குற்றஞ்சாட்டி காகித விமானத்துடன் காங்கிரஸ் கட்சியினர் போராட்டம் நடத்தி வருகின்றனர்.

ஜெப்ரானிக்ஸ் தனது முதல் சில்லறை விற்பனையகத்தை திறக்கிறது.

தகவல் தொழில் நுட்பத் துறையி்ல் தனது தயாரிப்புகளான தொழில் நுட்ப்பச் சாதனங்கள், ஒலி அமைப்பு, மொபைல் / வாழ்க்கை துணை உபகரணங்கள் மற்றும் கண்காணிப்பு கருவிகள் என தயாரித்து முத்திரை பதித்த இந்தியாவின் முன்னணி நிறுவனமான ஜெப்ரானிக்ஸ் இந்தியா பிரைவேட் லிமிடெட் தனது முதல் சில்லறை விற்பனையகத்தை சென்னையில் உள்ள ' ஃபோரம்' மாலில் திறக்கிறது.'ஆல்வேஸ் அஹெட்' - என்ற கொள்கையை இந்த நிறுவனத்தின் தொடக்கத்தில் இருந்தே முன்னோடியாக கொண்டதின் காரணமாகவே, நிறுவனத்தின் முதல் சில்லறை விற்பனையகத்தை குடியரசு தினத்தில் திறப்பதற்கு காரணமாக இருந்தது. சில்லறை விற்பனை அணுகுமுறை என்பது பயனர்களுக்கு தான் விரும்பும் பொருட்களை தொட்டு பார்த்து பொருட்களின் தன்மையை அறிந்துகொண்டு கொள்முதல் செய்வதற்கும் ஒட்டுமொத்த பிராண்டின் திருப்தியை அதிகரிப்பதற்கும் ஒரு வாய்ப்பை தருகிறது.இந்த நிறுவனம் மக்களின் ஊடே புகுந்து ஒரு பிராண்ட் தர அடையாள மாற்றத்தினை விளைவித்தது மட்டுமின்றி மெதுவாக நவீன உற்பத்திகள் மூலம், முக்கிய பகுதிகளில் தனது கால் தடத்தினைபதித்தும்  வருகிறது. 80 விருதுகளை தன்வசம் கொண்டுள்ளது மேலும் ஒவ்வொரு பிரிவிலும் பிரமாண்டமான சாதனை விருதுகளைப் பெற்று மேலும்  பிராண்ட் தூதராகவும், செயல்திறன் மற்றும் ஸ்டைல் துறையின் அங்கமாகவும் உள்ள  ஹிருத்திக் ரோஷன் போன்ற முன்னணி திரைப்பட நடிகரையும் பெற்றுள்ளது.தமது புதிய சில்லறை விற்பனையக தொடக்க விழாவில் பேசிய ஜெப்ரானிக்ஸ் நிறுவனத்தின் இயக்குனர் , ராஜேஷ் தோஷி கூறுகையில் - ' சென்னையே அனைத்தின் தொடக்கமாகும், இந்த நிறுவனம் தொடக்கம் முதல் ஏறத்தாழ இருபது வருட அனுபவத்திற்கு பிறகு, எங்களின் சொந்த ஊரான சென்னையில் உள்ள 'ஃபோரம்  மாலில்' எங்களுடைய முதல் சில்லறை விற்பனையகத்தை துவக்கி வைப்பதில் நான் மிகவும் பெருமையடைகிறேன், அதிக அளவிலான சாதனங்கள் மற்றும் வகைகளைக்கொண்ட நிறுவனம், அதிக மக்களை அடைந்த நிறுவனம், மனதை கவரும் டிசைன்கள் மற்றும் செயல்திறன் போன்ற அதிக அம்சங்களை பெற்றுள்ள போதிலும்,  மலிவான விலையை கொண்டது. எங்களுடைய அணைத்து  வாடிக்கையாளர்களுக்கும், எங்களுடைய அனைத்து ரக பயனாளிகளுக்கு அறிமுகம் இல்லாத ஸ்பீக்கர்கள் மற்றும் மொபைல் உபகரணங்கள் தொட்டு பார்த்து பயனடையும் வாய்ப்பினை வழங்க விரும்புகிறோம்.  இந்த முயற்சி என்பது பிராண்டின் நம்பகத்தன்மையை மட்டும் வலுப்படுத்துவது இல்லாமல் மறக்கமுடியா ஒரு அனுபவத்தை தருகிறது.  மேலும், இப்படிப்பட்ட நடவடிக்கைகள் எங்களது நீண்ட கால எங்கள் பிராண்டின் தூண்களாக உள்ள எங்கள் வியாபார கூட்டாளிகளின் நம்பிக்கையை வலுப்படுத்துகிறது. இதுபோன்ற அதிக சில்லறை விற்பனையகங்களை 'ஜெப்ரோனிக்ஸ்  டிஜிட்டல் ஹப்' என்ற பெயரில் பிரான்சைஸ் திட்டத்தில்  அதிக கடைகளை திறந்து  எங்கள் பிராண்டின் விழிப்புணர்வை அதிகரிக்க திட்டமிட்டுள்ளோம். இவ்வாறு  திரு. தோஷி  கூறினார்.

ஜீப் காம்பஸ் காரில் புதிய வேரியண்ட் அறிமுகம்

ஜீப் காம்பஸ் எஸ்யூவி ரக காருக்கு இந்தியாவில் அமோக வரவேற்பு கிடைத்துள்ளது. இந்நிலையில், டாடா ஹாரியர் வருகை, ஜீப் காம்பஸ் மார்க்கெட்டில் நெருக்கடியை ஏற்படுத்தும் வாய்ப்பு இருப்பதாக கருதப்படுகிறது. இந்த  நெருக்கடியை போக்கிக்கொள்ளும் விதமாக ஜீப் காம்பஸ் காரின் புதிய வேரியண்ட்டை ஜீப் நிறுவனம் அறிமுகம் செய்துள்ளது. இதன் பெட்ரோல் மாடலில் லான்ஜிடியூட் ஆப்ஷனல் என்ற ஆட்டோமேட்டிக் கியர்பாக்ஸ் வேரியண்ட்  இப்போது விற்பனைக்கு கொண்டு வரப்பட்டு இருக்கிறது. இந்த புதிய வேரியண்ட்டிற்கு ரூ.18.90 லட்சம் டெல்லி எக்ஸ்ஷோரூம் விலையாக நிர்ணயிக்கப்பட்டு இருக்கிறது. இந்த நடுத்தர விலை கொண்ட வேரியண்ட்டில் 7 அங்குல  தொடுதிரையுடன்கூடிய இன்போடெயின்மென்ட் சிஸ்டம், புரொஜெக்டர் ஹாலஜன் ஹெட்லைட், ஆட்டோமேட்டிக் கிளைமேட் கன்ட்ரோல் சிஸ்டம், புஷ் பட்டன் ஸ்டார்ட், 17 அங்குல அலாய் வீல் ஆகிய முக்கிய அம்சங்கள்  உள்ளன. முன்னதாக, இந்த லான்ஜிடியூட் ஆப்ஷன் வேரியண்ட்டானது டீசல் இன்ஜின் ஆப்ஷனில் மட்டுமே கிடைத்து வந்தது. தற்போது பெட்ரோல் இன்ஜின் ஆப்ஷனிலும் கிடைக்கும். இந்த மாடலில் இருக்கும் 1.4 லிட்டர் பெட்ரோல் இன்ஜின் அதிகபட்சமாக 163 பிஎச்பி பவரையும், 250 என்எம் டார்க் திறனையும் வழங்கும். 7 ஸ்பீடு டிசிடி கியர்பாக்ஸ் இணைக்கப்பட்டு இருக்கிறது. இதுவரை லிமிடேட், லிமிட்டேட்  ஆப்ஷனல் மற்றும் லிமிடேட் ப்ளஸ் உள்ளிட்ட உயர் வகை வேரியண்ட்டுகளில் மட்டுமே பெட்ரோல் ஆட்டோமேட்டிக் கியர்பாக்ஸ் வழங்கப்பட்டு வந்தது. இந்நிலையில், நடுத்தர வகை லான்ஜிடியூட் ஆப்ஷனல் வேரியண்ட்டிலும்  இப்போது வந்திருக்கிறது. விலை உயர்ந்த பெட்ரோல் ஆட்டோமேட்டிக் கியர்பாக்ஸ் மாடல்களைவிட ரூ.1 லட்சம் வரை விலை குறைவு என்பதால் வாடிக்கையாளர்களுக்கு சிறப்பான தேர்வாக இருக்கும். தற்போது ஜீப் காம்பஸ்  எஸ்யூவி ரக கார், ரூ.15.39 லட்சம் எக்ஸ்ஷோரூம் விலையில் கிடைக்கிறது. டாப் வேரியண்ட் ரூ.22.90 லட்சம் எக்ஸ்ஷோரூம் விலையில் கிடைக்கிறது. விரைவில் வர இருக்கும் டாடா ஹாரியர் நேரடி போட்டியாக இருக்கும்.  அத்துடன் ஹூண்டாய் கிரெட்டா மற்றும் மஹிந்திரா எக்ஸ்யூவி500 ஆகிய மாடல்களுக்கும் இது போட்டியாக இருக்கும்.

வந்தாச்சு அடுத்த ரேஸ் பைக் - யமஹா YZF R3

இளைஞர்களை கவரும் ரேஸ் பைக் தயாரிப்பு நிரூபணமான யமஹா, தனது அடுத்த தயாரிப்பான யமஹா YZF R3 பைக்கை வரும் நவம்பரில் அறிமுகம் செய்ய இருக்கிறது. சமீபத்தில் யமஹா நிறுவனம் எப்இசட் ரக  பைக்குகளை அறிமுகம் செய்துள்ள நிலையில் தற்போது யமஹா YZF R3 பைக் நவம்பரில் விற்பனைக்கு வரும் என யமஹா நிறுவனம் அதிகாரப்பூர்வமாக அறிவித்துள்ளது. இதனால், யமஹா வாடிகையாளர்கள் மகிழ்ச்சியில்  உள்ளனர். இந்த பைக், யமஹாவின் மற்ற பைக்குகளைவிட டிசைனில் மாறுபட்டுள்ளது. இதன் கூர்மையான முன்பக்க டிசைன், சாய்வான எல்இடி முன்பக்க விளக்கு போன்றவை இந்த பைக்கின் முக்கிய அம்சமாக உள்ளது. இந்த  பைக்கில், இந்திய சாலைகளை கருத்தில் கொண்டு சாதாரண டெலெஸ்கோபிக் போர்க்குகள் பொருத்தப்பட்டுள்ளது. இந்த பைக்கில், மேம்படுத்தப்பட்ட பல இயக்கங்களை கொண்ட தகவல் டிஸ்ப்ளேயில், கியர் பொஸிசன், எரிபொருள் நிலை, நேரம், வெப்பநிலை ஆகியவை தெளிவாக தெரியும் வண்ணம் அமைக்கப்பட்டுள்ளது. பைக்  ஓட்டுபவரின் வசதிக்கு ஏற்ப, பெட்ரோல் டேங்க் மிக தாழ்வாக அமைக்கப்பட்டுள்ளது. இந்த பைக்கில், அதிநவீன தொழில்நுட்பத்துடன் கூடிய 321CC இன்ஜின் பொருத்தப்பட்டுள்ளது. இது, 41.4 BHP பவரையும், 29.6 NM டார்க்  திறனையும் தருகிறது. மேலும், 6 கியர்களுடன், ஏபிஎஸ் பிரேக் சிஸ்டத்துடன் வருகிறது. மேலும், இதில் டூயல் சைலென்சர் பொருத்தப்பட்டுள்ளது. இதனால், பைக் ஓட்டும்போது புதிய உணர்வை தரும் என்கிறது யமஹா  நிறுவனம். இதற்கு முன் கடந்த 2015ல் இருந்து 2018ம் ஆண்டு வரை உற்பத்தி செய்யப்பட்ட யமஹா YZF R3 பைக்குகளில் ரேடியேட்டர் ஹோஸ் மற்றும் ஸ்பிரிங் டார்சன் ஆகியவற்றில் பாதிப்பு ஏற்பட்டதால் யமஹா நிறுவனம் தானாக  முன்வந்து அதனை சரிசெய்தது. அந்த தவறு, இம்முறை நடந்துவிடக்கூடாது என கச்சிதமாக புதிய யமஹா YZF R3 பைக்கை வடிவமைத்துள்ளனர். இந்த பைக், தற்போது விற்பனையாகும் YZF R3 மாடலின் விலையை விட  ரூபாய் 10,000 முதல் 15,000 வரை கூடுதலாக இருக்கும் என யமஹா நிறுவனம் அறிவித்துள்ளது. ஆர்.எக்ஸ் 100 முதல் FZ பைக் வரை இளைஞர்களிடையே வெற்றிநடை போட்டுவரும் யமஹா நிறுவனம் யமஹா YZF-R3  பைக் விற்பனையிலும் தனது தரத்தை நிருபித்துள்ளது.

காதலர் தினத்தில் கால் பதிக்கும் ‘மஹிந்திரா எக்ஸ்யூவி 300’

மஹிந்திரா நிறுவனத்தின் புதிய ‘மஹிந்திரா எக்ஸ்யூவி 300’ வரும் பிப்ரவரி 14ம் தேதி விற்பனைக்கு வருகிறது. மஹிந்திரா நிறுவனத்தின் குவான்டோ, டியூவி 300, நுவோஸ்போர்ட் போன்ற எக்ஸ்யூவி ரக கார்களின்  வரிசையில் தனது 4வது தயாரிப்பான மஹிந்திரா எக்ஸ்யூவி 300 காரினை விற்பனைக்கு அறிமுகம் செய்ய உள்ளது. இந்த காருக்கு முதலில் எஸ்201 என பெயரிடப்பட்டது பின்னர், மஹிந்திரா நிறுவனம், எக்ஸ்யூவி 300 என  பெயர் மாற்றி அறிமுகம் செய்தது. இது, சாங்யாங் டிவோலி காரின் டிசனை அடிப்படையாக கொண்டு உருவாக்கப்பட்டுள்ளது.இந்த காரில் அசத்தலான இன்டீரியர் அமைப்புடன், மிக நேர்த்தியான டிசைனிங் மற்றும் நவீன  தலைமுறையினர் விரும்பும் பல்வேறு வசதி உள்ளது. குறிப்பாக, 4 மீட்டருக்கு குறைந்த நீளத்தை பெற்றதாக வந்துள்ள இந்த மாடலில், இடம்பெற உள்ள தொடுதிரை இன்போடெயின்மென்ட் சிஸ்டத்தில் புளூடூத் தொடர்பு, வாய்ஸ் கமான்ட், ஆப்பிள் கார் ப்ளே மற்றும் ஆண்ட்ராய்டு  ஆட்டோ உள்ளிட்ட வசதிகளும் உள்ளன. இதன் 4 டயர்களுக்கும் டிஸ்க் பிரேக் வசதி உள்ளது. 7 பாதுகாப்பு ஏர் பேக் உள்ளது. நீண்ட வீல் பேஸ் மற்றும் புதிய சக்தி வாய்ந்த இன்ஜின் பொருத்தப்பட்டுள்ளது. போர்டு ஈக்கோ  ஸ்போர்ட், மாருதி விட்டாரா பிரெஸ்ஸா மற்றும் டாட்டா நெக்ஸான் ஆகிய கார்களுக்கு போட்டியாக களம் இறங்குகிறது. பெட்ரோல் மற்றும் டீசல் என இரு தேர்வுகளில் கிடைக்கிறது. இந்த மாடல், 1.2 லிட்டர் பெட்ரோல் மற்றும்  1.5 லிட்டர் டீசல் இன்ஜினுடன் வருகிறது. இரு இன்ஜின்களிலும் 6 வேக கியர்பாக்ஸ் இடம்பெற்றுள்ளது. ரூ.8 லட்சம் முதல் ரூ.12 லட்சம் விலையில் விற்பனைக்கு வரக்கூடும் என எதிர்பார்க்கப்படுகிறது.

அசத்தலான டாடா ஹாரியர் அறிமுகம்

கடந்த ஆண்டு நடந்த சர்வதேச ஆட்டோ எக்ஸ்போவில், டாடா எச்5எக்ஸ் என்ற பெயரில் காட்சிக்கு வைக்கப்பட்டு இருந்த எஸ்யூவி ரக கான்செப்ட் கார் இப்போது டாடா ஹாரியர் என்ற பெயரில் தயாரிப்பு நிலை மாடலாக  வந்துள்ளது. இப்புதிய கார், லேண்ட்ரோவர் நிறுவனத்தின் டி-8 பிளாட்பார்மின் அடிப்படையிலான ஒமேகா பிளாட்பார்மில் உருவாக்கப்பட்டு இருக்கிறது.   இது, 4,598 மி.மீ நீளமும், 1,894 மி.மீ அகலமும், 1,706 மி.மீ உயரமும்  கொண்டதாக உள்ளது. 2,741 மி.மீ வீல் பேஸ் பெற்றிருக்கிறது. 5 சீட்டர் மாடலாக வந்திருக்கும் இப்புதிய கார், சிறப்பான உட்புற இடவசதியை அளிக்கிறது. இந்த காரில் 425 லிட்டர் கொள்திறன் கொண்ட பூட்ரூம் இடவசதி உள்ளது.  50 லிட்டர் கொள்ளளவு உடைய பெட்ரோல் டேங்க் உள்ளது. இந்த காரில், 2.0 லிட்டர் டர்போ டீசல் இன்ஜின் பயன்படுத்தப்பட்டு இருக்கிறது. இந்த இன்ஜின் அதிகபட்சமாக 138 பிஎச்பி பவரையும், 350 என்எம் டார்க் திறனையும் வெளிப்படுத்தும். 6 ஸ்பீடு மேனுவல் கியர்பாக்ஸ் ஆப்ஷனில் 2  வீல் டிரைவ் சிஸ்டத்தில் மட்டுமே வந்துள்ளது. அதேநேரத்தில், டெர்ரெயின் ரெஸ்பான்ஸ் சிஸ்டம் இடம்பெற்றுள்ளது. சிட்டி, ஸ்போர்ட் மற்றும் ஈக்கோ ஆகிய மூன்று டிரைவிங் மோடு கொடுக்கப்பட்டுள்ளன. 8.8 அங்குல  தொடுதிரையுடன்கூடிய இன்போடெயின்மென்ட் சிஸ்டம் பயன்படுத்தப்பட்டு இருக்கிறது. ஜேபில் நிறுவனத்தின் 9 ஸ்பீக்கர் கொண்ட மியூசிக் சிஸ்டம் உள்ளது. இந்த இன்போடெயின்மென்ட் சிஸ்டம், ஆப்பிள் கார் ப்ளே மற்றும்  ஆன்ட்ராய்டு ஆட்டோ ஆகிய செயலிகளையும், ஸ்மார்ட்போன் மிரர் லிங்க் இணைப்பு வசதியையும் வழங்கும். இந்த காரில் மல்டி பங்ஷன் ஸ்டீயரிங் வீல், ஆட்டோமேட்டிக் கிளைமேட் கன்ட்ரோல் ஏசி, ஆட்டோமேட்டிக் ஹெட்லைட், ஆட்டோமேட்டிக் வைப்பர், க்ரூஸ் கன்ட்ரோல், ஓட்டுனர் இருக்கைய அட்ஜெஸ்ட் செய்து கொள்ளும் வசதி,  7.0 அங்குல திரையுடன்கூடிய செமி டிஜிட்டல் இன்ஸ்ட்ரூமென்ட் கிளஸ்ட்டர் உள்ளிட்ட வசதிகள் உள்ளன. இந்த காரில், 6 ஏர்பேக், இபிடியுடன் கூடிய ஏபிஎஸ் பிரேக்கிங் சிஸ்டம், ஹில் ஹோல்டு மற்றும் டிசென்ட் அசிஸ்ட்,  ரோல்ஓவர் மிட்டிகேஷன், கார்னர் ஸ்டெபிளிட்டி கன்ட்ரோல், எலெக்ட்ரானிக் ஸ்டெபிளிட்டி புரோகிராம் மற்றும் எலெக்ட்ரானிக் டிராக்க்ஷன் கன்ட்ரோல் சிஸ்டம் ஆகிய பாதுகாப்பு அம்சங்களும் உள்ளன. XE, XM, XT மற்றும்  XZ ஆகிய நான்கு வேரியண்ட்டுகளில் வெளிவருகிறது. ரூ.12.69 லட்சம் முதல் ரூ.16.25 லட்சம் வரையிலான எக்ஸ்ஷோரூம் விலையில் கிடைக்கிறது. இந்த ஆண்டிலேயே இதன் 7 சீட்டர் மாடலும் விற்பனைக்கு வர இருப்பது  குறிப்பிடத்தக்கது.

பேரிடர் காலங்களில் மீட்பு பணியில் ஈடுபடும் கால்கள் கொண்ட 'கார்': ஹூண்டாய் நிறுவனம் தயாரிப்பு

லாஸ் வேகாஸ்: பேரிடர் காலங்களில் மீட்பு பணியில் ஈடுபடும் வகையில் கால்கள் கொண்ட கார் ஒன்றை ஹூண்டாய் நிறுவனம் தயாரித்துள்ளது. அமெரிக்காவின் லாஸ் வேகாஸில் நுகர்வோர் மின்னணு பொருட்கள் கண்காட்சி நடைபெற்று வருகிறது. ஆண்டுதோறும் நடக்கும் இந்த கண்காட்சியில் நூதன பொருட்கள் மற்றும் நவீன ரக சாதனங்கள் அறிமுகப்படுத்தப்படுவது வழக்கமாகும். அந்த வகையில், நான்கு நாட்கள் நடைபெறும் இந்த ஆண்டுக்கான கண்காட்சியில், எலிவேட் என்ற நான்கு கால்கள் கொண்ட காரை ஹூண்டாய் நிறுவனம் அறிமுகப்படுத்தியுள்ளது. இந்த காரில் டயர்களுக்கு பதிலாக 4 கால்கள் பொருத்தப்பட்டுள்ளன. இந்த வாகனத்தை நிலச்சரிவு, நிலநடுக்கத்தால் ஏற்படும் பேரழிவு, ஆழிப்பேரலையால் உண்டாகும் தொடர் வினைகள் போன்றவற்றில் சிக்கியவர்களை மீட்கும் பணியில் ஈடுபடுத்த முடியும் என தெரிவிக்கப்பட்டுள்ளது. கடுமையான இடிபாடுகளுக்கு நடுவிலும் லாவகமாக செல்லும் வகையில் தயாரிக்கப்பட்டுள்ள இந்த வாகனத்தை ரிமோட் கன்ட்ரோல் மூலம் இயக்க முடியும். மேலும், அவசர காலங்களில் மீட்பு பணியில் மட்டுமல்லாது ஆம்புலன்ஸ் போன்றும் இந்த வாகனத்தை செயல்படுத்தலாம் என்று ஹூண்டாய் நிறுவனம் தெரிவித்துள்ளது. வாகனம் மற்றும் ரோபோடிக்ஸ் ஆகிய இரு தொழில்நுட்பங்களை இணைத்து உருவாக்கப்பட்டுள்ள இந்த கார் சாலைகளில் செல்லும்போது, வாகனப் போக்குவரத்தில் பெரிய புரட்சியே ஏற்படும் எதிர்பார்க்கப்படுகிறது.

சபரிமலை விவகாரம்: சட்டமன்ற உறுப்பினர் வீடு உட்பட பல்வேறு இடங்களில் வெடிகுண்டு வீசி தாக்குதல்

திருவனந்தபுரம்: சபரிமலை விவகாரத்தில் கேரளாவில் மாக்சிஸ்ட் கம்யூனிஸ்ட் கட்சியின் சட்டமன்ற உறுப்பினர் வீடு உட்பட பல்வேறு இடங்களில் வெடிகுண்டு வீசி தாக்குதல் நடத்தி இருப்பது தொடர்ந்து பரபரப்பை ஏற்படுத்து வருகிறது. தடசேரில் மார்க்சிஸ்ட் கம்யூனிஸ்ட் கட்சியின் சட்டமன்ற உறுப்பினர் வீட்டின் மீது மர்ம நபர்கள் நாட்டு வெடிகுண்டுகளை வீசிவிட்டு தப்பிவிட்டனர். இதை தொடர்ந்து மார்க்சிஸ்ட் கம்யூனிஸ்ட் கட்சியில் முன்னாள் எம்எல்ஏ சசியின் வீடு மீது வெடிகுண்டு வீசப்பட்டதால் மேலும் பரபரப்பு அதிகரித்துள்ளது. இதே போல் பாஜக எம்பி முரளிதரன் வீட்டின் மீது வெடிகுண்டுகள் வீசப்பட்டதாக குறப்படுகிறது. சபரிமலையில் 2 பெண்கள் சென்று தரிசனம் செய்ததற்கு எதிர்ப்பு தெரிவித்து கேரளாவில் பாஜக-வினர் தொடர்ந்து போராட்த்தில் ஈடுபட்டு வருகின்றனர். மேலும் வன்முறையில் ஈடுபட்டதாக இதுவரை 1319 பேர் கைது செய்யப்பட்டுள்ளனர். 800 வழக்குகள் பதிவு செய்யப்பட்டுள்ளது. 

அசத்தல் எலெக்ட்ரிக் கார்

இந்தியாவை எடுத்துக்கொண்டால் தற்போதைக்கு மஹிந்திரா மற்றும் டாடா போன்ற ஒருசில நிறுவனங்கள் மட்டுமே எலெக்ட்ரிக் வாகனங்களை தயாரித்து வருகின்றன. ஆனால், இந்த வாகனங்களின் ‘’ரேஞ்ச்’’ மிகவும்  குறைவாக இருப்பது ஒரு குறையாக கருதப்படுகிறது. ஒருமுறை சார்ஜ் செய்தால் எவ்வளவு தூரம் பயணிக்கலாம் என்பதே ‘’ரேஞ்ச்’’ என்று குறிப்பிடப்படுகிறது. அத்துடன் இந்திய நிறுவனங்கள் தயாரிக்கும் எலெக்ட்ரிக்  வாகனங்களின் பெர்பார்மென்ஸ் சர்வதேச தரத்திற்கு இல்லை எனவும் புகார்கள் முன்வைக்கப்படுகின்றன. அமெரிக்காவை சேர்ந்த டெஸ்லா உள்ளிட்ட நிறுவனங்கள் எலெக்ட்ரிக் வாகன தயாரிப்பில் வெகுவாக முன்னேறி விட்டன.  டெஸ்லா நிறுவனத்தின் எலெக்ட்ரிக் கார்கள் அதிக ரேஞ்ச் கொண்டவை. இதில், பாதுகாப்பு விஷயங்களுக்கும் பஞ்சம் இல்லை. அனைத்து குறையை களையும் விதமாக எலெக்ட்ரிக் கார் ஒன்றை மஹிந்திரா நிறுவனம் அறிமுகம் செய்ய உள்ளது. இந்தியாவை சேர்ந்த மஹிந்திரா நிறுவனம் எஸ்201 என்ற குறியீட்டு பெயரில் அழைக்கப்படும் எஸ்யூவி ரக  கார் ஒன்றை விரைவில் அறிமுகம் செய்கிறது. அதன்பின் எஸ்201-ஐ அடிப்படையாக கொண்ட எலெக்ட்ரிக் எஸ்யூவி ரக கார் ஒன்றை விற்பனைக்கு அறிமுகம் செய்ய மஹிந்திரா நிறுவனம் திட்டமிட்டுள்ளது. இந்த கார்,  ஒருமுறை சார்ஜ் செய்தால் 250 கி.மீ தூரம் பயணிக்கும் திறன் கொண்டது. 2016ம் ஆண்டு நடைபெற்ற ஆட்டோ எக்ஸ்போவில் இ2ஓ ஸ்போர்ட் (e2o Sport) என்ற எலெக்ட்ரிக் காரை மஹிந்திரா நிறுவனம் முதல் முறையாக  காட்சிக்கு வைத்திருந்தது. இதில், 380வி (380V) பேட்டரி சிஸ்டம் பொருத்தப்பட்டிருந்தது. இதன் ரேஞ்ச் 200 கி.மீ. மஹிந்திரா நிறுவனம் புதிதாக அறிமுகம் செய்ய உள்ள எலெக்ட்ரிக் காரிலும் இதே பேட்டரி சிஸ்டம்தான்  பொருத்தப்படும் என பரவலாக எதிர்பார்க்கப்படுகிறது. ஆனால், இதில் ஒருமுறை சார்ஜ் செய்தால் 250 கி.மீ தூரம் பயணிக்கும் வகையில் சில மாற்றங்கள் செய்யப்படும். எனவே, மிகவும் அதிக ரேஞ்ச் கொண்ட மஹிந்திரா  நிறுவனத்தின் முதல் எலெக்ட்ரிக் எஸ்யூவி ரக கார் என்ற பெருமையை இது பெறும். பெரும் எதிர்பார்ப்பை ஏற்படுத்தியுள்ள இந்த கார் வரும் 2020ம் ஆண்டு விற்பனைக்கு வர உள்ளது. தற்போது எலெக்ட்ரிக் எஸ்-201 என்ற குறியீட்டு பெயரில் அழைக்கப்படும் இந்த காரில், சாங்யாங் டிவோலி காரை அடிப்படையாக  கொண்ட அம்சங்களும் இடம்பெற்றிருக்கும். சாங்யாங் நிறுவனத்தில் இருந்து வெளிவரும் முதன்மையான தயாரிப்புகளில் ஒன்றுதான் டிவோலி. கொரியாவை சேர்ந்த சாங்யாங் கார் நிறுவனத்தை இந்தியாவின் மஹிந்திரா குழுமம்  நிர்வகித்து வருகிறது என்பது குறிப்பிடத்தக்கது. புதிய எலெக்ட்ரிக் எஸ்-201 எஸ்யூவி ரக கார், புனேவுக்கு அருகே சகான் என்ற இடத்தில் உள்ள மஹிந்திரா நிறுவனத்தின் தொழிற்சாலையில் தயாரிக்கப்படுகிறது. இதனிடையே  சகான் தொழிற்சாலையில், எலெக்ட்ரிக் கேயூவி 100 காரின் அசெம்ப்ளிங், வெகு விரைவில் துவங்கப்பட உள்ளது. மஹிந்திரா நிறுவனத்தின் முதன்மையான கார்களில் ஒன்று கேயூவி 100. இதன் எலெக்ட்ரிக் வெர்ஷனை 2019ம் ஆண்டின் மத்தியில்  மஹிந்திரா நிறுவனம் அறிமுகம் செய்ய இருக்கிறது. இந்தியாவில் தரமான எலெக்ட்ரிக் வாகன உற்பத்தியை அதிகரிக்க தொடங்கியிருப்பதற்கான அறிகுறிதான் இது. இப்புதிய எஸ்-201 எலெக்ட்ரிக் காரின் விலை 20 லட்சம்  ரூபாய்க்குள் இருக்கும் என தகவல்கள் வெளியாகியுள்ளது. எலெக்ட்ரிக் வாகனங்களை வாங்கும் பொதுமக்களுக்கு பேம் இந்தியா திட்டத்தின் மூலமாக மானியம் வழங்கப்படுகிறது. மானியம் கிடைப்பதால், எலெக்ட்ரிக்  வாகனங்களை வாங்கவேண்டும் என்ற ஆர்வம் மக்கள் மத்தியில் அதிகரிக்கும்.

எரிபொருள் சேமிப்பிற்கான சில எளிய வழிகள்

பெட்ரோல், டீசல் விலை வரலாறு காணாத அளவில் உயர்ந்து உச்சத்தை தொட்டு வருகிறது. இது, தினசரி கார் பயன்படுத்துவோருக்கு பெரும் சிரமத்தை ஏற்படுத்தி இருக்கிறது. பெட்ரோல், டீசலுக்கு செலவிடும் தொகையை  கட்டுக்குள் வைத்திருக்க சில டிப்ஸ்...* கார் மெதுவாக செல்லும்போது ஜன்னல் திறந்துவைத்திருந்தால் பரவாயில்லை. ஆனால், 20 கி.மீ வேகத்தை தாண்டிச்செல்லும்போது ஜன்னல்களை மூடிவிடுங்கள். அதேபோன்று, சன்ரூப் இருந்தாலும் மூடி வைப்பது நல்லது.  காரின் ஏரோடைனமிக்ஸில் பாதிப்பு ஏற்பட்டு அதிக எரிபொருள் செலவாகும். * காரில் கேரியர் மற்றும் ரூப் ஸ்கை பாக்ஸ் ஆகியவை இருந்தால் தேவைப்படாத நேரத்தில் கழற்றி வைத்துவிடுவது அவசியம். ஸ்கை பாக்ஸில் பொருட்கள் இல்லாமல் காலியாக இருந்தால்கூட அது ஏரோடைனமிக்ஸில்  பாதிப்பு ஏற்படுத்தி மைலேஜ் குறைய காரணமாகிவிடும். தற்போது வரும் கேரியர் மற்றும் ஸ்கை பாக்ஸ்களை எளிதாக கழற்றி மாட்ட முடியும். மேலும், கேரியர் மற்றும் ஸ்கை பாக்ஸ் எடையும் மைலேஜ் குறைய காரணமாக  இருக்கும். * காரை அழகுபடுத்துகிறோம் என்ற பெயரில், எக்ஸ்ட்ரா பம்பர் உள்ளிட்ட தேவையில்லாமல் ஏராளமான ஆக்சஸெரீகளை பொருத்துவதால் அதிக எடையை சுமக்கும் நிலை ஏற்படுகிறது. இதுவும் எரிபொருள் சிக்கன அளவில்  பாதிப்பை ஏற்படுத்தும். அதேபோன்று, சிலர், கார் டிக்கியில் விளையாட்டு பொருட்கள், உடைமைகளை தேவையில்லாமல் போட்டு வைத்திருப்பதும் வழக்கம். இதுவும் மைலேஜ் குறைய வாய்ப்பை ஏற்படுத்தும். * காரை எடுத்தவுடன் அதிக ஆக்சிலரேட்டரை கொடுத்து உறுமச்செய்து எடுப்பது சிலரின் வாடிக்கை. இதுவும் தேவையில்லாத வேலை. காரை சில வினாடிகள் ஐட்லிங்கில் விட்டு எடுத்தால் போதுமானது. ஆக்சிலரேட்டரை  அதிகப்படியாக கொடுத்து எரிபொருளை வீணடிக்காதீர்கள். எரிபொருள் விரயத்தால் பணம் செலவு மற்றும் புகையால் காற்று மாசுபடுதலும் அதிகரிக்கிறது. * பொதுவாக கார் குறிப்பிட்ட வேகத்தை அடைந்ததும், சீரான வேகத்தில் இயக்குவது அதிக எரிபொருள் சிக்கனத்தை தரும். இதற்கு சரியான கியரில் இயக்குவது அவசியம். குறிப்பாக, டாப் கியரில் வைத்து சீரான வேகத்தில்  ஓட்டும்போது நீங்கள் நினைத்ததைவிட அதிக எரிபொருள் சிக்கனத்தை பெற முடியும். நெடுஞ்சாலையில் செல்லும்போது மணிக்கு 80 கி.மீ வேகத்தை கடைபிடிக்கும்போது மிக அதிகப்படியான எரிபொருள் சிக்கனத்தை பெற  முடியும். * அடிக்கடி பிரேக் பிடிப்பதும் எரிபொருள் விரயத்தை ஏற்படுத்தும். முன்னால் செல்லும் வாகனத்துடன் குறிப்பிட்ட இடைவெளியில் செல்வதும், நிதானமான வேகத்தை கடைபிடிப்பதும் நல்லது. முன்னால் செல்லும் வாகனத்தை  கணக்கில்கொண்டு ஓட்டும்போது, தேவையில்லாமல் பிரேக் பிடிப்பது தவிர்க்கப்படும். * மேலே சொன்ன காரணங்கள் மட்டுமின்றி, காரின் பராமரிப்பும் மிக முக்கியம். தயாரிப்பு நிறுவனத்தின் பரிந்துரையின்படி அல்லது குறிப்பிட்ட கால இடைவெளியில் சரியான பராமரிப்பில் வைத்திருப்பதும் அவசியம். 5,000 கிமீ  தூரத்திற்கு ஒருமுறை காருக்கு பராமரிப்புப் பணிகள் செய்வது அவசியமாகும். கார் இன்ஜின் பராமரிப்புக்கு அதிக முக்கியத்துவம் எப்போதும் இருக்கவேண்டும். மேலும், டயரில் காற்றழுத்தம் அளவையும் அவ்வப்போது  பரிசோதிப்பது அவசியம்.