Tirunelveli - Dinakaran

வைகுண்ட ஏகாதசியை முன்னிட்டு பெருமாள் கோயில்களில் சொர்க்கவாசல் திறப்பு

தென்காசி, டிச. 19: வைகுண்ட ஏகாதசியை முன்னிட்டு நெல்லை மாவட்டத்தில் உள்ள பல்வேறு பெருமாள் கோயில்களில் சிறப்பு பூஜை நடந்தது. மாலையில் சொர்க்கவாசல் திறக்கப்பட்டது. இதில்  பக்தர்கள் ஏராளமானோர் கலந்து கொண்டனர். தென்காசி ஆனைப்பாலம் அருகேயுள்ள பொருந்திநின்ற பெருமாள் கோயிலில் ஏகாதசி திருவிழா, கடந்த வாரம் துவங்கியது. தினமும் சுவாமிக்கு சிறப்பு அபிஷேக அலங்கார, தீபாராதனை நடந்தது. முக்கிய நிகழ்ச்சியான சொர்க்கவாசல் நேற்று திறக்கப்பட்டது. இதையொட்டி அதிகாலை 4 மணிக்கு நடை திறக்கப்பட்டு சுவாமிக்கு சிறப்பு அபிஷேகங்கள், அலங்கார தீபாராதனை நடந்தது. தொடர்ந்து 5.45 மணிக்கு ‘‘கோவிந்தா, கோவிந்தா'' என்ற கோஷம் விண்ணை முழங்க சொர்க்கவாசல் திறக்கப்பட்டது. பின்னர் சுவாமி உள் பிரகாரத்தில் வலம் வந்து அனந்த சயனத்தில் அமர்ந்தார். சிறப்பு தீபாராதனைகள் நடந்தது. இதில் பக்தர்கள் திரளானோர் கலந்து கொண்டு நீண்ட வரிசையில் காத்திருந்து சுவாமி தரிசனம் செய்தனர். பக்தர்களுக்கு காலை முதல் தொடர்ந்து அன்னதானம் வழங்கப்பட்டது. தென்காசி பழைய அரசு மருத்துவமனை அருகே உள்ள அணைக்கரை விண்ணகரப் பெருமாள் கோயிலில் வைகுண்ட ஏகாதசியை முன்னிட்டு நேற்று மாலையில் சொர்க்கவாசல் திறக்கப்பட்டது. முன்னதாக சுவாமிக்கு சிறப்பு அபிஷேகங்கள், அலங்கார தீபாரதனை நடந்தது. தொடர்ந்து வக்கீல் திருமால் வடிவு தலைமையில் ஆன்மீக சொற்பொழிவு நடந்தது. இதில் ஏராளமான பக்தர்கள் கலந்து கொண்டனர்.  அம்பை: வைகுண்ட ஏகாதசியை முன்னிட்டு அம்பை கிருஷ்ணசுவாமி கோயில், லெட்சுமிநாராயண சுவாமி கோயில், புருஷோத்தமர் கோயில், கல்லிடைக்குறிச்சி ஆதிவராக பெருமாள், லட்சுமிநாராயணசுவாமி கோயில் உள்ளிட்ட பெருமாள் கோயில்களில் சொர்க்கவாசல் திறப்பு நடந்தது. மன்னார்கோயிலில் பழமை வாய்ந்த ராஜகோபாலசுவாமி கோயிலில் பெருமாள் சயன கோலத்தில் தாயார், ஆண்டாள், கருட ஆழ்வாருடன் பக்தர்களுக்கு காட்சி அளித்தார். சிறப்பு தீபாராதனை நடந்தது. மாலையில் ராஜகுலசேகரசுவாமி சேஷ வாகனத்தில் எழுந்தருளி சொர்க்கவாசலை வந்தடைந்தனர். இதையடுத்து சொர்க்க வாசல் திறக்கப்பட்டு சுவாமிக்கு மரியாதை கொடுக்கும் வைபவம் நடந்தது. இதில் திரளான பக்தர்கள் கலந்து கொண்டனர். களக்காடு: களக்காடு வரதராஜபெருமாள் கோயிலில் நேற்று அதிகாலையில் கோயில் நடை திறக்கப்பட்டு, வரதராஜபெருமாள், வெங்கடாஜலபதி சுவாமிகள், தேவியர்கள் மற்றும் பரிவார மூர்த்திகளுக்கு சிறப்பு திருமஞ்சனம் நடத்தப்பட்டு சயன கோலத்தில் காட்சி அளித்தனர். மாலையில் சொர்க்கவாசல் திறக்கப்பட்டதும் அவ்வழியாக பெருமாள் வந்து பக்தர்களுக்கு காட்சி கொடுத்தார். பின்னர் மாட வீதியில் உலா வந்தார். இதில் திரளான பக்தர்கள் கலந்து கொண்டு தரிசித்தனர். மேலக்கருவேலங்குளம் அழகியமணவாள பெருமாள் கோயிலிலும் சொர்க்கவாசல் திறக்கப்பட்டது, திருக்குறுங்குடி அழகியநம்பிராயர் கோயிலில் காலையில் நம்பி சுவாமிகள் சயன காட்சியும், மாலையில் சொர்க்கவாசல் திறப்பும் நடந்தது. இதில் திரளான பக்தர்கள் கலந்து கொண்டனர்.புளியங்குடி: புளியங்குடி  லட்சுமி நரசிங்க பெருமாள் கோவிலில் வைகுண்ட ஏகாதசியை முன்னிட்டு நேற்று அதிகாலை சுவாமிக்கு சிறப்பு அபிஷேகம், அலங்கார தீபாராதனை நடந்தது. பின்னர் அலங்கரிக்கப்பட்ட சப்பரத்தில் எழுந்தருளிய லட்சுமி நரசிங்க பெருமாள் சொர்க்கவாசல் வழியாக வந்து பக்தர்களுக்கு காட்சி அளித்தார். துளசி மற்றும் பிரசாதம் வழங்கப்பட்டது. வீரசிகாமணி  சீனிவாச பெருமாள் கோயிலில் வைகுண்ட ஏகாதசியை முன்னிட்டு சொர்க்கவாசல் திறப்பு விழா நடந்தது. இதில் திரளான பக்தர்கள் பங்கேற்று சுவாமி தரிசனம் செய்தனர்.   சங்கரன்கோவில்:  சங்கரன்கோவில் சங்கரநாராயண சுவாமி கோயிலில் வைகுண்ட ஏகாதசி சிறப்பாக நடந்தது. அப்போது பள்ளிகொண்டபெருமாளுக்கு சிறப்பு அலங்காரங்கள் செய்யப்பட்டு தீபாராதனைகள் நடந்தது. தொடர்ந்து கோயிலின் உள்பிரகாரத்தில் பெருமாள் வீதி உலா நடந்தது. பின்னர் நேற்று காலை 8.10 மணிக்கு கோயில் பிரகாரத்தின் வடக்கு பகுதியில் சொர்க்கவாசல் எனும் பரமபதவாசல் திறக்கப்பட்டது. தொடர்ந்து பள்ளிகொண்ட பெருமாள் சொர்க்கவாசல் வழியாக வீதி உலா வந்து மீண்டும் கோயிலுக்கு வரும் நிகழ்ச்சி நடந்தது. இதில் திரளான பக்தர்கள் பரமபத வாசல் வழியாக சென்று சுவாமியை தரிசனம் செய்தனர்.  பாவூர்சத்திரம்: கீழப்பாவூர் நரசிம்மர் கோயிலில்  வைகுண்ட ஏகாதசி விழா கடந்த 8ம்தேதி தொடங்கியது.வைகுண்ட ஏகாதசி தினமான நேற்று காலை 5.45 மணிக்கு ஸ்ரீராமநாம பஜனை, 10.30 மணிக்கு உற்சவருக்கு திருமஞ்சனம் நடத்தப்பட்டது. தொடர்ந்து அலங்காரம், அர்ச்சனை, தீபாராதனையும் நடந்தது. மாலை 5 மணிக்கு சொர்க்கவாசல் திறக்கப்பட்டது. பின்னர் மாலை கோயிலின் வெளிபிரகாரத்தில் (தெப்பக்குளத்தில்) 1008 தீபம் ஏற்றப்பட்டு,  பெருமாள் சப்பரத்தில் வலம் வருதல் நடந்தது. இதில் திரளான பக்தர்கள் கலந்து கொண்டனர். ஏற்பாடுகளை இந்து சமய அறநிலையத்துறையினர், ஸாம்ராஜ்யலட்சுமி நரசிம்மர் பீடத்தினர், நரசிம்மசுவாமி கைங்கர்ய சபையினர் செய்திருந்தனர்.கீழப்பாவூர் தமிழர்தெருவில் அமைந்துள்ள ருக்மணி சத்யபாமா சமேத வேணுகோபால கிருஷ்ணசுவாமி கோயிலில் வைகுண்ட ஏகாதசி விழாவை முன்னிட்டு  காலை 6 மணிக்கு சுப்ரபாதம், கோபூஜையை தொடர்ந்து 10 மணி வரை சயனசேவை, விசேச திருமஞ்சனம், கும்பாபிசேகம், தீபாராதனை நடந்தது. மாலை 6 மணிக்கு சொர்க்கவாசல் திறப்பு, சுவாமி புறப்பாடு நடந்தது. ஏராளமான பக்தர்கள் கலந்து கொண்டனர். ஏற்பாடுகளை கோயில் அர்ச்சகர் ரவிபட்டாச்சாரி தலைமையில் செய்திருந்தனர்.  சிவகிரி: வாசுதேவநல்லூரில் பிரசித்திபெற்ற வெங்கடாஜலபதி கோயிலில் வைகுண்ட ஏகாதசி விழாவையொட்டி அதிகாலையில் நடை திறக்கப்பட்டு பெருமாள், தேவி, பூதேவி மற்றும் பரிவார மூர்த்திகளுக்கு சிறப்பு திருமஞ்சனம் நடத்தப்பட்டது. தொடர்ந்து சயன கோலத்தில் சுவாமி தாயாருடன் காட்சி அளித்தார். தொடர்ந்து சொர்க்கவாசல் திறக்கும் நிகழ்ச்சிகள் தொடங்கின. கோயிலின் உள்மாட வீதி வழியாக  தேவி, பூதேவி சமேதராக  சீனிவாசபெருமாள் சொர்க்கவாசல் முன்பு எழுந்தருளினார். சிறப்பு தீபாராதனையுடன் சொர்க்கவாசல் திறக்கப்பட்டது. நூற்றுக்கணக்கான பக்தர்கள் கோவிந்தா... கோவிந்தா என பக்தி பரவசத்துடன் கோஷமிட்டனர். தொடர்ந்து பக்தர்களுக்கு பிரசாதங்கள் வழங்கப்பட்டன. ஏற்பாடுகளை தொழிலதிபர் அருணாசலம்,  ஆஞ்சநேயர் வழிபாட்டுக்குழுவினர் மற்றும் பக்தர்கள் செய்திருந்தனர்.  நாங்குநேரி : மார்கழி திருவிழாவையொட்டி நாங்குநேரி பெருமாள் கோயிலில் கடந்த 10 நாட்களாக  பகல் பத்து விழா நடந்தது. இதனையொட்டி தினமும் பெருமாளுக்கு சிறப்பு அபிஷேகம், அலங்கார பூஜை நடந்தன. மதுரகவி வானமாமலை ராமானுஜ ஜீயர் சுவாமிகள் முன்னிலையில் திவ்ய பிரபந்த திருக்கோஷ்டியினரின் சிறப்பு பிரபந்த பாடல்கள் பாடி பெருமாள் வழிபாடு நடத்தப்பட்டது. தொடர்ந்து பெருமாள் புறப்பாடு மற்றும் சிறப்பு தீப ஆராதனை வழிபாடு நடத்தப்பட்டது. இதில் ஏராளமானோர் கலந்து கொண்டு சுவாமி தரிசனம் செய்தனர்.  நேற்று வைகுண்ட ஏகாதசியை முன்னிட்டு அதிகாலை முதல் சயனக் கோலத்தில் பெருமாள் பக்தர்களுக்கு காட்சியளித்தார். மாலையில் நடந்த சிறப்பு பூஜைக்குப்பின் பரமபதவாசல் திறக்கும் சிறப்பு நிகழ்ச்சி நடந்தது. இதில் அரங்கா கோவிந்தா என கோஷமிட்டு ஏராளமான பக்தர்கள் பெருமாளை தரிசித்தனர்.

புதுப்பெண்கள் இருவர் தற்கொலை

நெல்லை, டிச. 19: பாளை ரகுமத்நகரை சேர்ந்தவர் சித்ரா(28). இவருக்கும் செங்கோட்டையை சேர்ந்தவரும், சிங்கப்பூரில் பணிபுரியும் சிவசுப்பிரமணியனுக்கும் கடந்த ஆக.31ம் தேதி திருமணம் நடந்தது. இதையடுத்து சித்ராவை சிங்கப்பூருக்கு அழைத்துச் செல்ல கணவர் ஏற்பாடு செய்தார். பெற்றோரை பிரிந்துசெல்ல விரும்பாத சித்ரா, கடந்த 12ம் தேதி விஷம் குடித்து மயங்கினார். நெல்லை அரசு மருத்துவமனையில் சேர்க்கப்பட்ட அவர் நேற்று இறந்தார். பாளை போலீசார் விசாரணை நடத்தி வருகின்றனர்.இதேபோல் தேவர்குளம் அருகேயுள்ள பன்னீரூத்தைச் சேர்ந்த கல்பனாவுக்கும்(33), எட்டாங்குளத்தை சேர்ந்த இசக்கிமுத்துவுக்கும் கடந்த 5 மாதங்களுக்கு முன் திருமணம் நடந்தது. திருமணத்திற்கு பின் கல்பனா பெற்றோர் வீட்டருகே கணவருடன் வசித்து வந்தார். இசக்கிமுத்து சரியாக வேலைக்கு செல்லாததால் விரக்தியடைந்த கல்பனா, நேற்று வீட்டில் தூக்கிட்டுத் தற்ெகாலை செய்து கொண்டார். தேவர்குளம் போலீசார், உடலை கைப்பற்றி பரிசோதனைக்காக அரசு மருத்துவமனைக்கு அனுப்பிவைத்தனர்.இதுகுறித்து வழக்குப் பதிந்து விசாரணை நடத்தி வருகின்றனர்.

பேரிகார்டில் பைக் மோதி தந்தை, மகன் படுகாயம்

மானூர், டிச. 19: தேவர்குளத்தைச் சேர்ந்தவர் சாமி(60), இவரது மகன் விக்னேஷ்(27). இவர்கள் நேற்று முன்தினம் மாலை பைக்கில் நெல்லைக்கு சென்றனர். அப்போது சேதுராயன்புதூர் போலீஸ் காலனி முன்பு விபத்துகளை தடுக்க வைக்கப்பட்டிருந்த பேரிகார்டில்  மோதியதில் இருவரும் பலத்த காயமடைந்தனர். இதில் விக்னேஷ் நெல்லை அரசு மருத்துவமனையிலும் சாமி ஆபத்தான நிலையில் தனியார் மருத்துவமனையிலும் அனுமதிக்கப்பட்டுள்ளனர். மானூர் எஸ்ஐ செல்வராஜ் வழக்குப்பதிவு செய்து விசாரித்து வருகிறார்.

சொத்து வரி உயர்வை கண்டித்து ஆழ்வார்குறிச்சியில் ஆர்ப்பாட்டம்

கடையம், டிச. 19:  சொத்து வரி உயர்வை கண்டித்து ஆழ்வார்குறிச்சியில் திமுக சார்பில் ஆர்ப்பாட்டம் நடந்தது. ஆழ்வார்குறிச்சி பேரூர் திமுக செயலாளர் பொன் சுந்தரம் தலைமை வகித்தார். இந்திய கம்யூனிஸ்ட் ஒன்றியச் செயலாளர் வேலாயுதம், ஆழ்வார்குறிச்சி நகர காங்கிரஸ் தலைவர் தங்கராஜா, தமுமுக அப்துல் சரீப், அப்துல் சலீம், பண்டாரம், ராமகிருஷ்ணன் முன்னிலை வகித்தனர். கதிர்வேல், சைலப்பன், முத்துகுட்டி, முத்துகுமார், கோபி, சிம்சன், சிவராமன், சண்முகம், நடராஜன், திருச்செல்வம், மகளிர் அணி ஹமிதாள், கணேசன், மாடசாமி, சிவகுமார், மாரியப்பன், செல்வம், குமார், மகேந்திரன், சுரேஷ், சேட், இசக்கி, குட்டி மாரியப்பன், ஆட்டோ மாரியப்பன், சங்கிலிபாண்டியன், பாபுஜி, சிவசைலம் உள்ளிட்ட பலர் பங்கேற்றனர்.

பாவூர்சத்திரத்தில் இந்திய கம்யூ. ஆர்ப்பாட்டம்

பாவூர்சத்திரம், டிச. 19:பாவூர்சத்திரம் காமராஜர் சிலையருகே, பல்வேறு கோரிக்கைகளை வலியுறுத்தி இந்திய கம்யூனிஸ்ட் சார்பில் ஆர்ப்பாட்டம் நடந்தது. வட்டார குழு உறுப்பினர் முருகன் தலைமை வகித்தார். மாவட்ட குழு உறுப்பினர் கிட்டப்பா, கிளை செயலாளர் வேலு, மாவட்ட பொருளாளர் சுப்பையா, ராமமூர்த்தி ஆகியோர் முன்னிலை வகித்தனர். மாவட்ட செயலாளர் காசிவிஸ்வநாதன், மாநில குழு உறுப்பினர் போஸ் ஆகியோர் பேசினர். பீடி தொழிலாளர்களுக்கு ரூ.5 ஆயிரம் ஓய்வூதியம் வழங்க வேண்டும். டெங்குவை தடுக்க தகுந்த நடவடிக்கை எடுக்க வேண்டும். உள்ளாட்சியில் 100 சதவீத வரி உயர்வை ரத்து செய்ய வேண்டும். அரசு மருத்துவமனைகளில் போதிய டாக்டர்கள் மற்றும் பணியாளர்களை நியமிக்க வேண்டும். துப்புரவு பணியாளர்களின் ஊதியத்தை உயர்த்த வேண்டும் என்பது உள்ளிட்ட கோரிக்கைகளை வலியுறுத்தி நடந்த இந்த ஆர்ப்பாட்டத்தில் கோஷங்களும் எழுப்பப்பட்டன. இதில் விவசாயிகள் சங்க மாவட்ட தலைவர் தங்கவேல், குழு உறுப்பினர் பரமசிவன், தாலுகா குழு உறுப்பினர் மாடசாமி, கடையநல்லூர் தாலுகா செயலாளர் முத்துசாமி, மாரியப்பன், அருணாசலம், சாஸ்தா மற்றும் பலர் கலந்து கொண்டனர். கீழப்பாவூர் செயலாளர் பூவையா நன்றி கூறினார்.

எப்எக்ஸ் பாலிடெக்னிக் மாணவர்கள் விழிப்புணர்வு பேரணி

நெல்லை, டிச.19: தருவை எப்எக்ஸ் பாலிடெக்னிக் கல்லூரியில் தேசிய ஆற்றல் பாதுகாப்பு தினம் அனுசரிக்கப்பட்டது. இதில் மாணவ மாணவியர்களுக்கு சுவர் ஓவியப்போட்டி, ஆற்றல் சேமிப்பு வாசகங்கள் படைத்தல், ஆற்றல் சேமிப்பு கருத்தரங்கம் போன்றவை நடந்தது. மாணவர்கள் ஆற்றல் பாதுகாப்பை வலியுறுத்தி எப்.எக்ஸ் பாலிடெக்னிக் கல்லூரியிலிருந்து  நெல்லை மாவட்ட கமிஷனர் அலுவலகம் வரை எரிபொருள் சிக்கனத்தை வலியுறுத்தி சைக்கிள் பேரணி நடந்தது. பேரணியை சேரன்மகாதேவி ஏஎஸ்பி ஆசிஸ்ராவத்  தொடங்கி வைத்தார். ஸ்காட் கல்வி குழுமங்களின் பொதுமேலாளர் இக்னேஷியஸ் சேவியர் தலைமை வகித்தார். கல்லூரி முதல்வர் ரூபஸ் முன்னிலை வகித்தார்.

மேலகரத்தில் நூலக வார விழா

தென்காசி, டிச. 19:  மேலகரம் அரசு பொது நூலகத்தில், குறிஞ்சி வாசகர் பேரவை சார்பில் 51வது தேசிய நூலக வார விழா கொண்டாடப்பட்டது. பேரவை தலைவர் பழனியப்பன் தலைமை வகித்தார். பொருளாளர் காசிவிசுவநாதன், முருகன் முன்னிலை வகித்தனர். செயலாளர் சங்கரநாராயணன் வரவேற்றார். விழாவையொட்டி பள்ளி மற்றும் கல்லூரி மாணவ, மாணவிகளுக்கு பேச்சு, கவிதை, கட்டுரை போட்டிகள் நடத்தப்பட்டன. இதில் வெற்றி பெற்றவர்களுக்கு குற்றாலம் இன்ஸ்பெக்டர் ஜெய்சல்குமார் பரிசுகளை வழங்கினார். ரோட்டரி துணை ஆளுநர் மாடசாமி ஜோதிடர், கிருபா, நூர்ஜன்னத் மற்றும் எம்கேவிகே வேல்ஸ் வித்யாலயா, புனித ஜான்ஸ் பள்ளி ஆசிரிய, ஆசிரியைகள் உட்பட பலர் கலந்து கொண்டனர். நூலகர் ஆறுமுகசாமி நன்றி கூறினார்.

புதிய தமிழகம் கட்சி ஆண்டு விழா

வீரவநல்லூர், டிச.19: புதிய தமிழகம் கட்சியின் 22வது ஆண்டு துவக்கவிழாவை முன்னிட்டு கோபாலசமுத்திரத்தில் நடந்த விழாவிற்கு ஒன்றிய செயலாளர் முத்து தலைமை வகித்தார். விழாவையொட்டி ஏழை பெண்களுக்கு இலவச சேலைகள் வழங்கப்பட்டது. மேலும் பிப்.6 அன்று கடையநல்லூரில் நடைபெறும் மாவட்ட கூட்டத்தில் கட்சியினர் திரளாக கலந்து கொள்வதாக உறுதிமொழி எடுத்தனர். கூட்டத்தில் கூனியூர் ஆறுமுகம், கடையம் சதீஷ், வீரவநல்லூர் கருணாநிதி, பத்தமடை சேகர், மானூர் பலவேசம், வல்லத்துநம்பிகுளம் பாஸ்கர், மாதுடையார்குளம் கண்மணி, கோபாலசமுத்திரம் கிருஷ்ணன் உள்பட பலர் கலந்துகொண்டனர். நகர செயலாளர் பல்லவன் நன்றி கூறினார்.

நாங்குநேரியில் பாலத்தில் கார் மோதி இருவர் படுகாயம்

நாங்குநேரி, டிச.19: நெல்லையிலிருந்து நேற்று நாகர்கோவில் நோக்கி கார் ஒன்று சென்று கொண்டிருந்தது. நாங்குநேரியை அடுத்த கிருஷ்ணன்புதூர் நான்கு வழிச்சாலையில் செல்லும் போது கார் திடீரென கட்டுப்பாட்டை இழந்து ரோட்டில் தாறுமாறாக ஓடி அங்கிருந்த பாலத்தின் தடுப்புச்சுவர் மீது மோதி நின்றது. இதில் பலத்த சேதமடைந்த காரில் இருந்த இருவர் வெளியில் வர முடியாமல் சிக்கிக் கொண்டனர். உடனே அங்கிருந்தவர்கள் நாங்குநேரி தீயணைப்பு நிலையத்திற்கு தகவல் தெரிவித்தனர். மீட்புக்குழுவினர் வந்து காருக்குள் இருந்தவர்களை மீட்டு ஆம்புலன்ஸ் மூலம் நெல்லை அரசு மருத்துவமனைக்கு அனுப்பி வைத்தனர். இதுகுறித்து நாங்குநேரி சப் இன்ஸ்பெக்டர் சஜீவ் விசாரணை நடத்தினார். இதில் காயமடைந்த இருவரும் சேலம் மாவட்டம் எடப்பாடியைச் சேர்ந்த கந்தவேல் மகன் பாலாஜி மற்றும் தேவசீனிவாசன் என்பது தெரிய வந்தது. போலீசார் மேலும் விசாரித்து வருகிறார்கள்.

காலவரையற்ற ஸ்டிரைக் துவங்கினர் தென்காசியில் கிராமிய அஞ்சல் ஊழியர்கள் ஆர்ப்பாட்டம்

தென்காசி, டிச. 19: தென்காசியில் 10 அம்ச கோரிக்கைகளை வலியுறுத்தி கிராமிய அஞ்சல் ஊழியர்கள் காலவரையற்ற வேலைநிறுத்த போராட்டத்தில் ஈடுபட்டு ஆர்ப்பாட்டம் நடத்தினர். கமலேஷ் சந்திரா தலைமையிலான ஜிடிஎஸ் கமிட்டி அறிக்கை பரிந்துரைகள் அனைத்தையும் முழுமையாக 1.1.2016 முதல் அமல்படுத்த வேண்டும். அனைத்து பணிநிறைவு பலன்களும் 1.1.2016 முதல் பணி நிறைவு பெற்ற அனைத்து ஜிடிஎஸ்களுக்கும் கிடைக்கும் வண்ணம் அமல்படுத்த வேண்டும். நிலுவைத்தொகை கணக்கீட்டில் ஏற்கனவே இருந்த குறை நிவர்த்தி செய்யப்பட வேண்டும். பணிக்கொடை உச்சவரம்பு ரூ.1.50 லட்சத்திலிருந்து 5 லட்சமாக மாற்றி அமைக்கவேண்டும். பணிமாறுதல் வரையறை தளர்த்தப்பட வேண்டும். விருப்ப ஓய்வில் செல்லும் ஜிடிஎஸ்களுக்கு ஊதியக் குறைப்பு செய்யக்கூடாது. ஊதியக்குழுவால் பரிந்துரைக்கப்பட்ட மூன்று வகையிலான ஓய்வுமுறை நடைமுறைப்படுத்தப்பட வேண்டும் என்பது உள்ளிட்ட 10 அம்ச கோரிக்கைகளை வலியுறுத்தி தென்காசியில், கோவில்பட்டி கோட்ட கிராமிய அஞ்சல் ஊழியர்கள் காலவரையற்ற வேலைநிறுத்தப் போராட்டத்தை நேற்று தொடங்கினர்.கோரிக்கைகளை வலியுறுத்தி தென்காசி தலைமை தபால் நிலையம் முன்பு ஆர்ப்பாட்டத்தில் ஈடுபட்டனர். கோட்ட தலைவர் நெல்லையப்பன் தலைமை வகித்தார். பொருளாளர் கோமதிநாயகம், ஆவுடையானூர் ஆதி முன்னிலை வகித்தனர். செயலாளர் ராஜா கண்டன உரையாற்றினார். இதில் ஏராளமானோர் பங்கேற்றனர்.

21 அம்ச கோரிக்கைகளை வலியுறுத்தி நெல்லையில் விஏஓக்கள் கோரிக்கை பேரணி

நெல்லை, டிச. 19: பழைய  ஓய்வூதிய திட்டத்தை மீண்டும் அமல்படுத்த வேண்டும். விஏஓக்களின்  கல்வித்தகுதியை பட்டப்படிப்பாக உயர்த்த வேண்டும். உட்பிரிவு பட்டா மாறுதல் உட்பட அனைத்து விதமான பட்டா மாறுதல்களிலும் விஏஓ பரிந்துரையை கட்டாயமாக்க வேண்டும். கூடுதல் பொறுப்பு கிராமங்களுக்கு பொறுப்பூதியம் மீண்டும் வழங்க வேண்டும். ஒரே உத்தரவில் மாவட்ட மாறுதல் வழங்க வேண்டும். கிராம நிர்வாக அலுவலர்களுக்கு கணினி மற்றும் அடிப்படை இணையாள வசதிகள் செய்து தர வேண்டும். கிராம நிர்வாக அலுவலர்கள் பதவியை மீண்டும் தொழில்நுட்ப பதவியாக அறிவிக்க வேண்டும். கிராம நிர்வாகத்திற்கு  தனித்துறை உருவாக்க வேண்டும் என்பன உள்ளிட்ட 21 அம்ச கோரிக்கைளை  வலியுறுத்தி தமிழ்நாடு நிர்வாக அலுவலர்கள் சங்கத்தினர் கடந்த  10ம்தேதி முதல் வேலை நிறுத்தத்தில் ஈடுபட்டு வருகின்றனர்.இதன் ஒரு  பகுதியாக நெல்லையில் விஏஓக்கள் கலெக்டர் அலுவலகம் நோக்கி கோரிக்கை பேரணி  நடத்தினர். மாவட்ட தலைவர் முத்துசெல்வன்  தலைமை  வகித்தார். துணைத் தலைவர் ராஜசேகர், துணைச் செயலாளர்கள் அருணாசலம்,   ராம்குமார், மாவட்ட அமைப்பு செயாளர் ஆறுமுகம், மாவட்ட பிரசார செயலாளர்   வசந்தகுமார் ஆகியோர் முன்னிலை வகித்தனர். கொக்கிரகுளம் எம்ஜிஆர் சிலையிலிருந்து துவங்கி, நெல்லை கலெக்டர்  அலுவலகம் வந்த அவர்கள் கலெக்டர் அலுவலக வாயிலில் நின்று 21 அம்சக்  கோரிக்கைகளை வலியுறுத்தி கோஷமிட்டனர். மாவட்ட செயலாளர் குமார்  கோரிக்கைகளை விளக்கி பேசினார். மாவட்ட பொருளாளர் அருள்மாரி நன்றி கூறினார்.  பின்னர் நிர்வாகிகள் தங்களது கோரிக்கைகள் தொடர்பாக கலெக்டரை சந்தித்து மனு  அளித்தனர். விஏஓக்கள் கடந்த 10ம் தேதி முதல் வேலைநிறுத்தப் போராட்டத்தில் ஈடுபட்டு வருவதால் வருவாய் துறை சான்று வழங்கும் பணிகள் அடியோடு முடங்கியுள்ளது. எனவே தமிழக அரசு விஏஓக்களுடன் பேச்சுவார்த்தை நடத்தி வேலைநிறுத்தத்தை முடிவுக்கு கொண்டு வர வேண்டும் என்ற கோரிக்கை எழுந்துள்ளது.

மனைவியை தாக்கிய கணவர் கைது

சங்கரன்கோவில். டிச.19: பனவடலிசத்திரம் அருகே கருத்தானுரைச் சேர்ந்தவர் சண்முகையா(50). இவர் கேரளாவில் கூலி வேலை செய்து வருகிறார். இவரது மனைவி வேல்தாய்(45). இவர் கருத்தானூரில் வசித்து வருகிறார். சண்முகையா கேரளாவில் இருந்து 15 நாள்களுக்கு ஒருமுறை ஊருக்கு வந்து செல்வது வழக்கம். அவ்வாறு ஊருக்கு வந்து செல்லும் போது மனைவிடம் பணம் கொடுத்து விட்டு செல்வதுண்டு என தெரிகிறது. தற்போது ஊருக்கு வந்தவர் மனைவியிடம் கொடுத்த பணம் அதிகளவில் செலவாயிருப்பது பற்றி கேட்டுள்ளார். இதனால் கணவன், மனைவி இடையே வாக்குவாதம் ஏற்பட்டது. தகராறு முற்றவே சண்முகையா, வேல்தாயை தாக்கி கொலைமிரட்டல் விடுத்து விட்டு சென்றதர். இதுகுறித்த புகாரின் பேரில் வழக்கு பதிவு செய்த பனவடலிசத்திரம் போலீசார் சண்முகையாவை கைது செய்தனர்.

நெல்லையில் டிச.21ம்தேதி விவசாயிகள் குறைதீர் கூட்டம்

நெல்லை, டிச. 19: நெல்லை கலெக்டர் ஷில்பா வெளியிட்ட செய்திக்குறிப்பு: நெல்லை மாவட்டத்தில் டிசம்பர் மாதத்திற்கான விவசாயிகள் குறை தீர்க்கும் நாள் கூட்டம் 21ம் தேதி மூன்றாவது வௌ்ளிக்கிழமை அன்று கலெக்டர் ஷில்பா பிரபாகர் சதீஷ் தலைமையில் கலெக்டர் அலுவலக மாவட்ட வளர்ச்சி மன்ற கூட்டரங்கில் வைத்து காலை 11 மணிக்கு நடக்கிறது. கூட்டத்தில் அனைத்துத் துறை அலுவலர்களும் கலந்து கொண்டு விவசாயிகளின் கோரிக்கைகளின் மீது எடுக்கப்பட்டுள்ள நடவடிக்கைகள் குறித்து தெரிவிக்க உள்ளனர்.  எனவே விவசாயிகள் குறை தீர்ப்பதற்காக நடக்கும் இந்த கூட்டத்தில் நெல்லை மாவட்ட விவசாயிகள் கலந்து கொண்டு கோரிக்கை மனுக்களை அளித்து நிவாரணம் பெற்றுக் கொள்ளலாம். இவ்வாறு கலெக்டர் தெரிவித்துள்ளார்.

கடையத்தில் நாளை திமுக பொதுக்கூட்டம்

கடையம், டிச.19: கடையத்தில் நாளை நடைபெற உள்ள திமுக பொதுக்கூட்டம் தொடர்பாக நேற்று பொட்டல்புதூரில் உள்ள ஒன்றிய திமுக அலுவலகத்தில் முன்னேற்பாடு கூட்டம் நடந்தது.கடையம் சார்பதிவாளர் அலுவலகம் முன்பு நாளை (20ம்தேதி) மாலை 6 மணிக்கு ஆலங்குளம் சட்டமன்ற தொகுதி சார்பில் விவசாயிகளின் நலன் காக்கும் பொருட்டு மாபெரும் பொதுக்கூட்டம் நடக்கிறது.  இதில் திமுக பொருளாளர் துரைமுருகன் பேசுகிறார். நேற்று நடந்த ஆலோசனை கூட்டத்தில் பூங்கோதை எம்எல்ஏ தலைமை வகித்தார். கடையம் ஒன்றிய செயலாளர் குமார், துணை செயலாளர் தமிழ்செல்வன், மாவட்ட பிரதிநிதி வேலு, ஆழ்வார்குறிச்சி முன்னாள் நகர செயலாளர் அல்லாபிச்சை உள்பட பலர் கலந்து கொண்டனர். நாளை நடைபெறவிருக்கும் பொதுக்கூட்டத்தில் திரளாக கலந்து கொள்ள வேண்டும்  என தீர்மானிக்கப்பட்டது. இதற்கான அழைப்பிதழை எம்எல்ஏ பூங்கோதை வழங்கினார்.

ராகுல் காந்தியை பிரதமராக்க கடுமையாக உழைக்க வேண்டும்

சுரண்டை, டிச.19: நெல்லை மேற்கு மாவட்ட காங்கிரஸ் கீழப்பாவூர் வட்டார பூத் கமிட்டி கூட்டம் சுரண்டையில் நடந்தது. கூட்டத்துக்கு மேற்கு மாவட்ட தலைவர் பழனிநாடார் தலைமை வகித்தார். செந்தாமரை கண்ணன், முரளிராஜா, சட்டநாதன், அருள் பெத்தையா, வானமாமலை முன்னிலை வகித்தனர். ஜெயபால் வரவேற்றார். பால்துரை தொகுத்து வழங்கினார். நாங்குநேரி எம்எல்ஏ வசந்தகுமார் கலந்தாய்வு கூட்டத்தின் விளக்கவுரை யாற்றினார்.கூட்டத்தில் சஞ்சய்தத் பேசியதாவது: ராகுல் காந்தியை பிரதமராக்க பூத் கமிட்டி உறுப்பினர்கள் கடுமையாக உழைக்க வேண்டும். உங்கள் உழைப்பால் தமிழகத்தில்  காங்கிரஸ் கூட்டணி ஆட்சி வரவேண்டும். நெல்லையில் குறைந்தது நான்கு சட்டமன்ற உறுப்பினர்களை வெற்றி பெற செய்ய வீடு தோறும் காங்கிரஸ் ஆட்சி காலத்தில் கொண்டு வரப்பட்ட நூறுநாள் வேலைவாய்ப்பு திட்டம், முதல்வரையும் கேள்வி கேட்கும் தகவல் அறியும் உரிமை சட்டம் மற்றும் வளர்ச்சி திட்டம் குறித்து எடுத்துக்கூற வேண்டும். இவ்வாறு அவர் பேசினார்.நிகழ்ச்சியில் பொதுக்குழு உறுப்பினர்கணேசன், மாணிக்கம், ஜேம்ஸ், நிர்வாகிகள் சண்முகவேல், பிரபாகர், நாகம்மாள், முத்தையா, தெய்வேந்திரன், நாட்டாண்மை ராமராஜ், பன்னீர்செல்வம், சிங்கராஜ் மற்றும் மாவட்ட, நகர, ஒன்றிய நிர்வாகிகள் கலந்து கொண்டனர்.

அம்பை கூட்டுறவு வங்கியில் கடன் வழங்கும் விழா

அம்பை, டிச.19: அம்பை கூட்டுறவு அர்பன் வங்கியில் கடன் வழங்கும் விழா நடந்தது. தலைவர் அறிவழகன் தலைமை வகித்தார். பொது மேலாளர் சிவசங்கரன் முன்னிலை வகித்தார். துணைத்தலைவர் பிராங்கிளின் வரவேற்றார். சிறப்பு விருந்தினராக கலந்து கொண்ட முருகையாபாண்டியன் எம்எல்ஏ பயனாளிகள் 50 பேருக்கு  சிறு வணிக கடன், அடமான கடன், வார கடன் மற்றும் மகளிர் சுய உதவி கடனாக 45 லட்சம் மதிப்பிலான காசோலைகள் மற்றும் ஆணை வழங்கி தொழில் முன்னேற்றம் குறித்து பேசினார். நிகழ்ச்சியில் மாவட்ட பாசறை இணை செயலாளர் வெங்கட்ராமன், மாவட்ட பிரதிநிதி சுடலை, முன்னாள் கவுன்சிலர் விஜய பாலாஜி, ஒன்றிய செயலர் செல்வராஜ், அவைத்தலைவர் பழனி, மினிசூப்பர் மார்க்கட் தலைவர் சங்கரலிங்கம், வழக்கறிஞர்கள் குமார், கோமதிசங்கர், மணி அய்யப்பன், ராஜசேகரன், செல்வ அந்தோணி, நகர செயலாளர்கள் சங்கரநாராயணன், கண்ணன், வடிவேல், சுடலைமணி, ராமகிருஷ்ணன், ஆப்ரகாம், கணேசன்,  வங்கி இயக்குனர்கள் மற்றும் கூட்டுறவு வங்கி பணியாளர்கள் கலந்து கொண்டனர். உதவி மேலாளர் முத்துசாமி நன்றி கூறினார்.

கஞ்சா விற்றவர் கைது

திருவேங்கடம், டிச.18:  குருவிகுளம் எஸ்ஐ அருள்மொழி மற்றும் போலீசார் வாகைக்குளம் பகுதியில் ரோந்து சென்றனர். இதில் சுரண்டைஅருகேயுள்ள வரகுணராமபுரத்தை சேர்ந்த ராஜா என்ற அருணாசலம் (42) என்பவர் கஞ்சா விற்றது தெரியவந்தது. இதையடுத்து அவரை கைது செய்த போலீசார், அவரிடமிருந்து 40 கிராம் கஞ்சாவை பறிமுதல் செய்தனர். பின்னர் அவரை கோர்ட்டில் ஆஜர்படுத்தி பாளை மத்திய சிறையில் அடைத்தனர்.கல்லிடைக்குறிச்சியில்பெட்டி கடைக்காரர் தூக்கிட்டு தற்கொலைஅம்பை: கல்லிடைக்குறிச்சி ஆற்றுப்பாலம் அருகே  பழனி ஆண்டவர் கோவில் வளாகத்தில் உள்ள மரத்தில் அடையாளம் தெரியாத ஆண் நேற்று முன்தினம் இரவு தூக்கிட்டுத் தற்கொலை செய்துகொண்டார். தகவலின் பேரில் அங்கு சென்ற கல்லிடைக்குறிச்சி போலீசார், உடலை கைப்பற்றி நெல்லை அரசு மருத்துவக் கல்லூரி மருத்துவமனைக்கு அனுப்பிவைத்தனர்.இதையடுத்து நடத்திய விசாரணையில், தூக்கிட்டு இறந்தவர் வீரவநல்லூர் அழகியநம்பி முடுக்குத் தெருவைச் சேர்ந்த பிச்சுமணி (49)  என்பதும், பெட்டி கடை நடத்திவந்த இவர், கடன் தொல்லையால் தற்கொலை செய்துகொண்டதும் தெரியவந்தது. இவருக்கு மீனாட்சி  (44) என்ற மனைவியும், இரு குழந்தைகளும் உள்ளனர். இதுகுறித்து பிச்சுமணி தம்பி வேல்முருகன் கொடுத்த புகாரின் பேரில் எஸ்ஐ ஆதம் அலி வழக்குப் பதிந்து விசாரித்து வருகிறார்.மனைவியுடனான தகராறில்சங்கரன்கோவில் கோர்ட்டில் விஷம் குடித்த தொழிலாளிசங்கரன்கோவில்:  சங்கரன்கோவில் அடுத்த தலைவன்கோட்டையைச் சேர்ந்த சித்ரபுத்திரன், ராசாத்தி தம்பதி மகன் தங்கத்துரை (37). கூலி தொழிலாளியான இவருக்கும், இவரது மனைவிக்கும் இடையே ஏற்பட்ட கருத்துவேறுபாட்டால் தகராறு ஏற்பட்டது. இதுதொடர்பான வழக்கு விசாரணை சங்கரன்கோவில் கோர்ட்டில் நடந்து வருகிறது. இந்நிலையில் நேற்று நடந்த விசாரணையில் ஆஜராக வந்த தங்கத்துரை, கோர்ட் வளாகத்தில் நேற்று தான் கொண்டுவந்திருந்த பூச்சிக்கொல்லி மருந்தை குடித்து மயங்கினார். அங்கு பாதுகாப்பு பணிக்கு வந்திருந்த போலீசார், இதை பார்த்து பதறியதோடு அவரை மீட்டு நெல்லை அரசு மருத்துவமனைக்கு அனுப்பிவைத்தனர். இதுகுறித்து நீதிமன்ற அலுவலர் சங்கரபாண்டியன் கொடுத்த புகாரின் பேரில் சங்கரன்கோவில் டவுன் போலீசார், வழக்குப் பதிந்து  விசாரித்து வருகின்றனர்.

சிதம்பரபுரம் நாராயணசுவாமி கோயிலில் திருஏடு வாசிப்பு

களக்காடு, டிச. 18: களக்காடு அருகே உள்ள சிதம்பரபுரம் மந்நாராயணசுவாமி கோயிலில் திருஏடு வாசிப்பு விழா 18 நாட்கள் தொடர்ந்து நடந்தது.தினமும் மாலைவேளையில் முத்துக்குட்டி குழுவினர் திருஏடு வாசித்து விளக்கம் அளித்தனர்.  இதை சங்கரபாண்டி துவக்கிவைத்தார். இதையொட்டி அய்யாவுக்கு சிறப்பு பள்ளியறை அலங்காரம், விஷேச பணிவிடைகள், திருக்கல்யாண நிகழ்ச்சி, பட்டாபிஷேக விழா நடத்தப்பட்டது. பக்தர்களுக்கு அன்னதானம் வழங்கப்பட்டது. இதையொட்டி அய்யா நாராயணசுவாமி சிறப்பு வாகனத்தில் எழுந்தருளியதும் வீதியுலா நடந்தது. இதை திரளானோர் தரிசித்தனர். ஏற்பாடுகளை கோயில் தர்மகர்த்தா குழுவினர் செய்திருந்தனர்.

மின் கம்பங்கள் இணைப்பால் பாதிக்கும் அபாயம் சிற்றாற்று நீர்ப்பிடிப்பு பகுதியை பாதுகாக்க துரித நடவடிக்கை

நெல்லை, டிச. 18:  கங்கைகொண்டான் சிற்றாறு நதியை பாதுகாக்க துரித நடவடிக்கை எடுக்கக் கோரி  வடகரை கிராம மக்கள் கலெக்டரிடம் மனு அளித்தனர்.  இதுகுறித்து கங்கைகொண்டான வடகரையை சேர்ந்த பாலசுப்பிரமணியன் தலைமையில்  திரண்டுவந்த பொதுமக்கள் கலெக்டரிடம் அளித்துள்ள மனு விவரம்: கங்கைகொண்டான் கிராமத்தில் சிற்றாறு நதியின் கரையோரமாக தனியார் காற்றாலை மின்கம்பம் இணைப்புகள், கங்கைகொண்டான் சுற்று வட்டாரப் பகுதியிலுள்ள மின் காற்றாலையில் இருந்து ஒருங்கிணைக்கப்பட்ட மின் கம்பங்கள் சிற்றாறு படுகை வழியாக மானூர் வரை செல்ல நீர்ப்பிடிப்பு பகுதிகளில் மின் கம்பங்கள் இணைப்பு கையாளப்படுகிறது.இதனால் ஏற்படும் பாதிப்புகளும், இயற்கை சூழ்நிலைகளும் வெகுவாக பாதிக்கப்படும். சீவலப்பேரியில் இருந்து கோவில்பட்டி வரை செல்லும் குடிநீர் குழாய் இணைப்புகள் மேல் இப்பணி நடைபெறுவதால் குடிநீர்க் குழாய்களுக்கும் பாதிப்பு உண்டாகும்.  எனவே, சிற்றாறை பாதுகாக்க நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.

திசையன்விளை பள்ளியில் கிறிஸ்துமஸ் விழா

திசையன்விளை, டிச. 18:  திசையன்விளை சமாரியா தூய யோவான் மேல்நிலைப்பள்ளியில் கிறிஸ்துமஸ் விழா நடந்தது. சமாரியா சேகரகுரு சாமுவேல் ஜெபம் செய்து கிறிஸ்துமஸ் நற்செய்தி வழங்கினார். பள்ளி தாளாளர் ஜீவாபால் ஜேக்கப் வரவேற்றார். மாணவ, மாணவிகள் மற்றும் ஆசிரியர்களின் பாடல் நிகழ்ச்சி நடந்தது. கிறிஸ்துமஸ் தாத்தா இனிப்பு மற்றும் பரிசுகள் வழங்கினார். நெல்லை திருமண்டல கல்வி நிலவரக்குழு செயலாளர் செல்வராஜ் பேசினார். நிகழ்ச்சியை முன்னாள் லயன்ஸ் கவர்னர் சுயம்புராஜன் தொகுத்து வழங்கினார். பள்ளி தலைமை ஆசிரியை சந்திரா நன்றி கூறினார்.