Tiruvannamalai - Dinakaran

திருவண்ணாமலையில் ஓய்வூதியர் குறை தீர்க்கும் நாள் கூட்டம் 8ம் தேதி நடக்கிறது

திருவண்ணாமலை, டிச.16: திருவண்ணாமலையில் வருகிற 8ம் தேதி ஓய்வூதியர் குறைதீர்க்கும் நாள் கூட்டம் நடைபெற உள்ளதாக கலெக்டர் தெரிவித்துள்ளார்.இதுகுறித்து கலெக்டர் கே.எஸ்.கந்தசாமி விடுத்துள்ள செய்தி குறிப்பில் கூறி இருப்பதாவது:திருவண்ணாமலை கலெக்டர் அலுவலகத்தில் வருகிற ஜனவரி 8ம் தேதி காலை 11 மணிக்கு ஓய்வூதியர் மற்றும் குடும்ப ஓய்வூதியர் குறைதீர்க்கும் நாள் கூட்டம் நடைபெறுகிறது. கூட்டத்துக்கு கலெக்டர் கே.எஸ்.கந்தசாமி தலைமை தாங்குகிறார். இதில் சென்னை ஓய்வூதிய இயக்குனர் (ஓய்வூதிய இயக்குனரகம்) மற்றும் திருவண்ணாமலை மாவட்ட அரசு துறை அலுவலர்கள் கலந்து கொள்கிறார்கள்.எனவே, திருவண்ணாமலை மாவட்டத்தில் உள்ள பல்வேறு அரசு அலுவலகங்கள், கல்வி நிலையங்கள் மற்றும் உள்ளாட்சி நிறுவனங்கள ஆகியவற்றில் பணிபுரிந்து ஓய்வு பெற்ற அரசு அலுவலர்கள் பங்கு பெறலாம்.அப்போது தங்களுக்கு சேர வேண்டிய ஓய்வூதியம், பணிக்கொடை மற்றும் இதர ஓய்வூதிய பயன்கள் முதலியவற்றிக்கான உத்தரவுகள் இந்நாள் வரை வழங்கப்படாமல் நிலுவையில் இருந்தால், இதுகுறித்து, தங்களது கோரிக்கைகளை ஓய்வூதிய புத்தக எண், ஓய்வூதியம் வழங்கும் கருவூலத்தின் பெயர், மற்றும் ஓய்வு பெற்ற நாள் ஆகியவற்றை குறிப்பிட்டு இரட்டைப்பிரதியில் கலெக்டருக்கு வருகிற 28ம் தேதிக்குள் அனுப்பி வைக்குமாறு கேட்டுக்கொள்ளப்படுகிறார்கள். அனைத்து மனுக்களும் உரிய அலுவலருக்கு தக்க நடவடிக்கைக்காக அனுப்பி வைக்கப்படும் என்றும், எடுக்கப்பட்ட நடவடிக்கை குறித்து சம்மந்தப்பட்ட அலுவலரால் நேரடியாக உரிய ஓய்வூதியதாரர்களுக்கு அனுப்பி வைக்கப்படும். இவ்வாய்ப்பினை பயன்படுத்தி ஓய்வூதியதாரர்கள் பயன் அடையலாம்.இவ்வாறு அவர் அதில் கூறி உள்ளார்.

அதிமுக அரசு பாஜவின் கைப்பாவையாக செயல்படுகிறது ஈவிகேஎஸ் இளங்கோவன் பேட்டி

கண்ணமங்கலம் டிச.16: அதிமுக அரசு பாஜவின் கைப்பாவையாக செயல்படுகிறது என்று காங்கிரஸ் முன்னாள் மாநில தலைவர் ஈவிகேஎஸ் இளங்கோவன் கூறினார்.கண்ணமங்கலம் அடுத்த 5 புத்தூர் நடந்த கட்சி பிரமுகர் இல்லத் திருமண விழாவில் தமிழ்நாடு காங்கிரஸ் மாநில முன்னாள் தலைவர் ஈவிகேஎஸ் இளங்கோவன் நேற்று முன்தினம் கலந்து கொண்டார்.பின்னர், அவர் கூறியதாவது: ஐந்து மாநில தேர்தலில் மூன்றில் காங்கிரஸ் வெற்றிபெற்றதற்கு விவசாய கடன் தள்ளுபடி செய்வதாக காங்கிரஸ் தேர்தல் அறிக்கையில் தெரிவித்ததே காரணம். தெலங்கானாவில் காங்கிரஸ் கட்சி, சந்திரபாபு நாயுடுவுடன் கூட்டணி வைத்ததால் தான் தோல்வியடைந்தது. ஏனென்றால் தெலங்கானாவிற்கும், ஆந்திராவிற்கும் ஏற்கெனவே கருத்து வேறுபாடு உள்ளது. இந்நிலையில் காங்கிரஸ், சந்திரபாபு நாயுடுவுடன் கூட்டணி வைத்தது தவறு என்பது என் தனிப்பட்ட கருத்து. பாஜ தோல்விக்கு காரணம் குறித்து தமிழிசை கூறிய பதில் நகைப்பானது வெற்றியான தோல்வி என்பதற்கு என்ன பொருள். பிறந்த குழந்தை ஆணா? பெண்ணா? என்றால் ஏதாவது ஒன்று தான் கூற வேண்டும். அதைவிடுத்து இரண்டும் என்றால் என்ன பொருள். தமிழிசை என்ன பேசுகிறார் என்பதை யாருமே புரிந்துகொள்ள முடியவில்லை. காங்கிரஸ் கட்சி கடந்த 2004ம் ஆண்டு விவசாயிகளுக்கு கடன் தள்ளுபடி செய்தது. தமிழகத்தில் திமுக தலைவர் கருணாநிதியும் விவசாய கடன் தள்ளுபடி செய்துள்ளார். நடந்த தேர்தல் தோல்வி, பாஜவிற்கு மரண அடி, அதிமுக அரசு பாஜயின் கைப்பாவையாக செயல்படுகிறது.இவ்வாறு அவர் கூறினார்.

செய்யாறு விளையாட்டு பூங்காவில் ₹1 லட்சம் மதிப்பில் நுண்ணுயிர் உரக்குழி

செய்யாறு, டிச.16: செய்யாறு அண்ணாநகரில் உள்ள சிறுவர் விளையாட்டு பூங்காவில் ₹1 லட்சம் மதிப்பில் நுண்ணுயிர் உரக்குழி அமைப்பதற்கான பணிகள் நடந்தது.செய்யாறு அண்ணாநகரில் சுமார் 200க்கும் மேற்பட்ட வீடுகள் உள்ளன. இங்குள்ள சிறுவர் விளையாட்டு பூங்கா, மேல்நிலை நீர்தேக்க வளாகத்தில் உள்ள பூங்கா பராமரிப்பின்றி முட்புதர்கள் வளர்ந்து உள்ளது. இதை நகராட்சி சார்பில் திடக்கழிவு மேலாண்மை திட்டத்தில் ₹1 லட்ச மதிப்பில் 25-25 அடி அகலத்தில் மக்கும் குப்பைகளை தரம்பிரிக்கும் நுண்ணுயிர் உரம் தயாரிக்கும் குழி அமைக்க திட்டமிட்டனர். பின்னர், அதற்கான கட்டுமான பணிகளை நடந்தது. இதனை பார்த்த அப்பகுதி பொதுமக்கள் பூங்காவில் உரக்குழி அமைக்க கூடாது என்று எதிர்ப்பு தெரிவித்தனர். இதனால் அதிகாரிகளுக்கு பொதுமக்களுக்கும் சிறிது நேரம் வாக்குவாதம் ஏற்பட்டது. இதனைத்தொடர்ந்து கட்டுமான பணிகள் சிறிது நேரம் நிறுத்தப்பட்டது.பின்னர் நகராட்சி ஆணையாளர் ஸ்டான்லிபாபு, இன்ஜினியர் எட்வின் பிரைட்ஜோஸ், துப்புரவு அலுவலர் பாலசுப்பிரமணியன், துப்புரவு ஆய்வாளர் மதனராசன் மற்றும் போலீசார் பொதுமக்களிடம் பேச்சுவார்த்தை நடத்தினர்.பின்னர், பொதுமக்களின் கோரிக்கை ஏற்று பூங்காவிற்கும், தண்ணீர் டேங்கிற்கும் இடையில் துர்நாற்றம், நோய் பரவாத வகையில் பொதுமக்களுக்கு எந்தவித பாதிப்பும் இல்லாதவாறு குடியிருப்பு பகுதியிலிருந்து சற்று தள்ளி அமைக்க ஒப்புதல் தெரிவித்தனர். பின்னர், அற்கான பணிகளை நகராட்சி அதிகாரிகளின் முன்னிலையில் மதியம் 1 மணிக்கு மேல் பணிகள் தொடங்கப்பட்டது.

திருவண்ணாமலையை சேர்ந்த மாற்றுத்திறனாளிகள் இலவச அனிமேஷன் பயிற்சிக்கு விண்ணப்பிக்கலாம் கலெக்டர் தகவல்

திருவண்ணாமலை, டிச.16: திருவண்ணாமலையை சேர்ந்த மாற்றுத்திறனாளிகள் இலவச அனிமேஷன் பயிற்சி, இலக்க புகைப்பட பயிற்சி பெற விண்ணப்பிக்கலாம் என்று கலெக்டர் நேற்று தெரிவித்தார்.திருவண்ணாமலை கலெக்டர் கே.எஸ்.கந்தசாமி விடுத்துள்ள செய்தி குறிப்பில் கூறி இருப்பதாவது:திருவண்ணாமலை மாவட்டத்தை சேர்ந்த மாற்றுத்திறனாளிகளுக்கு பிசிவி-டிஜிட்டல் நான் (லீனியர்) எடிட்டிங்-டிஎன்எல்இ, ஏவிஐடி-டிஜிட்டல், நான் (லீனியர்) எடிட்டிங்-டிஎன்எல்இ, பல்லூடக பயிற்சி, இலக்க புகைப்பட பயிற்சி, ஆடியோ இன்ஜினியரிங், அனிமேஷன் போன்ற பயிற்சிகள் கை, கால் பாதிக்கப்பட்ட (40 சதவீதம் முதல் 60 சதவீதம் வரை) உள்ள மாற்றுத்திறனாளிகள், செவித்திறன் குறையுடைய மாற்றுத்திறனாளிகள், மிதமான மனவளர்ச்சி குன்றிய மாற்றுத்திறனாளிகளுக்கு சென்னையில் தேசிய திரைப்பட வளர்ச்சி கழகத்தின் மூலம் திருவண்ணாமலை மாவட்டத்தில் வழங்கப்படவுள்ளது. இப்பயிற்சிக்கான உதவித்தொகை ₹1000 மாற்றுத்திறனாளிக்கு வழங்கப்பட உள்ளது. இப்பயிற்சியினை பெற விருப்பமுள்ள மாற்றுத்திறனாளிகள் 8ம் வகுப்பு தேர்ச்சி பெற்றவராகவும், 18 முதல் 40 வரை வயதுடையவராகவும் இருக்க வேண்டும். மாற்றுத்திறனாளிகளுக்கான தேசிய அடையாள அட்டை நகல், குடும்ப அட்டை நகல், கல்வி தகுதி சான்று, புகைப்படம் 2, தொலைபேசி எண் ஆகியவற்றை இணைத்து திருவண்ணாமலை கலெக்டர் அலுவலக வளாகத்தில் இயங்கி வரும் மாவட்ட மாற்றுத்திறனாளிகள் நல அலுவலகத்தில் விண்ணப்பிக்கலாம். தகுதிவாய்ந்த மாற்றுத்திறனாளிகள் இந்த வாய்ப்பினை பயன்படுத்தி பயனடைய வேண்டும். இவ்வாறு அவர் கூறினார்.

வந்தவாசி அருகே மாடு மேய்ந்த தகராறு விவசாயியை தாக்கிய 3 பேர் கைது

வந்தவாசி, டிச.16: வந்தவாசி அருகே நிலத்தில் மாடு மேய்ந்த தகராறில் விவசாயியை செங்கல்லால் தாக்கிய 3 பேரை போலீசார் கைது செய்தனர்.வந்தவாசி அடுத்த கொரக்கோட்டை கிராமத்தை சேர்ந்தவர் கிருஷ்ணன்(50), விவசாயி. அதே கிராமத்தை சேர்ந்தவர் சுப்பிரமணி(42). இவரது தம்பிகள் முனுசாமி(38), ஏழுமலை(35). கிருஷ்ணன் மற்றும் சுப்பிரமணி சகோதரர்களுக்கு சொந்தமான நிலம் அருகருகே உள்ளது. இந்நிலையில் சுப்பிரமணியின் சகோதரர்கள், தங்களின் நிலத்தையொட்டி உள்ள 6 ஏக்கர் புறம்போக்கு நிலத்தை தங்களது பராமரிப்பில் பயன்படுத்தி வந்ததாக கூறப்படுகிறது. இதுதொடர்பாக சுப்பிரமணி, கிருஷ்ணன் குடும்பத்திற்கு இடையே முன்விரோதம் இருந்து வந்ததாம். கடந்த 12ம் தேதி முனுசாமி, இவரது மனைவி அம்மு ஆகியோர், கிருஷ்ணன் நிலத்தின் வழியாக மாட்டை ஓட்டிச்சென்றுள்ளனர். அப்போது நிலத்தில் உள்ள பயிர்களை மாடு மேய்ந்ததாக தெரிகிறது.இதைக்கண்ட கிருஷ்ணனின் தம்பி மனைவி மீனா(35) தட்டிக்கேட்டபோது அவர்களுக்குள் தகராறு ஏற்பட்டது. இதைப்பார்த்த கிருஷ்ணன், அம்முவை திட்டினாராம். இதையறிந்த முனுசாமி, சுப்பிரமணி, ஏழுமலை உள்ளிட்ட 10 பேர், கிருஷ்ணனிடம் வாக்குவாதம் செய்து செங்கல்லால் அவரை தாக்கியுள்ளனர். இதில் படுகாயம் அடைந்த கிருஷ்ணன் சென்னை அரசு மருத்துவமனையில் சேர்க்கப்பட்டார். இதுகுறித்து மீனா தெள்ளார் போலீசில் கடந்த 13ம் தேதி புகார் செய்தார். அதன்பேரில் இன்ஸ்பெக்டர் அழகுராணி வழக்குப்பதிவு செய்து சுப்பிரமணி, முனுசாமி, ஏழுமலை ஆகியோரை கைது செய்தனர். மேலும், தலைமறைவாக உள்ள 7 பேரை தேடி வருகின்றனர்.

திருவண்ணாமலை, செய்யாறில் விழா 4,300 பயனாளிகளுக்கு ₹25 கோடி மதிப்பிலான திருமண நிதியுதவி அமைச்சர் வழங்கினார்

திருவண்ணாமலை, டிச.16: திருவண்ணாமலை, செய்யாறில் சமூக நலத்துறை சார்பில் 4300 பயனாளிகளுக்கு ₹25 கோடி மதிப்பிலான திருமண நிதி உதவியை அமைச்சர் சேவூர் எஸ்.ராமச்சந்திரன் வழங்கினார்.திருவண்ணாமலையில் சமூக நலத்துறை சார்பில் பயனாளிகளுக்கு திருமண நிதியுதவி தொகை வழங்கும் விழா வேங்கிக்காலில் நேற்று நடந்தது. விழாவிற்கு கலெக்டர் கே.எஸ்.கந்தசாமி தலைமை தாங்கினார். எம்பி வனரோஜா, எம்எல்ஏ தூசி கே.மோகன் ஆகியோர் முன்னிலை வகித்தனர். சிறப்பு அழைப்பாளராக இந்து சமய அறநிலையத்துறை அமைச்சர் சேவூர் எஸ்.ராமச்சந்திரன் கலந்து கொண்டார்.பின்னர் 2,258 பயனாளிகளுக்கு ₹7.90 கோடி மதிப்பில் திருமண நிதியுதவி உட்பட மொத்தம் ₹13.40 கோடி மதிப்பில் நிதியுதவி வழங்கி அமைச்சர் சேவூர்.ராமச்சந்திரன் பேசினார்.அதேபோல், செய்யாறு, அனக்காவூர், வெம்பாக்கம், ஆரணி, மேற்கு ஆரணி, சேத்துப்பட்டு, பெரணமல்லூர், வந்தவாசி, தெள்ளார் ஆகிய ஒன்றியங்களை சேர்ந்த 2,042 பயனாளிகளுக்கு சமூக நலத்துறை சார்பில் திருமண நிதி உதவி திட்டத்தின் கீழ் பயனாளிகளுக்கு நிதி, தாலிக்கு தங்கம் வழங்கும் நிகழ்ச்சி நேற்று நடந்தது.நிகழ்ச்சிக்கு மாவட்ட சமூக நலத்துறை அலுவலர் கிறிஸ்டினா தா.டார்த்தி தலைமை தாங்கினார். ஆரணி எம்பி செஞ்சி வெ.ஏழுமலை முன்னிலை வகித்தார். சிறப்பு விருந்தினர்களாக அமைச்சர் சேவூர் எஸ்.ராமச்சந்திரன், செய்யாறு எம்எல்ஏ தூசி கே.மோகன் ஆகியோர் 2042 பயனாளிகளுக்கு நிதி உதவியாக ₹7 கோடி 21 லட்சத்து 25 ஆயிரம் தாலிக்கு தங்கம் (8 கிராம்), ₹4 கோடியே 97 லட்சத்து 65 ஆயிரத்து 582 என மொத்தம் ₹12 கோடியே 19 லட்சம் நிதியுதவி தாலிக்கு தங்கம் வழங்கினர்.திருவண்ணாமலை மற்றும் செய்யாறில் சமூக நலத்துறை சார்பில் நேற்று நடந்த விழாவில் மொத்தம் 4,300 பயனாளிகளுக்கு ₹25 கோடி மதிப்பிலான திருமண நிதி உதவி வழங்கப்பட்டது.

செங்கத்தில் நடைபெறும் 8 வழிச்சாலைக்கான கருத்துக்கேட்பு கூட்டத்திற்கு எதிர்ப்பு தெரிவிப்போம் விவசாயிகள் கூட்டத்தில் ஒருமனதாக முடிவு

செங்கம், டிச.12: செங்கத்தில் நடைபெறும் 8வழிச்சாலைக்கான கருத்துக்கேட்பு கூட்டத்திற்கு எதிர்ப்பு தெரிவிப்போம் என்று விவசாயிகள் கூட்டத்தில் ஒருமனதாக முடிவு செய்யப்பட்டது. சென்னை முதல் சேலம் வரை 8 வழி பசுமைச்சாலை திட்டத்திற்கு விவசாயிகள் அமைப்பின் சார்பில் நீதிமன்றத்தில் வழக்கு தொடரப்பட்டது. நீதிமன்றம் இந்த வழக்கை தடைசெய்த நிலையில் கடந்த சில நாட்களுக்கு முன்பு அதிகாரிகள் மீண்டும் விவசாய நிலங்களில் உள்ள மரங்களை கணக்கெடுத்து வனத்துறையினர் முலம் மரங்களில் பெயின்ட்டில் குறியீடு எண் பதிவு செய்யும் பணியில் ஈடுபட்டனர். இந்த பணியை அனைத்து விவசாயிகளும் தடுத்து, ஆவேசத்துடன் எதிர்ப்பு தெரிவித்தனர். அதனால் அந்த பணிகள் பாதியில் நின்றது. இருப்பினும் வனத்துறையினர் எங்களுக்கு உயர் அதிகாரிகள் வழங்கிய பணிகளை நாங்கள் செய்ய வந்தோம். நீங்கள் தடுத்து விட்டீர்கள். ஆனால் எங்களின் உயர் அதிகாரிகள் மீண்டும் நேரில் வந்து பணிகளை தொடர்வார்கள் என்று தெரிவித்தனர்.இதைதொடர்ந்து 2ம் கட்டமாக 8 வழிச்சாலை திட்டத்திற்கு செங்கம் தாலுகாவில் நிலம் கையகப்படுத்தவர்களுக்கு அரசு துறையினால் கடிதம் வழங்கப்பட்டு உள்ளது. இதில் கடிதம் கிடைத்த 21 நாட்களுக்குள் விவசாயிகள் கருத்து கேட்பு கூட்டத்தில் கலந்து கொண்டு கருத்து தெரிவிக்கலாம் என தெரிவிக்கப்பட்டது.இந்நிலையில் செங்கம் தாலுகாவில் உள்ள விவசாயிகள் சுமார் 30க்கும் மேற்பட்டோர் நேற்று செங்கம் அடுத்த பெரும்பட்டம் கிராமத்தில் ஒன்று திரண்டு தற்போது நீதிமன்றத்தால் 8 வழி சாலைக்கு தடை உத்தரவு வழங்கப்பட்டது. இந்நிலையில் மீண்டும் அரசு துறை அதிகாரிகள் நிலம் எடுக்கும் பணியில் ஈடுபட்டு வருகின்றனர். அதனை எப்படி எதிர் கொள்வது, கருத்துக்கேட்பு கூட்டத்தில் கலந்து கொண்டு என்ன கருத்துகளை பதிவு செய்வது, கோரிக்கை மனு அளிப்பது என்பது குறித்து விவசாயிகள் ஆலோசனை செய்தனர். தொடர்ந்து 21 நாட்களுக்கு பிறகு நடைபெறும் கருத்துக்கேட்பு கூட்டத்தில் பங்கேற்காமல் ஒட்டுமொத்தமாக 8வழிச்சாலைக்கு எதிர்ப்பு தெரிவித்து நீதிமன்றம் மூலம் தீர்வு காணலாம் என ஒருமனதாக முடிவு செய்யப்பட்டதாக விவசாயிகள் தெரிவித்தனர்.

திருவண்ணாமலையில் வீடுகட்ட அனுமதி பெற்ற இடத்தில் முறைகேடாக திருமண மண்டபம் கட்டி மோசடி

* மாவட்ட நீதிபதி ஆய்வில் அதிர்ச்சி * மண்டபத்துக்கு ‘சீல்’ வைத்ததால் பரபரப்புதிருவண்ணாமலை, டிச.12: திருவண்ணாமலையில் வீடுகட்ட அனுமதி பெற்று, முறைகேடாக திருமண மண்டபம் கட்டியது நீதிபதி ஆய்வில் கண்டுபிடிக்கப்பட்டது. எனவே, திருமண மண்டபத்துக்கு சீல் வைக்கப்பட்டது. திருவண்ணாமலை பஸ் நிலையம் எதிரில் உள்ள புதுத்தெரு 10வது குறுக்குத் தெருவில், அனுமதியின்றி திருமண மண்டபம் செயல்படுவதாக, மாவட்ட சட்டப்பணிகள் ஆணைக்குழுவுக்கு புகார் கிடைத்தது. மேலும், தகவல் அறியும் உரிமை சட்டத்தின் கீழ், திருமண மண்டபத்துக்கு உரிய அனுமதி வழங்கவில்லை என நகராட்சி நிர்வாகம் தெரிவித்த ஆதாரத்தையும் ஆணைக்குழுவிடம் ஒப்படைக்கப்பட்டது. அதைத்தொடர்ந்து, திருவண்ணாமலை மாவட்ட நீதிபதி மகிழேந்தி, புதுத்தெருவில் அனுமதியின்றி இயங்கிய திருமண மண்டபத்தை நேற்று மாலை திடீர் ஆய்வு செய்தார். மேலும், இந்த மண்டபத்தில் கடந்த சில ஆண்டுகளாகவே திருமணங்கள் நடத்தப்பட்டிருப்பதும், திருமணங்கள் நடத்த முன்பதிவு செய்திருப்பதும் உறுதி செய்யப்பட்டது.அதைத்தொடர்ந்து, அங்கிருந்த திருமண மண்டப ஊழியரிடம், திருமண மண்டபத்துக்கான அனுமதி பெற்ற ஆவணங்கள் ஏதேனும் இருக்கிறதா என நீதிபதி விசாரித்தார். ஆனால், அனுமதி பெற்றதற்கான எந்த ஆவணமும் அவர்களிடம் இல்லை. எனவே, திருமண மண்டபத்தின் உரிமையாளரை அழைத்து விசாரிக்க நீதிபதி முயற்சித்தார். ஆனால், அவர் வெளியூர் சென்றிருப்பதாக மண்டப ஊழியர்கள் தெரிவித்தனர். அதைத்தொடர்ந்து, திருவண்ணாமலை நகராட்சி அலுவலகத்தை தொடர்பு கொண்டு மாவட்ட நீதிபதி மகிழேந்தி விசாரித்தார். அப்போது, சர்தார் மனைவி ஷாகீராபீ என்பர் கடந்த 2009ம் ஆண்டு அளித்த விண்ணப்பத்தின் பேரில், வீடு கட்டுவதற்கு மட்டுமே அனுமதி வழங்கப்பட்டுள்ளதாகவும், திருமண மண்டபம் கட்ட அனுமதியில்லை என்றும் நகராட்சி நிர்வாகம் தரப்பில் விளக்கம் அளிக்கப்பட்டது.அதேபோல், முறைகேடாக ஆவணங்களை அளித்து மின் இணைப்பு பெற்றிருப்பதும், நீதிபதியின் நேரடி ஆய்வில் தெரியவந்தது. ஒரு கட்டிடத்துக்கு 4 விதமான மின் கட்டண அட்டைகளை, அங்கிருந்த ஊழியர்கள் வைத்திருந்தது அதிர்ச்சியை ஏற்படுத்தியது. திருமண மண்டபம் கட்டுவதற்கான அனுமதியை நகராட்சியிடம் பெறாமல், வீடு கட்ட வழங்கிய அனுமதியை முறைகேடாக பயன்படுத்தி திருமண மண்டபம் நடத்தியதை அறித்து நீதிபதி அதிர்ச்சி அடைந்தார். மேலும், திருமண மண்டபம் அமைவதற்கான எந்தவித அடிப்படை கட்டமைப்பு வசதியும் அந்த இடத்தில் இல்லை என்பதையும் தம்முடைய ஆய்வில் நீதிபதி உறுதி செய்தார்.எனவே, அனுமதியின்றி முறைகேடாக இயங்கிய திருமண மண்டபத்துக்கு, மாவட்ட நீதிபதி மகிழேந்தி சீல் வைத்தார். இது தொடர்பாக, மாவட்ட சட்டப்பணிகள் ஆணைக்குழு தொடர்ந்து விசாரணை மேற்கொள்ளும் என நீதிபதி தெரிவித்தார். மாவட்ட நீதிபதி நேரடி ஆய்வு நடத்தி, முறைகேடாக செயல்பட்ட திருமண மண்டபத்துக்கு சீல் வைத்த சம்பவம் பரபரப்பை ஏற்படுத்தியது.

சோமாசிபாடி, சந்தவாசலில் கிராம நிர்வாக அலுவலர்கள் கவன ஈர்ப்பு போராட்டம்

கண்ணமங்கலம், டிச.12: கண்ணமங்கலம் அடுத்த சந்தவாசல் வருவாய் ஆய்வாளர் அலுவலகம் அருகே, பல்வேறு கோரிக்கைகளை வலியுறுத்தி கிராம நிர்வாக அலுவலர்கள் அரசு கவன ஈர்ப்பு போராட்டம் நடத்தி பொதுமக்களிடம் துண்டு பிரசுரங்களை வழங்கினர். போராட்டத்திற்கு போளூர் வட்ட கிளை தலைவர் மகாலிங்கம் தலைமை வகித்தார். செயலாளர் தமிழ்ச்செல்வன், பொருளாளர் சங்கர் ஆகியோர் முன்னிலை வகித்தனர். துணைத் தலைவர் சுதாகர் அனைவரையும் வரவேற்றார். இதில் கிராம நிர்வாக அலுவலகத்தில் மின், கழிவறை, குடிநீர் வசதி ஏற்படுத்தி தரவேண்டும். பெண் கிராம நிர்வாக அலுவலர்களை அவரவர் சொந்த மாவட்டங்களில் பணிபுரிய மாறுதல் செய்ய அனுமதிக்க வேண்டும். 2013ம் ஆண்டு முதல் பொதுமக்கள் அனைவரும் சான்றிதழ்கள் இணையத்தில் பெற்று வருகின்றனர்.இதற்கான செலவினங்களை கிராம நிர்வாக அலுவலர்களே செய்து வருகின்றனர் அதற்கான கணினி இணையதள வசதி ஏற்படுத்தி தரவேண்டும். கிராம நிர்வாக அலுவலர்களுக்கான காலிப்பணியிடங்களை நிரப்ப வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கோஷங்கள் எழுப்பினர். பின்னர் பொதுமக்களிடம் துண்டு பிரசுரங்களை வழங்கினர். கூட்டத்தில் விஏஓக்கள் சசிகுமார், சம்பத், சுந்தரவள்ளி, மீனா, ரேணு, அருண்பிரசாத், பச்சியம்மாள், சரவணன், கோவிந்தராஜன் உட்பட 31 பேர் கலந்து கொண்டனர். இதேபோல், கீழ்பென்னாத்தூர் அடுத்த சோமாசிபாடி கிராமத்தில் உள்ள பேருந்து நிறுத்தம் அருகில் வட்ட தலைவர் சுப்பிரமணி தலைமையில் போராட்டம் நடந்தது. வட்ட செயலாளர் பிரவீன் முன்னிலை வகித்தார். திருவண்ணாமலை கோட்ட செயலாளர் பாக்கியராஜ் போராட்டத்தின் நோக்கம் குறித்து விளக்கி பேசினார். இதில் செய்தி தொடர்பாளர் சுதாகர், பெருளாளர் உதயகுமார் மற்றும் 23க்கும மேற்பட்ட கிராம நிர்வாக அலுவலகர்கள் கலந்து கொண்டனர்.

கலசபாக்கம் அடுத்த மருத்துவாம்பாடி கிராமத்தில பழுதான டிரான்ஸ்பார்மரை மாற்றக்கோரி ஆர்ப்பாட்டம் அதிகாரிகள் சமரசம்

திருவண்ணாமலை, டிச.12: கலசபாக்கம் அருகே டிரான்பார்மர் பழுதடைந்து 15 நாட்களாகியும் சீரமைக்க நடவடிக்கை எடுக்காததால் ஆத்திரமடைந்த பொதுமக்கள் நேற்று ஆர்ப்பாட்டத்தில் ஈடுபட்டனர். கலசபாக்கம் அடுத்த மருத்துவாம்பாடி கிராமத்தில் 200க்கும் மேற்பட்ட குடியிருப்புகள் உள்ளது. இப்பகுதி விவசாயிகள் கரும்பு, நெல், மணிலா உள்ளிட்ட விவசாயம் மேற்கொண்டு வருகின்றனர். சுமார் 47 விவசாய பம்பு செட்டுகள் உள்ளது. இந்நிலையில், கடந்த சில நாட்களுக்கு முன்பு அப்பகுதியில் உள்ள டிரான்ஸ்பார்மர் (மின்மாற்றி) திடீரென பழுதடைந்தது. 15 நாட்களாகியும் பழுதடைந்த டிரான்ஸ்பார்மரை அதிகாரிகள் சீரமைக்காமல் கிடப்பில் போடப்பட்டுள்ளதாக தெரிகிறது. டிரான்ஸ்பார்மர் பழுதடைந்து போனதால் விவசாய பயிர்கள் பாதிக்கப்பட்டுள்ளது. மேலும் குடிநீருக்காக பொதுமக்கள் அலைமோதி நிலை ஏற்பட்டது. வீட்டு இணைப்புகளுக்கு மட்டும் அருகில் உள்ள மற்றொரு டிரான்ஸ்பார்மர் மூலம் மின் இணைப்பு வழங்கப்பட்டுள்ளதாக கிராம மக்கள் தெரிவித்தனர்.இந்நிலையில் 15 நாட்களாகியும் டிரான்ஸ்பார்மரை சரிசெய்ய அதிகாரிகள் நடவடிக்கை எடுக்காததால் ஆத்திரமடைந்த கிராமமக்கள் நேற்று பழுதடைந்த டிரான்ஸ்பர்மர் முன் ஆர்ப்பாட்டத்தில் ஈடுபட்டனர். இதுகுறித்து தகவலறிந்து வந்த அதிகாரிகள் உரிய நடவடிக்கை எடுப்பதாக தெரிவித்ததை தொடர்ந்து அனைவரும் கலைந்து சென்றனர். இதுகுறித்து மின்வாரிய துறை அதிகாரிகளிடம் கேட்டபோது, மின்வாரிய ஊழியர்கள் கஜா புயல் மீட்பு பணிக்கு சென்றதால் ஊழியர் பற்றாக்குறை உள்ளது. டிரான்ஸ்பார்மரை சீரமைக்க நடவடிக்கை எடுக்கப்பட்டுள்ளது என தெரிவித்தனர்.

ஆரணி அருகே தாய் கண்முன்னே பரிதாபம் பள்ளி பஸ்சில் சிக்கி குழந்தை பலி

ஆரணி, டிச.12: ஆரணி அருகே பள்ளி பஸ்சில் சிக்கிய குழந்தை தனது தாய் கண்முன்னே பரிதாபமாக இறந்தது. திருவண்ணாமலை மாவட்டம் ஆரணி அடுத்த சிறுமூர் கிராமத்தை சேர்ந்தவர் அருள்மணி(30), விவசாயி. இவரது மனைவி கனகா(28). மகள் பவ(6), மகன் கேசவர்ணா(3). பவ ஆரணி அடுத்த ராட்டிணமங்கலம் பகுதியில் உள்ள தனியார் பள்ளியில் படித்து வருகிறாள். நேற்று காலை 8.30 மணியளவில் பள்ளிக்கு புறப்பட்ட பவயை அவரது தாய் அழைத்து வந்தார். அவர்களுடன் கேசவர்ணாவும் வந்தான்.அங்கு வந்த பள்ளி பஸ்சில் பவ ஏறியவுடன் பஸ் புறப்பட்டது. அப்போது பஸ்சின் பின் சக்கரத்தில் சிக்கிய கேசவர்ணா உடல் நசுங்கி படுகாயம் அடைந்தான். இதை பார்த்து அதிர்ச்சி அடைந்த தாய் கனகா மற்றும் அக்கம் பக்கத்தினர் குழந்தையை மீட்டு வேலூர் அரசு மருத்துவமனைக்கு கொண்டு சென்றனர். ஆனால் வழியிலேயே கேசவர்ணா பரிதாபமாக இறந்தான். இதுகுறித்து தகவலறிந்த ஆரணி தாலுகா போலீசார் சம்பவ இடத்திற்கு சென்று சடலத்தை மீட்டு பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர். மேலும் வழக்குப்பதிந்து டிரைவர் விஜயகுமார் என்பவரை கைது செய்து விசாரணை நடத்தி வருகின்றனர்.

திருவண்ணாமலையில் சட்டவிரோத கருகலைப்பு மையம் நடத்திய) போலி பெண்டாக்டர், அவரது கணவரை போலீஸ் காவலில் எடுத்து விசாரிக்க முடிவு

திருவண்ணாமலை, டிச.12: திருவண்ணாமலையில் சட்டவிரோத கருகலைப்பு மையம் நடத்தி கைதான ஆனந்தி மற்றும் அவரது கணவரை போலீஸ் காவலில் எடுத்து விசாரிக்க முடிவு செய்யப்பட்டுள்ளது. கருகலைப்புக்கு உதவிய ஏஜென்டுகள் மீது நடவடிக்கை எடுக்க போலீசார் திட்டமிட்டுள்ளனர். திருவண்ணாமலை வேங்கிக்கால் பொன்னுசாமி நகரில், புதியதாக கட்டியுள்ள அடுக்குமாடி பங்களாக வீட்டில், சட்டவிரோத கருகலைப்பு நடத்திய ஆனந்தி(51), அவரது கணவர் தமிழ்ச்செல்வன்(52) மற்றும் ஆட்டோ டிரைவர் சிவக்குமார்(48) ஆகியோர் கடந்த 1ம் தேதி அதிரடியாக கைது செய்யப்பட்டனர். அதைத்தொடர்ந்து, அவரது வீடடை சோதனையிட்ட கலெக்டர் கே.எஸ்.கந்தசாமி, எஸ்பி சிபிசக்கரவர்த்தி ஆகியோர், இந்த வழக்கின் விசாரணையை தீவிரப்படுத்தினர். மேலும், ஆனந்திக்கு சொந்தமான பல கோடி ரூபாய் மதிப்பிலான சொத்துக்கள், வங்கிக் கணக்குகள் முடக்கப்பட்டுள்ளன.மேலும், இதுதொடர்பாக அமைக்கப்பட்டுள்ள விசாரணைக்குழு நடத்திய விசாரணையில், தமிழகம் முழுவதும் ஏராளமான ஏஜென்டுகள், கருகலைப்புக்்கு உதவியிருப்பதும், பல்வேறு மாவட்டங்களில் இருந்து கருகலைப்புக்காக பெண்களை ஆனந்தியிடம் அனுப்பி வைத்ததும் உறுதி செய்யப்பட்டுள்ளது. எனவே, பெண் சிசு கருக்கொலைக்கு காரணமான ஏஜென்டுகளை கைது செய்து விசாரணை நடத்த முடிவு செய்யப்பட்டுள்ளது. அதையொட்டி, தற்போது சிறையில் அடைக்கப்பட்டுள்ள ஆனந்தி மற்றும் அவரது கணவர் தமிழ்ச்செல்வன் ஆகியோரை, 2 நாட்கள் போலீஸ் காவலில் எடுத்து விசாரணை நடத்த போலீசார் முடிவு செய்துள்ளனர். சட்ட விரோத கருகலைப்புக்கு உதவியவர்கள் யார், ஆனந்திக்கு வேறு மாவட்டங்களில் சட்டவிரோத கருகலைப்பு மைய கிளைகள் இருந்ததா என்பன உள்ளிட்ட பல்வேறு தகவல்களை ஆனந்தியிடம் பெறுவதற்காக போலீஸ் காவலில் எடுக்க முடிவு செய்திருப்பதாக தெரிகிறது.மேலும், சென்னையில் வீட்டு வசதி வாரியத்தில் உதவி பொறியாளராக பணிபுரியும் ஆனந்தியின் கணவர் தமிழ்ச்செல்வன், கடந்த 2016ம் ஆண்டுக்கு பிறகு, தொடர்ந்து பணிக்கு செல்லவில்லை. முறையாக விடுமுறை கடிதமும் கொடுக்கவில்லை. துறையில் இருந்து அனுப்பிய கடிதங்களுக்கு விளக்கமும் அளிக்கவில்லை எனவும் தெரியவந்துள்ளது. எனவே, சட்டவிரோத கருகலைப்பில் தமிழ்ச்செல்வனுக்கும் முக்கிய பங்கிருக்கும் என விசாரணைக் குழுவினர் சந்தேகிக்கின்றனர். அதனால், போலீஸ் காவலில் எடுத்து விசாரணை நடத்தினால், பல்வேறு அதிர்ச்சியான தகவல்கள் வெளியாகும் என எதிர்பார்க்கப்படுகிறது.

திருவண்ணாமலை மாவட்டத்தில் 454 விஏஓக்கள் காலவரையற்ற வேலைநிறுத்தம் வருவாய்த்துறை பணிகள் பாதிப்பு

திருவண்ணாமலை, டிச.11: திருவண்ணாமலை மாவட்டத்தில் 454 விஏஓக்கள் காலைவரையற்ற வேலைநிறுத்த போராட்டத்தில் ஈடுபட்டு உள்ளதால் வருவாய்த்துறை பணிகள் பாதிக்கப்பட்டது.தமிழகம் முழுவதும் சுமார் 10 ஆயிரத்துக்கும் மேற்பட்ட கிராம நிர்வாக அலுவலர்கள் (விஏஓக்கள்) பணியாற்றி வருகிறார்கள். சாதிச்சான்று, வருமானச்சான்று, முதல்பட்டதாரி சான்று, பட்டா போன்றவற்றை வழங்குவதுடன், வருவாய்த்துறை சம்பந்தப்பட்ட அனைத்து நடவடிக்கைகளும் விஏஓக்கள் மூலமே மேற்கொள்ளப்படுகிறது. ஆனால் விஏஓ அலுவலகங்களில் அடிப்படை வசதிகள் ஏதும் முறையாக இல்லை. இதனால் அடிப்படை வசதிகள் செய்து தரக்கோரியும், பணியிடங்கள் சீரமைப்பு, இடமாறுதல் வழங்குதல் உள்ளிட்ட 21 அம்ச கோரிக்கைகளை வலியுறுத்தி, பல்ேவறு கட்ட போராட்டங்களை விஏஓக்கள் நடத்தி வருகின்றனர். இதன் ஒருபகுதியாக நேற்று முதல் காலவரையற்ற போராட்டத்தில் ஈடுபடப்போவதாக அறிவித்து இருந்தனர்.அதன்படி நேற்று தமிழகம் முழுவதும் 7 ஆயிரம் விஏஓக்கள் காலவரையற்ற வேலைநிறுத்த போராட்டத்தில் பங்கேற்று, பணிக்கு செல்லவில்லை. இதனால் நேற்று வருவாய்த்துறை பணிகள் கடுமையாக பாதிக்கப்பட்டது. மக்களுக்கு பல்வேறு சான்றுகளை வழங்கும் பணி முற்றிலும் முடங்கியது. திருவண்ணாமலை மாவட்டத்தை பொருத்தவரை 454 விஏஓக்கள் நேற்று பணிக்கு செல்லவில்லை.ஸ்டிரைக் குறித்து தமிழ்நாடு கிராம நிர்வாக அலுவலர்கள் சங்க நிர்வாகிகள் கூறுகையில் `விஏஓவாக பணியாற்றி வரும் நபர்களில் 50 சதவீதம் பேர் பெண்கள். வெவ்வேறு மாவட்டங்களில் பணியாற்றி வரும் இவர்களுக்கு இடமாறுதல் வழங்க வேண்டும் என ஸ்டிரைக்கை தொடங்கி உள்ளோம். அடுத்து `உரிமைகளை தேடி' என்ற தலைப்பில் வருகிற 13, 14 தேதிகளில் காலை, மாலையில தாலுகா அலுவலகங்களின் முன் ஆர்ப்பாட்டம் நடத்தப்படும். அதைத்ெதாடர்ந்து `மாவட்ட தலைநகரம் தேடி'' என்ற தலைப்பில் வருகிற 17 மற்றும் 18ம் தேதிகளில் அந்தந்த மாவட்ட கலெக்டர் அலுவலகம் நோக்கி பேரணி செல்ல முடிவு செய்துள்ளோம். எங்களுடைய கோரிக்கை நிறைவேற்றும் வரை காலைவரையற்ற வேலைநிறுத்த போராட்டத்தில் ஈடுபட முடிவு செய்துள்ளோம். இவ்வாறு அவர்கள் கூறினர். இந்த போராட்டத்தில் கிராம நிர்வாக அலுவலர்கள் முன்னேற்ற சங்கம் கலந்து கொள்ளவில்லை.தண்டராம்பட்டு: தண்டராம்பட்டு தாலுகா அலுவலகம் முன் நேற்று காலை முதல் மாலை 6 மணி வரை கிராம நிர்வாக சங்க வட்டத் தலைவர் முத்து, செயலாளர் வெங்கடாசலம், பொருளாளர் சம்பத் உட்பட 20க்கும் மேற்பட்ட கிராம நிர்வாக அலுவலர்கள் காத்திருப்பு போராட்டத்தில் ஈடுபட்டனர்.வேட்டவலம்: கீழ்பென்னாத்தூர் தாலுகா அலுவலகம் அருகே தமிழ்நாடு கிராம நிர்வாக அலுவலர்கள் சங்கம் சார்பில் காலவரையற்ற வேலை நிறுத்த போராட்டம் நேற்று நடந்தது. போராட்டத்திற்கு வட்ட தலைவர் சுப்பிரமணியன் தலைமை தாங்கினார். மாவட்ட ஒருங்கிணைப்பாளர் ஏங்கல்ஸ் பிரபு முன்னிலை வகித்தார்.போரட்டத்தின் நோக்கங்களை செயலாளர் பிரவின் குமார், செய்தி தொடர்பாளர் சுதாகர் ஆகியோர் விளக்கி பேசினர். இதில் போராட்ட குழு தலைவர் ஐங்கரன், பொருளாளர் உதயகுமார் உட்பட 26க்கும் மேற்பட்ட கிராம நிர்வாக அலுவலர்கள் கலந்து கொண்டனர். மேலும் காலவரையற்ற வேலை நிறுத்த போராட்டம் குறித்த ஆர்ப்பாட்டம் இன்று (செவ்வாய்கிழமை) சோமாசிபாடியிலும், நாளை (புதன்கிழமை) வேட்டவலத்திலும் என்று போராட்ட குழுவினர் தெரிவித்தனர்.செய்யாறு: செய்யாறு அடுத்த வெம்பாக்கம் தாலுகா அலுவலம் எதிரில் கிராம நிர்வாக அலுவலர்கள் கோரிக்கைகளை வலியுறுத்தி போராட்டத்தில் ஈடுபட்டனர். வெம்பாக்கம் வட்ட கிளை தலைவர் எம்.கிருஷ்ணன் தலைமை தாங்கினார். செயலாளர் டி.சீனிவாசன் வரவேற்றார். மாவட்ட இணை செயலாளர் எஸ்.கோதண்டராமன், மாவட்ட போராட்டக் குழு தலைவர் எஸ்.கோகுலராமன், வட்ட பொருளாளர் இ.கோடீஸ்ரன் ஆகியோர் போரட்டத்தின் அம்சங்கள் குறித்து பேசினர்.

கணவருடன் சேர்த்து வைக்கக்கோரி கலெக்டர் அலுவலகத்தில் பரபரப்பு

திருவண்ணாமலை, டிச.11: திருவண்ணாமலை கலெக்டர் அலுவலகத்தில் நேற்று நடந்த குறைதீர்வு கூட்டத்தில், கணவருடன் சேர்த்து வைக்க நடவடிக்கை எடுக்கக்கோரி மனு அளிக்க வந்த மாத்திரை சாப்பிட்டு வந்த கர்ப்பிணி மயங்கி விழுந்ததால் பரபரப்பு ஏற்பட்டது.திருவண்ணாமலை கலெக்டர் அலுவலகத்தில் வாராந்திர மக்கள் குறைதீர்வு கூட்டம் நேற்று கலெக்டர் கே.எஸ்.கந்தசாமி தலைமையில் நடந்தது. கூட்டத்தில் ஏராளமான பொதுமக்கள் தங்களது கோரிக்கை மனுக்களை அளித்தனர். இந்நிலையில், கலெக்டர் அலுவலகத்தில் மனு அளிக்க வந்த இளம்பெண் ஒருவர் மனுக்கள் பதிவு செய்யும் பெண்கள் வரிசையில் காத்திருந்தார். அப்போது அவர் திடீரென மயங்கி விழுந்தார். இதனை பார்த்த அருகில் இருந்தவர்கள் மற்றும் போலீசார் உடனடியாக ஓடிவந்து இளம்பெண்ணை மீட்டு மீட்டு தண்ணீர் கொடுத்தனர். அப்போதும் அவர் லேசான மயக்க நிலையிலேயே இருந்தார். இதையடுத்து போலீசார் அவரிடம் விசாரித்தபோது, திருவண்ணாமலை அரசமரத்தெருவை சேர்ந்த ராமன் என்பவரின் மனைவி சித்ரா(30) என்பதும், தனது கணவருடன் சேர்ந்து வாழ அவரது உறவினர் இடையூராக இருந்து வருவதால், மனவேதனையில் வரும்போதே அதிகளவு தைராய்டு மாத்திரைகள் சாப்பிட்டுவிட்டு வந்ததாக தெரிவித்தார். இதையடுத்து அவரை உடனடியாக மீட்டு ஆட்டோவில் திருவண்ணாமலை அரசு மருத்துவமனைக்கு அழைத்து சென்றனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து இளம்பெண் கலெக்டரிடம் அளிக்க வைத்திருந்த மனுவில் கூறியிருப்பதாவது: எனது முதல் கணவர் இறந்துவிட்டதால், அதன்பிறகு பேஸ்புக் மூலம் அறிமுகமான ராம் என்பரை இரண்டாவது திருமணம் செய்து கொண்டேன். இவர் என்னைவிட 3 வயது சிறியவர். திருமணத்திற்கு பிறகு இருவரும் மகிழ்ச்சியாக வாழ்ந்து வந்தோம். இந்நிலையில் கடந்த சில நாட்களாக எனது மாமியார் வீட்டில் என்னை வேண்டாம் என்கின்றார்கள். எனது கனவரை என்னுடன் வாழ விடாமல் செய்து வருகின்றார்கள். எனது வீட்டிலும் என்னை சேர்க்கவில்லை. தற்போது நான் இரண்டு மாத கர்ப்பிணியாக உள்ளேன். கருவில் இருக்கும் சிசுவை கலைக்க சொல்லி வருகிறார்கள். எனவே என்னை காப்பாற்றி எனது கணவருடன் சேர்ந்து வாழ வழிவகை செய்ய வேண்டும். இவ்வாறு அந்த மனுவில் தெரிவித்துள்ளார்.இளம்பெண் வைத்திருந்த மனுவினை போலீசார் பெற்று சமூக பாதுகாப்பு திட்ட தாசில்தார் உமாமகேஸ்வரியிடம் வழங்கினர். இதுகுறித்து திருவண்ணாமலை கிழக்கு போலீசார் விசாரணை நடத்தி வருகின்றனர். மனு அளிக்க வரிசையில் காத்திருந்த இளம்பெண் திடீரென மயங்கி விழுந்த சம்பவம் பெரும் பரபரப்பை ஏற்படுத்தியது.

திருவண்ணாமலையில் பெண்ணை தாக்கிய சகோதரர்கள் மீது வழக்கு

திருவண்ணாமலை, டிச.11: திருவண்ணாமலையில் பெண்ணை தாக்கிய சகோதரர்கள் மீது போலீசார் வழக்குப்பதிவு செய்து விசாரணை நடத்தி வருகின்றனர்.திருவண்ணாமலை அடுத்த கீழ்நாத்தூரை சேர்ந்தவர் ஏழுமலை. இவரது மனைவி கோணகுப்பத்தாள்(60). அதே பகுதியை சேர்ந்தவர்கள் ராஜூ, தவக்குமார். சகோதரர்களான இவர்களுக்கும், கோணகுப்பத்தாளுக்கும் இடையே கடந்த 2 ஆண்டுகளாக நிலத்தகராறு காரணமாக முன்விரோதம் இருந்து வந்தது. இந்நிலையில் கடந்த மாதம் 29ம்தேதி கோணகுப்பத்தாள் தனது வீட்டில் இருந்தார். அப்போது அங்கு வந்த ராஜூ, தவக்குமார் ஆகிய இருவரும் கோணகுப்பத்தாவிடம் தகராறு செய்து, ஆபாசமாக திட்டியுள்ளனர். இதை கோணகுப்பத்தாளின் மகள் சோனியா தட்டிக்கேட்டார். இதனால் ஆத்திரம் அடைந்த சகோதரர்கள் இருவரும் சோனியாவை சரமாரியாக தாக்கியதாக கூறப்படுகிறது.இதுகுறித்து நேற்றுமுன்தினம் திருவண்ணாமலை கிழக்கு போலீசில் கோணகுப்பத்தாள் புகார் செய்தார். அதன்பேரில் சகோதரர்கள் இருவர் மீதும் போலீசார் வழக்குப்பதிவு செய்து விசாரணை நடத்தி வருகிறார்கள்.

குழந்தைகள் மீதான வன்முறையை தடுக்கக்கோரி

திருவண்ணாமலை, டிச.11: திருவண்ணாமலையில் பெண்கள் மற்றும் குழந்தைகள் மீதான வன்முறையை தடுத்து நிறுத்தக்கோரி பெண்கள் இணைப்புக்குழுவினர் நேற்று ஆர்ப்பாட்டத்தில் ஈடுபட்டனர்.திருவண்ணாமலை அண்ணாசிலை அருகே நேற்று தமிழ்நாடு பெண்கள் இணைப்புக்குழு சார்பில் ஆர்ப்பாட்டம் நடந்தது. மாவட்ட பெண்கள் இணைப்புக்குழு ஒருங்கிணைப்பாளர் எஸ்.சுமதி தலைைம தாங்கினார். ஆர்ப்பாட்டத்தை விளக்கி, மாநில பொருளாளர் ேஜாஸ்பின், வக்கீல் முகமது அலி, திருவள்ளூர் மாவட்ட ஒருங்கிணைப்பாளர் சந்திரா, முத்தமிழ் கலைமன்ற தலைவர் முருகையன், பாரம்பரிய பறை இசை நல கலைஞர்கள் சங்க செயலாளர் முருகராகன் உள்பட பலர் பேசினர்.பெண் உரிமையும், மனித உரிமையாக மதிக்க வேண்டும். பெண்கள் மற்றும் குழந்தைகள் மீதான வன்முறை தடுத்து நிறுத்த வேண்டும். வயது வித்தியாசம் பார்க்காமல் பாலியல் வன்முறை செய்பவர்கள் கடுமையாக தண்டிக்கப்பட வேண்டும். மத்திய, மாநில அரசுகள் பூரண மதுவிலக்கை அமல்படுத்த வேண்டும் என்பது உள்பட பல்வேறு கோரிக்கைகளை வலியுறுத்தி கோஷங்கள் எழுப்பினர். இதில் திரளான பெண்கள் இணைப்புக்குழுவை சேர்ந்தவர்கள் கலந்து கொண்டனர். முடிவில் பெண்கள் இணைப்புகுழு நிர்வாகி அனிதா நன்றி கூறினார்.

செய்யாறு வேளாண்மை விரிவாக்க மையம் பூட்டியே கிடப்பதால் விதைகள் வாங்க முடியாமல் விவசாயிகள் அவதி

செய்யாறு, டிச.11: செய்யாறு வேளாண்மை விரிவாக்க மையம் நேற்று பூட்டி கிடந்ததால், விவசாயிகள் விதைகள் வாங்க முடியாமல் அவதிப்பட்டனர்.செய்யாறு வட்டார வளர்ச்சி அலுவலகம் பின்புறத்தில் உள்ள வேளாண்மை விரிவாக்க மையத்தில் நெல், மணி, உளுந்து போன்ற விதைகள், உரங்கள் விவசாயிகளுக்கு வழங்கப்படுகிறது.இந்நிலையில் கடந்த ஒரு வாரமாக அலுவலகம் சரிவர திறப்பதில்லை. இதனால் பாப்பாந்தாங்கல், சேராம்பட்டு, முக்கூர், வாக்கடை, பெருமாந்தாங்கல், முருகத்தான்பூண்டி, பாராசூர் போன்ற கிராமங்களிலிருந்து வந்த விவசாயிகள், விதைகளை வாங்க முடியாமல் பலமணி நேரம் காத்திருந்து, வெறுங்கையோடு திரும்பி செல்கின்றனர். அலுவலகத்தின் வெளியே காத்திருந்த விவசாயிகள் புகார் பெட்டியில் மனுக்களை எழுதி போட்டனர். அப்போது விவசாயிகள் கூறுகையில், நாங்கள் தினமும் வந்து பார்க்கிறோம். எப்போது அலுவலகம் திறக்கிறார்கள், மூடுகிறார்கள் என்பது எங்களுக்கு தெரிவில்லை என்று விவசாயிகள் கூறினர்.

செய்யாறு வேளாண்மை விரிவாக்க மையம் பூட்டியே கிடப்பதால் விதைகள் வாங்க முடியாமல் விவசாயிகள் அவதி

செய்யாறு, டிச.11: செய்யாறு வேளாண்மை விரிவாக்க மையம் நேற்று பூட்டி கிடந்ததால், விவசாயிகள் விதைகள் வாங்க முடியாமல் அவதிப்பட்டனர்.செய்யாறு வட்டார வளர்ச்சி அலுவலகம் பின்புறத்தில் உள்ள வேளாண்மை விரிவாக்க மையத்தில் நெல், மணி, உளுந்து போன்ற விதைகள், உரங்கள் விவசாயிகளுக்கு வழங்கப்படுகிறது.இந்நிலையில் கடந்த ஒரு வாரமாக அலுவலகம் சரிவர திறப்பதில்லை. இதனால் பாப்பாந்தாங்கல், சேராம்பட்டு, முக்கூர், வாக்கடை, பெருமாந்தாங்கல், முருகத்தான்பூண்டி, பாராசூர் போன்ற கிராமங்களிலிருந்து வந்த விவசாயிகள், விதைகளை வாங்க முடியாமல் பலமணி நேரம் காத்திருந்து, வெறுங்கையோடு திரும்பி செல்கின்றனர். அலுவலகத்தின் வெளியே காத்திருந்த விவசாயிகள் புகார் பெட்டியில் மனுக்களை எழுதி போட்டனர். அப்போது விவசாயிகள் கூறுகையில், நாங்கள் தினமும் வந்து பார்க்கிறோம். எப்போது அலுவலகம் திறக்கிறார்கள், மூடுகிறார்கள் என்பது எங்களுக்கு தெரிவில்லை என்று விவசாயிகள் கூறினர்.

குழந்தைகள் மீதான வன்முறையை தடுக்கக்கோரி பெண்கள் இணைப்புக்குழுவினர் ஆர்ப்பாட்டம் திருவண்ணாமலையில் நடந்தது

திருவண்ணாமலை, டிச.11: திருவண்ணாமலையில் பெண்கள் மற்றும் குழந்தைகள் மீதான வன்முறையை தடுத்து நிறுத்தக்கோரி பெண்கள் இணைப்புக்குழுவினர் நேற்று ஆர்ப்பாட்டத்தில் ஈடுபட்டனர். திருவண்ணாமலை அண்ணாசிலை அருகே நேற்று தமிழ்நாடு பெண்கள் இணைப்புக்குழு சார்பில் ஆர்ப்பாட்டம் நடந்தது. மாவட்ட பெண்கள் இணைப்புக்குழு ஒருங்கிணைப்பாளர் எஸ்.சுமதி தலைைம தாங்கினார். ஆர்ப்பாட்டத்தை விளக்கி, மாநில பொருளாளர் ேஜாஸ்பின், வக்கீல் முகமது அலி, திருவள்ளூர் மாவட்ட ஒருங்கிணைப்பாளர் சந்திரா, முத்தமிழ் கலைமன்ற தலைவர் முருகையன், பாரம்பரிய பறை இசை நல கலைஞர்கள் சங்க செயலாளர் முருகராகன் உள்பட பலர் பேசினர்.பெண் உரிமையும், மனித உரிமையாக மதிக்க வேண்டும். பெண்கள் மற்றும் குழந்தைகள் மீதான வன்முறை தடுத்து நிறுத்த வேண்டும். வயது வித்தியாசம் பார்க்காமல் பாலியல் வன்முறை செய்பவர்கள் கடுமையாக தண்டிக்கப்பட வேண்டும். மத்திய, மாநில அரசுகள் பூரண மதுவிலக்கை அமல்படுத்த வேண்டும் என்பது உள்பட பல்வேறு கோரிக்கைகளை வலியுறுத்தி கோஷங்கள் எழுப்பினர். இதில் திரளான பெண்கள் இணைப்புக்குழுவை சேர்ந்தவர்கள் கலந்து கொண்டனர். முடிவில் பெண்கள் இணைப்புகுழு நிர்வாகி அனிதா நன்றி கூறினார்.

திருவண்ணாமலையில் பெண்ணை தாக்கிய சகோதரர்கள் மீது வழக்கு

திருவண்ணாமலை, டிச.11: திருவண்ணாமலையில் பெண்ணை தாக்கிய சகோதரர்கள் மீது போலீசார் வழக்குப்பதிவு செய்து விசாரணை நடத்தி வருகின்றனர். திருவண்ணாமலை அடுத்த கீழ்நாத்தூரை சேர்ந்தவர் ஏழுமலை. இவரது மனைவி கோணகுப்பத்தாள்(60). அதே பகுதியை சேர்ந்தவர்கள் ராஜூ, தவக்குமார். சகோதரர்களான இவர்களுக்கும், கோணகுப்பத்தாளுக்கும் இடையே கடந்த 2 ஆண்டுகளாக நிலத்தகராறு காரணமாக முன்விரோதம் இருந்து வந்தது. இந்நிலையில் கடந்த மாதம் 29ம்தேதி கோணகுப்பத்தாள் தனது வீட்டில் இருந்தார். அப்போது அங்கு வந்த ராஜூ, தவக்குமார் ஆகிய இருவரும் கோணகுப்பத்தாவிடம் தகராறு செய்து, ஆபாசமாக திட்டியுள்ளனர். இதை கோணகுப்பத்தாளின் மகள் சோனியா தட்டிக்கேட்டார். இதனால் ஆத்திரம் அடைந்த சகோதரர்கள் இருவரும் சோனியாவை சரமாரியாக தாக்கியதாக கூறப்படுகிறது. இதுகுறித்து நேற்றுமுன்தினம் திருவண்ணாமலை கிழக்கு போலீசில் கோணகுப்பத்தாள் புகார் செய்தார். அதன்பேரில் சகோதரர்கள் இருவர் மீதும் போலீசார் வழக்குப்பதிவு செய்து விசாரணை நடத்தி வருகிறார்கள்.