Tuticorin - Dinakaran

ஆழ்வார்திருநகரி ஆதிநாதர் கோயில் மாசி திருவிழா கொடியேற்றம்

வைகுண்டம்  பிப்.15:  நவதிருப்பதிகளில் ஒன்பதாவது திருப்பதியான ஆழ்வார்திருநகரி ஆதிநாதர்கோயில் சுவாமி நம்மாழ்வார் மாசி திருவிழா நேற்று கொடியேற்றத்துடன் தொடங்கியது. ஆழ்வார்திருநகரி ஆதிநாதர்கோயிலி் மாசி திருவிழா கொடியேற்றத்தை முன்னிட்டு  சுவாமி நம்மாழ்வாருக்கு காலை 5மணிக்கு விஸ்வரூப தரிசனம், 6மணிக்கு திருமஞ்சனம், 7.30மணிக்கு நித்தியல் கோஷ்டிம் நடந்தது. 8.00 மணிக்கு கொடிப்பட்டம் ரத வீதிகள் சுற்றிவந்தது. தொடர்ந்து 8.50 மணிக்கு மீனலக்கனத்தில் கொடியேற்றம் நடந்தது. மாசி திருவிழாவில்  நம்மாழ்வார்சுவாமி தினமும் காலை வீதிபுறப்பாடும், திருமஞ்சனமும், கோஷ்டி வகையறாவும் உத்திராதிமடம் வானுமலை மடம், திருக்குறுங்குடி மடம் கண்ணாடி மண்டபம், பராங்குச மண்டபம் உடையவர் சன்னதி   ஆகியவற்றில் நடக்கிறது.    தினமும் மாலையில் பல்வேறு வாகனகளில் வீதி புறப்பாடும் நடக்கிறது. பிப்.18ம்தேதி  5ம் திருவிழாவை முன்னிட்டு கருடவாகனத்தில் சுவாமி பொலிந்து நின்றபிரான் கருடசேவை நடக்கிறது.  பிப். 22ம்தேதி 9ம் திருவிழாவை  முன்னிட்டு தேரோட்டம் நடக்கிறது. பிப். 23மற்றும் 24ம்தேதிகளில் தெப்பத்திருவிழாவும் நடைபெறும்.கொடியேற்றத்தில்  நிர்வாகஅதிகாரி விஸ்வநாத், தக்கார் இசக்கியப்பன், ஸ்ரீஆதிநாதர்ஆழ்வார் கைங்கர்யசபா தலைவர் வரதராஜன்,முன்னாள் அறங்காவலர் குழுத்தலைவர் ராஜப்பா வெங்கடாச்சாரி  உட்பட பக்தர்கள் பலர் கலந்து கொண்டனர்.

நாடாளுமன்றத் தேர்தல் பணிக்கு 7500 ஆசிரியர்கள், அலுவலர்கள் தயார்

தூத்துக்குடி, பிப். 15:  தூத்துக்குடி மாவட்டத்தில் நாடாளுமன்றத் தேர்தல் பணிக்காக 7,500 அலுவலர்கள், ஆசிரியர்கள் தயாராக இருப்பதாக கலெக்டர் சந்தீப் நந்தூரி தெரிவித்தார்.  நாடாளுமன்றத் தேர்தலுக்கான அறிவிப்பு மிக விரைவில் வெளிவரும்நிலையில் இத்தேர்தலில் பணியாற்றும் வாக்குச்சாவடி அலுவலர்கள் மற்றும் நிலை அலுவலர்களுக்கு பயிற்சியளிப்பது, வாக்குச்சாவடி அமைப்பது மற்றும் சட்டப்பேரவைத் தொகுதி அளவிலான முதன்மை பயிற்சியாளர்களுக்கு சிறப்பு பயிற்சியளிக்கும் முகாம் தூத்துக்குடி கலெக்டர் அலுவலகத்தில் நடந்தது. தலைமை வகித்த கலெக்டர் சந்தீப்நந்தூரி முன்னிலை வகித்த  டி.ஆர்.ஓ. வீரப்பன் முக்கிய ஆலோசனைகள் வழங்கினர். பின்னர் கலெக்டர் சந்தீப் நந்தூரி கூறுகையில், ‘‘தேர்தல் ஆணையத்தின் உத்தரவின்படி தூத்துக்குடி மாவட்டத்திலும் நாடாளுமன்றத் தேர்தலுக்கான பணிகள் துவங்கியுள்ளன.  முதற்கட்டமாக தேர்தல் பணியில் ஈடுபடும் அலுவலர்கள் அளவிலான அதிகாரிகள் ஒரே இடத்தில் 3 ஆண்டுகள் பணியாற்றினால் இடமாற்றம் செய்யப்படும் பணி நடந்துவருகிறது. மேலும் வாக்காளர் விழிப்புணர்வு நிகழ்ச்சிகள் மற்றும் வாக்குப்பதிவு இயந்திரங்களில் வாக்குப்பதிவு செய்வது குறித்து அனைத்து வாக்குச்சாவடி அளவில் விழிப்புணர்வு நிகழ்ச்சி  நடத்தப்பட்டு வருகிறது. இதற்காக 36 குழுக்கள் அமைக்கப்பட்டுள்ளது. வாக்குச்சாவடிகளில் அடிப்படை வசதிகள் செய்யப்பட்டுள்ளதா? வாக்குச்சாவடிகளின் எண்ணிக்கையை அதிகரிக்க வேண்டுமா என்பது குறித்தும் ஆய்வு செய்யப்பட்டு வருகிறது. தூத்துக்குடி நாடாளுமன்ற தொகுதியில் 1593 வாக்குச்சாவடிகள் உள்ளது. இதில் பணியாற்ற வாக்குச்சாவடி அலுவலர் மற்றும் 3 நிலை அலுவலர்கள் என 7500 ஆசிரியர்கள், அலுவலர்கள் தயாராக உள்ளனர்’’ என்றார்.தேர்தலுக்கு முன் நலத்திட்ட உதவிவறுமைக்கோட்டிற்கு கீழ் உள்ளவர்களுக்கு ரூ.2 ஆயிரம்  வழங்குவதற்கான கணக்கு எடுக்கும்பணி மாநிலம் முழுவதும் நடந்தது.  இதேபோல் தூத்துக்குடி மாவட்டத்தில் வறுமைக்கோட்டிற்கு கீழ் உள்ளவர்கள்  குறித்து  கணக்கு எடுக்கும்பணி துரிதமாக நடந்து வருகிறது. இதேபோல் மத்திய அரசு விவசாயிகளுக்கு ஆண்டுக்கு ரூ.6 ஆயிரம் வழங்கும் திட்டத்தில் முதல் தவணையாக ரூ.2 ஆயிரம் வழங்கும்பொருட்டு 2 ஹெக்டேர் நிலத்திற்கு கீழ் உள்ளவர்களை கணக்கு எடுக்கும் பணியும் நடந்து வருகிறது. தேர்தல் தேதி அறிவிக்கும் முன்பே நலத்திட்ட உதவிகளை வழங்கும் வகையில் பணிகள் துரிதமாக நடந்து வருவதாக கலெக்டர் சந்தீப் நந்தூரி தெரிவித்தார்.

செய்துங்கநல்லூர் அருகே அரசு பஸ், கார் மோதி விவசாயி படுகாயம்

செய்துங்கநல்லூர், பிப். 15:  செய்துங்கநல்லூர் அருகே அரசு பஸ் - கார் நேருக்கு நேர் மோதியதால் விவசாயி படுகாயம் அடைந்தார்.   சிவந்திபட்டியைச் சேர்ந்தவர் மாடசாமி (45).  விவசாயியான இவர் கருங்குளத்தில் உறவினர் வீட்டுக்கு சென்று விட்டு காரில்  ஊருக்கு திரும்பி கொண்டிருந்தார். செய்துங்கநல்லூர் அருகே வந்தபோது உடன்குடிக்கு சென்று கொண்டிருந்த அரசு விரைவு பஸ்மீது இவரது  கார் மீது மோதியது. இதில்  இடிபாடுகளுக்குள் சிக்கிக்கொண்ட மாடசாமியை செய்துங்கநல்லூர் எஸ்ஐ ராஜாராம், சதீஷ்  மற்றும் போலீசார் மீட்டு நெல்லை அரசு மருத்துவமனைக்கு அனுப்பிவைத்தனர்.  இதனால் போக்குவரத்து பாதிப்பு ஏற்பட்டது. விரைந்துவந்து போக்குவரத்தை சீரமைத்த போலீசார், அரசு பஸ் டிரைவரான தென்காசியை சேர்ந்த  இசக்கி மகன் சொக்கலிங்கம்  மீது வழக்குப் பதிந்து விசாரணை நடத்தி வருகின்றனர்.

சாலை விபத்தில் முதியவர் பலி

சாத்தான்குளம், பிப். 15:  சாத்தான்குளம் அருகே வாகனம் மோதி காயமடைந்த முதியவர் பரிதாபமாக இறந்தார். சாத்தான்குளம் அருகேயுள்ள சொக்கலிங்கபுரத்தை சேர்ந்தவர் நாராயணன் (65). தொழிலாளியான இவர், கடந்த 10ம்தேதி சாத்தான்குளத்திற்கு சைக்கிளில் சென்றுகொண்டிருந்தார். ஒன்றிய அலுவலகம் அருகே சென்றபோது அடையாளம் தெரியாத வாகனம் இவர் மீது மோதிவிட்டு நிற்காமல் சென்றது.  இதில் படுகாயமடைந்த அவர் நெல்லை அரசு மருத்துவமனையில் அனுமதிக்கப்பட்டார். அங்கு அவர் சிகிச்சை பலனின்றி நேற்று முன்தினம் இரவு பரிதாபமாக இறந்தார். இதுகுறித்து அவரது சகோதரர் முருகன்(47) அளித்த புகாரின் பேரில் சாத்தான்குளம் இன்ஸ்பெக்டர் ராஜாசுந்தர் வழக்குப் பதிந்து விசாரணை நடத்தி வருகிறார்.

குளத்தூர் அருகே ரகளையை தட்டிக் கேட்ட பெண் மீது தாக்குதல்

குளத்தூர், பிப். 15:  குளத்தூர் அருகே பெண்ணை தாக்கிய மீனவரை போலீசார் தேடி வருகின்றனர். குளத்தூர் அடுத்த கீழ வைப்பார் மீனவர் காலனியை சேர்ந்தவர் சகாயம். மீன்பிடித் தொழில் செய்து வரும் இவர், அதே பகுதியைச் சேர்ந்த ஸ்டான்லி என்பவரிடம் அவதூறாக பேசி தகராறில் ஈடுபட்டார். அப்போது அங்குவந்த ஸ்டான்லியின் உறவுக்கார பெண் அன்சி (45) என்பவர் இதை தட்டிக்கேட்டார். இதனால் ஆவேசமடைந்த சகாயம், அன்சியை தாக்கிவிட்டு தப்பிச்சென்றார். இதில் காயமடைந்த அன்சியை தூத்துக்குடி அரசு மருத்துவமனையில் சேர்க்கப்பட்டார். புகாரின்பேரில் குளத்தூர் எஸ்ஐ வள்ளிநாயகம் வழக்குப் பதிந்து சகாயத்தை தேடி வருகிறார்.

அனைத்து வேளாண் கடன்களை தள்ளுபடி செய்யக்கோரி கோவில்பட்டியில் விவசாயிகள் ஆர்ப்பாட்டம்

கோவில்பட்டி, பிப். 15:   கோவில்பட்டி,  விளாத்திகுளம், கயத்தாறு, எட்டயபுரம், ஓட்டப்பிடாரம் உள்ளிட்ட பல்வேறு  வட்டாரங்களில் இந்தாண்டு படைப்புழு தாக்குதலால் மக்காச்சோளம் பயிர்கள்  நாசமாகின. இதையடுத்து பாதிக்கப்பட்ட பயிர்களுக்கான  இழப்பீட்டுத் தொகையை நாடாளுமன்றத் தேர்தலுக்கு முன்பே காலதாமதமின்றி வழங்க வேண்டும். எட்டயபுரம்  தாலுகா படர்ந்தபுளி பிர்க்காவில் உள்ள 16 கிராம மக்களுக்கு மக்காச்சோளம்  பயிர் காப்பீட்டை உடனடியாக வழங்க வேண்டும். 2017-18ம் ஆண்டுகளில் பயிர்  காப்பீடு செய்த விவசாயிகளுக்கு பயிர் காப்பீட்டுக்கான தொகையை காலதாமதமின்றி  வழங்க வேண்டும்.  கடந்த 2015- 18ம் ஆண்டு வரை தேசியமயமாக்கப்பட்ட அனைத்து  வங்கிகளிலும் விவசாயிகள் பெற்ற அனைத்து வேளாண் கடன்களையும் தள்ளுபடி செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி  கோவில்பட்டியில் தமிழ் விவசாயிகள் சங்கத்தினர் ஆர்ப்பாட்டம் நடத்தினர். கோவில்பட்டி பயணியர் விடுதி முன்பு நடந்த இந்த ஆர்ப்பாட்டத்திற்கு சங்க மாநிலத்  தலைவர் ஓ.ஏ.நாராயணசாமி தலைமை வகித்தார். வடக்கு,  மேற்கு மாவட்டத் தலைவர்கள் நடராஜன், வெள்ளத்துரை  முன்னிலை வகித்தனர்.  ஆர்ப்பாட்டத்தில் திரளாகப் பங்கேற்ற விவசாயிகள், தங்களது கோரிக்கைகளை  மத்திய, மாநில அரசுகள் உடனடியாக நிறைவேற்றக்கோரி கோஷமிட்டனர்.     இதில் கிழக்கு மாவட்டத் தலைவர் குருநாதன், செயலாளர் ஞானப்பிரகாசம், வடக்கு  மாவட்டச் செயலாளர் ரவிச்சந்திரன், இளைஞர் அணிச் செயலாளர் மாரியப்பன், மாநில  துணைத்தலைவர் நம்பிராஜன், மாநில துணைச் செயலாளர் கனகராஜ், இளைஞர் அணி  மாவட்டச் செயலாளர் ஜீவானந்தம், மாவட்ட பொருளாளர் செல்வராஜ், மகளிர் அணி கஸ்தூரி,  கோவில்பட்டி வட்டாரத் தலைவர் தங்கராஜ், மகளிரணி ரேணுகாதேவி உள்ளிட்ட  பலர்  பங்கேற்றனர்.  ஆர்ப்பாட்டத்திற்கு பின்னர்நாராயணசாமி கூறுகையில், ‘‘ தூத்துக்குடி மாவட்டத்தில் இந்தாண்டு அமெரிக்கன் படைப்புழு தாக்குதலால் மானாவாரி பயிர்கள் பயிரிட்ட விவசாயிகள் கடுமையாக பாதிக்கப்பட்டுள்ளனர். பாதிக்கப்பட்டோருக்கு ஒரு ஹெக்டேருக்கு ரூ.7410 என அரசு அறிவித்த நிவாரணத்தொகை இன்னும் வந்து சேரவில்லை. கடந்த 2 ஆண்டுகளாக கோவில்பட்டி அருகே படர்ந்தபுளி பிர்க்காவில் மக்காச்சோள பயிருக்கு காப்பீட்டுத் தொகை வழங்கப்படவே இல்லை. தற்போது மத்திய அரசு அறிவித்துள்ள ரூ.6 ஆயிரம் உதவித்தொகையை அனைத்து விவசாயிகளுக்கும் வழங்க வேண்டும். விவசாயிகளின் வாக்கு விவசாயிகளுக்குதான் என்ற அடிப்படையில் தமிழ் விவசாயிகள் சங்கம் சார்பில் வரும் நாடாளுமன்றத் தேர்தலில் தூத்துக்குடி, விருதுநகர் ஆகிய 2  தொகுதிகளில் போட்டியிடுவது. சட்டப்பேரவையில் காலியாக உள்ள தொகுதிகளுக்கான இடைத்தேர்தலில் ஓட்டப்பிடாரம், விளாத்திகுளம் உள்ளிட்ட 5 தொகுதிகளில் போட்டியிடவும் முடிவு செய்துள்ளோம்’’ என்றார்.

தூத்துக்குடி அருகே பராமரிப்பின்றி பாழானது சுவர் இடிந்துவிழுந்த வாறுகாலால் தொடரும் விபத்து அபாயம்

ஸ்பிக்ந்கர், பிப். 15: தூத்துக்குடி ஸ்பிக்நகர் அடுத்த சுந்தர்நகரில் சுவர் இடிந்து விழுந்த நிலையில் உள்ள வாறுகாலால் விபத்து அபாயம் நிலவுகிறதுa. விரைவில் சீரமைக்கப்படுமா? என்ற எதிர்பார்ப்புடன் மக்கள் உள்ளனர்.  தூத்துக்குடி ஸ்பிக்நகர் அடுத்த சுந்தர்நகர் பகுதியில் அமைந்துள்ள சாலை வழியாக புதுக்கோட்டை, அத்திமரப்பட்டி, பாரதிநகர் உள்ளிட்ட பல்வேறு பகுதிகளைச் சேர்ந்த மக்கள் தூத்துக்குடி சென்று வருகின்றனர். ஸ்பிக்நகர் பகுதியில் உள்ள பள்ளிகளுக்கு செல்லும் மாணவர்கள் சுந்தர்நகர் வழியாக தான் செல்கின்றனர். இப்பகுதியில் வணிக நிருவனங்கள் அதிக அளவில் காணப்படுவதால் நாள் முழுவதும் மக்கள் போக்குவரத்து இருந்து கொண்டே இருக்கும். இதனிடையே இச்சாலையின் அருகே பராமரிப்பின்றி பாழாகி வந்த வாறுகாலின் தடுப்புசுவர் திடீரென இடிந்து விழுந்துள்ளது. ஆனால், இன்னும் சீரமைக்கப்படாததால் அதை கடந்துசெல்லும் பள்ளிக்குழந்தைகளும், பொதுமக்களும் விபத்துக்கு உள்ளாகும் அபாயம் நிலவுகிறது. எனவே, இனியாவது சம்பந்தப்பட்டஅதிகாரிகள் இதுவிஷயத்தில் தனிக்கவனம் செலுத்தி  கால்வாயை விரைவில் கால்வாயை சீரமைக்க தகுந்த நடவடிக்கை எடுக்க முன்வருவார்களா? என்ற எதிர்பார்ப்புடன் அப்பகுதி மக்கள் உள்ளனர்.

உடன்குடி ஒன்றிய பகுதிகளில் திமுக கிராமசபை கூட்டம்

உடன்குடி, பிப். 15: உடன்குடி ஒன்றிய பகுதிகளில் திமுக சார்பில் கிராமசபை சிறப்பு  கூட்டங்கள் நடந்தன. இதில் தெற்கு மாவட்ட திமுக பொறுப்பாளர் அனிதா ராதாகிருஷ்ணன் எம்.எல்.ஏ. பங்கேற்றுப் பேசினார்சீர்காட்சியில் நடந்த கூட்டத்திற்கு ஒன்றியச் செயலாளர் பாலசிங் தலைமை வகித்தார். மாநில பொதுக்குழு உறுப்பினர் வசீகரன், வர்த்தக அணி மாவட்ட துணை அமைப்பாளர் ரவிராஜா, நெசவாளர் அணி மாவட்ட அமைப்பாளர் மகாவிஷ்ணு, இலக்கிய அணி மாவட்ட  துணை அமைப்பாளர் ரஞ்சன், ஒன்றிய இளைஞரணி செயலாளர் சிவபிரகாஷ், முன்னிலை வகித்தனர். ஊராட்சி செயலாளர் ராதாகிருஷ்ணன் வரவேற்றார்.  கூட்டத்தில் பொதுமக்களிடம் கோரிக்கை மனுக்களை பெற்றுக்கொண்ட அனிதா ராதாகிருஷ்ணன் எம்.எல்.ஏ. பேசுகையில், ‘‘தோல்வி பயத்தால் உள்ளாட்சி தேர்தலை  நடத்தாமல் அதிமுக அரசு தள்ளிப்போட்டு வருகிறது. இதனால் மக்கள் கடும் கோபத்தில் உள்ளனர். அடிப்படை தேவையான தெருவிளக்கு, குடிநீர், சாலை வசதிகளை முறையாக  நிறைவேற்றாத நிலையில் உள்ளது. திமுக ஆட்சிக்கு வந்ததும் உள்ளாட்சி தேர்தல் நடத்தப்படும். இதே போல் மக்கள் கோரிக்கைகள் அனைத்தும் விரைவில் நிறைவேற்றப்படும்.  வருகிற பாராளுமன்ற தேர்தலில் திமுக கூட்டணிக்கு முழு ஆதரவளிக்க வேண்டும்’’  என்றார். தொடர்ந்து நயினார்பத்த்து ஊராட்சி சார்பில் அம்மன்புரத்தில் நடந்த கிராமசபை கூட்டத்தில் கோரிக்கை மனுக்கள் பெற்றுக்கொண்டதோடு கோரிக்கைகள் சம்பந்தப்பட்ட அதிகாரிகளிடம் தெரிவித்து விரைவில் நிறைவேற்றப்படும் என்றார். முன்னதாக, ஊராட்சி செயலாளர் ரவிந்திரன் வரவேற்றார். கூட்டங்களில் மாணவர் அணி மாநில துணை அமைப்பாளர் உமரிசங்கர், பரமன்குறிச்சி ஊராட்சி செயலாளர் இளங்கோ, உடன்குடி நகரச் செயலாளர் ஜாண்பாஸ்கர், ஒன்றிய துணைச் செயலாளர் மதன்ராஜ், நகர பொருளாளர் தங்கம், பேரூராட்சி முன்னாள் கவுன்சிலர்கள் முகமது சலீம், மகபூப், தொண்டர் அணி பிரபாகர், சந்தையடியூர் கார்த்தீசன்,  இளைஞர் அணி நகரச் செயலாளர் அஜய், தொழிலதிபர் கிருஷ்ண குமார், ராமஜெயம், செந்தில், பால்சாமி, சேசவன், சிவமுருகன், ராகவன், லிங்கநாதன், தங்கராஜா, பால்ராஜ், வக்கீல் அணி கிருபாகரன்  மற்றும் பலர் பங்கேற்றனர்.

பேய்க்குளத்தில் நேரடி நெல் கொள்முதல் நிலையம் திறப்பு

சாத்தான்குளம், பிப். 15: சாத்தான்குளம், பேய்க்குளம் பகுதியில் தற்போது நெல் அறுவடை பணி நடந்து வருவதால் நேரடி நெல் கொள்முதல் நிலையம் திறக்க விவசாயிகள் வலியுறுத்தினர். இதையடுத்து சாத்தான்குளம் அருகே உள்ள பேய்க்குளம் விராக்குளம் செல்லும் சாலையில் நேரடி நெல் கொள்முதல் நிலையம் திறக்கப்பட்டது. இதையொட்டி நடந்த விழாவிற்கு தலைமை வகித்த தமிழ்நாடு நுகர்பொருள் வாணிப கழக மண்டல மேலாளர் நடேசன், நேரடி நெல் கொள்முதல் நிலையத்தை திறந்து வைத்தார். தரக்கட்டுப்பாடு அதிகாரி முத்துபாண்டி வரவேற்றார். கொள்முதல் நிலையத்தில் நெல் ஒரு கிலோ ரூ 18.40 வாங்கப்படுகிறது. ஒரு மூடைக்கு ரூ1840 விலை நிர்ணயிக்கப்பட்டுள்ளது. இதில்  விவசாயிகள் ஆர்வமுடன் நெல்கொள்முதல் செய்தனர். கடந்த ஆண்டு கிலோ ரூ16.40க்கும், 100 கிலோ மூடை ரூ.1640க்கும் கொள்முதல் செய்யப்பட்டது குறிப்பிடத்தக்கது. விவசாயிகள் இந்த கொள்முதல் நிலையத்தை பயன்படுத்தி அதிகளவு நெல் கொள்முதல் செய்து பயனடைய வேண்டும் என அதிகாரிகள் தெரிவித்துள்ளனர்.  விழாவில் திருச்செந்தூர் பகுதி அலுவலர் கணேசன், கொள்முதல் அலுவலர் கார்த்திக் நாராயணன், ஆழ்வார்திருநகரி வேளாண் அலுவலர் முத்துமாரி. மற்றும் விவசாயிகள் சங்கத் தலைவர் முருகேசன் உள்ளிட்ட பலர் பங்கேற்றனர். இந்த ஆண்டு மூடைக்கு ரூ.200 அதிகரித்து நெல் கொள்முதல் செய்யப்படுவது மகிழ்ச்சி தருவதாக விவசாயிகள் தெரிவித்தனர்.

நாசரேத்தில் மனுநீதி நாள் முகாம்

நாசரேத், பிப். 15: நாசரேத் கிராம சாவடி அலுவலகத்தில் முன்னோடி மனுநீதி நாள் முகாம் நடந்தது. ஏரல் வட்ட வழங்கல் அலுவலர் முருகேசன் தலைமை வகித்து பொதுமக்களிடம் மனுக்களை பெற்றார். குடும்பஅட்டை, பட்டா மாறுதல், இலவச வீட்டுமனை, முதியோர் தொகை, நெடுஞ்சாலை இதர துறைகளை சார்ந்த சுமார் 100 மனுக்கள் பெறப்பட்டன. மனுக்களுக்கு மார்ச் மாதம் இறுதியில் நடைபெறும் மனுநாள் முகாமில் தீர்வு காணப்படும் என தெரிவிக்கப்பட்டன.  இதில் கிராம நிர்வாக அதிகாரிகள் நாசரேத் சுப்பிரமணியன், மூக்குப்பீறி சுப்புராம், வெள்ளமடம் கார்த்திகேயன், குறிப்பன்குளம் முத்துராஜ், கிராம உதவியாளர்கள் கண்ணன், முருகன் உள்பட பலர் கலந்து கொண்டனர்.

சாலைகளை சீரமைக்க கோரி ஏரலில் பாஜ ஆர்ப்பாட்டம்

ஏரல், பிப். 15:   ஏரல் பகுதிகளில் மிக மோசமான நிலையில் உள்ள சாலைகளை சீரமைக்க கோரி பாஜக ஆர்ப்பாட்டம் நடத்தினர். தூத்துக்குடி மாவட்டத்தில் மூன்றாவது பெரிய வணிக நகரமான ஏரலுக்கு தினசரி பல ஆயிரக்கணக்கான மக்கள் வந்து செல்கின்றனர். ஏரலில் இருந்து முக்காணி செல்லும் சாலை, ஏரல்-ஆறுமுகமங்கலம் சாலை, ஏரல்-சேதுசுப்பிரமணியபுரம் சாலை உட்பட அனைத்து சாலைகளும் குண்டும், குழியுமாக போக்குவரத்திற்கு லாயக்கற்ற நிலையில் உள்ளது. இந்த சாலைகளை சீரமைக்காத நெடுஞ்சாலை துறையை கண்டித்தும், காலம் தாமதிக்காமல் உடன் போட வலியுறுத்தி பாஜ சார்பில் ஏரலில் கண்டன ஆர்ப்பாட்டம் நடந்தது. ஆர்ப்பாட்டத்திற்கு மாவட்ட தலைவர் பாலாஜி தலைமை வகித்தார். கோட்ட பொறுப்பாளர் ராஜா, மாவட்ட செயலாளர் வீரமணி, பிரசார பிரிவு மாவட்ட தலைவர் மகேஸ்வரன், மாவட்ட வர்த்தக பிரிவு இணை செயலாளர் சத்தியசீலன், மாவட்ட விவசாய பிரிவு பொதுச் செயலாளர் ராஜேந்திரன், மாவட்ட அமைப்பு சாரா செயலாளர் முத்துமாலை, ஒன்றிய பொறுப்பாளர்கள் சுரேஷ், பெருமாள், செந்தில், ஏரல் நகர தலைவர் பரமசிவன் மற்றும் நிர்வாகிகள் வெங்கடேஷ், அருணாசலம், மீனாட்சி சுந்தரம், அர்ஜுன் பாலாஜி, சிவா உட்பட பலர் பங்ேகற்றனர்.

கோவில்பட்டி நகராட்சியை சமூகநீதி கூட்டமைப்பு முற்றுகை

கோவில்பட்டி, பிப். 15:  கோவில்பட்டியில் காலணி தைக்கும் தொழிலாளர்களுக்கு தொழில் நடத்துவதற்கு இடம் ஒதுக்கக்கோரி சமூக நீதி கூட்டமைப்பினர், நகராட்சி அலுவலகத்தை முற்றுகையிட்டு மனு அளித்தனர். கோவில்பட்டி நகரில் 50க்கும் மேற்பட்ட அருந்ததியர் சமுதாயத்தை சேர்ந்தவர்கள் காலணி தைக்கும் தொழிலில் ஈடுபட்டு வருகின்றனர். இத்தொழிலாளர்கள் மக்கள் அதிகம் கூடும் பேருந்து நிலையம், ரயில் நிலையம், அரசு அலுவலகங்கள், வங்கிகள் போன்ற பகுதிகளில் மேற்கூரை வசதியில்லாமல் வெயில், மழையிலும் சிரமத்துடன் தொழில் நடத்தி வருகின்றனர். இந்நிலையில் தாழ்த்தப்பட்ட மற்றும் வறுமைக்கோட்டிற்கு கீழ் வாழும் இந்த தொழிலாளர்களின் நலன் கருதி இவர்களுக்கு உரிய கருவிகள் கிடைக்கவும், வாடகையின்றி பேருந்து நிலையம் பகுதி உள்ளிட்ட பல்வேறு இடங்களில் இடம் ஒதுக்கீடு செய்து தொழில் நடத்துவதற்கு நிழலகம் அமைக்க நடவடிக்கை எடுக்க வேண்டும் என வலியுறுத்தி கோவில்பட்டி நகராட்சி அலுவலகத்தை சமூகநீதி கூட்டமைப்பினர் முற்றுகையிட்டு போராட்டம் நடத்தினர். கூட்டமைப்பு தலைவர் மேரிஷீலா, செயலாளர் ஆம்ஸ்ட்ராங் ஆகியோர் தலைமை வகித்தனர். இதில் ஐஎன்டியுசி மாவட்ட துணை தலைவர் தமிழரசன், பொதுச்செயலாளர் ராஜசேகர், அண்ணா தொழிற்சங்க தாலுகா செயலாளர் ராமகிருஷ்ணன், ஐந்தாவது தூண் அமைப்பு நிறுவனர் சங்கரலிங்கம் உட்பட பலர் கலந்து கொண்டனர்.  தொடர்ந்து கூட்டமைப்பினர், கோரிக்கை மனுவை நகராட்சி கமிஷனர் அச்சையாவிடம் அளித்தனர். மனுவை பெற்று கொண்ட அவர், நடவடிக்கை எடுப் பதாக தெரிவித்தார்.

திருச்செந்தூர் கடையில் பணம் திருட்டு

திருச்செந்தூர், பிப். 15:    திருச்செந்தூர் குலசை மெயின்ரோட்டில் ஆறுமுகபாண்டியன் (42). என்பவருக்கு ஹார்டுவேர்ஸ் கடை உள்ளது. சம்பவத்தன்று  நள்ளிரவு மர்ம நபர்கள், இவரது கடை ஷட்டர் பூட்டை உடைத்து உள்ளே புகுந்துள்ளனர். அங்கிருந்த கல்லாபெட்டியில் இருந்த ரூ.12 ஆயிரத்தை கொள்ளையடித்து தப்பிச் சென்றுள்ளனர். இதுகுறித்து திருச்செந்தூர் திருக்கோயில் போலீசார் விசாரித்து வருகின்றனர்.

ஆறுமுகநேரியில் கோசல்ராம் பிறந்த நாள் விழா

ஆறுமுகநேரி, பிப். 15:  ஆறுமுகநேரியில் தியாகி கே.டி.கோசல்ராம் பிறந்த நாள் விழா நடந்தது. கே.டி.கோசலராம் பேரவை சார்பில் நடந்த இவ்விழாவுக்கு பேரவையின் மாநில தலைவர் பற்குணப்பெருமாள் தலைமை வகித்தார். பேரவையின் ஆலோசகர் முருகேசபாண்டியன் வரவேற்றார். மாநில செயலாளர் சுப்பிரமணியன், பொருளாளர் சுந்தரலிங்கம், பொதுச்செயலாளர் மரிய ஸ்டார்லின், மாநில துணைத் தலைவர் மூத்தீஸ்வரி அழகசேன், தூத்துக்குடி மண்டல தலைவர் பரமசிவன், செயலாளர் இசக்கிமுத்து,  தமிழ்நாடு காமராஜர் நற்பணி மன்றத் தலைவர் சோழர் செல்வின் முன்னிலை வகித்தனர். முதன்மை விருந்தினராகப் பங்கேற்ற அம்மா ஜெ தீபா பேரவை மாவட்டச் செயலாளர் தொண்டர் சுப்பிரமணி, மாணவ, மாணவிகளுக்கு ரொக்க பரிசு மற்றும் நலிந்தோருக்கு பல்வேறு நலத்திட்ட உதவிகள் வழங்கிப் பேசினார். நெல்லை, தூத்துக்குடி நாடார் மகமை  பரிபாலன சங்க செயற்குழு உறுப்பினர் பிரபாகர் வாழ்த்திப் பேசினார். விழாவில் தூத்துக்குடி மாவட்ட காங்கிரஸ் துணைத்தலைவர் எஸ்.டி. சண்முகம், தூக்குமேடை தியாகி ஆறுமுகநேரி காசிராஜன், மற்றும் ராஜகோபால் படங்களை திறந்துவைத்து மரியாதை செலுத்தினார். விழாவில் ஆறுமுகநேரி நகர்நல மன்றத் தலைவர் பூபால்ராஜன், தமாகா மாநில செயற்குழு உறுப்பினர் தங்கமணி, பேரூராட்சி மன்ற முன்னாள் தலைவி தங்கத்திலகா, ராஜாராம் மோகன்ராய், ஆனந்தவேல், நகல காங்கிரஸ் தலைவர் ராஜாமணி, மாவட்ட காங்கிரஸ் பேச்சாளர் சிவகணேசன், முன்னாள் கவுன்சிலர் முருகேசன், கே.டிகே. பேரவையின் மகளிரணி துணைத் தலைவர் பொன்கலைமதி, யோகராஜ் பங்கேற்றனர். இசக்கிமுத்து நன்றி கூறினார். ஏற்பாடுகளை கே.டி.கோசல்ராம் பேரவையினர் செய்திருந்தனர்.

விளாத்திகுளத்தில் சாலைகளில் நிறுத்தப்படும் பஸ்களால் போக்குவரத்து நெரிசல் அதிகரிப்பு

விளாத்திகுளம், பிப். 15:  விளாத்திகுளத்தில் எட்டயபுரம்-மதுரை ஆகிய சாலைகளின் சுமார் நூற்றுக்கும் மேற்பட்ட கடைகள், பள்ளிகள் பஸ் நிலையம் போன்றவை இயங்கி வருகின்றன. இதனால் இப்பகுதிகளில் எப்போதும் மக்கள் நடமாட்டத்திற்கு பஞ்சமிராது.  இருப்பினும் இச்சாலைகளில் மாலை நேரத்தில் கோவை, சென்னை உள்ளிட்ட இடங்களுக்கு செல்லும் தொலைதூர சொகுசு பஸ்கள் நிறுத்தப்படுவதால் போக்குவரத்து நெரிசல் நாளுக்கு நாள் அதிகரித்து வருகிறது. இதனால் மக்கள் கடுமையாக அவதிப்படுகின்றனர்.   இதையடுத்து இந்த பிரச்னைக்கு உரிய தீர்வுகாணவேண்டும். மதுரை சாலைகள் காய்கறி மார்க்கெட்டுக்கு சரக்குகள் கொண்டு வருமாறு  லாரிகளுக்கு குறிப்பிட்ட நேரம் ஒதுக்கி அந்த நேரத்தில் மட்டும் கனரக  வாகனங்கள் பஜார் பகுதிக்குள் வரவேண்டும். மேலும் சாலையோரங்களில் இரு சக்கர  வாகனங்கள் நிறுத்துவதற்கு கயிறுகள் கட்டி வைக்க வேண்டும் என்பன உள்ளிட்ட பல்வேறு கோரிக்கைகளை  வலியுறுத்தியு விளாத்திகுளம் தாலுகா மார்க்சிஸ்ட் கட்சியினர் விளாத்திகுளம் தாசில்தார் ராஜ்குமாரிடம் மனு அளித்தனர். அப்போது மார்க்சிஸ்ட் வட்டாரச் செயலாளர் புவிராஜ், தாலுகா குழு உறுப்பினர்கள் ராமலிங்கம்,ஜோதி, நகரச் செயலாளர் பாலமுருகன் மற்றும் கட்சி நிர்வாகிகள் அப்புசாமி உள்ளிட்டோர் உடனிருந்தனர்.

புதிய ரேஷன் கடை அமைக்கப்படாததால் கிராம மக்கள் ஆேவசம் கோவில்பட்டி ஆர்டிஓ அலுவலகம் முற்றுகை

கோவில்பட்டி, பிப். 15: புதிய ரேஷன்கடை அமைத்துதரக்கோரி கோவில்பட்டி அருகேயுள்ள சொக்கன்ஊரணி, ஆஸ்சிரமம்  தெருவை சேர்ந்த மக்கள் ஆர்.டி.ஓ. அலுவலகத்தை முற்றுகையிட்டனர். மேலும் குடும்பஅட்டைகளை தரையில் போட்டு தர்ணாவிலும் ஈடுபட்டனர். கேவில்பட்டி நகராட்சிக்கு உள்ளிட்ட 21வது மற்றும் 22வது வார்டு பகுதியை  சேர்ந்த சொக்கன்ஊரணி, ஏ.கே.எஸ்.தியேட்டர்ரோடு, ஆஸ்சிரமம் தெரு,  முத்தானந்தபுரம் 1வது மற்றும் 2வது தெருவை சேர்ந்த, சந்தைபேட்டை தெருவை  சேர்ந்த பொதுமக்கள் செக்கடி தெருவில் உள்ள ரேஷன்கடையில் பொருட்களை வாங்கி  வந்தனர். இதனிடையே இந்த ரேஷன்கடையை காலி செய்ய நகராட்சி  நிர்வாகம் உத்தரவிட்டது. இதையடுத்து இந்த ரேஷன்கடையானது செக்கடி தெருவில்  இருந்து, நாடார் காமராஜ் மெட்ரிக்குலேசன் பள்ளி அருகே இடமாற்றம்  செய்யப்பட்டு இயங்கி வருகிறது. இருப்பினும் இந்த ரேஷன் கடை தங்களது  பகுதியில் இருந்து நீண்ட தொலைவில் உள்ளதால் சொக்கன்  ஊரணி அல்லது முத்தானந்தபுரம் தெருவிலேயே புதிய ரேஷன்கடை அமைத்துத்தரக்கோரி  21வது வார்டு அதிமுக செயலாளர் சிங்கராஜ் தலைமையில் பெண்கள் உள்ளிட்ட பொதுமக்கள்  கோவில்பட்டி ஆர்.டி.ஓ. அலுவலகத்தை நேற்று முற்றுகையிட்டனர். மேலும் தங்களது குடும்ப அட்டைகளை தரையில் போட்டு தர்ணாவிலும் ஈடுபட்டனர். இதனால் அங்கு பெரும் பரபரப்பு நிலவியது. பின்னர் கோரிக்கை மனுவை ஆர்.டி.ஓ.வின் நேர்முக உதவியாளர் சூரியகலாவிடம் அளித்து சென்றனர்.

ஆட்டோ டிரைவருக்கு அரிவாள் வெட்டு தொழிலாளி கைது

தூத்துக்குடி, பிப். 14: தூத்துக்குடியில் ஆட்டோர டிரைவரை அரிவாளால் வெட்டிய வாலிபரை போலீசார் கைது செய்தனர். தூத்துக்குடி முனியசாமிபுரத்தை சேர்ந்தவர் பிரபாத் (30). ஆட்டோ டிரைவரான இவர், நேற்று முன்தினம் ஜார்ஜ் ரோடு பகுதியில் நண்பர்களுடன் பேசி கொண்டிருந்தார். அப்போது அங்கு வந்த இதே பகுதியை சேர்ந்த பிரவீன் (31) என்பவர், எங்க ஏரியாவிற்குள் நீ எப்படி வரலாம் என்று கேட்டு தகராறு செய்துள்ளார். மேலும் ஆத்திரமடைந்து பிரபாத்தை அரிவாளால் வெட்டியுள்ளார். தலையில் பலத்த காயங்களுடன் உயிருக்கு ஆபத்தான நிலையில் பிரபாத் தூத்துக்குடி அரசு மருத்துவமனையில் அனுமதிக்கப்பட்டு உள்ளார். இதுகுறித்து தென்பாகம் போலீசார் வழக்கு பதிந்து பிரவீனை கைது செய்து விசாரணை நடத்தி வருகின்றனர்.

தொழில்நுட்ப மேம்பாட்டு பணி 16, 17ம் தேதிகளில் மின்கட்டண இணையதள சேவை இயங்காது

திருச்செந்தூர்,  பிப். 14: திருச்செந்தூர் மின்வாரிய செயற்பொறியாளர் பிரபாகர் வெளியிட்டுள்ள செய்திக்குறிப்பில் கூறியிருப்பதாவது: மின்பகிர்மான கழக கணினி  தொழில்நுட்ப மேம்படுத்தும் பணிகள் நடைபெற இருப்பதால், வருகிற 16 மற்றும்  17ம் தேதிகளில் இணையதளம் வாயிலாக மின் கட்டணம் செலுத்தும் வசதி  நிறுத்தம் செய்யப்படுகிறது. 16ம் தேதி மின்வாரிய அலுவலக வேலை நாளாக  இருப்பினும் மின் கட்டண வசூல் மையம் செயல்படாது. 18ம் தேதி காலையில் இருந்து  வழக்கம்போல் இணையதளம் வாயிலாகவோ அல்லது பிரிவு அலுவலக வசூல் மையங்களிலோ  நுகர்வோர் மின் கட்டணம் செலுத்தலாம்.    16ம் தேதி மற்றும் 17ம் தேதி ஆகிய  நாட்கள் மின் செலுத்த இறுதி நாளாக உடைய நுகர்வோர், 18ம் தேதி ஒரு நாள் மறுஇணைப்பு கட்டணம் மற்றும் தாமத செலுத்து கூடுதல் கட்டணம் இன்றி மின் கட்டணம்  செலுத்தலாம்.    இவ்வாறு தெரிவித்துள்ளார்.

ராகு - கேது பெயர்ச்சியை முன்னிட்டு கோவில்பட்டி கோயிலில் பரிகார ஹோமம் பக்தர்கள் திரளாக பங்கேற்பு

கோவில்பட்டி, பிப். 14: கோவில்பட்டி  செண்பகவல்லியம்மன் கோயிலில் ராகு, கேது பெயர்ச்சி விழாவை முன்னிட்டு  சிறப்பு பரிகார ஹோமம் நடந்தது. பக்தர்கள் திரளாக கலந்து கொண்டனர்.நேற்று மாசி மாத பிறப்பையொட்டி காலை 6.16 மணிக்கு ராகு பகவான் கடக  ராசியில் இருந்து மிதுன ராசிக்கும், கேது பகவான் மகர ராசியில் இருந்து  தனுசு ராசிக்கும் பெயர்ச்சி நடந்தது. இதையொட்டி கோவில்பட்டி செண்பகவல்லி  அம்பாள் உடனுறை பூவனநாத சுவாமி திருக்கோவிலில் ராகு -கேது பெயர்ச்சி  விழா நடந்தது. காலை 5.30 மணிக்கு சிறப்பு பரிகார ஹோமம் நடந்தது. தொடர்ந்து  காலை 6.30 மணிக்கு சுவாமி, அம்பாள் மற்றும் பரிவார மூர்த்திகளுக்கு சிறப்பு  அபிஷேகம், அலங்கார தீபாராதனை நடந்தது. கோயில் செயல் அலுவலர்  பாலசுப்பிரமணியராஜா, ஜனகல்யாண் அமைப்பாளர் திருப்பதிராஜா, தலைமை எழுத்தர்  ராமலிங்கம் உட்பட ஏராளமான பக்தர்கள் கலந்து கொண்டு சுவாமி தரிசனம்  செய்தனர்.

ஸ்மார்ட் சிட்டி திட்டத்தில் தூத்துக்குடி புதுப்பொலிவு பெறும்

தூத்துக்குடி, பிப். 14: தூத்துக்குடி நகரம் ஸ்மார்ட் சிட்டி திட்டத்தில் புதுப்பொலிவு பெறும் என்று அதிமுக மாவட்ட செயலாளர் செல்லப்பாண்டியன் பேசினார். தூத்துக்குடி அண்ணா நகர் மெயின்ரோட்டில், அதிமுக  அரசின் சாதனை விளக்க தெருமுனை பிரசார கூட்டம்  நடந்தது. மேற்கு பகுதி செயலாளர் முருகன் தலைமை வகித்தார்.  மாவட்ட எம்ஜிஆர் மன்ற இணை செயலாளர் ஜோதிமணி, பகுதி துணை செயலாளர்கள்  கணேசன், ஜெயபாரதி, மாவட்ட பிரதிநிதி உமாகண்ணன், முன்னாள் கவுன்சிலர்  கமலக்கண்ணன், பரமசிவன், ஆனந்தராஜ், சிவன், முருகன், ஆறுமுகம், ராஜா,  நட்டார்முத்து, ஜெயராமன், வீரக்கோன் ஆகியோர் முன்னிலை வகித்தனர்.  வட்ட செயலாளர் பூக்கடைவேலு வரவேற்றார்.அதிமுக மாவட்ட செயலாளர் செல்லப்பாண்டியன் பேசுகையில், தூத்துக்குடி மாநகர  வளர்ச்சிக்காக பல்வேறு திட்டங்கள் செயல்படுத்தப்படுகிறது. பழைய  பேருந்துநிலையம் புதுப்பொலிவுடன் செயல்படவுள்ளது. 2011 தேர்தல்  பிரசாரத்தின் போது ஜெயலலிதா அறிவித்த திட்டமான விவிடி சிக்னல் மேம்பாலம்  கட்டுவதற்கு நிதி ஒதுக்கப்பட்டு உள்ளது. வியாபாரி ஒருவர் தொடர்ந்த  வழக்கு நீதிமன்றத்தில் இருப்பதால் காலதாமதம் ஆகிறது. விரைவில் அதற்கான  அடிக்கல் நாட்டுவிழா நடைபெறும். ஸ்மாட் சிட்டி திட்டத்தின் கீழ்  தூத்துக்குடி மிகப்பெரிய பல திட்டங்கள் வரவுள்ளன. வருகிற  பாராளுமன்ற தேர்தலில் அதிமுகவை மக்கள் ஆதரிக்க வேண்டும், என்றார்.கூட்டத்தில் அமைப்பு செயலாளர் சின்னத்துரை, பேச்சாளர்  லட்சுமணன், மாவட்ட வக்கீல் அணி செயலாளர் சேகர் ஆகியோர் பேசினர். இதில்  மாவட்ட அண்ணா தொழிற்சங்க செயலாளர் ராஜா, கிழக்கு பகுதி செயலாளர் சேவியர்,  முன்னாள் மத்திய கூட்டுறவு வங்கி தலைவர் ராஜகோபால், போக்குவரத்து தொழிற்சங்க  இணை செயலாளர் சங்கர், ஜெ. பேரவை இணை செயலாளர் ஜீவாபாண்டியன், மேலூர்  கூட்டுறவு வங்கி துணை தலைவர் சிவசுப்பிரமணியன் உள்பட பலர் கலந்து  கொண்டனர். வட்ட செயலாளர் மனோகர் நன்றி கூறினார்.