Tuticorin - Dinakaran

மக்களவை தேர்தலில் கனிமொழி வெற்றி திமுகவினர் பட்டாசு வெடித்து கொண்டாட்டம்

கோவில்பட்டி, மே 24: தூத்துக்குடி மக்களவை தொகுதியில் போட்டியிட்ட திமுக வேட்பாளர் கனிமொழி அதிக வாக்குகள் வித்தியாசத்தில் வெற்ற பெற்றார். அவரது வெற்றியை கொண்டாடும் வகையில் கோவில்பட்டியில் வடக்கு மாவட்ட திமுக விவசாய அணி சார்பில் வெற்றி விழா கொண்டாடப்பட்டது. கோவில்பட்டி எட்டயபுரம் ரோட்டில் நடந்த விழாவிற்கு வடக்கு மாவட்ட விவசாய அணி அமைப்பாளர் ராமர் தலைமை வகித்து பொதுமக்களுக்கு இனிப்பு வழங்கினார். பின்னர் பட்டாசு வெடித்து கொண்டாடப்பட்டது. இதில் நகர அவைத்தலைவர் முனியசாமி, அண்ணாத்துரை, நாஞ்சில்குமார், இனாம்மணியாச்சி ஊராட்சி செயலாளர் முத்துராமன், மாவட்ட பிரதிநிதி பாலசுப்பிரமணியன், 11வது வட்டம் ஈகாவேலுச்சாமி, கந்தசாமி, உதயசூரியன், தெய்வேந்திரகணேசன், ஒன்றிய துணை செயலாளர் தங்கப்பாண்டியன், கருப்பசாமி, காமராஜ், பாலசுப்பிரமணியன், ரமேஷ் உட்பட பலர் கலந்து கொண்டனர். திருச்செந்தூர்: இதேபோல் திருச்செந்தூர் வஉசி திடல் அருகே திமுகவினர் பட்டாசு வெடித்தும், பொதுமக்களுக்கு இனிப்பு வழங்கியும் கொண்டாடினர். இதில், மாவட்ட பிரதிநிதி முத்துக்குமார், மாவட்ட விவசாய அணி துணை அமைப்பாளர் பொன்முருகேசன், முன்னாள் கவுன்சிலர் கோமதிநாயகம், மாவட்ட மாணவரணி துணை அமைப்பாளர் பிரவீன், முன்னாள் நகர செயலாளர் ராஜ்மோகன், வார்டு செயலாளர் ஆனந்தன், மாசனம், துரை, ஆறுமுகம் உள்ளிட்ட பலர் கலந்து கொண்டனர்.சாத்தான்குளம்:  சாத்தான்குளம் ஒன்றிய திமுக சார்பில் சாத்தான்குளம் பழைய பஸ் நிலையத்தில் பட்டாசு வெடித்து இனிப்பு வழங்கினர். இந்நிகழ்ச்சிக்கு ஒன்றிய திமுக செயலாளர் ஜோசப் தலைமை வகித்து இனிப்பு வழங்கினார். இதில் நகர செயலாளர் இளங்கோ, பொதுக்குழு உறுப்பினர் இந்திராகாசி, ஒன்றிய அவைத் தலைவர் சவுந்திரபாண்டியன், ஒன்றிய பொருளாளர் வேல்துரை, ஒன்றிய துணை செயலாளர் பாலமுருகன், நகர இளைஞரணி அமைப்பாளர் முருகன், மாவட்ட பிரதிநிதிகள் நயினார், அலெக்ஸ்புருட்டோ, சரவணன், முன்னாள் மாவட்ட  பிரதிநிதி கெங்கை ஆதித்தன், ஒன்றிய வக்கீல் பிரிவு  துணை அமைப்பாளர்கள் மணிமாறன் ரவிச்சந்திரன்,  ஒன்றிய கலை இலக்கிய பகுத்தறிவு பாசறை துணை செயலாளர்கள் வேம்பரசு, செல்வம், ஊராட்சி செயலாளர்கள் பனைவிளை ராஜபாண்டி, முதலூர் ராஜபாண்டி, கணபதிபாண்டி, ஜெயபால் , சித்திரை உள்ளிட்ட பலர் கலந்து கொண்டனர். இதேபோல் சாத்தான்குளம் அருகே உள்ள போலையர்புரம் விலக்கில் ஒன்றிய துணை செயலாளர் பாலமுருகன் தலைமையில் பட்டாசு வெடித்து இனிப்பு  மற்றும் பிரியாணி வழங்கப்பட்டது. இதில் ஒன்றிய இளைஞரணி அமைப்பாளர் கார்த்திகேயன், துணை அமைப்பாளர் ஜெகன் உள்ளிட்ட பலர் கலந்து கொண்டனர். கயத்தாறு:  மக்களவை தேர்தலில் திமுக வெற்றி பெற்றதை தொடர்ந்து கயத்தாறில் தூத்துக்குடி வடக்கு மாவட்ட முன்னாள் இளைஞரணி துணை அமைப்பாளர் கேகேஆர் அய்யாதுரை தலைமையில் திமுகவினர் இனிப்பு வழங்கினர். மாவட்ட சிறுபான்மை துணை அமைப்பாளர் கே எம் ஏ பஷீர் முன்னிலை வகித்தார். கயத்தாறு கீழ பஜார் மெயின் ரோடு ரோடு, பேருந்து நிலையம் நிலையம் மற்றும் வடக்கு தெருவில் திமுகவினர் பட்டாசு வெடித்து மகிழ்ந்தனர். பின்னர் அங்கிருந்த பொதுமக்களுக்கு இனிப்பு வழங்கினர் மாவட்ட பிரதிநிதிகள் கொம்பையா எட்டுராஜா, ஒன்றிய இளைஞரணி துணை அமைப்பாளர் சங்கர், அகிலாண்டபுரம் ஊராட்சி செயலர் கருணாநிதி, ஒன்றிய மாணவரணி துணை அமைப்பாளர் சுரேஷ். நகர இளைஞரணி துணை அமைப்பாளர் பூல்பாண்டி, காங்கிரஸ் தலைவர் பாடலிங்கம் மற்றும் கூட்டணி கட்சியினர் கலந்து கொண்டனர்.ஆறுமுகநேரி:  ஆறுமுகநேரி மெயின் பஜாரில் நகர திமுக செயலாளர் கல்யாணசுந்தரம் தலைமையில் திமுகவினர் பொதுமக்களுக்கு இனிப்பு வழங்கினர். தொடர்ந்து பட்டாசு வெடித்து கொண்டாடினர். நிகழ்ச்சியில் திமுக இளைஞரணி அமைப்பாளர் அகஸ்டின், கூட்டுளவு வங்கி தலைவர் ராகவன், திருச்செந்தூர் வட்டார காங்கிரஸ் தலைவர் சற்குரு, நகர காங்கிரஸ் தலைவர் ராஜாமணி, உட்பட திரளானோர் கலந்துக் கொண்டனர். காயல்பட்டினத்தில் புதிய பேரூந்து நிலையம் அருகில் காயல்பட்டினம் நகர திமுக அமைப்பாளர் முதுது முகம்மது தலைமையில் இனிப்பு வழங்கி பட்டாசு வெடித்து கொண்டாடினர்.

ஆத்தூர் உச்சினிமாகாளி அம்மன் கோயில் கொடைவிழா

ஆறுமுகநேரி, மே24: ஆத்தூர் உச்சினிமாகாளி அம்மன் கோயிலில் கொடைவிழா நடந்தது.  ஆத்தூர் யாதவர் தெரு உச்சினிமாகாளி அம்பாள் கோயில் கொடைவிழா வில் முதல் நாள்  இரவு மாக்காப்பு தீபாராதனை நடைபெற்றது.  மறுநாள் செவ்வாய் கிழமை காலை தாமிரபரணி நதியின் சோம தீர்த்த கட்டத்தில் இருந்து புனிதநீர் மற்றும் பால்குடம் எடுத்து வரப்பட்டு அபிஷேகம் செய்யப்பட்டது. தொடர்ந்து உச்சிகால தீபாராதனையும் மதியம் மகேஷ்வர பூஜையும் நடைபெற்றது.  மாலை 7 மணிக்கு  கும்பம் எடுத்து வரப்பட்டது.  நள்ளிரவு 12 மணிக்கு சிறப்பு அலங்கார தீபாராதனையை தொடர்ந்து அக்கினி சட்டியுடன் கும்ப ஊர்வலம் நடந்தது.  மறுநாள் அதிகாலை படைப்பு தீபாராதனை நடந்தது.  காலை 10 மணிக்கு மஞ்சள் நீராடல்,  மாலை 5 மணிக்கு முளைப்பாரி ஊர்வலமும் இரவு கலை நிகழ்ச்சிகள் நடந்தது. வழிா ஏற்பாடுகளை ஆத்தூர் யாதவர் சமுதாய மக்கள் மற்றும் வீரன் அழகுமுத்து யாதவ் இளைஞரணியினர் செய்திருந்தனர்.

போக்குவரத்துக்கு லாயக்கற்ற நாசரேத்-ஏரல் சாலை

நாசரேத் மே 24:  போக்குவரத்துக்கு லாயக்கற்ற நாசரேத்- ஏரல் சாலையை விரைவில் சீரமைக்க வேண்டுமென பொதுமக்கள் கோரிக்கை விடுத்துள்ளனர். நாசரேத்-ஏரல் இடையே உள்ள குளத்துக்குடியிருப்பு, கடையனோடை, சாலை பல மாதங்களாக குண்டும் குழியுமாகவும், பெரிய பள்ளங்கள் நிறைந்தும் காணப்படுகிறது. இந்த வழியாக செல்லும் பஸ்கள், லாரிகள் மற்றும் வாகனங்கள் மிகவும் சிரமப்படுகின்றன. குறிப்பாக இரு சக்கர வாகனங்களில் செல்லும் பொதுமக்கள் படாதபாடுபடுகிறார்கள். எனவே சம்பந்தப்பட்ட அதிகாரிகள் நடவடிக்கை எடுத்து போக்குவரத்துக்கு லாயக்கற்ற நிலையில் உள்ள நாசரேத்-ஏரல் சாலையை சீரமைக்க வேண்டுமென அப்பகுதி மக்கள் கோரிக்கை விடுத்துள்ளனர்.

பள்ளி செல்லா குழந்தைகள் கணக்கெடுப்பு

உடன்குடி,மே 24:  உடன்குடி வட்டார வளமையம் சார்பில் ஒருங்கிணைந்த பள்ளி கல்வி திட்டத்தின் கீழ் 6முதல் 18வயதிற்குட்பட்ட பள்ளிச்செல்லா மற்றும் மாற்றுத்திறனாளிகள் குழந்தைகள் கணக்கெடுப்பு பணி உடன்குடி ஒன்றிய பகுதியில் உள்ள 161குக்கிராமங்களில் வீடு, வீடாக சென்று கணக்கெடுக்கும் பணி நடந்தது. வட்டார வள மைய மேற்பார்வையாளர் சகுந்தலா தலைமையில் சிறப்பு ஆசிரியர்கள், பயிற்றுனர்கள் ஆய்வு நடத்தியதில் குலசேகரன்பட்டினம், மணப்பாடு, சத்தியாநகர், ஜெ.ஜெ.நகர், சாதரக்கோன்விளை உள்ளிட்ட பகுதிகளில் 42மாணவ,மாணவிகள் கண்டுபிடிக்கப்பட்டனர்.

சீயோன் ஆலய முப்பெரும் விழா

உடன்குடி, மே 24: உடன்குடி அருகே சீயோன்நகர் பரிசுத்த சீயோன் ஆலய 80வது பிரதிஷ்டை விழா, அசன பண்டிகை மற்றும் பல்வேறு புதிய கட்டிடங்கள் திறப்பு ஆகிய முப்பெரும் விழா நடந்தது. கடந்த 10ம் தேதி இரவு 7 மணிக்கு விபிஎஸ் கலைநிகழ்ச்சிகள் நடந்தது. விழா நாட்களில் உபவாச கூடுகை, ஜான்தாமஸ் சபை மன்ற தலைவர் கோல்டுவின் தலைமையில் திருவிருந்து ஆராதனை, ஆலய முன்மண்டபம் பிரதிஷ்டை,  புதுப்பிக்கப்பட்ட தொடக்கப்பள்ளி கட்டிட பிரதிஷ்டை, புதிய நிலம் ஆலயத்திற்கு அர்ப்பணித்தல், பிரதிஷ்டை பண்டிகை சிறப்பு ஆராதனை, நேர்ச்சை காணிக்கை படைத்தல், திடப்படுத்துதல் ஆராதனை, ஞானஸ்தான மற்றும் அசனப்பண்டிகை ஆயத்த ஆராதனை வள்ளிட்ட பல்வேறு நிகழ்ச்சிகள் நடந்தது. இதில் தூத்துக்குடி நாசரேத் திருமண்டல பேராயர் தேவசகாயம், பெங்களூரு போதகர் ராஜசிங் ஞானராஜ் ஆகியோர் தேவசெய்தி வழங்கினர். கிறிஸ்தியான் கோலப் அணி சார்பில் வேதாகமத்தில் ஜெபத்தில் வல்லவர்கள் ஆண்களா, பெண்களா என்ற தலைப்பில் பட்டிமன்றம் நடந்தது. கிறிஸ்தியாநகரம் உதவி சேகரகுரு ஜான்சாமுவேல் நடுவராக செயல்பட்டார். ஏற்பாடுகளை சீயோன்நகர் சேகரத் தலைவர் தனசீலன், சபை ஊழியர் ஆனந்தமணி மற்றும் சபை மக்கள் செய்திருந்தனர்.

சேரகுளம் அருகே வாலிபர் வெட்டிக் கொலை

செய்துங்கநல்லூர், மே 24: சேரகுளம் அருகே வாலிபர் வெட்டிக் கொலை செய்யப்பட்டார். இதுகுறித்து போலீசார் விசாரணை நடத்தி வருகின்றனர். தூத்துக்குடி மாவட்டம் சேரகுளம் அருகே உள்ள தெற்குகாரச்சேரியை சேர்ந்தவர் கண்ணன். இவரது மகன் தங்கபாண்டி (30). நேற்றிரவு 10.30 மணியளவில் வல்லகுளத்தில் இருந்து கால்வாய் செல்லும் சாலையில், இவர் அடையாளம் தெரியாத நபர்களால் வெட்டிக் கொலை செய்யப்பட்டார். தகவலறிந்த சேரகுளம் போலீசார், சம்பவ இடத்துக்கு விரைந்து சென்று சடலத்தை கைப்பற்றி விசாரணை நடத்தி வருகின்றனர்.

வரத்து குறைவால் கோவில்பட்டி மார்க்கெட்டில் எலுமிச்சை விலை கிடுகிடு உயர்வு கிலோ ரூ.130க்கு விற்பனை

கோவில்பட்டி, மே 24: கோவில்பட்டி மார்க்கெட்டிற்கு எலுமிச்சை பழங்களின் வரத்து குறைவால் கிடுகிடுவென விலை உயர்ந்துள்ளது. கடும் கோடை வெயிலால் விளைச்சல் குறைந்துள்ளதால் எலுமிச்சை பழங்கள் பயிரிட்ட விவசாயிகள் வேதனை அடைந்துள்ளனர். கோவில்பட்டி மார்க்கெட்டிற்கு கழுகுமலை, வானரமுட்டி, சங்கரன்கோவில், கள்ளிகுளம், குருவிகுளம், பிள்ளையார்நத்தம், தேவர்குளம், இளையரசனேந்தல், சிப்பிப்பாறை உள்ளிட்ட பல்வேறு பகுதிகளில் இருந்த எலுமிச்சை பழங்கள் விற்பனைக்கு வருகின்றன. இப்பகுதியில் பருவமழை பொய்த்தததால் கிணற்று பாசனம் மூலம் எலுமிச்சை சாகுபடி செய்யப்பட்டு வருகின்றன. மழையின்மை, கிணறுகளில் தண்ணீர் பற்றாக்குறை போன்றவற்றால் எலுமிச்சை விளைச்சல் குறைந்துவிட்டது. கடும் வெயிலின் தாக்கத்தினால் எலுமிச்சை காய் மற்றும் பழங்கள் வெம்பி விடுகிறது. இதனால் மரங்களில் இருந்து எலுமிச்சை பழங்களை பறிக்க முடியாததால் விவசாயிகள் நஷ்டத்தை சந்தித்துள்ளனர். வரத்து குறைவால் கோவில்பட்டி மார்க்கெட்டில் எலுமிச்சை விலையும் கிடுகிடுவென உயர்ந்துள்ளது. தற்போது கோடை கால சீசன் என்பதால் எலுமிச்சை பழங்களின் தேவை அதிகரித்துள்ளது. இதனாலும் விலை உயர்ந்து விட்டதாக வியாபாரிகள் தெரிவித்தனர். கடந்த சில வாரங்களுக்கு முன்பு தரம் வாரியாக கிலோ ரூ.40 முதல் 70 வரை விற்கப்பட்ட எலுமிச்சை பழங்கள் வரத்து குறைவால் தற்போது முதல் தரம் கிலோ ரூ.130க்கும், 2வது தரம் ரூ.100க்கும் விற்கப்படுகிறது. கோடை காலம் என்பதால் பொதுமக்கள் விலையை பொருட்படுத்தாமல் எலுமிச்சை பழங்களை வாங்கி செல்கின்றனர். விலை அதிகரித்துள்ளதால் விற்பனையும் குறைந்துள்ளது. விலை உயர்ந்தாலும் போதிய விளைச்சல் இல்லாததால் விவசாயிகள் வேதனை அடைந்துள்ளனர். இதனால் பாதிக்கப்பட்ட விவசாயிகளுக்கு நிவாரண உதவிகள் வழங்க அரசு நடவடிக்கை எடுக்க வேண்டும் எதிர்பார்க்கின்றனர்.

ரசாயனம் வைத்து பழுக்க வைக்கப்பட்ட ஒரு டன் அழுகிய மாம்பழங்கள் பறிமுதல் உணவு பாதுகாப்பு அதிகாரிகள் அதிரடி

கோவில்பட்டி, மே 24: கோவில்பட்டியில் ரசாயனம் வைத்து பழுக்க வைக்கப்பட்ட ஒரு டன் எடையிலான அழுகிய மாம்பழங்களை உணவு பாதுகாப்பு அதிகாரிகள் பறிமுதல் செய்தனர். தூத்துக்குடி மாவட்ட கலெக்டர் சந்தீப்நத்நூரி உத்தரவின்பேரில் மாவட்ட உணவு பாதுகாப்பு நியமன அலுவலர் டாக்டர் சுகுணா, கோவில்பட்டி நகராட்சி கமிஷனர் அச்சையா ஆகியோரின் ஆலோசனைப்படி உணவு பாதுகாப்பு அலுவலர் முருகேசன் கோவில்பட்டி பசுவந்தனை ரோட்டில் உள்ள வணிக வளாகத்தில் உள்ள ஒரு மாம்பழங்கள் கிடங்கில் ஆய்வு செய்தார். அப்போது அந்த கிடங்கில் ரசாயனம் வைத்து பழுக்க வைக்கப்பட்ட ஒரு டன் எடையிலான மாம்பழங்களை உணவு பாதுகாப்பு அதிகாரிகள் பறிமுதல் செய்தனர். பின்னர் அழுகிய அந்த மாம்பழங்கள் நகராட்சி லாரியில் ஏற்றப்பட்டு கோவில்பட்டி அருகே சிதம்பராபுரத்தில் உள்ள நகராட்சி குப்பை கிடங்கில் பினாயில் ஊற்றி அழிக்கப்பட்டது.

கோவில்பட்டியில் அகில இந்திய ஹாக்கி போட்டி காலிறுதியில் பெங்களூரு அணி வெற்றி

கோவில்பட்டி, மே 24: கோவில்பட்டியில் லட்சுமியம்மாள் கோப்பைக்கான அகில இந்திய ஹாக்கி போட்டியின் 8வது நாளான நேற்று (23ம் தேதி) நடந்த காலிறுதி போட்டிகளில் பெங்களூரு ஹாக்கி அசோசியேசன் அணி, சென்னை ஐசிஎப் ஹாக்கி அணி மற்றும் மும்பை அணியினர் வெற்றி பெற்றனர். கோவில்பட்டியில் லட்சுமியம்மாள் கோப்பைக்கான அகில இந்திய அளவிலான ஹாக்கி போட்டி கடந்த 16ம் தேதி துவங்கி நடந்து வருகிறது. இப்போட்டி வரும் 26ம் தேதி வரை நடக்கிறது. நேற்று காலையில் நடந்த 8வது நாள் போட்டியில் முதல் காலிறுதி போட்டி நடந்தது. இதில் புவனேஷ்வர் ஈஸ்ட் கோஸ்ட் ரயில்வே அணியுடன் பெங்களூரு ஹா’கி அசோசியேசன் அணி பெங்களூரு அணியினர் மோதினர். இதில் பெங்களூரு ஹாக்கி அசோசியேசன் அணியினர் 5:3 எனும் கோல்கணக்கில் வெற்றி பெற்று அரையிறுதி போட்டி’கு தகுதி பெற்றனர். இதையடுத்து மாலையில் நடந்த 2வது காலியுறுதி போட்டியில் சென்னை தெற்கு ரயில்வே அணியுடன் சென்னை ஐசிஎப் அணியினர் மோதினர். இதில் சென்னை ஐசிஎப் அணியினர் 5:4 எனும் கோல்கண’கில் வெற்றி பெற்றனர். இதையடுத்து நடந்த 3வது காலியுறுதி போட்டியில் மும்பை ஆல் இந்தியா கஸ்டம்ஸ் அன்ட் ஜிஎஸ்டி அணியுடன் பெங்களூரு கனரா வங்கியினர் மோதினர். இதில் மும்பை ஆல் இந்தியா கஸ்டம்ஸ் அன்ட் ஜிஎஸ்டி அணியினர் 10:9 எனும் கோல்கண’கில் வெற்றி பெற்றனர். பின்னர் நடந்த 4வது காலியுறுதி போட்டியில் செகந்திராபாத் சவுத் சென்ட்ரல் ரயில்வே அணியுடன் மும்பை யூனியன் வங்கி அணியும் மோதினர். நாளை (25ம் தேதி) மாலை 5.30 மணி’கு நடக்கும் முதலாவது அரையிறுதி போட்டியில் பெங்களூரு ஹாக்கி அசோயேசன் பெங்களூரு அணியுடன் சென்னை ஐசிஎப் அணியினர் மோதுகின்றனர். தொடர்ந்து இரவு 7.15 மணி’கு 2வது அரையிறுதி போட்டி நடக்கிறது.

நாட்டார்குளம் ஆலய திருவிழாவில் சப்பர பவனி

செய்துங்கநல்லூர், மே24:  செய்துங்கநல்லூர் அருகே உள்ள நாட்டார்குளம் புனித சூசையப்பர் ஆலய திருவிழா சப்பர பவனியுடன் நடந்தது. தூத்துக்குடி மறைமாவட்டத்தின் கடைசி பகுதியும், பாளையங்கோட்டை மறை மாவட்த்தின் கடைசி பகுதியாகவும் விளங்கும் நாட்டார்குளம் 108வது பங்காக உருவாக்கப்பட்டது.  இங்குள்ள புனித சூசையப்பர் ஆலய திருவிழா நடைபெற்று வருகிறது.  10 நாள் விமர்சையாக கொண்டாடப்படும் இந்த திருவிழா கடந்த மே மாதம் 14ம் தேதி  மாலை 7 மணிக்கு கொடியேற்றத்துடன் தொடங்கியது. அதன் பிறகு தொடர்ந்து காலை 7 மணிக்கு திருவிழா ஆடம்பரக்கூட்டுத்திருப்பலி நடந்தது. இதில் நாள்தோறும் இறை பணியாளர்கள் சிறப்பு திருப்பலி நடத்தினர். தைலாபுரம் ராபின், டி.கள்ளிகுளம் ஆங்கிலப்பள்ளி முதல்வர் வின்சென்ட், வைகுண்டம் அதிபர் மரியவளன், சிந்தாமணி குழந்தைராஜன், பாளையஞ்செட்டிகுளம் அந்தோணி ராஜ், வள்ளியூர் உளவியல் ஆலோசகர் ஜஸ்டின், செய்துங்கநல்லூர் ஆராக்கிய லாசர், ஆர்.சி.பள்ளிகள் கண்காணிப்பாளர் பென்சிகர்,  ஆகியோர் திருப்பலி  நடத்தினர். 22ம் தேதி நடந்த  திருப்பலி நற்கருணை ஆசீர் ஆகியவற்றை மீனவன் குளம் டென்சில்ராஜா, பூச்சிகாடு விக்டர் சாலமோன் ஆகியோர் நடத்தினர்.  23ம் தேதி சப்பர பவனி நடந்தது. இதில் மிக்கேல் அதிதூதர், அமலோற்பவம், புனித சூசையப்பர் ஆகியோர் சப்பரத்தில் எழுந்தருளி ஆலயத்தை சுற்றி வீதி உலா வந்தனர். பக்தர்கள், பூ மற்றும் உப்பு மிளகு போட்டு தரிசனம் செய்தனர். சப்பரம் ஊர் முழுவதும் சுற்றி வந்தது. இறுதியில் மீண்டும் ஆலய வளாகத்தை வந்தடைந்தது. மாலை 7 மணிக்கு நடந்த ஜெபமாலை திருப்பலி, நற்கருணை ஆசிருக்கு செங்கை செங்காட்டூர் அமலதாஸ், கொடை மங்களக்கொம்பு வேளாங்கண்ணி, திருச்சி இருதயராஜ், கும்ப வலங்கை பால் ஆன்டனி, திண்டுக்கல் கொட்டாம்பட்டி மரியதுரை ஆகியோர் கலந்துகொண்டு சிறப்பு திருப்பலி நடத்தினர். இதற்கான ஏற்பாடுகளை நாட்டார்குளம் பங்கு தந்தை இருதயசாமி  தலைமையில் அருட் சகோதரி, ஊர் நிர்வாகிகள் உள்பட பலர் செய்திருந்தனர்.

ஆத்தூர் கோயிலில் வருஷாபிஷேகம்

ஆறுமுகநேரி, மே24:  ஆத்தூர் வடக்கு ரதவீதி  நல்லபிள்ளையார்கோயிலில் வருஷாபிஷேக விழா நடந்தது.  ஆத்தூர் வடக்கு ரதவீதி  நல்லபிள்ளையார் கோயிலில் வருஷாபிஷேக விழா நேற்று காலை 9 மணிக்கு மஹா கணபதி ஹோமத்துடன் துவங்கியது. தொடர்ந்து யாகசாலை பூஜை, விமான அபிஷேகம் நடந்தது.  பகல் 11 மணிக்கு மூலவர் அபிஷேகமும், மதியம் 12 மணிக்கு உச்சிகால தீபாராதனை நடந்தது. தொடர்ந்து பக்தர்களுக்கு பிரசாதம் வழங்கப்பட்டது.  விழா  ஏற்பாடுகளை ஆத்தூர் வடக்கு ரதவீதி  நல்லபிள்ளையார் கைங்கர்ய சபையினர் செய்திருந்தனர்.

திமுக வெற்றிக்காக உழைத்தவர்களுக்கு அனிதாராதாகிருஷ்ணன், கீதாஜீவன் நன்றி

தூத்துக்குடி, மே 24:  தூத்துக்குடி மக்களவை தேர்தலில் திமுக வேட்பாளர் கனிமொழி  வெற்றி குறித்து தெற்கு மாவட்ட திமுக பொறுப்பாளர் அனிதா ராதாகிருஷ்ணன் எம்.எல்.ஏ. கூறியதாவது: இந்த தேர்தல் முடிவு தமிழக மக்கள் திமுக தலைவர் மு.க.ஸ்டாலின் மீது வைத்துள்ள நம்பிக்கையை காட்டுகிறது. திமுக கூட்டணி தான் தமிழகத்துக்கு நன்மை செய்யும் என்ற எண்ணத்தில் மக்கள் வாக்களித்துள்ளனர். அதனை நிறைவேற்றும் வகையில் விரைவில் தமிழகத்தில் ஆட்சி மாற்றம் ஏற்படும். ஓட்டப்பிடாரம் தொகுதியில் 30 ஆண்டுகளுக்கு பின்னர் திமுக வெற்றி வாகை சூடியுள்ளது. இது ஒரு புதிய சகாப்தம். இந்த வெற்றிக்கு திமுக தலைவர் ஸ்டாலின் மீது மக்கள் கொண்டுள்ள மாறா அன்பை காட்டுகிறது. திமுக கூட்டணிக்கு வாக்களித்த மக்களுக்கும், வெற்றிக்கு உழைத்த திமுக மற்றும் கூட்டணி கட்சி தலைவர்கள், நிர்வாகிகள், தொண்டர்களுக்கும் நன்றி தெரிவித்துக்கொள்கிறேன். இவ்வாறு அவர் கூறினார். வடக்கு மாவட்ட திமுக பொறுப்பாளர் கீதாஜீவன் எம்.எல்.ஏ. கூறியதாவது: தூத்துக்குடி தொகுதி வெற்றி எதிர்பார்த்த ஒன்றாகும். தலைவர் கருணாநிதி மகளும், திமுக தலைவர் ஸ்டாலினின் சகோதரியுமான கனிமொழி வெற்றி பெற வேண்டுமென்று பொதுமக்கள் விரும்பினார்கள். மத்தியில் ஆட்சி மாற்றம் ஏற்பட்டு கனிமொழி மத்திய அமைச்சராக வேண்டும் என்று எண்ணினர். அதனால் மிகப்பெரிய வெற்றியை அளித்துள்ளனர். மக்களின் நம்பிக்கைக்கு ஏற்ப திமுக தொடர்ந்து பாடுபடும். வெற்றிக்கு உழைத்த திமுக மற்றும் கூட்டணி கட்சியினருக்கு நன்றியை தெரிவித்துக்கொள்கிறேன். இவ்வாறு அவர் கூறினார்

இளம் பெண் தீக்குளித்து சாவு

தூத்துக்குடி, மே 24: தூத்துக்குடியில் கணவருடன் ஏற்பட்ட தகராறில் தீக்குளித்த இளம்பெண் மருத்துவமனையில் சிகிச்சை பலனின்றி இறந்தார். தூத்துக்குடி துரைசிங் நகரை சேர்ந்தவர் முருகன். இவரது மனைவி வசந்தா (32). கூலி தொழிலாளி. இவர்களுக்கு 11 ஆண்டுகளுக்கு முன்பு திருமணம் நடந்தது. முருகனுக்கு மது குடிக்கும் பழக்கம் இருந்தது. அடிக்கடி அவர் மது குடித்துவிட்டு சரிவர வேலைக்கு செல்லாமல் இருந்து வந்தாராம். இதனால் கணவன், மனைவி இடையே தகராறு ஏற்பட்டு வந்தது. இந்த நிலையில் கடந்த 17ம் தேதி காலை வீட்டில் வசந்தா தனது உடலில் மண்எண்ணெய் ஊற்றி தீ வைத்து கொண்டாராம். இதனை அறிந்த அக்கம் பக்கத்தினர் அவரை மீட்டு தூத்துக்குடி அரசு மருத்துவமனையில் சிகிச்சைக்காக சேர்த்தனர். அவருக்கு அங்கு தீவிர சிகிச்சை அளிக்கப்பட்டு வந்தது. இந்த நிலையில் நேற்று முன்தினம் அவர் சிகிச்சை  உயிர் இழந்தார். இந்த சம்பவம் குறித்து தாளமுத்துநகர் போலீசார் வழக்குப்பதிவு செய்து விசாரணை நடத்தி வருகின்றனர்.

தவறி விழுந்த தொழிலாளி பலி

தூத்துக்குடி, மே24:  தூத்துக்குடி அண்ணா நகர் 12வது தெருவை சேர்ந்தவர் சுப்பிரமணியன் மகன் சேகர் (50). வெல்டிங் தொழிலாளி. கடந்த 9ம் தேதி மாலை தூத்துக்குடி தபால் தந்தி காலனியில் உள்ள ஒரு வீட்டின் மாடியில் ஆஸ்பட்டாஸ் கூரை அமைக்கும் பணியில் சேகர் ஈடுபட்டு இருந்தார். அப்போது எதிர்பாராத விதமாக தவறி கீழே விழுந்து படுகாயம் அடைந்தார். இதனையடுத்து உடன் வேலை பார்த்தவர்கள் சேகரை மீட்டு தூத்துக்குடி அரசு ஆஸ்பத்திரியில் சேர்த்தனர். அங்கு அவருக்கு சிகிச்சை அளிக்கப்பட்டு வந்தது. நேற்று முன்தினம் காலையில் சிகிச்சை பலனளிக்காமல் அவர் உயிர் இழந்தார். இதுகுறித்து சிப்காட் போலீசார் விசாரணை நடத்தி வருகின்றனர்.

திருச்செந்தூர் பகுதியில் இன்று மின்தடை

திருச்செந்தூர், மே 24: திருச்செந்தூர் மின்வாரிய செயற்பொறியாளர் பிரபாகர் விடுத்துள்ள செய்திக்குறிப்பு: திருச்செந்தூர் கோட்டத்திற்கு உட்பட்ட ஆறுமுகனேரி, குரும்பூர், காயல்பட்டணம் மற்றும் திருச்செந்தூர் உபமின் நிலையங்களில் இன்று(24ம் தேதி) மாதாந்திர பராமரிப்பு பணிகள் நடைபெற உள்ளது. இதனால் இன்று காலை 9 மணி முதல் பிற்பகல் 2 மணி வரை புன்னகாயல், ஆத்தூர், ஆறுமுகனேரி, பேயன்விளை, காயல்பட்டினம், வீரபாண்டியன்பட்டினம், அடைக்கலாபுரம், தளவாய்புரம், திருச்செந்தூர் சங்கிவிளை, கானம், வள்ளிவிளை, குரும்பூர், நல்லூர், அம்மன்புரம், பூச்சிகாடு, கானம் கஸ்பா, காயாமொழி, நாலுமாவடி, தென்திருப்பேரை, வீரமாணிக்கம், குட்டித்தோட்டம், குரங்கனி, தேமான்குளம், திருக்களுர் ஆகிய ஊர்களுக்கு மின்சாரம் வினியோகம் இருக்காது. இவ்வாறு அதில் தெரிவித்துள்ளார்.

விளாத்திகுளம் சட்டமன்ற இடைத்தேர்தலில் சுயேச்சையாக போட்டியிட்ட மார்க்கண்டேயன் 27,456 வாக்குகளை பெற்றார்

தூத்துக்குடி, மே 24:  விளாத்திகுளம் சட்டமன்ற இடைத்தேர்தலில் சுயேச்சையாக போட்டியிட்ட மார்க்கண்டேயன் 27,456 வாக்குகளை பெற்றார். அவர் நிருபர்களிடம் கூறியதாவது: விளாத்திகுளம் தொகுதியில் சுயேச்சையாக போட்டியிட்ட எனக்கு டெபாசிட் தொகையை திரும்ப பெறும் அளவுக்கு மக்கள் வாக்களித்துள்ளனர். அதுவே மகிழ்ச்சி. இதற்காக நான் நன்றி தெரிவித்துக்கொள்கிறேன். இந்த தேர்தல் களத்தை பொறுத்தவரை அதிமுக 22 சட்டமன்ற இடைத்தேர்தலை சந்திப்பதற்கு மட்டும் சுமார் 2,200 கோடி பணத்தை செலவு செய்துள்ளனர். ஒரு தொகுதிக்கு வாக்காளருக்கு மட்டும் ரூ.2 ஆயிரம் கொடுத்துள்ளனர். இதில் பல்வேறு இடங்களில் அவர்கள் வெற்றி வாய்பை இழந்துள்ளனர். ஆளுகிற கட்சியை எதிர்த்து யார் நின்றாலும் முன் வைப்பு தொகை கிடைக்காது என்ற சூழ்நிலையில் இந்த மக்கள் முன் வைப்பு தொகையை வழங்கியிருப்பது, விளாத்திகுளம் தொகுதி மக்கள் ரூ.2 ஆயிரத்தை வென்று காட்டியுள்ளனர் என்பதற்கு எடுத்துக்காட்டாக அமைந்துள்ளது. இந்த தேர்தல் ஒரு மிகப்பெரிய ஒரு ஜனநாயக புரட்சி. தேனி தொகுதியில் தனது மகன் வெற்றி பெற வேண்டும் என்பதற்காக ஓ.பன்னீர்செல்வம் சுமார் ரூ.400 கோடி வரை செலவு செய்துள்ளார். இது வரலாற்றில் மிகப்பெரிய ஒரு கொடுமை. ஒரு அரசியல்வாதி தேர்தலில் பணத்தை கையூட்டு கொடுப்பதற்காக ஒரு குற்றவாளி தேர்தல் ஆணையத்தால், உச்சநீதிமன்றத்தால், மக்கள் மன்றத்தால் தண்டிக்கப்பட வேண்டும் என்றால் அது பன்னீர் செல்வத்துக்கு தான் முதலில் கொடுக்க வேண்டும். இங்குள்ள வாக்கு எண்ணிக்கை மையத்தில் இருந்து பன்னீர்செல்வத்துக்கான ஆபரேஷன் தொடங்கி விட்டது. இந்த தேர்தலில் ரூ.4 ஆயிரம் கோடி ஊழல் செய்துள்ளனர்.  ஊழலே செய்யாத மோடிக்கு மக்கள் மீண்டும் வாக்களித்துள்ளனர். கூட்டணி கட்சியாக அதிமுகவுடன் இணைந்திருந்தாலும் கூட மோடி, இவர்கள் அனைவரையும் டெல்லி சிறையில் அடைப்பார். இவ்வாறு அவர் கூறினார்.

வாக்கு எண்ணிக்கை மையத்தில் போலீஸ் கடும் கெடுபிடி

தூத்துக்குடி, மே 24: தூத்துக்குடி வாக்கு எண்ணிக்கையின் போது போலீஸ் கெடுபிடியால் பரபரப்பு ஏற்பட்டது. தமிழகத்தில் 38 மக்களவை தொகுதிகள், 22 சட்டமன்ற தொகுதிகளுக்கான வாக்கு எண்ணிக்கை நேற்று காலை 8 மணிக்கு துவங்கியது. தூத்துக்குடி மக்களவை தொகுதியில் தூத்துக்குடி, திருச்செந்தூர், வைகுண்டம், ஓட்டப்பிடாரம், விளாத்திகுளம், கோவில்பட்டி ஆகிய 6 சட்டசபை தொகுதிகளும் அடங்கும். இது தவிர ஓட்டப்பிடாரம், விளாத்திகுளம் சட்டசபை தொகுதிகளுக்கான ஓட்டு எண்ணிக்கையும் நடந்தது. தூத்துக்குடி மக்களவை தொகுதியில் திமுக வேட்பாளராக கனிமொழி, பாஜ வேட்பாளராக தமிழிசை செளந்தர்ராஜன், அமமுக வேட்பாளராக புவனேஷ்வரன், மக்கள் நீதி மய்யம் வேட்பாளராக பொன் குமரன் உட்பட 37 பேர் போட்டியிட்டனர். விளாத்திகுளம் சட்டசபை தொகுதிக்கான இடைத்தேர்தலில் திமுக வேட்பாளராக வசந்தம் ஜெயக்குமார், அதிமுக வேட்பாளராக சின்னப்பன், அமமுக வேட்பாளராக டாக்டர் ஜோதிமணி, சுயேட்சையாக முன்னாள் எம்எல்ஏ மார்க்கண்டேயன், மக்கள் நீதி மய்யம் வேட்பாளராக நடராஜன் உட்பட 14 பேர் போட்டியிட்டனர்.ஓட்டப்பிடாரம் தொகுதி இடைத்தேர்தலில் திமுக வேட்பாளராக சண்முகையா, அதிமுக வேட்பாளராக மோகன், அமமுக வேட்பாளராக சுந்தர்ராஜ், மக்கள் நீதி மய்யம் வேட்பாளராக காந்தி உட்பட 15 பேர் போட்டியிட்டனர். தூத்துக்குடி மக்களவை மற்றும் விளாத்திகுளம், ஓட்டப்பிடாரம் சட்டசபை தொகுதிகளின் வாக்கு எண்ணிக்கை தூத்துக்குடி வஉசி அரசு பொறியியல் கல்லூரியில் நடந்தது. ஒவ்வொரு சட்டசபை தொகுதிக்கும் 14 மேஜைகள் போடப்பட்டு வாக்குகள் எண்ணப்பட்டது.வாக்கு எண்ணிக்கையை முன்னிட்டு வாக்கு எண்ணும் மையம் முழுவதும் போலீஸ் கட்டுப்பாட்டில் கொண்டு வரப்பட்டு 3 அடுக்கு பாதுகாப்பு போடப்பட்டது. துணை ராணுவம், ஆயுதப்படை, உள்ளூர் போலீசார் என 400 பேர் வாக்கு எண்ணிக்கை நடைபெறும் வஉசி பொறியியல் கல்லூரியின் வெளியேயும், வளாகத்திலும், வாக்கு எண்ணும் அறைகளிலும் நிறுத்தப்பட்டனர். இவை தவிர வாக்கு எண்ணும் மையத்திற்கு செல்லும் வழியில் 10 அடிக்கு ஒரு போலீசார் என சுமார் 200 பேர் பாதுகாப்பு பணியில் ஈடுபட்டனர். வாக்கு எண்ணும் மையங்களில் போலீசார் பயங்கர கெடுபிடியில் ஈடுபட்டனர். வாக்கு எண்ணும் அலுவலர்கள், முகவர்கள் தவிர வேறு யாரையும் உள்ளே அனுமதிக்கவில்லை.ஓட்டப்பிடாரம் சட்டமன்ற தொகுதியில் வேட்பாளர்கள் பெற்ற வாக்குகள் விபரம்சண்முகையா       திமுக           73,241மோகன்             அதிமுக            53,584சுந்தர்ராஜ்           அமமுக           29,228அகல்யா             நாம் தமிழர் கட்சி        8,666உதயசெல்வன்          அனைத்து மக்கள் புரட்சி கட்சி        124காந்தி                மக்கள் நீதி மய்யம்         1734அக்ரி பரமசிவம்     இளந்தளிர் முன்னணி கழகம்         221 ராஜா                 இந்திய குடியரசு கட்சி (அ)    306எட்டப்பன்            சுயேச்சை               116சின்னச்சாமி         சுயேச்சை               387பாலகிருஷ்ணன்     சுயேச்சை               119மள்ளர் மகாராஜன்  சுயேச்சை               254மாரியப்பன்          சுயேச்சை               167முருகன்             சுயேச்சை               116விளாத்திகுளம் தொகுதியில் டெபாசிட் கிடைத்ததே மகிழ்ச்சி சுயேச்சை வேட்பாளர் மார்க்கண்டேயன் பேட்டி

விளாத்திகுளம், ஓட்டப்பிடாரத்தில் திமுகவுக்கு தபால் வாக்குகள் அதிகம்

தூத்துக்குடி, மே 24:  விளாத்திகுளம், ஓட்டப்பிடாரம் இடைத்தேர்தல்களில் தபால் வாக்குகளில் திமுகவே முன்னிலை வகித்தது. விளாத்திகுளம் சட்டமன்ற இடைத்தேர்தலில் மொத்தம் 987 தபால் வாக்குகளில் பதிவாகி இருந்தன. இதில் திமுக வேட்பாளர் வசந்தம் ஜெயக்குமாருக்கு 543 வாக்குகளும், அதிமுக வேட்பாளர் சின்னப்பனுக்கு 137 வாக்குகளும் பதிவாகி இருந்தன. இவர்களுக்கு அடுத்தபடியாக சுயேச்சையாக போட்டியிட்ட மார்க்கண்டேயனுக்கு 125 வாக்குகள் கிடைத்திருந்தன. இதில் நோட்டாவுக்கு 23 பேர் வாக்களித்துள்ளனர். இதேபோல் ஓட்டப்பிடாரம் சட்டமன்ற இடைத்தேர்தலில் மொத்தம் 653 தபால் வாக்குகள் பதிவாகி இருந்தன. இதில் திமுக வேட்பாளர் சண்முகையாவுக்கு 240 தபால் வாக்குகளும், அதிமுக வேட்பாளர் மோகனுக்கு 209 தபால் வாக்குகளும் பதிவாகி இருந்தன. இவர்களுக்கு அடுத்தபடியாக நாம் தமிழர் கட்சி வேட்பாளர் அகல்யாவுக்கு 82 தபால் வாக்குகளும், அமமுக வேட்பாளர் சுந்தர்ராஜிக்கு 68 தபால் வாக்குகளும் கிடைத்திருந்தன. இதே போல் நோட்டாவுக்கு 33 பேர் தபால் வாக்கு அளித்துள்ளனர்.

30 ஆண்டுகளுக்கு பின்னர் ஓட்டப்பிடாரம் தொகுதியை வென்ற திமுக

தூத்துக்குடி, மே 24: ஓட்டப்பிடாரம் சட்டமன்ற தொகுதியில் சுமார் 30 ஆண்டுகளுக்கு பின்னர் திமுக வெற்றி பெற்றுள்ளது. ஓட்டப்பிடாரம் தனி தொகுதி 1962ம் ஆண்டு உருவாக்கப்பட்டது. இந்த தொகுதியில் இதுவரை நடந்த 13 சட்டமன்ற தேர்தல்களில் 3 முறை காங்கிரஸ், தலா ஒரு முறை சுதந்திரா கட்சி, இந்திய கம்யூனிஸ்ட், பார்வர்டு பிளாக், திமுக ஆகியவை வெற்றி பெற்றுள்ளன. 2 முறை புதிய தமிழகம் கட்சி தலைவர் கிருஷ்ணசாமி வெற்றி பெற்றுள்ளார். 4 முறை அதிமுக வாகை சூடியுள்ளது. இதில் முத்தையா 1967-ல் சுதந்திரா கட்சி சார்பிலும், 1971-ம் ஆண்டு பார்வர்டு பிளாக் சார்பிலும், 1989-ம் ஆண்டு திமுக சார்பிலும் வேட்பாளராக நின்று வெற்றி பெற்றனர். இந்நிலையில், புதிய தமிழகம், பாரதிய ஜனதா, சமக உள்ளிட்ட கட்சிகளுடன் இணைந்து அதிமுக தற்போதைய இடைத்தேர்தலை சந்தித்தது. ஓட்டப்பிடாரம் தொகுதியை பொறுத்தவரை புதிய தமிழகம் கட்சிக்கு தனி செல்வாக்கு உண்டு. மேலும், அதிக முறை வென்றதால் அதிமுகவுக்கும் தனியாக வாக்கு வங்கி இருக்கிறது. அதேபோல் கடந்த 2016 சட்டமன்ற தேர்தலில் அதிமுக வேட்பாளர் சுந்தர்ராஜனை விட திமுக கூட்டணியில் இருந்த புதிய தமிழகம் கட்சி தலைவர் கிருஷ்ணசாமி 493 வாக்குகள் தான் குறைவாக பெற்று 2வது இடம் பெற்றார். இதனால் தற்போது அதிமுகவுடன் புதிய தமிழகம் இணைந்திருப்பது பெரிய பலமாக பார்க்கப்பட்டது. அதிமுக வேட்பாளர் மோகன் ஏற்கனவே 2006-11-ம் ஆண்டு வரை ஓட்டப்பிடாரம் சட்டமன்ற உறுப்பினராக பணியாற்றி உள்ளதால், தொகுதிக்கு நன்கு அறிமுகமானவர். 6 அமைச்சர்கள் தொகுதியில் தங்கியிருந்து பிரசாரம் மேற்கொண்டது, முதல்வர், துணை முதல்வர் ஆகியோர் 2 முறை தொகுதிக்கு வந்து மோகனுக்காக வாக்கு சேகரித்தது என பல கூடுதல் பலங்கள் இருந்தன. ஆனால், இந்த கணக்கையெல்லாம் தவிடு பொடியாக்கி திமுக வேட்பாளர் சண்முகையா, அதிமுக வேட்பாளர் மோகனை விட 19,657 வாக்குகள் அதிகம் பெற்று வெற்றி பெற்றுள்ளார். இதனால் திமுகவினர் உற்சாகமடைந்துள்ளனர். இதுகுறித்து திமுகவினர் கூறும்போது, ‘திமுக வேட்பாளர் சண்முகையாவுக்கு ஆதரவாக கட்சியின் தலைவர் மு.க.ஸ்டாலின் 2 முறை பிரசாரம் மேற்கொண்டார். மாநில மகளிரணி செயலாளர் கனிமொழி வாக்கு சேகரித்தார். மேலும், முன்னாள் அமைச்சர் கே.என்.நேரு, தெற்கு மாவட்ட பொறுப்பாளர் அனிதா ராதாகிருஷ்ணன், ஆஸ்டின் எம்.எல்.ஏ.,  உள்ளிட்டோர் வாக்கு சேகரிக்கும் பணியில் ஈடுபட்டனர். இதுவே எங்களுக்கு பெரிய பலமாக அமைந்தது. மேலும், சண்முகையாவின் மனைவி சுகிர்தா 2006 - 11-ம் ஆண்டு வரை ஓட்டப்பிடாரம் யூனியன் தலைவராக பணியாற்றி உள்ளார். இவையெல்லாம் சேர்த்து திமுகவுக்கு பலம் சேர்த்து, மிகப்பெரிய வெற்றியை ஈட்டி தந்துள்ளது’ என்றனர்.விளாத்திகுளம் சட்டமன்ற தொகுதியில் வேட்பாளர்கள் பெற்ற வாக்குகள் விபரம்சின்னப்பன்     அதிமுக     70,139ஜெயக்குமார்     திமுக     41,585மார்க்கண்டேயன்     சுயேச்சை     27,456ஜோதிமணி     அமமுக     9,695காளிதாஸ்     நாம் தமிழர் கட்சி    4,628நடராஜன்     மக்கள் நீதி மய்யம்     1,399பொன்ராஜ்     நாம் இந்தியர் கட்சி     458 தீபா வாலண்டினா     சுயேச்சை     778மாரிமுத்து     சுயேச்சை     233முருகானந்தம்     சுயேச்சை     527ராஜாமணி     சுயேச்சை     218ராஜிவ்காந்தி     சுயேச்சை     634வினோத்குமார்     சுயேச்சை     249ஹரிஹரன்     சுயேச்சை     290நோட்டா                    1,386வேட்பாளர்களை பின்னுக்கு தள்ளிய நோட்டா விளாத்திகுளம் சட்டமன்ற இடைத்தேர்தலில் போட்டியிட்ட 14 வேட்பாளர்களில் 6 பேரை தவிர மற்ற அனைவரும் நோட்டாவை விட அதாவது ஆயிரத்துக்கும் குறைவாகவே வாக்குகளை பெற்றிருந்தனர்.

திருச்செந்தூர் அருகே பனையில் இருந்து தவறி விழுந்த தொழிலாளி சாவு

திருச்செந்தூர், மே 23:   திருச்செந்தூர் அருகே சீருடையார்புரம் பகுதியில் உள்ள குருநாதபுரம் தெற்குத் தெருவைச் சேர்ந்த மாயாண்டி மகன் செந்தூர் பாண்டி (44) பனை ஏறும் தொழிலாளி. இவரது மனைவி பட்டு செல்வி (42).  தம்பதிக்கு 2 மகன்கள், ஒரு மகள். மகளுக்கு திருமணமாகிவிட்டது. மகன்கள் இருவரும் திருப்பூர் பனியன் கம்பெனியில் வேலைபார்த்து வருகின்றனர். நேற்று முன்தினம் செந்தூர்பாண்டி பனை ஏறுவதற்காக சென்றார். பனை ஏறும்போது எதிர்பாராதவிதமாக செந்தூர்பாண்டி தவறி கீழே விழுந்தார். இதை பார்த்து அதிர்ச்சியடைந்த  மனைவி, அக்கம்பக்கத்தினர் துணையுடன் செந்தூர்பாண்டியை மீட்டு திருச்செந்தூரில் உள்ள தனியார் மருத்துவமனைக்கு கொண்டுசென்றார். அங்கு பரிசோதித்த டாக்டர், ஏற்கனவே செந்தூர்பாண்டி இறந்து விட்டதாக தெரிவித்தார். இதுகுறித்து திருச்செந்தூர் இன்ஸ்பெக்டர் முத்துராமன், எஸ்ஐ கனகராஜன் விசாரித்து வருகின்றனர்.