World - Dinakaran

சம்பந்தன் பதவி பறிக்கப்பட்டது.. இலங்கையில் எதிர்க்கட்சி தலைவரானார் ராஜபக்சே: தமிழ் தேசிய கூட்டணி எதிர்ப்பு

கொழும்பு:  இலங்கையில் எதிர்க்கட்சி தலைவராக மகிந்த ராஜபக்சே நியமிக்கப்பட்டுள்ளார். இலங்கையில் ஐக்கிய தேசிய கட்சி கூட்டணியில் இருந்து அதிபர் சிறிசேனா கடந்த அக்டோபர் மாதம் 26ம் தேதி வெளியேறுவதாக திடீரென அறிவித்தார். தொடர்ந்து, பிரதமர் பதவியில் இருந்து  ரணில் விக்ரமசிங்கேவை நீக்கி உத்தரவிட்டார். மேலும், நாடாளுமன்றத்தையும் முடக்கிய அவர், ராஜபக்சேவை பிரதமராக நியமித்தார். இதற்கு கடும் எதிர்ப்பு எழுந்த நிலையில், நாடாளுமன்றத்தை கலைத்து புதிதாக தேர்தல் நடத்த உத்தரவிட்டார். இதனை எதிர்த்து தொடரப்பட்ட வழக்கில் அதிபரின் நடவடிக்கைக்கு உச்ச நீதிமன்றம் தடை விதித்து உத்தரவிட்டது.  தொடர்ந்து கூடிய நாடாளுமன்றத்தில் ராஜபக்சேவால் பெரும்பான்மையை நிரூபிக்க முடியவில்லை. இதனையடுத்து, பிரதமர் பதவியை ராஜபக்சே ராஜினாமா செய்தார். தொடர்ந்து பிரதமராக கடந்த ஞாயிற்றுக்கிழமை ரணில் விக்ரமசிங்கே மீண்டும் பதவியேற்றுக் கொண்டார். இதன் மூலம், இலங்கையில் கடந்த 51 நாட்களாக நீடித்த அரசியல் குளறுபடி முடிவுக்கு வந்தது. கடந்த 2015ம் ஆண்டு முதல் எதிர்க்கட்சிகளின் தலைவராக இருந்து வந்த ஆர்.சம்பந்தனுக்கு மாறாக மகிந்த ராஜபக்சே நியமிக்கப்பட்டுள்ளார். பிரதமராக ரணில் பொறுப்பேற்ற பின்னர் முதல் முறையாக நாடாளுமன்றம் கூடியது. இதில் சபாநாயகர் கரூ ஜெயசூர்யா, எதிர்க்கட்சி தலைவராக மகிந்த ராஜபக்சே நியமிக்கப்படுவதாகவும், ஆளுங்கட்சிக்கு அடுத்தபடியாக அதிக இடங்களை பெற்றுள்ள கட்சியின் உறுப்பினருக்கு எதிர்க்கட்சி தலைவர் பதவி வழங்கப்படும் என்ற அடிப்படையில் ராஜபக்சே நியமிக்கப்பட்டுள்ளார் என்றும் அறிவித்தார். ஆனால், ராஜபக்சே சமீபத்தில் மற்றொரு அரசியல் கட்சியில் இணைந்ததால் அவருக்கு எதிர்க்கட்சி தலைவர் பதவி வழங்கக் கூடாது என்று தமிழ் தேசிய கூட்டணியை சேர்ந்த சுமன்திரன், லங்கா முஸ்லிம் காங்கிரஸ் உறுப்பினர் ரப் ஹக்கீம் ஆகியோர் எதிர்ப்பு தெரிவித்தனர். இதற்கு பதிலளித்த சபாநாயகர் கரு ஜெயசூர்யா, உறுப்பினர்கள் தங்கள் ஆட்சேபனைகளை எழுத்து மூலமாக தெரிவிக்கும்படியும், அப்போது தான் தேர்வு குழு அது குறித்து ஆய்வு செய்யும் என்றும் தெரிவித்தார்.

அதிபர் ஜின்பிங் காட்டம் சீனாவுக்கு எந்த நாடும் கட்டளையிட முடியாது

பீஜிங்: ‘‘சீனாவில் பின்பற்றப்படும் பொருளாதார திட்டம் தொடர்பாக எந்த நாடும் எங்களுக்கு கட்டளையிட முடியாது’’ என்று அதிபர் ஜின்பிங் தெரிவித்தார். சீனாவில் இருந்து இறக்குமதி செய்யப்படும் பொருட்களுக்கு அமெரிக்காவில் கூடுதல் இறக்குமதி வரி விதிக்கப்பட்டது. இதற்கு பதிலடியாக சீனாவும் தங்கள் நாட்டில்  இறக்குமதி செய்யப்படும் அமெரிக்க பொருட்களுக்கு கூடுதல் வரி விதித்தது. இதனால், இரு நாடுகள் இடையே வர்த்தக போர் ஏற்பட்டது. புதிய இறக்குமதி வரி விதிப்பு முறையை நிறுத்தி வைப்பதாக இருநாடுகளும் சமீபத்தில் ஒப்பந்தம் செய்து அறிவித்தன. இந்நிலையில், அமெரிக்காவை குற்றம்சாட்டு விதமாக சீன அதிபர் ஜின்பிங் சீனாவுக்கு எந்த நாடும் கட்டளையிட முடியாது என காட்டமாக தெரிவித்துள்ளார்.  சீனாவின் பீஜிங் நகரில் நேற்று நடைபெற்ற நிகழ்ச்சி ஒன்றில் அதிபர் ஜி ஜின்பிங் பங்கேற்று பேசினார். அவர் கூறியதாவது: சீனாவில் 40 ஆண்டுகளாக கம்யூனிஸ்ட் தலைமையிலான ஒற்றை அரசு பின்பற்றும் கொள்கை அல்லது பொருளாதார சீர்திருத்தம் தொடர்பாக யாரும் கேள்வி எழுப்ப முடியாது. சீன மக்கள் எதை செய்ய வேண்டும் எதை செய்யக்கூடாது என உத்தரவிடும் நிலையில் எந்த நாடும் இருக்க முடியாது. இது தொடர்பாக எந்த நாட்டிடம் இருந்தும் எங்களுக்கு மிரட்டல் வரவில்லை. சீனாவின் பொருளாதார சீர்திருத்தத்தால் வறுமைக்கோட்டுக்கு கீழ் இருந்த பல ஆயிரம் மக்களின் நிலைமை மாறியுள்ளது. தற்போது, சீனா உலக பொருளாதாரத்தில் 2வது இடத்தில் உள்ளது. கடந்த 40 ஆண்டுகளுக்கு முன் கிராமங்களில் 97.5 சதவீதமாக இருந்த வறுமைகோட்டின் அளவு கடந்த ஆண்டு 3.1 சதவீதமாக குறைந்துள்ளது. இவ்வாறு அவர் தெரிவித்தார்.

அதிபர் ஜின்பிங் காட்டம் சீனாவுக்கு எந்த நாடும் கட்டளையிட முடியாது

பீஜிங்: ‘‘சீனாவில் பின்பற்றப்படும் பொருளாதார திட்டம் தொடர்பாக எந்த நாடும் எங்களுக்கு கட்டளையிட முடியாது’’ என்று அதிபர் ஜின்பிங் தெரிவித்தார். சீனாவில் இருந்து இறக்குமதி செய்யப்படும் பொருட்களுக்கு அமெரிக்காவில் கூடுதல் இறக்குமதி வரி விதிக்கப்பட்டது. இதற்கு பதிலடியாக சீனாவும் தங்கள் நாட்டில்  இறக்குமதி செய்யப்படும் அமெரிக்க பொருட்களுக்கு கூடுதல் வரி விதித்தது. இதனால், இரு நாடுகள் இடையே வர்த்தக போர் ஏற்பட்டது. புதிய இறக்குமதி வரி விதிப்பு முறையை நிறுத்தி வைப்பதாக இருநாடுகளும் சமீபத்தில் ஒப்பந்தம் செய்து அறிவித்தன. இந்நிலையில், அமெரிக்காவை குற்றம்சாட்டு விதமாக சீன அதிபர் ஜின்பிங் சீனாவுக்கு எந்த நாடும் கட்டளையிட முடியாது என காட்டமாக தெரிவித்துள்ளார்.  சீனாவின் பீஜிங் நகரில் நேற்று நடைபெற்ற நிகழ்ச்சி ஒன்றில் அதிபர் ஜி ஜின்பிங் பங்கேற்று பேசினார். அவர் கூறியதாவது: சீனாவில் 40 ஆண்டுகளாக கம்யூனிஸ்ட் தலைமையிலான ஒற்றை அரசு பின்பற்றும் கொள்கை அல்லது பொருளாதார சீர்திருத்தம் தொடர்பாக யாரும் கேள்வி எழுப்ப முடியாது. சீன மக்கள் எதை செய்ய வேண்டும் எதை செய்யக்கூடாது என உத்தரவிடும் நிலையில் எந்த நாடும் இருக்க முடியாது. இது தொடர்பாக எந்த நாட்டிடம் இருந்தும் எங்களுக்கு மிரட்டல் வரவில்லை. சீனாவின் பொருளாதார சீர்திருத்தத்தால் வறுமைக்கோட்டுக்கு கீழ் இருந்த பல ஆயிரம் மக்களின் நிலைமை மாறியுள்ளது. தற்போது, சீனா உலக பொருளாதாரத்தில் 2வது இடத்தில் உள்ளது. கடந்த 40 ஆண்டுகளுக்கு முன் கிராமங்களில் 97.5 சதவீதமாக இருந்த வறுமைகோட்டின் அளவு கடந்த ஆண்டு 3.1 சதவீதமாக குறைந்துள்ளது. இவ்வாறு அவர் தெரிவித்தார்.

பாகிஸ்தான் சிறையில் வாடிய இந்திய வாலிபர் விடுதலை

இஸ்லாமாபாத்: சமூக வலைதளம் மூலமாக காதலித்த பெண்ணை பார்ப்பதற்காக சென்றபோது கைது செய்யப்பட்ட இந்தியர் நேற்று பாகிஸ்தான் சிறையில் இருந்து விடுதலை செய்யப்பட்டார். மும்பையை சேர்ந்தவர் ஹமீத் நிகால் அன்சாரி (33). இவர், சமூக வலைதளமான பேஸ்புக் மூலமாக பாகிஸ்தானை சேர்ந்த பெண்ணை காதலித்து வந்தார். அந்த பெண்ணை பார்ப்பதற்காக கடந்த 2012ம் ஆண்டு ஆப்கானிஸ்தானில் இருந்து பாகிஸ்தானுக்கு சென்றார். அங்கு, உரிய ஆவணங்கள் இன்றி நுழைந்ததாக உளவுதுறையால் ஹமீத் கைது செய்யப்பட்டார். ஹமீத்துக்கு 3 ஆண்டுகள் சிறை தண்டனை விதித்து கடந்த 2015ம் ஆண்டு டிசம்பர் 15ம் தேதி ராணுவ நீதிமன்றம் உத்தரவிட்டது. அவர், பெஷாவர் சிறையில் அடைக்கப்பட்டார். கடந்த 15ம் தேதியுடன் அவரது 3 ஆண்டு சிறை தண்டனை காலம் முடிந்தது.  இந்நிலையில், ஹமீத் நாடு திரும்புவதற்கான நடைமுறைகளை இந்த மாதத்திற்குள் முடிக்கும்படி பாகிஸ்தான் அரசுக்கு அந்நாட்டு நீதிமன்றம் உத்தரவிட்டது. இதனையடுத்து மார்டன் சிறையில் இருந்து நேற்று ஹமீத் விடுதலை செய்யப்பட்டார். அவர் வாகா எல்லை வழியாக  இந்தியா திரும்பினார்.

இந்திய வங்கிகள் கூட்டமைப்பு தொடர்ந்த மல்லையா மீதான திவால் வழக்குலண்டன் ஐகோர்ட்டுக்கு மாற்றம்

லண்டன்: வங்கிகளிடம் 9 ஆயிரம் கோடி கடன் பெற்று திருப்பி செலுத்தாமல் மோசடி செய்த தொழிலதிபர் மல்லையா மீதான திவால் வழக்கு, லண்டன் உயர் நீதிமன்றத்துக்கு மாற்றப்பட்டுள்ளது.  பொதுத்துறை வங்கிகளிடம் இருந்து 9 ஆயிரம் கோடி கடன் பெற்று அவற்றை திருப்பி செலுத்தாமல் தொழிலதிபர் மல்லையா லண்டன் தப்பி சென்றார்.  அவர் மீது வழக்கு பதிவு செய்யப்பட்டு சிபிஐ விசாரித்து வருகிறது.  இந்நிலையில்,  வங்கி கடன் மோசடி தொடர்பாக மல்லையாவை நாடு கடத்தக்கோரி இங்கிலாந்து அரசுக்கு மத்திய அரசு கோரிக்கை விடுத்தது. அதன்படி, தொடரப்பட்ட வழக்கில் கடந்த வாரம் லண்டனில் உள்ள வெஸ்ட்மினிஸ்டர் நீதிமன்றம் மல்லையாவை நாடு கடத்த அனுமதி அளித்து உத்தரவிட்டது.  அவரை இந்தியா கொண்டு வருவதற்காக, இங்கிலாந்து வெளியுறவு துறை அமைச்சகத்தின் ஒப்புதலை பெறுவற்காக இந்திய அரசு காத்திருக்கிறது. இந்நிலையில்,  தனிநபர் திவால் சட்டத்தின்படி மல்லையா மீது நடவடிக்கை எடுக்கக்கோரி பாரத ஸ்டேட் வங்கி தலைமையிலான 13 வங்கிகளின் கூட்டமைப்பு சார்பாக இங்கிலாந்தில் உள்ள நார்தம்டன்  நீதிமன்றத்தில் வழக்கு தொடரப்பட்டது. இதை நீதிமன்றம் நேற்று முன்தினம் விசாரணைக்கு ஏற்றது. இந்த வழக்கு லண்டன் உயர் நீதிமன்றத்தின் திவால் வழக்குகள் பட்டியலுக்கு மாற்றப்பட்டுள்ளது. அடுத்த ஆண்டு இந்த வழக்கு விசாரணைக்கு எடுத்துக் கொள்ளப்படும் என எதிர்பார்க்கப்படுகிறது. மல்லையா மீது தனிநபர் திவால் நடவடிக்கை எடுக்கப்பட்டால், இந்தியாவிலும், வெளிநாடுகளிலும் இருக்கும் அவரது சொத்துக்கள் மூலமாக வங்கிகள் கடன்களை வசூல் செய்யலாம். வங்கிகளின் கடன் பாக்கிகள் வசூலாகும். 

இலங்கை நாடாளுமன்ற எதிர்க்கட்சி தலைவராக மகிந்த ராஜபக்சே நியமனம்

கொழும்பு: இலங்கை நாடாளுமன்ற எதிர்க்கட்சி தலைவராக மகிந்த ராஜபக்சே நியமிக்கப்பட்டுள்ளார். தமிழ் தேசிய கூட்டமைப்பின் தலைவர் சம்பந்தன் நீக்கப்பட்டு ராஜபக்சே நியமிக்கப்பட்டுள்ளார்.

குறும்புகார கிளியின் அட்டகாசம் : உரிமையாளர் குரலை மிமிக்ரி செய்து அமேசான் அலெக்ஸா மூலம் பழங்கள் ஆர்டர்

புளோரிடா; புளோரிடா மாகாணத்தின் டம்பா நகரில் ஒரு சுவாரசிய சம்பவம் நடைபெற்றுள்ளது. பொதுவாக கிளிகள் மிகவும் சாமர்த்தியமானவை, கற்றுக் கொடுத்தால் எதையும் செய்துவிடும் திறமை கொண்டவை.  சுமார் 86 இனங்களைச் சார்ந்த 372 வகைகள் கிளிகளில் உள்ளன. இவற்றுள் ஒரு வகை தான் ரொக்கோ கிளிகள். கிளியின் சராசரி ஆயுட்காலம் 50 ஆண்டுகள்.கிளிகள் உலகின் அனைத்து வெப்பமண்டல மற்றும் மிதவெப்ப மண்டல கண்டங்களிலும் காணப்படுகின்றன. பொதுவாக இவை மரப்பொந்துகளில் வாழும். கிளிகள் மனிதர்களைப் போலவே ஒலி எழுப்ப வல்லவை. பயிற்சி அளித்தால் சில வார்த்தைகளை உச்சரிக்கும். ஆண் ஆப்பிரிக்க சாம்பல் கிளிகள் மனிதர்களின் பேச்சைப் புரிந்துகொள்வதில் சிறப்பு வாய்ந்தவை. இந்நிலையில் ரொக்கோ கிளிக்கு அசாதாரணமான பேச்சு திறன் காணப்படுகிறது. தனது உரிமையாளரின் பேச்சு மற்றும் குரலை நன்கு உள்வாங்கிய ரொக்கோ கிளி ஒன்று, அவருக்கே தெரியாமல் அவரது குரலை போலவே பேசி அமேசான் அலெக்ஸாகருவி மூலம் தனக்கு வேண்டிய பழங்கள், காய்கறிகளை ஆர்டர் செய்து அதிசயிக்க வைத்துள்ளது. அலெக்ஸா எக்கோ உபகரணம் மூலம் ரகசியமாக தனக்கு வேண்டியவற்றை இந்த ரொக்கோ வகை கிளி ரகசியமாக ஆர்டர் செய்துவந்துள்ளதை கிளியின் முதலாளியே சமீபத்தில்தான் கண்டுபிடித்து அதிசயித்துள்ளார்.கிளியின் அட்டகாசம்:இந்த குறிப்பிட்ட குறும்புதனத்தை செய்த விநோதக் கிளியின் அசாதாரண பேச்சு திறமை பல்வேறு வகையில் சிக்கல்களை தோற்றுவித்துள்ளது. இதற்கு முன்னர் இக்கிளி பெர்க்‌ஷயரில் உள்ள தேசிய விலங்கு நல அறக்கட்டளை சரணாலயத்தில் தான் இருந்துள்ளது. ஆனால் இதனுடைய அதீத மற்றும் குறும்புதனமான பேச்சு ஒருகட்டத்தில் போவோர் வருவோரையெல்லாம் கெட்ட வார்த்தைகளால் ஏசி அதில் மகிழ்ச்சி கண்டுள்ளது. சரணாலயத்தின் பணியாளர் எவ்வளவோ முயன்றும் அதன் கெட்ட வார்த்தைகளைத் தடுக்க முடியவில்லை. இதனால் பல சுற்றுலாப் பயணிகள் அதிருப்தி அடைந்ததாகவும் கூறப்படுகிறது.  இதனையடுத்து இந்த ரொக்கோ கிளியை சரணாலய ஊழியர் மரியான் விஷ்நெவ்ஸ்கி என்பவர் தத்து எடுத்துக் கொண்டார்.மரியான் விஷ்நெவ்ஸ்கி தத்தெடுத்த பின்னர்  புதிய வீடு, உலகம் அதற்கு மேலும் குஷி ஏற்பட அமேசான் அலெக்ஸா துணையுடன் தனக்கு என்னென்ன பிடிக்குமோ அத்தனையையும் ஆர்டர் செய்துள்ளது.  ஐஸ்கிரீம்கள், உலர்ந்த திராட்சைகள், பருப்பு வகைகள் என்று சரமாரியாக ஆர்டர் செய்துள்ளது.  ஒருமுறை லைட் பல்ப், பட்டம் ஆகியவற்றையும் ஆர்டர் செய்ததாம் இந்த கிளி. அமேசான் கணக்கு வைத்திருக்கும் கிளியின் உரிமையாளர் சமீபத்தில்தான்  இதன் சேட்டைகளைக் கண்டுபிடித்துள்ளார்.

‘அணு ஆயுத அழிப்பை கைவிடுவோம்’அமெரிக்க வெளியுறவு துறைக்கு வடகொரிய அதிபர் எச்சரிக்கை

சியோல்: அமெரிக்காவின் புதிய பொருளாதார தடையைத் தொடர்ந்து பேட்டியளித்த வடகொரிய அதிபர் கிம் ஜோ உன், ‘‘அணு ஆயுத அழிப்பை கைவிட வேண்டியிருக்கும்’’ என எச்சரித்துள்ளார். கடந்த ஆண்டில் உலக நாடுகளின் எதிர்ப்பை மீறி, வடகொரியா அணு ஆயுத சோதனைகளை தொடர்ச்சியாக செய்து வந்தது. இதன் காரணமாக, வடகொரியா மீது அமெரிக்கா பல்வேறு பொருளாதார தடைகளை விதித்தது. அதோடு, அமெரிக்க அதிபர் டிரம்ப், வடகொரிய அதிபர் கிம் ஜோ உன் இடையே கடுமையான வார்த்தை மோதலும் ஏற்பட்டது. பின்னர், இருவரும் சமாதானமாகி, அணு ஆயுத மையங்களை அழித்து விடுவதாக வடகொரியாவும், பொருளாதார தடைகளை தளர்த்திக் கொள்வோம் என அமெரிக்காவும் அறிவித்தது.இரு நாட்டு தலைவர்களும் அடுத்த மாதம் 2வது முறையாக சந்தித்து பேசவும் உள்ளனர். இந்நிலையில், மனித உரிமை மீறல் குற்றச்சாட்டு தொடர்பாக வடகொரியாவைச் சேர்ந்த 3 மூத்த அதிகாரிகளுக்கு அமெரிக்கா சமீபத்தில் பொருளாதார தடை விதித்துள்ளது. 3 அதிகாரிகளில், வடகொரிய அதிபர் கிம்மின் வலது கரமான சியோ ரியாங் ஹேவும் ஒருவர். இது கிம்முக்கு கடும் ஆத்திரமூட்டி உள்ளது. அவர் அந்நாட்டு செய்தி நிறுவனத்திற்கு விடுத்துள்ள அறிக்கையில், ‘‘வடகொரியாவுடன் நட்புறவை மேற்கொள்ள அதிபர் டிரம்ப் மீண்டும், மீண்டும் முயற்சிகள் மேற்கொண்டு வருகிறார். ஆனால், அமெரிக்காவின் வெளியுறவுத் துறை அதிகாரிகளோ, கடந்தாண்டில் இருந்த மோசமான நிலைக்கு கொண்டு செல்லப் பார்க்கிறார்கள். பொருளாதார தடையும், அழுத்தத்தையும் தந்தால் வடகொரியா அணு ஆயுதங்களையும் ஒப்படைத்து விடும் என எண்ணினால் தவறு. அது, அணு ஆயுததத்தை அழிக்கும் பாதையை மூடுவதற்கு சமம்’’ என எச்சரித்துள்ளார்.

2018ம் ஆண்டுக்கான பிரபஞ்ச அழகி பட்டத்தை வென்றார் பிலிப்பைன்ஸின் கேட்ரியோனா க்ரே

பாங்காக் : 2018ம் ஆண்டுக்கான பிரபஞ்ச அழகி பட்டத்தை பிலிப்பைன்ஸ் நாட்டைச் சேர்ந்த கேட்ரியோனா க்ரே வென்றுள்ளார். பிரபஞ்ச அழகி போட்டி வரலாற்றில் முதன்முறையாக நடுவர் குழுவில் பெண்கள் மட்டுமே இடம் பெற்று இருந்தனர். தாய்லாந்து தலைநகர் பாங்காக் நேற்று இரவு அழகின் தலைநகரமாகவே மாறி போயிருந்தது. நடப்பாண்டின் பிரபஞ்ச அழகி பட்டத்தை வெல்வதற்காக உலகெங்கிலும் இருந்து நூற்றுக்கணக்கான அழகிகள் பாங்காக்கில் குவிந்து இருந்தன. வண்ணமயமான அழகு திருவிழா என ஏற்பாடு செய்யப்பட்டிருந்த பிரபஞ்ச அழகி போட்டியில் 93 நாடுகளைச் சேர்ந்த மாடல் அழகிகள் கலந்து கொண்டன. வெவ்வேறு விதமான ஆடைகள் அணிந்து வந்த பன்னாட்டு அழகிகள் ஒய்யார நடையில் அனைவரையும் அசத்தினர். இதில் போட்டியிட்ட ஸ்பெயின் நாட்டைச் சேர்ந்த மாடல் அழகி angela ponce-க்கு நடுவர்கள் பார்வையாளர்கள் என அரங்கமே எழுந்து நின்று கைத்தட்டி வாழ்த்து மழை பொழிந்தது. ஆணாக பிறந்து பெண்ணாக மாறி பிரபஞ்ச அழகி போட்டியில் முதன்முறையாக போட்டியிடும் மாடல் என்ற பெருமையால் ஏஞ்சலாவிற்கு பாராட்டுக்கள் குவிந்தன. 67வது பிரபஞ்ச அழகி போட்டியின் மையக்கருவாக முன்னேற்றம் அடைந்த பெண்கள் என்ற தலைப்பு கொடுக்கப்பட்டது. முதன்முதலாக தொழில் அதிபர்கள், முன்னாள் பிரபஞ்ச அழகிகள் என 7 பெண்கள் மட்டுமே கொண்ட நடுவர் குழு உருவாக்கப்பட்டிருந்தது.இந்தியா சார்பில் போட்டியிட்ட Nehal Chudasama முதல் 20 இடங்களில் கூட இடம் பெறாமல் ஏமாற்றம் அளித்தார். மீ டூ இயக்கம் தவறாக பயன்படுத்தப்படுகிறாதா , ஊடக சுதந்திரம் ஏன் முக்கியம் உள்ளிட்ட பல கேள்விகள் போட்டியாளர்களிடம் கேட்கப்பட்டன. இதனிடையே கடைசி சுற்றில் வெனிசுலாவைச் சேர்ந்த Sthefany Guterrez  3ம் இடத்தை பிடித்தார். பிரபஞ்ச அழகி யார் என்ற படபடப்பு அரங்கத்தையே தொற்றியிருக்க பிலிப்பைன்ஸ் நாட்டைச் சேர்ந்த 24 வயதான கேட்ரியோனா க்ரே பட்டத்தைத் தட்டி சென்றார். தென் ஆஃப்ரிக்காவைச் சேர்ந்த Tamaryn Green இரண்டாம் இடத்தை பிடித்தார்.வாழ்க்கையில் நீங்கள் கற்றுக் கொண்ட முக்கிய பாடம் என்ன? பிரபஞ்ச அழகியாக தேர்வானால் அதை எவ்வாறு செயல்படுத்துவீர்கள் என்ற கேள்வி கேட்ரியோனாவிடம் கேட்கப்பட்டது. அதற்கு கேட்ரியோனா மணிலாவில் உள்ள குடிசை பகுதிகளில் தான் தொடர்ந்து பணியாற்றி வருவதாகவும் அந்த இடத்தின் அழகினைகண்டறிய தன் மனதினை பழக்கப்படுத்தி இருப்பதாகவும், பிரபஞ்ச அழகியானால் தான் கற்று கொண்ட இந்த விஷயத்தை செயல்படுத்தி அவர்களுக்கு ஏதேனும் உதவி செய்வேன் என்றும் பதில் அளித்தார்.

தமிழக மீனவர்கள் 8 பேரை சிறையில் அடைக்க இலங்கை ஊர்காவல்துறை நீதிமன்றம் உத்தரவு

இலங்கை: தமிழக மீனவர்கள் 8 பேரை டிச.20ஆம் தேதி வரை சிறையில் அடைக்க இலங்கை ஊர்காவல்துறை நீதிமன்றம் உத்தரவிட்டுள்ளது. மீனவர்களை சிறையில் அடைக்க நீதிமன்றம் உத்தரவிட்டதை அடுத்து 8 பேரும் யாழ்பாணம் சிறையில் அடைக்கப்பட்டனர். நெடுந்தீவு அருகே எல்லை தாண்டி மீன்பிடித்ததாக 8 மீனவர்களை இலங்கை கடற்படையினர் கைது செய்ததாக தெரிவிக்கப்பட்டுள்ளது.   

அணுஆயுதங்களை அழிப்பது நிறுத்தப்படும் : வடகொரியாவின் திடீர் மிரட்டலால் அமெரிக்கா அதிர்ச்சி

பியோங்கியாங்: அமெரிக்கா - வட கொரியா இடையே மீண்டும் மோதல் ஏற்படும் சூழல் உருவாகியுள்ளது. அமெரிக்காவின் பொருளாதாரத் தடைகளால் அணுஆயுத அழிப்பு நிறுத்தபடும் சூழல் ஏற்படும் என வடகொரியா மிரட்டல் விடுத்துள்ளது. சிங்கப்பூரில் நடைபெற்ற ட்ரம்ப் -கிம் சந்திப்பிற்கு பின் அமெரிக்கா, வட கொரியா நட்புறவு சிறிது முன்னேற்றம் அடைந்திருந்தது. இந்நிலையில் வட கொரியாவை சேர்ந்த 3 அமெரிக்க அதிகாரிகளுக்கு பணி தடை விதித்து அமெரிக்க அரசு உத்தரவிட்டது. மனித உரிமை மீறல் தொடர்பாக வடகொரியாவின் மூன்று அதிகாரிகள் மீது பொருளாதாரத் தடை விதிக்கப்பட்டதாக அமெரிக்கா கூறியிருந்தது. மூவரில் ஒரு அதிகாரியான சோ ராயிங் ஹே கொரிய அதிபருக்கு நெருக்கமானவர். எனவே இதனால் எரிச்சலடைந்த வடகொரியா அமெரிக்காவிற்கு அறிக்கை ஒன்றை அனுப்பியுள்ளது. அந்த அறிக்கையில் தங்கள் நாட்டுடன் நட்புறவை பேணுவதில் அமெரிக்கா எடுக்கும் முயற்சிகள் பாராட்டுக்குரியவை. ஆனால்  வடகொரிய அதிகாரிகள் மீது அமெரிக்கா தொடர்ந்து கடந்த சில ஆண்டுகளாகவே பொருளாதாரத் தடைகளை விதிப்பதும், அவர்களது பணிகளை தடுப்பதும் வாடிக்கையாக உள்ளது. இந்த நடவடிக்கைகளால் நாங்கள்  அணுஆயுதம் உற்பத்தி செய்வதை கைவிடுவோம் என நீங்கள் (அமெரிக்கா) நினைத்தால்  தவறான கணிப்பாகும். மேலும் நீங்கள் மேற்கொண்டு வரும் வேண்டாத நடவடிக்கைகள், எங்களுடைய ஆணுஆயுதங்களை அழிப்பிற்கான பாதைக்கு நிரந்தர தடையை ஏற்படுத்தும்  என்று வடகொரியா மிரட்டியுள்ளது. முன்னதாக தென்கொரியாவில் நடைபெற்ற குளிர்கால ஒலிம்பிக் போட்டியில் வடகொரியா பங்கேற்றது. அதுமுதல் வடகொரியா - தென் கொரியா உறவில் இணக்கம் காணப்பட்டது. இதனைத் தொடர்ந்து ட்ரம்ப் - கிம் இடையே சிங்கப்பூரில் சந்திப்பு ஏற்பட்டது. இச்சந்திப்பில் அணு ஆயுதங்களை அழிக்க வடகொரியா சம்மதம் தெரிவித்தது குறிப்பிடத்தக்கது.

ஜப்பான் உணவகம் ஒன்றில் மர்மபொருள் வெடித்து விபத்து : 42 பேர் படுகாயம்

டோக்கியோ : ஜப்பான் நாட்டில் உள்ள உணவகம் ஒன்றில் ஏற்பட்ட வெடி விபத்தில் 42 பேர் படுகாயம் அடைந்துள்ளனர். Hokkaido என்ற தீவு பகுதியின் Hiragishi மாவட்டத்தில் உள்ள Sapporo உணவு விடுதியில் வெடி பொருள் வெடித்து சிதறியதில் தீ விபத்து ஏற்பட்டுள்ளது. இதனால் உணவருந்தி கொண்டிருந்தவர்களும் ஊழியர்களும் படுகாயம் அடைந்தனர். மர்ம பொருள் வெடித்ததில் உணவகம் தீ பற்றி உருக்குலைந்தது. இந்த விபத்தில் அருகில் இருந்த கட்டிடங்கள் இடிந்து விழுந்தன. பொதுமக்கள் தீயணைப்பு துறையினருக்கு தகவல் தெரிவித்தனர்.சம்பவ இடத்திற்கு வந்த 20க்கும் மேற்பட்ட தீயணைப்பு வீரர்கள் தண்ணீரை பீய்ச்சி அடித்து தீயை கட்டுப்படுத்த முயற்சித்தனர். இந்த தீ விபத்தில் 40க்கும் மேற்பட்டவர்கள் காயம் அடைந்தனர்.இதில் இரண்டுக்கும் மேற்பட்டோர் தீவிர சிகிச்சைப் பிரிவில் அனுமதிக்கப்பட்டுள்ளனர். காயமடைந்தவர்களின் எண்ணிக்கை மேலும் உயர வாய்ப்பிருப்பதாகவும் சப்போரோ நகர தீயணைப்புப் படையினர் தெரிவித்துள்ளனர்.வெடித்த பொருள் மற்றும் அதன் தன்மை குறித்தும், வெடிப்பொருளை வெடிக்கச் செய்தது பயங்கரவாத குமபலா என்றும் காவல்துறையினர் விசாரணையை தொடங்கி இருக்கிறார்கள். 

மெக்ஸிகோவில் எரிமலை வெடிப்பு: 8 ஆயிரம் அடி உயரத்திற்கு உமிழ்ந்த புகை

மெக்ஸிகோ: மெக்ஸிகோவில் எரிமலை ஒன்று பயங்கர சத்தத்துடன் வெடித்து சிதறியது. எரிமலையின் வாய்ப்பகுதியில் இருந்து நெருப்புக்குழம்பும், தூசியும், சாம்பலும் வெடித்து சிதறின. பல்வேறு உலோகங்கள் அடங்கிய எரிமலைக்குழம்பு ஆறாக ஓடுகிறது. எரிமலை வெடிப்பு காரணமாக சுற்றியுள்ள கிராமமக்கள் பாதுகாப்பான இடங்களுக்கு அப்புறப்படுத்தப்பட்டுள்ளனர். முன்னதாக எரிமலை குமுறலின் சத்தம் கேட்டதும் அதன் அருகில் தானியங்கி கேமரா வைக்கப்பட்டது. பின்னர் புகையை உமிழ்ந்த அந்த எரிமலையானது தொடர்ந்து பெரும் வெடிப்புடன் நெருப்புக் குழம்பையும் வெளிப்படுத்தியது. எரிமலை உமிழ்ந்த புகை சுமார் 8 ஆயிரம் அடி உயரத்திற்கு சென்றதாக ஆய்வாளர்கள் தெரிவித்துள்ளனர். எரிமலை வெடித்துச் சிதறும் வீடியோவானது தற்போது சமூகவலைத்தளங்களில் வெளியாகி உள்ளது.

ஒரு வருடம் ஸ்மார்ட்போன் பயன்படுத்தாமல் இருப்பவர்களுக்கு ரூ.72 லட்சம் பரிசு : போட்டியில் பங்கேற்க தயாரா ?

வாஷிங்டன் : ஒரு வருடம் ஸ்மார்ட்போன் பயன்படுத்தாமல் இருப்பவர்களுக்கு ரூ.72 லட்சம் பரிசு வழங்குவதாக அமெரிக்காவைச் சேர்ந்த தனியார் நிறுவனம் அறிவித்துள்ளது. விட்டமின் வாட்டர் என்ற நிறுவனம் சமூக வலைத்தளங்களில் இந்த சவாலை விடுத்துள்ளது. தியாகம் செய்யும் முனைப்பு கொண்டவர்கள் இந்த சவாலை ஏற்கலாம் என தெரிவிக்கப்பட்டுள்ளது. மேலும் அந்த நிறுவனம் வழங்கும் மொபைல் போன் தவிர லேப்டாப், டெஸ்க்டாப், அமேசான் அலெக்சா, கூகுள் ஹோம் போன்ற சாதனங்களை போட்டியாளர்கள் பயன்படுத்தலாம். ஸ்மார்ட்போன், டேப்லெட் ஆகியவற்றை பயன்படுத்தக் கூடாது. இந்த போட்டியில் பங்கேற்க விரும்புவோர் விட்டமின்வாட்டர் நிறுவனத்திடம் ஸ்மார்ட்போனில் இருந்து ஏன் உங்களுக்கு இடைவெளி வேண்டும் என்பதை விளக்கும் தகவல் மற்றும் ஸ்மார்ட்போன் இல்லாத நேரத்தில் நீங்கள் என்ன செய்வீர்கள் என்பதை டைப் செய்து அதனை ட்விட்டர் அல்லது இன்ஸ்டாகிராமில் பதிவிட வேண்டும். பங்கேற்போர் கேள்விக்கான பதில்களுடன் #nophoneforayear மற்றும் #contest என்ற ஹேஷ்டேக் சேர்த்து பதிவிட வேண்டும். இந்த போட்டியில் கலந்து கொள்ள ஜனவரி 8, 2019க்குள் ட்விட்டர் அல்லது இன்ஸ்டாகிராம் மூலம் பதிவிட வேண்டும். பின் நிறுவனம் சார்பில் தேர்வு செய்யப்படும் போட்டியாளர்களுக்கு அழைப்புகளை மேற்கொள்ளும் வசதி கொண்ட மொபைல் போன் வழங்கப்படும். விட்டமின்வாட்டர் சார்பில் போட்டியாளர் ஜனவரி 22ம் தேதிக்குள் தேர்வு செய்யப்பட்டு அவர்களுக்கான மொபைல் போன் வழங்கப்படும். ஒரு வருடம் முழுக்க ஸ்மார்ட்போன் பயன்படுத்தவில்லை என்பதை விட்டமின்வாட்டர் உண்மை கண்டறியும் சோதனை நடத்தப்பட்டே பரிசு தொகை வழங்கப்படும் என்பது குறிப்பிடத்தக்கது.

ஆல்ப்ஸ் மலைத்தொடரில் போட்டியாளர்கள் அசத்தல்: பல்வேறு நாடுகளை சேர்ந்தவர்கள் பங்கேற்பு

ஆல்ப்ஸ்: ஆஸ்திரியாவில் ஆல்ப்ஸ் மலைத்தொடரின் பனிப்பிரதேசத்தில் சவால்களை எதிர்கொண்டு முன்னேறும் பந்தயத்தில் பல்வேறு நாடுகளை சேர்ந்த ஏராளமானோர் பங்கேற்றனர். ஆல்ப்ஸ் மலைதொடரில் உடல் நடுங்கும் கடும் குளிரில் போட்டிகள் நடத்தப்பட்டன. தடைகளை கடந்து இலக்கை தொட போட்டியாளர்கள் ஆர்வத்துடன் முனைப்பு காட்டினர். காவடியை போல சுமையை தூக்கி சுமப்பது, தடைகளை தாண்டுவது, தரைகளில் கால் படாமல் கம்பிகளில் தொங்குவது என பல்வேறு கடினமான சவால்கள் போட்டியில் இடம் பெற்றிருந்தன. கடும் சவால்கள் நிறைந்த இப்போட்டியில் பல்வேறு நாடுகளை சேர்ந்த வீரர்கள் பங்குபெற்றனர். மகளிருக்கும் தனியாக போட்டிகள் நடத்தப்பட்டது குறிப்பிடத்தக்கது.

வரலாற்று சிறப்புமிக்க பாரீஸ் ஒப்பந்தத்தின் செயல் திட்டத்திற்கு சர்வதேச நாடுகள் ஒப்புதல்

வார்ஷா: வரலாற்று சிறப்புமிக்க பாரீஸ் ஒப்பந்தத்தின் செயல் திட்டத்திற்கு சர்வதேச நாடுகள் ஒப்புதல் அளித்துள்ளன. போலாந்தின் கடோவைஸ் நகரில் இரண்டு வாரங்களாக நடந்து வந்த பேச்சுவார்த்தையில் இந்த உடன்பாடு எட்டப்பட்டுள்ளது. இது குறித்து பேசிய மாநாட்டின் தலைவர் மைக்கேல் கர்டிகோ,'யாருக்கும் பின்னடைவை ஏற்படுத்தாத வகையில் செயல் திட்டம் உருவாக்கப்பட்டுள்ளது', என்று கூறினார். பருவநிலை மாற்ற உடன்பாட்டை ஒருங்கிணைந்து நடைமுறைக்கு கொண்டு வருவது மிகப்பெரிய பொறுப்பு என் அவர் குறிப்பிட்டார். இந்த உடன்பாட்டின் மூலம் பூமியின் வெப்ப நிலை உயர்வு 2 டிகிரி செல்சியசுக்குள் பராமரிக்கப்படும், 2020ம் ஆண்டுக்கு முன்பாகவே கரிய அமில வாயு வெளியேறும் அளவை கட்டுப்படுத்த வேண்டும் என்ற இலக்கை அடைய போலாந்தில் நடந்த பேச்சுவார்த்தையில் 200 நாடுகளால் முடிவு செய்யப்பட்டுள்ளது.  இதனிடையே பருவநிலை குறித்த அடுத்த மாநாட்டை சிலியில் நடத்துவது என்றும் கூட்டத்தில் தீர்மானிக்கப்பட்டது. புவி வெப்பமடைவதலின் மோசமான விளைவுகளை தடுக்க இந்த முயற்சி போதுமானதல்ல என சுற்றுசூழல் வல்லுநர்கள் தெரிவித்துள்ளனர்.  முன்னதாக புவி வெப்பமயமாதலை கட்டுப்படுத்துவதற்கான பாரீஸ் ஒப்பந்தம் 2015ல் மேற்கொள்ளப்பட்டது குறிப்பிடத்தக்கது.

மாலத்தீவின் முன்னாள் அதிபரின் ரூ.46 கோடி முடக்கம்

கொழும்பு: ஊழல் குற்றச்சாட்டில் சிக்கிய மாலத்தீவு முன்னாள் அதிபர் அப்துல்லா யாமீனின் ரூ.46 கோடி வங்கி கணக்கு பணம் முடக்கப்பட்டுள்ளது. மாலத்தீவில் கடந்த செப்டம்பரில் நடந்த அதிபர் தேர்தலில் அப்துல்லா யாமீன் பதவி இழந்தார். இதைத் தொடர்ந்து, அவர் தேர்தல் நிதியாக தனது தனிப்பட்ட வங்கி கணக்கில் ரூ.10 கோடி பெற்றதாக குற்றச்சாட்டு எழுந்தது. இதுகுறித்து போலீசார் விசாரணை நடத்தி வருகின்றனர். நேற்று முன்தினம் அவரிடம் போலீசார் விசாரணை நடத்திய நிலையில், நேற்று அப்துல்லா யாமீனின் வங்கி கணக்குகள் முடக்கப்பட்டுள்ளது. அதில் ரூ.46 கோடி இருப்பு உள்ளது.பதவிக்காலத்தில் யாமீன் தனக்கு எதிரானவர்களை சிறையில் அடைப்பதும், நாடு கடத்துவதாக கடும் நடவடிக்கைகள் எடுத்தவர். சீனாவுடன் நெருக்கம் காட்டி, இந்தியா உள்ளிட்ட அண்டை நாடுகளுக்கு குடைச்சல் கொடுத்தவர். தற்போது அதிபராக உள்ள இப்ராகிம் முகமது சாலேஹ், இந்தியாவுடன் நெருக்கம் காட்டி வருகிறார். அவர் பதவியேற்ற பிறகு முதல் வெளிநாட்டு பயணமாக நேற்று இந்தியா வந்தார். இன்று அதிபர் சாலேஹ், பிரதமர் மோடியை சந்தித்து பேச உள்ளார்.

மாலத்தீவின் முன்னாள் அதிபரின் ரூ.46 கோடி முடக்கம்

கொழும்பு: ஊழல் குற்றச்சாட்டில் சிக்கிய மாலத்தீவு முன்னாள் அதிபர் அப்துல்லா யாமீனின் ரூ.46 கோடி வங்கி கணக்கு பணம் முடக்கப்பட்டுள்ளது. மாலத்தீவில் கடந்த செப்டம்பரில் நடந்த அதிபர் தேர்தலில் அப்துல்லா யாமீன் பதவி இழந்தார். இதைத் தொடர்ந்து, அவர் தேர்தல் நிதியாக தனது தனிப்பட்ட வங்கி கணக்கில் ரூ.10 கோடி பெற்றதாக குற்றச்சாட்டு எழுந்தது. இதுகுறித்து போலீசார் விசாரணை நடத்தி வருகின்றனர். நேற்று முன்தினம் அவரிடம் போலீசார் விசாரணை நடத்திய நிலையில், நேற்று அப்துல்லா யாமீனின் வங்கி கணக்குகள் முடக்கப்பட்டுள்ளது. அதில் ரூ.46 கோடி இருப்பு உள்ளது.பதவிக்காலத்தில் யாமீன் தனக்கு எதிரானவர்களை சிறையில் அடைப்பதும், நாடு கடத்துவதாக கடும் நடவடிக்கைகள் எடுத்தவர். சீனாவுடன் நெருக்கம் காட்டி, இந்தியா உள்ளிட்ட அண்டை நாடுகளுக்கு குடைச்சல் கொடுத்தவர். தற்போது அதிபராக உள்ள இப்ராகிம் முகமது சாலேஹ், இந்தியாவுடன் நெருக்கம் காட்டி வருகிறார். அவர் பதவியேற்ற பிறகு முதல் வெளிநாட்டு பயணமாக நேற்று இந்தியா வந்தார். இன்று அதிபர் சாலேஹ், பிரதமர் மோடியை சந்தித்து பேச உள்ளார்.

இலங்கையில் நிலவிய அரசியல் குழப்பத்திற்கு முற்றுப்புள்ளி...... மீண்டும் பிரதமரானார் ரணில்

கொழும்பு: இலங்கை பிரதமராக 5வது முறையாக ரணில் விக்ரமசிங்கே பதவியேற்றார்.  கொழும்பில் உள்ள அதிபர் மாளிகையில் ரணிலுக்கு, அதிபர் சிறிசேனா பதவி பிரமாணம் செய்து வைத்தார். முன்னதாக இலங்கையில் அதிபர் சிறிசேனாவுக்கும், பிரதமராக இருந்த ரணில் விக்ரமசிங்கேவுக்கும் இடையே நிலவிய கருத்து வேறுபாடு தீவிரம் அடைந்ததால், ரணிலை பிரதமர் பதவியில் இருந்து சிறிசேனா கடந்த அக்டோபர் 26ம் தேதி நீக்கினார். முன்னாள் அதிபர் ராஜபக்சேவை புதிய பிரதமராக நியமித்தார். 225 உறுப்பினர்கள் கொண்ட இலங்கை நாடாளுமன்றத்தில் அவரால் பெரும்பான்மையை நிருபிக்க முடியவில்லை.இதையடுத்து, இலங்கை நாடாளுமன்றத்தை அதிபர் சிறிசேனா கலைத்துவிட்டு, ஜனவரி 5ம் தேதி பொதுத்தேர்தல் நடத்தப்படும் என அறிவித்தார். இதை எதிர்த்து உச்ச நீதிமன்றத்தில் ரணில் மனு செய்தார். அதிபர் சிறிசேனாவின் உத்தரவுக்கு  உச்ச நீதிமன்றம் தடை விதித்தது. ராஜபக்சே பிரதமராக செயல்படவும், இலங்கை நீதிமன்றம் தடை விதித்தது. இந்நிலையில், இலங்கை நாடாளுமன்றம் ஐக்கிய தேசிய கட்சி எம்பி சாஜித் பிரேமதாசா, ரணில் விக்ரமசிங்கே மீது நம்பிக்கை தீர்மானம் கொண்டு வந்தார். நாடாளுமன்றத்தில் மொத்தம் உள்ள 225 எம்.பி.க்களில் 117 பேர் ரணிலுக்கு ஆதரவாக ஓட்டளித்தனர். இதனால், நம்பிக்கை தீர்மானத்தில் ரணில் வெற்றி பெற்றார். இதையடுத்து, ரணில் விக்ரமசிங்கேவை மீண்டும் பிரதமராக நியமிக்கும்படி அதிபர் சிறிசேனாவை சாஜித் பிரமேதாசா வலியுறுத்தினார். ஆனால், அவர் மறுத்து விட்டார். நாடாளுமன்றம் கலைக்கப்பட்டதை எதிர்த்து தொடரப்பட்ட வழக்கில் இலங்கை உச்ச நீதிமன்றத்தின் 7 நீதிபதிகள் அடங்கிய அமர்வு கடந்த 13ம் தேதி தீர்ப்பளித்தது. அதில், ‘நாடாளுமன்றத்தை அதிபர் கலைத்தது அரசியல் சாசனத்துக்கு எதிரானது’ என நீதிபதிகள் கூறினர். கடைசி கட்ட முயற்சியாக, தனக்கு எதிராக பிறப்பித்த தடையை எதிர்த்து உச்ச நீதிமன்றத்தில் கடந்த வெள்ளிக்கிழமை ராஜபக்சே மனு செய்தார். இதற்கு மறுப்பு தெரிவித்த உச்ச நீதிமன்றம். ராஜபக்சேவின் அப்பீல் மனுவை அடுத்த மாதம் 16ம் தேதி முதல் விசாரிப்பதாக கூறியது. பெரும்பாலான நாடுகள் ராஜபக்சே அரசை அங்கீகரிக்கவில்லை. அரசியல் குழப்பம் காரணமாக மூடிஸ், பிட்ச் போன்ற சர்வதேச தர நிர்ணய ஏஜன்சிகளிலும், இலங்கையின் மதிப்பு வீழ்ச்சியடைந்தது. இலங்கையில் ஒரு மாதத்துக்கு மேலாக நீடிக்கும் அரசியல் குழப்பத்துக்கு முடிவு கட்டும் வகையில், பிரதமர் பதவியை ராஜபக்சே நேற்று ராஜினாமா செய்தார். நாட்டின் நலன் கருதி இந்த முடிவை எடுத்ததாக இலங்கை எம்.பி லட்சுமண் யப்பா அபய்வர்தனா தெரிவித்தார். இதையடுத்து  ரணில் விக்ரமசிங்கே இன்று மீண்டும் பிரதமராக பதவி ஏற்றார். ஜனவரி 1-ம் தேதி இலங்கை நாடாளுமன்றத்தில் அவர் பட்ஜெட் தாக்கல் செய்ய உள்ளதாக தகவல் வெளியாகியுள்ளது.

இலங்கை பிரதமராக மீண்டும் பதவியேற்றார் ரணில் விக்ரமசிங்கே

கொழும்பு: இலங்கை பிரதமராக மீண்டும் ரணில் விக்ரமசிங்கே பதவியேற்றார். இலங்கையில் 51 நாட்கள் நிலவி வந்த அரசியல் குழப்பத்துக்கு தீர்வு கிடைத்துள்ளது.  ரணில் விக்ரமசிங்கேவுக்கு இலங்கை அதிபர் சிறிசேன பதவி பிரமாணம் செய்து வைத்தார்.